الشيعي عايز عروس ...!!

إ تفاجأت اليوم الصباح
وأنا بفتح صفحتي على الفيس بوك
بطلب إضافة
إحدى مبادئي وقناعاتي
الا أضيف شخص لا أعرفه رجل كان أو إمرأة
الأخ داخل برسالة
العربي فيها بائس وبالعافية قدرت اجمّع
أخوك ..
من دولة إيران
شيعي ..مستقيم !
ييمم وجه شطر أهل البيت
وهذا نص الرسالة دون زيادة أونقصان
أختو الطيبة
أنا أحب السودان وشعبيتو
الزويل السوداني حامل للوعي لكن عصبي
عصبي وأنت مالك !
لحدي هنا كويسين !!
أريد الزواج
أختاري الي زوجة
وسأكون مدين اليك
الأسم : حيدر
العمر : 35 سنه
أعمل في التجارة
الرجاء تفضلي بقبول الصداقة
أنا انتظر الرد منكي
انتهت الرسالة
.......
والله ياهو الفضل
الأخ فاكرني خاطبة ولا شنو ؟!
مدخل بي ذكاء
يحسد عليه
قال أكون صديقتو وكمان اقوم بي جمع راسين في الحلال
بس ديل البعقد ليهم منو ؟
الشيعي ده ضل الطريق
قلت ليهو .... شركك ما قبض
وده كلو منك يا الفيس بوك
البتجيب لينا البلاوي
قال عاوز عروس من السودان
تلقاها عند الغافل
وبرضو عند الغافلة .

Quote: قال عاوز عروس من السودان تلقاها عند الغافل وبرضو عند الغافلة .

كويس انك فهمت ( الشرك).

عايزين بناتنا يكونن واعيات زيك حتى لا يقعن في شراك زوج المتعة.

رشا بابكر

تحية وسلام

لو سمحتي لي بنصيحة يا ريت ترجعي خيارات الخصوصية أو Privacy في البروفايل بتاع ألفيس

عشان ما يجي تاني زول طاشي زي ده

أنا شخصياً ما في زول بيقدر يضيفني إلا أديهو الايميل بتاعي

بس لكن يا رشا كيف عرفتيهو شيعي ؟

حسب الرسالة ما في كلام عن مذهبه

Quote: أخوك .. من دولة إيران شيعي ..مستقيم !

Quote: بس لكن يا رشا كيف عرفتيهو شيعي ؟ حسب الرسالة ما في كلام عن مذهبه

السلام عليكم استاذة رشا
اعتقد انو واحد - بلعب
وما أعتقد انو شيعي ..
واضح انو من الخليج وعاوز يتسافه ساااى
لأنو البتكلمو عن طباع الشعوب وعاداتهم هم الخليجييين
مصنفين السودانى انو عصبي ومثقف وووووووووو من الحاجات دى
كمان واضح انو سخيف من تصغبر زول لى - زويل .. نظام استفزاز يعني



تحياتي

وبأى لغة كتب لك هذا ( الشيعى) الرسالة ؟؟
باللغة العربية أم الفارسية

أختو الطيبة
أنا أحب السودان وشعبيتو
الزويل السوداني حامل للوعي لكن عصبي


اقطع صباع يدى الشمال الصغير لو كان الزول دة ايرانى شيعى
ايرانى ويعرف كلمة ( الزول) وهى مصطلح سودانى قح
ايرانى ويصغر كمان كلمة الزول ( زويل)
يا ما انت كريم يا رب
شاعت ثقافتنا فوصلت الى بلاد الفرس

عايزين بناتنا يكونن واعيات زيك حتى لا يقعن في شراك زوج المتعة.

