ودشيقوق اخويْ, سهرتنا عند الزينه.....الدعوة عامة , ونوم هانيء للأطفال!

الرِزِقْ مقسوم, والمَقَـدَّر حاصِل
والدايْرَ الفلاح,بي جَدُّو لابُدْ واصِل
أعمل واجْتَهِدْ,تلقى المصَعَّب ساهِل
رِزقَك في السما,لاتكون غِشيِّم وجاهِل


مطر الخير نزل,رَتَع الحلال وروينا
برِق عبّـادي يقْدَح, والإله طارينـا
مسايِـل الحَدَب الباتت تَشَخِّـر فينا
ود شيقوق اخوي سهرتنا عند الزينه

قوماكْ يا صديق, قالوا الديار اتْرَشَّتْ
وادينا القِبيل عطشان عجايفو اتعشَّتْ
السرّايه صِبحت,والضَّحوي لاقى وشَتَّتْ
قِبيـل تلقى ام سمـاح ادَّخَّنت واتقَتتْ

يوم جانا الخبر, من الديار هبِّيـنا
سَرَبنـا العِصير, ألبِلنا خبَّـتْ بينا
الشَّـم غرَّبتْ, زغلل نظر عينينـا
يا(الكاكوم)اخوي,وين المبيت افتينا

هلا يا سعادتك هل بود المكي كتر خيرك ياالبيعزم على المـافيش

جاييك صاد لنضميك السمح دا

Quote: واتقَتتْ

طيب وييييييييين تور بقر الجواميس الرقادن لخ؟

هلاّ هلاّ
ود شيقوق جاكم كان الله ادَّاكُم
الطيب اخوي الدار دارك, سوِّي سواتك.

ماشي آخُد لي رقده, أجيك نشييييط للسهرة.

Quote: ماشي آخُد لي رقده, أجيك نشييييط للسهرة

وانا يا العشاء متلهم لي عزاء بمشي بكشحهم بالفاتحة وبجيك اضرع في صقيع بكري السائب دا

.
.
.
.
.
.
.
الخبر الأكيد, قالوا الشقوق مطرانـه
فارقنا السموم, صِبْحَ المَحَل بي قفانا
يا رب يا كريـم, بي رحمتك تلفانـا
أَلْبِـل سَفَّلَت , أدُّوا الخبـر لِفلانـه

ودالمكي الزول السمح سلام وأبوي الطيب والزينة كلامك يا ود فضل الله طاعم اني الأيام دي مفزور خلاس
هاك دي وباكر بجيك معقِّب
الغنا والنميم ؤحوش بكري كلُّوتَسَالِي
يا ودالمكي ماببقالناكيف ناس لهيجاًحَالي
ناس أبَّان شماخ والقطرة والبَنْقَالي
ليمهن ضُل ضحي لا بشيقيني لا بِحَلالي
بتين الرجعة لي العرب الهِناك حاسْبَالي
ناس الفنجري ودعيسي وأزرق خَالِي
ؤمطروح الجبين الفي بشاشتو هِلالي
أدقس مايقو شارف عنقو دقٌّو غزالي
حَسَبْ في إيدينو رمَّاهو الوَدِع خطَّالي
بسوِّي القوق حنين ؤريدة فال دوبَالي
لي طلتنا شارف ومن بعيد نادالي
وقال جيد ليّ بي خيري ؤشَهق شاشالي
ؤفرَّ إيدينو قالدني السَّلام واحلالي

وكاكوم الزكرتو دي كان الزول الجميل الأمين بدوي سلامنا ليهو حُضُن
محبتي

Quote: بسوِّي القوق حنين ؤريدة فال دوبَالي

آآآآآآآآآآآآآآه يا العبيد مالك مولع نيراني ؟

عليك الرسول تختانا

سلام آ ناس ونعلكم طيبين

أسمحو لي الننزرق بيناتكم وأرميلي نمة نمتين، حاكم عاجبني قولكم وداير أقولكم السودان دا الله يرفع وكيلو يات من ساح فيه، ضهاريهو وبلودو
رخا أضانو لي لهجات أهلو وجقّم من نفايل ناسو، ممكن طبّْ يحلف يقول منهم، القدامكم دا محسي، كنزي، عبادي ومربى في دارفور من حد دار زغاوة (كتم)
لي مركز الفور في زالنجي وكبكابية مروراً بكاس والجبل و نيالا

ويا ود شيقوق حبابك ودا عربون معرفة:

في الهُــــويّ والشِـــــرِقْ قــالوا البُلُـــودْ مَطْـــرانّة من سَـــــــــدّرَ البَحَـــــرْ لا عِــنّْ حِـــــدّا البَرّدَانّة

أمّ رِيقّانْ تقــلب بلا خِيْلَّ الضّرَى التَريّانّ و قاصــِّــــــــعْ جِـــــــــــرّتُو زيَّ البِلُوكْلُّـــــــــــــــــو لُبَانّة

........
........

راجينكم إمكن ويبقي..

يلاقْنّكْ بِي حَبَابْ زَيَّ التْقُول وَدْ خَالهِّنْ
وعِينْننّ في التُرابْ مَخْبُور عَفْـافْهِّنْ وحَالهِّنْ
مــِـــنْ كُتْرَ الحَيّا مِتْلّ التَكِنُو وأخَـــــــــــــــالهِّنْ
إِتْبَكْمّ لِسّــــــــانْهِّنْ و نَطّقّــــــــنْ خَــــــلّخَالهِّــــنْ

كَــشّمَنّ وفَــــــاطِّرِنْ شَــــــــــلَعّ البَرِّقْ هَــــــــــرّاجْ
بالــــــوِيِّحْ والـــــــوَنِيّنْ كَبْدِّي الـمَفَــــطّرْ وَاجّْ
قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ
مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ

Quote: قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ

يا سلام يا راشد

دحين النضمي دا ما بخليك تحن على ناس البندر البجوا دايسين فيهو ابنص سااااااااااى لا عارفين ليهو معاني ولا مضامين ؟

منى بت ابوى العوض

مني لك بهذا الدعاء


يا رب يا كريم هوَّن عليها قساها
من فيض نورك الدفاق تضوي سماها

الراشد اخوي كيفنك

Quote: أسمحو لي الننزرق بيناتكم وأرميلي نمة نمتين

ود الشيخ حبابك بيك القوافي سعيدة
طلع نُوّارها فاح لاحت بشاير عيدا
قوقى القمري صفق بي غناوي فريدة
لي نماً أصيل بيهو السعادة أكيدة

ههها اتضايرنا ليك آزول طب مرحب حبابك عشرة

Quote: القدامكم دا محسي، كنزي، عبادي ومربى في دارفور من حد دار زغاوة (كتم) لي مركز الفور في زالنجي وكبكابية مروراً بكاس والجبل و نيالا

اتمحن يا ود المكي في الكلام السمح دا - عليك الرسول دا بلدا يستاهل الضيم ؟ والله دي عين وقعت فينا وسلّطت علينا من لا يرحمنا ولا يخافك

Quote: في الهُــــويّ والشِـــــرِقْ قــالوا البُلُـــودْ مَطْـــرانّة من سَـــــــــدّرَ البَحَـــــرْ لا عِــنّْ حِـــــدّا البَرّدَانّة أمّ رِيقّانْ تقــلب بلا خِيْلَّ الضّرَى التَريّانّ و قاصــِّــــــــعْ جِـــــــــــرّتُو زيَّ البِلُوكْلُّـــــــــــــــــو لُبَانّة

يديك العافية يا راشد - قلت لا عن حدا البردانة؟ ههههههههههههها

عليك النبي ما تصنقر خلينا نجر النم

اخوك شنق طاقيتو في الهامة ، وخت اصبعو في اضانو واخد ليهو إنتكاية بالجنبة ، وبدأ النمة وبعاين للنجم طربان

أحْـلامْـكـُم جـمـيــع إن شـا الله تـبـقـى حـقـيـقـه
والـطـَّـفـَّـر بـعـيــد لـى لـقـاهـو تـلـقـوا طـريـقـه
تـصْـدَح طـيــوركـم فى سَـمَـاهـا حُــرَّه طـلـيـقـه
والـحَـاسِــد هَــنـَـاكـُـم غـربـانـو تـبــدأ نـعـيـقـه

العبيد اخوي حبابك ألِف, (وصحَّ لسانك)

وأنا أكتب كنت واثق تمام الثقة إنك ستكون أول من
يلبي الدعوة, فأنت زينة هذه المرابع بدون مبالغة
وأنا متابعك. نحن في انتظار المفتاح والجوابري القح, قش.
خاصةً وأن الزينة قشَّت ورشَّت الراكوبة, وود شيقوق علَّق الضبيحة,
وموكب سعادة اللواء عمر في الطريق....يازول جماعة كتااااار جايين.

كامل الود أخي العبيد.

نسيت عبيد اخوي أقول ليك فعلاً أعني دُرَّة مجالسنا
الأستاذ الأمين البدوي الأمين الشهير ب(كاكوم) بالله
شوف العظمة دي, زول مسمَّى علي (فحل ألبِل).فهو قد شرب
البوادي هنيئاً مريئا(كردفان وبطانه).
وهو الآن بعد أن خسِره تلفزيون السودان, يعمل بتلفزيون قطر.

وتحيتك وصلتو, فلك التحية.

الملكة بجلالة قدرها؟
يا للعظمة.

أبشِر يا صديق, طلَّت علينـا الغاليهْ
بِت ناساً كِرامْ, عِزَّه ومكانْـةً عاليهْ
بت شيخاً كريم، نسْعَد بسيرتو الحاليهْ
وبالأدب الرفيع,مُنى للمراكِـز ماليهْ

Quote: العبيد اخوي حبابك ألِف, (وصحَّ لسانك) وأنا أكتب كنت واثق تمام الثقة إنك ستكون أول من يلبي الدعوة, فأنت زينة هذه المرابع بدون مبالغة وأنا متابعك. نحن في انتظار المفتاح والجوابري القح, قش. خاصةً وأن الزينة قشَّت ورشَّت الراكوبة, وود شيقوق علَّق الضبيحة,

آآآآآآآي يا العبيد القوم مستنياك افزعنا بالنم

الخال ابو امير بجيكم قادل هسه اصبروا بس

الخروف متكي تعالوا فطوا الكرامة

راشد ود الشيخ...آزول نحن ما راجنَّك!!
دا قطِع شنو دا؟ لاحوله ولا قوة إلا باللهِ

في الهوى والشرِقْ, قالوا البلود مطرانه
من سدر البحـر, لا عِن حِدا البردانـه
أُم ريقان تقلِّب,بلا خيل الضـرا التريانه
وقاطِع جِرَّتـو, زي البلوكلو لُبانـه

أمحمد ود فضل الله

Quote: في الهوى والشرِقْ, قالوا البلود مطرانه من سدر البحـر, لا عِن حِدا البردانـه أُم ريقان تقلِّب,بلا خيل الضـرا التريانه وقاطِع جِرَّتـو, زي البلوكلو لُبانـه

الله يغطس حجرك اكان داير تغطس حجر صاحبك

Quote: وقاطِع جِرَّتـو, زي البلوكلو لُبانـه

آآآآآآآآ زول وقف وقف مالك خامي الناس للمحن دي

عليكم النبي اتخيلوا القاطع جرّتو دا وهو مشبّح كرعينو زاوية منفرجة ، وبنفّض في ضنبو لا فوق بكشح في الفلاني .. ودلاعتو بطرف شلاليفو وبتاوق يمين وشمال حاري عينو تقع ليها في جقيلة يتلهما تارس ورقبتو عدييييلة مع الواطة ومادي قدومو زى الصاروخ توماهوك

عييييييييييك

والله كلام
قاعديين على ربوة الشعر والمسادير
شاربين الهوا
والدعاش راجين مط رة الول ويل
مع الهمبريب ونستكم حلوة
اها قعده

Quote: خوك شنق طاقيتو في الهامة ، وخت اصبعو في اضانو واخد ليهو إنتكاية بالجنبة ، وبدأ النمة وبعاين للنجم طربان

ودالمكي الجميل وأبوي الطيب وودالشيخ الرائع وأم عروض بت خوجلي سلام ومحبة
والله دي جاتني هسِّع بو منبهلة بعد ما قريت تشنق ابوي الطيب لي الطاقية
مرات النميم نقرعو قرع ومرت ينجع مننا الليلة اظن قايمة علي السماحة والسفاهة
بس عليكن الله احفظوه ودونو ما يروح اني كمبيوتري تِلْب سنونو اتكسَّرن
شَنَق طاقيتو فوق الهامة ود شيقوق
ؤطرا ناس أُم عروض والرَّاسي سمح الزّوق
ؤجَرَّ النَّم ؤشايل لي البِقولَن قوق
ؤقال غير عازة حَاتك مافي لي معشُوق
بريدها من جِنِي بي عُرفي تابْع النّوق
أطقِّع في الطيور بي القرجة والسَّفروق
اللَّرْنَب بَصِيدها وكان قِمحت أُم طوق
ؤبَفزع لي النَّبق والدِّفرة والدَّايوق
ؤبعد ما كِبرت بَدُخْل التِّيه بشُق العوق
رافاي لي الضَّعيف رقَّاع لي القِدود ؤشقوق
براحِم أهلي كل العِندو فوقي حقوق
ماني داير شُكر راجي الثَّواب من فوق
البلد الأهلها عزاز ؤافر خيرها مو ممحُوق
كسرو كراعو عُقبان قصُّو من الطايوق
يا ود المكي وديها لي كاكوم لكم جميعا محبتي

Quote: شَنَق طاقيتو فوق الهامة ود شيقوق ؤطرا ناس أُم عروض والرَّاسي سمح الزّوق ؤجَرَّ النَّم ؤشايل لي البِقولَن قوق ؤقال غير عازة حَاتك مافي لي معشُوق بريدها من جِنِي بي عُرفي تابْع النّوق أطقِّع في الطيور بي القرجة والسَّفروق اللَّرْنَب بَصِيدها وكان قِمحت أُم طوق ؤبَفزع لي النَّبق والدِّفرة والدَّايوق ؤبعد ما كِبرت بَدُخْل التِّيه بشُق العوق رافاي لي الضَّعيف رقَّاع لي القِدود ؤشقوق براحِم أهلي كل العِندو فوقي حقوق ماني داير شُكر راجي الثَّواب من فوق البلد الأهلها عزاز ؤافر خيرها مو ممحُوق كسرو كراعو عُقبان قصُّو من الطايوق يا ود المكي وديها لي كاكوم لكم جميعا محبتي

هييييييع ود الطيب اخوى الليلة قطع شك السف... البيلهم القوقاي إتلهمك طب

امانة ما قطع اخخخخخخخخخضر

Quote: بريدها من جِنِي بي عُرفي تابْع النّوق أطقِّع في الطيور بي القرجة والسَّفروق

يا زول ودرت ام عروض طب . نحن بندودر وانت بطفر

آآآآ راشد..يا زول الكلام الجِبتو دا والله ماااااا بِتْعاقب!


