Post: #1 Title: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-07-2013, 03:38 PM Parent: #0
Post: #2 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-07-2013, 03:41 PM Parent: #1
Post: #3 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم ابراهيم الحاج Date: 01-07-2013, 06:27 PM Parent: #2
ياسلام عليك وعلى عبود يا منعم ..
تعرف الزول دا أنا ما سمعت ليهو منذ العام 82 .. دايما تتحفنا بالجميل يا صديق ..
ما جيت للبلد صاد ساكت بس جابوني ناس أشجار البرم متاكي وأوكار الدباس أشجار البرم يا الله ..
لكما تحيات .
Post: #4 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-07-2013, 09:36 PM Parent: #3
الصديق الشاعر عبد المنعم لك التحية والاشواق التى تعلم هذه الاغنية الالياذة اول ما استمعت اليها كان بصوت الشاعر الفنان محمد سعيد دفع الله ابناء خالته اصدقاءنا عندما ياتى لزيارتهم نتحلق حوله لغنينا مثل هذا الغناء ياخى الغنية دى فيها كلام طاعم ضمة ضمة عمرك شركت للقمرى والدباس
Post: #5 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-07-2013, 09:46 PM Parent: #4
انا كان مالى ومال المهابشة نص الليل حنييييييين البوست ده :( شكرا يا استاذ عبد المنعم على هذا الطرب الاصيل
Post: #7 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم ابراهيم الحاج Date: 01-07-2013, 10:30 PM Parent: #6
الدباس ياتو ؟ الفي الغنية ولّ دباسن تاني..هههه.. غايتو شركنا للزرازير وكتين كنا مساخيت ساكت من أجل المتعة مع الرعيّة.. وربما أطلقناه في آخر النهار .. ولكن حين يأتي الليل نترصد الدباس في أوكاره فروع الاشجار بعد أن نتاكد أن ليس هنالك صغار أو بيض.. وعلى ضوء الكشافات نحظى بما يسد الشهية من لحم طير مما تشتهون ..
وتاني إتذكرت أغنية جيبو لي خبرو شوفو لي وين راح في مكان سفرو..
الليلة يا مسافر.. وقيل مرات يا مسافري...هههه.
عبود تبوري متعة في العزف وفي الصوت وفي الليركس وفي الأداء.
لك التحية.
Post: #8 Title: Re: مبسوطين برانا نحن مانا سكارى.. فى حضرة عبود تبورى... فيديو Author: Adil Hamza Date: 01-07-2013, 11:20 PM Parent: #7
سلام يا عبدالمنعم يا سلام ياخى حنة اخوي كانت بى عبود يوم عيد الفطر الماضى و بدا اغانيهو بالرمية دي زاتا ياخى عبود ده متعة شكرا لمشاركتنا هذا الجمال
و يا سلام على هذا الايقاع الجميل فللطمبور مكانة خاصة فى نفسى و لعبود تبورى صوت يأسرنى كلما اسستمعت اليه و ما زلت اذكر زيارته لى فى منزلى فى العام 87 بالجبيل برفقة بعض اصحابى من ابناء القرير يومها غنى كأن لم يغنى من قبل و طربنا و رقصنا معه فلك الشكر على هذه الاستراحة الجميلة و التحايا عبرك للاسرة الكريمة و لكل اهل تورنتو
Post: #10 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-08-2013, 03:49 PM Parent: #9
الرائع ابراهيم شفت الحريق ده ياخى دى رحلة مابتتفوت تب تلب فى المركب ..ودق الكف رحلة ولا فى الاحلام
Post: #11 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-08-2013, 04:06 PM Parent: #10
Quote: الدباس ياتو ؟ الفي الغنية ولّ دباسن تاني..هههه.. غايتو شركنا للزرازير وكتين كنا مساخيت ساكت من أجل المتعة مع الرعيّة.. وربما أطلقناه في آخر النهار .. ولكن حين يأتي الليل نترصد الدباس في أوكاره فروع الاشجار بعد أن نتاكد أن ليس هنالك صغار أو بيض.. وعلى ضوء الكشافات نحظى بما يسد الشهية من لحم طير مما تشتهون ..
