يا سلام شنو غُناء حلو دا ..

يا سلام شنو غُناء حلو دا ..


01-06-2013, 09:34 AM


  » http://sudaneseonline.com/cgi-bin/sdb/2bb.cgi?seq=msg&board=420&msg=1357461251&rn=11


Post: #1
Title: يا سلام شنو غُناء حلو دا ..
Author: عصام دهب
Date: 01-06-2013, 09:34 AM
Parent: #0

إهداء ليكم كووولكم ..



الفطن الوسيم
الشاعر : محمد بشير عتيق
اللحن : محمود فلاح
مشاركة أداء : أحمد قرقوري

للفطن الوسيم ..
عرج يانسيم
بلغُه إشتياقي
حبي وإعتلاقي
روح يانسيم
أستقبل هلالُه
في غُرفُه وظلالُه
ومن ترفه ودلالُه
بين ذويه و آله
بي حكمة ورويِّه
في قامته الروية
تأمل شوية
و أقريهو التحية
ولو سألك علىَّ
قولُيه منامُه قلَّ
أصلُه شكايته عله
بالحب ليس إلاَّ
ومهما طال فراقي
أو عزَّ التلاقي
أنا على عهدي باقي
للفطن الوسيم
أنا عاشق مثالي
في حبي ومشاعري لايوجد مثالي
وللهوى إمتثالي
نفسي كريمْ خصالها
بى نُبل العواطف أمتازت أصاله
أشتاق للمحاسن وأتهيب وصالها
من فاتكات لحاظك ومن حدة نصاله
وهاك بعض الملامح
إني وديع مُسامح
وحبي رقيق وجامح
يبعد عن نطاقي
في آدابه راقي
ولى أحبابه شاقي


** شكراً لأستاذي وصديقي عبد الدائم سيد أحمد ( النضيف ) العلمني حكاية جلب الفيديو دي ..

** و يا ريت أي زول عنده أغنية عاجباهو يجيبها لينا هنا كلمات و صورة و صوت أصلي .. و بالعدم مشاركة أداء ..

Post: #2
Title: Re: يا سلام شنو غُناء حلو دا ..
Author: عبد الدائم سيد أحمد
Date: 01-06-2013, 09:53 AM
Parent: #1

يمين يا دهب انا لما قلت ليك انسخ الـ HTML و الصق
قلت فى بالى يا ربى عاوز يجيب شنو ...

فـ كونك تتفرق للغناء و البوستات الكويسة اللى زى دى
دى حاجة جد فنانة ...
وحاول جرب سنة خالية من السياسة و شوفا كيفن معاكــ

و كمان بالمرة اعمل اهداء لصبرى طه و سفيان نابرى
حتلقى بوستيك فى السلك ...

Post: #3
Title: Re: يا سلام شنو غُناء حلو دا ..
Author: محمد سنى دفع الله
Date: 01-06-2013, 10:10 AM
Parent: #2

لانو غونا معمول بي
حـــــــــــــب
محبتي ومودتي

Post: #4
Title: Re: يا سلام شنو غُناء حلو دا ..
Author: عصام دهب
Date: 01-06-2013, 10:23 AM
Parent: #3

مراحب تاني ..



عودة قلب ..
كلمات : الـزيـن عـباس عـمارة
ألحان : بـرعى محمد دفـع الله
غناء : عبد العزيز محمد داؤد


من زمن مستني عوده قلبي راحل
كنت بكتب ليهو بقلبي الرسائل
قلت فيهو أشعاري وأتعذب ضميري..
كل كلمه حنان يفيض يغمر سطوري
وكل حرف كتبتو من أعماق شعوري..
افتكرتو يرد رسالتي يرد يطمنئ في خطابه..
ما خطر في بالي يأسرني بعتابه..
ونسى أول مره أغراني بشبابه..
وكل ما ادلل يزيد إعجابي بيه..
حبيبي كل ما ادلل بزيد إعجابي بيه..
كنت شايف الجنة في نظرات عينيه ..
حبيبي كان جميل من قلبه لو يرحم عذابي..
الدليل أنا شايفه عايش في خطابي..
وكل أيام عمره ولحظاته الهنيه..
حاول يخفي شعوره .. ويدلل علي..
ومن زمان .. أنا من زمان ..
من زمن مستني عوده قلبي راحل
كنت بكتب ليه بقلبي الرسائل

