Post: #1 Title: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-07-2013, 03:18 PM Parent: #0
الشغل حيكون 12 ساعة في اليوم خمسة أيام في الاسبوع مع نصف ساعة رأحة تتناول فيها وجباتك كل 4 ساعات . الترحيل والسكن والاكل والعلاج كلو مجان .
Post: #2 Title: Re: الوظائف دي فتحت والمرتبات بين 8 ألف و20 ألف دولار في الشهر Author: النذير حجازي Date: 01-07-2013, 03:38 PM Parent: #1
سلام يا عثمان،
أدينا الرابط أو الإيميل أو العنوان، والمتطلبات شنو؟
تحياتي
Post: #3 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-07-2013, 04:08 PM Parent: #2
عزيزنا النذير سلامات رأبط شنو يا النذير يا أخوي القصة مستعجلة يا النذير . شوف : بعدين رجعتي من الشغل بجيب ليك ال application عديل . وربك يوفق . يا أخوي جيرانك أبو يمن و الحبش كنجلوا القروش كنجلة السنين .
Post: #4 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Afraa Sanad Date: 01-07-2013, 04:24 PM Parent: #3
عليك الله يا عثمان جيب لي أنا ذاتي واحد
Post: #19 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-08-2013, 02:19 PM Parent: #4
عزيزتنا عفراء سلامات معقول يا عفراء من حر الخرطوم لي سقط ألاسكا ؟ ال 20 ألف دولار حتروح عليك جرسلين و pain relief ساكت . القصة يازولة موية نار .
Post: #5 Title: Re: الوظائف دي فتحت والمرتبات بين 8 ألف و20 ألف دولار في الشهر Author: النذير حجازي Date: 01-07-2013, 04:27 PM Parent: #3
لووووووووووووول @ عثمان والله يا عثامينو الحبوش واليمنيين ديل حتة ما فيها قروش ما بمشوا ليها واليمنيين عندهم مثل بقول: جوع سنة وأشبع سنين
و يديك العافية يا عثمان وفي إنتظار الأبلكيشن
في رأيك ممكن يشيلونا؟
إيميلي موجود في البروفايل
Post: #6 Title: Re: الوظائف دي فتحت والمرتبات بين 8 ألف و20 ألف دولار في الشهر Author: محمد البشرى الخضر Date: 01-07-2013, 04:35 PM Parent: #5
الكلام دا يانكي بس يا خوانا ولا ننتظر الأبليكيشن برضك :)
Post: #36 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-11-2013, 11:08 PM Parent: #2
$20.000 for full time job
Post: #7 Title: Re: الوظائف دي فتحت والمرتبات بين 8 ألف و20 ألف دولار في الشهر Author: معتصم احمد صالح Date: 01-07-2013, 04:35 PM Parent: #1
الاخ عثمان موسى لك التحية والاحتام يا زول ما توقف لينا قلوب الناس وتخليهم ينغمسوا في ال wishful thinking مودتي..
Post: #8 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Nagat Sid Ahmed Elshiekh Date: 01-07-2013, 04:45 PM Parent: #7
عثمان وين الابلكيشن في الانتظار . أوع يكون تفسيح قطط أو كلاب ههههه أوع يكون عتالة ..... نوع الشغل قبل الابلكيشن بالله اشرح المهام ...
Post: #23 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-08-2013, 03:47 PM Parent: #8
عزيزتنا نجاة بت الشيخ سلامات لا لا ما تفسيح كدأيس تفسيح الكدأيس قروشو شوية الكديس ما بفوت ال 4 ألف حتي لو كان كديس كاتي ويلش . القصة حوت حوت . بس يا بت العم خليك في جامعتك دي . فيلي بلد سمحة . وشغل الحوت محتاج الناس البجو من البلدان الباردة ونحن ناس بلدنا صاج . عشان كدي بنكنكش من أول 8 ألف دولار .
Post: #25 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Nagat Sid Ahmed Elshiekh Date: 01-08-2013, 04:27 PM Parent: #23
شكرًا أخونا عثمان واعمل حسابك من الحيتان وربنا يوفق الجميع تسلم.