العزيز زول واحد
زواج المتعة فى الفقه الجعفرى عندو شروط
يعنى ما زى ما قال الشيخ محمد سيد ( البوليس يلاقى اى بت وولد قاعدين مع بعض هم يقولو ليهو نحن متمتعين . متعتعين .. متعتعين
وكدة البوليس يخليهم ماهم اصلو متعتعين )
هذا ما ورد فى محاضراتو عن المتهم الرابع الشيعة
مشكلتنا اننا نحكم على طرف عندما نسمع من طرف مناوى له بدون نقراء فكر الطرف المتهم

احيلك الى قوقل لتقراء عن زواج المتعة فى الفقه الجعفرى شروطه واحكامه


ثم انه .. لا تنسى الوصية ايضاً بالحذر من زواج المسيار وزواج الوناسة والزواج العرفى وزواج المطيار
وزواج المسفار وزاج المصياف و و و و

وضاح عبدالرحمن جابر
سلامات

كلمة شيعي وردت خارج نص الرسالة

Quote: وهذا نص الرسالة دون زيادة أونقصان أختو الطيبة أنا أحب السودان وشعبيتو الزويل السوداني حامل للوعي لكن عصبي عصبي وأنت مالك ! لحدي هنا كويسين !! أريد الزواج أختاري الي زوجة وسأكون مدين اليك الأسم : حيدر العمر : 35 سنه أعمل في التجارة الرجاء تفضلي بقبول الصداقة أنا انتظر الرد منكي انتهت الرسالة

Quote: اعتقد انو واحد - بلعب وما أعتقد انو شيعي ..

الايرانين لا يعرفون أي شئ عن السودان

لذلك فعلاً أرجح حكاية تأليف الرسالة

كان ممكن تقول شيعي عربي

الأخت المحترمة رشا
السلام عليكم
والله عنوانك نفسه يستدعي الضحك على هؤلاء "التعبانين!!
وهل "العروس" تشكل شيئا مهما عند هؤلاء
أليس في كل ساعة قد أعطاه"الحاخامات" الإذن
الذي قالوا إنه "شرعي" ليتحصل على " عروس"
آسف "متمتعة"؟

رشا "إتّلحوها" 2 من الشيعة..كُلٌّ
يدافع عن صاحبه!!!
ياجماعة أختنا رشا العاصرها على الافتراء على الزول شنو؟؟!
زول جا صفحتا على الفيس ورمى كلامو القبيح دا
عايز ليهو سنيّة عشان يبقيّها شيعية.. ويلقى فرصتو في نشر التشيع
مش كفاية بعض وزراء الحكومة الشيعة برسّلو ليكم أميز طلبة القرآن
إلى بلاد الشرك وعبادة النيران؟ عشان يجو"آيات الله"؟..أي والله..بعد شهور حيتخرجو 200 من " آيات الله" السودانيين..كفاية م س خ رة
شوفو كلام الشيعيين الزميلين! :-

Quote: السلام عليكم استاذة رشا اعتقد انو واحد - بلعب وما أعتقد انو شيعي .. واضح انو من الخليج وعاوز يتسافه ساااى لأنو البتكلمو عن طباع الشعوب وعاداتهم هم الخليجييين مصنفين السودانى انو عصبي ومثقف وووووووووو من الحاجات دى كمان واضح انو سخيف من تصغبر زول لى - زويل .. نظام استفزاز يعني

!!!!
"واضح إنو من الخليج"..!!!لكن ماممكن يكون من إيران..كسر رقبة!!!
الحمد لله ما قلت "واضح إنو من الصحابة"!!

أها نشوف الشيعة التاني دا قال شنو:

Quote: وبأى لغة كتب لك هذا ( الشيعى) الرسالة ؟؟ باللغة العربية أم الفارسية

بلغة "التُقية"!!

كدي نرجع للوراء شوية ... ما علاقة السودان بإيران (مجتمعيا)

طيب !!!
إسم ميرغني من الأسماء المتداولة بكثرة في السودان ........ من أين أتى ؟
مع العلم هو إسم فارسي قح أليس كذلك .

الصادق الزين كتب:

Quote: كدي نرجع للوراء شوية ... ما علاقة السودان بإيران (مجتمعيا) طيب !!! إسم ميرغني من الأسماء المتداولة بكثرة في السودان ........ من أين أتى ؟ مع العلم هو إسم فارسي قح أليس كذلك .

