Post: #1 Title: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-14-2013, 04:14 PM
Post: #2 Title: اللهم إنا لا نسألك رد القضاء ولكن نسألك اللطف فيه Author: elhilayla Date: 01-14-2013, 05:09 PM Parent: #1
اللهم إنا لا نسألك رد القضاء ولكن نسألك اللطف فيه ____ الحليلة
Post: #3 Title: Re: اللهم إنا لا نسألك رد القضاء ولكن نسألك اللطف فيه Author: Taha Babiker Date: 01-14-2013, 05:18 PM Parent: #2
سلام,
و الله المحيرني انو الرجل يحمل لقب دكتور !!! في شنو انا ما عارف لكن غلطانين ناس البشير لما عفوه من الاعدام و الله الرجل ده يستاهل الشنق ثم القطع من خلاف ثم الرجم
طـــه بابكر
Post: #5 Title: Re: اللهم إنا لا نسألك رد القضاء ولكن نسألك اللطف فيه Author: أيمن دياب Date: 01-14-2013, 05:40 PM Parent: #3
تبرير فطير ومضحك للحد البعيد.. شاهدته في وقته.. وتحسرت على العقلية التي تحكم أهل السودان..
Post: #11 Title: Re: اللهم إنا لا نسألك رد القضاء ولكن نسألك اللطف فيه Author: Dr. Ahmed Amin Date: 01-14-2013, 07:14 PM Parent: #5
Quote: تبرير فطير ومضحك للحد البعيد.. شاهدته في وقته.. وتحسرت على العقلية التي تحكم أهل السودان..
لو كان هنالكـ نظام جيد لتمً توحيد خطاب المسئولين .. مش كل واحد يتكلم بمزاجه ويقطع من راسه
وليس ببعيد تصريحات د. ربيع عبدالعاطي التي يضحكـ منها الناس حتى اليوم (متوسط دخل الفرد)
فبالله يا مسئولين خلو النجر ده وإحترموا عقول الناس ...
شكراً أيمن دياب .. وربنا يلطف بينا بس ...
Post: #10 Title: Re: اللهم إنا لا نسألك رد القضاء ولكن نسألك اللطف فيه Author: Dr. Ahmed Amin Date: 01-14-2013, 06:15 PM Parent: #3
أخي طــه بابكــر ...
Quote: و الله المحيرني انو الرجل يحمل لقب دكتور !!!
تصدق يا طــه الدكتوراة التي يحملها في المجال الزراعي ... يعني يفترض به أن يكون عالماً بما آلت إليه الزراعة في السودان وبأن نسبة الـ 80% من السودانيين يعملون في الزراعة قد إنخفضت بمعدلات كبيرة وذلك نسبة لأن الزراعة أصبحت طاردة بعد أن أفقرت المزارع وأدخلته السجون ...
تعيش كتير تشوف كتير ...
Post: #6 Title: Re: اللهم إنا لا نسألك رد القضاء ولكن نسألك اللطف فيه Author: Dr. Ahmed Amin Date: 01-14-2013, 06:02 PM Parent: #2
Quote: اللهم إنا لا نسألك رد القضاء ولكن نسألك اللطف فيه
بالله يالحليلة شفت المحن دي ...؟ هههههههه
ويقول بأن 80% من السودانيين يعملون بالزراعة ... وأنا أساله بالله عليك يا دكتور أخبرنا أين الزراعة أو المشاريع الزراعية التي كانت تمــلأ السودان ؟
شكراً
Post: #16 Title: Re: اللهم إنا لا نسألك رد القضاء ولكن نسألك اللطف فيه Author: elhilayla Date: 01-14-2013, 09:46 PM Parent: #6
Quote: بالله يالحليلة شفت المحن دي ...؟ هههههههه
ويقول بأن 80% من السودانيين يعملون بالزراعة ... وأنا أساله بالله عليك يا دكتور أخبرنا أين الزراعة أو المشاريع الزراعية التي كانت تمــلأ السودان ؟ شكراً
يا دكتور نحن أهل الجزيرة الدمروا الجماعة ديل مشروعا! قبل سنتين وفي إحدي زياراتي للسودان قابلت صديقي مفتش زراعي في المشروع فسألته: المشروع كيف يا حسين؟ فرد علي: المشروع بقي زي مرا : أمها وأبوها ماتوا راجلا طلقها وطردا من البيت، مي عارفة تقبل علي وين!!!! برجع ليك تاني، وبيني وبينك أهلنا متحزمين ومتلزمين قالوا دايرين إشيلوا السلاح! ماقالوا يا دكتور أحمد: خلي أمك للرجال، ما تخلي حقك للرجال علي فكرة الدكتور دا قال كلام الراعي البسرح لينا بالغنم في الحلة ما يقول كلامه المبشتن دا أصلوا الإنقاذ دي البدخل فيها تعيد ليهو أميته من أول وجديد اللهم لا تمحنا ولا تبلينا! ____ الحليلة
Post: #4 Title: Re: د.الحاج آدم في أغرب تحليل إقتصادي - فقع مر ارة (فيديو) Author: أحمد قلوب Date: 01-14-2013, 05:37 PM Parent: #1
يا اخوانا انتو الزول دكتور فى شنو ؟ بعدين دى ممكن تكون نظرية جديدة فى الاقتصاد!