Post: #9 Title: Re: الوظائف دي فتحت والمرتبات بين 8 ألف و20 ألف دولار في الشهر Author: أسامة البلال Date: 01-07-2013, 04:49 PM Parent: #7
يا عثمان الشغلة دي فيها شدر كريسماس وديوك رومية !
غايتو واحد صاحبنا قال ليك البياكل براهو بخنق .. حصلو بي ابليكيشن وهو قال مستعد بي كل المؤهلات حتي لو جابت ليها حليب وصر وكان بقي ضبيح ديوك رومية قال سكينو جاهزة في ضراعو شاريها من سوق الدامر
Post: #10 Title: Re: الوظائف دي فتحت والمرتبات بين 8 ألف و20 ألف دولار في الشهر Author: د. ياسر عبد القادر Date: 01-07-2013, 07:46 PM Parent: #9
عثمان سلامات
يازول إكتشفوا دهب في فرجينيا ولا شنو؟؟؟؟
كدي رسلنا الرابط في الخاص ...عندنا جماعة عطالة.....ينوبك فيهم ثواب
تحياتي
Post: #11 Title: Re: الوظائف دي فتحت والمرتبات بين 8 ألف و20 ألف دولار في الشهر Author: omar altom Date: 01-07-2013, 07:50 PM Parent: #10
Quote: عثمان سلامات
يازول إكتشفوا دهب في فرجينيا ولا شنو؟؟؟؟
د.ياسر
LOOOOOOL
Post: #12 Title: Re: الوظائف دي فتحت والمرتبات بين 8 ألف و20 ألف دولار في الشهر Author: معتز زيزي Date: 01-07-2013, 08:46 PM Parent: #11
ساعات العمل بحسب نظام العمل والعمال 9 ساعات وببعض الدول تقلصت لـ 8 ساعات باليوم طيب فضل شنو في اليوم ...؟؟؟
Post: #13 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-08-2013, 04:54 AM Parent: #12
عزيزنا النذير سلامات رجعتليك وحسب الوعد يا النذير . الناس ديل زمان كان التقديم ليهم بس ترش ال application وتجدعو في البريد . وتنتظر . بس بعد كبسة اليمن والحبش والصومال القصة بقت كلها اون لاين . لو أكتب في قوقل ( ALASKA FISHIG JOBS حتجيك المعلومات وطريقة للتقديم بس حضر شوالك .
Post: #14 Title: Re: الوظائف دي فتحت والمرتبات بين 8 ألف و20 ألف دولار في الشهر Author: محمد النيل Date: 01-08-2013, 05:52 AM Parent: #13
قلت الاسكا فشينغ شنو؟؟؟ امشى براااااك ياخوى نحن هاهنا قاعدون فى البرد دا ؟؟؟ برييييى ؟؟؟؟ والله مش لو 8 الف دولار لو مليون ما دايرين أى حاجة ولا البرد دا .... عثمان آخوى سمعت كلمة ألاسكا ساى البرد مسكنى ... المهم ليك وحشة
Post: #15 Title: Re: الوظائف دي فتحت والمرتبات بين 8 ألف و20 ألف دولار في الشهر Author: ود الباوقة Date: 01-08-2013, 05:58 AM Parent: #14
Post: #35 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-10-2013, 02:39 AM Parent: #15
عزيزنا ود الباوقة سلامات ياخ كيف ما كيف تحاول تعمل ليك 6 شهور خروج وعودة وتجي ما صع علي ألاسكا دي أصلك قالوا بتبني في الطابق الأول أها يازول ال 6 شهور دي لو يدك خفيفة في نقرشة السمك موضوعك ده حتتمو حتتمو . يازول تعال . بتخيل الكفيل زاتو لو سمع بي العشرين ألف دي حيجي قادي .
Post: #16 Title: Re: الوظائف دي فتحت والمرتبات بين 8 ألف و20 ألف دولار في الشهر Author: عبد الله كسلا Date: 01-08-2013, 06:00 AM Parent: #13
الأخ الحبيب عثمان موسى .. وزواره الكرام ..
