السفير الاثيوبي يلقن الخارجية السودانية درسا قاسيا

نعم السفير الاثيوبي في الخرطوم الذي زار امس الاول سجن اانساء بامدرمان متفقدا سجينات بلاده في ابوة كادت ان تنعدم .. في الوقت التي فشلت فيه وزارة خارجيتنا في ان تساعد او تزور اثنين من بحارتها تم احتجازهم لسنتين في الصومال ..بل حتي عندما اطلق سراحمهما لم يجدا سفيرا او دولة في انتظارهم !!!

Quote: في الوقت التي فشلت فيه وزارة خارجيتنا في ان تساعد او تزور اثنين من بحارتها تم احتجازهم لسنتين في الصومال

العوض انت كمان ما تبالغ وتعصر علي الجماعه ديل كمان ، الصومال شنو ، نسيبنا عندة مشكله مع واحد سعودي في فلوس اشتكاة في المحكمة والمحكمة حكمت علية برد الفلوس المشكلة نسيبنا ما قدر ينفذ الحكم عشان الراجل مختفي مشي اشتكي للامير سلمان عندما كان اميرا للرياض ومشكورا وجه الامير بان تدفع امارة الرياض المبلغ كاملا لنسيبي علي ان تاخذة هي بطريقتها من المدين وحولت المعاملة للحقوق الخاصة فطلبو منه شهادة من سفارته حسب نظامهم فذهب نسيبنا للسفارة ولم يدر بخلدة انه سوف يرجع بدون الشهادة واعتبر القروش خلاص دخلت جزلانه واشهدكم يا سادة بان هذا ما حصل تماما القنصل قال لنسيبنا احنا عندنا تعليمات من البشير شخصيا انو ما نتدخل بين مشاكل المواطنيين السودانيين ونظرائهم السعوديين
تقول لي زيارة سجون
يا اخوي والله العظيم انا سفارات السودان التانية ما بعرفهىا ولكن سفارة الرياض دي بيجيبو ليها ارازل الناس ( الا من رحم ربي امثال همزة باعو وجنابو الرشيد موسي الزين وجنابو مدثر وجنابو احمد عطا المنان )

يا اخي في السفارة لو مرقت سالم بتكون اخدت ليك نهرة ولا حديرة بس

للدرجة دي يا الزبير !؟
اصلا كنت عارف تقصيرهم وانه اامواطن اخر اهتماماتهم جوة السودان او برة .. لكن يكون توجيه رئاسي بان لا يتدخلوا في نزاعات المواطنين !!! طيب لزومها شنو سفارة ما بتحل مشاكل رعاياها ؟
موقف مخزئ ومحزن ما حدث وما يتكرر حدوثه الان

ولا يزال السودانيون يتعرضون للظلم في كثير من دول العالم وخاصة الثالث دون ان يكلف اي سفير في تلك البلاد مجرد السؤال عنهم او محاولة حل مشاكلهم ...

الأخ العوض المسلمي

تحياتي - لا أعتقد أن الخارجية السودانية في أدنى إهتماماتها شئ من حقوق المواطنين السودانيين بالخارج والأمثال كثيرة وعليك فتح ملفات العمالة السودانية بأي من دول الجوار مثلاً لترى نماذج يُشيب لها الولدان يا العوض.

بحيراوي

حبيبنا بحيراوي صباحك خير
لكن عدم اهتمامهم ده حده قرررررريب وبعدين ما بتنفع يا يمة ارحميني ولا كيف ؟

أخونا العوض

تعرف وتأكيداً علي كلام بحيراوي حتى الان لا يوجد في سفاراتنا بدول المهجر ( علي الاقل التي بها كثافة عمالية) ما يسمي مسئول الشئون العمالية و تكون مهمته حل مشاكل العمال وارجع لكتابات تاج السر عن الموقوفين بسجن الدمام

خليها علي الله.