Post: #5
Title: Re: يا سلام شنو غُناء حلو دا ..
Author: عبد اللطيف بكري أحمد
Date: 01-06-2013, 10:48 AM
Parent: #4

شنو ياعمك من الصباح كدا؟؟

ذكرتنا مقولة ((مولانا يقرض)) ههههههه

Post: #9
Title: Re: يا سلام شنو غُناء حلو دا ..
Author: سفيان بشير نابرى
Date: 01-06-2013, 12:26 PM
Parent: #5

Quote:
و كمان بالمرة اعمل اهداء لصبرى طه و سفيان نابرى
حتلقى بوستيك فى السلك ...


شكراً يا منعم كتير ياخ
و يا عصام دهب يا افكاتو حبابك ياخ
و بالجد و صية منعم دي قرض عليها هااهاهاها

بالمناسبة يا دهب حاجة باتعة جداً اختيارك للأغنيتين ديل
دي اغاني كبيرة خلاص .
و الأغنية الأولى دي اوصيك هسي ومن دربك دا في
اليوتيوب امشي اكتب (ابو سبح) و اسمعه (وسف) وقارن
و تعال ناضمنا هنا دا .



ــــــــــــــــــــــــــــــــــــــــــــــــــــــــ
و صية تاني يا دهب
عليك الله براحة كدا و بمزاج
اكتب في اليوتيوب الجيلي موسى و اسمع
عشان تعرف ناس نجوم الغد (ديلاك) ظلمو
الشافع دا كيف .
أنا و الله كل ما اتذكر ظلمهم للشافع دا
اكرهم ليك .

Post: #6
Title: Re: يا سلام شنو غُناء حلو دا ..
Author: Isa
Date: 01-06-2013, 11:03 AM
Parent: #4

سـلامات يا مولانا.. في بوست سابق للأخت تيسير عووضة انتهزت الفرصة وجبت أغنية من كلمات وألحان وأداء الفنان عماد يوسف، وكما ذكر هو فناس كتار بكونوا سمعوا الغنية من حسين الصادق، وأنا أضيف ما لم يقله عماد إنو الناس ما عارفين هي من كلمات مين أوألحان مين.. عموماً.. سبب إعجابي بالفنان عماد يوسف قبل أن أعرف إنو هو شاعر وملحن إنو أنا سمعتو قبل حوالي ستة سنين في مناسبة خاصة، وعلى الرغم من إنو كان بأدي في أغاني معروفة لفنانين آخرين لكني لاحظت مقدرته التطريبية العالية وتمكنه الكبير وحتى تهذيبه وظرفو.. أعتقد أنه من المظلومين إعلامياً ويمكن أن يكون إضافة كبيرة لبرنامج مثل أغاني وأغاني.. لاحظ إعتذارو في البداية لحسين الصادق ومحمود تاور رغم إنو هو صاحب العمل كما أسلفت النص واللحن.. ولاحظ ايضا أن يغني فنان كبير وملحن بارع وشاعر أيضاً كالأستاذ محمود تاور لملحن آخر، بل وأول ألحانه فدا بدل على مقدرة الفنان الآخر وشهادة كبيرة في حقه في رأي.. أرجو أن يعجبكم برضو.. طبعاً المسألة بتفرق برضو لو سمعتو لعماد يوسف في حفل أو بفرقة موسيقية (أو أوركسترا) كما يقال..


Post: #12
Title: Re: يا سلام شنو غُناء حلو دا ..
Author: عصام دهب
Date: 01-07-2013, 08:51 AM
Parent: #3

فناننا و حبيبنا / السني ..



Quote: لانو غونا معمول بي
حـــــــــــــب


صدقت و الله .. وفعلاً معمول بي حب و إخلاص شديد .. عشان كدة حيبقى حلوو على طوول ..

محبتي ومودتي أضعاف مضاعفة ..
و سلام لأحلام ومحمد سامي الدين

Post: #7
Title: Re: يا سلام شنو غُناء حلو دا ..
Author: عصام دهب
Date: 01-06-2013, 11:28 AM
Parent: #2

سلام يا ديدو ..
و تاني كتر خيرك ياخي ..
Quote: يمين يا دهب انا لما قلت ليك انسخ الـ HTML و الصق
قلت فى بالى يا ربى عاوز يجيب شنو ...

