|
البوست الموحد للترحيب بكل الزملاء الجدد, دفعة 2012-2013
|
اصالة عن نفسى وانابة عن بعض زملاء منبر سودانيزاونلاين نرحب بكل الزملاء الجددد ونتمنى لهم اقامة طيبة كما نتمنى ان يكونوا ذخراً واثراء للمنبر وان نستفيد منهم ومن ما تسطره اقلامهم
لا ادرى لماذا افترعت البوست ولكن واضح ان هنالك مجموعة من الاعضاء الجدد وارى ان من المفيد ان نلتقيهم فى بوست موحد للترحيب
فياريت لو تكرم الزملاء الجدد ان يسجلوا لنا حضورهم هنا لنرحب بهم فرداً فردا
ولا رايكم شنو؟
=========== تحياتى
|
|
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
Quote: اصالة عن نفسى وانابة عن بعض زملاء منبر سودانيزاونلاين
|
شكرا الاستاذ محمد زكريا (رئيس) البوست الموحد للترحيب ..وحقيقة (ايها )الزملاء الجدد اب صلعة محدد المداخلات
مرحب بيكم ..بعدين بكرى ده بقى سلفى وللا شنو وين العنصر النسائى فى الدفعة اعلاه
معاوية عبيد نائب محمد زكريا رئيس البوست
السيد الرئيس سلامات ياخ
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: معاوية عبيد الصائم)
|
Quote:
شكرا الاستاذ محمد زكريا (رئيس) البوست الموحد للترحيب ..وحقيقة (ايها )الزملاء الجدد اب صلعة محدد المداخلات
مرحب بيكم ..بعدين بكرى ده بقى سلفى وللا شنو وين العنصر النسائى فى الدفعة اعلاه
معاوية عبيد نائب محمد زكريا رئيس البوست
السيد الرئيس سلامات ياخ |
ههههههههه يا النائب الاول هسى انت عارف ممكن كل الاعضاء الجدد يكونوا شنو خليك من الباشمهندس البقى يهرش من تسجيل الاقلام (اللطيفة) لانه حسمهم ببقى صعب لكن والله ملاحظة فى محلها يا كمرد معاوية ده شنو يا بكرى التسجيلات الريحتها طير طير انت قايلو فريق كورة ولا شنو بعدين يا كموندان ما تفزع لينا الاعضاء الجدد ياخ طبعاً ما دايرين نقول البرالمة لانه اكيد فيهم سناير فى حتات تانيه وكدى خلينا نشوف مويتهم شنو بالاول
يا ود الصائم كل سنة وانت طيب ياخ
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
شكرا محمد زكريا ...
أعتقد أن البوست الموحد أكتر جدوى من المساككة الحاصلة دي ...حتى الواحد ممكن يرحب بالزول أكتر من مرة بدون ما يشعر ....
معك أغرس في المدى كلمة ترحيب طيبة ..أصلها بالقلب وفرعها يعانق الرؤى في أجمل سماواتها ...
أرحب بكل الأعضاء الجدد وأتمنى لهم إقامة طيبة وأداء فعال وعطاء متزايد ومميز ..
وأتمنى من بكري تثبيت البوست على صدر المنبر ...وأن تكون هذه سنة دائمة ...
تسلم ...وشكرا
| |
|
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: ibrahim fadlalla)
|
Quote: ibrahim fadlalla شكرا محمد زكريا ...
أعتقد أن البوست الموحد أكتر جدوى من المساككة الحاصلة دي ...حتى الواحد ممكن يرحب بالزول أكتر من مرة بدون ما يشعر ....
معك أغرس في المدى كلمة ترحيب طيبة ..أصلها بالقلب وفرعها يعانق الرؤى في أجمل سماواتها ...
أرحب بكل الأعضاء الجدد وأتمنى لهم إقامة طيبة وأداء فعال وعطاء متزايد ومميز ..
وأتمنى من بكري تثبيت البوست على صدر المنبر ...وأن تكون هذه سنة دائمة ...
تسلم ...وشكرا |
بالظبط اخ ابراهيم هو قلته انت فى الجملة الاولى وتشكر على الشكر والترحيب واثنى على تثبيت البوست لو يسمعنا الباشمهندس
-------------------------------------------------------------------------------- ملحوظة كتبت اسماء بعض الزملاء الجدد حسب تواجد بوستاتهم فى الصفحة الاولى واعتذر الى من لم اورد اسمه وهو من الجدد واجدد ترحيبى بالجميع
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
Quote: أصحي يا بريش ....
