بحمد الله بوست تصافى و تعافى بين ابناء عمموتى معاوية وود الباوقة

هذه الدنيا فانية وصدق من قال خربانة ام بناين قش ، ظللت اتالم لمستوى الخلاف و المطاردة و المطاعنة بين الاخوان عمر ود الباوقة ومعاوية عبيد ود الصائم بفضل الله بعد الحديث للطرفين اكدا ان الماضى صفحة و إنطوت و لا مجال الى الرجوع اليها ، وانهما على استعداد تام لبدء صفحة جديدة تحمل الحب و التقدير و البعد عن شخصنة الامور و عدم المطاردة او المطاعنة. حقيقة ضربة البداية من اخى الاصغر معاوية الذى بصم على كل شروطى واهمها التصافى و عدم الرجوع الى الخلف و إغلاف الملف نهائى مع احترام الطرف الاخر. ثم انتقلت الى اخى عمر سبحان الله اتصلت عليه فلم يرد ، ثم رجع لى قال انه بجانب الكعبه ، قلت له قول ان طلبى تم ، فقال ابشر بالخير ، شرحت له الامر فوافق بل قال يا هجو معاوية لحمى و دمى وانا مسامح وكمان مسامح من جوار الكعبة كل من اساء لى . الحمد الله انتهى الامر وعادت الامور لمجاريها الطبيعية ، اهل ، اولاد عم ، زملاء موقع مسك الختام ارجو شاكرا ومن باب حسن الظن بالجميع ان نقول خيرا فى هذا الامر . اشكر ابناء عمى على حسن الظن باخيهم الكبير

بلاء شروط موافق العفو والعافية
شكرا شيخ هجو



ولى عودة

هيلك من زمان انت البيجك بتقضى غرضو

الحمد الله جيت فى المحرية ما قصرت اخوك

عمر فى الحرم و برجع اخر الليل.

هجو يا صفوة

سلام ... شكراً على المبادرة الجميلة دي وياها المحرية فيك
ود الباوقة على بعد نص ساعة من معاية عبيد
وكذلك معاوية على بعد نص ساعة من ود الباوقة
يلا كمل جميلك دا وخليهم يتقابلوا في الكعبة دي
ويجيبوا لينا صورة مع بعض ..... والله صحي

تحياتي

يا صفوة ابشر بالخير و سوف يكون باذن الله

تسلم يا الامين اخوى

المك هجو الاقرع
آزول على الطلاق ياها المحرية فيك
تمم جميلك و ما تخليلك اتنين متكاجنين
الدنيا دى ما فى زول بشيلا بقفاو.
و طالما الناس فى حوش واسع و سهلتو مهيلة
يطيبو النفس و يبردوا النفس.
تحياتى

Quote: لمك هجو الاقرع آزول على الطلاق ياها المحرية فيك تمم جميلك و ما تخليلك اتنين متكاجنين الدنيا دى ما فى زول بشيلا بقفاو. و طالما الناس فى حوش واسع و سهلتو مهيلة يطيبو النفس و يبردوا النفس. تحياتى

ود عمى الجميعاى يا زول انت الخير و البركة

ما قصرت تب و الله

بالرغم من إنها نهاية بايخة لـ"توم آند جيري"

لكن سعادتي بروح التسامح وقبول الآخر بل وأخذه بالأحضان ...قطعاً لا تضاهيها سعادة...

ود عمي عمر عارفو أرباب وضؤ قبيلة...

لكن كمان معاوية في حدود معرفتي بيهو...علي اليمين أرجل راجل..وأكرم راجل.

وهو بلا شك حري بكل ما هو جميل..

معاوية من النوع الممكن يتبرع بالدم لأي زول من أي جنسية..

معاوية من النوع الممكن تصل بيهو الرواشة والشتارة في الكرم والإقدام إنه ممكن يتبرع بي كلية...

معاوية ممكن يجوع أولاده عشان يرسل علاج لمحتاج...

ويقيني إن ود الباوقة لن يقل عن هذا إن لم يزد عليه ..

أرحب بلقاء السحاب هذا..

أدعمه..

أباركه..

وطالما عمر عندنا هنا...

خير البر عاجله..

من الكعبة تعال لينا بإحرامك يا شيخ عمر..

وحبابك مليون..

دا علي اليمين خبراً تذبح له الذبائح...

..

زغدرن آآآآبنات..

..

..

من الفرحة نسيت أسلم عليك آآود عمي الصفوة وكبيرنا هجو الأقرع..

تحياتي لك وللأسرة البعاد والقراب..

..

.

Quote: من الفرحة نسيت أسلم عليك آآود عمي الصفوة وكبيرنا هجو الأقرع.. تحياتي لك وللأسرة البعاد والقراب..

يا ارباب انت سلمت بكلامك الحلو الفوق ده

كلنا بخير ما قصرت.

