عادل الباهي عبدالرازق...كل سنة وانت طيب. الله يبارك فيك. نبارك ليك نجاح الاولاد يا رب
اخوى الاوبامى المعز ابو نورة شخصيا??? كل سنة و انت طيب. اوباما نزل مسخن فى الفترة التانية دى. قدامه كتير يعمله عشان يرفع راسنا. هسى عنده حرب طاحنة مع تجار الاسلحة و اصحابها. الميزانية و ما ادراك ما الميزانية. قوانيين الهجرة و اشياء اخرى كثيرة ربنا يعينه
العزيزة سمارت، عشان بكري يديك مكتبة لازم تديهو اسمك الحقيقي وأظن أن هذا هو أس المشكلة لكن سمعت تحت تحت كدا من كتابات دينق إنو فردتك فرانكلي عندو مكتبة وما كاتب اسمو الحقيقي
ومشيت بروفايلك علشان أشوف رابط مكتبتك لقيتك كاتبة عدد الأطفال أربعة وما فوق غايتو نبارك ليك الأطفال ديل والمكتبة ملحوقة لوووووووووووول
قباني، قصدي مصحح الغلطاوي. شنو يا قباني يا أخي؟ هسي بكري يشوف كلامك ده، حتي تأنيب الضمير يروح منه. مالك علي؟ هسي بدل ما تبارك لي طبليتي اللي فرشتا فيها بوستاتي دي، قعدتا تصحح لي!!!
ان شاء الله -يا قباني يا ابن ام قباني - بكري يكون عندو مزاج يكاويك.
Quote: وكل مكتبة و انتي طيبة انشالله
لكن كلو كوم و ( انشالله) بتاعتك دي كوم برااااها. أغلط في ( هظار) و في ( ود البشري) و كل الحجات دي. لكن ( ان شاء الله) دي ما قاعده أغلط فيها. دي بالغتا فيها. هسي أحسن ليك تحصل تمسح كل أجزاء مداخلاتك اللي فيها بتصحح لي. و انا أوعدك امسح الجزء ده. سمعتك في المحك يا مستر قباني. :)
الحكيم بلير، كل سنة و انت طيب. ده ما أمر الحكيم، ده عدم الموضوع.
مستر قباني. مع أني مربية في السودان الحبيب. و أهلي سودانييييين. لكن أبوي - عليه رحمة الله- كان جادي في موضوع ان شاء الله. وعلمنا أي شيء نقول ان شاء الله قبل ما نوعد بيه او نتمناه حتي. المشكلة ان اغلب الناس ذيك كده، ان شاء الله تقال للاختصار. و لأني بقولها كتير بيبقي شكلي مستهبلة. شكرًا علي الدعوة، و ان شاء الله بكري يكون قارش ملحتك عديل كده. :) ----------------- و ذي ما قالت الست فيروز: الله يخلي الولاد( الأولاد).
Post: #23 Title: Re: مبروك.....مكتبة smart_ana2001 اسمارت برعي اسمارت Author: Deng Date: 01-12-2013, 07:17 AM Parent: #20
يا برعي.
والله شغلك ده سكن عشوائي عديل كده.
زمان قلت لك أدفعي لي اللي فيهو النصيب لكنك رفضتي.
ياها دي النتيجة هسع فتحتي لك مكتبة في حي ردمونا العشوائي.
Post: #34 Title: Re: مبروك.....مكتبة smart_ana2001 اسمارت برعي اسمارت Author: mustafa bashar Date: 01-12-2013, 11:28 AM Parent: #20
ياحبيب ... .... ورينا المكتبة دي بعملوها كيف.. انا زاتي من زمان داير اعمل مكتبه وماعارف.. ... ... تاريها المكتبة بدوها بالإذن.. نقول مبروك .. مصطفى بشار
Post: #22 Title: Re: مبروك.....مكتبة smart_ana2001 اسمارت برعي اسمارت Author: محمد الأمين موسى Date: 01-12-2013, 07:08 AM Parent: #19
المكتبة لا تمنح وإنما تنتزع انتزاعا. يبدأ مشوار النضال بالفرش أمام المساجد، ثم القيام بدور الدلالية، ثم الأكشاك... وصولا إلى مرحلة المورّد! سيري وآيفونك ولا تبالي
Quote: مع انو شايف انو كورتك فكت يا سمارت وبقيتي تصرجيها واقفة بعد ما مشيتي السودان..
Post: #28 Title: Re: مبروك.....مكتبة smart_ana2001 اسمارت برعي اسمارت Author: محمد حيدر المشرف Date: 01-12-2013, 08:05 AM Parent: #26
بكرى ابوبكر ده شكلو اتعاقد مع بعضنا بعضوية مقطوعة يا اسمارت .. والعضوية المقطوعة طال عمرك هى كما الراتب المقطوع فى نواحى الخليج .. فقط راتب اساسي ودونما مخصصات غير ضرورية كالسكن والتعليم والتذاكر الخ .. وهكذا هى العضوية المقطوعة .. دونما مخصصات تعليق بوست او مكتبة او نحو ذلك من المظالم الاسفيرية ..
طبعا الوقت داك سنة 2005 المكتبة كانت بي عشرين دولار للراغبين بكري اصالة عن نفسه كدا وبدون طلب مني رسل لي رسالة قال لي عملت ليك مكتبة من عندي يبدو انه في المنبر دا في ناس ناس وناس اناناس
Post: #30 Title: Re: مبروك.....مكتبة smart_ana2001 اسمارت برعي اسمارت Author: محمد عبد الماجد الصايم Date: 01-12-2013, 08:55 AM Parent: #29
Quote: فقط راتب اساسي ودونما مخصصات غير ضرورية
أصلو أساسي دا راتبو كم؟؟
ياااا زكية عندي واحدة ناصية .. ممكن نأجرها ليكـ!!
Post: #31 Title: Re: مبروك.....مكتبة smart_ana2001 اسمارت برعي اسمارت Author: محمد حيدر المشرف Date: 01-12-2013, 09:05 AM Parent: #30
Quote: أصلو أساسي دا راتبو كم؟؟
كان أساسي .. ويبدو أنه كان قنوعا جدا بذلك ولكن .. إنظر فرحته بالمكتبه ودقق فى توصيف مكانها بين الناس ..
.. لا تدر نفس ما تكسب غدا يا ودالصايم ..
Post: #32 Title: Re: مبروك.....مكتبة smart_ana2001 اسمارت برعي اسمارت Author: محمد عبد الماجد الصايم Date: 01-12-2013, 09:50 AM Parent: #31
Quote: وما تدري نفس ماذا تكسب غداً
ونعم بالله يا مشرّف!!
