Post: #1 Title: ( موجة ) اجمل ما غنت البلابل يا Rawia Author: يحي قباني Date: 01-15-2013, 06:30 AM Parent: #0
راوية العباسي يا صديقة ...
شايفك في حالة طرب اليومين ديل ...
و خصوصا للبلابل ...
ما في زول يحكي ليكم
اجمل ما غنت البلابل .. ومن احلي ما كتب البديع سيف الدين الدسوقي ومن الحان بشير عباس
Post: #2 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 06:31 AM Parent: #1
كلمات كما قالت صديقتي جميلة تضرب عصب الوجع ...
مافي إنسان يحكي ليكم عن دموع الناس وحبات العرق يروي غربة زول موالف عمره لا راح لا مرق أصبح الشوق في حروفه نار على صفحة ورق ما في يا ناس قلب يسأل عن غريق شبعان غرق *** شفتو لما الليل يروح والفجر يفرد جناحه والعيون الساهرة تغمد والقلب تهدأ جراحه نحن يا دوب يومنا يبدأ ما ضروري يطل صباحه *** انحرمنا من الحبايب وعشنا في الغربة البعيدة كل موجة حزن تمضي بكره موجة تهل جديدة لا خطاب يحمل محبة لا وصية بت نريده لا أمل ينعش قلوبنا ولا خيالاتنا السعيدة
Post: #3 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 06:47 AM Parent: #2
وعندي ليك تسجيل لقطار الشوق ما حصل
بس داير ارفعه في اليو تيوب اول ...
Post: #4 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 07:15 AM Parent: #3
قطــــــار الشــــــوق
البلابــــل
و بشيـــر عبـــاس على العود
وفى حضور الراحل الفكى عبدالرحمن
كلمات الشاعر المهندس
على محجوب الشايقى
Post: #5 Title: Re: ( موجة ) اجمل ما غنت البلابل يا Rawia Author: omer osman Date: 01-15-2013, 07:39 AM Parent: #1
Quote: اجمل ما غنت البلابل .. ومن احلي ما كتب البديع سيف الدين الدسوقي ومن الحان بشير عباس
والله شغل نضيف ياقباني .. اول مرة اسمع الأغنية دي بالجد حاجة جميلة جداً ...
Post: #7 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 07:53 AM Parent: #5
جنابو عمر عثمان ...
شرفت الديار يا راجل يا بهجة ...
ياخي سيف الدسوقي مدرسة متكاملة ... والبلابل هن البلابل ...
سيف الدسوقي قال يا عمر ...
ليه بنهرب من مصيرنا ونقضى ايامنا فْ عذاب
ليه تقول لى انتهينا ونحن فى عز الشباب
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا
وفى اعتقادى انو لو سكت علي كده كانت تكفيهو طول العمر ...
Post: #9 Title: Re: ( موجة ) اجمل ما غنت البلابل يا Rawia Author: صبري طه Date: 01-15-2013, 08:03 AM Parent: #5
رجعنالك .. من أجمل ما غنّت البلابل
Post: #6 Title: Re: ( موجة ) اجمل ما غنت البلابل يا Rawia Author: عاطف عمر Date: 01-15-2013, 07:48 AM Parent: #1
سلامات يا هندسة ياخي عندي حاجات ( أثرية ) جميلة جداً في أشرطة فيديو عاوزك خطوة خطوة تقول لى أعملها على يتيوب كيف
خطوة خطوة وراعي عامل السن
تشكرات مقدماً يا حبيب
Post: #8 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 07:57 AM Parent: #6
يا دفعه ...
تلفونك في الخاص و خاطرك ما يصير إلا طيب علي قولة السعوديين ...
باكر بمواعيدنا نتكلم ...
تخريمة :
سمعت كتاب مفتوح الي حضرة الإمام ؟
Post: #10 Title: Re: ( موجة ) اجمل ما غنت البلابل يا Rawia Author: عاطف عمر Date: 01-15-2013, 08:05 AM Parent: #8
Quote: يا دفعه ...
