دنيا شنو انت راسك واجعك ولا شنو مافى اى علاقة بينها وبين محمد منير
Post: #3 Title: Re: نعناع الجنية يا وضاحة Author: محمد البشرى الخضر Date: 01-07-2013, 05:08 PM Parent: #1
يا الله يا عب عزيز يا سلام عليك وعلى دنيا مسعود وعلى مولانا ود المرتضى يا زول عشان خاطر اختيارك و ذوقك دا, بدل كنت خاتي ليك لحدي نهاية الشهر بخليها لحدي شهرين كدا, ولاّ أقول ليك, دنيا تستاهل والله قول لحدي نهاية الربع اها قصّرت معاك
________________________________________ مولانا ان مررت من هنا فا .. كل سنة وانت طيب
Post: #5 Title: Re: نعناع الجنية يا وضاحة Author: حيدر حسن ميرغني Date: 01-07-2013, 05:16 PM Parent: #3
ياسلام ياخ ده شغل جميل ياعزيز ------------- نوبة ووووو نوبة
Post: #6 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-07-2013, 05:19 PM Parent: #3
يا ودالبشرى مساءك بالخير
والتحية لمولانا
دينا مسعود حاجة غير
الحان الحبش تأسرنا لكن دينا مسعود تخلينا نضوق الحان الشمال فنانه كاملة أتمني اشوفها في السودان أو تغني لمحمد وردي ... اتمني بس دي امنية
شوف البت مبدعة كيف
Post: #7 Title: Re: نعناع الجنية يا وضاحة Author: محمد البشرى الخضر Date: 01-07-2013, 05:42 PM Parent: #6
دنيا يا عزيز .. اسمها دنيا ما دينا ما تفضحنا ياخ, بالطريقة دي برجعك للشهرين تاني :)
Post: #8 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-07-2013, 05:44 PM Parent: #6
مرحب يا حيدر
Quote: ياسلام ياخ ده شغل جميل ياعزيز ------------- نوبة ووووو نوبة
وضاحة دي دايشه وطاير ليها حكاية جعليين وباقي الاوهام
مافي جعلي ولا عباسي صافي .....الدم النوبي جاري يسقي اي خلية سودانية باكسجين الحياة
عشان كدا هاك ليك وليها علاء الدين حمزة مترجم
Post: #9 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-07-2013, 05:48 PM Parent: #8
يا ودالبشرى شغال من الاندرويد الجديد الجيلي بن في التاب بتاع ناس سامسونج الظاهر لسه فيه مشاكل ما تفضحنا ياودالبشرى
اسمها دينا مسعود بس في مشكلة في الكي بورد بتاع الجلاكس 10 مع نظام الجيلي بن الاخير خلاس يا ودالبشرى مشيها
يا عبد العزيز وضاحة دي كان تترجم ليها عنوانك ده عشان تجيك
والجنينة زاتها طلعت " الجنيه " في العنوان ...
الفلسه حاصله ولا شنو ؟؟
Post: #19 Title: Re: نعناع الجنية يا وضاحة Author: Asim Fageary Date: 01-08-2013, 06:27 AM Parent: #18
يا عبد العزيز ياخي دايماً حاجاتك الجميلة دي نشوفها ونحنا مشغولين
ولمن نرجع البيت ننسى نفتحها
غايتو الليلة حأرجع ليها من البيت وأشوف الإبداع دا حده وين
يا ريت نقدر نفهم بس
Post: #20 Title: Re: نعناع الجنية يا وضاحة Author: سفيان بشير نابرى Date: 01-08-2013, 07:59 AM Parent: #19
سلام يا عزو ياخ
دنياا بسم الله ما شاء الله عليها بس صدقني محمد منير لا يُعلى عليه في سلطنة هذه الأغنية تحديداً بس المميز في دنيا انها جعلت من مشروعها الغنائي بث أغاني التراث الشعبي المصري (دنيا طبعاً نوبية الاصل هاجر اهلها بعد السد و استقروا في الإسكندرية) و ممكن تفتش و تسمع ليها غناء شعبي للعبابدة في غاية الروعة . في فنان نوبي أسمه (بشير) مستقر حالياً في القاهرة و يغني في بعض الملاهي الليلية و بشير دا يا عزو الزول الوحيد الانا بصراحة بقول ليك ممكن يكون