Quote: هذه الدنيا فانية وصدق من قال خربانة ام بناين قش

شكرا ليكم الثلاثة هجو الصفوة ومعاوية وود الباوقة قطبي التوازن وعصب المكان

اقرأ لكم دوما واكيد ما بعد التصافي سيل ابداعكما يغرقنا

نحن في الانتظار وبكرة احلى

عكســـة :- ياهجو ما تشوف معاك الموج وابو حسين بالمرة كمان واقطع الكهرباء من عمود الموج فهما ايضا في القلب بمكانة


مودتي

الرحـــال

Quote: عكســـة :- ياهجو ما تشوف معاك الموج وابو حسين بالمرة كمان واقطع الكهرباء من عمود الموج فهما ايضا في القلب بمكانة

يا حبيب اشكرك على حسن الظن و الله

بس ود الموج و بوحسين دوما فى الملمات

والواجب مع بعض و احسب انها تحرشات

موقع تترك فى مكانها.

تعرف آمك انا و الله لا اعرف الاثنين رعاهما الله و لكنى اعرف صهر ود الباوقة اخوى على الكرار رجل تسبقة نسمات معطرة بعطر الجنة او يخيل الى انها
من الجنة من طيبها و عبقها المتفرد و ود الباوقة زول مهيل ة سمح بالحيل من خلال متابعتى لردوده و احتماله لغلظة كثيرين انا لا احتملها الا بقدرة من ربى جل و علا.
معاوية عبيد من خلال بوستات كتيرة كتبت عنه توحى بانه زول عديل رغم عتبى عليه فى بعض الاشياء التى نفسى التقيه شان اعضى فى راسو
لكن يبدو لى ان بين جوانحه قلب نقى .
على اى حال آزول الناس اتصافت و يا ربى ليك الحمد و الشكر.

العم هجو حياك الله اينما كنت
تسلم علي هذه المبادرة الرائعة
وربنا يجزيك خير الجزاء
والتحية عبرك للاخوان الاعزاء
ودالباوقة ومعاوية وحرم فرحة
تستاهل ليها ناقة عديييل

Quote: ودالباوقة ومعاوية وحرم فرحة تستاهل ليها ناقة عديييل

مرحب حباب ود اخوى القرشى

ما قصرت تب.

شكرا الأخ الفاضل هجو
شكرا معاوية
شكرا عمر ود الباوقة .
ودام الحب والود والتقدير والاحترام والوئام والسلام بيننا
الشفيع

يا الارباب خلينى انطلق من كلامك ده

Quote: لكن يبدو لى ان بين جوانحه قلب نقى . على اى حال آزول الناس اتصافت و يا ربى ليك الحمد و الشكر.

،

معاوية يا اخى الفاضل زى ما قلت بالضبط و تعرض

لامور كثيرة فى السودان بل ظلم ، و بما انو الموضوع انتهى

فدعنا نقلب الصفحة . ونرمى قدام ، اخوى ود الباوقة

شيخ عرب و جمل شيل.

and#64831; لا خَيْرَ فِي كَثِيرٍ مِنْ نَجْوَاهُمْ إِلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا and#64830;

يا رب قي ميزان حسناتكم جميعا اخي هجو
والعفو والصفح والتسامح هي شيم الكبار
وربنا يديم المودة

يعنى رجعوا هوتو كما ولدتهم أمهاتهم!!

شكرا شيخ هجو الأقرع

يا دكتور كمان ( هوتو ) السرور

تسلم على الطلة الحلوة

سلامات يا اخ هجو وضيوفه الكرام ..
انا لامن شفتك قلت خلاس صالحتهم كنت قايلك جبتهم عندك في الدوحة .
اصلو هناك محل حل مشاكل السودانيين .
ياخى طيب تم جميلك وصالح هبانى وعبدالوهاب الحاح وناس كتار مع واحدين تانيين .........والله شغلك دا فيهو فكرة كاريكاتير لقطة ...دا طبعا لو سمحت لينا بذلك .

Quote: ياخى طيب تم جميلك وصالح هبانى وعبدالوهاب الحاح وناس كتار مع واحدين تانيين .........والله شغلك دا فيهو فكرة كاريكاتير لقطة ...دا طبعا لو سمحت لينا بذلك .

يا عمر اخوى مسموح ليك تب واخد راحتك

على فكرة هبانى و عبدالوهاب هى مناكفة

بورد فقط ، حسب معلوماتى الناس فى التلفونات

اصحاب شديد.