تلفونك في الخاص و خاطرك ما يصير إلا طيب علي قولة السعوديين ...
باكر بمواعيدنا نتكلم ...
تخريمة :
سمعت كتاب مفتوح الي حضرة الإمام ؟
التلفون عندك في الخاص
الكتاب المفتوح لحضرة الإمام قلت أشوفو أمس الموقع طش هسع في الشغل ما في طريقة يبقى بعدين في البيت
تشكرات يا حبيب
Post: #11 Title: Re: ( موجة ) اجمل ما غنت البلابل يا Rawia Author: يحي قباني Date: 01-15-2013, 08:07 AM Parent: #8
صبري طه يا عريس
رجعنالك مشكلتها انو كتبها عبد الباسط سبدرات
Post: #12 Title: Re: ( موجة ) اجمل ما غنت البلابل يا Rawia Author: صبري طه Date: 01-15-2013, 08:18 AM Parent: #11
تحياتي يا يحيى ...
Quote: رجعنالك مشكلتها انو كتبها عبد الباسط سبدرات
طيب عندك أبو الطيب المتنبي كتب شعر جميل .. بل لُقّب بأمير الشعراء ...
Quote: امير الشعراء هو احمد شوقي و ليس المتنبي ... وانت عارف طبعا ...
تُشكر للتصحيح يا يحيى .. وتشابهت عليّ ألقاب الشعراء المُبدعين ...
Post: #17 Title: Re: ( موجة ) اجمل ما غنت البلابل يا Rawia Author: Raja Date: 01-15-2013, 05:50 PM Parent: #16
أهلييين قباني العزيز وضيوفك أصحاب المزاج العالي،،
أتفق معاك متين المية في رجعنالك ومشكلة كاتبها..
متااابعة اليومين دي إتوجهنا للبلابل. وراوية ما قصًرت وجابت الغنية النوبية (شكلها لاوزت من الجهاد الحاصل بي برة على أهلها الجعليين.. هههههههه).
عاطف صديقي الزمان والهسع.. بالله باصي لينا التكنولوجيا صبري العريس الجنًنو الخواجة.. عامك سعيد وعروستك.. بالله أبعدنا من المتنبئ وكل ما يتعلق بالعرب العاربة
حقاً يا عمنا يحي موجة مش اجمل ما تغنن به البلابل لا (موجة) من عيون الاغنيات السودانية و من عيون الالحان ، موجة ربنا حباها بال(التلاته المنجحات)- شاعر و ملحن و صوت- موجة أغنية فيها من الشجن و العشق و الحب قصص نسجها غريب الغزل ، موجة و لبساطة مفرداتها تسيطر عليك و تاخذك لعالمها فتشعر كانها تحملك في جوفها و انها لم تُكتب إلا لك وحدك ، هكذا تصعد بك(موجه) بين مدها وجذرها . يارايوة عمنا قباني دا و (الله العظيم تلاته) اداك النجيضة. يا عمنا قباني ياخ موجة دي اغرب حاجة انها بقدر ما بتعيشك في عالم حزنها و وحشتها بتفرحك برضو جووووه قلبك كييييييف انا ما عارف بس اظنو سبب الفرح هو التكامل بتاع الاصوات مع اللحن و خصوصا في الجزء الاخير من موجه . و الله ح اقيف من مواصلة التعليق لانو عندي كلام كتييير عايز اقولوا بس غلبني و ابى يمرق .
يا رجا كيفك ياخ؟
Post: #21 Title: Re: ( موجة ) اجمل ما غنت البلابل يا Rawia Author: محمد أبوالعزائم أبوالريش Date: 01-15-2013, 07:10 PM Parent: #20
Quote: رجعنالك مشكلتها انو كتبها عبد الباسط سبدرات
فعلاً مشكلة لا يمكن تجاوزها ...
إضافة لإنها كانت شغل ترزية ..... الناس رجعوا لبعض (البلابل وبشير عباس) .... مشوا للترزي وقالوا ليهو عايزين قصيدة مقاساتها كذا وكذا.