كل عام والجميع بألف خير ...
شكراً ليك يا عثمان لحرصك على توفير فرص العمل للزملاء .. لكن ..
العمل في الصيد يتطلب مهارة خاصة .. ولياقة عالية .. وقوة بدنية هائلة .. يعني بإختصار كده ... عايز شباب ..
يعني ناس أنا .. وأخوي الكاشف ود البشرى .. ما في داعي نحاول الحكاية دي نهااااااائي ...
فمن يأنس في نفسو الصفات دي ... طوالي يقدم الطلب اونلاين زي ما قال أخونا عثمان ...
بس حابي أحيل الجميع الراغبين في التقديم ...
لمشاهدة فيلم جورج كولوني .. The Perfect Storm ... قبل التقديم ..
مع أمنياتي للجميع بالتوفيق والسداد ...
The Perfect Storm
Post: #17 Title: Re: الوظائف دي فتحت والمرتبات بين 8 ألف و20 ألف دولار في الشهر Author: محمد عبدالله مختار Date: 01-08-2013, 06:24 AM Parent: #16
ههههههههههههههههههه
_______ No more false hope .. No more wishful thinking .. This is over
Post: #18 Title: Re: الوظائف دي فتحت والمرتبات بين 8 ألف و20 ألف دولار في الشهر Author: عثمان رضوان Date: 01-08-2013, 08:10 AM Parent: #17
Post: #20 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-08-2013, 03:00 PM Parent: #18
عزيزنا محمد البشري سلامات يا ود البشري ياخ أنت مالك ومال الموج وسقطو وتلتلتو . علي كل حال الشركات دي كلها شركات لبنانيين وسوريين وشوية مغاربة . وجد هي شركات قوية قوية والفرص موجودة والفلوس بهله بس يا ود البشري في وأحد أخونا حبشي قال : هم مشوا ألسكا خمسة كلهم عيال عم من مدينة بحر دأر الحبشية . قال : الخمسة رجعوا منهم 2 . قال : ضربة السقط تطقك تخليك أبلكاشة .
Post: #21 Title: Re: الوظائف دي فتحت والمرتبات بين 8 ألف و20 ألف دولار في الشهر Author: nazar hussien Date: 01-08-2013, 03:12 PM Parent: #20
ألاسكا وصيد سمك من البحر؟؟
هو بحر ألاسكا فيه سمك؟؟
أخشي أن يكون الحبش الما رجعوا ديل عملوهم شرائح كانكيج وزادوهم مواد حافظة
8000 دولار لا تعدل عشر مخاطرة مميتة زي دي
Post: #39 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-13-2013, 02:48 PM Parent: #18
العزيز عثمان رضوان سلامات وألف شكر علي المرور
Post: #27 Title: Re: الوظائف دي فتحت والمرتبات بين 8 ألف و20 ألف دولار في الشهر Author: محمد الامين محمد Date: 01-08-2013, 04:43 PM Parent: #17
يازول and#1633;and#1634; ساعة وفيها بحر كمان اخوك ماشافي توتي الا بعد الكبري تقول لي بحر
Post: #38 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-12-2013, 02:02 PM Parent: #17
عزيزنا محمد مختار سلام
Post: #33 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-09-2013, 10:36 PM Parent: #12
عزيزنا معتز سلامات وهو ضروري اليوم يفضل فيه شيء ؟ نظام العمل والعمال ماعندو شغلة في شغلات الحياة البحرية في هادي البلاد . و السمك لا عندو ( وي كيند ) لا عندو رأس سنة . في هادي البلاد يا أخوي كتير من الناس دأعكين سبعة أيام في الأسبوع 24 ساعة في اليوم . دي أمريكا يا المعتز الطاحونة الكبيرة .
