Post: #1
Title: الجزيرة نت :الناتو يبدأ نشر باتريوت في تركيا
Author: محمد البشرى الخضر
Date: 01-09-2013, 08:49 PM
الرابط
Quote:
أعلن الجيش الأميركي اليوم الجمعة وصول الدفعة الأولى من صواريخ باتريوت أرض جو التابعة لحلف شمال الأطلسي (ناتو ) إلى تركيا لحمايتها من تهديدات سورية محتملة.
وقالت قيادة الجيش الأميركي بأوروبا- ومقرها ألمانيا- في بيان إن عسكريين وتجهيزات أميركية وصلت اليوم قاعدة أنجرليك الجوية في تركيا لنشر بطاريات صواريخ باتريوت التابعة للناتو كما طلبت تركيا".
وأضاف البيان أن منظومة صواريخ باتريوت "لن توضع قيد الخدمة في الحال، وسيتم إرسال طائرات على متنها حوالى أربعمائة جندي، وتجهيزات إضافية إلى تركيا وتجهيزات أخرى بحرا في وقت لاحق هذا الشهر".
وتشارك في نشر منظومة باتريوت الدفاعية بتركيا -إضافة للولايات المتحدة- كل من ألمانيا وهولندا، وفق ما أعلن الناتو، مشيرا إلى أن كلا من الدولتين سترسل بطاريتي صواريخ وأربعمائة جندي.
وسيتم نشر هذه البطاريات والجنود في جنوب تركيا بناء على طلب تقدمت به أنقرة ووافق عليه الناتو، وذلك بهدف حماية هذا العضو في الحلف من "تهديدات سورية محتملة".
وكان مجلس النواب الألماني (بوندستاغ) قد وافق الشهر الماضي على إرسال صواريخ باتريوت إلى تركيا عقب خطوة أميركية مماثلة في إطار مهمة للناتو وافق عليها وزراء خارجية الحلف في نفس الشهر."
سبق وأعلن الأمين العام للناتو أندرس فوغ راسموسن أن نشر المنظومة المضادة للصواريخ سيكون لأغراض دفاعية فحسب، ولن يدعم أي منطقة حظر الطيران أو أي عملية هجومية
"
مخاوف وتطمينات
وكان الأمين العام للناتو أندرس فوغ راسموسن قد أعلن أن نشر المنظومة المضادة للصواريخ "سيكون لأغراض دفاعية فحسب، ولن يدعم أي منطقة حظر الطيران أو أي عملية هجومية".
وعن موقع نشر تلك المنظومة، أكد مصدر دبلوماسي بأنقرة أن الناتو سينشر الصواريخ في عمق الأراضي التركية وليس مباشرة على الحدود السورية.
والغاية من ذلك -وفق المسؤول التركي- تبديد قلق روسيا التي حذر رئيسها فلاديمير بوتين خلال زيارته الأخيرة إلى إسطنبول من أن نشر صواريخ الناتو على الحدود التركية السورية قد يفاقم التوتر على تلك الحدود.
يُذكر أن العلاقات بين سوريا وتركيا شهدت توترا عقب قيام دمشق في يونيو/حزيران الماضي بإسقاط مروحية تركية وسقوط قذيفة سورية على جنوب شرق تركيا مما أدى لمقتل خمسة أتراك وقيام أنقرة بالرد مما أسفر عن مقتل وإصابة عشرين سوريا.
وأدت الهجمات الأخيرة بصواريخ سكود من قبل القوات النظامية في سوريا ضد الثوار، شمالي البلاد، إلى زيادة الشعور بالقلق لدى تركيا رغم أن الخارجية السورية نفت صحة هذه التقارير لاحقا. |
|
Post: #2
Title: Re: الجزيرة نت :الناتو يبدأ نشر باتريوت في تركيا
Author: محمد البشرى الخضر
Date: 01-09-2013, 08:51 PM
Parent: #1
البوست دا نظام تقيّة وكدا
زولك - الما بنجيب اسمه - اظنه بال في الكعبة, او اكل مال النبي
|
Post: #3
Title: Re: الجزيرة نت :الناتو يبدأ نشر باتريوت في تركيا
Author: محمد عبد الماجد الصايم
Date: 01-12-2013, 11:25 AM
Parent: #2
فكّـ التشفير يا عربي!!
كان ناتو ما عارف!!
|
Post: #4
Title: Re: الجزيرة نت :الناتو يبدأ نشر باتريوت في تركيا
Author: عبدالوهاب علي الحاج
Date: 01-12-2013, 11:45 AM
Parent: #3
Quote: فكّـ التشفير يا عربي!!
كان ناتو ما عارف!! |
|
Post: #5
Title: Re: الجزيرة نت :الناتو يبدأ نشر باتريوت في تركيا
Author: محمد عبد الماجد الصايم
Date: 01-12-2013, 11:47 AM
Parent: #4
وهبة حبيب ألبي ياخ!!
قلت لي مقاس كم؟
العربي دا من الصباح شابكنا
ناتو .. ناتو ..
يمين يغلط في كيبورض البلاكـ بيري دا إلا يرحل من البورض!!
|
Post: #6
Title: Re: الجزيرة نت :الناتو يبدأ نشر باتريوت في تركيا
Author: عبدالوهاب علي الحاج
Date: 01-12-2013, 11:50 AM
Parent: #5
Quote: ناتو .. ناتو ..
يمين يغلط في كيبورض البلاكـ بيري دا إلا يرحل من البورض!! |
هههههههههههههههههههههههههههههههههههههههههههههه
والغريبة الكاف ما بعيدة شديد من التاء
غايتو الله هونيني !!
____________
44 قلنا ليك !!
|
Post: #7
Title: Re: الجزيرة نت :الناتو يبدأ نشر باتريوت في تركيا
Author: وضاحة
Date: 01-12-2013, 12:04 PM
Parent: #2
Quote: البوست دا نظام تقيّة وكدا
زولك - الما بنجيب اسمه - اظنه بال في الكعبة, او اكل مال النبي |
ذكرتنى بقصة البول دى
مرة فى واحد من اولاد الغرب ديل
كان معجب بى واحدة كده زميلتوا فى الشغل
وهى حلوة وجميلة خالص خالص ديسة كابى لى نصها
اها اظنوا كان بحبها ومكسر ومدشدش فيها
قام مرة لم ليك فيها ونسة وكده علشان يفتح الموضوع بتاع الخطوبة و الزواج وكده
وهى بتعتبروا زميلة وبث
وهى بت متحضرة وعاشية خارج السودان وما بتعرف كثير فى ثقافة السودان
قام قال ليها تعرفى انا نفسي ابول فى مراحكم
البت ما فهمت قالت ليه WHAT THE HECK?
قامت فتحت ليك فيه نار
علشان كلمة البول وكده
فى النهاية فهمت منو انوا عاوز يتزوجة
أختلاف ثقافات يا عمك مرات بودى التوج ههههههههههههه
قلت لى ناس سوريا جوهم ناس الناتوا
خلاص سوريا قد دنا عذابها
ياخى بالله العرب ديل عندهم راس
|
Post: #8
Title: Re: الجزيرة نت :الناتو يبدأ نشر باتريوت في تركيا
Author: محمد عبد الماجد الصايم
Date: 01-12-2013, 12:14 PM
Parent: #7
| Quote: قام قال ليها تعرفى انا نفسي ابول فى مراحكم |
هسي دا عرس يعني يا وضاحة؟؟
قاااادر الله
|
Post: #9
Title: Re: الجزيرة نت :الناتو يبدأ نشر باتريوت في تركيا
Author: وضاحة
Date: 01-12-2013, 12:15 PM
Parent: #8
ايوا دى خطوبة يا ود الصائم
|
Post: #10
Title: Re: الجزيرة نت :الناتو يبدأ نشر باتريوت في تركيا
Author: محمد عبد الماجد الصايم
Date: 01-12-2013, 12:24 PM
Parent: #9
| Quote: ايوا دى خطوبة يا ود الصائم |
نكتفي بهذا القدر .. خوفا من الخرمجة!!
|
Post: #11
Title: Re: الجزيرة نت :الناتو يبدأ نشر باتريوت في تركيا
Author: كمال سالم
Date: 01-12-2013, 12:41 PM
Parent: #10
الحمد لله البوست طلع مشفر !
لأنى بعد ما قريت العنوان كنت ناوى أقول ( من الذى يكتب بإسم ود البشرى ) !
|
Post: #13
Title: Re: الجزيرة نت :الناتو يبدأ نشر باتريوت في تركيا
Author: محمد البشرى الخضر
Date: 01-12-2013, 12:59 PM
Parent: #11
يا عربي حصل كالآتي
بعد الريّس فتح ليبيا و الشامي على المغربي حتى ناس منبر الهكر أخدوا باسويرد
وبعد رجّع الموقوفين فقدت أخونا الفكي ماسورة فكتبت بوست حاضرين 2 مناشدة للريّس يرّجعوا و كدا
اها البوست اظنو تم ربع ساعة تاني و اتلحس, فعرفت قريبك دا بكون سوّاها شينة مع الريّس و شتم ليك حنانو اكتر من ناس برود الحبر زاتهم
اها في اللحظة دي سمعت خبر الناتو - بالتا يا عربي - فعملتو تقيّة وكدا
اسي انت لميت فيه وين البوست دا رفعتو؟
بالغت يا وضاحة ابول في مراحكم دي معناها عايز العرس؟ بتجيبي من وين الكلام دا
ما يمكن مزنوق ساي جابو الدرب
بالمناسبة يا كمال الخبر دا لفت نظري انو اربعمية جندي جايين قصاد ستة بطاريات صواريخ
يعني البطارية الواحدة عايزة ليها كم وستين جندي, قول بشتغلو تلاتة ورديات يعني الوردية الواحدة كم وعشرين جندي!!
وهو الباتريوت دا براه من لحظة اشتعال السكود بقوم بدون تدخل بشري
شوف بالله حنك الأمريكان دا التقول ملاّه ليهن ابوريالة
|
Post: #12
Title: Re: الجزيرة نت :الناتو يبدأ نشر باتريوت في تركيا
Author: محمد إبراهيم علي
Date: 01-12-2013, 12:48 PM
Parent: #10
| Quote: ايوا دى خطوبة يا ود الصائم |
هو لو لحق بال في المراح
العرس ما في ايو داعي ليهو :)
على فكرة نرجع لموضوع البوست : الصاروخ موجه لياتو اتجاه عشان نعرف ناخد ساتر
|
Post: #14
Title: Re: الجزيرة نت :الناتو يبدأ نشر باتريوت في تركيا
Author: محمد عبد الماجد الصايم
Date: 01-13-2013, 12:01 PM
Parent: #12
والله يا معلم لقيتكـ شليق شلاقة!!
أها .. خووود عندكـ ..
Quote: اولا سلام عليكم ووضاحه العسل دى من وين ؟
والله لفتنى صديقى العزيز ريدر سفن للبوست بتاع الناتو
توقعى للبوست دا عجاعجتو امكن تعكل فوق
اخوك والله بقى بعيد من الموقع شديد
حبيت بس اشكرك يا ود البشرى على حاضرين 2
ومن ناحية رشيتو رشيتو والله وذى ماقال الجعلى
للقاضى على الطلاق كفتو وبكفتو تانى
مع انو زولك دا اولاد خالتو اعز اصدقائى بطابت
يا وهبه والله مشتاقين كتير |
|
Post: #15
Title: Re: الجزيرة نت :الناتو يبدأ نشر باتريوت في تركيا
Author: Balla Musa
Date: 01-13-2013, 06:18 PM
Parent: #14
والله ياوضاحة
الواحد عايز يوضح ليك الزول دا بالضبط عايز يقول شنو لكن الخوف حاصل!!
البت زى ماقلتى بريئة وماناقشا المصطلح
والراجل لما لقى روحو اترشا
قال خطوبة
والله الماعارف يقول خطوبة, وفى رواية أخرى الماعارف يقول عرس!!!
|
|