|
Re: صورة السيارة الليكزس الأمريكية موديل 2013 (Re: Abd Alla Elhabib)
|
اهلا عزيزي عثمان موسى
حسب علمي ان شركة التايوتا لها مصنع في امريكا
وتصنع سيارات تايوتا بمواصفات عالية جدا
أذكر انني في سنة 2000 أشتريت سيارة كورلا موديل 1994 من أستاذ امريكي بجامعة السلطان قابوس
أحضرها معه من امريكا ومصنوعة في امريكا ، استعملت هذه السيارة لمدة 8 سنوات
هذه السيارة تختلف تماما من سيارات الكورلا اليابانية من نفس الموديل حيث ان بها كروز كنترول
ووعجلة القيادة هيدروليك والساتك 14×65 ، والعداد بالميل وهذه المواصفات بعضها ادخل على الكورلا المواصفات الخليجية بعد سنة 2000
والكروز كونترول ادخل في موديلات 2008
معظم اسبيرات هذه الكورلا الامريكية كانت من الموديلات الاعلى من الكورلا لخليجية المصنعة في اليابان
حيث أتعبتني كثيرا في البحث عن اسبيراتها وكنت اجدها في الشارقة
لذلك أظن أن اللكزس الامريكي به مواصفات اعلى بكثير من الخليجي المصنع في اليابان
لكم كل الود
| |
|
|
|
|
|
|
Re: صورة السيارة الليكزس الأمريكية موديل 2013 (Re: Abd Alla Elhabib)
|
عزيزنا خالد سلامات أخمك أول أنا سيدا ؟ الفرق كبير بين علاقة تايوتا بالسودان وعلاقة تايوتا بأمريكا . الزبون الأمريكي ممكن ينشف دم شركة التايوتا في بلوتين ساكت . وشركة التايوتا محتاجة سوق ماهل يا خالد يا أخوي . عشان كدي مواصفات الصناعة تختلف من بلد لي بلد . صحيح تايوتا يابانية التصنيع والمنشأ بس التصميم والتجميع بيتم في كندا والتصميم بتاع بعض العربات البيتم في كندا ممنوع يطلع للتصدير خارج أمريكا وكندا الا بعد سنتين من تاريخ التصنيع . تحياتي
| |
|
|
|
|
|
|
Re: صورة السيارة الليكزس الأمريكية موديل 2013 (Re: Osman Musa)
|
عزيزنا د / أحمد القرشي سلامات ياخ بتذكر كان عندكم زميل في الكلية و ساكن معاكم في دأخلية حسيب مع ناس بخيت الزول ده كان عامل قروش من تجارة العربات وهو طالب في الكلية كان كل يوم جمعة بمشي دلالة الصحافة ويجي ماسح شنبو . .. يا د / أحمد في شاسيه اللكزس 2013 دي يا أحمد المصمم كاتب ( في ثياب الحيا أنت رأفل .. بيك تنور تزدهر المحافل ) يا المضمر . مكتوبة باللغة الانجليزية . .. تحياتي
| |
|
|
|
|
|
|
Re: صورة السيارة الليكزس الأمريكية موديل 2013 (Re: Nasr)
|
عزيزنا محمد عباس محمد علي سلامات يا أيها اللوسنجلوسابي المخضرم وأنا برضو من المعجبين بالتويوتا وسعيد برضو بعد ما أتصدرت السنة الفاتت تصنيف معهد تأمين الطرق السريعة في الولايات المتحدة الأمريكية . الزبون الأمريكي بعد يشوف شهادة وحديث المعهد عن عناية الليكزس الفائقة بالسلامة تاني ماعندو مشكلة في دفع الدولار . تحياتي
| |
|
|
|
|
|
|
Re: صورة السيارة الليكزس الأمريكية موديل 2013 (Re: Osman Musa)
|
عثمان موسي عاشق الجمال ال LFA إبداع ليس له مثيل من لكزس بدا هذا المشروع فى عام 2001 وتم الإنتاج في 2011 ل 500 سيارة فقط limited edition كان نصيبنا منها في السعوديه 8 سيارات فقط ، ترشيح المشترين تم بواسطة رئيس شركتنا محمد عبد اللطيف جميل والسعر في حدود 2 مليون إلا شويه في حالة حدوث أي مشكله في بدن السيارة (كربون) نقوم بنقلها لمركز إصلاح البدن في ألمانيا انصح بمشاهدة حلقة Top Gear عن هذه السيارة الرائعة
