Post: #1
Title: خصخصة سكر سنار وسكر حلفا
Author: محمد إبراهيم علي
Date: 01-10-2013, 06:21 AM
|
Post: #2
Title: Re: خصخصة سكر سنار وسكر حلفا
Author: محمد الرفاعى
Date: 01-10-2013, 07:26 AM
Parent: #1
الأخ محمد إبراهيم على
الهيئات والشركات قبل 1989 هى فعلاً كانت قطاع عام ويجب عدم التصرف فيها بأي حال
و ما تم تسجيله من شركات فى هذا العهد هى فى الأصل (قطاع خاص بالمؤتمرجية) وهى التى تسببت فى النزيف فى ميزانية الدولة وليست لها علاقة أصلاً بالمرافق العامة
كيف يتم خصخصة مصانع للسكر وقبل أيام إحتفلوا بإفتتاح مصنع سكر النيل الأبيض وصفقوا ورقصوا فيه
علماً بأن مصنعى (سكر كنانة و سكر النيل الأبيض) هى مؤسسات كويتية و تستفيد (الكويت) من إنتاج السكر هنا وتقوم بتصديره للخارج .
قالوا الهدف من القرار توسيع مواعين الملكية الخاصة !!!
والقطاع الخاص يستخدم الموارد بشكل أفضل !!!
|
Post: #3
Title: Re: خصخصة سكر سنار وسكر حلفا
Author: عمار عبدالله عبدالرحمن
Date: 01-10-2013, 07:31 AM
Parent: #2
في انتظار تخصيص القصر الجمهوري ,,
|
Post: #4
Title: Re: خصخصة سكر سنار وسكر حلفا
Author: محمد الكامل عبد الحليم
Date: 01-10-2013, 07:35 AM
Parent: #3
تحية...
في ظل انعدام الشفافية يسرح ويمرح الحرامية..
|
Post: #5
Title: Re: خصخصة سكر سنار وسكر حلفا
Author: سامى عبدالله
Date: 01-10-2013, 08:41 AM
Parent: #4
سلام ي هندسة ...
من دمر مشروع الجزيرة وفرض سياسة التهجير القصري للوظائف ( الصالح العام )
إدارة - مصانع تحويلية - جمعيات تعاونية للزراعين - إفساد قنوات الري - تدليج الأرض
كلو بجي منو وما زال البشير وعصابته يفسدون حتى يدللون علينا ك شعب
دمت ي ود الخالة
|
Post: #6
Title: Re: خصخصة سكر سنار وسكر حلفا
Author: ABUHUSSEIN
Date: 01-10-2013, 09:05 AM
Parent: #5
و الله يا أبو إبراهيم من الزحمة الحاصلة دي الواحد لم إشتاق ليك أسهل ليه إجيك في البيت
من ما إقعد إفتش لي بوستاتك ياخ ...
إديك العافية
|
Post: #7
Title: Re: خصخصة سكر سنار وسكر حلفا
Author: محمد إبراهيم علي
Date: 01-10-2013, 10:01 AM
Parent: #6
مرحب بيك محمد الرفاعي
Quote: قالوا الهدف من القرار توسيع مواعين الملكية الخاصة !!!