تحية وتقدير لشيخ الشامي الحبر ...وشكر على تحليلاته السياسية الرصينة وثاقبة ...
|
معليش وسورى ..حقيقة سيدى السيد الرئيس محمد بن زكريا كان طالع من عملية (زهايمر عابر) وده بيجهو كل 8 سنة مرة واحدة لمدة 3 دقائق وعشرة ثوانى ..ونحنا فى مكتب سيدى السيد الرئيس طال عمرو ...نتعامل بشفافية مع الاعضاء وعزيزى القارى ..فى طرح تفاصيل الوضع الصحى لسيدى السيد الرئيس محمد زكريا ..ولا نخفى عن شعب البورد الوضع الصحى لسيدى السيد الرئيس محمد زكريا ..زى ما بعملوا ناس كده ويدسوا عملية رئسيهم !!!!!!!!!!!
مرة اخرى باسم سيدى السيد نرحب بالاعضاء الجدد ..ونكرر يا اب صلعة ..وين العنصر النسائى يا شيخنا ؟
معاوية ..نائب سيدى السيد محمد زكريا...
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: amir jabir)
|
سيدى السيد الرئيس الانتقالى والذى تتنهى مهامه بنهاية هذا البوست يهنى كل الزملاء والزميلات (زميلة واحدة ) بالعام الجديد . ويتمنى لهم اقامة طيبة ..وعام اكثر رحمة
ومعلومات عن محاولة انقلابية على سيدى السيد الرئيس للاستيلاء على البوست بقيادة المدعو عامر جابر وايمن الصادق ولكن هيهات هيهات ....
المصدر ..انا دا
تحياتى لكل الزملاء الجدد ولقدام ومعا من اجل وطن للجميع ..دمتم بخير..ودام الوطن
معاوية النائب الانتقالى لصاحب البوست
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: معاوية عبيد الصائم)
|
Quote: ومعلومات عن محاولة انقلابية على سيدى السيد الرئيس للاستيلاء على البوست بقيادة المدعو عامر جابر وايمن الصادق ولكن هيهات هيهات ....
المصدر ..انا دا
تحياتى لكل الزملاء الجدد ولقدام ومعا من اجل وطن للجميع ..دمتم بخير..ودام الوطن
معاوية النائب الانتقالى لصاحب البوست |
عليك الله رئاسة قعدنا فيها 24 سنة اقصد ساعة تانى داير بيها شنو يعنى اقعد اكورك لحدى ما حلقى يتقد, يازول ده طرفى منها ومبروكه على اى انقلابى او غير انقلابى
قالو الريس داير يتخلص منها ومافى زول داير يستلمها ولا حتى النائب الاول
علا بالمناسبة انت الزملاء الجدد ديل ما شايفين البوست ده؟ معقول كلهم طلعوا برالمة ولا شنو
يا بكرى رجاءاً ولو سمحت اى زول ترسل ليهو قبول عضوية لازم تلزمه اجبارياً على المرور من هنا اولاً ولا هسى بنعمل عليك انقلاب ونرفدك من ملكية المنبر بتاعك ده
حكاية لقب الريس دة بتقوى قلبى وتخلينى افترى على اب صلعة زاتو. لكن يا معاويه كن حصل لى حاجة مثل تقليل كوته وما شابه او الاسواء ما ح اخليك يا طه
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: معاوية عبيد الصائم)
|
Quote:
ومعلومات عن محاولة انقلابية على سيدى السيد الرئيس للاستيلاء على البوست بقيادة المدعو عامر جابر وايمن الصادق ولكن هيهات هيهات .... |
هسى عليك الله المخرب منوا فتلته البوست يفتل راسك الكبير دا
لا يفوتنى فى هذه المحاولة اليائسة التى يقوم بيها هذا الشيوعى المركسى اللعين باربار المركسى لتجنيد الاعضاء الجديد ..... العب غيرا يا وهم
نسيت ان اسلم على الاخ ايمن الصادق عضو مجلس قياداة الثورة
------------ فى سياق اخر :-- اسمعنى انته البحار دا غطس هو والوغد التانى خضر الطيب وين :- حرم الناس ديل سمعوا حاجة فى النت علشان كدا شتتوا يكون فى شنوا ؟
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: amir jabir)
|
Quote: هسى عليك الله المخرب منوا فتلته البوست يفتل راسك الكبير دا
لا يفوتنى فى هذه المحاولة اليائسة التى يقوم بيها هذا الشيوعى المركسى اللعين باربار المركسى لتجنيد الاعضاء الجديد ..... العب غيرا يا وهم
|
كتلت الدش ياخ لكن معناته حسّك الامنى قوى
ازيك يا امير ود جابر ومرحب بيك برضو مع الزملاء الجدد يا معتت
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: ابراهيم الفاضل)
|