كَشَمَنْ وفاطِرِن شَلَـع البرِق هَرّاجْ
بالويح والونين كبـدي المَفَطَّر واجْ
قِضيبةْ الجَنْكَبُو وشرْبَ التقانِتْ وهاجْ
مِنوسِر بي المَنَبَّت التِحْتَ المَقَلَّم ماجْ

مرحب حباب السني
حباب أبو سامي الدين
حباب أيو السهروردي

اتفضل على البنبر الوهيط داك.
ـ اسرعوا يا بنات المراره وينا, ولا الراي شنو يا شيقا؟
ـ يا زول، موكب سعادة اللوا ما وصل,والخروف التاني يا دوب انضبح.
ـ آ زول كلام اللِوا, ما فيهو لِوى....قال جايي أسَّع بصل.

مرحب حباب السني ود دفع الله
يا شيقا السني عامل شغل عجيب(تاجوج والمحلق) بمنظور جديد,أمانه
الزول ما مبدع.

وادي السيسبان, رويان مِفرهِـدْ قَشُّو
والطير ان رحل, ما اظِنْ يِودِّر عِشُّو
الجنَّني يوم هَمَد الفريـق واتعشُّـو
جاني النسيم شايل بخـورو ورشُّـو

Quote: ـ اسرعوا يا بنات المراره وينا, ولا الراي شنو يا شيقا؟

الزول زول بندر يا ود المكي بحب مشاوي الجمر . انا مشيت قبيل جريت شوال الفحم من إضيناتو ولهمتو النسوّن . قول للوليد زول البندر دا نضيف وفنجري محل فيهو زفر ما بطيقو امشوا نضفوا ليهو ..... وبخروهو ليهو كمان . باقي لي شيطان الدراما ما بجيهو الا في جلسة طويييييييييييييلة في المحل إياه . زى واحد قاضي زمان كلمنى قال لي ان ما بجمع حيثيات الحكم الا وقت ادخل الكنجة النضيفة .

Quote: ـ يا زول، موكب سعادة اللوا ما وصل,والخروف التاني يا دوب انضبح. ـ آ زول كلام اللِوا, ما فيهو لِوى....قال جايي أسَّع بصل.

الخال انا عارفو ، كان ما شحتف روحكم ما بجيكم مارق - هسه بيكون بقلب في دولابو بعزل في الجلابية السمحة والعمة السمحة والشال المو خمج وبدرع خاتمو وساعتو وبخمش عصاتو وبجي متلهمكم.

هييييييع الما عندو خال زى دا يخم ويصر

Quote: مرحب حباب السني ود دفع الله يا شيقا السني عامل شغل عجيب(تاجوج والمحلق) بمنظور جديد,أمانه الزول ما مبدع.

نحن متابعون يا ود المكي ونترقب إطلاق هذا العمل في غضون الايام الجاية
حباب ابو سامي حباب ابو السهروري .

Quote: الجنَّني يوم هَمَد الفريـق واتعشُّـو جاني النسيم شايل بخـورو ورشُّـو

غطست حجرنا الله يغطس حجرك آآآ جنا

Quote: كَــشّمَنّ وفَــــــاطِّرِنْ شَــــــــــلَعّ البَرِّقْ هَــــــــــرّاجْ بالــــــوِيِّحْ والـــــــوَنِيّنْ كَبْدِّي الـمَفَــــطّرْ وَاجّْ قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ

راشد ود الشيخ مربوعتك كاربة خلاس ما بتجاري لكن دي بت أعمها
كَشَمَن فاطِرِن برق العِشِي الوجَّاج
ؤضمَّر خلقة كيف شوفت المِنِسِّم هاج
حِجول الفضّة رطَنَن ؤزرَّدَنُّو العاج
ؤطال شوق البريدِهن مانْلِقَالو علاج

السني الجميل الرُّوح رايمتك

كَشَمن فاطِرِن, برق العشى الوجواج
هدر رعَـدو, ونزل اب سحاباً فـاج
حليل الكبرتـو, واناعندي ليهُ مزاج
الرايق جسموأنعم من لمسة الديباج

دخان ام رشيم عاقباهو خُمرة ضُفرة
زي ###### القنيص راجيها جنب الحفرة
السبب البخلي الزول ينوم في الضَّفرة
توب القرمصيص ياهو البفك الشفرة

هييييييييييييييع كع

Quote: دخان ام رشيم عاقباهو خُمرة ضُفرة زي ###### القنيص راجيها جنب الحفرة السبب البخلي الزول ينوم في الضَّفرة توب القرمصيص ياهو البفك الشفرة

الكَبَريت ؤتوب القرمصيص والحُفرة
ببهدل سيدو يا المسنوح بجيب العَفْرة
كعب الزُّول ينوم ؤيلكِدو بي الدَّفرة
ومما يملأ جِلدو تِفوحْلُو ريحة الزَّفرة

سلام آ ناس
السماح إتلهمتني المشاغل و با قيلي فرق الزمن كمان
كتر خيركم ود المكي و الصناجة العبيد
يا مولانا ود شيقوق هاك دي:


تَلّــــــتْ مِـعْـصّمَا وبُوبّحْ ورِيّدَا النّــادِّي
ودِيسّــــــــا الـخَـــمّرُو ينّدَه للفَراشْــــــــــــــة وِيَنادِّي
تَمشِّي القِيّدْ حَرّنْ مِتّلَ القَيّدَا الحَدّادِّي
يا (شيقوق) أخُــــــويّ زِحّ مـن كَهَارِبّا غَـــادّي

لفـْحّتْ فِركَتّا و نَكَّعْتّ عَليِّ الـمَغّـــــمُولّة
و من بِيْنَ الحِزُوزْ دُرّرَ العَــــــــــــــــــــرَقّْ مَبْهُــولّة
تطَــــــــــــابْقّ بُوخْــــــتّا بالـخُــــمْرّة و الـمَعّمُــــــولّة
و يا سِــيّدَ الضْرِيّحْ تـَجّـــــمَعْنِي بِيّهَا الزُولّــــــة

حباب ود المقدم
آ زول كلامك حتو مو ساهل
ياللا ألكع و ودس إيدك في قعر القرفة وجيبلنا المصوبن
الوقت ممحوق و كما كدي ياتي المصوقركم في البكان دا

تسلم آ ود المكي سيد الدار
همالتك عليّ رجعتني لي النم بعد فارقتو يومين وضحوة
وأغفر لي كان غبت مرة مرة، باقي الوقت ممحوق وعوسي في الدنيا مشربك
علي العلينا الخواجة آ بدينا ليها بالساهلة نكوجن ونبوجن لامن يتخرت عرقنا
زي الزير القناوي الجديد

سلمت آ زول ويسلم المعاك

آه انــا يانسيـم مشتــاق اقـبـــل ايدا
وبي حنية اقوم اربط عقد في جيدا
بت بت الملوك بهجة سنيني وعيدا
فرشت قلبي حنية وسماحة وريــده

عليك الله يا راشد اخوى تعال اسمع الجنا دا ممكون كيف ؟

والله العظيم يا (هادله) ريدك جاري
ما بين الضلوع فتحلو الف مجــاري
الخلاني فوق حسنك نظمت اشعاري
عينيك والقوام والوجنه فيها وداري

لا حولا ولا (قولا) كما كنا نردد ونحنا صغار
زولك ممكون وشايل فوق دبر

هاك دي مني فوق البيعة

كشَفّتْ لِـي ورِيّدَا وشُفْنَا المـَــعَرّدَّبْ وَجّـــا
ولهجاً ضُــوقْ بـَغّيتَا طَلسّمْ حِجَايّا ورجّـــا
أنا طـــُـــــولْ عُمرِي فـَـــارِشْ فَـــــروتِي و أتْرجّا
بي لِيمِّــــــــــــكْ أنُـــوُلّ عُــــــــــــمّرةْ وأتِمَّ الحَــــــجـّــــا

مِي اللوّاجا التشيل توبا وتكوس بالحلة
و مي الخرقا الببيت زادا و يكودب الحلة
دي الشاويني ريدا و في المليل بتقلى
ياشيقوق اخوي اندهلي حلال بله

Quote: آه انــا يانسيـم مشتــاق اقـبـــل ايدا وبي حنية اقوم اربط عقد في جيدا بت بت الملوك بهجة سنيني وعيدا فرشت قلبي حنية وسماحة وريــده

بسَّامه وخجولة وفيها نخل الرَّيدا
طمْبَة ؤقودة شارفه قوام محزَّز جيدا
سَمِحة النَّافلة من تلايا قاسية شديدا
ؤمشبول قلبي في الطقَّاق عِقِد في وريدا

اها يا العبيد


والله العظيم يا (هادله) ريدك جاري
ما بين الضلوع فتحلو الف مجــاري
الخلاني فوق حسنك نظمت اشعاري
عينيك والقوام والوجنه فيها وداري

هاك آ ود الطيب

قدُر ساقت عليَّ الجفوة برضِّي بريدا
جروحاً في الفؤاد موسومة رسمتْ إيدا
وحاتَ السَّيد بتكتُل نظرتا وغِمْيدا
سوّت قلبي سندالة ولساني حديدة

Quote: سوّت قلبي سندالة ولساني حديدة

هههههههههههههها ان شاء تلحقك امات طه

أمات طه يا شيقوق قبيل قَفّيتن
وأخوات طه ذاتن بالدرب قفيتن
كان ما خوف كلام الناس وكتر لخبيتن
أقول لك طه ذاااتو منجعص في بيتن

أها شن ليك؟

آ ناس سيد الدانقا يين؟
فرش الحوش وختر؟
اها في رجاكم آآ الحبان

Quote: أمات طه يا شيقوق قبيل قَفّيتن وأخوات طه ذاتن بالدرب قفيتن كان ما خوف كلام الناس وكتر لخبيتن أقول لك طه ذاااتو منجعص في بيتن

Quote: أها شن ليك؟

تطيب ايامك يا راشد اخوي

Quote: اها يا العبيد والله العظيم يا (هادله) ريدك جاري ما بين الضلوع فتحلو الف مجــاري الخلاني فوق حسنك نظمت اشعاري عينيك والقوام والوجنه فيها وداري

نوسَر بيَّ ريد ناس هادله ولَّع ناري
كل ما يوم جديد فتَقَن جِروح نوساري
زعزعني الحدق ؤقوامها مقطوع طاري
مورَّد وجنو واقع نمَّتي واشعاري


أبوي الطيّب حبابك اوعا تكون مجادعتي لي غنوة الحفرة خدشت الناس والله اني زول ما بحب ازعل زول
كان شفتها مشاترة خليني احذفها
محبتي وصباحاتكم نعيم وسرور

Quote: أبوي الطيّب حبابك اوعا تكون مجادعتي لي غنوة الحفرة خدشت الناس والله اني زول ما بحب ازعل زول كان شفتها مشاترة خليني احذفها

حاشا وكلا يا شيخنا العبيد .

ما يكتب في هذه المساحة عبارة عن توثيق لادب وثقافة لأهلنا فنحن نعتز ونفاخر بها الامم . بل ونحاسب نحن المستنيرين منهم إن لم نوصل إبداعاتهم الى غيرهم من الامم .

