Post: #1
Title: السودان كيف بالله...سؤال الشتات عن وطن تايه ليهو مدة...
Author: الهادي محمد ابراهيم
Date: 01-14-2013, 10:32 PM
Parent: #0
وكيف اجواب عن هوانا
لما يغلبني السؤال
لما يتأرجح منانا
بين مظنّة واحتمال..
ما بحسّك دونك انت الحقائق كالظلال
والحرف بيعرف مداه حتي
لو جف الخيال...
|
Post: #2
Title: Re: السودان كيف بالله...سؤال الشتات عن وطن تايه ليهو مدة...
Author: الهادي محمد ابراهيم
Date: 01-14-2013, 10:45 PM
Parent: #1
ناس تخوفك وتسل روحك
ضلك وراك ما بشبهك
طفلك معاك مابتعرفو
حتي طريق ما بوصلك
والذكريات ما ترصفوا
املك تهدوا وتنسفوا
ما بوصلك...
|
Post: #3
Title: Re: السودان كيف بالله...سؤال الشتات عن وطن تايه ليهو مدة...
Author: الهادي محمد ابراهيم
Date: 01-14-2013, 10:54 PM
Parent: #1
اجمل تعليق سمعتوا عن واحد اخونا مشي اجازة ورجع...
قال لينا... "والله عملنا كرامة بالدس" عشان لو سمعوا انه البيت دا فيهو لحم الا تضرب 999 .الخروف قال ليك دخلوه مكمم وراسو معصور تحت كنبة البكوسي ذي التقول معتقلنوه ناس الامن الوطني...الخروف كانت اول واخر عيطة ليهو كانت لمن مسكوه في الزربية وخلاص...
|
|