سيستعصى على لاعبي كُرة القدم تحقيق هذا التوالي الذي لم يحدث من قبل ...
وتسلم يا حبيب ،،،
Post: #5 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-08-2013, 08:05 AM Parent: #4
شوف يا معلم .. عارفني ملكي شديد! وبقول ليكـ رونالدو ما كان عندو أي نصيب في الموضوع دا دخلوهو في السباق عشان ريال مدريد لا غير!!
لكن النجيضة الجائزة يستحقها إنييستا الرجل عمل مجهود خارق في خدمة المنتخب الإسباني والإنجازات العملا ح تجيّر لشعب كامل!
أي نعم ميسي لاعب خرافي وكل حاجة لكن كل إنجازاتو شخصية وبالتالي أدوهو أي جائزة تانية!!
ليه ديل بوسكي أخد أحسن مدرب؟ لأنه يستحقها .. وبالتالي أحسن لاعب باي ديفولت مفروض لإنييستا!
لو جائزة المدرب أخدها غوارديولا ممكن نقبل بعد كـدا بميسي!!!
يلا .. الفيفا زاتم بقو بتاعين كوار ساي!!
Post: #6 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-08-2013, 08:06 AM Parent: #5
ثم .. لو لا إنييستا وتشافي .. ما كان في حاجة اسمها ميسي! والدليل منتخب الأرجنتين .. زولكم بقعد فيهو كنب!!
Post: #7 Title: Re: ميسي أفضل لاعب في العالم للعام 2012 للمرّة الرابعة على التوالي Author: omer osman Date: 01-08-2013, 08:12 AM Parent: #6
Quote: ثم .. لو لا إنييستا وتشافي .. ما كان في حاجة اسمها ميسي! والدليل منتخب الأرجنتين .. زولكم بقعد فيهو كنب!!
او كما يقول المثل (اليد الواحد ما بتصفق)
Post: #8 Title: Re: ميسي أفضل لاعب في العالم للعام 2012 للمرّة الرابعة على التوالي Author: abas Date: 01-08-2013, 08:25 AM Parent: #7
والله يا جنابو بعد التحايا ليك ولي صبري ولي الكل هنا
طلعت حااااااااااكد شديد
الكويسه طلعت رونالدو منها
لكن انيستا ما بيستاهل ولو مسي لقي منتخب زي اسبانيا بجيب كاس الكون كلو ما بخلي كاس في الدنيا ما بشيلو اتخيلو كيف لو جاء شال كاس السودان من المريخ
Post: #9 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-08-2013, 08:32 AM Parent: #8
يااا عباس .. حاول تفرّق بين النظرة المستقبلية الموجودة في صورتي .. والهروب من الحقيقة الموجودة في صورة جنابو!!
هسي جنابو جاب سيرة رونالدو هنا؟
Post: #10 Title: Re: ميسي أفضل لاعب في العالم للعام 2012 للمرّة الرابعة على التوالي Author: saidahmed shami Date: 01-08-2013, 09:04 AM Parent: #9
يستاهل والله
Post: #11 Title: Re: ميسي أفضل لاعب في العالم للعام 2012 للمرّة الرابعة على التوالي Author: abas Date: 01-08-2013, 09:06 AM Parent: #9
حاول تفرّق بين النظرة المستقبلية الموجودة في صورتي .. والهروب من الحقيقة الموجودة في صورة جنابو!!
هسي جنابو جاب سيرة رونالدو هنا؟
والله يا ود الصايم اتلخبت علي الاختساس
معليش
امسحها فوق رويسي ده
يا ابو نظره مستقبيله
Post: #12 Title: Re: ميسي أفضل لاعب في العالم للعام 2012 للمرّة الرابعة على التوالي Author: حمزاوي Date: 01-08-2013, 09:13 AM Parent: #11
Quote: ميسي افضل لاعب في العالم للعام 2012
وهل في ذلك شك وهل الشمس تحتاج إلى دليل
Post: #13 Title: Re: ميسي أفضل لاعب في العالم للعام 2012 للمرّة الرابعة على التوالي Author: Abdullah Idrees Date: 01-08-2013, 09:30 AM Parent: #11
بصراحة ميسي هو افضل لاعب في تاريخ كرة القدم ونحن محظوظين جدا انو يلعب في زمننا ، حضرنا زمن ماردونا برضو لكن ما كان زي ميسي .. بيليه بتاع علاقات عامة وحنك وكان بلعب في دوري بدون مدافعين تماما زمن 4-2-4 .. وبغض النظر عن فوزه بكاس العالم فهو الافضل .. مافي لاعب بجيب كاس العالم بمفردو الحكاية عايزة فريق ممتاز مع شيء من الحظ والحظ بالذات ما مضمون فقد اخرج فرق كبيرة من قبل من المنافسة وجعل دول مثل اليونان تفوز باليورو (2004) وكمان خارج ارضها .. ياخوانا المهاجم لمن يسجل 30 هدف بيعتبر مهاجم سوبر ، ما بالك ب91 ؟؟ totally not human .. الحاجة الما مقنعة ابدا هي فريق فيفا .. بأمانة بيكي و الفيش والونزو لا يستحقون قائمة ال11 .. الفيش مستواهو كان سيء السنة الفاتت .. بيكي والونزو كانوا اوكي بس ما للدرجة دي .. مات هملز وكيليني كانوا افضل من بيكي ، وبيرلو و بوسكيت كان افضل من الونزو حتى في اليورو ..
