هل يجوز التنكيت عن الوطن بما يحويه الأمر من زم على الهواء ؟

تحياتي لجميع

قد حز في نفسي وأنا أتابع برنامج على الهواء مباشرةً في إذاعة مكس أف أم التي تبث من دولة الإمارات العربية وهي إذاعة سعودية تتناول بعض فقراتها هموم وقضايا متنوعة تخص المجتمعات الخليجية والسعودية وكان برنامج هذا المساء يتحدث عن بعض التجارب الجامعية التي قابلها الطلاب مع اساتذتهم بالجامعات عموماً .
فكان المتصل سودانياً حسب ظني حينما بدأ يتحدث أنه كان عندهم بالجامعة دكتور مكسل ( حسب تعبيره ) وعند جمع كرسات الإمتحانات يبدأ هذا الدكتور بالتصحيح , وبما أن الأعداد كبيرة فإنه يلجأ لوضع كراسات الإجابات على منضدة ويحرك المروحة بدرجة معينة ( ولتأكيد الأمر قام سال مقدم البرنامج هل تعرف المروحة) ثم يعطي درجات على هواه حسبما يتطاير من الكراسات ! قائلاً التي تطير أصحابها يسقطون والتي تبقى يعطي أصحابها درجة ( أ ) وفي الختام عرف نفسة أنه يعمل في جامعة الملك عبد العزيز !
ويتضح لي مما قال به هذا الشخص أن الجامعة المعنية في هذا الحديث إحدى الجامعات التي تطبق نظام السميتر وكلنا يعلم النظام الذي كان سائداً في وضع الإمتحانات وتصحيحها وهذا لا يعني أنه لا توجد بعض السلبيات التي تصاحب كامل العملية التعليمية بالجامعات السودانية .
لكن أن تحب المشاركة في برنامج هكذا وتعمد للتنكيت على جامعات بلدك بهذه الكيفية . فهذا يعني لي زم ربما لا يرضاه الكثيرين هنا خاصةً زملاء الدراسة بالجامعات السودانية ممن سمحت لهم الظروف لنيل درجات عليا وعملوا أساتذة بعدد من الجامعات السودانية وحالياً زملاء بالمنبر .

بحيراوي

البحيراوي
حياك الله

في ناس كدة الواحد مفتكر نفسو لمن يطلع عيوب بلده للاجانب
الناس حتحترمو بل بالعكس حتحتقرو والله زولك المتصل دا أسع
تلقاهو شغال قطع أخدر من رأسو عشان بس يرضي نفسو ويقنعها
خلاص الولد أتكلم . أنا عارف مافي شيء مافيهو سلبيات في
السودان لكن الواحد أمام الغرباء بيحاول بقدر المستطاع
يتكلم عن الايجابيات والسلبيات دي يموت بيها براهو.عندي
صديق مغربي الزول دا كل مانكون قاعدين مع أوربيين ويفتحو
موضوع التعليم بيقنع ليك الحضور أنو التعليم في المغرب
أحسن من فرنسا، يتكلمو عن البنية التحتية يقول للالمان
أنت ماشفتو بنية تحتية لسع ، الناس تفتح اي موضوع بيستلم
ليك الجلسة ويخت ليك المغرب دي في المقدمة بالكضب ساي
كدة وفي ذات المرات ماشين مع بعض قلت ليهو يا محمد يأخ
زبحتنا بالكضب اصلا لو المغرب أحسن من دول أوربا في التعليم
والبنية التحتية ودخل الفرد وحقوق المراءة والطفل و... الخ
المقعداكم هنا شنو ماترجعو المغرب. ضحك و قال لي أنت مجنون أنا عارف
نحن الناس ديل مازيهم لكن شفت ليك خنزير منهم قاعد يتكلم عن
عيوب بلدو .