Post: #33 Title: Re: مبروك.....مكتبة smart_ana2001 اسمارت برعي اسمارت Author: عاطف عمر Date: 01-12-2013, 10:31 AM Parent: #31
Quote: بكرى ابوبكر ده شكلو اتعاقد مع بعضنا بعضوية مقطوعة يا اسمارت .. والعضوية المقطوعة طال عمرك هى كما الراتب المقطوع فى نواحى الخليج .. فقط راتب اساسي ودونما مخصصات غير ضرورية كالسكن والتعليم والتذاكر الخ .. وهكذا هى العضوية المقطوعة .. دونما مخصصات تعليق بوست او مكتبة او نحو ذلك من المظالم الاسفيرية ..
وإنت الصادق يا دكتور مليكنا بكري - قدس الله سره - شغال بحكمة السلف
" إننا لا نعطي ( المكتبة ) لمن يطلبها "
تجربة أساسي مثال مثال ثاني أنا واحد من الناس لا سعيت لى مكتبة ولم أر في ما أقدمه مستحقاً لمكتبة جيت يوم دورت المنبر كلو ما لقيت لى حاجة أقراها ما عارف ليه هفّ على أشوف ( الأسماء الفي حياتنا ) المنبرية أصحاب المكتبات هم منو أقوم ألقى نفسي منجعص في نصهم ليك أن تتخيل الموقف
________________
بالله يا سمارت إنت لسع ما عندك مكتبة ؟؟؟
___________
تحياتي وسلامات سمارت وضيوفها اللذاذ
Post: #35 Title: Re: مبروك.....مكتبة smart_ana2001 اسمارت برعي اسمارت Author: محمد حيدر المشرف Date: 01-12-2013, 11:38 AM Parent: #33
كيف الكلام ده يا عاطف ؟!!
Quote: إننا لا نعطي ( المكتبة ) لمن يطلبها "
تعرف !! غالبا دى ما تكون مشكلة قيقراوى تحديدا ..
سؤال جانبي .. هى المكتبة دى كيف ووين .. وهل فى اى احتمال قيقراوى يكون عندو مكتبه وهو ما عارف ؟!!
Post: #36 Title: Re: مبروك.....مكتبة smart_ana2001 اسمارت برعي اسمارت Author: محمد عبد الماجد الصايم Date: 01-12-2013, 11:41 AM Parent: #35
ههههههههههههههههههههههه غايتو يا مشرف .. كلامكـ كلام زول عندو مكتبة يعلم الله!!
Post: #37 Title: Re: مبروك.....مكتبة smart_ana2001 اسمارت برعي اسمارت Author: محمد حيدر المشرف Date: 01-12-2013, 11:51 AM Parent: #36
معليش يا اسمارت .. ولكنه موضوع ذو شجون ..
ودالصايم .. ابدا والله وبى حليفتها .. وآخر عهدى بهذا الموضوع طلب تم تقديمه لبكرى .. مع عرضحال قربت ابكى هسع ساعة قريتو .. وهو دونك الآن ..
اسمارت يعلم الله من قريت عنوانك دا قلبي قال فررررر........... اسمارت ادوها بالله معناها بكري اداني انا برضو وقلت اكيد زي ما فك التسجيلات في موضوع الاعضاء الجدد الرحمة وصلت للمكتبات طوالي مشيت البرفايل حقي و المفاجأة لقيتو ليك مشلع زي حالتو الاولى عندها قلت لنفسي (حسد وكدا ) ادا سمارت و ما اداني ...طيب......اها تغير الغضب و الحسد بعد قراءة بوستك لتعاطف و احساس بالتضامن و اقترح انو حتى لو بكري اداك مكتبة ما تقبلي الا رفاق الدرب في النضال من اجل المكتبات ينالوا الحقوق كاملة
---------- كلام البروفايل الكامل دا مفروض بكري يكون واعي ليه....اعتقد ان المطلوب يجب ان يكون اكمال البروفايل عند بكري وليس في الشبكة (اختياري) ما عارفة بكري الحتة دي دقس فيها كيف.
Post: #38 Title: Re: مبروك.....مكتبة smart_ana2001 اسمارت برعي اسمارت Author: عاطف عمر Date: 01-12-2013, 11:51 AM Parent: #35
Quote: سؤال جانبي .. هى المكتبة دى كيف ووين .. وهل فى اى احتمال قيقراوى يكون عندو مكتبه وهو ما عارف ؟!!
المكتبة دي يا دكتور في حى كدا زى ( المنشية ) ، ( مدينة النيل ) ، ( كافوري ) كدا تتلفت يمينك شمالك تلقى الأسماء الحواليك كلها من المشاهير إنت قايل شنو ؟؟
Quote: تتلفت يمينك شمالك تلقى الأسماء الحواليك كلها من المشاهير
بالحيل آ عاطف .. واول مره تراودنى نفسي للمشي بى هناك .. وياربى ليك الحمد لقيت ليك كل المشاهير من لدن حاصف ليييى قاصف بى هناك .. الصلاة على النبي والف على الحبيب ..
الذ حاجه آخر حاجه لقيت مكتبه للمواضيع غير المرغوب فيها .. هو ياهنده الخور آ عاطف ؟! غايتو آخر مداخله فيهو لى ابوحسين!!
أول ما لقيت إسمي منجعص وسط الجماعة ولقيت بوستاتي الما بتغباني وكعادة ( المغتربين ) - الواحد لو قرصتو نملة ينادي بعلتو - جري وصحيت ليك المدام من سابع نومة " النايمة ليها شنو بكري أبو بكر أداني مكتبة ؟؟ " ردت على دون أن تكلف نفسها بفتح عيونها
غايتو انا قدمت لمكتبه و اتوقع الحصول عليها فى غضون الاسبوع القادم لو ده حصل ليك على يا هندسه اديك فيها رف كامل انتى وقيقا رواى لحدى ما سيد المكتبات يحن عليكم
دينق، كل سنة و انت طيب. كيف كان كرسمسك؟ لقيت عروس و لا لسه؟ :) (مبروك) ما في يا دينق يا أخي ! العشوائ ده ذاتو بيباركو ليه. مكتبتي دي ذي قصر علي الحاج ( رد الله غربته). صاح عشوائية لكن قاااااااعدة في نص الخرطوم. :)
مصطفي بشار، يا أخي اول شيء I am not a dude المكتبة في طريقتين لعملها. ربنا يرض عليك و يلهم بكري أبو بكر يعمل ليك واحده طوب و خرسانة. او تعمل واحده طبلية ذيي كده. المشكلة في الطبلية ان بكري ممكن يعمل كشه و يشيلها.
