فترناااااااااااا...

سلام للجميع وتحياتى

هذا البوست مخصص للفتر بكافة انواعه واشكاله و تجلياته
هسه وفى اللحظة دى انا فترت من الاتى:
فتر الرقبة
فترالضهر
فتر التربية
فتر الشغل المافى
فتر البحث عن الشغل المافى
فتر الغياب
فتر الشوق
فتر الروح
فتر الخوف من باكر( وده لو تعلمون عظيم)
فتر البلد العجيب
فتر بوستات المحاحين
فتر بوستات المقاشرين |(وهنا الشكر موصولنا لود البشرى فقد عبر عنى)
واخيرا :
فتر الفجر الجديد :)
وفتر دين الله :)

نرحب بكل فتر من كل شكل و كل لون
البوست مفتوح للفترانيييييييييين تعالوا كبوا فتركم هنا

يا بت المجمر العفو ياخي و حاضرين دايما للتعبير عنك وآخرين ههههههههههههه
بالنسبة لـ

Quote: فتر الخوف من باكر( وده لو تعلمون عظيم)

عظيم الهينة دي!!
ذو اليد عندو بوست عن 2013 عام السواد ببوّظ يومي كل ما ألقاه مرفوع
و التاعبني اني ما قادر اخش اغالطه أو منطق احاججه بيه
من كل النواحي المستقبل مظلم و بكرة أحلى - التحية لنعيم علي بالمناسبة - لا محل لها أو مكان
البلد ماشة على مصير قد يكون الصومال - السمعت امس انو السنة دي ح يعود لتصدير الموز بعد توقف دام عشرين سنة - افضل حالا بما لا يقاس عند المقارنة بما ينتظرنا
لا امل أي أمل في الأفق, الحكومة وصلت الصفر تماما في الحلول الممكنة وليس بيدها اي شيئ سوى ذهابها ودي الحاجة الوحيدة الما حتقدمّها و دونها خرط القتاد
فما نجحت الحكومة في شيئ بقدر نجاحها في البقاء يقابل النجاح دا فشل في كل مناحي الحياة الأخري
فشل في الإقتصاد في الوحدة الوطنية و التسيج الإجتماعي محاربة الفساد التنمية المحافظة على البلاد و بديهي اسس العدالة الأجتماعية و المساواة
حتى ذهابها بالشايفنه دا ح يكون كارثي ومكلّف للحد البعيد و سيورث اوضاع التعافي منها قد يأخذ أجيال و أجيال

أما دا

Quote: فتر الفجر الجديد :)

فا البفتّر فيه انو الناس سابت الحمار و مسكت في البردعة :)
سبنا الشي الأساسي و هو الحكومة وبقينا في الفجر طلع بدري ولاّ في مواعيده
غايتو.. الله غالب بس

قال الراحل حميد :
نورا
وكتين يضيع
عرق الجباه الشُّم شمار فى مرقة ..
آه .. يا نورة آه من دربك التوّر نفس خيل الصبر
فتـّر خطاوى الشوق وراه .. يانورة .. آه

وقال :
رمت السلام .. زي شنطة من كتف المسافر .. بي تعب
زي رُدخة رب .. الله يا رب

فتر بالطريقة الصاح .......
ازيك ياسهام ....

تحياتي ياسهومة ..


طلعت عندي جنس فلايت ههههه

ياخ أكتر من نص قائمتك بتخصني ..



وأضيف ليه فتر القراية ..

أتراي محن كتيرة فاتتني في منبر الهجم بالهاء ..ده

وأنا مبارية شدهات السودان وصبحياتو ..

أخر عشر ايام في السنة كانوا تحفة على مستوى المكان الملغوم ده ..


الرووووب ..

والله صحى ياسهام الحاصل فى جميع نواحى الحياه السودانيه يفتر !
أنا غايتو فترت من المساسقه حقت أديس أبابا ! ياربى الناس البركبوا ليها
طيارات ديل مابفتروا ؟؟!! أو على الأقل يزهجوا !








مع العلم بأنى بساسق معاهم فى الأخبار بس !!