مرحباً بكم فى الحوش الكبير ايمن الصادق اسماعيل يوسف محمد
ونشكركم على المرور من هنا
عثمان الشريف اسحاق Quote: شكرا يا محمد زكريا الرجل النبيل* علي الترحيب بنا ونتمني ان نكون علي حسن الظن بنا -------------- *وقفتك في فاجعة رحيل المغفرله باذن الله السمندلاي وهي قمة النبل والوفاء |
اوللاً اهلاً وسهلاً بك فى المنبرواكيد ح تكونوا عند حسن الظن باذن الله مالك داير تتور علينا ذكرى المرحوم سمندلاوى تانى والله يرحمه ويعغفر له وما عملنا الا الواجب وشكراا على الكلمات الطيبات
------------------------------------------------ و 1000 مرحب بالزميل Mohamed Foto7li
---------------------------------------------- االزميل الاخ سامى عبدالله لنيه الواصله سيدا عليك بود البواقه من قولة تيت حسب امنيات غريمه النائب الاول ----------------------------------------------------
الزميل الاخ ابراهيم الفاضل
Quote: الرائع /محمد زكريا
كل عام وانت بخير ونشكرك على حرارة الترحيب كن بخير لنا،، |
ياهو حوش الجميع بيرحب بك واتمنى لك اقامة طيبه ====== مع تحياتى
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: أحمد التجانى حمودى)
|
Quote: أحمد التجانى حمودى شكرًا أخي محمد زكريا علي ترحيبك وكلماتك الرقيقة .. ولك منا الشكر والتقدير كله سعادة النائب الأول معاوية عبيد الصائم ولا ننسي ان نشكر الأخ بكري علي إستضافته لنا منضمين الي جمعكم الكريم ...
ونرجو ان نكون عل حسن ظنكم
د. أحمد التيجاني |
1000 مرحب بك د. احمد ولا شكر على واجب
---------------- النائب الاول ده الله يحلنى منه, اخير لى يكون عندى وزير دفاع متل ضلّى
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد فاروق عبدالله)
|
Zain Alaabideen Alkhairy Quote: شكرا" اخى محمد على الترحاب ... والكلمات الرقيقة وعبرك التحايا للكل ولايفوتنى ان اشكر الاخ بكرى على الاستضافه
|
حللت اهلاً وسهلاُ اخ زين العابدين وللاخ بكرى الشكر على استضافته لنا
-------------------------------------------------------------
علاء الدين محمد البشير
Quote: شكرا الاخ محمد زكريا و اتمنى ان اساهم معكم فى اسراء المنبر
و الشكر موصول للعزيز معاوية و الذى رحب بى قبل ذلك فى موسم حج 1431 هـ |
الاخ علاءالديم محمد بشير مرحباً بك والمنبر حقك ولا تجعلوا المرعوب تمبس يرهبكم
----------------------------------------------------------------
محمد فاروق عبدالله
Quote: شكراً جزيلاً الأستاذ محمد زكريا،، ونائبه الأول والثاني،، ورئيس الحوش بكري أبوبكر،، وجميع أفراد الشعب السوداني بالمنبر العامر،،
وإن شاء الله الفائدة تم الجميع،، |
الاخ محمد فاروق لك التحية والترحاب كله لكنك شكرت الجميع حتى الشعب السودانى بالمنبر ونسيت انه معانا اجانب من الجارة الشقيقة ( دينق وكده) وش ضاحك
0000000000000000000000000000000000000000000000000000000000000 ويا ايها الشعب السودانى بالمنبر رجاء رحبوا معنا بالزملاء الجدد باختلاف الوانهم وبلادهم
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد فاروق عبدالله)
|
الأخ الفنان / محمد زكريا الشكر أجزله لك و أنت تفترع هذا البوست ترحيباً بالقادمين الجدد أخوك قارئ متابع لأكثر من 8 سنوات و أبدأ يومى بفتح هذا المنبر اليوم ما أن وجدت موافقة سيد الحوش و الأذن لى بالدخول ... أحساس بالرهبة و الخوف تملكانى .. لا أدرى هل خوف من مسئولية الكلمة ... أم وضعى يختلف من متفرج لمشارك ..؟؟؟ هذه مداخلتى الأولى و وجود العنوان لهذا البوست أزالت شئ من التردد ... من خلال هذا البورد و أنا قارئ تعرفت على أعضاء هنا من سنوات و كانوا و ما زالوا نعم الأخوة ... و أتمنى بوجودى هنا أن أعرف و أتعرف على المزيد ... وأكون أضافة حقيقية للمنبر .... الشكر للأخ بكرى بقبول طلبى ..
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: على عبدالله بشير)
|
Quote: نرجو الانتباه
فى اشاعة حائمة وبتقول فى خلافات بين سيدى السيد الرئيس طال عمرو حيا وميتا وبينى انا دااااا حول مبلغ مالى وصل من بور كينا فاسو لدعم بوست الترحيب ...وانو سيدى السيد الرئيس ..غنج بيهو ..دى اشاعة لا اساس ولا راس ولا كرعين لها من الصحة .....
عاش سيدى رئيس البوست الما غنج بالقروش |
عليكم الله يا ناس الله نائبى الاول البقى لى فى حلقى ده اسوى ليهو شنو, شوكة حوت تقد الحلق عديييييييييييييل كده بس تعرف بالطريقة دى ح اتضطر اعين ودالباوقة نائب ثانى (لكن هو كان مطلوب القبض عليه ياربى؟)
يا معاوية قروش بوركينا دى ما معروفه لكن الكلام فى قروش رفع الخزان ومشاريع الخضار, يا تنوم بالطماطم براك وما تخلى لى ولا طماطمايه وكله ترسله للشيخة غتغاته
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
الاخ على عبدالله بشير
Quote: الأخ الفنان / محمد زكريا الشكر أجزله لك و أنت تفترع هذا البوست ترحيباً بالقادمين الجدد أخوك قارئ متابع لأكثر من 8 سنوات و أبدأ يومى بفتح هذا المنبر اليوم ما أن وجدت موافقة سيد الحوش و الأذن لى بالدخول ... أحساس بالرهبة و الخوف تملكانى .. لا أدرى هل خوف من مسئولية الكلمة ... أم وضعى يختلف من متفرج لمشارك ..؟؟؟ هذه مداخلتى الأولى و وجود العنوان لهذا البوست أزالت شئ من التردد ... من خلال هذا البورد و أنا قارئ تعرفت على أعضاء هنا من سنوات و كانوا و ما زالوا نعم الأخوة ... و أتمنى بوجودى هنا أن أعرف و أتعرف على المزيد ... وأكون أضافة حقيقية للمنبر .... الشكر للأخ بكرى بقبول طلبى .. |
بعد التحية والترحيب والسلام عليكم كلامك الفوق ده ما كلام ناس جدد ولكنه كلام انسان ملىء بقيم عاليه واهمها الاحساس التام بالمسؤوليه والخوف من اظى اللسان او القلم هنا حقيقة اخرى تظهر من كلماتك الا وهى الصدق والوضوح مع النفس قبل ان تعكس ماهى مناحى شخصيتك كما تريد ان يراك بها الاخرون لان ما قلته هو بالظبط ما حدث معى ايضاً فى اول مرة ادخل المنبر وتلك الرهبة والهم ولكن مع مرور الزمن وليس اقل ايضاً مداخلات وتشجيعات الزملاء (السناير) واجمل مافى المنبر هو ان يتم تعارف بين الزملاء واحلى اللحظات حينما تلتقيهم وجهاً لوجه, لقد سعدت بمعرفة عدد كبير من الاخوة والاخوات عبر هذا المنبر والاخ بكرىابوبكر الله لا جاب يوم شكره
تحياتى لك و1000 مرحب بك مجدداً
-------------------------------------------------- مرحبتين حبابك واليوم السعيد الليله جابك يا فريع البان
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
Quote: خالد النور الأخ محمد الزكرياء الزملاء الأعذاء أشكركم على ترحيبكم بنا ونتمنى أن نكون عند حسن ظنكم وخفاف عليكم |
الاخ خالد النور اولاً نرحب بك ترحيب كثير ولا شكر على واجب وان شاءالله تكونوا اكثر من حسن الظن
بس مشكلة الذاء والزاى دى انت ما اول واحد ولا اخر ....ولا يهمك مصيرك بكرة تتعلم من الايام وتعرف ليه وليه ليه الناس ليه بتتألم
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
Quote: بعد التحية والترحيب والسلام عليكم كلامك الفوق ده ما كلام ناس جدد ولكنه كلام انسان ملىء بقيم عاليه واهمها الاحساس التام بالمسؤوليه والخوف من اظى اللسان او القلم هنا حقيقة اخرى تظهر من كلماتك الا وهى الصدق والوضوح مع النفس قبل ان تعكس ماهى مناحى شخصيتك كما تريد ان يراك بها الاخرون لان ما قلته هو بالظبط ما حدث معى ايضاً فى اول مرة ادخل المنبر وتلك الرهبة والهم ولكن مع مرور الزمن وليس اقل ايضاً مداخلات وتشجيعات الزملاء (السناير) واجمل مافى المنبر هو ان يتم تعارف بين الزملاء واحلى اللحظات حينما تلتقيهم وجهاً لوجه, لقد سعدت بمعرفة عدد كبير من الاخوة والاخوات عبر هذا المنبر والاخ بكرىابوبكر الله لا جاب يوم شكره
تحياتى لك و1000 مرحب بك مجدداً
-------------------------------------------------- مرحبتين حبابك واليوم السعيد الليله جابك يا فريع البان |
تشكر أخى محمد على الكلام الطيب و أنت سباق موقفك النبيل تجاه صديقك المرحوم سمندلاوى و أسرته و مرافقتك للجثمان حتى مثواه الأخير مثل هذا الشئ لا ينبع ألا من شخص تربى على القيم و الأخلاق الفاضلة ... بقدر حزننا و بكاءنا على الفقيد حمدنا الله أن كان له رفيق مثلك ...
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: على عبدالله بشير)
|
Quote: تشكر أخى محمد على الكلام الطيب و أنت سباق موقفك النبيل تجاه صديقك المرحوم سمندلاوى و أسرته و مرافقتك للجثمان حتى مثواه الأخير مثل هذا الشئ لا ينبع ألا من شخص تربى على القيم و الأخلاق الفاضلة ... بقدر حزننا و بكاءنا على الفقيد حمدنا الله أن كان له رفيق مثلك ... |
الاخ على عبدالله بشير تحية وسلام قول من رب رحيم والله اننى اتحاشى الحديث عن سيرة المرحوم بكرى غفر الله ذنوبه حتى لا تهيج الذكرى ومشاعر الحزن على الفراق وتنفتح جروح الخاطر بعد الرضاء بقضاءالله وقدره ولو ان سيرتة لا تخيب ابداً بذكر مأثرة وبما تركه لنا من اعمال تشهد له بانه كان انساناً رائع والبركة فى ذريته وخلفه الصالح ابنه وبناته حفظهم الله وقوى ارملته على تحمل تربيتهم لوحدها وبعون الله الحقيقة التى يجب ان تذكر انه انا شخصياً ما كنت لاكون فى الصورة التى عرفتمونى بها لولا مجهودات اخوة واخوات من خلف الكواليس لهم مساهمات لا تقدر من حيث العظمة والاخلاص والوفاء فهنالك من وقف منذ اول لحظات الخبر الفاجعة واخوة واخوات معنا فى غربتنا البعيدة واخرون عبر الاسافير ساهموا واخرين اتصلوا وحقيقة فقد كان هنالك الكثير الكثير من المواقف التى كنت شاهد عليها عن وقفات السودانيين فانا تجاه ما قدموه الاخرين ما الا صفر كبير فالشكر للجميع وخصوصاً للزملاء فى منبر الاخ بكرى هذا, لذا تجدنى ادرى تماماً قيمة التواجد فى هذا المكان ايضاً لا يسعنى فى الختام الا ان اشكرك على كلماتك الكبيرة فى حقى والتى لا استحقها فى شخص كان بمثابة اخ للجميع بل اشكرك على حسن الظن وان فعلنا ما فعلنا فلم نفعل الا ماهو اقل من الواجب فى حق المرحوم سمندلاوى واحيى فيك هذا الاحساس والشعور الجميل والنبيل المفعم بمعانى الوفاء وبذكرى الناس الرائعة الفارقت دنيانا وتظل طكراهم خالدة اللهم ارحمه واغفر له اخانا الذى اخترته ولكل موتانا واهدنا الى سراطك المستقيم يا رب العالمين
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: ASHRAF MUSTAFA)
|
عمر السلمةQuote: أخونا محمد زكريا ... الف الف الف شكر على الترحيب بالأعضاء الجدد ..وللحقيقة ما جدد ..عشان من زمااااااااااااااان متابعين المنبر ... تحياتي للجميع |
الاخ عمر السلمة ملرحباً بك عضواً وزميلاً فى المنبر والحقيقة انه مافى جديد وقديم وبرالمة وسناير فهنا الكل زملاء سواسية بمجرد ان تخط حرفاً هنا
========= هسى من مداخلتك الختيتها لى فى نص المداخلات دى معناتها برلوم جديد لنج على المنبر دى طبعاً من غير زعل لكن بالجد نصيحة لكل الزملاء جدد وقدامىماتنسوا ودالبشارى ده مهارات تقنية للتعامل مع المنبـــر!!
