الهـلالاب جاكم بلاء..

هيثم ود المصطفى كرار

والله يا وصفائنا الخلعة الدخلت فيكم ما بتمرق بالساهل.
ما عندكم مشكلة بنديكم مهند برضو لما يصل الأربعين.




الهادي.. تحياتي

LooL

سلام يا حاتم..

شوف أنا القدامك ده مقتنع من جوة كده إنو "الأمين البرير" سواء بقصد أو بغير قصد لكنه عمل " الحاجة الصاح " ..

لأنو هيثم مصطفى ما ممكن يبقى هو الإداري والمدرب واللاعب في ذات الوقت، وهو الوضع الذي أدى بنهاية الأمر إلى شطبه من الهلال بالإضافة كمان لعامل السن وانخفاض المردود البدني والفني..

وفي ذات الوقت مقتنع كمان إنو مجلس المريخ لم يكن يسعه إلا تسجيل هيثم مصطفى، ما عشان يجيب لينا كأس افريقيا.. فهذا ما أرى أنه ضد منطق وطبيعة الأشياء..

لكن على الأقل عشان نستمتع لينا كم يوم بجرسة الهلالاب دي :)

وبعدين بيني وبينك يا حاتم زي كورتنا الشينة دي الزول لو وصل لحدي كم وخمسين سنة وفيهو لسة عقاب مروة كده ممكن عادي يكون جاري لسة..

ما هدا فيصل العجب لسة جاري .. بقت على هيثم يعني :)

Quote: والله يا وصفائنا الخلعة الدخلت فيكم ما بتمرق بالساهل. ما عندكم مشكلة بنديكم مهند برضو لما يصل الأربعين.

لقد تجاوز اهل الهلال هذا الامر........بس البيقنع الديك منو


مبروك عليكم.....أهو حاجة من ريحة الهلال إستمتعوا بيهو كويس...وحاولوا تاني ...لحدي ما تجيكم زيادة

والله المريخاب الي الان مامصدقين المرعب البرنس بينهم
غايتو الدخلا فيكم زمان ما أظن تطلع بالساهل



الهادي إزيك وجمعتك مباركة

Quote: والله المريخاب الي الان مامصدقين المرعب البرنس بينهم غايتو الدخلا فيكم زمان ما أظن تطلع بالساهل

هههههههههههههههه

سلام يا ايهاب ، بالله عليك شوف الانسجاااااام ده

الهلال المره دي بطلع صفر اليدين

سلام د. ماجدة ميرغني ، والأخ ود. ياسر عبد القادر..

انحنا ما مخلوعين..

بي بساطة شديدة .. زي هيثم ده وزي استايل وطريقة لعبه مروا كتيرين جداً على المريخ.. ولم ولن يكون هيثم وحيد زمانه في المريخ..

"استيفان وارغو" الذي أنهى عقده أول أمبارح دي أنا أراه يملك من حرفية كرة القدم ما يفوق هيثم مصطفى بعشرات المرات..

كل ما هنالك انو انحنا بس مستغربين لحالة العويل والثكلي التي ضربت الديار الزرقاء بعد مغادرة هيثم والذي مثل أيقونة الهلال على مدار الـ 17 عام الماضية

Quote: والله المريخاب الي الان مامصدقين المرعب البرنس بينهم غايتو الدخلا فيكم زمان ما أظن تطلع بالساهل الهادي إزيك وجمعتك مباركة

سلامات يا عادل..

لو أخفق البرنس في المريخ واتشطب الليلة دي قبلي بكرة فما حا ينقصنا حاجة .. سيظل المريخ هو المريخ

الدور والباقي عليكم انتو..

قادر تتخيل شكل الهلال بدون البرنس هيثم مصطفى :)

زي الزول الما عندو موضوع

أو كما قال صاحب هذه الأمجاد..

Quote: الهلال المره دي بطلع صفر اليدين

المرة دي بس يا مزمل :)

الهلال ده ما سيد الصفر المدغلب زاتو

غايتو هيثم اتفكا من قصة الصفر دي..

البفك الهلال شنو ؟؟

سلام يا الهادي يا صفوة
ياخ بالجد اكبر مشكلة و قعنا فيها هي تسجيل هيثم و علاء (مشاكل) و صراحة اكبر الهلال اتخلص من ازمة مزمنة(شطب هيثم)
لو رجعته ليّ وراء يا الهادي و تابعته حوارات (انور جسام و ميشو) بتعرف تمام هيثم مصطفي كان مشكلة قدر شنو في الهلال
و كلامي دا ما بيعني أنو البرير زكي لكن اهو (توفيق من رب العباد) جات لافقه معاهو انو يكون السبب في شطب هيثم .

لو انت قصدك يا الهادي ال(المكاوة و الغيظ) لناس الهلال فصدقني ال(البتغاظو و يكونو ممغوصين ديل) في نظري هم هلالاب
عاطفيين ساي و بكرة بعد بكرة بيتعافوا و القصة تقع ليهم و احتمال يشدوا بليلة عديل او يصوموا كفارة لحسن ظنهم في الجدع
دا .

بمعنى ادق الله يستر انو البلاء ما يصاقرنا نحنا .