Post: #1 Title: يا طالع القمرة جيب لي معاك باكر Author: saidahmed shami Date: 01-13-2013, 06:22 PM
باكرنا نيل كلمات:محمد الامين حبان الحان واداء : محمد النصري
الشكر للاخ حذيفه ود الشيخ
باكرنا نيل
باكر نفتش فيهو رايح زي شليل.. باكر نتبن في الضلام.. كايسنو في الليل الطويل.. *** باكرنا يا رايح تعال يا بكرة طال الإنتظار بالرغم من إنك محال نحن الجبال والإحتمال *** نرجاك منتظرين ظهورك يا شحوح قاعدين نفتش فيك زي مليم يروح نلقاك في الروح الطموح لا تلوي هاماتنا الجموح *** يا ربي باكر في القمر ولا باكر.. جوة في جوف السحابة مع المطر يا طالع القمرة جيب لي معاك باكر باكرا يصور لي لون الفيافي زهر لون الهويد والصي زي الجروف اخدر باكرا صباح الخير يطرد ليالي الشر *** لكنو رغم مرارة الأيام والأمل الضليل من جوة احساسنا الجميل باكرنا نيل.. يطفح يدفق زي سبيل باكرنا نيل.. والجزايل في الصعيد الخدرة واللون السمح باكرنا نيل.. ويغازل العصفور قنيدلات القمح باكرنا نيل.. والبرازات تاني ترجع والوجوه الطيبة تتضحك وتنطرح باكرنا نيل.. وانا وانتو من قيساب نكيل وهناك في ضو القمر شفع يكوركو لقو الشليل
Post: #2 Title: Re: يا طالع القمرة جيب لي معاك باكر Author: محمد عوض السيد Date: 01-13-2013, 11:50 PM Parent: #1
.. سلامات عوافي
برضو هنا طمبور ياشامي
Post: #3 Title: Re: يا طالع القمرة جيب لي معاك باكر Author: saidahmed shami Date: 01-14-2013, 05:01 AM Parent: #2
Quote: برضو هنا طمبور ياشامي
Post: #4 Title: Re: يا طالع القمرة جيب لي معاك باكر Author: عبد الحكم ابراهيم الحاج Date: 01-14-2013, 07:00 AM Parent: #3