والقطاع الخاص يستخدم الموارد بشكل أفضل !!! |
انا غايتو بفهم انو في طريقة ثانية لتوسيع مواعين الملكية
لماذا لا تطرح الحكومة حصتها في شكل اسهم للاكتتاب للمواطنين السودانيين بعد تحديد سعر اسمي للسهم
الكلام ده بعد ان تقوم جهة متخصصة بتحديد قيمة المصنع
وكمان يجب ان تكون هناك اشتراطات بتحديد حد اعلى لعدد الاسهم المشتراة عبر الاكتتاب
منها توجيه ادخار المواطن من الدولار والاراضي الى قطاعات انتاجية تدعم الاقتصاد
ومنها الحكومة تحصل على سعر مجزي للممتلكات العامة ومنها انها بدلا من ان يستفيد غاسلو الاموال والطفيليات التي ملئت السوق يستفيد منها عدد اكبر من المواطنين
طبعا مع تخصيص جزء من الاسهم للعاملين في هذه المصانع
|
Post: #8
Title: Re: خصخصة سكر سنار وسكر حلفا
Author: محمد إبراهيم علي
Date: 01-10-2013, 10:06 AM
Parent: #7
سلام يا عمار
| Quote: في انتظار تخصيص القصر الجمهوري ,, |
حليلك يا عمار الما عارف حاجة ههههههههه
هل تدري ان القصر الجمهوري الذي يبني او سيبنى قريبا سيتم بناءه عن طريق قرض ربوي صريح من احدي الشركات الصينية
يعني وكت اصلو نحن بناخد قروض ربوية الاولي بيها المشاريع التنموية ولا مش كدة يا متعلمين يا بتوع الدين والشريعة (دي ما ليك يا عمار حاشاك)
هسي القصر الجمهوري ده حيرجع القرض ده من شنو ؟
غايتو الا يزرعو القديم طماطم ويصدروها
ذكرني مثل ود اب زهانة ياكل في الفندق وينوم في الجامع
|
Post: #9
Title: Re: خصخصة سكر سنار وسكر حلفا
Author: محمد إبراهيم علي
Date: 01-10-2013, 10:26 AM
Parent: #8
مرحب محمد الكامل
| Quote: في ظل انعدام الشفافية يسرح ويمرح الحرامية.. |
لا يدري اي مواطن سوداني عائد بيع سوداتل او النقل النهري او سودان لاين
ففي الظلام تتاكثر الخفافيش لتمتص دماءنا
كلو بيع غمتي ولا تدري من المشتري وبكم اشترى
من القائمة المذكورة في الخبر اعلاه في شركة باسم شركة القوار وهذه لها قصة
في ظل هوجة الانقاذ الاولي اطلق احد المتعالمين نظرية ان القوار بديل للقمح نهائي
واقيمت الاحتفالات والمهرجانات وتوعدت امريكا واضيفت اليها استراليا وكندا وكبار منتجي الارز توعدوهم بالفقر والمحق لمنتجاتهم
واعتقد ان احد المتشوعرين عمل غنية للقوار وصرفت الملايين على القوار هبة الله للسودان
واقيم مصنع في نواحي سنجة عبدالله وقد ذهبت لعمل اختبارات التشغيل للمولدات الكهربائية الامريكية
وانشدني مدير المصنع القصائد المادحة للقوار وانو السودان خلاص انطلق زي الرصاصة الى عنان السماء
وخرجت من عنده ممتلئا املا حتى انني فكرت ان اغير مجالي وامشي ازرع قوار صرعة العصر ومطلب المليارات من سكان العالم
لكن تذكرت تجربة صديقي مع الشمام ففضلت ان اكون متفرجا على ان اكون مشاركا في الثورة الزراعية هههههههه
طبعا لا في محاسبة ولا دياولو قروش اتصرفت وحوافز ومرتبات وسفر وتلفزيونات واخرها معليش والله الموضوع ده طلع كاميرا خفية
|
Post: #10
Title: Re: خصخصة سكر سنار وسكر حلفا
Author: محمد إبراهيم علي
Date: 01-10-2013, 10:37 AM
Parent: #9
مرحب بيك عضوا في المنبر يا سامي عبدالله
| Quote: من دمر مشروع الجزيرة وفرض سياسة التهجير القصري للوظائف ( الصالح العام ) |
مشروع الجزيرة قصة واخرها لسه
وزعت السريات للمحاسيب
وبيعت المحالج وخطوط سكك حديد المشروع كحديد خردة بيعت لشركة ارض المحنة التي يملكها عباس الترابي
وكلو غمتي
ــــــــــــــــــــــــ
انت سامي عبد الله الدرديري ؟
|
Post: #11
Title: Re: خصخصة سكر سنار وسكر حلفا
Author: محمد إبراهيم علي
Date: 01-10-2013, 10:42 AM
Parent: #10
سلامات يا ابوحسين
| Quote: و الله يا أبو إبراهيم من الزحمة الحاصلة دي الواحد لم إشتاق ليك أسهل ليه إجيك في البيت |
انا الاسبوع الفات ده قايل روحي بدخل على حتة تانية هههههه
بعدين الزحمة فيها الرحمة هسي زعمطة ود الباوقة دي ما رحمة ههههههه
بكري شاف البورد نام قال احسن يصحيهو بدماء جديدة
|
Post: #12
Title: Re: خصخصة سكر سنار وسكر حلفا
Author: كمال سالم
Date: 01-10-2013, 11:38 AM
Parent: #11
والله خبر صادم ياباشمهندس !
