د. عبدالماجد عبدالقادر( الانتباهة) والبصيرة ام حمد

جكايتو عجيبة لازم اقرا عموده حتى امتع نفسي بالدهشة
يستظرف دمه جدا وبكتب وهو شاعر بخفة دمه
اعجبني جدا في
توضيح الكتلة النقدية بعد ان سخر من فقهاء وعلماء الاقتصاد
والحق يقال
تعريفه عجبيني
فجزاه الله كل خير
ولكنه اذهلني عندما اتي للحل
فحبيت ادهشكم معاي

با ختصار
د. عبدالماجد اتكلم عن كمية النقود الموجودة في في قرية ام ضبيبينة وانها متداولة بينهم وده تعريفة البسيط لمفهوم الكتلة النقدية
وقال انو لو جات فنانة وي عوضية جازولين وعملت حفلة حتنقص الكتلة النقدية الموجودة لادني مستوى فيختل المخزون
وعوضية جازولين دي هي الاتصالات وشركات الاتصالات
الى ان اتي للحل العبقري
انو الحكومة تأمم شركات الاتصالات
يعني ناس ام ضبيبينة بدل ما يدفعو لعوضية جازولين يدفعو لي ندى القلعة
( عندي احساس انو ناس الحكومة بحبو ندى القلعة )

وبمثل منطقه في عمود اليوم عن الصلاحية الجنسية ودفن الرجل مع زوجته الشابة
فاذا انت ترى انو القروش بدل تشيلها الاتصالات تشيلها الحكومة
يعني من عوصية جازولين لندى القلعة
ما تنسى انو عوضية جازولين تذكرتها معقولة
لكن ندى القلعة والشريف مبسوط مني عايزة تنتقل من اللكزس للهمر
يعني الكتلة النقدي الموجودة لدى الواطن حتروح شمار في مرقة
ونواصل

*

لحين عودة

لم اكن اتوقع ان ينهي الدكتور مقاله بالمطالبة بتاميم شركات الاتصال
كنت اتوقع اقتراحا اوجه
في كيفية زيادة الكتلة النقدية