Quote: حقاً يا عمنا يحي موجة مش اجمل ما تغنن به البلابل لا (موجة) من عيون الاغنيات السودانية و من عيون الالحان ، موجة ربنا حباها بال(التلاته المنجحات)- شاعر و ملحن و صوت- موجة أغنية فيها من الشجن و العشق و الحب قصص نسجها غريب الغزل ، موجة و لبساطة مفرداتها تسيطر عليك و تاخذك لعالمها فتشعر كانها تحملك في جوفها و انها لم تُكتب إلا لك وحدك ، هكذا تصعد بك(موجه) بين مدها وجذرها . يارايوة عمنا قباني دا و (الله العظيم تلاته) اداك النجيضة. يا عمنا قباني ياخ موجة دي اغرب حاجة انها بقدر ما بتعيشك في عالم حزنها و وحشتها بتفرحك برضو جووووه قلبك كييييييف انا ما عارف بس اظنو سبب الفرح هو التكامل بتاع الاصوات مع اللحن و خصوصا في الجزء الاخير من موجه . و الله ح اقيف من مواصلة التعليق لانو عندي كلام كتييير عايز اقولوا بس غلبني و ابى يمرق .
سيف نابري الرجل الطروب ...
والله التلاته المنجحات ...
الغريبة يا سيف ( موجة ) الاعلام ما شغال بيها كتير ...
بس برجع و بقول الاعلام الظلم خضر بشير و سيد خليفة بتكرار اغاني محدده بس ...
ما بستغرب منه اي شي ...
بالله تعال راجع و خلينا نسبح مع ( الموجة ) دي شويتين كده ...
Quote: جاية المداخلة البعدها بي عاوز تشتهر على قفاي ياقباني وبعدين نستعدل على البوست
تعالي استعدلي يا راوية ... البوست حقك اصلا ...
وكان ما بقيتي انتي الواسطة ... يكون منو يعني ...
Post: #28 Title: Re: ( موجة ) اجمل ما غنت البلابل يا Rawia Author: Kabar Date: 01-16-2013, 11:54 AM Parent: #27
يحي..حبابك يا صديق
عارف.. مرات كده.. في ناس بتقراهم بالدس كده.. منهم... عمك.. محمد المرتضى حامد..عمك الطيب شيقوق.. عمك.. ابراهيم كوجان.. عمك.. الفاتح ميرغن..عمك يحي قباني..و عماتك..رجا العباسي... عمتك اشراقة مصطفى..و عمتك راوية العباسي... اها .. لي ديل كلهم...لسه شباب بدري من عمرك..!! اهداء خاص لي ملكة سبأ...و عبير خيري...و تـــــــوما يا خي..!!!!
سلاما في الرايعين يا اهلنا هوي..!
كبر
Post: #29 Title: Re: ( موجة ) اجمل ما غنت البلابل يا Rawia Author: عبد الدائم سيد أحمد Date: 01-16-2013, 12:30 PM Parent: #28
تحية طيبة قبانى و ضيوفه الكرام
اغنية موجة قام بشير عباس بتلحينها عام 88 م فى مدينة الابيض فى جلسة عصرية . وتغنت بها البلابل مرة واحدة من ذات العام على خشبة المسرح القومى مع سمفونية رياح الشوق ومنها كانت الهجرة . ولم يتم تسجيل الاغنيتين اذاعيا" وده السبب الرئيسى لعدم انتشارهم
يوجد لدى تسجيل كاسيت لذات الحفلة على خشبة المسرح القومى الاغنية بتبتدى بمقدمة تمهيدية بالعود ثم تدخل البلابل بمقطع:: مافى انسان يحكى ليك .... من غير تدخل الاوركسترا ....
شريط الكاسيت (((( سرقو ))) منى لؤي شمت عاوزكم تدخلو واسطة يا اما يرجعو ولا ينزل الاغنية mb3 .
