Quote: يا جنابو بصراحة صعب جداً اختيار الهدف الأجمل من بين هدف ستوك وهدف فالكاو
ولكن هدف ستوك أصعب من هدف فالكاو لأنّ المسافة بعيدة ...
مابعيدة شديييد ياصبري فهي من رأس الـــ 18 تقريباً لكن شوف بعد المسافة مقارنة مع الحركة بتاعة فالكاو الحركة دي تقريباً من اعتزل رومينيغا الالماني مافي زول اجاده بالطريقة دي
Post: #6 Title: Re: ناس الفيفا ديل مابعرفو كورة وال شنو هسي القون الاحلي ياتو !!! Author: خالد عبد الله محمود Date: 01-08-2013, 02:17 PM Parent: #4
الفيفا لم يختار يا جنابو مسابقة أفضل هدف هي المسابقة الوحيدة التي تحسم نتيجتها تصويت الجمهور عبر اليوتيوب و بعد كده الحكاية حتبقي كل زول بصوت لي ولد بلدو بغض النظر عن جمال الهدف
هدف فالكاو الأجمل و فعلاً دخول هدف نيمار في المسابقة كان مجرد مجاملة
Quote: الفيفا لم يختار يا جنابو مسابقة أفضل هدف هي المسابقة الوحيدة التي تحسم نتيجتها تصويت الجمهور عبر اليوتيوب و بعد كده الحكاية حتبقي كل زول بصوت لي ولد بلدو بغض النظر عن جمال الهدف
ده ظلم عدييييييييل كده يعني ممكن عادي اى لاعب صيني يجي الأول
Quote: هدف فالكاو الأجمل و فعلاً دخول هدف نيمار في المسابقة كان مجرد مجاملة
فعلاً سبب واحد يدخل الهدف بتاع نيمار ده المنافسة مافي يااااااخ ناس الفيفا زاتم بتاعين تلاتة ورقات وعندهم شغل كتير تحت الطربيزة عشان كده ماردوانا برشهم ليك رش صاح
كدى شـوف هـنا طـبعا نـحن ناس زمان لـكن زى مابقولوا: "البكوس الماضى ما برجع فاضى"، حـسب قول حبوبه رضينا، عليها رحمة الله
يابروف والله بزيارتك بيتنا نور ... تحياتي فعلاً هو (تكتل) لا اكثر فالجمال امر لاتخطئه العين إلا عين (التكتل) فهي عن كل عيب كليلة. شاهدت محتوي بوستك السابق وحقيقة بوست قيم وفيه تجميع لعدد من الاهداف واللقطات الجميلة. الف شكر يابروف على مرورك وتعليقك.
الاخ عمر بعد السلام الهدف التم اختيارو لم يتم اختيار الاجمل ولكن المهارة من اللاعب الاحرز الهدف واللاعب الرفع الكورة من الكورنر 1- الهدف الاول كورنر ورفع الكرة داخل خط 18 وهرب اللاعب من الرقابة ( او لم تتم مراقبته اساسا) وراته.نجح في استعراض مهاراته. 2- الهدف التاني هناك اتفاق مسبق ( او جملة تكتيكية) حيث ان اللاعب لم يكن داخل خط 18 لذلك زائدا لبعد المسافة وقوة الضربة هناك عامليين اضافيين ( الجملة التكتيكية ومهارة منفذ الضربة ومحرز الهدف). جمال اهداف الدوري الانجليزي تحسب بجمالاللعب الجماعي والجمل التكتيكية ولكن هذا لا يمنع من هناك اهداف تسمى wonder goals وهي اهداف بها عامل من الحظ وعوامل اخرى تصميم اللاعب ومهارته وخير دليل هدف بابيس سيسي في تيشلسي
Quote: لاخ عمر بعد السلام الهدف التم اختيارو لم يتم اختيار الاجمل ولكن المهارة من اللاعب الاحرز الهدف واللاعب الرفع الكورة من الكورنر 1- الهدف الاول كورنر ورفع الكرة داخل خط 18 وهرب اللاعب من الرقابة ( او لم تتم مراقبته اساسا) وراته.نجح في استعراض مهاراته. 2- الهدف التاني هناك اتفاق مسبق ( او جملة تكتيكية) حيث ان اللاعب لم يكن داخل خط 18 لذلك زائدا لبعد المسافة وقوة الضربة هناك عامليين اضافيين ( الجملة التكتيكية ومهارة منفذ الضربة ومحرز الهدف). جمال اهداف الدوري الانجليزي تحسب بجمالاللعب الجماعي والجمل التكتيكية ولكن هذا لا يمنع من هناك اهداف تسمى wonder goals وهي اهداف بها عامل من الحظ وعوامل اخرى تصميم اللاعب ومهارته وخير دليل هدف بابيس سيسي في تيشلسي
الف شكر اسامة على هذه الافادة والتوضيح .. لكن تعرف في حاجة مهمة تتعلق بالذائقة الفنية للشعوب المختلفة فما يعجب الخواجة قد لا يعجب الافارقة او العرب يعني مثلاً نحن في السودان تعجبنا مرات (البيضة) او (المقاس/الجلابية) اكتر من الهدف نفسه ويعجبنا ويطربنا لعب الكورة بالكعب ونادراً ما تجد خواجة يلعب الكورة بكعبه وبالتالي نستمتع ونعجب بالاهداف الفيها لمسة فنية اكثر من الاهداف المصنوعة ومبرمجة.
Quote: فالكاو سبح بكل اعضاء جسمو فى الهوا وبالرغم من كدا تمكن من دقة التصويب واسكن الكرة الشباك. ستوك على الاقل كان عندو كراع ثابتة فى الواطة.
لو كنت مشارك بدى صوتى لقون فالكاو.
صوت مقدر ومعتبر من زول خبرة وموثق ممتاز للكرة السودانية والعالمية تشكر ياعمدة ....... سؤال : ماهو اجمل هدف سوداني في تاريخ الكرة السودانية من وجهة نظرك ؟ شخصياً شايف انو قون عبدالحميد السعودي (باكورد) في الهلال لم يحدث من قبل ولم يتكرر.
يا جنابو .. عشان أحسم معاك حتّة صعوبة قون ستوك .. إن شاء الله ربنا يجمعنا على الطبيعة في ميدان كُرة بمعية الحارس تمبس ...
وسأجدع لك عشرة كور باليد لتعمل فيها حركة فالكاو من نفس المسافة تقريبا ... وكذلك سأجدع لك عشرة كور باليد لتعمل فيها حركة ستوك من نفس المسافة ...
وأراهنك أنّ النتيجة ستأتي بإحراز هدف أو أكثر من حركة فالكاو ... ولن تُحرز أيّ هدف على طريقة ستوك غايتو إلاّ تصدق معاك ساي أو يتآمر معك تمبس وتمسكوني ضنب الككو
