ارهبوهــم قبل أن يتمكنوا منكم ويرهبوكم ..

واعني بذلك ..
العضوية البرالمـة الجداد .. بتاعين الفين وطلطاشـر ..

وجاء في تعريف الإرهاب انها الأعمال التي من طبيعتها أن تثير لدى شخص ما الإحساس بالخوف من خطر ما يحدق به .

يعني عندم مثلا نحن اولاد قلبـه ديل ..
كنا بنرهب الفارات الجايين يتفسحو لينا في امدرمـان .. زي بعض الفرحانين الكانو بكاكو بره المنابر التانية .. وجو حسع دي عايزين يعملو ليك فيها مولودين بي سنونم ..
..


بالمناسبة:
وسؤال منطقي ..
هل التسجيل لموقع سودانيز اونلاين بقى بي صورة جواز السفر يا البطاقة الشخصية .. يا رخصة القيادة واللا دا حنك زي حنك الفجر الجديد بتاع اليومين دي ..؟

منكم نستفيد يا tmbis ،،،،

شكراً

Quote: منكم نستفيد يا tmbis ،،،، شكراً

يا محمد فاروق ازيك ..
اولا انت هلالابي واللا مريخابي .. ولو هلالابي .. هلالابي ليــه .؟
رايك شنو في انو ميسي يدوهو الجايزة اربعة مرات مع بعض وكرستيانو يقعد يتفرج فوقو ..؟
امس بالليل اتعشيت بي شنـو ..؟
ولييه زاتو تتعشى ..؟
الجابك سودانيز اونلاين دي منو ..؟ وعرفتها كيف ..؟
..

اذكر معاك المليون شهيد الماتو في الجزائر المرة الفاتت ..

السؤال الأول: الإجابة: لما كنت صغير كنت مريخابي،، لما كبرت بقيت هلالابي،، ولما أكبر أكتر احتمال اعتزل تشجيع الكورة السودانية،،

ولي هلالابي،، حاسي أنو الهلال أسسوه الوطنيين ،، والمريخ اسسوه المستمعرين والأقباط،،،

المهم مافرقت معاي كتير،، أهو في ناس 17 سنة هلالاب وبعدها أصبحو مريخاب،،

السؤال التاني: ميسي يشيل الجائزة اربعة مرات دي ما غايزاني ،، غايزني شديد أنو جاء للعرب ديل وخما قروشون وفرتك،،

السؤال الثاني،، تعشيت بي فول،،، مصلح.

لييه زاتو تتعشى..؟ البرد ده كان ما تعشيت ليهو بتعشبيك.

الجابك سودانيز اونلاين دي منو ..؟ وعرفتها كيف ..؟ جيت براي وشلاقا مني ساي،، أما عرفتها كيف دي،، موقع مشور شديد،،،

رحمة الله على جميع الشهداء الماتو في الجزائر وفي كل مكان،،



وشكراً جزيلاً أستاذ/ تمبس،،





ـــــــــــــــــــــــــــــــــــــــــــــــ

شايف الجماعة شغالين تجنيد شديد للبرالمة،، الله يستر،،

Quote: شايف الجماعة شغالين تجنيد شديد للبرالمة،، الله يستر،،

..
والله يا محمد فاروق اجوبتك صريحـة جدا .. ومقنعة احيانا .. لكن ما بتحلك برضو ..
انت سمعت النكته بتاعت القرد الكانو بطقطقو فوقو بتاعين الامن وقالو ليهو قول انا اسـد ..؟
اهـا شفته هنا دا .. ببقوك اي حاجة .. وفي النهاية لو ما طلعت زولم بجدعوك عضم ..

..
تجنيد الحبـة دي ..؟
ياخ الشغل ابتدا ليهو كم يوم:
شعبة... التجنيد شغاله قرش ونص ..
شعبة.. الارهـاب والكباب بوستاته ما تديك الدرب ومداخلاتـه ..
شعبـة ... شيلني واشيلك الواحد اشترى ليهو كيبوردين ورابطم في الجهاز ..
شعبـة .. حمل النقالات والاسعافات الاولية .. ديل احسن ناس شغالين الايامات دي ..
اماالشعبة المهمة .. هي شعبة الفرز والتغليف وديل اهم ناس ..
ديل جايبين الصناديق والاكياس وشغالين ليك لفلفـه .. يشيلو ويلفلفو في الجماعة الطيبين الكانو عاملين زلزال في مواقع تانية وواقعين شتيمة للموقع .. وشتيمة للعضوية بي اسماء في حياتنا منسوخـة من نسخ منسوخـة في البورد ..

اللطيفة شنـو ..
في واحد معجـب بي من كوني من اولاد قلبـه وبعرف حاجات كتيرة ..
شايفو جا هنا ودافن دقـن ..
يللا نحن قاعدين وهو قاعد ولما نفضى .. بنوريهو الطفا النور منـو ..
يديك العافية يا محمد يا فاروق يا عبد العال وخل يبالك من لقاليقك .. لانو اللقلوق الواحد الايامات دي بقى بي مليون ..

يا زول هوي ديل فرفارات وجو لقوكم مبطلين كلو كلو
تجروا معاهم لفتين بس في التلاتة تقعدوا في الضل تناهدو
.
.
عاين جاي
يومداك اتصلت عليك كنت عايزك تديني ميزة لكن ابيت
.
.
اها قمت اكلت راس السمكة ساهي وقلت ليك بقلبي القالوا متوكل ود الجمو لاخوهو النو
غيرنا من العجين والدقيق لقينا روحنا نفسنا اقوم في الخفيفة والتقيلة
قال ارهبوهم قال
وينو حصانكم والبرندي حقو
تمبس سلامات ومشتاقين جدا ياخي

Quote: يا زول هوي ديل فرفارات وجو لقوكم مبطلين كلو كلو

مبطلين ووين يا ود البوش .. نحن اصلو ما بنبطل لكن الجايبين لينا الهوا ناس اساسي وابو حسين ..

Quote: يومداك اتصلت عليك كنت عايزك تديني ميزة لكن ابيت . . اها قمت اكلت راس السمكة ساهي وقلت ليك بقلبي القالوا متوكل ود الجمو لاخوهو النو غيرنا من العجين والدقيق لقينا روحنا نفسنا اقوم في الخفيفة والتقيلة

ههههههه ..
كدي خليني من متوكل دا يا ود البوش .. لانو شايفك تعبتو معاك تعب شديد والله ..
البوديك تخلي العجين وتدني السمك شنـو ..؟
القاليك منو السمك دا ادنيهو من غير ما نديك الفاتحــة ؟؟ انت عايز تجيب لينا رقبـة في البلد دي واللا شنـو ..؟
عليك الله يا ود البوش خليك في دقيقك وعجينك دا .. امضق وابلع اكسح وامسح
بعدين يا ود البوش ياخ انا بقيت شايل لي تلاتة تلفونات .. زي الحاوي .. اكشكش واصفر واغني اليوم كلووو ..
اهـا انت يا شقي الحال ظنيتك تكون وقعته في يوم البلاطـة ..
يوم البلاطة دا اليوم الما قاعد ارد فوقو لي اي رنـة كان جا الخفسو زاتو ..
بعدين اديك ميزة تانية ..
لو ما رديت عليك معناته بكون قاعد اغسـل في العدة .. انت قايل البغسل العدة منـو .بي ضمير واخلاص ووعي ؟؟ .. ما ان القدامك دا ..

ياتمبس .. الناس تلبد ليهم في الزقاق والا كيف الارهاب دا :)





خارج البوست :

سلامي الي كل اسرتك
التي عرفتها عن طريق صديقي / محمد حامد - السقاي


مع ودي
واحترامي

Quote: ياتمبس .. الناس تلبد ليهم في الزقاق والا كيف الارهاب دا :)

يا محمد عوض .. ازيك
ياخ في واحدين بيجوك مدردقين .. وفي واحدين مدردقنهم ليك الاخوان وفي واحدين .. ناس الله ساكت .. اها الفصيلين الاولين ديل .. بتجي كاسح فوقم ساكت ولما البحر يكون زايد .. تجي تلقطم كلهم تعمل ليهم فرش متاع عشان ما ينسو الناس ..
حسع بس خلي البرد دا يروح .. والبحـر دا يزيد .. والله تشوف ليك لي فارات هنـا دا لمن يعرفو حاجة ..
..

Quote: سلامي الي كل اسرتك التي عرفتها عن طريق صديقي / محمد حامد - السقاي

يا سلام يا محمد عوض .. في الحتـة دي .. يللا امسك قوي وصلته تـب .. وتحياتي ليك انت .. ومحمد حامد .. (الدني)
طبعا يا محمد عوض .. محمد حامد دا ومعاهو خالد ود عمي كان لاقيتو ديل اكتر اتنين ( دنييين ) في تاريخ البشرية ..
خلي محمد حامد يشرح ليك (دني) في قاموسنا الخاص بتعني شنـو ..؟
شكرا يا محمد والف مرحب بيك في البورد

Quote: ارهبوهــم قبل أن يتمكنوا منكم ويرهبوكم

النصيحة أيضاً يمكن أن تشمل لاعبي المريخ في ما يختص بالوافدين الجدد هذا الموسم

Quote: النصيحة أيضاً يمكن أن تشمل لاعبي المريخ في ما يختص بالوافدين الجدد هذا الموسم

هههههههه..
والله يا ابو الخلد في التنك برضــو ..
غايتو انا شايف ي كم واحد بقو قاعدين يتململو من حسع دي ..

سلام

ناس اللوري ديل بيقومو بالغدا ويخلو الناس تتلفت

وبعد داك بيتموها في السوق





أب سنينة يضحك على أب سنينتين

الغالي تمبس نو وي نحن بنجي اخر ناس لكن بنختها لاولاد قلبها قدامهم

تامبا

التسجيلات 2013 نحس ان بها

فرفارات تجيد اللعب بالاطراف والتهديف من العمق

لذا نحثهم بالبدء بالردم دفاعا عن النفس

شكرا تامبا

و الله يا علاء الدين فيهم واحدين حا إرهبوا ليك أبو صلعة ذاتو.....

يا زول ما تخاف عليهم ديل شكلهم رسلو قبل 3 أو 4 سنوات لي بكري
و طوالي نزلوا تمارين و مباريات ودية و كان ما أخاف الكضب فيهم واحدين
كانو بتمرنو في دروة الشيخ حمدالنيل .....

خاف علي نفسك و ما تخاف عليهم ...

Quote: يا زول ما تخاف عليهم ديل شكلهم رسلو قبل 3 أو 4 سنوات لي بكري و طوالي نزلوا تمارين و مباريات ودية و كان ما أخاف الكضب فيهم واحدين كانو بتمرنو في دروة الشيخ حمدالنيل ..... خاف علي نفسك و ما تخاف عليهم ...

يا ابو حسين .. الكتابة في الحتات التانية دي كلها بتفرق عن الكتابة في الحتة دي .. وبتفرق عن انك تكون متصفح وعن انك قاعد تكتب ياخ دي حاجات مفروض تكون ناقشة ..
يللا الجماعة البتقدم لي بكري من سنوات دي داخله البورد بي فكرة السنوات الخوالي القدمت فيها ..
جزء من الناس دي جاي بالفكرة القديمة .. وديل العليهم الخوف لانو البورد حسع والبورد زمان بختلف ..
اما البقية العندهم مشروع جاهز والقلت انهم شيلو بكري القفه من بدري ديل ياهم المطلوب اثباتهم ..
مع العلم انو في نوعية عندها احزاب وطوايف هنا ومساعدين يايات كانت بتساعدم في حتات تانية .. بتساعد فيهم على خراب المكان دا .. وعلى مواجهة كتاب بي عينهم هنا في الحتة دي .. وترد ليهم من منمصات تانية واحيانا بتستعمل اسماء ليهم .. وحتى بكري زاتو ما سلم من الحاجات دي ..
والمسلسل استمر هنا دا .. بالرغم من انو في كم واحد فيهم كدا عامل ليك فيها مسكين والغنماية تاكل عيشو
المهم .. نحن منتظرين ، عايزين نشوف الناس القاعده ترهب في الناس الجديدة دي .. وعايزين نشوف الناس الجديدة الجايه وشايله ليها اسماء مكتوبة في الورقة للتصفيات .. وفي كل الاحوال .. الحشاش يملى شبكتو اهو لسة الاوكازيون مفتوح والميدان الموية بتنشف منو قريبات دي

Quote: تامبا التسجيلات 2013 نحس ان بها فرفارات تجيد اللعب بالاطراف والتهديف من العمق لذا نحثهم بالبدء بالردم دفاعا عن النفس شكرا تامبا

.. يا ريس المشكلة ما في التهديف من العمق ولا في الفرفره .. المشكلة في لاعب الارتكاز البجدع الباصات الطويلة + اللياقة .. البتلعبك الشوطين ..

Quote: الغالي تمبس نو وي نحن بنجي اخر ناس لكن بنختها لاولاد قلبها قدامهم

يا محمد صديق والله اولاد قلبـه ديل كان تابعتهم .. بتبقى عليك مسالة الزول المشى القاهرة العامل فيها شفت ونظام انا ما بتنشل .. وولافي خمسة ستة ايام بي المحفظة في جيبو ..
لما ليهو في نشال جربان كدا .. قاليهو ووين النشالين بتاعنكم العاملين فيها اولاد قلبـه ديل .. ياخ انا محفظتي دي لافي بيها اسبوع ماف واحد هبشة وشابكني نحنا بنسرق الحكل من العين والخ ..
قاليهو محفظتك ياتا الماليها لنـا كلها ورق جرايد دي ..؟
متع نفسك يا محمد سودانيز اونلاين دي مسرح بتلقى فيهو المهرجين وبتلقى فيهو الناس الفاهمة ومتوازنة وبتلقى فيهو نوعية كدا .. والله تستغرب انو نحن هل رجعنا للعصر الحجري تاني .. واللا ديل جو طالعين من ووين .؟

Quote: أب سنينة يضحك على أب سنينتين

يا مأمون اب سنينة واحدة .. اخبارك ياخ ..؟
والله ناس اللوري ديل فيهم كم واحد كدا .. بيدوك احساس انو لسـة القادم احلى .. وبي كل صراحـة كدا .. ممكن واحد منهم توزن بيهو مية واحد من النوعية البتجيك في البوستات علشان تظهر ويكتب ليهو كلام ابستراك والله دافينشي ما يقدر يقراهـو ليهو ..
المشكلة كمان الواحد فيهم بيفتكر نفسو محلل في الجزيرة الاخبارية ..
غايتو البورد متعة الانظار بيديك مساحة خيال واسعة خلاص

تحية لك
ارهاب فكري أم تهريج؟؟
علينا أن نعرف أولا لأنني من معشر ما اسمبتهم بالبرالمة.
فامل ان نعرف شكل الارهاب الذي يجري هنا.

غير أننا مستعدون لكل.
فمرحبا بالجميع في دارهم.

تامبا
سلامات
يا أخوانا الأعضاء الجدد ترحيب مليون
بعدين نصحيتي
تمبس دا عامل ليكم كمين

Quote: تامبا سلامات يا أخوانا الأعضاء الجدد ترحيب مليون بعدين نصحيتي تمبس دا عامل ليكم كمين

يا معروف ..
كمين شنو ياخ ..؟
الشباب ديل قاعدين ندي فيهم في النجيضة بي طريقة العلاج بالصدمة بتاعت بشاشا

Quote: ارهبوهــم قبل أن يتمكنوا منكم ويرهبوكم ..

الاستاذ السنير tmbis

شكراً للترحيب لأنك سنير ( قديم )

الأسلوب بتاع قديم جديد يستخدمة العساكر وبالذات ناس الحربية

سنير توب و.................. الجدد

وهم يميلون إلى أستخدامة في وقت الراحة مع البرالمة الجدد

والتعدي عليهم وليس هناك دليل يدينهم

وطبعاً لو حاولت تنتقم من أحد من سناير توب سوف تكون كل دفعته ضدك

وتصبح مستهدف لديهم . ودأ شغل العسكور ما لينا دخل بيهم

دحين نسيت الموضوع الأصلي إرهاب وكباب شنو تقصد ..

أها الالية المستخدمة لديكم للارهاب لم تفصحو عنها

هل ؟؟؟ مشروعة ، غير مشروعة


أها طالبين كيلو إرهاب دلفري .

مع خالص المحبة

تمبس سلام
والله مشتاقين

Quote: تمبس سلام والله مشتاقين

يا سلالالالام يا ساطوووور ..
ازيك يا مواطن وكميات شوق عجيبة جدا .. تحياتي لي الود علاء وامو ..
والله ليك وحشـة ..
اهـا
ماف نية جية تاااني ..؟

.. كامل التضامن مع البرالمة .. ضد السناير..


ولو إني ما شايف فيها سناير..


لأنه كلو القدامة أوراقهم مكشوفة..

وكروتهم محروقة...


وميزان القوى.. يميل كثيراً.. للأخوة ندداي..

البرالمة يعني..


لأنو واحد عادي ممكن يتنقس بأي سنير.. كما تيوية الشراب..

ويضقل بالقدامى كما (الكفر) المنفس..

ويهمهم بأنه في طريقهم سائر.. وأنه مع هذا المعسكر أو ذاك..

ويخطب ودهم... وبوهمهم يصدقونه..

فيأتي في اللفة.. ويقول ليهم : ( معاكم الكاميرا الخفية)..


خلينا نتسلف زول هناي أب صلعة ده...




ونواصل..

يا تمبس نصيحتنا ليك وشوف نصيحتنا ليك معناها نحن ما برالمه كما تظن
نصيحتنا ليك تسمع نصيحة ABU HUSSAIN
وكما قال حسن ابراهيم فضل نحن جاهزين لكليهما
وتحيه حارة من البرالمه ليك ولود الباوقة اللذيذ تفاحها وارقدوا عافية

يا تامبا امسك في كلام ابو حسين دا قوي
ديل لعبوها في رأس النعامة... والله صحي

تحاياى يا استاذ تمبس

غايتو يا تامبا ياود قلبا انا جليت منهم ببنط لو ابو حسين خلانى
وبعدين الظاهر بكرى رابط الباسوورد بفك التسجيلات الشتوية
-ما شاء الله شايفو سجل ليهو كوتة
- فيهم الفرفارات وفيهم الكبكابات وفيهم الصفايات وفيهم من هم على وش اعتزال
وربك يسوى الفيها خير
- تحياتى يارائع

معنى البوست :
انا ارهابى ابعدوا منى
انذار للجدد
اغتو دربى

تمبس وضيوفه الكرام ..
اولم تقرأوا قول الشاعر (( بعد سمكره البيت طبعا" )) :
برلــــــومنا لو جئتـــــنا لوجدتنا
نحن البرالمه وانت فينــــــا السنير ..