لماذا نستحي من عرض ثقافة وتراث اهلنا عبر هذه المساحة التي احسب انها واحدة من نعمائه علينا

هل ما يكتب هنا لامس سقوف الطيب صالح في موسم الهجرة للشمال ؟ او محمد شكري المغربي في الخبز الحافي؟ او ود امونة عند عبد العزيز بركة ساكن ؟ وغير ذلك من اشعار نزار قباني وحتى احلام مستغانمي؟

لماذا نستحي والناس تحكي عن الشفتين وحلاوة القبلة ونحن نسمعها يوميا يتغنون بها عبر الاثير من خلال الوسائط الاعلامية الرسمية؟ لقد تغنى الراحل عثمان حسين بتلك المسكرة وحمد الريح في تلك التي تتحسر وود الرضي في الطابق البوخة وإمرؤ القيس عندما قال :


أغار عليها من أبيها وأمها
ومن لجة المسواك إن دار في الفم
أغار على أعطافها من ثيابها
إذا ألبستها فوق جسم منعم
وأحسد أقداحاً تقبل ثغرها
إذا أوضعتها موضع اللثم في الفم
فوالله لولا الله والخوف والرجا
لعانقتها بين الحطيم وزمزم

الى ان قال :

حجازية العينين مكية الحشا
عراقية الأطراف رومية الكفل
تهامية الأبدان عبسية اللمى
خزاعية الأسنان درية القبل
ولي ولها في الناس قولاً وسمعة
ولي ولها في كل ناحية مثل
وكاف وكيف كاف وكفي بكفها
وكاف كفوف الودق من كفها انهمل
ولاعبتها الشطرنج فخيلي ترادفت
ورخّى عليها دار بالشاه بالعجب
فقبلتها تسعاً وتسعين قبلة
وواحدة أخرى وكنت على عجل
وعانقتها حتى تقطع عقدها
وحتى فصوص الطوق من جيدها انفصل
كأن لآلئ الطوق لما تناثرت

ثم الى مجنون ليلى في رائعته :

بربك هل ضممت اليك ليلى قبيل الصبح او قبلت فاها

وهل رفت عليك قرون ليلى رفيف الاقحوانه في شذاها


ويقول الشاعر توفيق ابراهيم :


قبلتها ورشفت من فيها ما يسكر الدنيا ويرويها

وغفوت نشوانا على حلم يزهو بالوان الرؤى تيها

جن الهوى فرشفت مبسمها وجنيت من فيها لاليها

الله هل ذابت على شفتي روحي وفاضت أمانيها


انها اخي العبيد موروثات اهلنا التي يتطلع الكثرون لسبر اغوارها من خلال ما نكتبه في تلك المنتديات الاسفيرية - انها موروثات اهلنا التي يسعى الباحثون للحصول عليها من مراجعهم الخاصة او من كتاباتنا هنا .

اقدل يا العبيد انداح يا العبيد فنحن معشر النخب المستنيرة في اعناقنا رسالة من اهلنا وسيحاسبنا التاريخ ان لم نقم بإبلاغها لغيرهم من الامم .

يديكم العافيه
ودشيقوق
ودالشيخ
ودالطيب
ألف سلام عليكم يا الحبان.
نضِمكم عسل واللهِ


مِتِل جديَ الغزال,جات ام تمايم عابره
وفي طَرَف الفريق,إتنين لزمنا الجابره
دردرني الفقُر, يا نفسي أهجعي صابره
يا رب يا كريم,مُتمنِّي بير في بوجابره

.
.
.

في دار ام سماح,لَمّينا صُلحه وسُتره
الونسه طابت, والفِكْره جابْتَ الفِكره
الخدار رويان,والطرْفه عاقبه النتره
الماضاق العديل,لا شك يموت بالحسره

آ ود المكي
هاك

لي دار ام سماح أنوينا حجة وعمرة
وتأشيرة دخولنا عليها بيْ فدّ نظرة
إن طال العُمُرْ وأصبحنا عندها بكرة
ماليّ هدية لي شيقوق كرامة وذكري

Quote: إن طال العُمُرْ وأصبحنا عندها بكرة ماليّ هدية لي شيقوق كرامة وذكري

ان شاء تصبحوا في ام ساقط طالما مالك هدية لود شيقوق

هــــــــرج اب قُجّـــة عَــوّا إتلهّم القيزان
وأبقــدوم ينيص مــــــــاسك قفا أمسيحان
حبات البر وافَلِيّلي فاتنّ جافَّن الفُـــرْقَان
فراقْهِّن يالعبيد بالحِيلّ عليّ صَــــــعّبِان

Quote: فراقْهِّن يالعبيد بالحِيلّ عليّ صَــــــعّبِان

اها راشد اتلهمك يا العبيد تعال مارق

ههههههههها أم سقط ترانا في زرارة قليبا
علا ام سقطاً عراض ديك مابيها تب
آ زول المال حلال عليك بلا سقط

سلمت

مؤكد إنتبهتو للحرف الناقص الغير المعني تماماً
أها المربوعة بعد التصحيح

هــــــــرج اب قُجّـــة عَــوّا إتلهّم القيزان
وأبقــدوم ينيص مــــــــاسك قفا أمسيحان
حبات البرد وافَلِيّلي فاتنّ جافَّن الفُـــرْقَان
فراقْهِّن يالعبيد بالحِيلّ عليّ صَــــــعّبِان

سنونها اللولي يلصف زيّ مصاغات برّه
أكان رفعت وشيها والنور الطويل إنجرّا
تجيك الهجمةة بس ملسوع دبيب في قِرّه
وتَسِيلكْ سُــــــــــواتْ خثــــلعّة فِرِّيخَ الفِرّه

هييييع....والله آ ودالشيخ شغلك نجيييييض ...عفيت منك.
أرح آشيقا....سو سواتك.
آ جماعة مسؤولين من الخير السني لبد وين؟
والجوابري(قش) عامل نايم!

أرح

السهره طالت, والنجمه رحلت وغابت
ونسه وقرقراب والقعده حِلْيَتْ وطابت
ناقصين التقيله,ميروده والعين صابت
عِقْداً نَقَصْ من وسطـو شمعه ودابت

Quote: وتَسِيلكْ سُــــــــــواتْ خثــــلعّة فِرِّيخَ الفِرّه

يا سلام يا راشد اخوى

نان منو الناقش ليك اللوحة دي . وحياتك حتى في اولاد الضهاري القليل فيهم متخيل اللوحة دي .

والله يا راشد اكان راكب دابتك مع الدماسات ومتلهم حلتكم قادم من بلادك ، في نص الخريف ، وقام فريخ الفرة قفز ليك من الهويش فررررررررررررررررررر يخلعك انت ودابتك يقيلا تجي واقع من دابتك اربشي .

Quote: سنونها اللولي يلصف زيّ مصاغات برّه أكان رفعت وشيها والنور الطويل إنجرّا تجيك الهجمةة بس ملسوع دبيب في قِرّه وتَسِيلكْ سُــــــــــواتْ خثــــلعّة فِرِّيخَ الفِرّه

سنونها الغُر غمام برقا شلع وإنفرَّا
ؤخشماً بُقَّت اللَّقحة المِغاورة الدرَّه
كان شرفت وإنتنت جبينها خاطي الصَّرَّه
سوَّتلي كتل المنخلع طارتْلُو طيرة الفِرّه

Quote: هــــــــرج اب قُجّـــة عَــوّا إتلهّم القيزان وأبقــدوم ينيص مــــــــاسك قفا أمسيحان حبات البرد وافَلِيّلي فاتنّ جافَّن الفُـــرْقَان فراقْهِّن يالعبيد بالحِيلّ عليّ صَــــــعّبِان

البَرق البِوَلْوِلْ ؤشاشو لي العُربان
أصبح يقوقي طيرو في الفروع طربان
ضعن السمحة شال وإتعنَّد القيزان
وإتُّوتَل نزولهُن ؤشبَّحوا الفُرقان
أهل عفَّاسة القام بضره موعطشان
(أهل الهرتكيك والشُّول ابو حيران)
ياراشد أخوي فرق السَّحي ونعسان
متل ###### القنيص خلاني إنيص جحمان
محبتي

(وتَسِيلكْ سُــــــــــواتْ خثــــلعّة فِرِّيخَ الفِرّه)


سِنُونه بَرّاق القِبْلي الكركابو هَزَّ ورَزَّ
وعيونه مِتِل كهارْبَ العِشى اب ضلاماً فَزَّ
تجيك الهوشه من كَتَرتْ غَنَج ناس عَزَّه
وتسويلك سُواتْ خَشْلَعَةْ فِريـخ الـوِزَّه

Quote: سِنُونه بَرّاق القِبْلي الكركابو هَزَّ ورَزَّ

اهلنا بقولوا - يا ود المكي - (ربنا لا حضرنا يوم تسمع كركاب المطرة الضحوية وما تصب فينا)

بقولوا السماء كان رزم الصباح مطرتو مضمونة و قبض ايد

هل الكلام دا عندكم ؟

وما هو التفسير العلمي لتلك الظاهرة؟

سلام آ ود شيقوق
نجي لي النجيض
عارف عظمة حميد والقدال فوق لي عبقريتهما الشعرية والصور البديعة التي يرسمانها
والنفس الوطني والصدق شنو؟
أقول ليك ..... في نظري الضعيف هو إحياءهما لأوابد اللغات السودانية وإعادة تدوير ما كاد أن ينقرض من مفردات
وصور من بيئة السودان المتعدد الأنساق والألوان الإبداعية
وأكاد أجزم بأن بحور الشعر المعروفة لم تغطي كل ما أنتجته الذائقة والمزاج الشعري السوداني
هذا إدعاء غليظ لكنني به حفيّ وقمين بي وبغيري إستجلاءه ساعة ميسرة

هاك المثال دا الذي يفوق لزوميات المعريّ ويبزها، إذ صك هذا الشاعر الكباشي قافيةً من أسماء الأصوات
(أعني أسماء الأصوات... ولا عجب)

بعد ما إتباعضن جمال وسوطي جّبّكْ
مشيك عنى ومسارعك برق ونابك كك
بعيد زي أربد الشرق الموارك السك
بعيد زي غايس المطر اب هطيلاً تك
بعد جَمْعّ وزي ضيف الهجوع بَرّكْ
عند ست الجناب الراجيها مك من مك
عليها رارا وفكفك الحسكة ام حديداً شكْ

هييييع يا أجدادي شعراء الشعب بكل لغاته ومفرداته وليس العربية فقط
ففي لغات السودان الأخري من الصور ما يقفُ له شعر الجلد

هاكم دي نجر اخضر

هجرنا الدانقا قاصدبن أم لهيجاً حالي
شايع زيطها فات زيط الجناب العالي
يا نفس السجم شدّي الضراع وتعالي
أم جركم يمين تاكل خريف متوالي

آ ود المكي هاك:

إتوكْرّ رمالهن وجوز اللساتك غزَّا
ما بمرقو التركتر لا حبال لا لزا
من تنيّتْ معاطفو بالغنج واللذه
يوم بوبح وريدو وللفانيد هزّا

Quote: من تنيّتْ معاطفو بالغنج واللذه يوم بوبح وريدو وللفانيد هزّا

هههها آي إتجدع ساي - بكري ما ناقش الحبة

(و خشماً بُقّتَ اللقحة المغاورة الدرة)

يا سلام آ العبيد يا هو دا الكلام ويا ود شيقوق وقعلك مرادي؟ المفردات دي لازم تبقي حية

صح لسانك يا العبيد

هاك دي:

عقدت خنصرا وشفنا الجبين إنصرا
عشمانة ملام مو كُجْرّة وخصام ومَضّرة
يوم داك يالعبيد لاقتني شاــــــــرف برا
أنمّ وحِّيدّي أجادع في النجم وأتسّرى

ود المكي وود شيقوق وكل المتداخلين والزوار تحية بي ريحة الدعاش ونسام مطر عابر فوق الحنتوت
الكلام في ام هبج لا يمل .. ودي مشاركتي معاكم بي كلام ود الشلهمة وغزلو السمح في البطانة .. وحقيقة ود الشلهمة يعتبر من اجمل واصفي البطانة وجمال الطبيعة فيها ..

ود الشلهمة قال

نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش

مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك

بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري

مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام

آ ود شيقوق مالك علينا متوروا من نومو؟
في المثل حقي برااااي

(نوم الريس عبادة)

ولا موكدي؟

أها

وتاني أها

Quote: مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام

الاستاذ الجميل ود الفكي سلام ويا سلام والله شخصي مسكون وعاشق لي لود الشلهمه واحسب الي الان لم يُكتب
عن خريف شعره نعم اخضرار شعره حسب رأي المتواضع ان شعر ود الشلهمه كالخريف واذا مد الله في العمر سوف
اتطرق له وللشاعر الكباشي جمعه البري في وصفهم للطبيعة
ويا ابو الطيب ويا راشد ويا ود الفكي وود المكي كدي اتاوقوا سودانايل بتاريخ اليوم

محبتي

.(ربنا لا حضرنا يوم تسمع كركاب المطرة الضحوية وما تصب فينا)

والله يا شيقا اخوي الضحوى صاقعتو شينه خلاس (لاتبقي ولا تذر)
البمرُق منها إن رشُّو باللبن يمكِن يلقى العافيه.


بوصيك ياالبلوم, زور التقيله اردافه
مرضان السِنين يصبح بالزياره معافى
ودشيقوق يقـع ميرود شديد لو شافـه
خلّوني النزور, باقي الملامه بخافـه

.بعد ما إتباعضن جمال وسوطي جّبّكْ
مشيك عنى ومسارعك برق ونابك كك
بعيد زي أربد الشرق الموارك السك
بعيد زي غايس المطر اب هطيلاً تك
بعد جَمْعّ وزي ضيف الهجوع بَرّكْ
عند ست الجناب الراجيها مك من مك
عليها رارا وفكفك الحسكة ام حديداً شكْ


آآآآ ود الشيخ,,, علي اليمين(سوطي جبك) أنا سامع حِس السوط في أضاني,
والمطر(اب هطيلاً تك) علي الحرام النُقطه تفلع.... ود الشيخ اخوي أهلك
ديل ما بتصاقعوا....بعدين القافيه دي إلا زولاً(كيك) حتى يجيب(الكك)..آ زول!

