|
|
|
 Re: الاحتفال بعيد ميلاد الزواج يكون موافق لتاريخ:- (Re: صبري طه)
|
مبروك يا صبري الأنفيرسري - إذا كان حان أو احتفظ بيها حتى ترسى على تاريخ الاحتفال :)
تاريخ العقد من الطبيعي يختلف عن تاريخ الحفلة لكن الدخلة و الحفلة افتكر شي واحد
حتى الناس بطلقوا اسم الدخلة على الاحتفال - عند اهل العروس
عموما انت وصبرية افضل من يجيب على السؤال و تختاروا اليوم الأنسب ليكم و اللي بتشوفوا انو هو اليوم الجمعكم مع بعض
مثلا انا و ام حتوت احتفالنا موافق لتاريخ تلك العصرية الحنينة
في مدرجات ميدان الشرقي التي (فتيناه) فيها :)
| |
  
|
|
|
|
|
|
|
|
Re: الاحتفال بعيد ميلاد الزواج يكون موافق لتاريخ:- (Re: محمد البشرى الخضر)
|
صبري ود رفاعة ازيك، وعقبال ما تطفوا مليون شمعة...
ياخ اسئلة زي دي ما تجيبها لناس سودانيزأونلاين ديل، ببقوك زيهم، والعايز يعرف قصدي بي "زيهم" دي ممكن يرجع للأرشيف الحافل بتاع النقاش حق الرومانسية واللازم منه... ناس مُحبطة!
انا حأنتظر الاجابة على سؤالك ده عشان انا زاتي مغروضة فيه، احنا عندنا عشرين تاريخ غير تواريخك دي (اول مره اتلاقينا، لما اعترف، لما خطبني "دي بتصادف عيد ميلادي"، ....) ... وما بنتذكر ولا واحده فيهم إلا بعد يمرّوا.. وما حصل احتفلنا خالص رغم اننا كل سنة بنتفق نبدأ... احتفالنا بعيد الميلاد ما بنقصر... الحقيقة نادر اعلن انه ما عايز زاتو احتفال من شدّة ما كرّهته انا واولاده بيهو....
ورينا النتيجة بعدين... انا ما عرفته اصوّت لياتو فيهم!
| |
|
|
|
|
|
|
|
|
|
Re: الاحتفال بعيد ميلاد الزواج يكون موافق لتاريخ:- (Re: مريم بنت الحسين)
|
العرس نطيط وهجيج يوم العرس
وشهرين بعد داك نص هجيج
ولغاية عام جيب وجيب وجيب
وبعد داك بيتحول الي جيب وجيب ومعاة كوراك شفع وسهر ليالي ودة بيسنن وداك عندة حمي
الزواج دة افشل مشروع يمكن ان يقدم علية انسان وعندما يقرر الشخص ان يتزوج مفروض يصنف مع عديمي الاهلية القانونية لانو عند وصوله لهذة المرحلة من التفكير اكيد هو شخص لا يمتلك قواة العقلية
يا لطيف يا لطيف
عشان المدام ما تشوف الصفحة دي
| |
|
|
|
|
|
|
|
|
|
Re: الاحتفال بعيد ميلاد الزواج يكون موافق لتاريخ:- (Re: مريم بنت الحسين)
|
أهلاً بتنا مريم .. بالمُناسبة زوجتي برضو اسمها مريم .. وتسلمي .. وعُقبال تطفي مع رفيق دربك كل الشموع الجميلة ...
| Quote: ياخ اسئلة زي دي ما تجيبها لناس سودانيزأونلاين ديل، ببقوك زيهم، والعايز يعرف قصدي بي "زيهم" دي ممكن يرجع للأرشيف الحافل بتاع النقاش حق الرومانسية واللازم منه... ناس مُحبطة! |
عشان كدا عايزين ثورة رومانسية تجعل حتى معاوية عبيد ينتقل إليها بعناوينه المُثيرة وعلى رأسها (فيما يختص بالمدعو الحُب) :)
Quote: انا حأنتظر الاجابة على سؤالك ده عشان انا زاتي مغروضة فيه، احنا عندنا عشرين تاريخ غير تواريخك دي (اول مره اتلاقينا، لما اعترف، لما خطبني "دي بتصادف عيد ميلادي"، ....) ... وما بنتذكر ولا واحده فيهم إلا بعد يمرّوا.. وما حصل احتفلنا خالص رغم اننا كل سنة بنتفق نبدأ... احتفالنا بعيد الميلاد ما بنقصر... الحقيقة نادر اعلن انه ما عايز زاتو احتفال من شدّة ما كرّهته انا واولاده بيهو....