نرحب مره أخرى بالزملاء الجدد و الذين اتوا من الروافد الى البحر الكبير فهنا محط البوارج والسفن الكبيره , وكثير من الزملاء الجدد دخلوا الى المنبر في مرتبه أستاذ مشارك وحتما" سيكونون اضافه قويه وحقيقيه للمنبر ويزيدونه ثراء" على ثرائه ..
دمتم بخير

......... وفي كل المواسم يظل تمبس + طارق جبريل + حميدة كتابي المفضلين في البورد.

Quote: ......... وفي كل المواسم يظل تمبس + طارق جبريل + حميدة كتابي المفضلين في البورد.

الله يجبر بي خاطرك يا حبيب




يا تامبا
ياخي ديل عايزين دفاع شعبي عديل موش ارهاب

بما انى لاحقهم (مشاركات ماتاريخ تسجيل)
بقوليهم يا دفعة اليس بينكم برلوم لبيب :) ..طبعا اكيد ما قاصد ارهاب ولا حاجة فانا منكم وفيكم يا برالمة
لانو اخونا تمبس بيهديكم السبيل ويحذركم من بعض الحاصل هنا
وينتقد جماعات بعينها استمرأت تهديد ,تحييد ,استقطاب وتنفير الجدد والقدامى

غايتو تنظيرتى اعلاه تخصنى وحدى وقد تكون تليشة على قول طارق جبريل وربما وصلت مرحلة حسن الظن العريض
إن بقت غلط ياتمبس فالعفو لله والرسول

وبعيد منها خالص اقول الف مرحب بكل الناس الجدد
ولا نقول نرجو بل متيقنين انو كل واحد جديد يمثل اضافة للمكان
يبقى هو من يحدد شكل اضافتو بما يقدم من رأى وسلوك من خلال المشاركات

هههههها

Quote: اماالشعبة المهمة .. هي شعبة الفرز والتغليف وديل اهم ناس .. ديل جايبين الصناديق والاكياس وشغالين ليك لفلفـه .. يشيلو ويلفلفو في الجماعة الطيبين الكانو عاملين زلزال في مواقع تانية وواقعين شتيمة للموقع .. وشتيمة للعضوية بي اسماء في حياتنا منسوخـة من نسخ منسوخـة في البورد ..

انت قاصد ابوحسين

ياخ الزول دا هسع ماسك كابشراته باليمين وبطارية بالشمال وبدقق في الناس الجداد ديل لي هسع قبض لي كمية معتبرة

بمناسبة الكبشرات دي ابوحسين اشترى ليه مع بداية السنة هارديسك خارجي توشيبا 1 تيرابايت خصيصا للكابشرات

ياخ تشحده كابشر من الخور يديك البوست كامل في ملف رار البوست يكون في البورد 6 ميجابايت ابوحسين يديك ليه عشرة ميجابايت اصله بقلعة قلع النخل يجيبو ليك بي زرازيرة وغبارة وعروقة

بكري تعبان ساي عامل ليه خور عمومي وما عارف ابوحسين عنده خور قطاع خاص

ياخ شدة ما ببالغ واحد كتب ليك كلام شين بعد عمل ارسال لقاهو شين رجع عدله اظن انتهى من التعديل جا راجع لقى كابشر ابوحسين قاعد الزول دي لي هسع ما عتب البورد وابوحسين نهائي ما سالة

Quote: لأنه كلو القدامة أوراقهم مكشوفة.. وكروتهم محروقة... وميزان القوى.. يميل كثيراً.. للأخوة ندداي.. البرالمة يعني..

يا ابو عيش سلامات
بس خلي بالك بالرغم من الكروت المكشوفة دي الكتابة جوه البورد ما زي التصفح بره البورد
حتى ولو كان البرلوم .. شارب ايقونات البورد ايقونة ايقونة وحافظ نفسيات الاعضاء .. عضو .. عضو
مرحب يا ابو عيش ..

Quote: فيأتي في اللفة.. ويقول ليهم : ( معاكم الكاميرا الخفية)..

معاك الكاميرا الخفية ياابو عيش

Quote: والتعدي عليهم وليس هناك دليل يدينهم وطبعاً لو حاولت تنتقم من أحد من سناير توب سوف تكون كل دفعته ضدك وتصبح مستهدف لديهم . ودأ شغل العسكور ما لينا دخل بيهم

ايوه يا سامي انا بالضبط قاصد المسالة بتاعت الحقارة القانونية دي
في ناس هنا طبعا في البورد دا بيستعملو الحقارة القانونية مش مع التوب سنير او مع البرالمة .. ياخ ديل بستعملوها مع التووب جنيور حالة انو يكون خفيف ومسكين ..
يعني مثلا نحن زمانك لما كنا تووب سنير .. والله بشعو بينا بي سنيرتنا ..
يجيك واحد يقوليك حلاقتك دي مالا عامله كدا .. الفنلة اللابسة دي لييه صفراء ..
وشك الشين دا ..
لونك البنفسجي دا عامل لينا فيها ود عــرب ..؟
لكن والله قدرناهم ليك بي لسانا والبسطونـة .. في واحدين لحدت الآن بي وشهم .. من آخر صلعة اتحلقت ليهم من براملة الزمن داك الاتولدو بي سنونم ..