من اخطر و اجمل الأصوات الأنا سمعتها و بالمناسبة في اغاني كتيرة جداً اشهرها بشير في مصر و سمعوها منه بعض زملائيه الفنانين و تغنوا بها و اشتهروا بها (من ضمن الأغاني دي أغنية نعناع الجنينة و سمعها منير من بشير و تغنى بها و اشتهرت لديه و تركها بشير بعد ذلك و رفض غنائيها) - سالتو ليه كدا يا بشير :- قال ببساطة:- (عبارة دقيقة ما متذكره كويس بس معنها ربنا مختار و يصطفي بمحبتو للناس ) في اشارة لمحبة الناس لمنير . (بشير) دا بيغني في حفلاته اغاني وردي و اسماعين ود حد الزين بتاعة الربابة (من ضمنهم الاغنية الاهديته انت لا خونا طه) و الاجمل و الاغرب ان كل جمهور بشير يردد معه هذه الاغنيات و يطالبونه بها . بشير صديق عزيز و مواصل لكثير من السودانيين و السودانيات و يحب مجالستهم و يحب يسمع منهم الشعر العامي السوداني و الدوبيت لا بل حين نكون بالقاهرة (عصام عبد الحفيظ - ايمن حسين - الفاتح وديدي)-كلهم في المنبر دا بشير دا ياسكنين معاهو يا ساكن معانا . الموسف في الأمر فتشته في اليوتيوب عشان القى حاجة انزله لبشير بس ما لقيت .
ـــــــــــــــــــــــــــــــ ياخ طيب أنت ما كويس يا(عباس) و ياي كامل ليه تشتغل مساعد ياي!!؟
التعديل لتصحيح اسم الفنانة دنيا لانو مساعد الياي الاصلي كلامو صاح.
غايتو يا بلة الداير تعدله بتعدله، زول يقول أريته كان عربي،يعني إشارة واضحة للعرق ، تجي تقول قاصدة الشنا، هو إنت حتعرف قصدها أكتر منها....
Post: #32 Title: Re: نعناع الجنية يا وضاحة Author: محمد البشرى الخضر Date: 01-08-2013, 06:27 PM Parent: #31
Quote: كلامك دا عنصرية وعيب وكلام كعب بالحيل
هيا عزيز بسحروك اها فنجرة مني وعشان كلامك الجدع دا بديك لغاية نهاية الربع الجاي, بس اتستر معانا ههههههههههههههههه
Post: #33 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-08-2013, 06:32 PM
Quote:
لا لا يا بله في جنس الهوى الجابته وضاحة دي رغم قلت أني اعمل ميت مالقيت طريقة اسوي شنو مافي حل غير اجي
وضاحة الله يقطعك يالمصروفة دا السجم السجمتيه دا خربتي البوست غلطان انا زاتي البهدي ليك غنية يا سجمانة
كلامك دا عنصرية وعيب وكلام كعب بالحيل يابت أنت ولدوك وين متأكدة قطر ما المكنية
عارفه الجعليين في بعض فيهم جهلاء وعنصريين مرة قاعد معاهم واحد قام شكر واحد من اولاد عمك زول مشهور وقعد يتفوجج قام قال اسكت حبوبته سرية خجلت قلت للزول يازول دا كلام شنو قال لي انت ما عارف العمراب ديل اكتر فرع من الجعليين عرسوا في السراري فما تعجبك نفسك شويه لانه في ناس تاني عنصريين شايفنك اقل منهم
يا واضحة شفت المكنية حاضرة العمراب دي أرض نوبية اقرب قرية ليها هي بقروسي وكانت الحاضرة زمن النوبه بقروسي اسمها من أسمين بج روسي بج وروسي وكانت الارض تسمى على حاكمها بج هي الارض وروسي وهو حاكمها زي بجراوية والحكام كان اسمه رواية فشان كدا يا وضاحة الارض دي ارض نوبه اجدادك جو هنا واتزاوجو وامتزجوا معاهم عشان كدا الدم النوبي جاري فيك وغير اجدادك الاتزوجوا الجواري السريات وخلوهن زوجات حرات ودمهن الافريقي يجري فيك برضه فما تشلفي لينا
عارفه هسع البجمعني بي أم حمود شنو والله يا وضاحة حبوبات محسيات من اجدادنا الكبار قبل اكتر من 100 لي هسع نفاخر بيهن