Quote: موقف مخزئ ومحزن

العوض
المحزن انا ما قلت ليك لسة
المحزن يا اخي انو نسيبي دة دخل في نوبة زهج شديدة خلاص ومرق منهاعندة فشل كلوي وضغط وهو الان معاق رجلاة لاتقويان علي حملة من كثرة فقدة للكالسيوم بسبب الغسيل جاته هشاشة عظام

انت قايل المصايب الجات للبشير دة من شوية ، دة كله دعا المظلومين ومن اكلت حقوقهم ########ت امالهم

الحبيب العوض
السلام عليكم ورحمة الله وبركاته ،،،
عندما تزور الطبيب يسعدك ويشرح صدرك اهتمامه بك وصبره على شكواك وطول باله أكثر من علاجه الذي سيصفه لك لاحقاً.
وهذا ما لحظته ذات مرة بالسفارة الهندية بالرياض.
فعلى امتداد طاولات طويلة جلس بعض أفراد الجالية الهندية يقصون مشاكلهم وآلامهم وأمامهم في الجانب المقابل موظفين يستمعون بكل صبر لهم ويدونون ملاحظاتهم في أوراقٍ أمامهم ليصفوا لهم العلاج لاحقاً.
وصدقاً وقتها عرفت الفرق بين أن تكون في مصاف الدول والمتقدمة وبين أن تبقى في مؤخرة الركب.
مودتي.

يا العوض سلام ليك ولكل الحضور

دا نوع من المروة الواحدة حقت الرجال هم فقدوها وبنعرفها ديك لو الواحد حاصلة ليهو حاجة غلط في بلد غربة لو بتكرهوا مفروض

تقيف معاه في غلطه دا عشان يمرق نظيف منو بعد داك كلوا حاجة واختلاف تتحل مرة تانية

السفارة تهدد وتم تهديد الدارسين في مصر من قبل السفارة السودانية في مصر بواسطة بعض العاملين فيها وقدام السفير ايه رايك؟ وفي حضور ناس تانين شهود

خليك من القتل البتم هناك زي فترة ميدان مصطفي محمود وغيرها والله المصريين كانوا بيسالوا انو طيب السفارة ح تعمل شنو والله حرام البيحصل دا

اتخيل,,, اثيوبيا دولة عريقة رغم ما يحدث فيها من مشاكل

سلام ياشيخ العوض ....
1993م في مطار نيروبي حصلت لينا مشكلة انا واثنين من اصدقائي حيث رفض
موظف الجوزات ادخالنا برغم حصولنا على تأشيرة دخول سليمة 100% من سفارتهم في الخرطوم
، بالصدفة قابلت الدكتور كمال شداد كان في الترانزيت ماشي الكاميرون مع اللواء ابراهيم نايل ايدام.
حكيت ليهو الموضوع طوالي قال لي تعال دخلني الــ vip وقال لي ابراهيم نايل ايدام الشباب ديل موضوعم
كذا كذا وجه سعادة السفير يتابع الموضوع ده واذا الشباب ديل ما دخلوا يعمل برقية لى الخارجية مافي
كيني يخش السودان اصلو !!!
نايل ايدام قدامي بلغ السفير الكان موجود بالكلام ده !!
الجماعة مشو بي هنا وسعادة السفير زاغ مننا بي هنا هههههههههههههه
بعد داك حلينا مشكلتنا بي 10 دولار فقط !!!!!
تاني يوم ضربت ليهم في السفارة سمعتهم ليك الكلام المفروض يتقال !!!!

سلام .........

صاحب البوست

وبقيت الزملاء

بالله عندنا سفارأت يا خي دي مجمعات ضرائب خارجية !!

يحلبوك وخدمة بابو ..............

هل النصوص الجامدة من 1997م لي يوم الليلة ؟؟

تم تفعيلها لحل مشاكل الناس في الخارج وهل لها وجود ؟؟

كدي نشوف قانون السلك الدبلوماسي والقنصلي لسنة 1997م

عملاً بأحكام المرسوم الدستوري الثالث عشر لسنة 1995م أجاز المجلس الوطني ووافق رئيس الجمهورية على القانون الآتي نصه :
اختصاصات البعثة القنصلية وسلطاتها

14- تكون للبعثة القنصلية في منطقة تمثيلها الاختصاصات والسلطات الآتية :
(3) رعاية المواطنين السودانيين وممتلكاتهم.