Quote: دحين نسيت الموضوع الأصلي إرهاب وكباب شنو تقصد .. أها الالية المستخدمة لديكم للارهاب لم تفصحو عنها هل ؟؟؟ مشروعة ، غير مشروعة

هي ما آليه واحده يا سامي .. هي مجموعة اليات اقلاها يلم فيك واحد يفتح ليك بوست عشان رايك ما عجبو .. يقوم التاني يجي يكتب ليك حرف كااااف ( كا كلــب ) العادية دي ..
يجي التاني يكتب ليك لا ليمــون .. والرابعة تجي تكتب ليك با بنت .. يللا والواحد مع الدوشـة بتاعتو بتاعت الايامات الاولى وحركة السير في البورد .. بكون لاوز لمن لوزو التهبت .. يللا يجوك بتاعين اللوحات الخلفية المن زمن نميري ديلاك .. يجيك واحد يشيل صورتك يقوم يزازي بيك في البوستات .. وعييييييييك ..
اها
في الكتير من الحركات البيض البتمارس هنا مع الناس الجداد والشفوت هم البكونو قاريين ليك ذاكرة الجماعة اياهم المنمطاطية والارهابين
وقع ليك يا سامي ..؟
مرحب بي وجودك بيننا في ساحات النقاش والحوار والـ اي حاجة ..

جميل ي tmbis
وشكراً للتنوير

Quote: والـ اي حاجة ..

Quote: جميل ي tmbis وشكراً للتنوير

تسلم يا سامي .. ويديك العافية واي حـاجة ..

Quote: ارهاب فكري أم تهريج؟؟ علينا أن نعرف أولا لأنني من معشر ما اسمبتهم بالبرالمة.

عليكم السلام ..
اظبط كلماتك فيما يتعلق بما تحته خط وخاطب بشكل جيد عشان لا ترد لك بضاعتك .. وما اسهل ذلك بالكيبورد ام بغير الكيبورد ..
ماذا تقصد بالتهريج .. ؟؟
وفي كل الاحوال تهريج ام غير تهريج حال ان تنعوج في الطريق سيتم تقويمك .؟
افهم ما كتب حتى تستطع الرد ولا تبادر بالشينة .. لانو ما اسهل الشينة

اتفضل ورينا

Quote: عليكم السلام .. اظبط كلماتك فيما يتعلق بما تحته خط وخاطب بشكل جيد عشان لا ترد لك بضاعتك .. وما اسهل ذلك بالكيبورد ام بغير الكيبورد .. ماذا تقصد بالتهريج .. ؟؟ وفي كل الاحوال تهريج ام غير تهريج حال ان تنعوج في الطريق سيتم تقويمك .؟ افهم ما كتب حتى تستطع الرد ولا تبادر بالشينة .. لانو ما اسهل الشينة اتفضل ورينا

اشكرك سيد تمبس
اعتقد ان الارهاب والتهريج كليهماعبارتان يتسمان بقدر من الحدة
ولكن سؤالي كان واضحا الرجل دعا الى ارهابنا وبالتالي من أمانة المقارعة بالحجة ان تعرف مقصد الذي يجاريك في هذا الحوار.

اما فهمي لما كتب وتقيمك لي فاعتقد ان من الضرورة بمكان ان يعرف كلا منا قدرات الاخر وجدارته بان يصبح جديرا بتقييم احدنا.

والايام بيننا يا تنويبس

Quote: والايام بيننا يا تنويبس

ايوة بالضبط .. داءما نظريتي واعتقادي لا يخيبون ظني ..

مرحب لو الله ادانـا عمر .. خطابك دا ما غريب علي ابدا ..

اخي تمبس تفتكر نحن برالمة والله نحن جايين بسنونا بنقرا ليكم ولجميع الاخوان من سنوات طويلة وبقينا خبرة واي زول في المنبر دا بقينا عارفين سكتو اعملوا حسابكم مننا.

Quote: هي ما آليه واحده يا سامي .. هي مجموعة اليات اقلاها يلم فيك واحد يفتح ليك بوست عشان رايك ما عجبو .. يقوم التاني يجي يكتب ليك حرف كااااف ( كا كلــب ) العادية دي .. يجي التاني يكتب ليك لا ليمــون .. والرابعة تجي تكتب ليك با بنت .. يللا والواحد مع الدوشـة بتاعتو بتاعت الايامات الاولى وحركة السير في البورد .. بكون لاوز لمن لوزو التهبت .. يللا يجوك بتاعين اللوحات الخلفية المن زمن نميري ديلاك .. يجيك واحد يشيل صورتك يقوم يزازي بيك في البوستات .. وعييييييييك ..