مرحب حبابك اخوي ودالفكي
والله مكانك شاغر في مجلسنا الطيب, مع الإخوة والأحبة الأفاضل

مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك

وللحقيقة ود الشلهمة هو شاعر الطبيعة بحق, وفي شعره صور
جماليه كأنك تشاهدها لوحة أمامك.
اتمنى أن يفرد أخي العبيد مساحة لشعراء أوشعر الطبيعة وهو
قادر على ذلك.

أكرر ترحيبي بك أخي ود الفكي

Quote: بوصيك ياالبلوم, زور التقيله اردافه مرضان السِنين يصبح بالزياره معافى ودشيقوق يقـع ميرود شديد لو شافـه خلّوني النزور, باقي الملامه بخافـه

هييييييييع كع

ود الفكي

الف مرحب بيك وكتر خيرك على رفد البوست بكلام شاعر البطانة الفذ و المبدع ود الشلهمة

Quote: ود المكي وود شيقوق وكل المتداخلين والزوار تحية بي ريحة الدعاش ونسام مطر عابر فوق الحنتوت الكلام في ام هبج لا يمل .. ودي مشاركتي معاكم بي كلام ود الشلهمة وغزلو السمح في البطانة .. وحقيقة ود الشلهمة يعتبر من اجمل واصفي البطانة وجمال الطبيعة فيها .. ود الشلهمة قال نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش مسك القبلة في كوع الشمال براقِك وقشط سدرو في عامر سحابو وساقِك تبونك قرنن والسيل دهك شقاقِك الضايق نشوقك حار عليهو فراقِك بعد دور الجفاف قام عِفرتِك مِتباري وسحابِك نيلتو زرقة وبرقك يلفح فاري إتكسا بالخدار وجهك الكان عاري وإنعقدن رواينك يام نداياً تاري مبسوطة البطانة إتنعمت قدام شابع قشها وقاسا المزرقن وقام أخلو الدكة لا مخبر ولا حوام ولي فيهن صديق روحاً ملاني غرام

لله در ود الشلهمة وغيره من ادباء البطانة الذين ابدعوا في وصفها باجمل وابلغ المعاني

وهنا- يا ود الفكي - شاعر آخر يقول في البطانة :-

هواك حقن الملاريا وسلفك الريحان
وصبغة يود ترابك للجروحو مكان
ملاياتها التبر واللبلب اب كيعان
سرايرها الدبادب بضبحولها سمان
خطبك ود كسيبة وصافحك عدلان
ابعلي كفى مالك ولبسك فستان
ابسن دفر فيك لامن عجاجك بان
ضبحولك خميس حلالة بدل الضان

Quote: ود الشيخ

Quote: يا سلام آ العبيد يا هو دا الكلام ويا ود شيقوق وقعلك مرادي؟ المفردات دي لازم تبقي حية

نعم الابداع دا لازم نوثق ليهو

Quote: من تنيّتْ معاطفو بالغنج واللذه يوم بوبح وريدو وللفانيد هزّا

يا ناس سلام ومحبة يا ود المكي وابوي الطيب وضيوفكم عازمكم امشوا إتاقوا سودانايل وإتمتعوا

كتب عبيد ودالطيب(سودان نايل)

الشاعر عبدالوهاب الرِّبيقي, كان رجلاً(قِندِيفاً) في شبابه. يمتطي النجائب من بيجاويات
أبو الطيب المتنبي, وفي أحد افراح البادية, وموكب السيرة بالجمال والخيول, نسي عبدالوهاب
بأنه يحبو إلى الخمسة والخمسين من عمره, فلوَّح بالسياط مع الشباب مُبشِّراً, وانتشى من زغاريد
العذارى حتى ضرب الأرض برجله,مستصحباً ذلك بحمحمة من حلقومه, فصاحت إحداهن: يا عم!؟

قال الربيقي:

إن قُلتيلي عم,أني برضو رضيان ؤ قابل
وإن قُلتيلي خال, الكُبُر ليها مُقابل
إنتِ ليه جافياني ياام ديساًهباب مو سابل
قبّالِك فلانه, مِلبِّعاني قنابِل

أليس ما قاله الربيقي يجيءُ حد المطابقة مع ما قاله الشاعر العربي:

عيَّرتني بالشيبِ و الشيبُ وقارُ....ليتها عيَّرتني بما هو عارُ
إن تكُن شابت الذوائبُ منّي.... فالليالي تُ نيرُها الأقمارُ

أنا وود الربيقي على الشاعر العربي:

قالت كبير وعجوز, والعُمر أصلاً فاني
الشيب حق الرجال ما بيهو زول سَبّاني
الدِهِن في العَتاقي, والعافيه شي رَبَاني
والشِدَر الكُبار, من طبعو يثْمِر تاني

حكاية الشاعر الفحل ودالربيقي هيَّجتني واللهِ , خلوني النشوف شاعِر تاني:

قل للمليحةِ في الخِمارِالأسودِ....ماذا تُريدُ بناسِكٍ مُتَعبِّدِ
قد كان شَمَّرَ للصلاةِ ثيابهُ.... حتى وقفتِ له بِبابِ المسجِدِ
رُدِّي عليهِ صلاته وصيامهُ...... لا تقتليهِ بِحقِّ دينِ محمدِ

نشوف قولنا:

قول لي ام سماح,الجاتْ مبلَّمه مارقَه
مالِكْ ومال فقير جارِد سِبِحْتو الفارقه
يوم مرقَتْ مِتِل شمس الصباح الشارقه
ما خَلَّت صيام, ولصلاتنا صِبْحَت سارقه


قول(للمليحه)اللابسه الخِمار مِنْستره
جرجرتي الفقير من الصلاح للعتْره
شَمَّر للصلا, وظهرتِ في الباب شَتْرا
رُدِّيلو الفُروض,لا يموت كَمَد بالحسره

Quote: والشِدَر الكُبار, من طبعو يثْمِر تاني

.
. الشِدر الكُبار فوقو(السَّمُغ)



أرح يا شيقا.

نواصل شويه:

سَقَطَ النَصيفُ ولم تُرِد إسقاطَهُ....فتناولتهُ واتَّقتنا باليدِ


يوم داك العِصير, التوب فَلَتْ من جِيده
إتناولت بي إيد, والساتره كانت إيده
لازمين الحدود, لا وحواح ولا تنهيده
إلا السرقه بي طرف العيون بنريده

:

التوب يوم وقع, في قلوبناشعلل ريده
خَتَفَتْ طَرَفو وانسَتَرَتْ تمام بي إيده
أركِز يا صديق, السمحه مُهره عنيده
فارق التوب سِتُّو, واتمنينا الله يزيده

Quote: يوم داك العِصير, التوب فَلَتْ من جِيده إتناولت بي إيد, والساتره كانت إيده لازمين الحدود, لا وحواح ولا تنهيده إلا السرقه بي طرف العيون بنريده

ورَّاني النهيد ساعة وعُقب ضاراه
ؤعصر دمَّاعي مني عيني غصب جاراه
هوَّابة الخطا النَّواشي قام باراه
ريدها بقيت بحمل فوقو دكتوراه

ها ناس الليلة النت بلعب الصغرية بقي يسوي هسكو..............!

حصل يا ود المكي والعبيد وراشد وود الفكي حصل ان التقى اثنان من كبار شعراء البطانة في مكتبي بمدينة الدندر وهما الشاعر يوسف ود الدكيم والشاعر محمد بابكر الدرويش .

كانت وقتها تتدرب معي واحدة من حسناوات ولاية سنار وقد سحر جمالها الضيفين وبدأ الهمس والغمز في عينيهما حول جمال ومفاتن تلك البنية .

لما لاحظتهم بتقارصوا قلت ليهم ما بخلي واحد فيكم يطلع من هنا بدون يقطع ليهو نمة او نمتين في البنية دي - والمسكينة كانت تعاين ليهم وتضحك .

الشاعر ود الدكيم قال لي خليني ابدا انا لاني مستعجل لاحق العربات . قلت ليهو يلا قول يا العشاء .

عاين للبنية فوق وتحت وعاين لي وابتسم ثم قال :

يا لخلوخة القيف البغمّر هيفك
ما تكرمشتي جسمك في شتاكي وصيفك
انا مرضان بهضرب من ملاقاة طيفك .


قلت ليهو هيييييييييع يلا اقلع ألحق عرباتك


ود الدرويش اتمحن وقال لي الطيب آآآ خوى اديني الامان . قلت ليهو اديتك يلا قول

برضو تبسم وعاين للبنية خاطفة اللونين اصفر واخضر .

قال :

صفراتا تنسي الزول جناهو ومالو
وخضراتا ....... امو وتبشتن حالو
الخلاني بالماسورة بدبّالــــــو
هو عارفني لا من جنسو ولا ببقالو .

غايتو كتلني بضحكة في الكلمة محل النقط الفوق ديك

تموها براكم يا ناس البادية قطع شك ما بتفوت عليكم

عبيد الطيب يا جميل .. كلامك سمح وفي انتظارك تفتح لينا نافذه نطل منها على عاشق البطانة المتيم ود الشلهمة ..
ويا ود المكي ومولانا ود شيقوق قعدتكم ما بتفات واهو اتحكرنا وقعدنا ويا رب نكون خفاف على الجميع في المجلس العامر بي اصحابو وجللاسو وبي النم والكلام الموزون البرد الروح

شيقااااااااااااااااااااا


المولد دا كلوا فاتنى شكيتك على الله

وهاكم الكلام السمح في بنات السودان وجمالن الطبيعي جمال الخلقة والاخلاق سمحات وجوه وسمحات نفايل .. دا شيخنا عبد الله حمد ود شوراني ملك الغزل في البطانة بلا منازع وشاعر المجادعات الاول والقطع الاخضر المواسه ومميز شوفوهو وصف البنية دي كيفن
يا ياقوتة الحضرى الحضارمى زبونك
عازة وغالية طلعن فى التريا تمونك
عاليا ارداف ضامرة هاف وقارن نونك
انكال بالجمال لامن دفق ماعونك

يا تمرة كريمة القاد سبيط عرجونك
لو كان امنوك زاهد الدنيا بخونك
معلومية الذكاء فيها ماهرة فنونك
ربى كساك بالهيبة وصدر قانونك

يا فوسيبة الوادى الروايا مرونك
حب المنقة والانناس حلاتك ودونك
محال ما بتمتعى الحى بهواك وشؤنك
مهوس بيك وقلبى عليك وبقيت مجنونك


قمر السبعتين نورك مضوى دجونك
يقل ويقفد الحيا والصبر مسجونك
واعى الناس يضيع ما بين قسام وهونك
كل المالى مركزو صار قتيل مسنونك

عودتك قامته مربوعة وكحيلة وجونك
خدك دكن الشف والفدى الفى اذونك
ديسك كابى خمر وصندلية دهونك
ماهو غريب على لو كان ساهرنبى طعونك

مختار هو النشاك ورعاك وصف ذهونك
ماك مسيومة فى الاسواق منيعة حصونك
كتير من عاش مدهور وعلقنه ظنونك
نحن برانا ما بختانا سوط عربونك

ظبية عنس الريل المجازى هنونك
جنيبة خيل قيافة ولابسه والكون كونك
يا اميهية الصيف فى خلاك وبقونك
باب ليمك عرج واقف غفر كركونك

ها الايام على مقطوع سلك تلفونك
وقلبى المبلى رتبتيله ميدان قونك
ما دام انتى حاملين السلط فى عونك
ظلمك لى مقبول بالحريص كردونك


يا سجاعة الليل الملولحه غصونك
فاقد سمحه كان ما زاد عليك مو دونك
وين يا جريعة النحل اللذيذ مشنونك
كبدة نوق بشارى ومطرك ليمونك

يا لولية الغواص صعيب مخزونك
قفل واختفى ومنع المودة حزونك
قمح القجة شركه وضحى بمليونك
عسى اوجد لماك واسعد واكون ممنونك

Quote: ود الدرويش اتمحن وقال لي الطيب آآآ خوى اديني الامان . قلت ليهو اديتك يلا قول برضو تبسم وعاين للبنية خاطفة اللونين اصفر واخضر . قال : صفراتا تنسي الزول جناهو ومالو وخضراتا ....... امو وتبشتن حالو الخلاني بالماسورة بدبّالــــــو هو عارفني لا من جنسو ولا ببقالو . غايتو كتلني بضحكة في الكلمة محل النقط الفوق ديك تموها براكم يا ناس البادية قطع شك ما بتفوت عليكم

ابوي الطيب والله خلتو يسوي هييييييي دَك

أهلو مخنجكنُّو خلاس ؤ غارو جمالو
عنقو طويل ؤهافو رقيق ؤماح شُبَّالو
خزنة الفي المطار لا فح حقيبتو ؤشالو
يا الدعجة أُك كفل قلبك مجوذر مالو

دي طق اوقرفه يا ابو الطيب كنَّك تعرفه اها قول تمر مولد .......!
الغيم الرَّبط فينا ؤدفك وشَّالو
مسَّ حسسنا ما خلَّ القليب فوق حالو
قنديف كورس الصَّيد الصيادي حبالو
ياهو الغرَّز النوم من عيوني ؤشالو
اها دي بردت جوف لي صاحبك الحصرتو خضرتا........