بالله البند هذا موجود وله قيمة ، أعرف شخصية جاءت إلى المستشفى وكلها فرح بمقدم المولود الجديد
إلى العمليات وبعدها يخرج الجنين للعالم وتظل الأم حبيسة البدروم في المشفى ويظل الزوج في حالة من الهستريا
وعدم التصرف ويظل المسلسل إلى الآن .

وين السفير والسفارة وين القسم بتاعك ؟

سلام العوض وضيوفه

هو السودانين بالداخل عندهم حقوق عشان يكون للسودانين بالخارج حقوق ؟

عشان كدا اسقاط النظام دا ضرورة ما عشان شي غير عشان الانسان السوداني وبس

السبب يا العوض انهم دبلوماسين من منازلهم
بررردلب درجة سفير، ووزير مفوض ومستشار واعلامي وووالخ
من وين يعرفوا فن التعامل اذا هم اصلا جايين بتزكية من الدفاع الشعبي او دبابين سابقين ومحسوبين متنفذين
ده غير انتمائهم وولائهم للنظام ماعندهم اي مساكة تانية
تكون امنجي قاتل ليك كم رقبة او عذبت كم نفر في بيوت الاشباح (مثل تبيدي القذر) طوالي تكافى بوظيفة دبلوماسية
مرات السفير بكون طرطور ساكت والسفارة بمشيها ممثل الامن اللي عادة مايكون بدرجة (قنصل)
ياراجل شوفنا العجب في سفاراتنا في الخارج وكله موثق لليوم الاسود
الله يقرفهم جميعا بمن نعرفهم ومن لانعرفهم

كل شئ في السودان مقلوب فالقانون غير موجود ، وان وجد فهو مختل !!

Quote: ولا يزال السودانيون يتعرضون للظلم في كثير من دول العالم وخاصة الثالث دون ان يكلف اي سفير في تلك البلاد مجرد السؤال عنهم او محاولة حل مشاكلهم ...

حسب كلام الأخ الزبير ( حكومتنا تنادي بعدم التدخل بين مشاكل المواطنيين ونظرائهم السعوديين ) بينما الملك الصالح عبد الله بن عبد العزيز يوجه سفرائه بأنهم عينوا لخدمة بلادهم ومواطنيهم في تلك الدول .

سلام آلمسلمى
فى فترة من الفترات شان تدخل السفارة السودانية فى الرياض لازم تقطع ايصال من الباب ب 3 ريالات سعودية.
الاخوة المقيمين فى السعودية هل ما زال هذا الاجراء متبعا ام استحت سفارتكم؟

Quote: فى فترة من الفترات شان تدخل السفارة السودانية فى الرياض لازم تقطع ايصال من الباب ب 3 ريالات سعودية. الاخوة المقيمين فى السعودية هل ما زال هذا الاجراء متبعا ام استحت سفارتكم؟

الأخ / الجميعابي

لا يوجد هذا الاجراء في الوقت الحالي ولا توجد ترعتي الرهد وكنانة ولا تلك الهلمجرات الكثيرة ، ولكن الملاحظ صراحة سرعة إنهاء الاجراءات ، ما عدا إستخراج الجنسية والجواز للأبناء والبنات تلك تأخذ وقتا طويلاً .

السوداني يتعرض للظلم داخل الوطن ويدفع الثمنَ كاملاً ... لا حوجة لأن تظن أنه سيحصل على حقوقه من ممثليات هذا الوطن في الخارج.

لاکرامة للانسان فى بلدى

يا الزبير يا صديق
تعالوا أعملوا حاجاتكم عندنا...

نحن عندنا سفارة...أي سفير فيها جانا صديق...شخصي لكل الناس
مافي سفير ...جانا مركب ليه بيرق...ولا أعضاء سفارته ممكن
ينهروا ليهم زول.....وينهروه لي شمو زاتو؟؟؟؟


أبداهم من صلاح كرار....

بتلقاهم عااااااادي في المقابر وفي الاعراس...

العزيز العوض / التحية لك..... الدرس الذي قدمه السفير الأثيوبي و بالمجان لا تستوعبه وزارة الخرجية السودانية و لا حتي سفرائها ..... و الامثال كثيرة كما ذكر البحيراوي و لكن إلي متي يظل هذا الوضع و هذه الصورة المقلوبة ؟
معاذ الدخري