Post: #1 Title: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 04:52 AM
Post: #2 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 05:00 AM Parent: #1
خيْت كيْت شِبراً.. شِبراً شارع.. شارع بَيْتاً.. بيتْ السودان الوطن الواحد والمتعدد، كم حَبّيتْ كُلُّ كنوزهم كانت تحلم تاخد مننا ودملين تحت الارض القالت ابيت شذا أزهارى وطمى انهارى فلذة كبدى أشرف وأنبل مَنْ خبيت عين المُخبِر ترمِش، ترمِش كم ضاراكَ اللـُّطف الثورى بين الناس العاديين أبسط ماتتمنى حمامة، وطِفلِ رضيع وعامل مصنع فول بالجبنة، وحبَّة زيت تلك العِمَّة، وجلَّابيتَّك، ومحضر سابق طابِق يسابق آخر طابق حقَّ الشُفعة، ورُتبْ الدُفعة ماتحسَّرتَ، ولا اتمنيت تشهد ليكْ بالدِّقة أزقَّة ماتأخَّرتَ وماأستنيتْ إخْتِفَى.. إخْتِفَى بالهنا والشِفى مبروك يامحمد مَهْدَكْ ولَحْدَكْ مابيناتُم إلا الخير فرحت.. فرحت نفس اللحظة الفيها بكيت شُفَّع كِبْرو وبِقو سُكان شمسِ بتطلع تمسك منك طرف الخيت هيت خيت كيت السودان الوطن الواحد والمتعدد كم حبيت
Post: #3 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 05:02 AM Parent: #1
خيْت كيْت شِبراً.. شِبراً شارع.. شارع بَيْتاً.. بيتْ السودان الوطن الواحد والمتعدد، كم حَبّيتْ كُلُّ كنوزهم كانت تحلم تاخد مننا ودملين تحت الارض القالت ابيت شذا أزهارى وطمى انهارى فلذة كبدى أشرف وأنبل مَنْ خبيت عين المُخبِر ترمِش، ترمِش كم ضاراكَ اللـُّطف الثورى بين الناس العاديين أبسط ماتتمنى حمامة، وطِفلِ رضيع وعامل مصنع فول بالجبنة، وحبَّة زيت تلك العِمَّة، وجلَّابيتَّك، ومحضر سابق طابِق يسابق آخر طابق حقَّ الشُفعة، ورُتبْ الدُفعة ماتحسَّرتَ، ولا اتمنيت تشهد ليكْ بالدِّقة أزقَّة ماتأخَّرتَ وماأستنيتْ إخْتِفَى.. إخْتِفَى بالهنا والشِفى مبروك يامحمد مَهْدَكْ ولَحْدَكْ مابيناتُم إلا الخير فرحت.. فرحت نفس اللحظة الفيها بكيت شُفَّع كِبْرو وبِقو سُكان شمسِ بتطلع تمسك منك طرف الخيت هيت خيت كيت السودان الوطن الواحد والمتعدد كم حبيت
Post: #4 Title: Re: فلنغني محمد ابراهيم نقد و د ملين........ فيديو..... و غنا جديد! Author: عمر ادريس محمد Date: 01-14-2013, 05:14 AM Parent: #3
شكرا يابدر الدين دا شى عجيب وسمح وزين زى روعة ود ملين والتاريخ التركوا فدايةً للجايين
Post: #5 Title: Re: فلنغني محمد ابراهيم نقد و د ملين........ فيديو..... و غنا جديد! Author: Hisham Osman Date: 01-14-2013, 05:29 AM Parent: #4
Quote: شكرا يابدر الدين دا شى عجيب وسمح وزين زى روعة ود ملين والتاريخ التركوا فدايةً للجايين
واذكر فضيلة صنع الله إذ جعلت إلـيك لا لـك عند الناس حاجات قد مات قوم وما ماتت فضائلهم وعاش قوم وهم في الناس أموات
Post: #6 Title: Re: فلنغني محمد ابراهيم نقد و د ملين........ فيديو..... و غنا جديد! Author: Badrudeen Mousa Date: 01-14-2013, 05:41 AM Parent: #1
وهل تصدق يا بدرالدين احمد موسى أننى بدرالدين أحمد موسى و من قبلك كمان .. ليه بقى .. لأنى أكبر منك سناً !! و المشكلة كل من يقابلنى يفتكر انو أنا انت .. بس من الليلة أقدر أقول لى الناس الكتيبتو شنو و الما كتبتو شنو .
تحياتى
Post: #7 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 08:15 AM Parent: #6
عمر ادريس محمد تحيات و سلام نشكر محمد ابراهيم نقد اولا و محجوب شريف و الفنان عبداللطيف على هذا الجمال شكرا ليك انت يا عمر
Post: #8 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 08:19 AM Parent: #7
دكتورنا هشام عثمان كيفك و اخبارك نعم يا صديقي "واذكر فضيلة صنع الله إذ جعلت إلـيك لا لـك عند الناس حاجات قد مات قوم وما ماتت فضائلهم وعاش قوم وهم في الناس أموات "
محمد ابراهيم نقد كعود الصندل ترك للسودانين ارثا طيبا سيبقى ما بقى من يعترفون بافضال الابطال تحياتي
Post: #9 Title: Re: فلنغني محمد ابراهيم نقد و د ملين........ فيديو..... و غنا جديد! Author: Tragie Mustafa Date: 01-14-2013, 04:07 PM Parent: #8
حليله ود ملين يا بدر الدين
لم اعرفه ولكن يكفي سيرته العطره.
وصدقني في الليلة الظلماء يفتقد البدر.
كان رئيس حزب ضم اكبر عضويه نسائيه
نحمد الله ترك لنا افضل سيره وافضل اسم فلا اشتكته يوما امراه بتحرش جنسي ولا نظره حتى ضايقت احد رفيقاته,له المجد.