اها النت كعب وماشي اشرب حليب بارد

Quote: عودتك قامته مربوعة وكحيلة وجونك خدك دكن الشف والفدى الفى اذونك ديسك كابى خمر وصندلية دهونك ماهو غريب على لو كان ساهرنبى طعونك مختار هو النشاك ورعاك وصف ذهونك ماك مسيومة فى الاسواق منيعة حصونك كتير من عاش مدهور وعلقنه ظنونك نحن برانا ما بختانا سوط عربونك ظبية عنس الريل المجازى هنونك جنيبة خيل قيافة ولابسه والكون كونك يا اميهية الصيف فى خلاك وبقونك باب ليمك عرج واقف غفر كركونك

يا سلام عليك ياود الفكي وننحني اجلالا لإمبراطور الدوبيت الجد ود شوراني
والله عندي خمسة سنين غرقان في مسدارو حق النجوم ما قدرت امرق الزول دي مذهل ومخيف
المقطع الاول في الرباعية الأولي (عودتك قامة مربوعك وكحيلة جفونك)
أظنها هكذا عودك قامة مربوعة وكحيلة جِفونك) لأن الكحل للعيون او الجفون لا الوجن

من العبط الواحد يقول مقطع بعد شيخنا ود شوراني لكن لاباس القصد المتعة

مجنون ليلي حالتو اقل من مجنونك
وزي ما ليلي كانت في المحاسن دونك
اصفي من المدام في كاسو لمحة لونك
ؤأخطر من فراق الروح علي عيونك (ودالمُر)


محبتي وحمعتكم مباركة

حباب وضاحة ست النم

انت وين المولد مولع نار بهنا


تسلم ود الفكي على ابداع شاعر الغزل ود الشوراني

تسلم شيخي العبيد على اجمل الابيات التي نظمتها مجاريا بها ود الشوراني

آ ود المكي أمانة الرزيقي ما راجلاً كلس
قلتلي مكودب في الدنيا بس قرادة ألبل

هاك دي مني

الستين نعم شارفنا لي واديها
إلا قلوبنا خدرا وغيم الشباب ساقيها
حالف بي اليمين أكان قربت قاصيها
أسوم الروح عديل والتوبة مي طاريها


أها النتجادع في المربوعة التحت ديّ:

الضِيّـــــــــقْ في البَنَادِّرْ كَتّمْ علي النَسّــــامْ
و مِـــــنْ ضَنِكْ المعْايِّشْ إتْكَدّرَ البَسّــــــــــــــــامْ
حِلْيّلْ فُوْحَّ البَوادِّي الـمِنْ أرّاكْ و خـُــــــــزّامْ
و الدْرّفُـــــونْ مَـــــفَدّعْ تِحْتَّ الخَـــــــــــــمَايِّلِ نّامْ

Quote: و الدْرّفُـــــونْ مَـــــفَدّعْ تِحْتَّ الخَـــــــــــــمَايِّلِ نّامْ

خاف الله فينا يا راشد اخوي

في مشرعنا الصافي للوراد البحلى فيهو السمر والسهر والاصطباح والمقيل
هاكم كلام الجنا محمد ابوناجمة دا

صباح الياسمينة الباسمه جانا عبيرك
شوف عينيي تفاح يافا شايلو صديرك
مادام ابتليت بيك كيف افكر في غيرك
رابط روحي بي روحك مصيري مصيرك

قول لهن يا ود شيقوق يخافن الله فينِيّ أولّ

سمعتا الكباشي يغني لي ناقتو (كسارة الحدود)

كسارة الحدود ما تغفري يا قسرابة
دربك بالمحوس شارع أب حمد لي أم بابة
حس تَقْليّتكْ الساريّ الربط دهرابا
وسماح جيدك عريساً جوزو الهوابة

وهاك ديل مني فوق البيعة:


وا حَسْــــرّةْ عِمْيرِّي الفَّــــــاتْ عَليّا و فَاتِّنْ
ســــــــــــوّونْ قَلّبِـي تِيوّا وإتْشَــــــــــــــــالّبَنُو حَـلاتـــنْ
زيّ دِروِيشْ ضَرِيحْ أذكُــــرْ عَلِيّ إنجِلاتِّنْ
و مَلّــــــــــدُوغَّ الدَّبِيب الحـَــــــــــــــوطَّــــنُو أُمّــــــــــــــاتِّنْ

مــــــن بينْهِنّ تِويّمْتِي العـــــالية فــــــــــــــــــــــــرع الباَنّة
إن نظرت تصيدك بالـمُقلّ جبخَــــــــــــــانّة
وكان رنعـــــــــــــــــــــت تفرطِقْ قلبي بي كم دانّة
و كان بسّمتْ بسِيّل ريقَّ البِســـوُيّ النَانّة

سلام آ ناس الكوع حامي جوا البلد والدنيا شقلبان و تسوي الحِرْدِّفيّ، قد أغيب طويلاً و الله أعلم.

الحاصل في البلد بدورلو صنه
دحين الوداعة ها الساعة و لينا مواصلة

أ

واصلوا ود المكي ود الفكي ود الطيب ويا راشد

انا متابع بس مشغول جوية

خلوني انفّض الشغلانية القدامي دي واجي متكاملكم

الريد الخالص فيهو هشاشة جميلة وانبراشة حنينة وسمحة وطاعمة
عبر عنها احمد عبدالله الفرجوني في وقال

الموز الشرابو بحور وارضـو مشاتل
عاسف دمي بقدلبو الضحي مو خاتل
زولي الصادني مطلوب دم وعمداً كاتل
داير صلحو لاني مشاكي لاني مكاتل

مساء الخير علي الحلوين..

اخي محمد فضل الله

والاخوة جميعا ...

رغم انى ود بندر ساي ... لكن الكلام السمح بندوره

كنت وعدت ود شيقوق بي هدية وده مكانها الصحيح ...

حلقة توثيقية مع ( التاية بت الأمين ود خير )

بت ( الصِفَيّه )...شبت و ترعرت بها ...

سِفْر البطانة المتحرك ... التاية بت الامين ...

ابوها الشاعر الأمين ود خير رفيق درب فارس وشاعر شعراء البطانة الصادق ود آمنة

ارجو ان تجد عندكم قبولا ...

حلقة من جزئين ...

الجــــــــــــزء الاول

الجـــــــزء الثانـــــي و الأخيـــــر

ود قباني

ود المكي - حادي ركب الجمال ( بفتح الجيم ما تلهمها الجمال بالضمة اصلك مجنون جمال ! بالضم )

صباح الخير لكل المبدعين ود العبيد وود الفكي وخالكم المهجن راشد

اولا معذرة للتأخير بسبب زحمة الشغل والتواصل الاجتماعي

Quote: كنت وعدت ود شيقوق بي هدية وده مكانها الصحيح ... حلقة توثيقية مع ( التاية بت الأمين ود خير ) بت ( الصِفَيّه )...شبت و ترعرت بها ... سِفْر البطانة المتحرك ... التاية بت الامين ... ابوها الشاعر الأمين ود خير رفيق درب فارس وشاعر شعراء البطانة الصادق ود آمنة ارجو ان تجد عندكم قبولا ... حلقة من جزئين ...

والله يا قباني اخوى شحتفت روحي بالحيل فتحت البوست ولقيت الفديو بتاعك وللاسف اليوتيوب محظور في مؤسستنا كلها .

المهم نصبر لحدى نهاية الدوام ونفتحو من البيت ونجيك بالتعليق عليه

Quote: الموز الشرابو بحور وارضـو مشاتل عاسف دمي بقدلبو الضحي مو خاتل زولي الصادني مطلوب دم وعمداً كاتل داير صلحو لاني مشاكي لاني مكاتل

يا سلام عليك يا ود الفكي ويا لروعة احمد الفرجوني وتراني من قديم اني مرايمو

اها شوف الراحل بخيت ما دام جبنا ذكر الموز

يا أُم خشما حلاة الموز
ويا أُم اهلا بدِمْرُوا الميكحة الفي القوز
لو ترك الفروض يا السمحة ليَّا بِجُوز
بفك الماسكو ؤبتبع عُنقك المحزوز


وشو ف الرائع حنفي قال شنو برضو عن الموز
لونك ونكهتك شلتيها من الموزه
وعليهن زدتى بسمات من بياض اللوزه
شعرك من جناح إضليم نعاماً زوزا
وبخت العندو فى قلبك غرف محجوزه

ؤشوف بخية الحال قالت شنو

البِهديني من حبَّا
بلولح لي بي التُبَّا
الموز مشتول أوربا
اهلك وين لي القُبَّا

والله يا ود الفكي زمن شقاوة الحال وانا وارد منهل للمياة لسقي بعض النِّعم
والأضاة مِلء احضانها والوزين يقدِّس ويداعب الحُُنجور وفوق الغصون طائر ام سورج يعزف
الحانه سرقت النظر لفتاتين تشدوان بهذه الاغنية فكأنهما قمريتان هذا ايام البادية
لم تبلغ الحُلم ثم سرقن النظر الي احد الشباب وهو يمتطي احد النجائب من الأينق العنانيف
وفرش الشجاد يتدلي علي جانبي البعير ثم شدون
السجَّاد في الكِلوي
ؤطافتك فاصل الضِّروي
الخبَّة الجاتك حِلوي
سرجك نايص الجِروي
بربكم اقفوا معي هنا وفي هذا الإبداع
طافة البعير تفصل ضروته وهي العرف او الشعر الذي ينبت اعلي (كونيب) او سناب البعير
ثم شبهت صوت جوالس السَّرج عند خبب البعير بنايص ال###### وهو غير النباح
وهنا تكمن الروعة

محبتي

ود قباني
الله يطوِّل لينا عمرك
أريت كان أولاد البنادر متلك
ياخي ما سويت لينا دساتير عديل كده
أخونا اللَّمين البدوي اللَّمين(كاكوم) كان يسافر للتاية ويجلس
معها أياماً(يدستر وينزل) ويرجع وفي النفس عودة.
التاية بت الأمين تستحق أن تُشد إليها الرحال, وأن يوثق لها توثيقاً شاملاً
وجاد, فالعمر يجري والأعمار بيد الله.أطال الله عمرها.

يايحيى كنت وأنا أتابع الحلقتين وكأني جالس بين من يجلسون حولها.
حكى لي أخي اللمين كاكوم الكثير عنها , هي والتاية بت قِلْبوس, وقد استمتعت
حقيقةً.

ياااااااااا حليل بت اللَّمين.

وعاطف عجيب يجب أن يشكر على إخراجه هذا الكنز المكنون.
والتقدير لك ود قباني.

.
.
.السجَّاد في الكِلوي
ؤطافتك فاصل الضِّروي
الخبَّة الجاتك حِلوي
سرجك نايص الجِروي

الحبيب عبيد ود الطيب
أهل البادية يا ود ابوي شعراء بطبعهم, شوف دِقة وصف
البنية دي, ما خلَّت حتى صوت الباصور والجمل يَخُب.
فهو(ينيص) يصدر صوت مستمر رتيب وهاديْ مع إيقاع الخَبْ, وليس
صوتاً عالياً كالنباح كما تفضَّلت.

مجدداً لك تحيات الأمين كاكوم.

معزتي لك

.
.
.صفراتا تنسي الزول جناهو ومالو
وخضراتا ....... امو وتبشتن حالو
الخلاني بالماسورة بدبّالــــــو
هو عارفني لا من جنسو ولا ببقالو .


أنحن تميناها وفطسنا من الضحك.. إلا يا
شيقا البنية سمعت قول ود الدرويش؟ ولا
ما سمعتو؟

Quote: ود قباني الله يطوِّل لينا عمرك أريت كان أولاد البنادر متلك ياخي ما سويت لينا دساتير عديل كده أخونا اللَّمين البدوي اللَّمين(كاكوم) كان يسافر للتاية ويجلس معها أياماً(يدستر وينزل) ويرجع وفي النفس عودة. التاية بت الأمين تستحق أن تُشد إليها الرحال, وأن يوثق لها توثيقاً شاملاً وجاد, فالعمر يجري والأعمار بيد الله.أطال الله عمرها. يايحيى كنت وأنا أتابع الحلقتين وكأني جالس بين من يجلسون حولها. حكى لي أخي اللمين كاكوم الكثير عنها , هي والتاية بت قِلْبوس, وقد استمتعت حقيقةً. ياااااااااا حليل بت اللَّمين. وعاطف عجيب يجب أن يشكر على إخراجه هذا الكنز المكنون. والتقدير لك ود قباني.

شكرا للاستاذ قباني علي عُمرة الغبوق وشكرا لك استاذي ود المكي
والتحية مجددا لاستاذي الزول الطَّاعم الامين بدوي والله يا ود المكي ود كاكوم دي
أني غاويهو غي وروحي ما بترايم كتير لكن هو روحي مرايمو وعدي به في الثمانينات
ايام التاية بت قلبوس وود سند واذكر كتبت له مرثية ود عبيدالله لجمله دردوق وبعض
الدوبيت وبعدها لم نلتقي لكنني متابع (لجواديلو) الخضراء ويا ود المكي احسب الي الان
ان الناس لم يستمتعوا بودكاكوم وصديقه ابراهيم الدلال اذا قرأت رسائلهم او رسائل
ود كاكوم كما يسمونها سوف تعرف ذلك وهاك دي من شوارد الدوبيت الرَّاقي


وحه الكَزْمة في البردة أُم ندايات رابط
ؤسنانك غُرر واحداً بقوم متنابط
ان وقفت وغن مشت في البنَّت ظابط
سماح وجمال وروقة دم ونفساً هابط

لكم محبتي

Quote: لونك ونكهتك شلتيها من الموزه وعليهن زدتى بسمات من بياض اللوزه شعرك من جناح إضليم نعاماً زوزا وبخت العندو فى قلبك غرف محجوزه

والله يا العبيد اخوى الكلام دا كيفني بالحيل

Quote: وبخت العندو فى قلبك غرف محجوزه

يا اخوانا ام عروض قرت الشي دا ولا بتجي عاصرة فيهو ابنص سااااى بلا دراية

Quote: أنحن تميناها وفطسنا من الضحك.. إلا يا شيقا البنية سمعت قول ود الدرويش؟ ولا ما سمعتو؟

كيف ما سمعتا ؟ على الطلاق ود الدرويش نطق لينا الكليمة المنقطة وبتنتر كمان زى البقرأ ليهو حاجة من صحيح البخاري

.
.
.
شيقا,عبيد ودالطيب,راشد ود الشيخ, علي ودالفكي
الدار عامره بيكم والله.