شر البلية ما يضحك .....
Post: #7 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Mohammed Khater Date: 01-14-2013, 06:06 PM Parent: #4
الجهل يعطيك جرئه يستحي معها العلماء ....
Post: #12 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-14-2013, 07:57 PM Parent: #4
تحياتي أخي أحمد قلوب ..
Quote: بعدين دى ممكن تكون نظرية جديدة فى الاقتصاد!
والله كل شيئ جائــز ...
والله حيــر المزيعــة عديل ... هههههههه
تقديري
Post: #8 Title: Re: د.الحاج آدم في أغرب تحليل إقتصادي - فقع مر ارة (فيديو) Author: omar altom Date: 01-14-2013, 06:09 PM Parent: #1
وجهة نظر مابطالة
Post: #9 Title: Re: د.الحاج آدم في أغرب تحليل إقتصادي - فقع مر ارة (فيديو) Author: طاهر قرشي Date: 01-14-2013, 06:12 PM Parent: #8
تقنية دفاع بالنظر بس نوتتا الموسيقية مختلفة شوية .. آآآآآآآآخ آآخ ..
Post: #13 Title: Re: د.الحاج آدم في أغرب تحليل إقتصادي - فقع مر ارة (فيديو) Author: showgi idriss Date: 01-14-2013, 08:36 PM Parent: #9
حكمة الله
في خلقو
برزق الحلق للبلا اضان
الدكترة دي شيخنا دا معلقا وين؟؟
قادر الله في ملكوتو...
يلحقنا!!!
Post: #14 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-14-2013, 09:23 PM Parent: #13
Post: #15 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-14-2013, 09:38 PM Parent: #14
بس عندي ســؤال ضغير للسيد نائب الرئيس ...
أنت قلت بأن إرتفاع اسعار المحاصيل من فائدة المزارع ...
كم هامش الربح الذي يتحصل عليه المزارع (الغلبان و الشقيان) ؟؟ بعد خصم أسعار المدخــلات والجبايات والضرائب والزكاة .. إلخ
وهل هذا الربح يتيح له علاج محترم اذا مرض وتعليم جيد لأبنائه ..
وأكل وشرب .. إلخ ...
يا راجل حرام عليكـ .. أنت عايش وين إنت ؟؟؟ 23 سنة وما شفنا تقدم ولا رفاهية .. إنت قايل الرفاهية في الأبراج الملت الخرطوم ؟؟ وفي الجسور العبرت النيل .. والكورنيش وشنو ما عارف ..
السودان زمان كانت فيه زراعة وسكة حديد وطيران وتعليم مجان وعلاج مجان وغذاء وكساء ...
ا|لآن دمرت الزراعة وراحت سودانير وغابت السكة الحديد وسودا لاين(البواخر) وأصبح العلاج الحيد الأ للمترفين .. وأصبح التعليم في الحضيض
والفسسأأأأد عمً القرى والحضــر ..
وبلدنا الكانت فووووق ,اصبحت الطيش في كل شيئ ...
لكن ليك حق قاعد في القصر الجمهوري وضارب الراحات وتمشي اي مشوار النجدة قدامك والمواتر خلفك
الله في ... يسمع ويرى ...
Post: #17 Title: Re: د.الحاج آدم في أغرب تحليل إقتصادي - فقع مر ارة (فيديو) Author: سيف النصر محي الدين Date: 01-14-2013, 10:04 PM Parent: #15
نسمع من الاقتصاديين في المنبر رأيهم شنو في النظرية الاقتصادية دي. تحياتي يا دكتور.
Post: #18 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-14-2013, 10:35 PM Parent: #17
ســلام يا دكتور سيف .. عساكم طيبين ..
Quote: نسمع من الاقتصاديين في المنبر رأيهم شنو في النظرية الاقتصادية دي.
المشكلة يا دكتور هي وين الزراعة البتكلم عنها دي ؟؟ لحد ما تغني صاحبها كمان ...
أول مره اشوف حكومة تاكل وعايشة على كد وتعب شعبها زي الحيكومة دي الله يعلم
أقعد عافيه
Post: #19 Title: Re: د.الحاج آدم في أغرب تحليل إقتصادي - فقع مر ارة (فيديو) Author: Dr. Ahmed Amin Date: 01-19-2013, 10:42 PM Parent: #18
غايتو ناس المؤتمر الوطني كلامهم بقى كتير خلاص ...
كل زول داير (يصرح) تجي يمين تجي شمال ما مهم ...
الإنسان الذي يحمل درجة علمية رفيعة يكون دائما (علمي ) في كلامه وفي تحليله ..
