Post: #1
Title: قاليهو ( يابوي ارجعك بيت امي و لا بيت مرتك الجديدة) !!!
Author: يحي قباني
Date: 01-15-2013, 04:56 PM
قالو واحد متزوج و اولاده كبااار و بناته متزوجات
مشي اتشالق ... وعرس ليهو بنية صغيرونه ... ( في السر ) ...
بعد اسبوعين كد عمّك جاتو ذبحة ... و دخل المستشفي ..وعناية مركزه ...
المهم ...مرق من الازمة و جابوهو غرفه خاصة ... ( كانت قروشه كتيره ) ...
طبعا ام الاولاد ما جاتو زياره لانها عرفت خبر عرسه التاني بسبب الذبحة ...
والعروس ...( الجابت ليهو الذبحة ) ... ما جات .... طبعا خايفه من الوليدات ...
المهم عمك رقد اسبوعين ... ما بتكلم مع مخلوق ... بس يعاين في السقف ...
المهم ... كتبو ليهو خروج ... وولدوا الكبير مشي وقع الاوراق ...
ورجع لابوهو وقال ليهو ...
( يابوي .. كتبوا ليك خروج ...اها ... ارجعك لي بيت أمي ... ولا لي بيت المرة الجديدة ..؟؟)
عمّك ... وبي صوت فيهو حشرجة ...
قال ليهو ...( يا ولدى ... اخير توديني لي بيت أمي انا ده ) ...
________________________________________
تاني تجي ؟؟؟
|
Post: #2
Title: Re: قاليهو ( يابوي ارجعك بيت امي و لا بيت مرتك الجديدة) !!!
Author: يحي قباني
Date: 01-15-2013, 04:57 PM
Parent: #1
واحد ( معرفتنا )... قدر ما حكيت ليهو النكته دى ... ما فهمها ...
وداير امشي يتشالق ...
اها بعد ده الا احكي ليهو حكاية الشيلوهو المعزة ...
|
Post: #3
Title: Re: قاليهو ( يابوي ارجعك بيت امي و لا بيت مرتك الجديدة) !!!
Author: هاشم أحمد خلف الله
Date: 01-15-2013, 05:21 PM
Parent: #2
Quote: واحد ( معرفتنا )... قدر ما حكيت ليهو النكته دى ... ما فهمها ...
وداير امشي يتشالق ...
اها بعد ده الا احكي ليهو حكاية الشيلوهو المعزة ... |
ود قباني ياخ حرام عليك والله مصاريني وجعتني هههههههههههههههه
عارف امبارح زوجتي قالت لي بصيغة الامر هاشم اسمع انا ماشة لفلانة ديك
ومعاي البنات لو جاتك إي مرة أوعك تفتح ليها الباب ههههههههههههه
|
Post: #4
Title: Re: قاليهو ( يابوي ارجعك بيت امي و لا بيت مرتك الجديدة) !!!
Author: وليد فتح الرحمن
Date: 01-15-2013, 06:47 PM
Parent: #3
حكاية الشيلوهو المعزة ...
الحكاية دى بتقول شنو ؟
|
Post: #5
Title: Re: قاليهو ( يابوي ارجعك بيت امي و لا بيت مرتك الجديدة) !!!
Author: يحي قباني
Date: 01-15-2013, 07:21 PM
Parent: #4
Quote: ود قباني ياخ حرام عليك والله مصاريني وجعتني هههههههههههههههه
عارف امبارح زوجتي قالت لي بصيغة الامر هاشم اسمع انا ماشة لفلانة ديك
ومعاي البنات لو جاتك إي مرة أوعك تفتح ليها الباب ههههههههههههه |
هشام خلف الله يا وريف ...
طيب الراجل داير اتهور ... نعمل معاهو شنو عليك الله ...
قايل القصة قرشين في الجيب ... قلنا ليهو ( تحسبو لعِب ) ؟؟؟
اسمعني ... طالما فيها اوامر و تحذيرات من ناس البيت ...
معناتها الطلب عليك كتير ...
اطمئـــــــن يا صديقي ...
و اوصيك ... بالقشرة كل ما تمرق ... عشان تقطع قلبها و تشفقها ...
|
Post: #6
Title: Re: قاليهو ( يابوي ارجعك بيت امي و لا بيت مرتك الجديدة) !!!
Author: يحي قباني
Date: 01-15-2013, 07:34 PM
Parent: #5
Quote: حكاية الشيلوهو المعزة ...
الحكاية دى بتقول شنو ؟ |
يا برلوم يا ( دفعه ) ...
انا مرت جيت سالت زي سؤالك ده بعد كم يوم من دخولي هنا ... قالو لي انت مولود بي سنونك ؟
والله قلبي معاكم ... انحنا نفدنا من دفعتكم دى بي اربعه شهور بس ...
اما حكاية المعزة دي ... لو ما دخلت اخر العقد الخامس او ما فوق ذلك ....
ما بديك السر عشان ما تنزعج .... وشايفك لسه single كمان ....
|
|