Post: #32 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-09-2013, 02:03 PM Parent: #10
ود العم د / ياسر عبدالقادر سلامات مرتبات تقشير السمك شوية مازي البحر . يعني شغلة التقشير بين ال 8 ألف دولار وال 9 ألف دولار في الشهر بس وقعان البحر بكون بين ال 15 و ال 20 ألف بس في الحالتين أحتمال الموت كبير . عيال اليمن بقولوا الموت مكنكش في البحر أجمل من الموت في الدكاكين النواصي . يا دكتور ياخ بيع حوأشة جدك ديك وتعال نعمل لينا شركة والكاتل الله .
Post: #22 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-08-2013, 03:16 PM Parent: #7
عزيزنا معتصم سلامات شنو يازول وين بلدك . أكيد يا معتصم ودرتني وما عرفتني . ياخ أنت كنت بتجينا في دكان البرودوي ش ال 27 مع ناس أحمد وأخوه أبراهيم . ياخ أنشاءلله تكون دراستك كملتها والصحة تمام والاهل بخير . غايتو قول لي أحمد أحسن شيء يبيع الفان ويكسح يلحق مولد ألسكا .
Post: #24 Title: Re: الوظائف دي فتحت والمرتبات بين 8 ألف و20 ألف دولار في الشهر Author: حاتم محمد حاج المهدي Date: 01-08-2013, 04:19 PM Parent: #22
Quote: لا لا ما تفسيح كدأيس تفسيح الكدأيس قروشو شوية الكديس ما بفوت ال 4 ألف حتي لو كان كديس كاتي ويلش
أربعة ألف دورار!!!
بالله يا عثمان شوف لينا وظيفة مفسح كدايس..
سرييع
Post: #26 Title: Re: الوظائف دي فتحت والمرتبات بين 8 ألف و20 ألف دولار في الشهر Author: معاوية المدير Date: 01-08-2013, 04:39 PM Parent: #24
Post: #28 Title: Re: الوظائف دي فتحت والمرتبات بين 8 ألف و20 ألف دولار في الشهر Author: معاوية المدير Date: 01-08-2013, 04:48 PM Parent: #26
علينا جاي،،،،،، حصلوا يا جماعة الله.
البهلوا وراح أهلوا,,,,,,,, أبو صلعة رآقد هبطرش.
يا عثمان أخوي أعقل. ســـــــــلآم...
Post: #29 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-09-2013, 02:45 AM Parent: #28
عزيزنا أسامة البلال سلامات 6 شهور في 8 ألف دولار يا أسامة ماهن كعبات معاك .
Post: #30 Title: Re: الوظائف دي فتحت والمرتبات بين 8 ألف و20 ألف دولار في الشهر Author: يسرى معتصم Date: 01-09-2013, 05:46 AM Parent: #29
السلام عليكم ورحمة الله وبركاته الأخ العزيز عثمان الأخوة المشاركين سنة2002 سمعت الناس بتكلمو عن شركات صيدالسمك فى سياتل طوالى سافرت من الجنوب لسياتل وجدت سودانيين لا يتجاوز عددهم خمسه وعدد لابأس به من غرب أفريقيا ولايوجد عربى واحد ولاحبشى ولاصومالى العمل بالساعات لذا يعمل الفرد حوالى 18-20 ساعة فى اليوم ولاتوجد محطات تلفزيونية فى خلاء البحر وربما تصل شواطئ اليابان كل العمل هو تنظيف السمك طيلةالرحلة بواسطة الساطور لاوقت للراحة والمرض حيث يعمل الأفارقة طيلة اليوم للكسب ومعهم زوجاتهم للعمل أيضآ ستةشهور للعمل فقط لذا يعمل الأفارقة ستة شهور ويعودون لغرب أفريقيا الأولية لعمال الموسم السابق
تجربه لاأنصح أحد بالقيام بها
Post: #31 Title: Re: الوظائف دي فتحت والمرتبات بين 8 ألف و20 ألف دولار في الشهر Author: معتصم احمد صالح Date: 01-09-2013, 07:54 AM Parent: #30
العزيز يسري لك التحية
Quote: تجربه لاأنصح أحد بالقيام بها
ارجو ألا تحول بين الناس واحلامهم، ياخي الناس سافروا لصحراء البيوضة وغطسوا في رمالها 40 مترا تنقيبا عن الذهب او بحثا عن مجهول، تقول لي تجربة شنو شنو.. هسع الضمان ستة شهور على ظهر سفينة ولا ستة اسابيع في باطن التربة! خلي الناس تستنشق نسيم خليج هدسون بدلا عن مناخ القبور واستنشاق الفسفور..