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: ASHRAF MUSTAFA)
|
Quote: ASHRAF MUSTAFA شكرا محمد زكريا على البوست
ريحتنا شديد عشان ما نقع في اللوم
رحبت بكثيرين لكن اختلط على من تركت ومن رحبت به
نرجوا المعذرة من جميع البرالمة الجدد
مليون مرحب بالجميع
ونتمنى لكم اقامة طيبة وهانئة |
شكراً لك ايضاً على المرور من هنا ومعاً نرحب بالزملاء وجبر الله كسركم فى مصيبتكم وان شاءالله اخر الاحزان
==================== ولنقل للزملاء لا فرق بيننا كهوتو وتوتسى فكلنا راونديين نحن هنا شعب واحد
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: Mohammed Harin)
|
Quote: Mohammed Harin مشكور علي الترحيب يامحمد زكريا
اسمك دا بذكرني بكادر خطابي لانصار السنة !!! |
لا شكر على واجب اخ محمد هارين (اتمنى كتبت الاسم صح) و1000 مرحب بك اخ وزميل
انصار السنة والسين مضمومة ولا مفتوحة ؟ ابداً والله لا هذا ولا ذاك لا اكيد تشابه اسماء ولو يا ليتنى كنت كادر من انصار السنة (السين بالضمة) كان الله هدانى من درب الاسافير الطويل وتلقونى هسى لا بعرف منبر ولا بنبر
============== لك و لمحمد زكريا كل التحايا
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
يا معاوية عبيد الصائم يا النائب الاول يا كموندان, شنو يا, وين لبدت؟ يعنى جيت كشحت الكوتة اليتيمة بتاعتك دى وقعدت تعاين من برة بس والله ما صاح بعد مجهوداتك واكيد فى ناس كتيرة متابعاك ومن الزملاء الجدد ودايرين يلاقوك ويتعرفو بيك كن كده لازم اجر سلك سريع للباشمهندس ابصلعة وزير الاتصالات يخفف عليك الحظر ويزيد الكوتة شوية ============ تحذير للبرالمة اوعكم تهظروا مع الباشمهندس وتقولوا ليه ابصلعة زى ما انحنا بنقول لانه ممكن عاااااادى يرفدكم رفع الكلف دى حاجة بينه وبين ناس محددين, طبعاً انا واحد من الناس المحددين ديل وكده وباعتبار كلنا ريس فالحالة واحدة بيناتنا
============== والله يا معاوية كن رفدونى ما ح اخليك , تعملنى الريس وتقعدنى فى السهلة وزير دفاع بى اى حاجة ساى ما نلقى
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
أحم أحم مرحباً بالزملاء الجدد نورتوا البورد وحيتنور بيكم إن شاء الله رئيس البوست شكلوا خايف من الإنقلابات عشان كدة ما عايز الناس يترقوا ويصبحوا رواد ومقدمين وكدة معقولة ياناس ! واحد زيي كدة من سنة 2012 هنا ولسه رئيس البوست يعتبرنا جُدد ويضمنا لقائمة المرحب بهم ؟ إنت قايل الملازمين ما بيقدروا يعملوا إنقلابات ؟ غايتو لو ما جميلك دا اللي هو إقامتك لصيوان الترحيب الموحد دا كان أصدرنا بيان إستنكار وتحريض وشرعنا في التخطيط لمحاولة إنقلابية لكن نعديها ليك المرة دي تحياتي يا سعادة الفريق محمد زكريا واللواء نائبو ود عبيد ود الصائم
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: أحمد أبكر)
|
Quote: أحمد أبكر أحم أحم مرحباً بالزملاء الجدد نورتوا البورد وحيتنور بيكم إن شاء الله رئيس البوست شكلوا خايف من الإنقلابات عشان كدة ما عايز الناس يترقوا ويصبحوا رواد ومقدمين وكدة معقولة ياناس ! واحد زيي كدة من سنة 2012 هنا ولسه رئيس البوست يعتبرنا جُدد ويضمنا لقائمة المرحب بهم ؟ إنت قايل الملازمين ما بيقدروا يعملوا إنقلابات ؟ غايتو لو ما جميلك دا اللي هو إقامتك لصيوان الترحيب الموحد دا كان أصدرنا بيان إستنكار وتحريض وشرعنا في التخطيط لمحاولة إنقلابية لكن نعديها ليك المرة دي تحياتي يا سعادة الفريق محمد زكريا واللواء نائبو ود عبيد ود الصائم |
الاخ احمد ابكر الشهير ب احم احم