وضاحة
المولد عامرِنّوا ليك, ويعمر بيك
حبابك ألف.

الملكة منى
في انتظارك, إن شاالله حاجة من بادية ويلز.
معزَّتي

.
.
وحه الكَزْمة في البردةأُم ندايات رابط
ؤسنانك غُرر واحداً بقـوم متنابـط
ان وقفت وغن مشت في البنَّت ظابـط
سماح وجمال وروقة دم ونفساً هابط


سمحة الروقة يا ود ابوي

طريتني أخو حبيب الشاعر الأصيل ابراهيم الدلال. ياسلام
على الدلال, وأنا لفتَّ الأمين لتلك السياحة الرائعة في
سودان نايل, وقد ذكرته هو والدلال مع ذلك النفر الرائع.
موبايل الأمين30163594 مع إضافةكود الدوحة.

.
.
عيون المها بين الرِصافةِ والجسرِ.... جلبن الهوى من حيثُ أدري ولا أدري


(عيون المها)نَبّالْها صابت قلبي
وين غَوَّرتْ؟ ما داري يعلم ربّي
لو بالمراد,ألقاها يوت في دربي
لُطفك يا كريم جرح العيون نوسَربي


يوم شُفتَ العيون,لا حوله لي لا قوَّه
سهماً خَفَس صـدري ؤ صاب الجوَّه
يا رب العباد,مالو القليب شِن سوّا
فقدْتَ الإتجـاه,عميان وقع في هوَّه

Quote: يوم شُفتَ العيون,لا حوله لي لا قوَّه سهماً خَفَس صـدري ؤ صاب الجوَّه يا رب العباد,مالو القليب شِن سوّا فقدْتَ الإتجـاه,عميان وقع في هوَّه

هييييييييييييع كع

Quote: (عيون المها)نَبّالْها صابت قلبي وين غَوَّرتْ؟ ما داري يعلم ربّي لو بالمراد,ألقاها يوت في دربي لُطفك يا كريم جرح العيون نوسَربي

يا سلام ذكرتني الشاعرين ود المر وحنفي حاج الطيب
ودالمر
عويناتك قلبني وصفها
نغمك لوده وادم ود سعيد بخلفها
مهيرة المجقني ام سيدا غني ؤكالفها
بعد مي مجافية يا الفاتح علي ولِّفها

حنفي
عيون بت فلان بي نارها يوت متكوِّي
ؤسهم عين بت فلان عكِّر صفاي ؤجوِّي
تكون في دنيتي الدايرها كان بي هوِّي
اني وإيَّاكي بس يا شمعتي البِضوِّي

يا محمد فضل الله الا ود قباني يغششني!

غير كده أنا بس أقعد أسمع وأفهم.. .


وسلام خاص لعبيد الطيب..

Quote: وسلام خاص لعبيد الطيب..

بختك يا العبيد الله راضي عنك طاااااااااب

قال الراوي (و العهدة عليه)

كان أحمد عوض الكريم ابو سن ... مصاباً بملاريا و في فترة النقاهة كانوا يخرجون له عنقريبه أمام الخلوة...
و ذات يوم مرت عليه إحدى الحسناوات و هي تلبس طرحة قرمصيص و قد ذهبت "للمشاط"
و عندما جاءت عنده رفعت يدها و قالت "أبوي أحمد كيف حالك"
انكشف رأسها وكان جزء قد تم تمشيطه و البقية "روبة".
في الصباح الباكر جاءه ابنه عبد الباقي و قال "يابا كيف أصبحت"، فرد عليه بهذا المقطع:

ليلين أمس و البارح لمن بي حسايساً عمت

ضربات قلب و كبداً بالغرام .......... انسمت

لفحة قرمصيصا و روبتا الما ......... انتمت

دخلن في معالق ........الروح بعد ما انجمت

.
.
مرحب منى

حباب بت الخليفه,الطَلَّه بس تكفينا
الرايْ والفهم ما تَبْخَلـيبو علينـا
من والداً كريم تَبْ ما نطق بي شينه
لو الزاد نَقَصْ يَتْكي (المَنَسَّل) لينا

المنسَّل: الجمل الذي ينحدر من سلالة طيبة.

حباب بت الخليفة

Quote: ليلين أمس و البارح لمن بي حسايساً عمت ضربات قلب و كبداً بالغرام .......... انسمت لفحة قرمصيصا و روبتا الما ......... انتمت دخلن في معالق ........الروح بعد ما انجمت

يطول عمرك يا ود قباني

Quote: حباب بت الخليفه,الطَلَّه بس تكفينا الرايْ والفهم ما تَبْخَلـيبو علينـا من والداً كريم تَبْ ما نطق بي شينه لو الزاد نَقَصْ يَتْكي (المَنَسَّل) لينا

تسلم يا أمحمد اخوي وتسلم بت ابوي الخليفة

Quote: حباب بت الخليفه,الطَلَّه بس تكفينا الرايْ والفهم ما تَبْخَلـيبو علينـا من والداً كريم تَبْ ما نطق بي شينه لو الزاد نَقَصْ يَتْكي (المَنَسَّل) لينا تسلم يا أمحمد اخوي وتسلم بت ابوي الخليفة

أُم عِروض رُكن الحجيج في دروها ماها العِيفه
حافظة إيمانها والسودان تذيد تشريفه
العِرق في التَّري بِت شيخا عظيم ؤخليفه
بكفِّي ضيوفو من قدحا كبير بي حَليفه

يسلم ود المكي ويسلم ابوي الطيب وتسلم أُم عِروض
ويسلموا الجميع

محبتي

العبيد


\

Quote: العِرق في التَّري بِت شيخا عظيم ؤخليفه بكفِّي ضيوفو من قدحا كبير بي حَليفه

من سيرة ام عروض ما كان أخير تختاني
ليش تفتح علي باب كم منو كنت بعاني
كم لحظا هرد قلبي وتوّر علي مصرانــي
وكم طرفا كحيل لي نوم عيوني حمانــي

زار الشاعر الكبير عكير الدامر الناظر حاج محمد ابراهيم فرح ناظر عموم الجعليين .. وكان معروف عن عكير انصاريته .. وكان الناظر معروفاً باتحاديته .. والناظر معروف بسعة صدره وديمقراطيته وقبوله للجميع لذا عمرت مجالسه بمختلف اطياف اهل السودان ..

قال عكير:
أنحنا أُسود غِيَب كضب البداني وَكَرنا
وما بكتر سرورو الليهو نحن فَكَرنا
شوفتنا السلاح تبّينا جانا سَكَرنا
ونحن إن هِجنا سبحان من يصفّي عكرنا


فنادى الناظر حاج محمد على شاعره حمدان فقال حمدان «قطع أخدر» بعد أن سمع ابيات عكير :

نحن إن هِجنا تتضلل ليوث الكرْنه
جايعات السباع تسأل وتتذكّرنا
نحن الفوق كراسي المملكة اتحكّرنا
نحنا أعدانا تثبت فضلنا وتشكُرنا


وكان الشاعر الطيب ود حاج عبد القادر، حاضراً فأدلى بدلوه الحصيف :


أحمر لونو من دم الرجال دُكَّرنا
تبرانا الصقور في رواحنا وإن بكرنا
وين أجد المجال عازلنا إن انكرنا
في الصحف الدهول أثبتْ نبانا ذكرنا

.
.

أُم عِروض رُكن الحجيج في دروها ماها العِيفه
حافظة إيمانها والسودان تذيد تشريفه
العِرق في التَّري بِت شيخا عظيم ؤخليفه
بكفِّي ضيوفو من قدحا كبير بي حَليفه

أبِشري آ بت الخليفة

صح لسانك اخوي ود الطيب

.
.
.
من سيرة ام عروض ما كان أخير تختاني
ليش تفتح علي باب كم منو كنت بعاني
كم لحظا هرد قلبي وتوّر علي مصرانــي
وكم طرفا كحيل لي نوم عيوني حمانــي

هلاّ هلاّ
أبِشرو بالخير
صح لسانك شيقا اخوي

Quote: أحمر لونو من دم الرجال دُكَّرنا تبرانا الصقور في رواحنا وإن بكرنا وين أجد المجال عازلنا إن انكرنا في الصحف الدهول أثبتْ نبانا ذكرنا

هلا هلا ود الفكي امانة ما نضمي



ود المكي

شن قولك؟

Quote: وكان الشاعر الطيب ود حاج عبد القادر، حاضراً فأدلى بدلوه الحصيف : أحمر لونو من دم الرجال دُكَّرنا تبرانا الصقور في رواحنا وإن بكرنا وين أجد المجال عازلنا إن انكرنا في الصحف الدهول أثبتْ نبانا ذكرنا

مع احترامي لشاعرية عكير وحمدان لكن الطيب ودحاج عبدالقادر زول فارط بلحيل.......

وكان الشاعر الطيب ود حاج عبد القادر، حاضراً فأدلى بدلوه الحصيف :


أحمر لونو من دم الرجال دُكَّرنا
تبرانا الصقور في رواحنا وإن بكرنا
وين أجد المجال عازلنا إن انكرنا
في الصحف الدهول أثبتْ نبانا ذكرنا