| |
|
|
|
|
|
|
Re: صورة السيارة الليكزس الأمريكية موديل 2013 (Re: احمد التجانى احمد)
|
Quote: قالوا أول المشترين تاجر خشب كندي من نيويورك الزول ده دفع فيها مبلغ 500 ألف دولار أمريكي . العجيبة قالوا الزول الكندي ده كل سنة بشتري لنج وكل سنة بكون هو أول المشترين |
حبيبنا لا اوقف الله (ابديتك )
ناس دلالة المرديان صرحو انو عجل الحديد بتاع وارد امريكا بجى عجل حديدو عريض ولديترو فتحتين سعرو ذى البوكس 82 وكان مزنوق داير تبيع قطعة واطة فى ابو ادم وتلاجة 21 قدم
| |
|
|
|
|
|
|
Re: صورة السيارة الليكزس الأمريكية موديل 2013 (Re: Osman Musa)
|
عزيزنا أيمن سلامات يا أيمن أنا غايتو سنة 1988 كنت حاضر بيعه في دلالة الصحافة الخرطوم . البيعه تمت بالمقايضة البايع باع هايلكس موديل 1981 مقابل شحنة شطة مسحونة . المشتري المقايض صاحب الشطة فحط بي الهايلوكس . والبايع كسح فرحان بالشطة . ياخ زي ما في أمريكا في عناية فائقة بالصناعة والسلامة في السودان برضو في فنون في الدلالة . تحياتي
| |
|
|
|
|
|
|
Re: صورة السيارة الليكزس الأمريكية موديل 2013 (Re: Osman Musa)
|
الزول ما بزعل من السودان عشان السودان ما فيه ليكزس زي العنبة الفي الصورة دي . بس البزعلك جد يكون وأحد كاتب في الهنتر الكركعوبة المن سنة 1969 . يكون كاتب فيه ( تمشي قدم قدم في مشيها ريلة ) وبي كركعوبتو دي خاجي الحركة في شارع الجمهورية خج من لا يخاف من الشككان في الوطنية .
| |
|
|
|
|
|
|
Re: صورة السيارة الليكزس الأمريكية موديل 2013 (Re: Abd Alla Elhabib)
|
عثمان سلامات والله لي زمن بقرأ بوستاتك بمتعة وضحكة كمان يا اخي انت زول مبدع اليابانيين بيصنعوا للبلاد المتل بلادنا حسب المستوى ناس كشا مشا يدوهم نوعية نص نص لكن زي الفارهة دي ما حتصل كرين بحري إلا بعد كام سنة كده وبرضو الموديل بيكون نص نص حسب مستوانا .. يا اخي دلالتنافيها سماسرة بيفتوا في العربات وكانهم صمموهايا اخي بلد فيهاالمرسيدس ارخص من الاتوس الكورية
| |
|
|
|
|
|
|
Re: صورة السيارة الليكزس الأمريكية موديل 2013 (Re: إسماعيل حسن)
|
Quote: عزيزنا أحمد التجاني سلامات وبارك الله فيك وكتر خيرك علي جلب المعلومة دي . أكيد السوق السعودي سوق فطحل ومهم في العالم . سمعنا قالوا في سوداني سعودي من الكبار في عالم سوق السيارات زي ناس عبداللطيف جميل ديل كدي . أسمو منو السعودي السوداني ده ؟ لك التحية |
عثمان موسي سفير الفن والإبداع
يا أخوي جماعتك ديل خارج مجال عربات الدينا (شاحنات صغيرة) وتجارة الأسمنت ما بتلقاهم
| |
|
|
|
|
|
|
Re: صورة السيارة الليكزس الأمريكية موديل 2013 (Re: Osman Musa)
|
عزيزنا أسماعيل سلامات يا أسماعيل ياخ في في دلالة الصحافة في سمسار خوبر ليك زبون بي خابور عجيب . بيجو بي شبابيك وأبواب قديمة . تخيل وهانتر بي قطعة أرض في الصالحة . وقندراني بي دكان في سوق عطبرة . القصة العجيبة يا أسماعيل السمسار عارف أسمو عند ناس الدلالة خابور . والزبون عارف والحكومة عارفة .
| |
|
|
|
|
|
|
|