هجو الاقرغ كيفك يا ابن العم والعيال
والله ما خاتنك لى مثل دى فانت اكبر من كده اتفقنا او اختلفنا
والرجال اصلاً بختلفو ويتفقو ولكن بشرف لانه من قمنا عرفنا
الراجل هو البحلحل مشاكل اخوانه مش البوقع بينهم لكن فى هذا
الزمان الاشتر اختلت الموازين يا الاقرع اخوى والله بقى باطن
الارض خير من ظاهرها الاف المرات، ياخى اى زول داير
ينبذ الحكومة ينبذها داير يشكرها هو مخير اذا ربنا قال عن
الناس فى الايمان فمن شاء ان بؤمن ومن شاء فليكفر..
اشهد الله معاوية و ود الباوقة عمرهم ما كان بينهم شى
كل اسباب الفتنة البسوس ابو حسين ده زول ما عنده اى شى
يقدمه غير يزرع الفتن بين الناس والايام ده متابعاه قرادة اسمه
عبد العزير عبد الرحيم او اياً كان اسمه، زول ليه اضنين كده
وساذج و الاتنين عاطلين موهبة,,,
كتبنا فى ذات المكان ان ود الباوقة ومعاوية ابناء عمومة واهل
جاء ابو حسين شايل ليه كوت كتبه عمر فى لحظة من لحظات الشيطان
وحايم بيه، ولانه لايعرف اى شى فى اى شى دى شغلته، متى ما احس انه
فى تقارب بين الناس وان الناس لعنو الشيطان يجى يقول لى عمر انت عشان
سكت ليه و حرك قضية ضده و سذاجة لا يتصورها عقل..
وقف ناس المديدة حرقتنى من التدخل بين الناس هو العلاج النافع ..
غايتو منبر بكرى ده بجمعك بى ناس الواحد لو فى دفار ما تقابله
ناس لا طعم لا رائحة لا لون..
هجو كتر خيرك لما صنعت من جميل،،،

Quote: لكن فى هذا الزمان الاشتر اختلت الموازين يا الاقرع اخوى والله بقى باطن الارض خير من ظاهرها الاف المرات، ياخى اى زول داير ينبذ الحكومة ينبذها داير يشكرها هو مخير اذا ربنا قال عن الناس فى الايمان فمن شاء ان بؤمن ومن شاء فليكفر..

المدعو الموج

في ثياب الواعظين !!!!!!!!!!!!!!!!


___________________________-

سلام ياشيخ هجو وجزاك الله خير وابقاك ذخرا لفعل الخيرات

صديق يا ود عمى الكبيييييييييييييييييييييييييييير تحياتى و سلامى عيال اخوك بخير

وقريبا سوف ندعوكم جميعا لزواج ابننا محمد باذن الله.

عليك الله يا صديق الصفحة دى طويت تماما و خلونا نرمى قدام.

مرحبا الحبيب ود العم عمر صديق

كيفك و عساك و الاسرة بخير.

Quote: المدعو الموج في ثياب الواعظين !!!!!!!!!!!!!!!!

المدعى عمر صديق
فى شنو!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ابن افصح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كتر خيرك ود العم هجو وياها المحرية فيك

والله ما يحدث بين الأخوين معاوية وعمر كان مزعلنا شديد وأتمني تاني ما يرجعوا ليهو

وأرجو من الأخ معاوية خاصة هو الأصغر سنا كمايبو أن يبادر بمقابلة عمر مادام قريب منو في مكة ويحلف عليهو يسوقوا البيت ويصفوا النفوس ويدفنوا كل خلافاتهم ومناكفاتهم ويفتحوا صفحة جديدة فالفانية لا تستحق كل هذا البغض والكراهية بسبب خلافات السياسة

وهم مهما إختلفوا برضو في النهاية حسب فهم السودان الجديد هوتو (:

العزيز اخي هجو
خياطة الجرح قبل تنظيفه بتعمل غرغرينا
هل ما كتبه معاوية عن المزرعة والعمارة وقروش تبرعات هجليج معلومات صحيحة
المصافية بتكون بالاقرار بالخطأ
ود الباوقة دا عنده اولاد ما عايزين زول يقوليهم ابوكم نصاب وحرامي
ولذلك عليه اولا يقر ان ما كتبه اكاذيب ويطلب العفو بعد ذلك يقبل ود الباوقة
المتهم في ذمته امام الخلق وبعد ذلك اذا عفى ود الباوقة يكون اجره على ا لله
ومثل هذه البوستات بتشجع الطور بيد الذي يقذف اعراض الناس بالباطل ويكذب في ذممهم ويلوث سمعتهم وينشر الاكاذيب عنهم
يا هجو شرعيا هذا الطوربيد المفروض يجلد 80 جلدة ولا تسمع شهادة له ابدا
ولكن عاد دا ما سودانيزاولاين
بعدين ما يكتبه الطوربيد هنا عن اعدائه المتوهمين ولا راس شوكة ما يروجه بالتلفونات
عننا نحن الاعداء رابطا اسمائنا بالفاظ يعف اللسان عن ذكرها ووكذلك ما يكتبه من قصص مختلقة
باسماء مختلفة في البوردات المجاورة