راوية، خليني أفطر الناس ديل و اضرب ليك تلفون عشان نشوف الترك. كستاوي كان عندوا اقتراح كده، لكن اب صلعة طلع مفتح :(
الهادي، كيفك؟ الله يبارك فيك. السودان صعب شديد يا أخي. عاوزه زمن طويل لحدي ما استعيد لياقتي. مع انك في السودان بتكون بتمارس في الجمباز الفكري طواااالي( امشي امبده في الأول، ام الكلاكلة؟ طيب الحلفايا أحسن اخليها بعد الغدا؟؟؟).
اساسي، بكري عمل ليك مكتبة قبل 7 سنوات و انت ( شخصيا ما مصدق و) لحدي الان مخلوع بيها. ده، و لما زول ذي اخونا المخضرم عاطف عمر يكون مندهش من كونوا انا لحدي الان ما عندي مكتبة! الحاجتين ديل بيوروا الحاصل شنو. بعدين انت ادوك مكتبة زمن المؤلفة قلوبهم. الان بكري انت ذاتك لو جيت ممكن يقول ليك سورررري.
محمد حيدر، باين ان الحديث عن المكتبة ذو شجون. ما مهم المكتبة في كافوري ام في مايو. المهم المكتبة. بالجد بكري بالغ. ود المشرف شخصيا ما عندوا مكتبة!!!!! و علي رأي كوستاوي، و بريمة عندو مكتبة؟؟؟؟؟؟ لا تيأس، اعمل ذيي. ابني مكتبك بعرق جبينك، الحقوق لا تعطي، الحقوق تقتلع. ( مش بيقولوا كده ؟؟) بعدين ما تحوم بالنواحي ديك، ما كويس علي صحتك.
ود الصائم، اجار؟ بدل ما تقول لي بدفعها ليك تقول لي اجار ؟ هسي امسخ عليك السنة الجديدة و افتح ليك بوست باسمك تاني. سوري قصدي تالت. ~_~
ناذك الطيب، شنو؟ شنو ؟ شنو؟ يدوني مكتبة و احردها عشان رفاق النضال ؟؟؟ شفتي منو في السودان أدوه وزارة قال ما عاوز عشان رفاق النضال. موضوع المكتبة ده انا ح امارس فيه كل أنواع الخيانة و البيع. بس وجيه وجهاء أريزونا يحن علينا !!!
قيقراوي، انا صغيرة و جااااهلة. لو ادوني مكتبة بعد عشر سنوات بشيلها و اقشر بيها ذي قشرة اساسي دي. بكري و الله اتلوم معاك انت و الكاشف أخوك داك. غايتو انا طبليتي دي كويسه و نشوف بكري ح يعمل فيها شنو.
سامي عبد المطلب. شرفتنا يا أخي. رف واااااحد. هسي مكتبة تخت شنو فيها؟؟؟؟ إحنا يا ابني 10 سنوات خدمة في البورد. كنتا وين انت قبل 10 سنوات؟ في الأساس صح؟؟؟
عاطف عمر. شكرًا يا أخي لمواساتك لود المشرف. قلت لي ادوك مكتبة في صمة خشمك. سبحان الله. في المنشية كمان؟؟؟ حتي الأقربين ما مصدقين؟؟؟ لكن -و الله- تستاهل مكتبة. تستاهل دار نشر كاملة.
Quote: سامي عبد المطلب. شرفتنا يا أخي. رف واااااحد. هسي مكتبة تخت شنو فيها؟؟؟؟ إحنا يا ابني 10 سنوات خدمة في البورد. كنتا وين انت قبل 10 سنوات؟ في الأساس صح؟؟؟
مشكوره على الترحيب يا باشمهندسه بالنسبه لسؤالك قبل عشره سنه كنت وين ؟ فاحب اؤكد ليك انى ما كنت فى الاساس بل كنت قاعد فى المنبر ده باسم ..............
الاخت اسمارت سلامات...مكتبة فى العشوائى بعد كل هذه الخدمة الطويلة الممتازة دى...... عندى اختى معلمة قدمت للاراضى ادوها قطعة فى خلا امدرمان قريب للشمالية...وكانت زعلانة عندى قال ليها شيليها علشان نحن لمان نجى من الشمالية نريح عندكم ونواصل سفرنا لامدرمان...
Quote: أثناء قيام الملياردير الشهير بيل جيتس بإلقاء كلمته في معرض (سيبيت ) في هانوفر عام 1995 م قام أحد الحضور برفع لوحة مكتوب عليها Alt+F4
معليش غادرت البوست وجيت راجع ... المغادرة كانت من غير قصد ... قلتا اجرب alt+f4 لقيت نفسي خارج التغطية انا في الاختصارات ضعيف ... حدي كنترول سي كنترول v
تعرفي يا سمارت مرة بكري كتب قال لو عايز مكتبة اكتب مواضيع مفيدة وشنو ما عارف قمت كتبت بوست ويحيد وفي البال كان مشروع سلسلة من البوستات الجادة و المفيدة اها اول بوست كان عن تفكيك و نقد لنص غنائي ما - ما في زول يسألني منو :) وحاتك مداخلتين اظنهن وغلبني وجليت الفكرة قلت حسب شروط بكري دي النرجا يومنا حينها بتجيك المكتبة تتهادى براها بلا يوما ما اكتشف لي نوبي انو عندي مكتبة ورسل لي الرابط فرحت النصيحة ليك يا الله حتى اساسي يومها عمل زي حركته دي وقال اتلاحقت الكتوف و قل المعروف و خت رابط مكتبته الفرحان بها كدا التقول مكتبة جرير ههههههههه اها وبقيت كل ارشفة بمشي على بورد خاص بالناس العندهن مكتبات - ما اظنك سمعتي بيه ولا قيقرا ولا المشرف :) - و بخت الروابط و مشكور يا هندسة ومش عارف ايه ربعين تلاتة كدا قام الباصويرد ضاع -AKA اتوقفت - المهم جيت راجع بطني طامة وكدا ونسيت ليك حنان المكتبة و بقيت ما شغال بيها, كان عندي بوست رايح بقع سيرش الله و الرسول وعمك قوقل ما بقصّر المسالة صدقيني اشاعة ساي وما تهتمي بيها دا من ناحية ومن ناحية تانية من الشروط البكراوية عند منح المكتبة كتابة اسم صاحبها الحقيقي مع اليوزرنيم و المسألة دي ما شغالة معاك طبعا غايتو إلاّ تقدمي لإستثناء وكدا, كدي خليها التجي اول يحلّهات الف حلّال حينها
ده كلو كوم و كلام سامي عبد المطلب كوم تاني. علييييييك الله اسمك كان شنو؟؟؟؟
ابن النخيل. أخبارك؟ و الله انا أموري ادهورت لدرجة مبالغة فيها. و يا الهادي ما تسألني من مقاسات. ~_~ النصري عمل ليه عربية هوت دوق و اختفي. بس ما يكون قاعد يأكله كله براه. ^_*
مريوم، الله يخليك لي. شفتي اللي بقت علي!!! مستر قباني كل ما الدنيا تعصر في أمريكا الشمالية يجي يضحك فيني. خلاص يا زولة ختيهم في مكتبتك طوالي.