يا اخانا ود البشرى انا بوست ذو اليد نهائى ما قربت منو
فتر ساااااااى :)
عجبتنى المستقبل مظلم وباكر احلى شديد .. قمة فتر التناقض:)

الفجر الجديد اريتو بحال المرقوت
تصدق فتر ساى برضو
يعنى فى زول قال انو الوثيقة خالية من الثقوب
اكيد ولا زمن وحتمن (يا عملات سهير البابلى) ان تكون بها عدد مقدر من الثقوب
يعنى خلق الله الكتيرة دى لو على اتفاق على كل شئ
ما كان بس يبقوا حزب واحد ولا ميثاق ولا حد ادنى
ولا فتر

والا شنو؟؟

_____________________________________
بخصوص المقاشرة والمحاحاة
فى نفرين كرهونى سودانيز وكفرونى بأهمية اى حاجة
فترت منهم شديد
اها ممكن تعمل لي معاهم حاجة وليك على ارسل ليك
الف دستة طواقى من سوق امدرمان

قبل ما ارد عليكم يا جماعة الخير اسمحوا لى فى السانحة دى ان اعبر عن:

فترى لملاسى من ناس الفوراوول :)

سهام سلام

Quote: فترناااااااااااا

عليكم بزيت المورينجا




ياخ أنا الأكل والشراب الحلوات ديل فترت منهم وزهجت لو بلقى لي كبسولات حافظة للحياة (أكل وشراب ) والله ارتاح راحة ما بعدها

بختكم نحنا لسه جيعانين

يا جنابو عمر
وقال محمد عبدالله شمو و تغنى مصطفى سيداحمد:
هاهي الارض تغطت بالتعب .. (وقيل فى اثر البوست بالفتر)
والبحار اتخذت شكل الفراغ ..
وأنا مقياس رسم للتواصل والرحيل ..
أنا الآن الترقب .. وانتظار المستحيل ..
أنجبتني مريم الأخرى قطاراً وحقيبة ..
ضيعتني مريم الأخرى قوافي ..
ثم أهدتني المنافي ..
هكذا قد خبروني ثم قالوا لي ترجل .. (وقيل ابقى راجل او ابقي مره)
ولا عزاء للقراءة والفهم السليم
على كيفنا :)

هلا
كل ناس حركة فترنا

فترنامن:
كان وسيكون
وكان ممكن
وما ممكن
ومن الكتابة
والقراية
والجري
والقعاد
وربما
ويمكن

كل سنة وانت طيبة يا سهام....
من ناحية فترنا....فترنا. انا غايتو افتر زول.
انا و الله فترتا من الدنيا دى كلها....
فترتا من الشغل
فترتا من خدمة البيت
______________________________________________
جملة ود البشرى دى :

Quote: من كل النواحي المستقبل مظلم و بكرة أحلى - التحية لنعيم علي بالمناسبة - لا محل لها أو مكان

انا ذاتي ما فهمتها فى البداية و افتكرت ود البشرى بقى بتاع تنظير.
الجملة تقرا كهذا :
من كل النواحي المستقبل مظلم. و بكرة أحلى لا محل لها أو مكان. بالمناسبة,التحية لنعيم علي.
و كده :لو عاوزيين نحافظ على نفس ال structure بتاع الجملة:
من كل النواحي المستقبل مظلم. و بكرة أحلى - التحية لنعيم علي (بالمناسبة) - لا محل لها أو مكان.



ايوه يا ود البشرى, ما عندى موضوع.

اهااااا شفتي يا بت المجمر و يا سمارت كتابة العوام لمّا يقوموا للفلهمة, مالي اسي انا و الجمل الإعتراضية وقت ما بعرف ليها و نعيم دا وقت مشتاق ليه ما اسالمه في الفيس بووك وخلاص :)

بمناسبة الفتر..
فترتا من حكاية عضو جديد رحبّوا بي دي, الواحد ما يكتب كتابته و السلام

يا دووووبكم يا سهام ؟؟
بختكم
نحن فترنا من تريد كلمة فترتا زاااااتا




______________

سمارت هى .... عاودها الحنين لحل الكلمات المتقاطعة
فهى إذاً لا تزال ( نشيطة ) ...
إتفاهمي معاها إنت يا سهام


أوعك تقولي لى ( شامة ريحة طردة من البوست )
Hint

M . E . S

ود البشرى...سلم لي على نعيم ماك يا اخي :)

عاطف عمر...عليك الله مش كان لى حق فى البوست اياه ???