___________________________ يا عثمان انت من زمن الفان ،، الحمدلله خلصت القراية ولا زلت في عاصمة العالم ،، المدينة التي لا أطيق فراقها
Post: #34 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-10-2013, 01:52 AM
عزيزنا محمد النيل سلامات الفشينغ هي الغربة الجديدة المضروبة في دبل غربة يا محمد . تركب الموج ناطح السحاب . ترجع متين يا ود النيل ده علمو عند الله . علي كل حال يا محمد صاحبك ود الشيخ عاد الي اليابسة في الحساب 80 ألف دولار أي ورقة في ال 80 دي مكتوب عليها this note is legal tender . ود الشيخ رجع قال شاعر بي قلبو زي مافي من سقط الحوت .
Post: #37 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 01-12-2013, 02:02 AM Parent: #34
عزيزنا عبدالله كسلا سلامات نعم الموضوع محتاج لياقة عالية وشجاعة في ديك البكانات يا كسلا الشمس 4 شهور ما بتنشاف . 4 شهور الليل والصباح وأحد وأنت شغال يكفت فيك الموج يمين شمال والموجة زي الجبل يا كسلا في قناة أمريكية عندها حلقة عن مخاطر الفيشنغ كل يوم خميس حاول تابع البرنامج ده تحياتي
Post: #40 Title: Re: الوظائف دي فتحت والمرتبات بين 8 ألف و20 ألف دولار في الشهر Author: Osman Musa Date: 02-06-2013, 10:55 PM Parent: #37
$8000 ____ $20000
Post: #41 Title: Re: الوظائف دي فتحت والمرتبات بين 8 ألف و20 ألف دولار في الشهر Author: بشرى مبارك ود السقاى Date: 02-06-2013, 11:34 PM Parent: #40
قبل ثلاثة سنوات جابو لينا ناس النرويج القادميين الى بيرمنجهام (سيره البحر ) أقصد سيره السمك فى النرويج وقالوا (البنغاله والهنود وبعض الافارقة عملو قروش !!!)وقالو لو مابقييت بتاع (مجقومات ) أقلها الفودكابتقدر على الشغل !! لكن عدا ذلك والله (صيره ما تقدر تقبضه !!!) لذلك لم نفكر حتى فى سمك النرويج والذى يعتبر مقارنه بسمك (ألاسكا!!) زى التقول فى مصر !!!! على العموم ربما رشحنا لكم بعض الشباب لكن نحنا وإن كان (البنيان واقف فى الطابق الارضى !!!) لكن كفاية القضيناهو فى الشرطة فى السودان !!والله الحكاية لو فك وتركيب وإستعمال سلاح ومجاذفات فى دفو كنا بنباصر الموضوع لكن والله الليلة الجو فى بيرمنجهام بارد الواحد ما قادر يتكلم من البرد بس نتابع فى الكورة !!! آها ألاسكادى فيها متابعة كورة أم متابعة الامواج والسواطير !!!! والصلاة كيييف ؟؟ والوضوء والغسل والعبادات الاخرى يا جماعة ربنا ما أمر بالتهلكة دولار زى ده طاير يا زول .
Post: #42 Title: Re: الوظائف دي فتحت والمرتبات بين 8 ألف و20 ألف دولار في الشهر Author: محمد جمعه الخير Date: 02-07-2013, 00:11 AM Parent: #41
يا ابوعفان عبد الله كسلا ادانا النجيضة بي فيلم جورج كلوني (The Perfect Storm) .
انا شخصيآ بحب الصيد وماعندي مشكلة مع البرد بس سمك ما بقشر ومركب ما بغسل .