استغرب صفاقة بعض الشيوعين من متابعي (المسخ عرمان )رايناهم كيف ضيعوا اكبر جهد في سودان فور ال عشان يشرحوا معنى (الشحده)!!
يمكن الله وانا اطالع مداخلاتهم يومها
قلت رحمك الله يا نقد يعلم الله ان عظامك قد تململت في قبرها!!
انتم يا بدر الدين كرجال
قد لا تعرفوا معنى فداحة القيادات المنفلته في سلوكها تجاه النساءز
لكن نحن النساء تؤلمنا جدا مثل هذه التصرفات......لذا لا نملك الا نبكي امثال محمد ابراهيم نقد بدل الدموع دم.
رحمه الله وغفر له وانار بصيرة الحيوانات المفكوكين فينا باسم السياسه,قبحهم الله وقبح كل من يدافع عنهم.
Post: #10 Title: Re: فلنغني محمد ابراهيم نقد و د ملين........ فيديو..... و غنا جديد! Author: محمد يوسف طه Date: 01-14-2013, 05:19 PM Parent: #9
السودان الوطن الواحد والمتعدد، كم حَبّيتْ.
من غير محجوب شريف يسطر هذا الشجن.
Post: #11 Title: Re: فلنغني محمد ابراهيم نقد و د ملين........ فيديو..... و غنا جديد! Author: محمد حيدر المشرف Date: 01-14-2013, 05:59 PM Parent: #10
وذاك الوطن من هذا الشجن .. شجن كتييير وحزن أكبر من الكلمات ..
محمد ابراهيم نقد !!
نقد ومحجوب شريف و ..
تمت ازالة الفيديو من اليوتيوب يا بدرالدين .. كفاية علينا محجوب الآن .. ونقد الذى .. يا ااا كم ضاراهو اللطف الثورى بين الناس العاديين ..
Post: #12 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 08:21 PM Parent: #11
بدرالدين احمد موسى
سلام و سلام و تحايا مرحب بيك جدا في سودانيز و ارجو لك تجربة ثرة و مفيدة. يا زول, ما تقول انك اكبر مني عمر لاني مشيت بروفايلك و لقيت انك سنقل single, حا تبور يا اخوي لو اصررت على ذلك ههههههه
طيب ما نتفق ياخ! ما دمت انا سبقتك في سودانيز و بسنوات الاسم بدرالدين احمد موسى يبقى حقي, و انت يا تزيد او تنقص و يكون جميل لو ربعت اسمك لاني شايفك بتوقع على مداخلاتك باسمك,او انا اوقع بتوقيع مختلف في مداخلاتي. حا تضرب عدة عصافير بذلك! مرحب بيك الهلال هل
---
Post: #13 Title: Re: فلنغني محمد ابراهيم نقد و د ملين........ فيديو..... و غنا جديد! Author: بدر الدين احمد موسى Date: 01-14-2013, 08:40 PM Parent: #12
تاجي مصطفى تحياتي لك و لأولادك
يا سلام عليك يا تراجي ياخ, كلامك و الله, زي كباية موية متلجة في نص صحراء بيوضة بعد يوم طويل من السفر! ايوة يا تراجي نقد كان اخو اخوان! اخو الاخوان يا تراجي, بعرف انه "الشحدة و قلة الادب" ليست تعدي فقط على النساء و انما ايضا على ابائهن و اخوانهن و ازواجهن. الرجال يا تراجي من شدة ما بعرفوا قلة ادب "الشحادين" بسلو سكاكينهم من اضرعتهم و بغسلوا عارها بالدم. لم اطلع على البوست الذي ذكرتيه في سودانفوراول -انا مقل في زيارتها- لكن معك اتأسف على الوقت الذي يضاع فيما لا يفيد الناس. شكرا ليك يا تراجي. و شكرا لمحمد ابراهيم نقد و لمحجوب شريف و لعبد اللطيف الفنان!
Post: #14 Title: Re: فلنغني محمد ابراهيم نقد و د ملين........ فيديو..... و غنا جديد! Author: Tragie Mustafa Date: 01-18-2013, 08:14 AM Parent: #13
شكرا اخي بدر الدين احمد موسى
وليبقى هذا البوست عاليا عول مقام (ود ملين) بذاكرة شعبه.
Quote: تراجي مصطفى تحياتي لك و لأولادك
يا سلام عليك يا تراجي ياخ, كلامك و الله, زي كباية موية متلجة في نص صحراء بيوضة بعد يوم طويل من السفر! ايوة يا تراجي نقد كان اخو اخوان! اخو الاخوان يا تراجي, بعرف انه "الشحدة و قلة الادب" ليست تعدي فقط على النساء و انما ايضا على ابائهن و اخوانهن و ازواجهن. الرجال يا تراجي من شدة ما بعرفوا قلة ادب "الشحادين" بسلو سكاكينهم من اضرعتهم و بغسلوا عارها بالدم. لم اطلع على البوست الذي ذكرتيه في سودانفوراول -انا مقل في زيارتها- لكن معك اتأسف على الوقت الذي يضاع فيما لا يفيد الناس. شكرا ليك يا تراجي. و شكرا لمحمد ابراهيم نقد و لمحجوب شريف و لعبد اللطيف الفنان!
ضروري تتتطلع على مافي ذلك لابوست لترى اسفاف بعض الشيوعين هنالك.
وكانهم ليسوا بلاميذ الرجل الفاضل ود ملين. رحمه الله وغفر له.
Post: #15 Title: Re: فلنغني محمد ابراهيم نقد و د ملين........ فيديو..... و غنا جديد! Author: Tragie Mustafa Date: 03-24-2013, 05:58 AM Parent: #14