سهام وينك? مخليا البوست ده للجماعة ديل

Quote: سهام وينك

بتكون فترت :)

بما أنو فترى ما دسيتو يبقى ارد عليكم بالجملة

يا ام ملك نص القائمة بعد حصيلتك من فلايت الهجيج
ما ها شوية عليك تسلمى يا بت امى :)

فتر القراية بتضامن معاك 100% ده فتر عجيييييييب و خصوصا
ملك فى يدك

يا اخى الكريم (يا عملات تلفزيونات الاعراب) كمال سالم

Quote: مع العلم بأنى بساسق معاهم فى الأخبار بس !!

الغلت ما بختاك مالك عليهم خليهم يساسقوا مساسقتهم دافعينها من جيبهم
وبعدين عيب لى مسلسل هاوس ؟؟؟ :)

العائلى حمد سلام والله

Quote: عليكم بزيت المورينجا

جيبوا لينا عشان نحن كووووولنا الهنا ديل فترانين زووول قادر يقوم من محله مافى

انا خايفة تقول لى يا زوله البجيب منو؟ افتروا فتركم ساااااااى

احي فترتااااااا
اشيل نفسى وارجع كان الله اراد

________________________________
فى حتة ما بقدر أأخرها انت يا ود البشري النفرين مالك
طنشت لي خبرهم :)

أخت سهام،

أنا فترت من السفــر..

داير واحد يبدلنى جوازه..

والله يا سفيان مووووبالغه
تمشى تضرب سمك عديييييل كده و تمصمص خشمك
وتجى تقول لينا نحن الفترانيين ديل

Quote: بختكم نحنا لسه جيعانين

هسه فى ذمتك هسه بخت منو
غايتو جنس محن :) :)

الاخ الكريم showgi idriss سلامات و تحية

والله فترك ده بيشبه لى فتر زول مساسق الصادق المهدى :)

والله يا اسمارت انا يا بت امى

Quote: انا ذاتي ما فهمتها فى البداية و افتكرت ود البشرى بقى بتاع تنظير. الجملة تقرا كهذا : من كل النواحي المستقبل مظلم. و بكرة أحلى لا محل لها أو مكان. بالمناسبة,التحية لنعيم علي. و كده :لو عاوزيين نحافظ على نفس ال structure بتاع الجملة: من كل النواحي المستقبل مظلم. و بكرة أحلى - التحية لنعيم علي (بالمناسبة) - لا محل لها أو مكان.

لخبتى على الدفع من الما دفع هسه انا كاتبة تعليق فووق على الجملة دى لود البشرى
فكرت بعده انى جديا ممكن اقدم ورقى للفوراووول
هسه بطريقتك دى اكتر حاجة ممكن اعملها انى افتح بيها بوست جديد
حال انها عا########ى وكده :) :) :)

والله سلام يا عاطف عمر
ياخ الفتر النحنا فيهو جميعا ده
فات حقكم ودفق فى زمن قياسى
تقول لى شنو وتقول منو
تجى نقيس....:)

يا جماعة اخونا Abureesh ده يستحق نسلم عليهو
وننفض الفتر ونخصص ليهو رد براااااهو كونوا طارح ديييييل ما بطال
وبما انو انا صاحبة البوست فالديييييل ده حصرى على

Quote: أخت سهام، أنا فترت من السفــر.. داير واحد يبدلنى جوازه.