هذا الطوربيد يجب بتره تماما من هنا والناس البتجي تقوليك الطوربيد قد الابرة وكريم اخلاق
كريم الاخلاق لا يهبش الاعراض ولا يكذب ولا يروج الاكاذيب في شرف واعراض وذمم الناس
وعزيزي القارئ هذا الطوربيد كتب عن محمد البشرى فرية بشعة واعترف انه نجرها
يعني قاذف اعراض معترف بذنبه فقط لم يقام عليه الحد شرعا
الشريعة لما قالت قاذف الاعراض لا تسمع له شهادة ابدا لان امثاله ضررهم كبير جدا في المجتمع
ولكن في الاختلال الحدث في اخلاق السودانيين مثله ممكن يشكر عادي ذي الما حاصل شيئ
ود الباوقة.رب العزة المشيت زرته قد ضيعت شرعه بهذا الصلح يجب ان تطالب اولا
باقرار ان ما قيل عنك محض افتراء من اجل ان تنظف سمعتك بعدين الصلح ملحوق
مع احترامي لهجو مع حفظ حقي في الاختلاف معه

الاخت الكريمة نجاة محمود ام العروسة سلام من الله و رحمة و مبرووووووووك للمرة الالف

لبنتنا العروسة.

لعلى الان بعد هذا العمر ومن واقع تجارب كثيرة ، امل ان اكون قد وصلت الى الصواب

الذى تعلمته بل و عايشته فى هذه الفانية ان الصلح دوما اكبر من اى شىء ، و الناس تتقاتل

و يقع الدم ، وتحدث امور كثيرة ، و لكن الصراع دوما ينتهى بصلح ابيض يجب كل ما

قبله . لا شروط لا جزاءات بل دعوة للتجاوز و التصافى ، ورب الكعبة سمعت اجمل

الكلام من الطرفين ، بل انهما فى اشد الشوق فى فتح صفحة جديده .

لا اريد ان ارجع مطلقا لما حصل بين الاخوين ، و لكنى على ثقة ان العفو عند الله

ليس له ثمن بل اجر عظيم. و الصلح دوما خير. وهو ديدن الامور.

سلآمات يا هجو،
وكتّر خيّرك يا زول يا بركة.

Quote: ورب الكعبة سمعت اجمل الكلام من الطرفين ، بل انهما فى اشد الشوق فى فتح صفحة جديده .

يا هجو مسألة معاوية وعمر دي فيها أرحام. الناس الساعين لتقطيع الأرحام
ديل حا يلقوا شنو ؟؟؟ (فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الأَرْضِ وَتُقَطِّعُوا أَرْحَامَكُمْ).
(وَيَقْطَعُونَ مَا أَمَرَ اللَّهُ بِهِ أَنْ يُوصَلَ ) هذا أمر من الله بوصل الرحم، الناس ساعية لقطعها
ليّه بحُجة إنوا معاوية سبب ضرر ؟؟؟، ثمّ بغض النظر عن حجم الضرر طلما حصل
إعتذار، فبديهي الضرر يسقط، ولو البلد فيها شريعة مطبقة يشتكي ود الباوقة ويقام علي
معاوية الحد أو ود الباوقة يعفي، ولو ود الباوقة عفى يبقى خلآص الضرر سقط،
فالضرر يسقط بإقامة الحد أو العفو، وحتي لو أُقيم الحد يسري الصلح، فلآ حد من غير
صُلح، وإلا لكانت السيدة عائشة وصفوان بن المعطل متمسكين بموقفهم تجاه حسان بن ثابت
و مسطح بن أثاثة، وحتي سيدنا أبوبكر الصديق حينما إتخذ موقف ضد مسطح عاتبه الله
بقوله (ولا يأتل أولو الفضل منكم والسعة أن يؤتوا أولي القربى والمساكين والمهاجرين
في سبيل الله وليعفوا وليصفحوا ألا تحبون أن يغفر الله لكم والله غفور رحيم ).
العفو والصفح يجلبان مغفرة الله سبحانه وتعالى ورحمته. يا ناس ألآ تحبون أن يغفر الله لكم؟؟؟
لنا في حيث الإفك عبرة. لو إشتكى عمر لكان الحد أُقيم علي معاوية أو شمله عفو من
عمر، لكن الأمر تمّ علي يد الأخ هجو وهو صُلح، والصُلح خير. المطالبات الكتيرة والمُلآحاة
هذه تفتح ثغرة للشيطان. بعدين اصبروا لمان أهل ود الباوقة يشتكولكم من معاوية، بعدين
تعالوا طالبوا بحقوقهم، وأعلموا إنني أنا معاوية ود المدير أحقّ منكم جميعاً بالمطالبة
بحقوق ود الباوقة وأهله، ومعاوية وأهله.
نسأل الله لنا ولكم الهدآية...