ورينا النتيجة بعدين... انا ما عرفته اصوّت لياتو فيهم! |
قولي لبعلك العزيز .. عيش الرومانسية في أعلى درجاتها حتى ولو أصبح تايتنك ذاتو .. وكل سنة وإنتي والأسرة بخير وعُقبال نفرح معاكم في كل مسرّاتكم .. وبالمُناسبة الرومانسيات في الحياة الزوجية ممكن تنجح وتستمر باهتمام الزوجة ...
والنتيجة في صدر البوست اضغطي على عبارة View Results
وهذا الاستطلاع مفتوح على طول ...
| |
|
|
|
|
|
|
|
|
|
Re: الاحتفال بعيد ميلاد الزواج يكون موافق لتاريخ:- (Re: محمد البشرى الخضر)
|
الله يبارك فيك يا ود البُشرى مُقدّماً .. ولسة باقي عليهو 3 شهور و 16 يوم تقريباً ...
Quote: مبروك يا صبري الأنفيرسري - إذا كان حان أو احتفظ بيها حتى ترسى على تاريخ الاحتفال :)
تاريخ العقد من الطبيعي يختلف عن تاريخ الحفلة لكن الدخلة و الحفلة افتكر شي واحد
حتى الناس بطلقوا اسم الدخلة على الاحتفال - عند اهل العروس |
نعم شرحك بخصوص الدُخلة مجازاً هو الحاصل .. ولكن أنا أقصد بها الدخول بها :)
ففي الغالب في زمنّا دا لو كانوا مُستعجلين يتم ذلك تاني يوم ...
أمّا ناس الرجفي ديل مُحتاجين شهر أو شهرين أو موسم الانتقالات الشتوية :)
| Quote: عموما انت وصبرية افضل من يجيب على السؤال و تختاروا اليوم الأنسب ليكم و اللي بتشوفوا انو هو اليوم الجمعكم مع بعض |
تسلم يا حبيب وسأتناقش في الأمر مع الغالية "مريم" مُستصحباً معي الآراء الموجودة في هذا البوست ...
Quote: مثلا انا و ام حتوت احتفالنا موافق لتاريخ تلك العصرية الحنينة
في مدرجات ميدان الشرقي التي (فتيناه) فيها :) |
نعم أجمل يوم وأسعد يوم .. يوم حبيتها هنا
بالمُناسبة الميدان الشرقي دا قصتو شنو مع الحُبكانات ؟
| |
|
|
|
|
|
|
|
|
 Re: الاحتفال بعيد ميلاد الزواج يكون موافق لتاريخ:- (Re: محمد أبوالعزائم أبوالريش)
|
| Quote: هو لكن إسمو عيد (ميلاد) الزواج .... والاّ عيد الزواج؟ |
الناس البحكّوها ديل يعملوا معاهم شنو ؟
البعرفو ميلاد مرتبطة بالولادة .. ولست أدري هل يجوز استخدامها مجازاً في حالة مُناسبة الزواج وغيرها من المُناسبات أم لا ..
المُهم قبل اعتماد العنوان بحثت عنه في قوقل هنا ووجدت أكثر من رابط يحمل جُملة عيد ميلاد الزواج ...
| Quote: عموماً إحتفل بيهو زي ما عايز .... لحدي ما تصل الجماعة ديل هنا: (الحور العين) و أزواج و زوجات سودانيز اون لاين |
إن شاء الله يا حبيب ... وتسلم ياخ ...
| |
|
|
|
|
|
|
| |
عباس الدسيس
الامين موسى البشاري
محمد البشرى الخضر
مريم بنت الحسين
الزبير صالح الزبير
محمد عبد الماجد الصايم
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست