مصادرة الكتب الدراسية وتعطيل الدراسة لمن لم يدعم الدفاع الشعبي

نظام البشير يلجأ لتمويل قتل السودانيين بالضغط على تلاميذ المدارس : مصادرة الكتب الدراسية وتعطيل الدراسة لمن لم يدعم الدفاع الشعبي

اصدرت ادارة التعليم بمحلية الحصاحيصا امر الي كل تلاميذ مدارس ريفي محلية الحصاحيصا يفرض عليهم احضار مقدار معين من عيش الذرة للدفاع الشعبي بالمحلية وقامت ادارة بعض المدارس في المحلية بتعطيل الدراسة بعد ان أخذت حقائب الكتب من التلاميذ شريطة احضار ما طلب منهم من عيش ذرة lمن ناحية اخري استنكر اباء واولياء امور التلاميذ هذا التصرف والذي وصفوه ب (الدقنية ) والجدير بالذكر ان غالبية التلاميذ من الفقراء الذين يحتاجون لدعم بتوفير ذرة ومواد غذائية وغالبية التلاميذ لا تتوفر لديهم وجبة الافطار التي لا تقدم في مدارس ولاية الخرطوم ومن ناحية اخري درج بعض المنتسبين للدفاع الشعبي الطواف علي مدارس الاساس بمدينة الحصاحيصا وفرض علي التلاميذ احضار مواد غذائية للدفاع الشعبي

http://www.sudanyiat.net/news.php?action=showandid=20625

يعني ناس الدفاع الشعبي اتحولوا لي رباطة بعد ما انتهت الحرب في الجنوب ... مافي برنامج اعادة تأهيل ... يبقوهم مزارعين ولا اي حاجة مفيدة

Quote: يعني ناس الدفاع الشعبي اتحولوا لي رباطة بعد ما انتهت الحرب في الجنوب ... مافي برنامج اعادة تأهيل ... يبقوهم مزارعين ولا اي حاجة مفيدة

جعفر سلام غايتو بعد ده يتم اضافتهم لشرطة المرور اسهل طريقة لاستيعابهم وخاصة الموضوع ما محتاج مجهود ذهني ولا يحتاج رواتب حقك بتطلعو....
طلبة المدارس غلبانيين فكوهم يا جماعه

ناس الحصاحيصا مشروع الجزيرة وقتلو ليهم من وين اجيبو ذرة و ل قمح للدفاع الشعبي

دفاع مين ؟؟ وعن مين ؟؟ النظام اليوم يدافع عن شخصيات ومصالح معينة ؟؟ هذه الفئة الضالة من المجتمع الذين يطلقون عليهم ( الدفاع الشعبي )

منهم العاق لوالديه وغير مفيد حتى لنفسه شخوص يحبون التسلط على البشر ...........

هذه منابت الانقاذ المتعفنة ............

ياخي مسئول من الخير

الطلبة ديل ما هم أولاد مزارعية وعقاب تربالة ........

ودفعوا الزكاة والضرائب في الخلاء

Quote: منهم العاق لوالديه وغير مفيد حتى لنفسه شخوص يحبون التسلط على البشر ........... هذه منابت الانقاذ المتعفنة ............ ياخي مسئول من الخير الطلبة ديل ما هم أولاد مزارعية وعقاب تربالة ........ ودفعوا الزكاة والضرائب في الخلاء

سامي يا وجيه سلامات
الفاقد التربوي ... الفاقد السياسي مصطلحات معروفة واتجاهاتها ايضا معروفة للعمل والدور الاجتماعي
ومثلا في اخر احصائية لاتحاد المهن الموسيقيه الفنانين في الخرطوم المسجلين تعدو 3000 فنان
تصدق يا حبيب وافاد احد اعضاء اتحاد المهن الموسيقيه أن كل فنان يتقدم للتسجيل عند سؤاله عن سبب امتهان مهنة الفن يجاوب ((والله ظروف البيت صعبة وما قدرنا نكمل القراية ولو كملناها نشتغل وين))
غير لعيبة الكوره واعتقد هذه الشريحه تكابد وتكدح في سبيل العيش وهي شريحه ضررها علي نفسها في عدم تحديد اتجاهاتها لقصور الدولة ناحيتهم ولا يسببون اضرار كثيرة للغير ....
اما الشريحه الخطرة والتي سوف يكون لها تاثير سيء علي الوطن والمواطن
هؤلاء المتسلطين كما ذكرت فهم الدفاع الشعبي والشرطة الشعبية
هم رباطة وفتوات سوف يعاني منهم الشارع في الايام المقبله
وهي افرازات البرنامج الحضاري الاسلامي ..
شكرا يا الحبيب

Quote: اصدرت ادارة التعليم بمحلية الحصاحيصا امر الي كل تلاميذ مدارس ريفي محلية الحصاحيصا يفرض عليهم احضار مقدار معين من عيش الذرة للدفاع الشعبي بالمحلية وقامت ادارة بعض المدارس في المحلية بتعطيل الدراسة بعد ان أخذت حقائب الكتب من التلاميذ شريطة احضار ما طلب منهم من عيش ذرة lمن ناحية اخري استنكر اباء واولياء امور التلاميذ هذا التصرف والذي وصفوه ب (الدقنية ) والجدير بالذكر ان غالبية التلاميذ من الفقراء الذين يحتاجون لدعم بتوفير ذرة ومواد غذائية وغالبية التلاميذ لا تتوفر لديهم وجبة الافطار التي لا تقدم في مدارس ولاية الخرطوم ومن ناحية اخري درج بعض المنتسبين للدفاع الشعبي الطواف علي مدارس الاساس بمدينة الحصاحيصا وفرض علي التلاميذ احضار مواد غذائية للدفاع الشعبي

معقولة يا دسيس .
الكلام ده زى الهظار هظار.
الناس قاعده تتنادى فى الاسافير عشان توفر للطالب ده وجبة فطور فى المدرسة وما يتحرم من الدراسه عشان الجوع.
تجى المحليه السجم دى تطردهم عشان يوفروا ليها فطور المجندين بتاعين الدفاع الشعبى.
مفارقه عجيبة والله.