صلة الارحام وينها ود الباوقة قال لا علاقة له
مع معاوية ولا يعرفه ولا قريبو
الصلح يتم في مجلس يقر المذنب بذنبه ويعتذر عنه
ثم يتم الصفح
دي الطريقة الصحيحة للصلح في الاسلام

لكن ساي مكاورة كدا وما نعرف هل ود الباوقة سرق قروش هجلبج وبناها عمارة
ولا استكرت زول في مزرعة دا ما صاح

إذا نفى زول علآقتو بالآخر في لحظة زعل، هل هذا يعني
إنو العلآقة خلآس إنقطعت ؟؟؟!!!
منو القال معاوية لم يقر بذنبه؟ واللآ يعني لآزم يقولآ هنا ؟؟؟
يا هجو سعيك للصلح بهذه الطريقة منانفٍ للإسلآم، فعليه يسقط
الصلح وترجع العلآقة بين ود الباوقة ومعاوية علآقة عداء وقطع
رحم حتي يرتاح من لم تعجبه المودة بين الناس.

يا هجو يا أخي أعمل مجلس وأدعوا ليهو جميع ناس حوش بكري
وزِل فيهو معاوية دا زلّة الـكـلب عشان الناس دي ترضى لأنك
العملتو دا مخالف للشرع.

نحن أولى بأهلنا منكم...

Quote: صلة الارحام وينها ود الباوقة قال لا علاقة له مع معاوية ولا يعرفه ولا قريبو الصلح يتم في مجلس يقر المذنب بذنبه ويعتذر عنه ثم يتم الصفح دي الطريقة الصحيحة للصلح في الاسلام لكن ساي مكاورة كدا وما نعرف هل ود الباوقة سرق قروش هجلبج وبناها عمارة ولا استكرت زول في مزرعة دا ما صاح

يا هجو يا اخونا
انت الأخت دي من وين؟
يعني من جعلية يا تو فجة؟
بعدين خلاص سويتوها جعلية ساي
شيوعيين و كيزان و لا كيف
علي العموم الصلح خير
و المنابيز ما في ليها لزوم
الا عندما تلزم
و الله اعلم

طه جعفر

نرفض شيطنة ابوحسين
و تحويله الي يهوذا
ابو حسين يا هو ابوحسين
زول لديح و قلبه ابيض
و احسن من اي كوز
و الله اعلم
يا صديق الموج يعني نصالحك انتا و ابو حسين و لا كيف ؟
فلتسقط الحكومة و اقصد حكومة الحرامية بتاعين الشريعة و البيوت الكبار و العربات الكتار و الاموال القارونية و التسهيلات الماليزية و المزارع الاميرية
بعد سقوط الحكومة نشوف الفيها النصيب

المهم الصلح خير

صلة الارحام وينها ود الباوقة قال لا علاقة له
مع معاوية ولا يعرفه ولا قريبو
الصلح يتم في مجلس يقر المذنب بذنبه ويعتذر عنه
ثم يتم الصفح
دي الطريقة الصحيحة للصلح في الاسلام

لكن ساي مكاورة كدا وما نعرف هل ود الباوقة سرق قروش هجلبج وبناها عمارة
ولا استكرت زول في مزرعة دا ما صاح

Quote: وهو صُلح، والصُلح خير. المطالبات الكتيرة والمُلآحاة هذه تفتح ثغرة للشيطان. بعدين اصبروا لمان أهل ود الباوقة يشتكولكم من معاوية، بعدين تعالوا طالبوا بحقوقهم، وأعلموا إنني أنا معاوية ود المدير أحقّ منكم جميعاً بالمطالبة بحقوق ود الباوقة وأهله، ومعاوية وأهله. نسأل الله لنا ولكم الهدآية...

اخى معاوية المدير وفيت و كفيت و ما قصرت ابدا

كلام يوزن بالذهب و الالماس

Quote: وأرجو من الأخ معاوية خاصة هو الأصغر سنا كمايبو أن يبادر بمقابلة عمر مادام قريب منو في مكة ويحلف عليهو يسوقوا البيت ويصفوا النفوس ويدفنوا كل خلافاتهم ومناكفاتهم ويفتحوا صفحة جديدة فالفانية لا تستحق كل هذا البغض والكراهية بسبب خلافات السياسة

شكرا يا ارباب حبيبنا ود البلال كثر الله من امثالك.

أخى هجو الأقرع ،
لم ألتقك يوما سوى عبر هذا المنبر ، ودون مقدمات ، بل ودون (إطراءات ) ورغم قلة مداخلاتى فى هذا المنبر الكبير ، إلا أنه على قلة هذه المداخلات هناك مساهمات موضوعية يستبين المتابع لها مقصد أصحابها جميلا أو غير ذلك ، وأشهد أن ما قرأته اليوم ، مسعاك الجميل والذى لا أدل علي جماله من أن تهاتف الأخ عمر الباوقه وتجده فى الحرم الشريف ! كفى ! تهاتفه من أجل تصافى أخوين شهدنا لهما معارك طاحنه فى هذا المنبر ،لكن إرادة الله غالبة واسأل الله أن يلازم الأخوان ود الصايم وود الباوقه ويلتزما بهذا التصافى ، أشهد أن ذلك المسعى تنطوى عليه جل مداخلاتك التى قرأتها .. وفقك الله وأتمنى أن ينهج الجميع هذا المنهج ...