بركه الفترت يابا .. انا سهام المجمر ابدلك بجوازى
و جواز زوجى و جوازات اولادى
ولو عاوز جواز امى برضو
بديك ليهو

Quote: تعـبٌ كلهـا الحيـاة فـمـا أعجب إلا من راغبٍ فـي ازديـاد[/QUO ســهام بالله فتــر الشـــغل دا عاوز ليهـو بوســت ناس فترانة من عدمو و ناس فترت منـو ( اها انا من النوع التاني , خاصة لما يكون في مديـر جاهل و متعســف وكل مؤهلاته أنه من جنس و طرف الكفيــل , والله كلما اصحى الدغش اســب 60 مرة وبعدها امشـي الشـغل مجبر عشــان Quote: فتر التربية

---

Post: #22 Title: Re: فترناااااااااااا... Author: محمد البشرى الخضر Date: 01-08-2013, 09:18 PM Parent: #21 Quote: النفرين مالك طنشت لي خبرهم :) ما عرفتهم يا سهام, حليل زمن الشباب و ايام بنفهمها طايرة, اسي ترك ليك في طرفك وبعد دا يا الله يا الله :) خلاص .. فترنا

---

Post: #24 Title: Re: فترناااااااااااا... Author: Siham Elmugammar Date: 01-08-2013, 09:24 PM Parent: #21 يا اخا ود احيمر سلامات صدق زى فترك ده زااااتو انا جربتو و لنفس السبب وجيت راجعة السودان على قول مجتبى (ابو الاولاد) اخير نفتر فى بلدنا اهااااااا الفتر الدخل فينا لى هسه ما مرق الله كريم واخير ليك الكفيل وعشيرته..صدقنى جد

---

Post: #25 Title: Re: فترناااااااااااا... Author: Rawia Date: 01-08-2013, 10:12 PM Parent: #24 أنا فترت

---

Post: #26 Title: Re: فترناااااااااااا... Author: Siham Elmugammar Date: 01-08-2013, 10:42 PM Parent: #25 Quote: ما عرفتهم يا سهام, حليل زمن الشباب و ايام بنفهمها طايرة, اسي ترك ليك في طرفك وبعد دا يا الله يا الله :) خلاص .. فترنا يا اخانا فى نواحى الخليج ركز معانا لانى خوافة شديد و ده شغل انا ما بقدر عليهو ذكرتنى زمان محمد ولدى كان لما يجى من الروضة اول حاجة يعملها يرمى شنطته ويقعد يدردق فى الواطه ويدور بكا عجيب لو عيونوا الدقاق يبقن مافى كلو كلو وانا اشيل واحنس يا ولد مالك يا ولد مالك يدق يدينو فى الواطه ويقول لى انتى عارفة انا مالى انت عارفة انا داير شنو سئيلى الله لليلى ما عرفت كان مالو ولا داير شنو اها قس على ذلك اووووووووو ولدنا مراجع الدفاتر قيقا لاا سكت الله لك حسا ..اضحك يا زول المافى شنو :) ويا سلام بتنا راوية كمان فترت وحات ربى يا راوية زول مغالتك مافى افترررررررررى

---

Post: #27 Title: Re: فترناااااااااااا... Author: Siham Elmugammar Date: 01-09-2013, 01:38 PM Parent: #26 بالجد فترت من شراء الرصيد وكملان الرصيد وفترت و ختيت يدى فى الواطه ودعكتها من البنزين

---

Post: #28 Title: Re: فترناااااااااااا... Author: Siham Elmugammar Date: 03-21-2013, 02:15 PM Parent: #27 حصل سجل فترك قبل الاشفة الفتررررررنامنها... فترك امانة فى ذمتك سجل فترك من اجل تدوين التاريخ للاجيال القادمة انا فترت من ملاسى والبطل والسر السيد و هشام عباس

---

Post: #29 Title: Re: فترناااااااااااا... Author: فايزودالقاضي Date: 03-21-2013, 02:22 PM Parent: #28 كلو من اكل الفيتريته زماااااااان...

---

Post: #30 Title: Re: فترناااااااااااا... Author: Siham Elmugammar Date: 03-21-2013, 08:44 PM Parent: #29 ود القاضى شنو البداوة الاسفيرية دى او كما قيل

---

Post: #31 Title: Re: فترناااااااااااا... Author: Hani Arabi Mohamed Date: 03-21-2013, 09:05 PM Parent: #30 انرتف

---

Post: #32 Title: Re: فترناااااااااااا... Author: Nazik Eltayeb Date: 03-21-2013, 11:17 PM Parent: #31 يا سهام بالاضافة لقائمتك بتاعة الفتر الفوق دي انا فترت كمان من سواد منبر بكري