تحياتي يالدسيس
إذا فاليستعد مواطن ريفى الحصاحيصا لما أدهى وأمر ... ولنا في بواكير الإنقاذ ذكريات ومرارات ومآسي عندما كانوا يصادرون أي محصول يجدونه بل كانوا يجبون القرى بحثا عن الحاصيل المخزنة ... سنشهد تكرار نفس التجربة أبطالها الدبابين الأسود الأشاوس فرسان الدفاع الشعبي وبرعاية رئاسة الجمهورية وحماية ودعم المحليات وحكومة المجاهد الأعظم الزبير ... مؤسف أمر الإنقاذ ... أليس فيهم رشيد ؟
الشفيع إبراهيم

Quote: معقولة يا دسيس . الكلام ده زى الهظار هظار. الناس قاعده تتنادى فى الاسافير عشان توفر للطالب ده وجبة فطور فى المدرسة وما يتحرم من الدراسه عشان الجوع. تجى المحليه السجم دى تطردهم عشان يوفروا ليها فطور المجندين بتاعين الدفاع الشعبى. مفارقه عجيبة والله.

بدرالدين يا صديق اخبارك
تصدق الكلام بجد هؤلاء القوم أكلت الجيفة لا يهمهم شيء بعد أن افقدو البلد مصادر العيش الكريم
بدأ الخيرين مشروع افطار طالب وهم في سعيهم لمليء كروشهم بما ينهبونه
ونتمني مشروع افطار طالب لي قدام لا يجد العراقيل
شوف كلامي بكره لو ما قالو ليك فرضو ضرائب علي المحل المفتوح للمشروع.
شكرا يا الحبيب

تحياتي عباس
سبحان الله الحكومة تفرخ ونحن نربي
غايتو لينا الله بس المصيبة ياعباس
في اولياء الامور انا متاكد انو في
ناس ماقادرين يوفرو الجنية لي
فطور التلميذ دا لكن بعد حا بيجتهدو
انو يجيبو العيش للدفاع الشعبي
ثقافة انو نعترض ونقول لا للظلم
الواقع فينا ماعندنا ودي اكبر مشكله
بنشعر انو امر منزل من السماء
وربنا يصلح الحال
تسلم ياشريف

Quote: تحياتي يالدسيس إذا فاليستعد مواطن ريفى الحصاحيصا لما أدهى وأمر ... ولنا في بواكير الإنقاذ ذكريات ومرارات ومآسي عندما كانوا يصادرون أي محصول يجدونه بل كانوا يجبون القرى بحثا عن الحاصيل المخزنة ... سنشهد تكرار نفس التجربة أبطالها الدبابين الأسود الأشاوس فرسان الدفاع الشعبي وبرعاية رئاسة الجمهورية وحماية ودعم المحليات وحكومة المجاهد الأعظم الزبير ... مؤسف أمر الإنقاذ ... أليس فيهم رشيد ؟ الشفيع إبراهيم

الشفيع ابراهيم يا حبيبنا سلام وتحايا
خلاس وصلو مرحلة مص الدم
بلد فيها ضرائب وذكاة وعوائد ورسوم عبور ((رسوم عبور ما سمعنا بيها الي في السودان لي شوارع الظلط))
والخدمات اصبحت بالقروش ان صحية او تعليميه او غيره
وبعد كلو الحاصل الجماعه بدو مرحلة القلع والمقابضة والرباطية لي فئة الطلبه
هذه هي محلية الحصاحيصا السيئة.
شكرا يا الحبيب

Quote: تحياتي عباس سبحان الله الحكومة تفرخ ونحن نربي غايتو لينا الله بس المصيبة ياعباس في اولياء الامور انا متاكد انو في ناس ماقادرين يوفرو الجنية لي فطور التلميذ دا لكن بعد حا بيجتهدو انو يجيبو العيش للدفاع الشعبي ثقافة انو نعترض ونقول لا للظلم الواقع فينا ماعندنا ودي اكبر مشكله بنشعر انو امر منزل من السماء وربنا يصلح الحال تسلم ياشريف

هلا وغلا والف مراحب حبيبنا سليمان
ربنا اعدل الحال بي مشت الجماعه
والحاله بقت صعبه الناس تلد وقداما المخاطر
الاولاد كان خلاهم المرض وربنا سترهم منو
تبقي مسألة الجوع وإن قال رب الاسرة اوفر ليهم لقمة عيش عشان تمشيهم برجليهم
اترصدو ليهم ناس الدفاع الشعبي
ولو المصائب البتمر بدورة حياة الطفل طلع منها حتي اصل الثانوي
اتعرض ليهو الموت الجد الخدمة الالزاميه التي طوعها النظام لحماية مصالحه
لو فلت من الموت وبرضو عاش
ارجع للعطالة والفقر تاني
شوفتا كيف دورة الحياة للبن يادم عندنا.
تحياتي وتقدير