أخوك الفاتح عبد الرحيم الرشيد ..،

محرية فيك يا العشا
وربنا يهدى النفوس

وايه الدنيا غير لمة ناس فى خير
او ساعة حزن

شكرًا أستاذ هجو ، شكرًا أستاذ معاوية و شكرًا أستاذ عمر . لكم التحية جميعًا على هذه الرّوح الطيّبة و معًا من أجل جعل الخلاف لا يتعدّى الحروف و الرأى .

حقًا لقد أعجبني هذا البوست كثيرًا و أعجبتني هذه الرّوح السّامِية .

هههههههه

والله يا ودمسلم أنت راجل شايل صلاح اجدادك وخيرهم الله يديك العافية خايتك لوم تب

أنت يا ودمسلم الزول ما قبل كدا عملها فيك

هسع يا ودمسلم ياهو دا معاوية وياهو دا أنا بنفس المنطق دا تعال صالحنا

معاوية غلطان علي ومن حقي أتشرط عشان اسامحه هو أنه يجي يعترف هنا قدام الناس عمل يقول عمل معاي شنو وضراني كيف ؟

عني بقول صح أنا شتمته وسبيته ودي ممكن اطلب منه يسامحني وطاردته بس من حقي اطارده


-------
بعدين عليك الله ودي عمك الموج البرش الزول ممكون شديد

جـمـيـل يـا أخـي هـجـو ،
يـا شـيـخ الـعــرب ،
تــســلـم دار جــعــل ،،،
مــع خــالـص الـود ،،،







عزالدين عباس الفحل
ابوظبي

شكرا هجو

كلاهما اخ وصديق عزيز
وكنت دايما على اتصال معهما وحقيقة لم اقرأ ما بينهما بشكل جادي
ربما مكاواة فقط
على كل الامر فعلا كان مزعج
والحمد لله ان انطوت الصفحة

سلام عليكم اخي الكريم هجو, اولا اشكرك على المبادرة الطيبة وإن شاء الله ربنا يبارك ليك و يزيدك في اجرها

Quote: هذه واحدة ، اما الثانية و انت سيد العارفين ان الصلح على العموم يجبر فيه الكسور و يتعالى فيه على المرارات ، لولا التنازل و التسامى على الصغائر بل وحتى الكبائر ، لما اتفق الناس و ما تقارب البشر. يا اخى كان يشرفنى جدا ان تكون هذه الكلمات فى متن البوست فانت ممن شهد لهم الناس بالخير و الانسانية . الا ترى ان الاتفاق مهم بل و خير من التمادى فى التهاتر و المطاردة

للأسف ما لحقت ارد على مداخلتك دي في البوست بتاعي اللساتكو نفّست :)
يا هجو وأنا أيضا تشرّفني الكتابة في بوست انت صاحبه
لكن في تقديري البوست دا غرضو واحد وهو زي ما جاء في العنوان التصافي و التعافي, فاي حديث خلاف كلمتي العفو لله و الرسول لا يفيد غرض البوست ولا داعي له هنا, لذا كان البوست الآخر
حديثي لم يكن عن الصلح ولكن عن الحقوق العامة و مسؤولية الكتابة و سأتناول الموضوع في بوست آخر إن شاء الله بس قول يا لطيف ما يغرز برضو :)

فيصل حبيب الله, بيان, د.بلة, عادل حمزة, وليد داوش وبتاعين الفيس بووك تحياتي و معليش ما لحقت ارد على تعليقاتكم

Quote: و سأتناول الموضوع في بوست آخر إن شاء الله بس قول يا لطيف ما يغرز برضو :)

كان كدا يا ابوحتوت نشوفك فى الربع القادم
وجهز صورة الجواز والإقامة!

يا بلة قول خير, بالسواقة الحريفة و الصاجات بعدّي إن شاء الله وما بغرّز
وكان غرّز تساعدونا بالدفرة هههههههههه

ود الباوقة لازم محل اشينت سمعتك يحدث اقرار بان كل ما كتب عنك كذب وبهت
ولا بكرة بجى واحد من اولادك يقوليك في زول قال انك حرامي والكلام ينتشر بين زملائه
ويصغر في عين الناس لما طلعت تشريعات لاشانة السمعة ما كان ساي
الناس بتاعة المطايبة دي يدها في الموية الباردة والطوربيد قاعد يفش خيباتهم في المنافي