وتاني إتذكرت أغنية جيبو لي خبرو شوفو لي وين راح في مكان سفرو..
الليلة يا مسافر.. وقيل مرات يا مسافري...هههه.
عبود تبوري متعة في العزف وفي الصوت وفي الليركس وفي الأداء.
لك التحية.
Post: #12 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-08-2013, 04:42 PM Parent: #11
الراقى عادل كيفنك وعساك طيب عليك الله شوف جنس النضمى ده فى اطعم منو بلا المشرق وطعمو المسكر عبود زول فنان مابيغنى الا الكلام الطاعم الزى ده ماشفت الوزير المطرطش ده يسوى الجامعة فى امدرمان والجمال ده فى الصحافة زلط
Post: #13 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-08-2013, 05:32 PM Parent: #12
الصديق الباشمهندس حيدر بشير لك التحايا وعاما جديدا سعيدا بعيدا عن ثلوج تورنتو وشتاءها القاسى انت الليلى معزوم معانا فوق قيزان الباسا هذا الفنان الرائع حافظ الباسا التقيته كثيرا فى سفرتى الاخيرة صوت قوى وطروب وحنين احد ملوك الطرب هذه الايام وباستنا دى مو حنينى
الفديو التاني بتاع عبود كانت عندنا في الصالون يوم الحنه 13/ 6 / 2012
اما الاخير بتاع حافظ طه جلسه لي شخصي الضعيف منتديات الطنمبور tumboor.com
شكرا تاني وتالت علي البوست الجميل
Post: #16 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-08-2013, 09:39 PM Parent: #14
العريس عبد المنعم والله سعيدين بمعفرفتك انت زول فنان التقيت بكل هذه الروائع حافظ طه زول هادى ومهذب وفنان ولدنا حافظ يبدع فى غناء المناسبات ماشفتو بجنن الحفلة كيفن تسلم عزيزى ياراقى
Quote: العريس عبد المنعم والله سعيدين بمعفرفتك انت زول فنان التقيت بكل هذه الروائع حافظ طه زول هادى ومهذب وفنان ولدنا حافظ يبدع فى غناء المناسبات ماشفتو بجنن الحفلة كيفن تسلم عزيزى ياراقى
Post: #23 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-09-2013, 05:01 PM Parent: #22
تسلم منعم عبد الله حسن مدنى زول غناى شديد غناهو النوع البتحكر جوه فى مسامات الحنين نتمنى ان يواصل بمثل هذا الجمال ليهو التحية
Post: #24 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-09-2013, 07:08 PM Parent: #23
Quote: يا عبد المنعم، تتجازى.
يا زول في الغربة دي النضمي النفر دا وحات ربي ما بنقدر عليهو.
يا اخي الجِتة ممددا هنا في الغربة، لكن الرِويحة مرفرفة فوق الجروف هناك مع الدباس، ويووووت مقيلة معاهو فوق سبيط التمر تنقد في أم راس وتسوي القوق.
التحايا النواضر ليك ولأخوانا البرالمة الطمبارة الجو يتلبدوا بجاي...
الصديق الجميل ودالمدير كيفنك عساك طيب ومنجم مع التلوج دى ياخى غنانا ده وحات الله زى المالى جيوبك بركاوى فى الشتة اب زيفة داك تفرك وتقرقش هو جنس دفو هو عاد
وله مع شاى المغرب تاكلك قنقر تدفى عضامك وتجرى لابره تدق الكف مع الاصحاب والطنابير الترن فى القيزان فى ضو القميرة وياقمرة اقلبى السنسنى الحمرة وشوفى ابويا ليه ماجا
Post: #25 Title: Re: مبسوطين برانا نحن مانا سكارى.. فى حضرة عبود تبورى... فيديو Author: عبد المنعم سيد احمد Date: 01-09-2013, 07:29 PM Parent: #24