يا جماعة الرئيس دا ليهو كم سنة ما شاف الشمالية؟

مجرد سؤال؟؟ وهل شاف قلع النحل
وحجر الطير والهودى والحواتة وبربر و عنيبس ودارمالى
والحقنة وودالحبشى ود الحداد وفارس الكتاب؟
ليهو كم سنة من الأبيض ومرابيع ود اللبيح؟

غايتو اخر مره قبل اربعه سنين كان فى المكابراب ووعد اهلها
بانهم سوف ياكلوا الايسكريم قريبا
ناس ود الحبشى وود الحداد ديل ما عارف يكون وعدهم بشنو

إن دايرو يجي يشوفا... زي ما شاف الجزيرة
بكرة بجيك

(راجع الكاركتير فوق)

ما أظن شاف ود الحبشى و ود الحداد يا كمال..
و آخر مرة شاف كسلا و بورسودان متين؟
هسع هو بيعرف السلمة والقدواب؟ هل مشى ودراوة؟
الكراكتير عجيب يا عبدو!!
آخر مرة زار عطبرة متين؟

وهل زار كوستى قريب..؟ شندى القريبة دى آخر مرة شافا متين؟
خليك من السوريبة و ام روابة!!

وأبْ زَبَد دحين شافا؟

هل مشى طوكر قريب...؟

أسامة
تحياتى
مشيتوا شن معناها عندو مكارم رئاسية بقسمها على خلق اللة غير املاهم كضب شن بعملهم . ومشيتوا من عدمها واحد غير اكلف خلق اللة على العليهم بعمل ليهم شنو و تذكر زيارتو للمناقل وكلامو فيها خلانا قربنا نبطل الغربة ونرجع نمسك حواشتناوطلع كلام فارغ فى نفخة فارغة.
هسع زيارتو لى طابت سادر فى حكيهو ولا جايب خبر لهموم الناس والناس تكورك المشروع المشروع تعرف يا أسامة اهلنا جايين طابت متعشمين فيهو خير كرشهم واحبطهم احباط مافى ذيو.
ديل ناس طالبين بس موية فى الترع الحقو الشتاء البارد دا ازرعوا ليهم قمح اطلعوا ليهم شوال شوالين لقوت اولادهم .

كمال سالم المتداخل معاك فوق دا شقيق اخونا على سالم

Quote: مشيتوا شن معناها

سلام أخونا محمد أحمد،

مشيتو ما عندها معنى لكين بس اليحس شوية و يقول اللمشى أشوف الناس الحاكمن 24 سنة ديل حالن كيفنو!!

التحيات لأخونا على سالم و شقيقه كمال..

الأخ أسامة البيتي

تحياتي - الماشي ليها شنو يا زول ؟

ما كل يوم بجيه والي ولا مسئول بديه صورة أكثر من وردية عن البلد الفلاني

غايتو ربما يكون بمش حجر الطير في زيارات خصوصية خااالص !


بحيراوي

Quote: ما كل يوم بجيه والي ولا مسئول بديه صورة أكثر من وردية عن البلد الفلاني

الأخ بحيراوى.. تحياتى،

حقو يمشى بعد ما فقد الثقة فى الناس الحوله!! يمشى يشوف بى عينو!!
بعدين الزول دا أصلو ما عمل لقاء مصارحة و مكاشفة شهرى زى ما النميرى كان بيعمل!!
أحداث هامةمرت و تمر ولا يقول حاجة عنها للشعب..
مما يعنى أن الشعب ليس محل اهتمام عنده!!

قت لى كيف يا ود سعيد؟!! الله غالب!!
وغالب بتاعنا كيف و وين؟

يا ريت الرئيس يمشى يشوف مناقزا والشكابة والشكينيبة و شلعوها الخوالدة و شلعوها الجعليين!!!
لو ما بقدر يمشى ليهم كلهم اليعمل ليهم *town meeting فى الحصاحيصا!!


ويا ريت كمان يمشى يشوف الموسياب، الجباراب، الحصاية، شاع الديناب و الفريعّّ!!

ولو برضو, ما بقدر يمشى ليهم كلهم اليعمل ليهم town meeting فى الدامر!!

________________________________________
* town meeting
A town meeting is a form of direct democratic rule, used primarily in portions of the United States since the 17th century, in which most or all the members of a community come together to legislate policy and budgets for local government.

The term has more recently been expanded to cover public meetings that draw people in a geographic area to discuss issues but not vote on any legislative or administrative action. Notably, the term is commonly used by politicians in the United States to describe forums at which voters can ask questions.
(Wikipedia, the free encyclopedia)

هسع الزول دا مفكر يزور القولد و كرم النزل؟
قنتى وقندتو؟
الكاسنجر والقرير والمقل؟
الدتى و
تنقاسى السوق وتنقاسى الرويس وفتنة؟
الكربة والكاب ومبيريكة؟


ولو فى الخيال؟

يا ريت كمان يفكر يزور رفاعة، تمبول، عد الغباش، صفيتة،الهبيكة
والكريعات جميع..

كانت آخر زيارة للرئيس عمر البشير رئيس الجمهورية لمنطقة دلقو المحس في إبريل من العام 2010م وتحديدا قبل بدء الانتخابات بيومين, ومنذ ذلك التأريخ لم تشهد محليتي دلقو وحلفا زيارة أي مسؤول على مستوى الحكومة الاتحادية في الخرطوم- ناهيكم عن الرئيس- وذلك خلافا لولايات ومحليات أخرى في السودان ...ومن حقنا أن نسأل أليس الراعي مسؤول عن رعيته في محلياتنا وقرانا التي تزداد فقرا وتهميشا, وذلك في ظل زيارة المسؤولين لها مع موسم الانتخابات ولمآرب وغايات أخرى ومن باب لما انقضى الأمر لا صلى ولا صام, كانت تمنياتنا القلبية من المسؤولين وعلى رأسهم الرئيس وأركان حربه في الحكومة الاتحادية زيارة رعيتهم في محليتي دلقو وحلفا التي تكاد تشكو مأساتها لطوب الأرض وهي تعيش في ظلامها الدامس وهي على مقربة ومرمى حجر من سد مروي وحالها كحال العير في البيداء يقتلها الظَّما ... والماءُ فوق ظهورها محمولُ ...
هذه رسالتي لوجه الله تعالى لحكومة الخرطوم أن تولي اهتماما بإنسان هذه المنطقة- التي تنهب خيراتها وذهبها في أبو صارى والمناطق المجاورة مثل شركة دلقو للتعدين وإنتاج الذهب والتي لا نعرف عنها شيئا غير اسمها ودلقو بريئة منها إلي أن تتضح الرؤية تماما في أمر هذه الشركة التي يقال بأنها تنهب خيراتنا على مرأى ومسمع القاصي والداني وليت حكومة الخرطوم تعرف كيف أعز الله الإسلام بسيدنا الفارق عمر رضي الله عنه, ولله درك يا ابن الخطاب وأنت القائل (لو أن بغلة في العراق تعثَّرت لخفت أن أسأل عنها لِمَ لَمْ أسوِّ لها الطريق) والله المستعان.