ولكم التحايا العطرة
Post: #30 Title: Re: ( موجة ) اجمل ما غنت البلابل يا Rawia Author: محمد أبوالعزائم أبوالريش Date: 01-16-2013, 01:12 PM Parent: #29
صراحة الكلام .... الأغنية ما عرفتها من الإسم (موجة) لكن لما سمعت التسجيل، لقيت إني سامعها، وموجودة في مكان ما في أضابير الذاكرة.
اغنية موجة قام بشير عباس بتلحينها عام 88 م فى مدينة الابيض فى جلسة عصرية . وتغنت بها البلابل مرة واحدة من ذات العام على خشبة المسرح القومى مع سمفونية رياح الشوق ومنها كانت الهجرة . ولم يتم تسجيل الاغنيتين اذاعيا" وده السبب الرئيسى لعدم انتشارهم
يا ود قباني البلابل ديل ظاهرة ماممكن تتكرر تاني..خاصة بالنسبة لينا! وبعدين هادية دي ياخ مصيبة كبيرة جدا..عندها حنجرة..مبالغة.. مرتين حضرت ليهم حفلات في الخرطوم.. المرة الأولي مالقيت زول واحد قاعد علي الكرسي..اي زول بيرقص وفي عالم تاني.. لكن بالمناسبة فيهم أغلبية من دور العشرنات كتيرة جدا..يبدو إنهم إبتدوا فعلا يسمعوا ليهم بمزاج.. المرة التانية الحفلة كانت جميلة لكن نص الإغنيات كانت بلغة الحلفاويين..بقي ما علينا الا الإستمتاع بس بالموسيقي بدون ما نفهم الكلام..
أغنية موجة دي لسه جديدة عليا ..
لكن إنت يا يحي.. الناس الفي المسرح خلف الفرقة الموسيقية دي والحفلة شغاله بيتحاوموا كتير كده ليه؟؟ بيعملوا لخمة!
سلام ليك ود قباني وللعزيزة المابتسأل عن ظروفنا راوية..
Quote: شفتو لما الليل يروح والفجر يفرد جناحه والعيون الساهرة تغمد والقلب تهدأ جراحه نحن يا دوب يومنا يبدأ ما ضروري يطل صباحه *** انحرمنا من الحبايب وعشنا في الغربة البعيدة كل موجة حزن تمضي بكره موجة تهل جديدة لا خطاب يحمل محبة لا وصية بت نريده لا أمل ينعش قلوبنا ولا خيالاتنا السعيدة
بالله يا مني ...
سيف الدسوقي ده ...بشر كده زينا ؟؟؟
بالله الكلام العجيب ده ... ممكن يطلع من زول عادي ...
يا عمك انت في دا والا انا هسيييييييي دي بسمع في بشير عباس (صفاره و عود) في تلفزيون الخرطوم شغال(المقرن في الصباح) لاحوووووووووووولا و معاهو جدنا خميس مقدم ربنا يحفظو .
يا ود عمي سيد احمد ايوة كلامك صاح في تسجيل موجة بس في الفترة الاخيرة (بعد عودة - البلابل- الفن) البلابل غنوها في مسرح نادي الضباط(الحفله القالته اختنا منى خوجلي الما قعد فيها زول في كرسي) و تاني غنوها في لقاهم مع تلفزيون النيل الازرق .
اما كلامك دا :-
Quote: الاغنية بتبتدى بمقدمة تمهيدية بالعود ثم تدخل البلابل بمقطع:: مافى انسان يحكى ليك .... من غير تدخل الاوركسترا ....
صاااح طبعاً بس هسي برضو موجودة في يوتيوب و بذات كلامك دا .
غايتو لقاء بشير عباس دا كان فاتكم تكونوا ما محظوظين كلو كلو
يل قباني رايوة دي اهدي ليها :- انا ما اتغيرته ولا اتنكرته ليك بس بصوت عمر جعفر البت دي جدعه و تستاهل .
محبتي .