ديل بوسكي استحق جائزته تماما .. طبعا مورينيو زاغ لانو عارف انها بتاعة ديل بوسكي .. وعجبتني لرونالدو ..
تحياتي
Post: #14 Title: Re: ميسي أفضل لاعب في العالم للعام 2012 للمرّة الرابعة على التوالي Author: شهاب الفاتح عثمان Date: 01-08-2013, 09:41 AM Parent: #13
لاعب نادر عملاق يستحق التفوق والرابع التاريخ ..
للامام ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #15 Title: Re: ميسي أفضل لاعب في العالم للعام 2012 للمرّة الرابعة على التوالي Author: صبري طه Date: 01-08-2013, 10:00 AM Parent: #9
Quote: ثم .. لو لا إنييستا وتشافي .. ما كان في حاجة اسمها ميسي! والدليل منتخب الأرجنتين .. زولكم بقعد فيهو كنب!!
عمّكم ود الصايم شكلو طاشي من دور ميسي في صدارة المُنتخب الأرجنتيني لتصفيات أمريكا اللاتينية لكأس العالم هنا
وشكلو برضو طاشّي شبكة من مُباراة الأرجنتين مع البرازيل الودّية في العام 2012 والتي أحرز فيها ميسي سوبر هاتريك هنا
وشكلو برضو طاشّي شبكة من مُباراة الأرجنتين مع ألمانيا الودّية في العام 2012 والتي أحرز فيها ميسي الهدف الثاني هنا
وعندما قابلت الأرجنتين إسبانيا في مُباراة ودّية في العام 2011 حققت الفوز عليها برباعية مُقابل هدف بقيادة ميسي الذي أحرز الهدف الأول هنا
ـــــــ إذاً انتصر ميسي على تشافي وإنييستا برباعية يا ود الصايم ... نجيضتي لا بتنبلع ولا بتنبزغ ممكن تشربها شيشة ساكت كدا
Post: #16 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-08-2013, 10:06 AM Parent: #15
هههههههههههههههههههههههههههههه هههههههههههههههههههههههههههههههه يااا صبري غلاط .. ياخ ميسي همسلف قال نفسي أنجح مع المنتخب!! أمش غالطو!!
سين سؤال: ميسي برشلونة = ميسي الأرجنتين؟
Post: #17 Title: Re: ميسي أفضل لاعب في العالم للعام 2012 للمرّة الرابعة على التوالي Author: Abdullah Idrees Date: 01-08-2013, 10:19 AM Parent: #16
يا ود الصايم 12 هدف في 9 مباريات في 2012 انت عايزو ينجح كيف .. ياخي فيصل عجب جايب ليهو كم قون كده سنة 2010 لحد اسي قادينا بيهم ..
Post: #18 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-08-2013, 10:26 AM Parent: #17
يا عبد الله وصبري .. سادومبا جايب عشرة أقوان في مباراة ودية!!
يااا جماعة .. عشان تقيموا صاح اطلعوا من النظرة البرشلونية!! ما عندنا رأي في ميسي .. نجم ولعّاب وأي حاجة .. لكن إنييستا هو البستحق الجائزة!!
أوووول حاجة قالا ميسي شنو لمن استلم الجائزة؟ قال بهديها لإنييستا .. وسعيد جدا لأني بلعب معاهو!! يعني مثلا بجامل فيهو؟ أبــدا .. دي النجيضة!!
يلا كدي ورونا: ميسي - إنييستا وتشافي =؟!!
Post: #21 Title: Re: ميسي أفضل لاعب في العالم للعام 2012 للمرّة الرابعة على التوالي Author: صبري طه Date: 01-08-2013, 12:13 PM Parent: #18
Quote: ميسي - إنييستا وتشافي =؟!!
- ميسي أكثر لاعبي برشلونة صنع أهدافاً لبرشلونة في سنة 2012 (22 مرة)، متبوعاً بفابريجاس (19 مرة)، ثم إنييستا (18 مرة)، ثم تشافي (14 مرة).
Post: #19 Title: Re: ميسي أفضل لاعب في العالم للعام 2012 للمرّة الرابعة على التوالي Author: صبري طه Date: 01-08-2013, 10:58 AM Parent: #16
Quote: سين سؤال: ميسي برشلونة = ميسي الأرجنتين؟
لا يساوي .. والسبّب لقلة البطولات التي يلعب فيها المُنتخب الأرجنتيني ... ولكثرة البطولات التي يلعب فيها برشلونة ...
