طيب .. أين الحق العام في اتهامات معاوية الصايم لود الباوقة؟

فضّلت أكتب بوست جديد حتى لا افسد جو الصلح في بوست هجو الأقرع

ود الباوقة كريم ود كرام جبر الخواطر و تسامى على جراحه الشخصية عفى و اصلح و أجره على الله في حقه الشخصي دي مسألة ترفع له فيها القبّعات تحية
ونسأل الله له ان يجزيه خيرا و يعوّضه على صبره
لكن معاوية ما اتهمه بأنو كذا وكذا في رقبته أو اخلاقه مثلا
لا بل اتهمه بالاستيلاء على مزرعة مواطن بالضغط عليه و استغلال ظروفه وسجنه
و تحدث عن قيامه بانشاء عمارة من خمسة طوابق في السوق المحلي و اورد رقم مبلغ مرتبه مما يوحي بان تمويل العمارة لا يتأتى لود الباوقة من خلال دخله من عمله مما يفتح بابا ظنون
وتلقيح حديث هنا وهناك عن اموال زكاة و دخولها في حسابه

الاتهامات اعلاه ونص انها قيلت لا تنفع معها الجودية و الغتغتة واعفي لي واعفي ليك
هناك اطراف متضررة بصورة مباشرة كالمواطن صاحب المزرعة أو بصورة غير مباشرة انا مثلا كمواطن صالح :) و شريك في المال العام المتهم ود الباوقة بالإستيلاء عليه
الاطراف دي ما دخلها بأعفي لي و أعفي ليك

اثارة الاتهامات في مكان عام و خروجها للعلن مثل الرصاصة لن ترجع مرة أخرى
ولا حل سوى اثباتها ومن حقنا معرفة ذلك للتعامل مع ود الباوقة على اساسها كزول حرامي
أو نفيها و يقر معاوية - تاني :) - بأن لا اساس لها من الصحة و نستمر في التعامل معه و تصنيفه كزول كذّاب يفتري على خلق الله بالباطل


___________________________

الروابط و الكابشرات, صبر لا باكر اليصحى ابو حسين :)

الاخ الكريم محمد البشرى سلام من الله ورحمة لعلك تعرف مدى احترامى و تقديرى

لك ، حتى اننى اذكر اننى قلت لك ذات اليوم من باب ان المؤمن مراة اخيه (يا ود

البشرى عليك الله متى ما رايتى اخطأت فى حق انسان هنا او غيره فقل لى اقف

حدك.)

هذه واحدة ، اما الثانية و انت سيد العارفين ان الصلح على العموم يجبر فيه

الكسور و يتعالى فيه على المرارات ، لولا التنازل و التسامى على الصغائر بل

وحتى الكبائر ، لما اتفق الناس و ما تقارب البشر.

يا اخى كان يشرفنى جدا ان تكون هذه الكلمات فى متن البوست فانت ممن شهد

لهم الناس بالخير و الانسانية .

الا ترى ان الاتفاق مهم بل و خير من التمادى فى التهاتر و المطاردة

تحياتى و معزتى التى تعرفها.

السلام عليكم ورحمة الله الاخ الكريم محمد

Quote: تصنيفه كزول كذّاب يفتري على خلق الله بالباطل

امسك في دي ومضيع زمنك

سلامات يا ود البشرى
المتضرر ايضا اولاد ود الباوقة وزوجته واهله ووالديه
اي محاولات عمل صلح مع معاوية لاي شخص اساء اليه غلط بشع في حق
العوائل التي شتمها الطوربيد هنا
احب هجو واحترمه جدا ولكن طاش سهمه هنا لانه فرط في حق اهل ود الباوقة
الطوربيد يجب ان يقر ان كل ما كتبه قطع من رأسه واكاذيب
مافي زول هنا مقطوع من شجرة.كلنا لنا اهل يتألموا من ما يكتبه الطوربيد الافاك وينشر كلامه على اوسع نطاق حتى يعفو ود الباوقة

ابوحتوت ودكتورة نجاة
انتو آناس مابتدوروا اللجر؟

نان الخرابة دا كان جا وقال كضاب وانتو ماعليكن عوجة تانى اللجر يجيكن من وين؟

سلام يا محمد
جرائم القتل بحصل فيها صلح و عفو

فما بالك بمثل هذه الخلافات الاسفيرية

Quote: الروابط و الكابشرات, صبر لا باكر اليصحى ابو حسين :)

ابوحسين ده لو ادوه كرت احمر(متعوده دايما)
حاتودي وشك وين؟

ـــــــــــــــــــــــــــــــــــــــــــــــــــــــــ
تحيات كميات كميات

دي ما خلافات دا زول بجي مع سبق الاصرار والترصد يالف قصص من راسة
في العرض والشرف والذمم ويروج لها
على انها حقائق
الخلاف ان اختلف مع زول واتحاجج معاه دون هبش عرضه او شرف او ذمته
لكن قذف اعراض وشرف وذمم دي ما معها اي صلح الا بالاقرار
عشان كدا نحنا عايزين الشريعة لانها بتجلد وتعزل الشخص من المحتمع ولا تقبل شهادته ابدا تاني