بعد التحية والسلام امانتن فى ظمتك شفت ليك ريس بطقع ولا بجيب غير الدّراب, ده كله من النائب الاول الغتيت ده الطوطحانية التقوم بيهو بريسونا و.....خليها ساكت وانا زولاً طيبان ساى قلت النرحب باخوانى القبلوهم فى اواخر 2012 وفى بداية 2013 يعنى ما قبل ديسمبر 2012 ما نرحب بيهم يعنى ما قصدت ناس 2012 من الشهر الويحيد او كما قيل ايام النبؤة عن طائر معييطيب والجدة الشريرة غايتو من ناحية ضمانات انه ما يحصل انقلاب والله الوضع غير مطمئن مع النائب الاول الغتيت ده وبرغم تقليل كوتاته لمدى معرفة خطورتة ثم ثانياً الاعضاء الجدد ديل الواحد ما عارف مويتهم شنو زى ما قال احد السناير المرتعبين من التسجيلات المكثفة التى اجتاحت فضاء المنبر واحد قال الريس ابصلعه ده مالو زعلان ولا شنو؟ ولا الحكمة بقت طالما هيثم سجل للمريخ يبقى خربانة ام بناية قش لكن للضمان كده نشكرك والزملاء على تعديتها لى للمرة دى والجايت كن جن الدنيا ما معروفه حلوة سعادة الفريق محمد زكريا وراكبة ظط بستم بس لكن الريس بكون فريق ساى كده بس؟؟؟الفريق اول ياخ لو سمحت ده شنو الملكيه الما بعرفوا الرتب العسكرية ديل يا النائب الثانى ما تشوف لينا دكتوراة فخرية من اى جامعة وخلينا من الرتب العسكرية دى ياخ
{انتو الريس ده مش قالو كان نزل معاش من الجيش ايام الخج ديك}
======= تحاياى يا ابوحميد
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: أحمد قلوب)
|
يا جماعة والله بصراحة لما سمعت بحكاية الدفعة أتذكرت (دفعتنا الدفعة 46 بكلية الشرطة كنا 188طالب أتخرجنا يوم 3 يناير 1982م 186 ضابط أتنين ما نجحوا أتاخروا 6 شهور !!!) فإذا بى أكتشف أن الحكاية كلها 8 أعضاء جُدد (يعنى زى عدد القطرين فى دفعتنا !!!) كانوا تمانية فقط والاغرب كان فيهم أحرف أتنين فى الكلية فى كرة القدم وهم محمد سعد الحماد وربيع عيد العبيد الزراع !! ، على العموم ورغم أن هناك قاسم مشترك بين دفعتنا وهذه الدفعة وهو (عدم وجود الجنس اللطيف فى الدفعتين !!!) ورغم ذلك نرحب بيهم وسبق أن رحبت بواحد دكتور جديد خريج جامعة الجزيرة والترحييب كان بى مسدار طويل عريض لذلك وجب علينا أن نرحب بهذه المجموعة والدفعة بمسدار ونقول ليهم :
مرحب بالثمانية وخيرة الاسماء أدخلو بى سلام وزيدو على الإحماء أدونا الجديد إنتو السحاب فى سماء نفرش ليكم ورود ونرش طريقكم طريقكم ماء
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: لطفى العمده)
|
الاخ محمد زكريا
شكرن جزيلن على ترحيبكم بالاعضاء الجدد في بوست موحد
من وجهة نظري ليس من المجدي فتح كل عضو جديد بوست منفصل ويقول فيه - عضو جديد فهل مرحب؟؟؟ ولا شكرا بكري ابو بكر - عضو جديد
نكرر شكرنا نحن برالمة 2013 لكل السانير وان شاء الله يوم شكركم ما يجي زي ما بقولو
ملاحظة:
على الرغم من اننا اولاد دفعة واحتمال كبير اكون سينر بالنسبة ليك لكن الباس وويرد بتاعي كان رافض الدخول معاي حيث أنني دفعة 2009
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: قسم الفضيل مضوي محمد)
|
ًالاخ الفاضل محمد زكريا،
لك التحية على فتح هذا البوست، انها فكرة صائبة جداً. لقد قمت بالترحيب بعدد من الاخوة الجدد كل على انفراد ولكن بعد ما كثر العدد، عجزت عن المتابعة. اقول: مرحبا بكل القادمين الجدد من غير تمييز، نرجوا ان تكونوا اضافة حقيقية لهذا الموقع الرائد عموماً والمنبر العام على وجه التحديد. لا شك ان بينكم من له خبرات ومعارف تفوق الكثير من الحرث القديم في هذا المنبر فلا تبخلوا علينا بما لديكم من آراء ومعارف وعلوم. احذركم من الحفر وحقول الالغام (have your m e t a l detector ready). ارجوا لكم وجود سعيد ومثمر في هذا الموقع.