بصراحة يا وضاحة الزول بخاف يتزوج من الأسر الفيها الامراض الوراثية زي الثلاسيميا والسكري والضغط والاطفال المغولين وغيره من الامراض البتنتقل عن طريق الوراثة لكن الزواج عن طريق اللون والعرق خطأ هيا عزيز بسحروك اها فنجرة مني وعشان كلامك الجدع دا بديك لغاية نهاية الربع الجاي, بس اتستر معانا ههههههههههههههههه
بعد ما لحست كلامي اجبرني ودالبشرى ارجعه تاني
Post: #34 Title: Re: نعناع الجنية يا وضاحة Author: محمد البشرى الخضر Date: 01-08-2013, 06:36 PM Parent: #33
مالك يا معلم !! لقيتها ما خايلة فيك ههههههههههه الحق حق يا عزيز, وصاحبك مناصرته بتنبيهو للغلط
Post: #35 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-08-2013, 06:45 PM Parent: #34
Quote: الحق حق
أيوه يا ودالبشرى الحق حق والحق يعلو ولا يعلى عليه والحق أسم من أسماء الله سبحانه الواحد الأحد الفرد الصمد
ياها الحماقة الله يقطعها .... مرض وراثي ورثونا ليه دكتور بله قدر يتخلص منه ويعيش كزول سليم
خليه يدينا الروشته البنتخلص بيها من الحماقة
Post: #36 Title: Re: نعناع الجنية يا وضاحة Author: Balla Musa Date: 01-08-2013, 08:31 PM Parent: #35
Quote: غايتو يا بلة الداير تعدله بتعدله
يظهر ياعفراء انتى زاتك هوتو!!
Post: #37 Title: Re: نعناع الجنية يا وضاحة Author: Balla Musa Date: 01-08-2013, 08:33 PM Parent: #36
يا ابوحتوت ياخى ماكبشرت لينا موضوع قليبى قليب نسوان دى؟
يا جماعة والله انا ما قاصدة المعنى المشيتوا ليه دا
انا اسفة لو فهمتونى غلط
شكلى جيت اكحلها عميتها
Post: #39 Title: Re: نعناع الجنية يا وضاحة Author: محمد البشرى الخضر Date: 01-08-2013, 10:47 PM Parent: #37
هههههههههههههههههه ابدا والله يا دكتور ما ظنيتو عزيز بعدّلها اسمع شايفك لعبت باكورد مبالغة قبل شوية, داير اموت من الضحك بطريقتك دي يا بلة حتضطرنا نرجع الأسابيع :)
Post: #40 Title: Re: نعناع الجنية يا وضاحة Author: عزالدين عباس الفحل Date: 01-09-2013, 04:47 AM Parent: #39
عليك الله والنبي فيك ما تقراه خليه أدمسه مافيه فايدة
Post: #42 Title: Re: نعناع الجنية يا وضاحة Author: سفيان بشير نابرى Date: 01-09-2013, 07:45 AM Parent: #40
Quote: يا جماعة والله انا ما قاصدة المعنى المشيتوا ليه دا
انا اسفة لو فهمتونى غلط
شكلى جيت اكحلها عميتها
سلام يا و ضاحة يا وضاحة ياخ أنتي تغلطي عديييل كدا و بعد دا تجي تطلعينا نحنا بنفهم غلط !!! و كمان ما كدا وبس لا لا تقولي برانا المشينا!!!
يا و ضاحة ياخ عشان ما نفهمك غلط و عشان ما تجي تتاسفي عليك الله فكري لما تجي تشاركي بكلام زي .
معليش يا عزو كنت ناوي اواصل في البوست دا و اجيب عدد من النماذج لدنيا و لفنانين اخرين (من المغرب العربي) تخصصهم هو الغناء الشعبي لكن بعد كدا اعفي لي ما بقدر اواصل.
Post: #43 Title: Re: نعناع الجنية يا وضاحة Author: عبدالعزيز حسين عبدالرحيم Date: 01-09-2013, 07:48 AM Parent: #42
مرحب يا سفيان والله أمس كتبت ليك رد كبير وسمح لقيت الكوته انتهت
لمن رجعت لقيت الكوجان الكوجنته وضاحة دي
طلبت منك ترفد البوست بي نماذج وقلت ليك انا ما بعرف جخانين اليوتيوب
عليك الله مادام ما حا تواصل بي هنا افتح ليك بوست تاني ومتعنا عليك الله طلب خاص هات ماعندك
Post: #44 Title: Re: نعناع الجنية يا وضاحة Author: عزالدين عباس الفحل Date: 01-09-2013, 10:49 AM Parent: #43
وياهو من عربكم