يا دكتور ..هذا يذكّرني بمسألة كتابة التناريخ
وأنت تعلم يا د.الصادق أن كتابة التاريخ ينبغي ان تقوم على منهجية وليس مجرّد
"الحكي" كما يفهم بعض الناس عن التاريخ
لذلك لو افترضنا أن إسم"ميرغني" أصله من إيران
أو أن هناك شيعة هربو ا إلى السودان بعدما تبرّم صلاح الدين من تخريبهم لمصر وسبهم لصحابة
الرسول على أعواد المنابر كل جمعة وطردهم شر طردة وهدم الله به مُلك ما يسمى ب"المعز لدين الله الفاطمي" الذي أفسد وطغا في البلاد..إلخ
ولنفترض أنه كان لهم وجود كبير وتأثير كبير في مناطق المغرب العربي
So What?
سُنن الله سرت عليهم..أنه لايمكّن إلا للمتقين..
وإن المفسد ربما يُمتّع قليلا في الدنيا..لكن لاتمكين له
وأن أخذ الله شديد إذا أخذ القرى والحضارات المادية وهي ظالمة:
"وكذلك أخذ ربك إذا أخذ القرى وهي ظالمة إنّ أخذه أليمٌ شديد"
وبالمناسبة من ضمن أساليب الشيعة في السودان لنشر التشيع أنهم يسألون
الصوفي عن قبيلته..أنت ركابي؟..أنت من آل الميرغني؟!! أنت إسمك جعفر؟!!
وكأننا لانحترم الصحابة أو آل البيت !
بل هم أعداء البيت والصحابة لأن آل البيت تصاهروا
مع الصحابة وسموا أولادهم بأبي بكر وعمر

شكري

Quote: الأخت المحترمة رشا السلام عليكم والله عنوانك نفسه يستدعي الضحك على هؤلاء "التعبانين!! وهل "العروس" تشكل شيئا مهما عند هؤلاء أليس في كل ساعة قد أعطاه"الحاخامات" الإذن الذي قالوا إنه "شرعي" ليتحصل على " عروس" آسف "متمتعة"؟

كدي يا وضاح..ويا وليد شوفو شهادة زول شييييعي بحريني بارز- على "المتعة" في البحرين
زولكم الجا لرشا دا..لو سمع.. حيمشي البحرين.. يلقى السجم دا هناك:
هاك "التقنين" دا! :