التحية لك أخ تمبس
متابع لما تكتبه و كثيراً ما أستفدت مما تكتبه

كلامك فى الأقتباس أعلاه بالضبط حاصل و يمكن بزيادة كمان
وليت نحن الجدد لا نسلك مثل هذا السلوك و يبقى الرأى و الرأى
الآخر ... لا أساءة ولا تشهير لأى زميل مهما كان أختلافك معه .

Quote: والايام بيننا يا تنويبس

بعدين نسيت اقوليك انو :
حصــل لينـا الرعـــب ..

تحياتي
رعب كما اراده صاحب البوست ام رعب تهكمي ؟؟
اعتقد ان اي منا اتى الى هذه الساحة لمشاركة الاخرين افكارهم والتفاعل معهم وليس الاصرار على تحجيمهم لا تظنن كل من اتى الى هنا متأخرا فهو بالضرورة اقل خبرة او أضحل فكريا.
كثر كانوا في منتديات سودانية ودولية قبل وجود سودانيز اون لاين.

فدعونا نتفاعل بشكل اكثر ايجابية وليقيم المتلقي ما نكتبه وما نقدمه من رسائل عندهافقط للجميع الحق في ان يقيمنا .
فلا داعي لارهبوهم او ارعبوهم.
لن ترهبوا احدا.
اعتقد معظم من اتى الى هنا ولو متاخرا لدي من الانتاج الفكر الثر قد يفوق كثيرين لهم من الوقت بعمر هذا المنبر.
لك شكري يا استاذ تمبس (هذه المرة)

يعني بكري ده ما يسجل لعيبة جداد , في ظني اللعيبة القدام ديل كورتم فكت و متاجين لدماء جديده و كده ,
انتو خلو الارهاب للناس الجداد ديل ., و بعدين تعال الاقدميه و كترت المشاركات دي بالكم و الكيف

كيف يا يا علاء و كميات من الاشواق و الحي بلاقي

خليك من حتة ارهبــوهم دي..!!
انت نسيت انك العرفت البور د ه ( على قول صديقنا عزت الماهري ممقترع شعار .. البورد وطن لمن لا وطن له..).. بي ناس من شاكلة ناس ريماز ميرغني..عامر الجوهري... و العميقة حرم الضقالة؟!!!!



اها يا قريبي.. ما عندك سيف.. لكن ـقلمك للفقر قلام...!!!!


كيفك يا حبيب في وطن دايرك تشييل معاك هويتك على طول,, عشان في كل لفة... جنب العمو\ بتاع فرنكش ود الحلة.. ح تلقى واحد لئيم منتظرك يقول ليك : مين؟..و هي تعني انتا منو؟..هويتك شنو؟!!!

عرفت ليه كل العالم هجت و الباقيين منتظرين يهجوا كمان؟..

انا يا قريبي لا معاك (ناس ارهبوهم) ...ولا مع التانيين البتحاول ارهابهم بلا فايدة... انا مع الناس الفتحت صدورها للرصاص الغاشم بمظنة يوم باكر ن يكون اجمل... و انت عارفهم...و انا عارفهم..و ربك عارفهم...!!!!


خلينا مع ناس اسد الكداد الزام.. و حرم الضقالة..!!!!

كل سنة و انت طيب يا صديقي...و بالمناسبة صاحبك عمر رقوهو في مكان شغال..!!!!..يعني الزول كويس خالص..!!!
داليا اوعك تجازفي بالقراية هنا..و في كل الأحوال ليك كل السلام..و الأمنيات الطيبات..!

ديام في الدقر..!!!

سلاما لو د حبوبة في الخالدين و الرايعيين...!!!



كبر

يا شباب عن ازنكم كبـر دا دقيقة كلمتين سر بس ..
يا حبيبي يا كبــر ..
ازيك يا مواطــن .. وحبابك
ياخ عليك الله خليني شوية في هذا المستنقع الما قدرت اطلع منو لحدت الان .. عالم تجرك جـر يا كبر .. تطلعك من الزمن ومن سلمك ..
كلما ترجع تلقى نفسك ما قادر تتوازن مع نفسك .. تسمع الغناء السمح يجيك ناطي ليك واحد من ووين .. تخلي الغناء تضرب كفـر ينط ليك واحد جوز .. تحكي ليهم قصة .. يقولو ليك بايخـه ولا ضحكتنا ..
والله يا كبر وما طالبني حليفه .. خليت البورد دا اجي تلاتة شهـور فتحان ساكت ما قاعد افتحو .. لحمي دا زاتو برد ..
الرجعني ليهو شنـو ما عارف ..
قعدت في بيتي دا وبديت اكتب تاني وكلما اقرا تشجيعكم لي الزمااااان لي فرنكش احس بي اني زول كويس وكاتب كبير وبجي منو
ياخ لا يخلونا نكتب ولا يخلونا نغني ولا يخلونا نلعب دافوري .. يعني عاجبم كدا ..؟
..