مش تقول الحمد لله الزول دة ما ( جاب العيد ) ..
Quote: فـ كونك تتفرق للغناء و البوستات الكويسة اللى زى دى
دى حاجة جد فنانة وحاول جرب سنة خالية من السياسة و شوفا كيفن معاكــ
...


بالمناسبة الغنا دة أجمل سياسة ..
و أجمل الأغاني تفتش تلقاها سياسية ..

Quote: و كمان بالمرة اعمل اهداء لصبرى طه و سفيان نابرى
حتلقى بوستيك فى السلك ...

يستاهلوو صبري و سفيان و كل الناس الرائعين ..
و تستاهل إنت يا معلمي ..
و يستاهل قراء هذا البوست أن تهديهم من ذوقك و إختيارك ..
حاجة من سيمفونية الزمن الجميل ..
يا جميل ..

Post: #8
Title: Re: يا سلام شنو غُناء حلو دا ..
Author: مهدي صلاح
Date: 01-06-2013, 11:49 AM
Parent: #7

في تسجيل آخر رائع برضو من نجوم الغد لأغنية الفطن الوسيم فليسمح لي الاستاذ عصام باضافته:

Post: #10
Title: Re: يا سلام شنو غُناء حلو دا ..
Author: ابو جهينة
Date: 01-06-2013, 12:30 PM
Parent: #8

يا سلام شنو غُناء حلو دا ..

المناسبة شنووووووووو؟

***

تحياتي يا مولانا وشكرا على الأغنية

Post: #11
Title: Re: يا سلام شنو غُناء حلو دا ..
Author: عصام دهب
Date: 01-07-2013, 08:38 AM
Parent: #10

تستاهلووو ..



هذه الصخرة - كلمات مصطفى عبد الرحمن

غناء الراحل .. العاقب محمد الحسن


ياحبيبي ظمئت روحي
وحنت للتلاقي
وهفا قلبي الى الماضي
وناداني اشتياقي
انا ظمأن
ألاقي من حنيني ما ألاقي
فاسقني
وأملأ من النور ليالي

*******
انت تدري ما بقلبي
من عذاب وشجون
ياضنينا حرم اللقيا
على غير ضنيني
هات لي كأسي
تروي ظمأ الروح الحزين
طال شوقي وحنيني
آه من طول حنيني

*******
هذه الصخرة جئناها
صباحا ومساء
وروينا قصص الحب سعداء
ما الذي فرق شملينا
فصرنا غرباء
أتمنى والمنى لاتسمع
اليوم رجاء

*******
أنا وحدي
فيك ياشطء غريب فاعني
فرقت ايدي الليالي
بين أحبابي وبيني
آه من حاير امالي
ومن جاير حزني
متى تلقاك عيني
أيها الغائب عني

*******
عد الى الشاطئ
نحيي فوق تلك الربوات
ماتولى من عهود
واماني باسمات
نشهد الدنيا
على نور السنا والبشريات
ونغني للهوى
سر المعاني الخالدات

Post: #13
Title: Re: يا سلام شنو غُناء حلو دا ..
Author: عصام دهب
Date: 01-08-2013, 10:38 AM

سلام لعشاق الطرب الأصيل ..



المصير ..
كلمات : سيف الدين الدسوقي .
الحان : عبد اللطيف خضر ود الحاوي .
غناء : ابراهيم عوض ..



ليه بنهرب من مصيرنا
ونقضى ايامنا فْـ عذاب
ليه تقول لى انتهينا
ونحن فى عز الشباب
نحن فى الأيام بقينا
قصة ما بتعرف نهاية
ابتدت ريده ومحبه
واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا
كنا فى ماضينا قوة
قوة تتحدى الصعاب
نقطع الليل المخيم
ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة
نجرى من خلف السراب
تأنى ما تقول إنتهينا
تنهى جيل ينظر الينا
بانى أماله وطموحه
ومعتمد أبداً علينا
نحن قلب الدنيا ديه
ونحن عز الدنيا بينا
تانى ما تقول إنتهينا
نحن يا دوب إبتدينا


و مع الإستمتاع بهذه الرائعة آمل أستصحاب هذا البوست المكتنز بإبداع الاستاذ و الموسيقار د. / أنس العاقب
أغنية المصير ...... كولاج سردى الحلقة الأولى