سلامات مهدي صلاح. الله يبارك فيك. ما تكون ان ذاتك عندك مكتبة !!!!!
ود البشرى، بكري قال لازم يعرف الاسم كاملا، لحدي سيدنا ادم. قال دي مشكلتو الوحيدة في موضوع مكتبتي( تكون مشكلتو شنو مع ود المشرف و قيقا!!!!!!) ^_^ و متذكرة انه قال حاجه كده كويسه برضو عن بوستاتي لكن نسيتها و الله. المشكلة أني ما هان علي افكها فيه و اقطع ليه اسم من راسي. الأمانة كاتلاني يعني!!!!
مستر قباني، و الله الكشف يحصل 500 دولار بس أبيع موضوع المكتبة ده تماماً. 1000 دولار و اسيب ليكم البورد كلو نهائي.
قيقا، النصيحة لله بكري عامل ليكم* فتح أسماء الله الحسني كلها ال 99 أسماء بالإضافة لاسم الله الأعظم. ( ده اسأل منو الصوفية)
*( ليكم) ده لانه انت و صحبك ود المشرف بكري عاااارف أسماء كم و برضوا رافض او مطنش :)
Post: #59 Title: Re: مبروك.....مكتبة smart_ana2001 اسمارت برعي اسمارت Author: محمد عبد الماجد الصايم Date: 01-13-2013, 08:54 AM Parent: #58
Quote: كدي اسأل ود الصايم .. وعزاز شامي*
هههههههههههههههههههههههههههههه يا قيقا .. لقد صنعت أي حاجة زاتو!! يالها من أيام ياخ!!
بالمناسبة .. مكتبتي كما قال ود البشرى ليها زي تلاتة سنة كـدا ما اتحدثت نهائي! من أيام لقينا (فتح الرحمن) كابي التلج لي بكري بالدس!!
Quote: خبر السواد الجبتو ده يا دوك ... "إنا لله و إنا إليه راجعون" ........... الواحد كان بالي قيقا بقصة إنو مستو سخ في هذا المكان ولا مكتبة له ... هسي إلا نشوف لينا حنك تاني !!
بعد ده ما فضل إلا يدو البدري مكتبة !!
مافي حاجة حاتة ليهم شعر راسم برا الحسادة دي
كمفكر شاب -بارتايمر- قاعد اثث في نظريتي في العلاقة الطردية بين الشعور (اقراالاحساس) وشعر الرأس اسي.
سمارتي إنتي يا حبيبة.. كل عام وإنتي والمعاك كلهم بخير
طبعا يا مؤمنة يا مصدقة جيت داخلة أبارك. لقيت الموضوع مكتبة (دكاكيني).. كان في كلمة بتتقال على اللحم البيشتروه الناس من غير الجزارين (ما قدرتا إتذكرها خالص) هي المناسبة.. هههههههه
كيب ذا قود سبيرت آند يو ويل قيت إت إفينشويلي..
ــــــ يتهيأ لي مشكلة بكري مع إسم (برعي) ده.. حاولي جربي إسم مودرن شوية... هيثم بينفع غايتو
اخونا حافظ انقابو...شكرا كميات على الاغنية. الواثق كمال ده اول مرة شوفه. طيب.... المرسيدس مبااالغة. صوته كويس (معقول). لكنه ما بيعرف يمثل الاحساس فوق العادة..لو روق المنقة شويه كان يمكن يكون تمام. لكن السؤال المهم الان...الفيديو ######ات الان بقت كده عادى??? شكلى بالجد طولتا من البلد ~_~
قيقراوى...عشان كده انت لسه بشعر !!!!!!
جو جو....و الله مشتاقين يا فرده. كيفك? كل سنة وانت باللف خير.. اللحمة اسمها "كيرى" يا اخى.....خلينى اتاكد ليك من الحجة. غايتو اهو انا محاولة احتفظ بروح طيبة تجاه الموضوع. ___________________________________________________________ خلاص غيرنا اسم البوست ل اسمارت هيثم اسمارت... ان شاء الله ينفع
دقيقية .. دقيقة يا سمارت غيّرتي عنوان البوست كيف؟ الحركة دي مش ممنوعة كانت شامي ريحة كوسة في الموضوع مما قلتي قاليك بديك ليها بس مشكلتك الإسم ههههههههههههه
سجمنا....ممنوعة بالجد???? كل شيء و لا الممنوع. انا زولة ماشه جنب الحيطة ( خاصة فى مواضيع بكرى دى). عليك الله تغيير العنوان ممنوع ???? الكوسة( بالجد) ريحتا لسه ما طقت. لما تطق ح تعرفها طوالى...او ح اوحشكم. ^_*.
بكرى, كامل اسفى على تغيير عنوان البوست (لو ممنوع) . احسن غيروا ذى ما كان ام اخليه بعد كده ????* _________________________ *ايوه.... جرسة شديدة
لا سوري يا سمارت خاني التعبير مش ممنوعة بقصد انها حاجة مخالفة او كدا قصدي كونها ممنوعة بفهم انها غير متاحة للجمهور, زمان تغلط في العنوان تبكي بدموعك عشان بكري يعبرك ويصلحو ليك فما تقلبيها غم و اعتذارات و بتاع بكري شكلو مع السنة الجديدة عمل تغييرات شايف في فيس بوك تحت وكدا شكلو البورد شوية شوية ماشي على ناس عضو ماسي و عضو ذهبي وعضو برّاي :)
يا راوية و ود البشرى....بطلوا مشاكل. موضوع تغيير العنوان ده انا لاحظتا ليه من الربع الفات يا اخى. النصيحة لله- قلت يمكن من زمان موجود و انا اللى ما ماخده بالى.
Post: #71 Title: مكتبة اسمارت حسن اسمارت Author: صلاح ليون Date: 01-14-2013, 10:35 PM Parent: #70
سلام يا اسمارت ما مقصود العنوان الداخلي للمداخلات المقصود العنوان الرئيسي البظهر في صفحة المنبر هل غيرتي العنوان الاول في البوست من برعي لي هيثم والطريقة كيف
Post: #72 Title: Re: مكتبة اسمارت حسن اسمارت Author: smart_ana2001 Date: 01-15-2013, 01:10 AM Parent: #71
صلاح ليون، اذيك ؟ معقولة بس أكون فاكرة راوية و ود البشرى عاملين الجوطة دي كلها في العناويين الداخلية؟؟؟ انا ذاتي اقصده عنوان البوست البره في الصقيعة المريعة داك.