Quote: انا مع الناس الفتحت صدورها للرصاص الغاشم بمظنة يوم باكر ن يكون اجمل... و انت عارفهم...و انا عارفهم..و ربك عارفهم...!!!!

دا الممسكنا يا كبر بي الناس الكويسين الهنان وعارفين معدنم هو شنـو ..؟ وبيعزونا في الناس الفاتو بي قضايا كل الناس .. ربنا يرحمم ويغفر ليهم ويدخلم الجنة .. ودمهم ما بيروح في التراب ..

Quote: كل سنة و انت طيب يا صديقي...و بالمناسبة صاحبك عمر رقوهو في مكان شغال..!!!!..يعني الزول كويس خالص..!!! داليا اوعك تجازفي بالقراية هنا..و في كل الأحوال ليك كل السلام..و الأمنيات الطيبات..!

وانت طيب يا صديقي العزيز .. وصاحبي الدايما بتسندني وما بتبخل علي اعلم جيدا يا كبر مكانك النجوم واعتز جدا انك بتكتب لي حرف بيمشي تجاهي .
عمر دا يا كبر زول فقري جدا لما يقعد لي اي حاجة بيجيهه .. ماشاء الله موهوب ومحبوب .. وعبقري لكن بس ما بتدي حريف ..
طبعا ما عارفو غير وجهة نظرو فيني كزول موهوب واللا لسـة ..
زمان وانا صغير لقاني بعافر في الكمنجــة حقتو وانا اساسا ما عندي ليها اي اخلاق .. قالي يا زول هووي اخير ليك تخليك في كورتك وابوي الله يرحمو ويغفر ليهو لقاني برضو بلالاوي في الترامبت .. وما قادراطلع منها اي صووت لمن عيوني حمرن . .. اشيل وانفخ في قربه مقدودة برضو قالي اخير الكورة


ابوي الله يرحمو ويغفر ليهو .. وعمر كطوص ليهو الاشواق وربنا يوفقو ومليانين اشواق والله
بهديك ملف خاص جدا كان من اللحظات الجميلة جدا في البيت ايام الزواج وبعد عودة عمر بعد كم وعشرين سنـة .. شوف الدويتو دا سمح كيف والله انا هجروني ليك ما ادوني اي فرصة اعبر عن شعوري لا خلوني اغني ولا اصفق ولا اعمل اي حاجة .. قالو لي انت قاعد ساكت .

ما هذا يا صبري طـه ..؟
ما ها يا هداك الله ..؟

يا سلام ياخ على الوالد وربنا يرحمه ويجمعكم معه في عليين ...

العزيز عُمر ما شاء الله عليه ربنا يزيدو كمان وكمان ...

Quote: ما هذا يا صبري طـه ..؟ ما ها يا هداك الله ..؟

مُش قُلت أرهبوهم .. إرهاب أكتر من كدا كيف يعني ؟




ــــــــ
ياخي أنا سلمى سيد دي هنا بتكيّف ليها شديد .. زولة تفتح الروح تلاتة ضلف ونص

Quote: دا بقينا عارفين سكتو اعملوا حسابكم مننا

يعني عايز توريني العفص السلك منو يا عمــر ..؟

اديك ميزة ..؟
الايام بيننا يا بوعميــر أو كما قال ,,

والله يا عمر انت اكتر برلوم محظوظ .. اهو اديناك ميزة فسي صمة خشمك ساكت ولا دافع فيها ولا مليم احمر

والله مسكنا عدم الكمبويتر عشان نجي نعمل فرز
قبل كم يوم.كحلتا لي واحد ذي الحبوبات يحضر المسلسل ويقص قصة مختلفة
دا في حلة مجاورة قال انا ضد قضايا المرأة وكوزة مع النظام بس ما قال امنجية وكدا النصيحة
منتظرة نجي نلبس ليه الكبك ابو شلاخات اسع بالينو في الموية عشان يصدي ويجيب تتنس

علاء.. حبابك يا صديقي
كتر خيرك على الهدية اللذيذة.. ياخي السودان ده كان فيهو ناس جميلين بشكل..!!!
اعجبتني كما بوست عن عمنا الكابتن حامد الجزولي...و من شدة الإعجاب لم اتداخل في البوست المعني...

كتر خيرك كتير..و مشيت السودان في اكتوبر/نوفمبر الماضي..و كنت قايل روحي من المطار ناس القنوات التلفزيونية يحجزوني ليك مقابلات و كده.. لكن يبدو انهم ما شغالين بهيثم الخلا...!!! (انا ما لاقيت زول من ناس سودانيز..و اكيد لو لاقيت زول كان ظهرت في التلفزيون.. المهم)..!
شاكر ليك المقطوعة...

كبر