Quote: خى هجو الأقرع ، لم ألتقك يوما سوى عبر هذا المنبر ، ودون مقدمات ، بل ودون (إطراءات ) ورغم قلة مداخلاتى فى هذا المنبر الكبير ، إلا أنه على قلة هذه المداخلات هناك مساهمات موضوعية يستبين المتابع لها مقصد أصحابها جميلا أو غير ذلك ، وأشهد أن ما قرأته اليوم ، مسعاك الجميل والذى لا أدل علي جماله من أن تهاتف الأخ عمر الباوقه وتجده فى الحرم الشريف ! كفى ! تهاتفه من أجل تصافى أخوين شهدنا لهما معارك طاحنه فى هذا المنبر ،لكن إرادة الله غالبة واسأل الله أن يلازم الأخوان ود الصايم وود الباوقه ويلتزما بهذا التصافى ، أشهد أن ذلك المسعى تنطوى عليه جل مداخلاتك التى قرأتها .. وفقك الله وأتمنى أن ينهج الجميع هذا المنهج

شـكراً يا فاتح..شـرحو

Quote: كل اسباب الفتنة البسوس ابو حسين ده زول ما عنده اى شى يقدمه غير يزرع الفتن بين الناس والايام ده متابعاه قرادة اسمه عبد العزير عبد الرحيم او اياً كان اسمه، زول ليه اضنين كده وساذج و الاتنين عاطلين موهبة,,,

Quote: كل اسباب الفتنة البسوس ابو حسين ده زول ما عنده اى شى يقدمه غير يزرع الفتن بين الناس والايام ده متابعاه قرادة اسمه عبد العزير عبد الرحيم او اياً كان اسمه، زول ليه اضنين كده وساذج و الاتنين عاطلين موهبة,,,

عني عارف يوم من الايام ما حا تنتفق ولا نتلاقى في حاجه وأنت لمن بعد يومين تموت حايكون دا حالك والحاله مايل للكبر مستحيل ينعدل

لكن أبوحسين دا مش قدم المبادرة دي

**** الأخ صديق الموج و الأخت د. نجاة دعوة من قارئ للتصافي ****

سويت ليه شنو فيها ... وسويت للناس الاتوسموا فيك الخير شنو ؟ غير جيت نفاقت ولبست البوست جلابية سكروته ولمن فهمت غلط ظهرت على حقيقتك

هسع هنا بتنافق ماياها دي كان مبادرة حلوة وطيبة مالك ما استغليتها لو نفسك بتعرف التسامح ، ولا بتعرف الغفران والتصافي والتغاضي

أنت والطوربيد ديل صنف بعيد من الحاجات دي خليكم في احقادكم تحرقكم

ودالباوقة زول طاهر نضيف بعرفها

امس ليلا اخى ود الباوقة ارسل رسالة ، قال انه من الحرم الى الشقة ووعد اليوم بمداخلة مباركة كاربة

وقال ان النت من التلفون فيهو مشكلة .

اسف ظروف طارئة حالت دون التواجد امس سوف ارد على الجميع بعد الصلاة باذن الله.

خطوة عديلة

خطوة عديلة

سلامات يا هجو.

Not So Fast

طالما ود الباوقة مؤتمر وطني لازم يكون مستهدف في البورد ده. يا معاوية عبيد. أها الصلح تم. بعد ده لازم ترجع لأنتقاد أنتماء ود الباوقة السياسي. قصة وحنك ود عمك والجعلية دي خلي بالك منها كويس.
يا هجو بالله أفرز لينا العام من الخاص. وعينك أكيد ما حتشوف إلا النور. ود الباوقة ده ح نطحنو طحن، بس كيف هو يركز.

شكرا هجو الأقرع
اين ابن الباوقة ؟

بالمناسبة 80% مما بين ودالباوقة- معاوية -ابوحسن- ود الموج مناكفة عجايز فات فيهم الفوات وتقدمت بهم السنون في البورد دا

Quote: بالمناسبة 80% مما بين ودالباوقة- معاوية -ابوحسن- ود الموج مناكفة عجايز فات فيهم الفوات وتقدمت بهم السنون في البورد دا

يا أبوحسين صحي الكلام دا



بالمناسبة يا محمد الشيخ أنت قبل كدا قلت أنه في علاقة وصداقة بين معاوية وودالباوقة سألنا ودالباوقة نفى الكلام دا وتاني جا هنا فتح بوست اكد النفي دا .؟؟؟؟ الحصل شنو ؟؟؟ الناس ديل متفقين وبدقسونا ولا شنو ؟؟؟

على العموم نرحب بي الصلح البين معاوية وود الباوقة واتمني يدوم الود بينهم

بسم الله والصلاة والسلام على اشرف خلق الله سيدنا محمد بن عبد الله

وعلى من اتبعه وولاه

ثم اما بعد .