اخوكم
عثمان دُنقس
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد بابكر احمد)
|
اهلا بيكم كتير كتير ...حقيقة لفترة ماكنت موجودة فى المنبر لمن رجعت رحبت بالشفت بوستات الترحيب حقتم قدامى لكن بعد كده عرفت ان العدد كبير وحقيقة ماعرفت انا رحبت بمنو ومارحبت بمنو ... يااهلنا ده اعتذار منى للجميع انشاءالله كلكم اضافه لينا فى المنبر
اخونا محمد ذكريا شكرا ليك كتير طلعتنا والله من اللوم تسلم يارب ...
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: Hatim Alhwary)
|
برقيه شكر فخامه رئيس البوست القائد محمد زكريا سعاده نائب البوست الاخ ودالصايم الساده الوزراء والمستشارين بالبوست الضيوف الكرام المحتفى بهم السلام عليكم ورحمه الله اتقدم اليكم بوافر الشكر على الترحيب وحسن الاستقبال تحياتى للجميع محمد بابكر
مرفقات
Quote: خلينا نشوف مويتهم شنو بالاول |
ماتستعجل
Quote: أعتقد أن البوست الموحد أكتر جدوى من المساككة الحاصلة دي |
صدقت
Quote: ولا صحة حول ما يتردد حول اصابة السيد بن زكريا |
صحتك بالدنيا ي ريس محمد بن زكريا
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: فتحي عباس نقد)
|
Quote: برقيه شكر فخامه رئيس البوست القائد محمد زكريا سعاده نائب البوست الاخ ودالصايم الساده الوزراء والمستشارين بالبوست الضيوف الكرام المحتفى بهم السلام عليكم ورحمه الله اتقدم اليكم بوافر الشكر على الترحيب وحسن الاستقبال تحياتى للجميع محمد بابكر
|
يا ابوحميد سلامات غبنا عن البوست بحثاً عن دكتوراة فخرية للتنازل من صفة الرتبة العسكرية ومعاى جنابو ود السقاى ومسداره للتمانية جينا لقينا البلد مليانة ناس جد افتكرنا حصل انقلاب وناس المهاجرة والمغتربة رجعت قلت يا ربى النائب الاول سواها ولم يخاف عقباها ود الصائم ده ما بخاف حصل انقلاب فى الحوش ولا ريحة الآبرى دى شنو زاتنا كبرنا وهرمنا فى انتظار اللحظة وبقينا نخرف والظاهر سيدا راقدله فوق خبر قال العجايز ديل كورتهم فكّت ولابد من دماء حارة, ولا شنو ولا نملك الا ان نقول مرحباً بكم يا برالمة انحنا كنا فاكرنكم تمانية رجّالة واخت واحدة لكن كونوا تكونوا بلد بى حالها لالا دى فيها ريحة مؤامرة
بالله الناائب الاول محتاجين تقرير بى كم هو عدد الزملاء الجدد حتى الان وبلاش معاكم كلمة برالمة الناس دى جاية بى سنونها
وبوست موحد افضل مما ترحب بنفس الشخص تلاته مرات
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: محمد زكريا)
|
نرحب بعودة الرئيس المخلوع محمد بن زكريا..المتواجد حاليا فى المنفى الاختيارى فى (مقاطعة ام الطيور سيتى).....
توقيع ..الرئيس الانتقالى الجديد للبوست لمدة 23 سنة فقط قادمة ..معاوية عبيد ...
Quote: قلت يا ربى النائب الاول سواها ولم يخاف عقباها ود الصائم ده ما بخاف حصل انقلاب فى الحوش ولا ريحة الآبرى دى شنو
|
سير سير يامعاوية ...ترقبوا موتمر صحفى بعد قليل كدا...
| |
|
|
|
|
|
|
Re: البوست الموحد للترحيب بكل الزملاء الجدد, دفعة 2012-2013 (Re: معاوية عبيد الصائم)
|
Quote: : معاوية عبيد الصائم نرحب بعودة الرئيس المخلوع محمد بن زكريا..المتواجد حاليا فى المنفى الاختيارى فى (مقاطعة ام الطيور سيتى).....
توقيع ..الرئيس الانتقالى الجديد للبوست لمدة 23 سنة فقط قادمة ..معاوية عبيد ...
|
العملها فينى يا النائب الاول كله من ابصلعة ده مسجل لينا خرتمية فى شهرين كن عملنا نمره كاملة عد زاتو برضو ما ح نعرف كم المفروض نرحب بيهم يا صاحبى استلم ساى ولا الداير يستلم يستلم ده طرفى من كرسى الرئاسة
يا شباب فى زول ما رحبنا بيهو قبل ما نمشى من كرسى الرئاسة ؟ النقول العفو والعافية
| |
|
|
|
|
|
|