الاعلامية داليا الطاهر تسرق قصيدة لاسماء الجنيد !!!

وعلى صفحتها في الفيس بوك .........


ما تضارا..
امرق بره..
اكسر حاجز الصمت الحرا..
وكورك فينا مليون مره..
بى الصاراهو دواخلك..
جوه... وبره
على النبره.. وشيل العبره
انفض غبار السمح الجوه ..
وازرع فرحك فينا.. وما تتضارا..
تكبر شدره .. تطرح ثمرة
تشيل اليابس .. تطفى الجمره

شتت لونك فى لوحات الزمن الاغبر ..
لون بيهو الفاضل منو..
يمكن يكبر.. ويمكن يظهر ..
وتانى نجيبو نلون صورتو وامكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح الاخضر
لحن نغم الشجن الباكى ..
دندن نغمو الفيك متحكر
وما تتضارا..
امرق بره
اكسر حاجز الصمت الحرا
وكورك فينا مليون مره ...!!!

لغة ركيكة وكلام سوقي من مدير صفحة الاعلامية داليا الطاهر ( او كما قال ) للرد على الذين ينبهونهم لهذه االسرقة سوف نتطرق لطريقة الرد من ادارة صفحة الاعلامية داليا الطاهر ......


الاعلامية داليا الطاهر : ههههههههههه .. والله العظيم انتو مصدقين انها منسوبة لى استاذة داليا .. اولا داليا فى اجازة لانو والدها متوفى المتحدث معاك ادارة الصفحة .. والله الاخت اسماء الجنيد فاهمة غلط .. هى مجرد كلمات راقت لى الاستاذة وكثير من الناس يكتبون كلمات ليست لهم .. تحياتى

لو نزلت شوية تحت ح تلقى الاستاذة منزلا نصوص لى روضة الحاج يعنى انو تقراء لى روضة الحاج :

هذا الحديث ردا على سؤال : لماذا نسبتي هذه القصيدة لنفسك وهي من كلمات الشاعرة اسماء الجنيد ؟؟

ثم اردفت الاعلامية داليا الطاهر : (خليك من حنك النمل المابعضى ده دى بلغة الشباب بديك ليها شباب زى بعض ...بس ياهو فالحين تخلو الجوهر وتمسكو فى اشياء ######## ..)

اتخيلوااااااااااااااااااااا

تحياتي وسلامات علاء

كدي شوف الحاصل هنا شنو ؟؟


*** الإعلامية تسرق قصيدة الرائعة أسماء الجنيد ***

شكرا اخوي عاطف وسوف احول الحوار الذي دار بيني وبين الاعلامية داليا او مدير صفحتها كما قال للبوست .........

مش اعلامية
بتكون تخصص حرامية النصوص