Quote: المنامة- قال رجل الدين الشيعي البارز الشيخ صادق الجمري ان حالات الزواج المنقطع "المتعة" في البحرين في انتشار كبير، لافتا إلى أنها تصل في اليوم الواحد من 5 إلى 6 حالات سواء كانت بشكل مقنن أو غير مقنن من خلال وجود شهود أم من دونهم،and#8236; منوها ان بعضا من الشباب أخذ يتفنن في هذا الزواج بمبلغ التمتع يصل إلى سعر الـ 2 و 3 دنانير ( 7 إلى 8 دولار تقريبا) ويصل هذا الزواج إلى الساعة والنصف ساعة . ودعا الجمري بضرورة تقنين مثل هذا الزواج حفاظا على حقوق المرأة، وعدم الأخذ بأي نوع من هذا الزواج من دون وجود عقد رسمي، واصفا هذا النوع من الزواج بـ " الزنا المقنع " إذ لم يأتِ وفق شروط معينة ووفق دافع حتمي من وراء هذا الزواج الذي أحله الرسول "ص" كمرض الزوجة وعدم القدرة علة فتح بيت زوجي آخر، وليس كما يعتقد بعضهم انه وجد للشهوات والنزوات الإنسانية ويصبح عادة وإدمان لدى بعضهم .وحذر علماء دين بحرينيين شيعة من ضياع حقوق من أسموهم بـ " أبناء المتعة" في إشارة إلى زواج المتعة الذي يحله الشيعة وخصوصا إن لم يتم توثيق هذا الزواج في المحاكم، واحتمال حرمانهم ممن الجنسية وكافة حقوقهم ، وأكدوا أن زواج المتعة في البحرين بات ظاهرة منتشرة بين أوساط الشباب، وهو زواج يحتاج إلى تقنين من قبل المحاكم الجعفرية. وأشار الجمري في تصريحات نشرتها صحيفة الأيام البحرينية المعروفة بخطها الليبرالي ان هناك عددا كبيرا من أبناء المتعة ومن الشرع ان يورث ابن المتعة ويتم إصدار له كافة الأوراق الثبوتية من شهادة الميلاد والهوية والجواز في حالة الزواج بشكل رسمي من خلال وجود عقد شرعي موثق تجنبا لتهرب بعض الرجال من أبناء هذا الزواج بحجة عدم ثبوت النسب ولا يوجد عقد صحيح ولا شهود يثبتان صحة الأمر وبذلك يضيع عدد من أبناء هذا الزواج، حيث يتملص البعض من مسؤوليات هؤلاء الابنا ء . وطالب الشيخ الجمري المحاكم الجعفرية العمل على تقنين هذا الزواج المؤقت بدل ان يصبح زناً مشروعا وان يتم وفق عقد مشروع وموثق في المحكمة ومن يخالف ذلك ينزل به اشد العقاب ليكن عبرة لغيره ولا يقبل من دون الورقة الموثقة، منوها ان ترك الأمر سائبا هكذا خلق إساءة كبيرة للمذهب وللمرأة وللزواج نفسه وللأبناء في حال تواجدهم من هذا الزواج . وسرد الشيخ الجمري قصة إحدى القاصرات في المرحلة الإعدادية التي خدعت تحت مسمى زواج المتعة من احد الشباب حيث تلفظ معها بلفظ زواج المتعة " متعتك وانكحتك نفسي على مهر وقدره ............." ويرد عليها الرجل " بقبلت الأمر" ومن ثم تحل له . وقال " and#8236;وقد حملت منه وبعد ان أخبرته تخلى عنها مما جعلها تطرح جنينها في إحدى حمامات المدرسة بعد أن فضح أمرها أمام الجميع . فمثل هذه الذئاب البشرية تخدع الفتيات باسم المتعة فيقوم بذبح الفتاة من دون سكين وتتعرض لأمراض نفسية وغيرها ". كما سرد قصة إحدى الفتيات القاصرات اللاتي خدعن تحت مسمى زواج المتعة فقد تمتع بها احدهم بل وجلب معه عددا من رفاقه للتمتع بها مما جعلها في حالة هستيرية ونفسية جعلتها تحرق نفسها خشية الفضيحة لكن سرعان ما أنقذت لكن بعد ان فقدت قواها العقلية ولا تزال ترقد في الطب النفسي إلى الآن تتعالج من آثار هذا الزواج .من جانبه قال الشيخ أحمد سلمان المخوضر إلى ان أبناء المتعة شرعيون في حالة اكتمال شروط عقد المتعة ومن غير ذلك فهم أبناء شبهة لا يحق لهم الحصول على الأوراق الثبوتية كالجواز مثلا فورقة العقد هي من تنظم هذه الأمور الرسمية . ويضيف أما أبناء المتعة من دون عقد شرعي وفي حال اعتراف الأب ببنوتهم وإقرار الزوجة شرعا يجب ان يطلع القاضي على الأمر وإذا تمت صحة ذلك فإن القضاة يقومون بعمل الإجراءات اللازمة من اجل توثيق هذا الزواج شرعا وفق عقد رسمي من اجل مساعدة الأبناء للحصول على حقوقهم الكاملة في الحصول على الشهادات الرسمية وغيرها . ودعا المحكمة الجعفرية والسلطات التنفيذية اتخاذ الإجراءات الشرعية لتوثيق عقد هذا الزواج حفاظا على حقوق المرأة بدلا من الكيفية الحاصلة في وقتنا والتي لا يرضاها الشرع ولا الدين . ومن جانبها قالت المحامية فاطمة الحواج ان أبناء المتعة يحصلن على كافة الحقوق الشرعية والرسمية ويحملن اسم الأب ويرثنه في حالة وجود عقد زواج صحيح مكتمل الشروط اللازمة من شهادة الشهود وتحديد المدة ووجود المهر ، مشيرة إلى انه في حالة عدم توافر ذلك والاقتصار على التلفظ فقط فإن أبناء المتعة يعتبرون أبناء شبهة ومجهولي الأب، يعطى اسم وجنسية حسب القانون من خلال تثبيت العقد أمام القاضي وبشهادة المحكمة من خلال تقديم لائحة دعوى تثبت العلاقة بين الطرفين ويقوم القاضي بتوثيق العقد بتاريخ سابق عن تاريخ ولادة طفل المتعة ومن خلال الاستماع للشهود . "ايلاف"

الامر لا يستحق
يا فى الفيس من بلاوى

الأخوة الأكارم
اولاً لكم الشكر لتداخلكم
ولولا أن هذه الرسالة كانت مفاجأة لما انزلتها ثقوا من ذلك
استمحيكم عذراً سأرد على الجميع في صفحة واحدة نسبة لرداءة النت
,,,,,,,

الأخ : زول وحيد
شكراً للنصيحة الغالية وللثناء الطيب وبأذن الله لن يوقعني أحد في شرك
,,,,,,,
الأخ :أيمن الفاضل
الحمد لله أنا زولة كبيرة وعقلي ناضج ولا أزكي نفسي على أحد
وما أظن أنا فاضية لمثل هذه الترهات وكان ممكن أنسخ الرسالة هنا لكني مسحتها لتفاهتها وسذاجة صاحبها
,,,,,,,
الأخ : وضاح
الرجل من إيران وكاتب رقم تلفونه مفتاح الدولة والمدينة
بعدين مين قال الإيرانيين ما بعرفوا حاجة عن السودانيين الرجل ذكر بأنو زار السودان مرتين
,,,,,,
الأخ : وليد
عليك الله ما تقطع أصبعك لأنه غالي
أؤكد لك الرجل عرّف نفسه _ شيعي _ مستقيم
شيعي أعرفها بس مستقيم دي الما عرفتها !

الأخ : عماد موسى
اسواء ما يصدم في بعض المداخلات هو التشكيك في في مصداقيتك
وتأكد أخي هذه الرسالة استفزتني ولعل صاحبها يرمي لشئ في نفسه
ولا يدري بأني ملمة بمذهبهم .

الأخ : الصادق عزالدين
الرجل اسمو حيدر وليس ميرغني
للتأكيد فقط
أنا ما يهمني أنو ضل الطريق
وما بلقى عندي غرضوا

Quote: الأخ :أيمن الفاضل الحمد لله أنا زول كبيرة وعقلي ناضج ولا ازكي نفسي على أحد وما أظن أنا فاضية لمثل هذه الترهات وكان ممكن أنسخ الرسالة هنا لكني مسحتها لتفاهتها وسذاجة صاحبها

عفواً لم أقصد التقليل من شأنك
فقط حاولت أنبهك لوجود إمكانية لمنع الغرباء من الوصول إلي بروفايلك
هي نصيحة فنية وليست أخلاقية

Quote: الأخ : وضاح الرجل من إيران وكاتب رقم تلفونه مفتاح الدولة والمدينة

كدا قطعت جهيزة قول كل خطيب

Quote: اسواء ما يصدم في بعض المداخلات هو التشكيك في في مصداقيتك

عشان الناس ما تشكك يا رشا انتي ما تديهم فرصة
كدي عليكي الله ارجعي للمداخلة الأولي بتاعتك شوفي الكلام كان كيف ما مرتب

Quote: وبأى لغة كتب لك هذا ( الشيعى) الرسالة ؟؟ باللغة العربية أم الفارسية

وليد فتح الرحمن تعال ورينا زواج المتعة ده كيف وأفخاذ الرضيعة ده كيف وماحكم المتزوجة لو تمتعت وماحكم لو حملت جنين هل ينسب للزوج الاول او المتمتع




-------
التحية للاخت رشا وضيوفها

Quote: كتب عماد موسى : رشا "إتّلحوها" 2 من الشيعة..كُلٌّ يدافع عن صاحبه!!! ياجماعة أختنا رشا العاصرها على الافتراء على الزول شنو؟؟! زول جا صفحتا على الفيس ورمى كلامو القبيح دا عايز ليهو سنيّة عشان يبقيّها شيعية.. ويلقى فرصتو في نشر التشيع مش كفاية بعض وزراء الحكومة الشيعة برسّلو ليكم أميز طلبة القرآن إلى بلاد الشرك وعبادة النيران؟ عشان يجو"آيات الله"؟..أي والله..بعد شهور حيتخرجو 200 من " آيات الله" السودانيين..كفاية م س خ رة شوفو كلام الشيعيين الزميلين! :- !!!! "واضح إنو من الخليج"..!!!لكن ماممكن يكون من إيران..كسر رقبة!!! الحمد لله ما قلت "واضح إنو من الصحابة"!! أها نشوف الشيعة التاني دا قال شنو: بلغة "التُقية"!!

يا شيخ عماد ياخوى - خاف الله - وما تبهت الناس سااااى حرام عليك ياخى

جبت من وين انو انا شيعي
ولا انت بس من تشوف اسم الشيعه ده بروح ليك الدرب
انا ما شيعي ياخى .. ولا اى طائفة .. اتمنى فقط انو استحق اسم مسلم واكون قدرو


ثم !!

لعلمك ياخى .. الحرب الكلامية مدورة فى النت بين انصار الشيعه والسنه ومن اساليبها انو الشيعي ينتحل شخصية سنى عشان يسفه من السنه والعكس كمان والنت مليان بالحاجات دى
فما تستغرب يا اخى انو يحصل كلام زى ده

Quote: يا شيخ عماد ياخوى - خاف الله - وما تبهت الناس سااااى حرام عليك ياخى جبت من وين انو انا شيعي

وضاح

لمن قال اتنين شيعة أنا إتخلعت قلت الزول ده قاصدني
بس ارتحت لمن لقيتك إنت التاني
يا عماد والله لازمك إعتذار لي وضاح


كلامي ده أرجو أن لا يفهم بشكل خاطئ من الاخوة الشيعة

احترامي للجميع بدون فرز

سلامات عوافي
لكل المارين هنا

الفيس بوك صالون تجميل مجاني لكل مختل

والجاتك برسالة سامحتك يارشا


مع ودي
واحترامي

أخي : محمد ع السيد
الفيس بوك صاحب الوجهين !
وجه صبوح
أتاح لينا التواصل مع ناس طيبين واصدقاء فرقت بيننا وبينهم السنين والمسافات
زد على ذلك بحمد الله صفحاتنا زاخرة بكل طيب وجميل يسعد من يشاركنا ونسعد بمن يشاركونا
أما الوجه الأغبر الكالح
هو ما يحمل الكتير من سمات السذاجة والكلام الأجوف ووالخ
أقول للجميع :
هي رسالة بالنسبة لي شاذة من غريب خاصة وأنها لصاحب مذهب طائفي تثار بسببه الكثير من المشاكل
ولحظة قراءتها قمت بمسحها
وهي بذلك زادتني إنتباهاّ ويقظة
لك التحية أخي محمد

Quote: إ تفاجأت اليوم الصباح وأنا بفتح صفحتي على الفيس بوك بطلب إضافة

Quote: ولولا أن هذه الرسالة كانت مفاجأة لما انزلتها ثقوا من ذلك

Quote: الأخ :أيمن الفاضل الحمد لله أنا زولة كبيرة وعقلي ناضج ولا أزكي نفسي على أحد

Quote: قول للجميع : هي رسالة بالنسبة لي شاذة من غريب خاصة وأنها لصاحب مذهب طائفي تثار بسببه الكثير من المشاكل ولحظة قراءتها قمت بمسحها وهي بذلك زادتني إنتباهاّ ويقظة

الاخت رشا لك التحية ، وتقبلي رأي المخالف لكل ما ورد، لعلي اغرد هذه المرة خارج السرب
واستميحك عذراً في الاقتباسات أعلاه...
أنا اري ان الامر عادي، وليس بتلك الحساسية، وبالصفات التي نقر بأنها لرشا تماما فيما اوردته ببعض الاقتباسات
فلا خوف عليك من ان تضيفي شيعي يهودى أو نصراني، فبالقدر الذي لديك من الوعي أنا وأثق بأنك لن تخسري شيء
ولربما اضفتي له معلومة جديدة عن المرأة السودانية الواعية والمثقفة والتى تستطيع ان تحاور وترد على امثاله
فكنتى تردي على رسالته بشكره ، على اختياره لك وتعتذري له بكل ادب بأنك لن تقدمي له مثل هذه الخدمة
ولربما تعطيه درساً يصحح من مساره او يعيده الي جادة الصواب
على كل عدم ردك عليه ، ارى انه غير مناسب.
وذلك لقناعتي بأن تأثير المسلم على كل معتنقي الاديان الأخرى بالتعامل والتعايش الحقيقي،
فربما ان كياستك وفطانتك في التعامل مع هذا الشخص الغريب، يفتح له بابا، جديداً لسلوك المسلم السني
ومن يدري ربما تكون هدايته على يدك.....
عموما بقدر ثقتك في نفسك نثق نحن في عقلك ومنطقك وحتى توجيه دفة الحوار والحديث فهو أبلغ من الصمت هذه المرة.




إحترامي....
-------------------------------------------------------------------