Post: #73 Title: Re: مكتبة اسمارت هيثم اسمارت Author: Raja Date: 01-15-2013, 01:35 AM Parent: #72
وااااو... أبو سريع قال ليك
أبشري... المكتبة في الطريق. ده لو ما الريًس هلالابي.. لووووووووووول
ــــــ يا ود البشرى الكوسة ما حاف. بـ الباشميل لو سمحت
Post: #74 Title: Re: مكتبة اسمارت هيثم اسمارت Author: يحي قباني Date: 01-15-2013, 05:25 AM Parent: #73
Quote: جو جو....و الله مشتاقين يا فرده. كيفك?
بالله ده كلام ده ...
وقال رومانسية قال ...
مسكين صاحبي ... قاعد مع رباطي ...
Post: #75 Title: Re: مكتبة اسمارت أنا اسمارت Author: صلاح ليون Date: 01-15-2013, 06:33 AM Parent: #74
Quote: انا ذاتي اقصده عنوان البوست البره في الصقيعة المريعة داك
Quote: موضوع تغيير العنوان ده انا لاحظتا ليه من الربع الفات يا اخى
كمان !!
طيب بيان بالعمل مرة تانية
Post: #76 Title: Re: مكتبة اسمارت أنا اسمارت Author: Rawia Date: 01-15-2013, 06:43 AM Parent: #75
أستاذ صلاح ليون لو حضرتك فعلا عاوز تعرف كيف بيتغير العنوان
فالعنوان بيتغير برررراحة بـ () من المداخلة الاولى
Post: #77 Title: Re: مكتبة اسمارت أنا اسمارت Author: عاطف عمر Date: 01-15-2013, 07:02 AM Parent: #76
Quote: كان في كلمة بتتقال على اللحم البيشتروه الناس من غير الجزارين (ما قدرتا إتذكرها خالص) هي المناسبة.. هههههههه
كيري الكلمة هى كيري يا رجوية
Quote: فالعنوان بيتغير برررراحة بـ () من المداخلة الاولى
مباااالغة يا رواية فعلاً ( نفسك قصير ) ياخ ما شايفة سمارت ( متقلة ) الموضوع كيف ؟؟ وبتتعامل معهو بغموض حير ود البشرى بجلالة قدره تجي طاااااااخ تفتيهو بالبساطة دي ؟؟
سمارت يا سمارت ... واصلى كفاحك .. ما ضاعت مكتبة وراها مطالب
________________
لحدي الآن .. دا بوست الربع الأول .. جمع أحلى ناس
_____________
سمارت بالجد بالجد
سمعتي بى كلمة كيري ؟؟
Post: #78 Title: Re: مكتبة اسمارت أنا اسمارت Author: صلاح ليون Date: 01-15-2013, 07:09 AM Parent: #76
هههه حلوة وملعوبة ياأستاذة راوية ما انا متابع بي هناك ومنتظر!! ده بكري يكون دقس دقسة لو عمل الحاجة دي بالذات مع الكشحة البرلومية العملها في 2013 يعني لو كاجي ليك زول وماعايزو يدخل البوست بتاعك تقوم من الصباح تغير العنوان 180 درجة والزول يكون كايس ولافي في الصفحات بيفتش على برعي وهو ما جايب خبر انو صار هيثم
Post: #79 Title: Re: مكتبة اسمارت أنا اسمارت Author: قيقراوي Date: 01-15-2013, 10:49 AM Parent: #78
Quote: قيقراوى...عشان كده انت لسه بشعر !!!!!!
مش خالص اوي كدا يعني .. ماااا تضمني ليك ثعلوب عندي صلعة .. لكن حريف ما كيشة زي امين وبكري* قدس الله سره بعدين هي ذاتا مساعداني، ما بتظهر الا للناس الوراي، واكون مدبراً (اقري صلعة غدارة) لكن ما مشكلة ابداً .. ديل اصلاً اي دونط كيييير بيهم كزول جدي كليب بن ربيعة التغلبي، ما بتلفت لي اقل من 30 فارس ذاتو
وكزول متأسي بالامام علي، لا افر ممن يكر
[هل كلما ناولتك يدُ الروحِ سوسنةً من دمي تَقْشَعِرُّ؟ وأنت الذي قلت لي: لا تَفِرْ!؟]
وهكذا
ياخي ما بلقى لي عندكم وصفة لتطويل الشعر؟ ما لي انا بناتي -بقرن في مدرسة هندية- جاتن نفسيات عديييل كدا! وجن المسكينة -السغيرة- حننتني عديل كدا .. يوم الجمعة كتلتها بالجرجير تاكل وتدمع .. وتقيس في شعرا! ولا حياء لمن تنادي.
-------
* يا ود البشرى عاوز تفشل لي نظريتي قبل تدشينا مالك ياخي!؟
بكري شنو الحساس كمان؟ انّا له، وهو يخربو من شعور في راسو؟
بكري يا اخوي من النوع البقطع، وبعدييييييينك يحسب
بس (بكسر الباء)
Post: #80 Title: Re: مكتبة اسمارت أنا اسمارت Author: محمد البشرى الخضر Date: 01-15-2013, 12:22 PM Parent: #79
غايتو يا قيقرا ما بعرف قصة حسّاس دي لكن النصيحة أمس بعد رجع البورد كان في حركة بتاعة اضف تعليق بتاعة الفيس بوك تحت المواضيع حتى في بوست كان فيه حوار عديل كدا واشي لايكات ومش عارف ايه اها علّقت تعليقي الفوق دا دقايق البورد قطع تاني لمّا رجع كانت الحركة دي اتشالت ما عارفها صدفة ولا حساسية من المعلم المهم جات كدا :)
اسمع .. بالمناسبة كنت عارف قصة تغيير العنوان دي ولاّ ما ليك في الكوسة زيّنا:)
Post: #81 Title: Re: مكتبة اسمارت أنا اسمارت Author: قيقراوي Date: 01-15-2013, 01:10 PM Parent: #80
Quote: اسمع .. بالمناسبة كنت عارف قصة تغيير العنوان دي ولاّ ما ليك في الكوسة زيّنا:)
لا نحن تخصص بامية سااااي
من وش البامية يبقى ما يهو بنعرفو ليكم طوالي
------
حركة غير مدروسة -كالعادة- وما ليها اي معنى بدل ما يمنع العنواين الفرعية، مشى فتح تعديل العنوان الرئيس لاهواء الناس! كدا فقد البوستات أي خاصية توثيقية، او بحثية (اقرا سيرشية) بعد انها كانت بيده وحده لا شريك له، ودي ديكتاتورية حميدة لو كان التغيير مقنع وضروري، فالضرورات تبيح المحظورات لكن تغيير سمارت دا لزومو شنو اسي يعني الاسمو (برعي) جد جد ينتحر ول كيف يا رجا؟
والاسمم (فتح الرحمن خلف الله*) يقعوا البحر؟
* بالمناسبة خلف الله دا اسم علم .. ما صفة
ح تشوف البلع الرئاسي براك يا ود البشرى .. احساس بتاع فنيلتك؟ وتظل نظريتي الشعورية صحيحة في قانونها العام بالله عاوزين دعم (علمي) .. كل واحد يجري تطبيق للقانون في الحولو ويقارن (اتجاه) تناسب الشعور والشعور .. ويفيدنا باك
والله لا يضيع اجر من احسن عملاً
Post: #82 Title: Re: مكتبة اسمارت أنا اسمارت وين بوست النصري الأمين Author: جعفر محي الدين Date: 01-15-2013, 01:37 PM Parent: #81
التحايا الأخت سمارت
أولا: نطالب وبشدة الأخ بكري بتخصيص مكتبة مكربة ليك
وثانيا: وين بوست النصري الأمين ياخي دا من اجمل وأعظم البوستات
وثالثا: من أحد فوائد هذا البوست إعادة قراءة بعض البوستات القديمة ومنها حق محمد فاروق سليمان وطبعا ناس الدويم والمروا على الدويم زينا وزيك كده بعرفوا محمد فاروق كويس أظنو هو دفعة ناس كيكي نحن كنا قدامهم في النيل الأبيض الثانوية وهو فعلا من قادة المستقبل في السودان وحنفخر بيه حينها
Post: #83 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-15-2013, 06:02 PM Parent: #82
جوجو....الريس ده عارع ممكن يكون هلالابي. اصلا الناس الظاف كلهم هلالاب
مستر قبانى....