في الموسم 2012 برشلونة لعب في:- 1- بطولة الدوري الإسباني 2- بطولة كأس إسبانيا 3- بطولة دوري أبطال أوروبا 4- كأس السوبر الإسباني
في الموسم 2012 الأرجنتين لعبت في:- بطولة واحدة وهي تصفيات كأس العالم والتي لم تنتهي بعد !!
فكيف تُقارن ميسي برشلونة بميسي الأرجنتين في العام 2012 الذي نال فيه جائزة أفضل لاعب في العالم ؟
Post: #20 Title: Re: ميسي أفضل لاعب في العالم للعام 2012 للمرّة الرابعة على التوالي Author: عبدالله محمد أحمد Date: 01-08-2013, 11:39 AM Parent: #6
Quote: ثم .. لو لا إنييستا وتشافي .. ما كان في حاجة اسمها ميسي! والدليل منتخب الأرجنتين .. زولكم بقعد فيهو كنب!!
محمد ود الصايم تحياتي الفيفا عندو منهجية للتقييم تشمل كل شي و حسب احصاءات الفيفا فن لميسي في عام 2012 و حده 28 تمريرة حاسمة و هو رقم اكبر من تمريرات انينيستا و شافي و فابريغاس كل على حده. من الجانب الاخر فان الاهداف التي احرزها بمجهودفردي (التي تخطى في لاعب واحد اواكثر) اكثر من تلك التي احرزها بمساندة زملائه و لنتذكر انه في مباراة البرازيل و الارجنين الاخيرة احرز بمفرده ثلاثة اهداف في مرمى البرازيل و فوق ذلك فان الـ 91 هدف التي احرزها في عم 2012 ستبقى رقما عصيا على الكسر لعقود قادمة
مجدا لك تحياتي
Post: #22 Title: Re: ميسي أفضل لاعب في العالم للعام 2012 للمرّة الرابعة على التوالي Author: صبري طه Date: 01-08-2013, 12:31 PM Parent: #20
شُكراً لكل الذين مرّوا على هذا البوست ....
ـــــــ
Post: #23 Title: Re: ميسي أفضل لاعب في العالم للعام 2012 للمرّة الرابعة على التوالي Author: شهاب الفاتح عثمان Date: 01-08-2013, 12:34 PM Parent: #22
بروفايلك جديد وجهات وكدة
:)
Post: #24 Title: Re: ميسي أفضل لاعب في العالم للعام 2012 للمرّة الرابعة على التوالي Author: صبري طه Date: 01-08-2013, 12:39 PM Parent: #23
تسلم يا شهاب .. والجميل جميل :)
بوست ذا صلة بفوز ميسي بالكُرة الذهبية لأفضل لاعب في العالم للعام 2012
Post: #25 Title: Re: ميسي أفضل لاعب في العالم للعام 2012 للمرّة الرابعة على التوالي Author: عصام علي أحمد Date: 01-10-2013, 11:43 PM Parent: #24
جبت البوست ده من الصفحة السادسه
كيتا فى ودالصايم
Post: #26 Title: Re: ميسي أفضل لاعب في العالم للعام 2012 للمرّة الرابعة على التوالي Author: إسماعيل حسن Date: 01-11-2013, 08:36 AM Parent: #25
صبري وضيوفه الكرام ميسي يستحقها السنة الجاية كمان وبعدين معاك يا ود الصايم تم اختياره بواسطة قادة منتخبات ومدربي معظم دول العالميعني مش البرشلوناب بس انيستا فنان وبيرلو فنان وزيادة وتشافى ورونالدو ايضاً لكن اعظمهم ميسي تعرف يا صبري ودالصايم بتشفع ليه حاجه واحدة انه غير متحامل وهي ترشيحه لانيستا فلو كان قال رونالدو لقلنا عليه حاقد زي مدرب فريقه مورينو يا اخي ده بيكره ميسي عمى ... ومورينو قلبه اسود على ميسي بس ود الصايم ابيض يا لبن ولا شنو ؟
Post: #27 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-12-2013, 10:55 AM Parent: #26
Quote: جبت البوست ده من الصفحة السادسه
إن شاء الله ما يكون أكل منكـ زيت كتير!!
Post: #28 Title: Re: ميسي أفضل لاعب في العالم للعام 2012 للمرّة الرابعة على التوالي Author: محمد عبد الماجد الصايم Date: 01-12-2013, 10:57 AM Parent: #26
Quote: وبعدين معاك يا ود الصايم تم اختياره بواسطة قادة منتخبات ومدربي معظم دول العالم يعني مش البرشلوناب بس
كلام سليم يا سمعة .. ومادام القصة ترشيحات واختيارات فهي لا تخلو من عاطفة!!
قصتي هنا ما برشلوناب وملكيين المطلوب الاختيار يكون فعلا حسب الإنجاز! السنة الفاتت فعلا ميسي .. لأنو إسبانيا ما أحدت الثلاثية! السنة دي: إنييستا!!! غايتو بس بقت عليهو قصة (الجندي المجهول)!!
رونالدو لا يستحق الترشيح بكل أمانة! لو كان السنة الفاتت ممكن بحسب إنجازات ريـال مدريد!