Post: #38 Title: Re: ( موجة ) اجمل ما غنت البلابل يا Rawia Author: يحي قباني Date: 01-17-2013, 05:47 AM Parent: #37
سفبان يا بديع ...
طيب دي هدية خصوصي ليك انت و ما طلعت الا للغاليين ...
تسمع و ما تدي الجمبك ...
البلابل في رائعة الكاشف ...
البتوحي الناس العيون ...
Post: #39 Title: Re: ( موجة ) اجمل ما غنت البلابل يا Rawia Author: يحي قباني Date: 01-17-2013, 05:49 AM Parent: #38
البتوحي الناس العيون ياحبايب هن أساس الريد والفتون
العيون البيض لو صفن يجرحنك ويتلاصفن
مرة نظرن لي أوقفن شالوا نومي وما أنصفن
العيون السود كاحلات في دلالهن متهاملات
يجرحنك ما سائلات يتركنك متجاهلات
العيون الفيهن نعاس هن أساس معنى الجناس
هن بثيرن في الناس حماس هن بقودوا الزول للجنون
جنني يااخي العيون ياحبايب هن أساس الريد والفتون
Post: #40 Title: Re: ( موجة ) اجمل ما غنت البلابل يا Rawia Author: الطيب شيقوق Date: 01-17-2013, 06:59 AM Parent: #20
Quote: مافي إنسان يحكي ليكم عن دموع الناس وحبات العرق يروي غربة زول موالف عمره لا راح لا مرق أصبح الشوق في حروفه نار على صفحة ورق ما في يا ناس قلب يسأل عن غريق شبعان غرق *** شفتو لما الليل يروح والفجر يفرد جناحه والعيون الساهرة تغمد والقلب تهدأ جراحه نحن يا دوب يومنا يبدأ ما ضروري يطل صباحه *** انحرمنا من الحبايب وعشنا في الغربة البعيدة كل موجة حزن تمضي بكره موجة تهل جديدة لا خطاب يحمل محبة لا وصية بت نريده لا أمل ينعش قلوبنا ولا خيالاتنا السعيدة
تسلم يا قباني ويسلم الشاعر المبدع سيف الدين الدسوقي وعبرك التحايا للاخت المبدعة راوية
ياخ نهتز ونرقص مع النغم دون التامل في كلمات الاغنية
الله ينعم بالصحة والعافية على البلابل
Post: #41 Title: Re: ( موجة ) اجمل ما غنت البلابل يا Rawia Author: الطيب شيقوق Date: 01-17-2013, 07:05 AM Parent: #20
Quote: مافي إنسان يحكي ليكم عن دموع الناس وحبات العرق يروي غربة زول موالف عمره لا راح لا مرق أصبح الشوق في حروفه نار على صفحة ورق ما في يا ناس قلب يسأل عن غريق شبعان غرق *** شفتو لما الليل يروح والفجر يفرد جناحه والعيون الساهرة تغمد والقلب تهدأ جراحه نحن يا دوب يومنا يبدأ ما ضروري يطل صباحه *** انحرمنا من الحبايب وعشنا في الغربة البعيدة كل موجة حزن تمضي بكره موجة تهل جديدة لا خطاب يحمل محبة لا وصية بت نريده لا أمل ينعش قلوبنا ولا خيالاتنا السعيدة
تسلم يا قباني ويسلم الشاعر المبدع سيف الدين الدسوقي وعبرك التحايا للاخت المبدعة راوية
ياخ نهتز ونرقص مع النغم دون التامل في كلمات الاغنية
الله ينعم بالصحة والعافية على البلابل
Post: #42 Title: Re: ( موجة ) اجمل ما غنت البلابل يا Rawia Author: يحي قباني Date: 01-18-2013, 05:36 AM Parent: #41
Quote: تسلم يا قباني ويسلم الشاعر المبدع سيف الدين الدسوقي وعبرك التحايا للاخت المبدعة راوية
ياخ نهتز ونرقص مع النغم دون التامل في كلمات الاغنية