خلاص بعد أن نضب كل شئ فتحوا مجارى جديده ؟ لعنة الله عليهم
فهم سوف يكونون أيضا الملاك الجدد لهذه المشاريع .
كانت الخصخصه قد بدأت بفندق السودان والفندق الكبير فى بداية
عهدهم حيث سافر المدعو تاج السر مصطفى وأسس شركه فى ماليزيا
هو ومجموعه من مصاصى الدماء وجاءوا وأشتروا الفندقين بإسم الشركه
الماليزيه التى هى ملكا لهم .
وهاهم لم يكتفوا حتى الآن ! غدا سوف يتحكمون فى سلعة السكر التى لا يستغنى
عنها محمد أحمد المسكين .
إلى متى يارب سيظل المواطن السودانى فى هذه الغيبوبه ؟؟
|
Post: #13
Title: Re: خصخصة سكر سنار وسكر حلفا
Author: ibrahim fadlalla
Date: 01-10-2013, 11:46 AM
Parent: #11
Quote: انا غايتو بفهم انو في طريقة ثانية لتوسيع مواعين الملكية
لماذا لا تطرح الحكومة حصتها في شكل اسهم للاكتتاب للمواطنين السودانيين بعد تحديد سعر اسمي للسهم
الكلام ده بعد ان تقوم جهة متخصصة بتحديد قيمة المصنع
وكمان يجب ان تكون هناك اشتراطات بتحديد حد اعلى لعدد الاسهم المشتراة عبر الاكتتاب
منها توجيه ادخار المواطن من الدولار والاراضي الى قطاعات انتاجية تدعم الاقتصاد
ومنها الحكومة تحصل على سعر مجزي للممتلكات العامة ومنها انها بدلا من ان يستفيد غاسلو الاموال والطفيليات التي ملئت السوق يستفيد منها عدد اكبر من المواطنين
طبعا مع تخصيص جزء من الاسهم للعاملين في هذه المصانع |
حمدا لله على السلامة يا باش ..ومرحب بالراي الموزون
أوافقك في المقتبس ، لكن للأسف هذه الطريقة لن يكون مرحبا بها في أجواء العتمة والخفشنة السايدة ...يعني كدة الخمش ما بيكون ساهل ...
....الله لينا ...
|
Post: #14
Title: Re: خصخصة سكر سنار وسكر حلفا
Author: محمد عوض السيد
Date: 01-10-2013, 03:01 PM
Parent: #13
خبر موسف اخر..
ومصدر جديدة لمص دم الشعب وامواله
فضل شنو تاني بالله من مؤسسات او هيئات عامة !!
اللهم لا نسألك رد القضاء والقدر ولكن نسألك اللطف فيه
|
Post: #15
Title: Re: خصخصة سكر سنار وسكر حلفا
Author: سامى عبدالله
Date: 01-10-2013, 03:13 PM
Parent: #14
معليش .........
لعدم توضيح ما يلزم الأمر
آل الشيخ القاسم الشيح أحمد عبدالعزيز
سامي دياب
شكراً ليكم ي ناس المسيد على الترحيب
|
Post: #16
Title: Re: خصخصة سكر سنار وسكر حلفا
Author: سامى عبدالله
Date: 01-10-2013, 03:14 PM
Parent: #14
|
|