Quote: مسكين صاحبي ... قاعد مع رباطي ...
صحبك.... لقيته وين??? زمان علمنى السواقة مكنيكى فى الطرمبة الجنبنا. و كنا مرات مرات بنمشي سوق الاخوان (بتعرف سوق الاخوان?) نشتري بناطلين الجنز....يااااه زمان يا اخى.
اجى يا راوية ???? نفسك مش قصير بس...نفسك مكتوم كلو كلو....هسي مالك ناشرة اخبر يا فردة ??? هسي بكري يقول انا اللى خربتا عليه البورد. غايتو كان طردنى تستحملى...كل يوم تونسينى ساعة كده
عاطف عمر...راجع ردى لرجاء العباسي. عرفتها طوالى كيرى. انا زمان لاصقه فى امى اى شىء تقولوا بعرفه
صلاح ليون....برعى ده منو??? احنا ناس هيثم
قيقراوى...مداخلتك دى مبااالغة
Quote: مش خالص اوي كدا يعني .. ماااا تضمني ليك ثعلوب عندي صلعة .. لكن حريف ما كيشة زي امين وبكري* قدس الله سره بعدين هي ذاتا مساعداني، ما بتظهر الا للناس الوراي، واكون مدبراً (اقري صلعة غدارة) لكن ما مشكلة ابداً .. ديل اصلاً اي دونط كيييير بيهم كزول جدي كليب بن ربيعة التغلبي، ما بتلفت لي اقل من 30 فارس ذاتو
وكزول متأسي بالامام علي، لا افر ممن يكر
[هل كلما ناولتك يدُ الروحِ سوسنةً من دمي تَقْشَعِرُّ؟ وأنت الذي قلت لي: لا تَفِرْ!؟]
وهكذا
ياخي ما بلقى لي عندكم وصفة لتطويل الشعر؟ ما لي انا بناتي -بقرن في مدرسة هندية- جاتن نفسيات عديييل كدا! وجن المسكينة -السغيرة- حننتني عديل كدا .. يوم الجمعة كتلتها بالجرجير تاكل وتدمع .. وتقيس في شعرا! ولا حياء لمن تنادي
قلت لى صلعة شنو كمان البيخافوا منها ??? و الوصفة للبنات ??? *-^
ود البشري...بكري حساس يا اخى. احس زول. و موضوع الفيس ده كان شغال كيف? يعنى زول ما عضو يخت الموضوع فى حيطه و يبدا يلعق و اصحابه يعلقوا معاه? و الله فكرة كويسه يا اخى
Post: #84 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-15-2013, 06:08 PM Parent: #83
قيقراوي...تغيرر العنوان فعلا ح يعمل لخبته...عشان كده قلنا نسكت عليه لحدى ما بكري يغيير رايه
جعفر محي الدين....وينك يا اخونا???/ النصري عمل ليه عربية هوت دوق و قعد اكه براه بدل يبيعه للزبائن. عاوزه اعمل بوست ذى البوست داك...لكن مكسلة. لو بتوعدوا انت و مريم و غباشي و نجاة العوض و ابتهال و امير و النصري شخصيا تساعونى او عدك افتحه...اها???? محمد فاروق فعلا فخر لينا كسودانيين. ربنا يديه العافية
Post: #85 Title: Re: مكتبة اسمارت أنا اسمارت وين بوست النصري الأمين Author: Raja Date: 01-15-2013, 06:09 PM Parent: #83
سلامات عاطف.. فعلا الكلمة هي (كيري)..... الله ينعل أبو الزهايمر وسماع (برشة) برشة
سمارتي لو بكري هلالابي المكتبة حتبقى قاسية شويتين. خاصة بعد تغيير الإسم لـ (هيثم).. سوري هني على التوريطة
غايتو كل مرة تثبتو لينا إنه مافي أمل في الهلالاب... هههههههه
Post: #86 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-15-2013, 06:23 PM Parent: #85
و الله يا رجاء انت ذاتك تفلى و تداوى. نقول برعى ...تقولى هيثم احسن نعمل هيثم....تقولى بكرى هلالابى. اها البلولة جرقرندى كيف معاك????
Post: #87 Title: Re: مكتبة اسمارت هيثم اسمارت Author: Raja Date: 01-15-2013, 06:27 PM Parent: #86
هههههههههههههههههههههههههههههههههههه
غايتو بعد كل التكتيكات دي بكري لو ما سارع بفتح مكتبة لست النفر البلولة جرقرندى وتكون ناصية كمان. بيكون بيبالغ
Post: #88 Title: Re: مكتبة اسمارت أنا اسمارت وين بوست النصري الأمين Author: قيقراوي Date: 01-15-2013, 07:38 PM Parent: #86
والله يا اسمارت اظنو -وبعضو الظني اثمو- انو بكري قدس الله سره بعد كمل فينا اسماء الله الحسنى ,, بعد اضافتها ل(فتح) ,, بدا يقرأ ليكم انتو من المصحف:
إنّا فتحنا لك فتحاً مبيناً
-------
اثلجتم صدورنا انت ود البشرى اريتو يطمر بي مكتبة بس!