اتصل بي اخي وصديقي هجو الاقرع ودار بيننا حديثا مطولا حول امر اخونا

معاوية عبيد ووقتها كنت لا ابعد من بيت الله سوى امتار قليلة

نسال الله ان يتقبل اعمالنا ويغفر لنا ويلحقنا بالصالحين

وحيث ان وساطة اخي في الله هجو لها مكانة خاصة في نفسي ولا يرد الكريم الا البخيل

فاني من منطلق ايماني بالله وعشمي في الاخيار من الصالحين فاني اعلن التصافي التام مع

الاخ معاوية عقوا لله والرسول ونسال الله ان يصلح احولنا

ويجنبنا نزغ الشيطان ويهدينا الى صراطه المستقيم

شكرا لكل المتداخلين


شكرا لكم جميعا

والله الموفق

اخوكم ود الباوقة..

Quote: معاوية عبيد ووقتها كنت لا ابعد من بيت الله سوى امتار قليلة

الإنقاذي الضلالي ود الباوقة.

في تلك اللحظة أيضا.

يا ترى كم كانت تبعد مسافة حبك وولائك للقتلة وللمجرمين في حكومة الخرطوم المجرمة الفاشية؟

شكراً كثيرا اخي هجو الاقرع

شكرا كثيرا معاوية الصايم

شكراً كثيرا ود الباوقه

على روح التسامح الجميله دي ....

ولا للعوده للخلف ....

ورب الكعبة يا ود عمى عمر ما قصرت و ياهه المحرية فيك

لى عودة و اسف لان لى ضيوف فى المطار.

Quote: كل اسباب الفتنة البسوس ابو حسين

يا ود الباوقة الكلام دا قالو المراهق المراهق الثمانيني
هل الكلام دا صحيح ....؟؟؟؟؟

يا ود الباوقة الكلام دا قالو المراهق المراهق الثمانيني
هل الكلام دا صحيح ....؟؟؟؟؟

..............................................................

هذا الكلام غير صحيح

والاخ ابو حسين اطلاقا لم يتدخل في ما بيني وبين معاوية سابقا

وهذا ما لزم توضيحه

الاخ/ هجو في ميزان حسناتك

ود الباوقة رجل طاهر القلب واليد واللسان

ولا نزكيه على الله

ونعيد ونكرر خلو الخلاف في السياسة
بالجنبة,,,
ابوحسين ليس فتان (البسوس ) حته واحدة ياخي حرام عليك
فمن قال ذلك فقد ظلمه وان كان يعرفه فقد بهته
المهم يا ابوحسين ما تزعل من اي زول ازعل بس
من الناس المهمين زي كده
لك التحايا

الإنقاذي الضلالي ود الباوقة.

.......................................................
اخي دينق

نسال الله ان يشرح صدرك للاسلام وان نراك مهرولا ما بين الصفا والمروة

بعد ان اكملت الطواف سبعة اشواط

اللهم امين

Quote: يا ود الباوقة الكلام دا قالو المراهق المراهق الثمانيني هل الكلام دا صحيح ....؟؟؟؟؟ .............................................................. هذا الكلام غير صحيح والاخ ابو حسين اطلاقا لم يتدخل في ما بيني وبين معاوية سابقا وهذا ما لزم توضيحه

شكراً ود الباوقة و إديك العافية ......

شكراً ود الباوقة و إديك العافية .....

..................................................

وستظل اخي ابو حسين اخا وفيا

لم نرى منك الا كل خير من خلال معرفتنا بك عن قرب

بارك الله فيك

Quote: ابوحسين ليس فتان (البسوس ) حته واحدة ياخي حرام عليك فمن قال ذلك فقد ظلمه وان كان يعرفه فقد بهته

أخونا محمود بكر سلام
شكراً لكلماتك الطيبة يا زول يا طيب

إديك العافية

تحياتي و إحترامي

Quote: لم نرى منك الا كل خير من خلال معرفتنا بك عن قرب

شهادتنا فيك مجروحه يا ABUHUSSEIN
ما شفنا منك إلا الخير.

ودالباوقه...ربنا يتقبل العمره.

مشكور أخونا "هجو" ...هذه الروح التي نتمنى أن تسود الموقع.

Quote: اخي دينق نسال الله ان يشرح صدرك للاسلام وان نراك مهرولا ما بين الصفا والمروة بعد ان اكملت الطواف سبعة اشواط اللهم امين

الإنقاذي ود الباوقة.

أنت جادي؟

ده مش ياهو نفس الاسبلام بتاع جماعتك الذين قتلو وشردو أهلي؟

أختشي يا باوقة أختشي.

Quote: ده مش ياهو نفس الاسبلام بتاع جماعتك الذين قتلو وشردو أهلي؟

اخى دينق مرحب و سلامات عساك والوالده بخيره

يا دينق ، الاسلام دين الفطرة السليمة و الحنيفية

السمحاء . ولا يلام الاسلام : إذا شطح البشر ، فياخى حقو

ما تحشر ديننا فى كل شىء.