ود المكي - العبيد - ود الفكي ويا راشد وكمان ام عروض

تعالوا شوفوا الكلام السمح دا بقلم استاذنا اسعد الطيب العباسي يقول فيه:-

Quote: هذه الشجرة المخضرة الأوراق العميقة الجذور، التي ندعوها الدوبيت، تحمل على أغصانها المثمرة أشكالاً متعددة من الفاكهة الشعرية التي ترضي كل الأذواق، وإن بدت للكثيرين عصية ومتمنعة، غير أن كل أيقونة شعرية فيه تحكي للأخريات عن جمالها وروعتها. أحدثكم اليوم عن الفراق والليل والمطر في شعر الدوبيت السوداني، بإعتبارها مؤثرات تثير قرائح الشعراء البدويين بعنف، وتدفعهم إلى مناحي الإبداع. ظل الفراق ومنذ أقدم العهود الشعرية دافعاً قوياً لإنتاج الشعر، وهو كثير الدوران في شعر الدوبيت السوداني ونماذجه تكثر فيه وتتعدد، وقد أخذني الشاعر الفحل (شيخ الجيلي الشيخ الكباشي) بقصيدته "الفراق المر" التي رفلت في نحو ثمانية مربعات إلى آفاق من الشجو الجميل، وهي قصيدة تصلح كنموذج مثالي لأحاديث الفراق المقفاة. قبل أن نستعرضها نقول إن (شيخ الجيلي الشيخ دفع الله الكباشي1924ـ1979) شاعرٌ فحل يحتل مكانة بارزة في قائمة شعراء الدوبيت السوداني، فأشعاره إعتلقت الجزالة، وتألقت بالرصانة، واحتوشتها الصور الرائقة والعبارات اللآئقة، وصدرت عن موهبة شديدة الكثافة وروح جوابة هوامة. قصيدته "الفراق المر" تساقط مطرها الوردي عندما أفل ذلك القمر، واحتجبت تلك الشمس، بمغادرة زينة الحي وحسناء الحسان برفقة بعلها المتعجل إلى بلدة كرري على الضفة الأخرى من النهر، ضاناً بها عن أعين من حملوا لها في القلب عشقا، فرماهم الرحيل بنبال صائبة، وبسهام صائدة، وأخذت قوافي شاعرنا (شيخ الجيلي) تقتات من موائد الفراق المر متكئة على جدران الرصانة في نبل ووجل وأسىً عظيم: خَليتي البـــــلدْ حُـوتاً نِشـِفْ مِن مَـاهُو وفَرِيقِكْ كَلُو الشُومْ حَطَمـــُو واعـمَاهُو سَهْــرَاجةْ العُضَامْ زولِك بِقَـتْ سَامَاهُو يَحَمِيكْ رَبي بيْ لُطْفُو الجميلْ وحِماهُو لم يعد المكان في ذلك الصفاء المأخوذ من ألق تينك العينين المهاجرتين، وذلك الجبين المغادر، فهرب الوسن من الأجفان، وأسلمها للسهر والأرق: الـليـلـه البـلـدْ عِـكِـرْ بـَـعـدْ مُـو رايقْ وقــام مِنـو الجـميـل ابْ قَــواماً لايقْ خَلـيـتـيـلـنـَا يَا القَـدَّالـه سَهَـر المَايقْ وِِداعةَ الله مِنْ عينْ الحسُود والعايقْ أنَّى لتلك الساحات إشراقها، وأنَّى لتلك المآقي منامها، وكيف يكون الطرب، ومن أيِّ فجٍ يأتي الفرح، وقد أدمى الرحيل أكبادنا وساقها لجروحٍ غائرة وقروح موجعة: بَعَدْ ما يْسافِر البى وجودو نايره الساحَه كيف يا التوم عُقُبْ حالْ المنام والـراحَه بَـعَــدْ مــا كُــنــا طـربانين تَمَلي فـراحى عَانْ هَا الصدمه والكَبِد المَدَمَى جِراحا الصناديد يخلفون الجميلات، والجميلات يلهبن القلوب ويسرقن المنام بالخطو الهادئ وبالقد المياس وبالتاج المنظم المنساب: أبوك صِنْديدْ رَفيق أَنْدَادُو يـَومْ الدَيَّه ونارِكْ دِيمَه في قلوب المُحِبين حيَّه الخلاني دون النــاسْ مَنَامي شويَّه يا الـقـدَّاله فيكي مـَحَكَّمَـه القـادريَّه البكاء عزاء قلب أصماه الفراق وترك فيه أتراحاً وأحزانا، وأي حسرةٍ أعمق من فراق تلك العرجونة المتمايلة وحضنها الدافئ: إِلْـزَمـْنَا الفـُرَاشْ والنـاسْ تجي تْعَزِينَا وقَـامَـتْ مـِـنـَنَا امْ رُوبَه وبِيوتا حَزِينه شُـوف عَـدَم التَفَـكُرْ رَبَّى فِـينـَا غَـبِينَه وَينْ يَا صَاحبي رَخْرُوخَاً قَلِدتُو حَنِينَه يا ربِّ أقي هذه المهرة الجميلة شرور عيونٍ حملتها تلك الوجوه العابسة وإن أوغلت عنا في دروبٍ بعيدة وحسرت منا أضواءها إلى أحجار صلدة يبسة فتكالب علينا شقاء الدنيا وعنت الدهر: سَلَمِكْ الله مِـنْ نَظَرْ الوجُـوهُنْ عَابْسَه وبـَيكْ إتْنَوَرَتْ كَرَرِي أُمْ حِجَاراً يَابْسَه مُهْرَة المَحْفَلْ الدَايْمَنْ مِدْرِعَه ولابْسَه عَلينا الدُنيا بالحَـيلْ مـِنْ فُرَاقِكْ كَابْسَه نكتفي بهذه المربعات من قصيدة الفراق التي تلى فيها شاعرنا أحاديث الفراق المرـ كمثال لمؤثر الفراق في شعر الدوبيت السوداني ـ لننتقل منه إلى مؤثر آخر وهو) الليل) فعندما يقبل الليل بصفائه ونجومه وأقماره ترتاح قلوب على أوتاره الشجية التي تعزفها الأبادر والنسائم، وتتعذب قلوب أخرى أضناها العشق والوله وهي تهيم في مداراته على الذكرى ووجع الأشواق، وعندما يوغل الليل توغل جراحاتهم بالأسى، فعندما إنتصف الليل إستبد الحنين بشاعرنا (ود المشمر) فخاطب جمله في روعة آسرة وأسىً عظيم: الـلـيل بوبا يا حويري والمسافات طالنْ والـعـين جـافت الـنوم والهمـوم اتـوالنْ والــقلــب عَــلَبّــَنْ نيــرانــو ما بــِتْعالنْ وجروحنا إتعَورَّن نامِن دِمومهِن سالنْ والليل هذا المؤثر الساحر عندما داهم شاعرنا المبدع (جبر الدار محمد نور الهدى) في غربته الموحشة وابتعاده القسري الممتد حمل إليه في دجاه كل أسباب الأرق وأخذ يترافق معه في سهر طويل وتباريح قاسية عبر عنها بقوله: بَـعـدْ مـا الـليـل هِـدا وسكَتـن جَنَادبو صَرِيخِنْ ولـَوَّشْ نَجْـمـُو غَرَّبْ وبـومـُو زَاد في نَويحِنْ عــيــون الـرمـادْ لـجّـَن وزاد الأسى تجْـريحِنْ من وين أجِيب لَيهِن مَنَام طَوَّل معاي تَبْرِيحِنْ الليل هو مصنع الأشواق، وقاتل العشاق، وملهم الشعراء والمحبين، يقول سيد المحبين وسلطان العاشقين الشاعر الكبير (الصادق حمد الحلال) الملقب بـ (ود أمنة) في مربعه الذي طار بجناح الشهرة: البــَارِحْ عَــليْ جــَمـْرَ الصـَنَوبْ بـَتْعـَرَّكْ لامــِنْ كَــوكَــبْ الـليــلْ الـمـِقَـابــِل وَرَّكْ ضَاعْ صَبْرِي وعَلَيْ حَسَسَاً قَدِيمْ إتْحَرَّكْ مِنْ عَـانِسْ جَـدِي النُقَعْ أُمْ عَسِيناً فـَرَّكْ الليل كما رأينا جمرة توقد العشق ونارٌ تلهب الحنين فتتحرك الأشواق في القلوب وقد تدميها وتمزقها، ومن المعاني غير المسبوقة في هذا الشأن هي تلك التي إبتكرها الشاعر الفذ (سليمان عجيمي) عندما شبه الشوق الليلي بالصقر الذي ينقد القلوب نقداً بمنقاره المعكوف الحاد، وأنى من بعد لشاعرنا العاشق من هدأة أو سبات أوهجوع: الـليـلْ بـوبـا واتـخـافـضْ نـُواح السُقْدَّه وحـبـلَ الـريده رابِـط في الحناجـِر عُقدَّه صَـقـْرَاً فـي الـقـلِب كـُلْ حِينْ بِياخُدْ نَقْدَّه إسمو الشوقْ وما بخَليكْ تَضُوقلَكْ رَقْدَّه أما ليل شيخ الشعراء (ود السميري) فحمل لعينيه نفوراً وأرقاً، وهو ليلٌ إستطال حتى غابت نجومه وأشرف على السحر، فبث شكاته لجمله الغجري المندفع به نحو الحسان الذي يأبى حارسهن مفارقتهن: لامِنْ غَابَنْ الخَيـلْ والعِصِي وكَافِـرْهِنْ النَومْ رَاسُو يا الغَجَري المُقَلْ نَافِرْهِنْ سِتَـاتْ الصُـبـَا الأبى يـِنْبَلِسْ غَافِرْهِنْ وا وَيـلـَكْ شِبِـعْ لَهَطِي وبِقِيتْ تَابِرْهِنْ ولنترك الليل لنتسلل على جنحه إلى المؤثر الثالث والأخير من مؤثرات الدوبيت السوداني مما اخترنا لهذا المقال وهو (المطر) فللمطر أنشودة في قوافي الدوبيت شأنه شأن عناصر الطبيعة الأخرى التي طالما تغنى بها ولها الشعراء عندما تركت فيهم آثارها، وها هو الشاعر الضخم (محمد شريف العباسي) يخلط عشقه بالمطر ويقول: القَفْ الظِليطُو مَقَرَّنْ جَـنّــُوا الــليــله مِتـْبَارْيَاتْ تُعُولاً خَرَّنْ الــوَدَعْــنَا بـىْ العَـبـْرَه امْ عُيـُوناً دَرَّنْ طَلَقْ في جَوفِي وَجَاجْ السَمَايمْ الحَرَّنْ ومن نماذج إحتفاء الشعراء بالمطر وما يخلفه وينتجه قول الشاعر (طه ود الشلهمة) وهو يرسم لوحة لطبيعة أرض البطانة عندما أضاء برقها وأرزم رعدها وجاد مزنها بالغيث العميم فاستحالت حرارتها المحرقة إلى نسائمَ عليلة وبدت الأرض وقد غزتها الخصوبة تختال في ثياب من الخضرة الزاهية والمتنوعة الألوان: إسَّمَحْـتِ مِـنْ صَيفـَةْ خَـلا وقَـهَبـُونَه واتْـفَشّـَتْ سَحَابـْتِكْ فَوقِكْ المَشْحُونَه أصْبَحَتْ المَوَاطِي والضُهُورْ مَطْيُونَه واتْـكَـسَيـتي بَـىْ تـِيـابـاً مـَنـَوَّعْ لونَه وهاهو (ود آمنة) الذي جرى ذكره قبل قليل والذي يعد أحد أهم شعراء البطانة يصف مطرها ويقول: العـَجَـمِيــة مِــنْ بَــحْــر الــمُحِــيطْ إنْــجَرَّتْ ودَورَيــنْ السِيــولْ مَانْــعَه النِـعَمْ مَـا فـَرَّتْ بُطَانة أبْ سِنْ طَوَتْ تَوب الحُزُنْ وانْسَرَّتْ والـبِـلْ حَـاشَـنْ الـكِـتـْرَه وعُـجـُوفِـنْ دَرَّتْ ومن أشهر وأجمل ما قيل في وصف مطر البطانة وما يخلفه من خير هو ما جادت به قريحة عبقري الدوبيت السوداني ورائده الحاردلو في مربعه الشهير القائل: الـخَـبــَرْ الـلكـِيـدْ قَـالـُو الـبـُطانَه انـْرَشَّتْ سَــارِيــةً تـَبـَقْـبـِقْ لا الـصَباحْ مَا انْفَشَّتْ هَـاجْ فـَحَـلْ أُمْ صـِرَيصِرْ والمَنَايِحْ بَشَّتْ وبِتْ أُمْ سَاقْ عَليْ حَدَبْ الفَرِيقْ إتْعَشَّتْ مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد (ود سند) يقول: إنـْـفَجَــرَتْ تـُعُـولِــكْ وقَــاسِـكْ الـوَبّـَالْ رَعَـدِكْ مِغْـرِبَـاوِي وَهَجْعَةْ بِرَيقِكْ شَالْ عَرَبِـكْ شَالـُوا فَـوقْ زُمُلاً مُضِي وفََيَّالْ مَعَ الحَمَرَيبْ دُعَاشِكْ جَابْلُو رِيحَةْ نَالْ ويستمر شاعرنا (ود سند) بمفردته الموغلة في البدوية وبروحه الفرحة بالمطر في أرض البطانة أرض الشعر والجمال ويقول: خَـرَفـْتِـي وطَـلايـْعِـكْ لـلمَرَاتِـعْ لَـفَّنْ ضَـعَايـْنِـكْ شَيَّلَنْ مِـنْ المَدَامِرْ وقَفَّنْ وِدْيَـانـِكْ مَشَنْ لَيْهِنْ سِبُوعْ مَا جَفَّنْ وقِبْلِيكْ تَوَّرْ الرَكَمِي السَحَابُو مَدَفَنْ وينهض الشاعر (عبد الله ود عبد الرحيم) بقافيته البدوية ذات الذائقة الخاصة والنكهة البديعة ليقول عن مطر البطانة الذي ما يفتأ ينهمر ظهراً وضحىً: ضُهْـرِيكْ صَـابِـقْ السَـارْيْـه وصَبِـيـبُو اتْحَتَّ قِـبْلـِيـكْ سَــرَّبْ أُمْ بـــَرْد البــِرَمِـي صـَـقَـطَا وضَحَوِيكْ دَودَا فَوقْ حَقَّاصْ ضُهُورِكْ خَتَّ وجـَبَـالِـكْ جَـبـَدْ كَـجَـرْ التـُعُــولْ واتْــغَــتَّـى ونختم للمطر بنموذج من شعر إحدى خسناوات البطانة وهي (التاية بت اللمين ود خير) والتاية شاعرة مجيدة وأخت لشعراء مجيدين ولشاعرات مجيدات تقول في نهج لطيف: قُولْ لَيْ مَدِينَه والتَـايَه وبخيته وعَمِيْ مَطَرْ العِينَه صُحْ فَوقْ الصِّفَيَّه مِرَمِيْ مَمْطُورَا وهَـوَاهَا لـَزِيـزْ ورَوَّقْ دَمـِيْ إيـدْ الكَـرْوَه والرَويَّـانْ عُقـُبْ مِتْحَمِيْ ختاماً لهذا المقال نقول إن ما أوردناه عن هذه المؤثرات الثلاثة الكبيرة في شعر الدوبيت السوداني كمتفرقات متناثرة لا تفي ولكن تمثل لهذه الإتجاهات الشعرية التي أصابها أثر الفراق والليل والمطر وما قلنا به ما هو إلا محاولة تشبه محاولة ذلك الطفل الذي رام نقل مياه النهر بصدفة صغيرة إلى حفرة على رمال الشاطئ.