Quote: صحبك.... لقيته وين??? زمان علمنى السواقة مكنيكى فى الطرمبة الجنبنا. و كنا مرات مرات بنمشي سوق الاخوان (بتعرف سوق الاخوان?) نشتري بناطلين الجنز....يااااه زمان يا اخى.
ليهو حق صاحبي اجتماعاته ( المسائية ) كتيرة و دايما بره البيت ...
Post: #90 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-15-2013, 08:19 PM Parent: #89
تعرفوا يا رجاء و قياقا..... انا قنعتا خلاص. واصلا كده احسن..... مكتبتى تكون فى صدر لمنبر دائما ...احم ...احم.
مستر قبانى....كمان طلعتا ما بتعرف سوق الاخوان ???
Post: #91 Title: Re: مكتبة اسمارت أنا اسمارت وين بوست النصري الأمين Author: ombadda Date: 01-15-2013, 08:35 PM Parent: #90
سلام smart_ana هناك حل ثانى. نسخ جميع روابط مواضيعك إلى مدونة مثل غوغل بلوغ بوست أو مكتوب، مع تحديث المدونة أول بأول بروابط مواضيعك الجديدة ووضع رابط المدونة كرابط لمكتبتك فى البروفايل. صراحة ما جربت الفكرة دى لسبب بسيط هو إمتلاكى لمكتبة (ما عارف املاها بشنو ههههه). ودمت بخير.
Post: #92 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-16-2013, 00:27 AM Parent: #91
شكرا د. امبدة. فكرة جميلة جدا. ح افتح البلوق اليوم. و منه اكتب فيه هو ذااااتو. على الاقل لما بكرى يطردنى الاقي حته تلمنى
Post: #93 Title: Re: مكتبة اسمارت أنا اسمارت وين بوست النصري الأمين Author: Rawia Date: 01-16-2013, 01:43 AM Parent: #92
ههههههههه ياعاطف أنا كلمممممتكم قلت ليكم نفسي قصير
يا أستاذ ليون إن شاء الله تكون الاجابة شافية
Post: #94 Title: Re: مكتبة اسمارت أنا اسمارت وين بوست النصري الأمين Author: غباشي Date: 01-16-2013, 02:38 AM Parent: #93
السلام عليكم يا جماعة بخصوص بكري و مزاجه تعرفي يا ست النفر ... اقصد سمارت عضويتي للمنبر جات بطلب مباشر من العبد لله ... بعد يومين القى ليك بكور باعت الباس ويرد .. بعدين الزمن داك الواحد كان في سنة اولى غربة و كدة هسي باقي ليكم لو كنت نشيط و كتَّاب زيكم كدى ما حسي بقيت من ملاك المكتبات
شبابنا اللوزرس ... مريم , ابن النخيل , الهادي , ابو الجعافر Complements of the new season حاولت ارفع البوست قبل الارشفة الفاتت لكن مافي زول عبرني
______________________________________________________________________________ ست النفر .. بي تحت تحت كدة ... في مستجدات ... و ساوافيك قريبا بالاخبار
Post: #95 Title: Re: مكتبة اسمارت أنا اسمارت وين بوست النصري الأمين Author: smart_ana2001 Date: 01-16-2013, 03:26 AM Parent: #94
راوية فتحت لي تماماً.
غباشي، مستجدات شنو يا أخي، كلو هين بس ما تكون لقيت عروس؟؟؟!!!! العروس علي انا، ما تتلفت كده و لا كده :)
Post: #96 Title: Re: مكتبة اسمارت أنا اسمارت وين بوست النصري الأمين Author: محمد عبد الماجد الصايم Date: 01-16-2013, 08:26 AM Parent: #95
ههههههههههههههههه@ ست النفر!
Post: #98 Title: Re: مكتبة اسمارت أنا اسمارت وين بوست النصري الأمين Author: قيقراوي Date: 01-16-2013, 08:47 AM Parent: #96
Quote: تعرفوا يا رجاء و قياقا..... انا قنعتا خلاص. واصلا كده احسن..... مكتبتى تكون فى صدر لمنبر دائما ...احم ...احم.
سمينها (رضينا) خلاص في الحالة دي الشعب يريد تغيير اسمك لـ ست النفر ذات اليدين عديل كدا
Post: #100 Title: Re: مكتبة اسمارت أنا اسمارت وين بوست النصري الأمين Author: الطيب بشير Date: 01-16-2013, 09:16 AM Parent: #99
أهلين تاني يا سمارت يا دكتورة كتبت ليك رد لقيتو، بقدرة قادر، واقع في صفحة بتاريخ اتناشر!! قمت أديت نفسي (أعد) ألف مبروك مجهودك المقدر لجمع بوستاتك الرائعة وإسهاماتك المميزة أنا مستمتع جدآ بالإطلاع
Post: #101 Title: Re: مكتبة اسمارت أنا اسمارت وين بوست النصري الأمين Author: Rawia Date: 01-16-2013, 09:32 AM Parent: #100
Quote: راوية فتحت لي تماماً.
لالالا والله ولا أقدر حتى افتح ليك كل ماهناك ماعندي تلفون اليومين ديل ومابقدر اقول ليك الحل هنا بكري بيقفلني في التو واللحظة
Post: #102 Title: Re: مكتبة اسمارت أنا اسمارت وين بوست النصري الأمين Author: جعفر محي الدين Date: 01-16-2013, 10:32 AM Parent: #101
Quote: عاوزه اعمل بوست ذى البوست داك...لكن مكسلة. لو بتوعدوا انت و مريم و غباشي و نجاة العوض و ابتهال و امير و النصري شخصيا تساعونى او عدك افتحه...اها????
قو أهيد أنا غايتو بوعدك بالمشاركة بالكتابة على أقل تقدير وناوي نية قوية أدخل لي في برنامج بتاع رياضة مستمر
غباشي وكل السادة اللوزر وإنت طيب إن شاء الله والعروس زي ما قالت ليك سمارت ما تشغل بالك بيها
Post: #103 Title: Re: مكتبة اسمارت أنا Author: smart_ana2001 Date: 01-16-2013, 07:35 PM Parent: #102
ود الصايم...بروف بس بالنظارات.
قيقا....الحبشي ده ما قاعد يشتغل بالناس الذيي. و ما تسالنى ذيك كيف???
Post: #104 Title: Re: مكتبة اسمارت أنا Author: smart_ana2001 Date: 01-16-2013, 09:19 PM Parent: #103
سلامات استاذ الطيب بشير...كل سنة وانت و الاسرة بالف خير. بعد سنوات فى السودان (مستقر تماما) عاوزين بوست ذى البوست السابق عن العيشة فى السودان للحلمين بالعودة. شكرا على الكلمات الطيبة
راوية....كفارة يا اخى. العيشة من غير تلفون اخير منها النزلة
جعفر محي الدين...خلاص ...عندى نزلة كده خليها تروح عشان نبدا مع بداية البوست طوالى. ما نبقى ذى النصري....نقول ح نبدا الرياضة بعد شهر...و الشهر (قبل مواعيد بداية الرياضة) نقضيه خم رماد. ____________________________________________
و الله يا قيقا و ود المشرف و رجاء ود الصايم و ود البشرى ...مكتبتى بعد ما شكرها لى استاذ الطيب بشير ما فى كلام تانى.
Post: #105 Title: Re: مكتبة اسمارت أنا Author: smart_ana2001 Date: 01-26-2013, 00:57 AM Parent: #104
و افتش اى زول كتب عنى كلمة كويسه اجيبها هنا. ح اطنش الاراء السالبة ...بالطبع
Post: #106 Title: Re: مكتبة اسمارت أنا Author: يحي قباني Date: 01-26-2013, 01:04 AM Parent: #105
Post: #107 Title: Re: مكتبة اسمارت أنا Author: smart_ana2001 Date: 01-26-2013, 01:22 AM Parent: #105
Quote: العزاء الوحيد انه مازالت هناك بعض الأقلام الجميلة والمفيدة التى نقوم بمتابعتها رقم قلة كتابتهم ومن أميزهم: - أستاذ محمد المرتضى حامد حين ينثر الجمال - د\ أحمد القرشى صاحب الكلمات المميزة - أستاذ الفاتح ميرغنى وهو ايضا ناثر للحب والفرح والجمال - أستاذ طارق جبريل عندما يهيج ذكريات الريف الجميلة - أستاذى الجليل الطيب شيقوق الذى أكن له معزه خالصه -أسمارت انا ومعلوماتها المفيده - الأستاذه دينا خالد
ولكم الود ندى مصطفى
Quote: قصي مجدي سليم قمر بوبا سمارت (أنا) وغيرهم كثير لكن الراس جايط
محمد عمر
Quote: الاقلام البتابعها عماد عبد الله – تاج السر الملك محسن خالد – دكين زول كتاب جدا-محمد المرتضي حامد زول كتابتوا بلسم عديل- اساسي الاساسي من الكتابين جدا – هشام ادم زول كتاب مع تحفظنا لمعتقداته--تيسير عوضة – نجوان سمارات انا مواضيعهم مميزة وحلوة
zico moon
Quote: أقلام مريحة وجميلة * خليل وكيكي سوا ودالبشرى والصايم كضحكونجية سوا شاهين شاهين حمور زيادة في كل الاحوال اسمارت لما تمرق من دعاية الأيفون
Quote: أقلام جديرة بالإحترام * ابوبكر سيد أحمد،حاتم علي،عفراء سند،مولانا خدرـ،أماني العجب،الشقليني،اسمارتـ ـ حسين نوباتيا،كمال عباس
علي بارا
Quote: و أقرأ لـــ أ/ كمال عباس الاخ تيسير عووضة :) أ/ عارف الركابي محمد ابراهيم علي حميدة د احمد امين حبيب نورة اسمارت انا ومريم بنت الحسين
mohammed derar الرياض
Quote: بفتش البوستات بكتابها مش بعناوينها وبفتش بوستات (مع حفظ الالقاب) ابو حراز الطيب شيقوق عمر عثمان صديق الموج (بوستاته الغير سياسية) smart.ana
طارق ابوميد
Quote: من المميزيين ايضاً والمحبوبيين : 1- معاوية المدير راجل ظريف وعفوي ومحترم . 2- محمد ابراهيم علي 3- سمارت أنا (عندها مواضيع مميزة )
محمد الصادق
Quote: بالنسبة لي كقارئة متابعة لسودانيز اون لاين تعجبني كثير من الاقلام النسائية مثل داليا حافظ ودينا خالد وممكونة الله يطراها بالخير اسمارت انا لا افوت لها بوست
هبة عبدالعزيز دبي
Quote: المعجزة قرشي عباس ود توتي و كيكي وأسمارت انا وأم الحسن وفيصل نوبي ومعاوية حسين وأخير محمد سليمان بوسته بتاع الفضاء في ظني أعظم بوستاته
Osman
Quote: الاعضاء المميزين :
محمد حيدر المشرف ,بله موسى ,عادل عبد العاطي , معاوية عبيد , قيقراوي , محمد عبد الماجد الصائم ,محمدعلي ابراهيم ,عاطف عمر ,كوستاوي وليد محمد المبارك ,عبد الوهاب علي الحاج ,اسمارت انا , معاوية المدير , تيسير عووضة (قلم مميز جدا) ,وليد التلب ,عاطف مكاوي , ياسر طيفور (مبروك المولود عمار تستاهل يا ملك ) ,جمال محمود ,كبر
خالد حسن
Post: #108 Title: Re: مكتبة اسمارت أنا Author: smart_ana2001 Date: 01-26-2013, 01:26 AM Parent: #107
عاد دى يا مستر قبانى بالغتا فيها..........
كده يا بكرى تجيب لى الكلام....تحرمنى من المكتبة !!!!!!!
Post: #109 Title: Re: مكتبة اسمارت أنا Author: يحي قباني Date: 01-26-2013, 03:08 AM Parent: #108
Quote: لانى اعانى من عدم الموضوع الايام دى امشي انكت بوست طارق جبريل ده : بوست لقراء سودانيز أون لاين
وافتش اى زول كتب عنى كلمة كويسه اجيبها هنا. ح اطنش الاراء السالبة ...بالطبع
Post: #110 Title: Re: مكتبة اسمارت أنا Author: وليد زمبركس Date: 01-26-2013, 05:42 AM Parent: #109
و لا يهمّك الآن صار لديك مكتبة ، أنا هنا فى هذا البوست لنيل بطاقة عضويّة ليكون لى الحق فى زيارة مكتبتك فى أىّ وقت أريد، أرجو أن تشيري لى أين يمكننى أن أجِد إستمارة العضويّة لأنال شرَف هذا الإنتماء .
شكرًا لك فقد أضِفتى الكثير للمنبر و تستحقّى مكتب و مكتبة و موظّفَة وثائق مكتبيّة و سكرتيرة كمان .
Post: #111 Title: Re: مكتبة اسمارت أنا Author: يحي قباني Date: 01-26-2013, 05:48 AM Parent: #110
Post: #112 Title: Re: مكتبة اسمارت أنا Author: smart_ana2001 Date: 01-28-2013, 08:57 PM Parent: #111
سلامات اخ وليد زمبركس احرجتنى و الله بالكلمات الطيبات دى. ما متعودين احنا هنا على كلام لطيف كده!!!! شكرا ي اخى....شكرا جزيلا
___________________________________
مستر قبانى....تلج شنو يا خى ?? كسير تلج ده عندكم فى كندا....تلاقي اتلج مطلع عينكم الايام دى. ايوه....شمتااااانة