.
.
نحن إن هِجنا تتضلل ليوث الكرْنه
جايعات السباع تسأل وتتذكّرنا
نحن الفوق كراسي المملكة اتحكّرنا
نحنا أعدانا تثبت فضلنا وتشكُرنا


حباب ود الفكي
الناس دي حااااضرة يا ودابوي, دا قطِع اخدر قلت لي؟

وعكير الدامر من أعلام هذا الضرب من الشعر, وله باع طويل في
الفخر والرثاء, وقد رثى مولانا المرحوم مجذوب أحمد جلال الدين
بإثنى عشر رباعية منها:

رصيدك للوداع وافر جمعتو مبَدِّر
بالتهليل وقرآن الفَجُر مُتحَضِّر
عاديت راحَةْ الدنياالرُقاده بِودِّر
عارِفه دار يباس ؤمَحَل قَدُر ما تخَضِّر

Quote: Quote: وقد أخذني الشاعر الفحل (شيخ الجيلي الشيخ الكباشي) بقصيدته "الفراق المر" التي رفلت في نحو ثمانية مربعات إلى آفاق من الشجو الجميل، وهي قصيدة تصلح كنموذج مثالي لأحاديث الفراق المقفاة. قبل أن نستعرضها نقول إن (شيخ الجيلي الشيخ دفع الله الكباشي1924ـ1979) شاعرٌ فحل يحتل مكانة بارزة في قائمة شعراء الدوبيت السوداني، فأشعاره إعتلقت الجزالة، وتألقت بالرصانة، واحتوشتها الصور الرائقة والعبارات اللآئقة، وصدرت عن موهبة شديدة الكثافة وروح جوابة هوامة. قصيدته "الفراق المر" تساقط مطرها الوردي عندما أفل ذلك القمر، واحتجبت تلك الشمس، بمغادرة زينة الحي وحسناء الحسان برفقة بعلها المتعجل إلى بلدة كرري على الضفة الأخرى من النهر، ضاناً بها عن أعين من حملوا لها في القلب عشقا، فرماهم الرحيل بنبال صائبة، وبسهام صائدة، وأخذت قوافي شاعرنا (شيخ الجيلي) تقتات من موائد الفراق المر متكئة على جدران الرصانة في نبل ووجل وأسىً عظيم: خَليتي البـــــلدْ حُـوتاً نِشـِفْ مِن مَـاهُو وفَرِيقِكْ كَلُو الشُومْ حَطَمـــُو واعـمَاهُو سَهْــرَاجةْ العُضَامْ زولِك بِقَـتْ سَامَاهُو يَحَمِيكْ رَبي بيْ لُطْفُو الجميلْ وحِماهُو شكرا ابوي الطيب والتحيَّات النواضر للأريب الأديب الأستاذ اسعد الطيب العباسي فهذا الرجل ايضا من الذين ترايمهم الروح لم التقي به ولكنني مسكون بكتاباته وباقداحه المترعة بالجمال والتي يرفد بها القنوات ولكنني جمعتني الأيام بعمه شيخ الدويبت شيخي الراحل المقيم الشيخ محمد شريف حيث كانت تربطه علاقة مع الاسرة (الوالد والخال) وكذلك جمعتني الأيام المشرقه مع الراحل المقيم الشيخ الصالح الأستاذ ضياء الدين العباسي وكذلك كانت تربط جدي الراحل المقيم الشيخ موسي (ابو المرضية) علاقة قوية جدا مع شيخ االشعراء ومجدد نهضة الشعر في السودان وعاشق البادية الرَّاحل المقيم الشيخ محمد سعيد العباسي الأستاذ اسعد العباسي (قدس سره) من شيخ واديب رائع ورجل موسوعي ونحن من حيرانه له حبنا ومعزتنا الكبيرة اما شيخ الجيلي الكباشي وصديقه الشيخ محمد شريف فهم من اصحاب الدوبيت الرَّاقي واصحاب الذوق الرفيع وفوق ذلك احبهم اهل البادية لكرمهم وعفتهم وعلو همتهم فشآبيب ربي تتنزل علي قبرهم ومادام جبيتو ذكرتهم سوف ارفدكم بالقليل القليل من عبقهم محبة وتقديرا لأستاذنا دُخري الحوبة اسعد العباسي

---

Post: #132 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-16-2013, 05:24 AM Parent: #131 . . فال الشنفرى: إن مُدَّت الأيدي إلى الزادِ لم أكُن.... بِأعجَلِهِم إذ أجشَعُ القومِ أعجَلُ إن حضَر الطعام, ماني اللَّهوف السـايب العجلان بخيـل، بي طبـعو زولاً عايـب بِنْعَشِّي ضيف الهجعه,ونرويهو حاضِر و رايب وبِنواسي سيد الوجعه, لامِن يقـوم متطايب

---

Post: #133 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-16-2013, 05:42 AM Parent: #132 Quote: . . تعالوا شوفوا الكلام السمح دا بقلم استاذنا اسعد الطيب العباسي يقول فيه:- نعم شيقا ليس بمستغرب أن يأتي ذلك الأدب الرفيع من الأستاذ أسعد العباسي. لقد فرأتُ ما كتب واستمتعت به. له التقدير ولك الشكر.

---

Post: #134 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-16-2013, 06:26 AM Parent: #133 Quote: يس بمستغرب أن يأتي ذلك الأدب الرفيع من الأستاذ أسعد العباسي. ولا غرو فهو سليل باعث نهضة الشعر فى السودان الحديث - محمد سعيد العباسي - الذي يغوص في بحر اللغة دون عناء ليخرج الدرر. اسعد يا الحبيب سليل من احب البادية بصدق و احبته و امتزجت بكل مشاعره و تجلت فى شعره بكل روعتها و روعته. ألم تسمع قوله ( يا بنت عشرين والايام مقبلة ماذا تريدين من موعود خمسين ؟) شاعرنا العباسي - طيب الله ثراه - من رجال الزمن الجميل يا سعادتك . نعم ، أسعد شبل من ذاك الاسد يا ود المكي

---

Post: #135 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-16-2013, 06:37 AM Parent: #134 Quote: ولا غرو فهو سليل باعث نهضة الشعر فى السودان الحديث - محمد سعيد العباسي - الذي يغوص في بحر اللغة دون عناء ليخرج الدرر. اسعد يا الحبيب سليل من احب البادية بصدق و احبته و امتزجت بكل مشاعره و تجلت فى شعره بكل روعتها و روعته. ألم تسمع قوله ( يا بنت عشرين والايام مقبلة ماذا تريدين من موعود خمسين ؟) شاعرنا العباسي - طيب الله ثراه - من رجال الزمن الجميل يا سعادتك . نعم ، أسعد شبل من ذاك الاسد يا ود المكي والله يا جماعة الخير حضرت باقي معمرين في البادية قابلوا الشيخ العباسي اذا حكوا ليك عن كرمو وعفتو وشجاعتو وتواضعو حتي عن صبره علي السرج وظهور العيس وشق العتامير والقناق القُفر الشيخ الراحل رجل نادر لم اجد احد احبه اهل بوادي الغرب كالراحل الشيخ العباسي ولقد كتبت يا ود المكي بالوان وسودانايل اضاءة صغيرة عن هؤلاء الكواكليت اسمحو لي ان انزل بعض منها او الرابط

---

Post: #136 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-16-2013, 07:17 AM Parent: #135 . . نحن في انتظار هذه الدرر الغوالي يا العبيد أسرع اخوي

---

Post: #137 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-16-2013, 07:49 AM Parent: #136 Quote: نحن في انتظار هذه الدرر الغوالي يا العبيد أسرع اخوي أهل العرفان والدَّراويش الذين جادوا بأجمل الدوبيت في بواديالكبابيش عبيد الطيِّب (ودالمقدم) الاخوة اسرة جريدة الوان الخير والجمال شكرا لكم وانتم تطوفون بنا بادية الكبابيش في سياحة ذهنية عبر دراويش في باديةالكبابيش للكاتب والاخ الجميل منصور المفتاح وسبق قلت للاخ حنفي عندما رفد بريدي بها الاخ منصور قلت له كم تمنيت ان تكون علي صفحة الوان لان الوان هي صحيفتهم الاولي ولان المقال كتب بلغة جزلة احببت ان يطلع عليه ابناء البادية بالجامعات والمعاهد العليا حتي يكون لهم دافعا لمعرفة ما لديهم من خامة ثرية متنوعة فقط يحتاجون لوصفها بعمق وبالسهل الممتنع يكتبون عن جمال البادية وجمال موروثها وصفات اهلها ويكتبون عن مشاكلها الاقتصادية والاجتماعية والصحية والتهميش والغبن الذي اصابها ويكتبون عن المتغيرات كالتعدين والتجييش ولان الاخ منصور كتب الدراويش كما اخبرني من كالقري بكندا فكيف يكون جمال من يكتب من حمرة الشيخ وسودري وام بادر وام سنطة ورجوعا لعنوان المقال دراويش في بوادي الكبابيش نتطرق في عجالة لاهل الذوقِ والعرفان المشايخ الذين زاروا البادية وكتبوا اروع الدوبيت وهم كثر وخاصة بيت الشيخ احمد الطيب وبيت الشيخ الكباشي والرازقية والغبش والمكاشفية والشناقيط...وسوف لا اتطرق الي الشعراء الذين زاروا البادية وخلدوها في اجمل واروع الاشعار بالفصحي وفي مقدمتهم الشاعر الشيخ محمد سعيد العباسي الذي كان يحبها ويحب اهلها ومن فرط حبه لها كان ياتيها ممتطيا النجائب من الجمال فتعمق فيها وجال في بواديها ووديانها وسهولها وروابيها بل ذهب بعيدا حتي وادي هور فجادت قريحته بهذا الشعر الراقي وتعمق في اغوار البدو فاحبوه لكرمه وشهامته وعفته وحسن خلقه وطيب معشره وقال فيها اجمل الشعر بل واجزم ان العباسي وصاحبه الاديب الاستاذ الراحل حسن نجيله هما اللذان عرَّفا وحبّبا بادية الكبابيش للباحثين والزائرين ويتملكني حزنا عميقا حين لا اري من نظار البادية وشيوخها تكريما لهؤلاء الاعلام. هذا الشيخ الوفي حتي في يوم التعليم ويعلم ان الجميع لا علاقة لهم بالبادية ولكنه يقول:- يا برق طالع ربا الحمرا وزهرتها وأسق المنازل غيداقا فغيداقا وإن مررت علي الحتَّانِ حيِّ به من المناشط قيصوما وطُبَّاقا انظروا الي وفاء هذا الشيخ الجليل حتي تمني لهم المطر والعشب وماذا يريد البدوي غير ذلك لا اريد ان اتطرق لشعر العباسي لان الكل يعرفه ويحفظه و لانني اقل من ذلك بكثير ولا للشيخ الناصر قريب الله الذي خلدها بل ورسمها في لوحة رائعة تغني بها الفنان الرائع الكابلي( الكاهلية):- وفتاة لقيتها ثَم تجني ثمر السنط في انفراد الغزال تمنح الغصن اسفل قدميها ويداها في صدر اخر عال فيظل النهدان في خفقان الموج والكشح مفرط في الهزال لله درّك من شاعر وقدّس سرّك من شيخ (الكتراااااابل حركة القدمين مع الغصن التحت وان تتناطا الحسناء باليدين الي الغصن الأعلي جعلت النهدين ...يفعلان بالسُدرانة مالم تفعله البدوية ذات رشاش والبرق الجنوبيّ اللِّميع ارسل الدّعاش وساوق نسيم الهمبريب الي الشمال ولفّ لها في طرف ثوبه مُسيالٌ من عبق النّشوق فتذكرت زوجها فضمت ابنها الصغير الي صدرها وصاحت قائلة مع ابتسامة شوقٍ وصرّة جِفنٍ :- (هِلَّك ليَّ يا العِصيرْتَكْ كيف عِصيرة ابوك) وهذا يذكرني مزحة الرجل الحكيم والدنا الراحل محمد فضل الله الاعيسر(الهرديمي) ناظر كواهلة الغرب ذلك الانسان المتفرد ويا لروعة حبوبتنا بت سليمان حين مدحته قائلة:- ما ني القاعدة في ديمي وبلقِّط في هيمي الولد البِفِش ضِيمي ابو امنة الهرديمي وهولعمري كذلك والحديث ذو شجون قيل هذا الناظر ضرب موعدا مع نائب الرئيس الراحل نميري ابو القاسم محمد ابراهيم وحين وصل المكتب منعته السكرتيرة من الدخول وكان في عجلة من امره وعندما هم بالمغادرة وقف بالقرب من النافذةوصاح بصوته الجهوري قائلا:- (ها بَنُّوت قُولَنْ لي نائب الرئيس عمك الشيخ محمد فضل الله جي وما لقي طريقة يقابلك وودعك الله راجع البلد لي ام بادر) فسمع السيد ابو القاسم صوته فاتاه مهرولا وعانقه وادخله وقضي حاجته . هذا الناظر الحكيم عندما عاد احد اقاربه من السعودية (ابوعرقوب)بعد غياب دام اكثر من خمسة سنوات وذهب ليسلم علي الشيخ فسأله الشيخ قائلا:- ( هسع جيت بعد كم سنة؟ ليرد حامد: بعد خمس سنين فيقول له الشيخ ما إتطولو الطُوَل فيها الهُول إتَّ ما شفت العربية الرسَّل ليها ابوعيالها الشنطة والمصاريف من ليبيا ومارجع قالت ليهو شنو:- وَد الناس الكُسَّر ؤخيرك ما يتبسَّر مُرسَالَك تََبْ ما قصَّر لكن وين الما بِترسَّل والله سؤال ونُص يا اهل المهجر..! تطاول هذا الليل وأزورَّ جانبه وأرقني أن لا حبيبٌ الاعبه شآبيب رحمة ربي تتنزل علي قبر عمنا الراحل المقيم الشيخ الاعيسر والي الان ما زال خور الوكيل عامر بالحسان ومازال جني ثمار السُّنط (القرض) علي حاله الاولي ولكن انعدمت( السُّدرانه والزراق )وحل محلها الجديد (الاسكرت والبلوزة و التوب) وذات شتاء اتيت خور الوكيل لاسقي بعيري وانا علي ظهره لاحظت وعكست اليّ المياه صورة حسناء تجني ثمار السنط فنظرتُ الي اعلي فرايتها فوق الشجرة فتذوقت القصيدة وفهمتها فهما جديدا ولكنني هنا بصدد المشايخ شعراء الدوبيت ولان هذا الذي اعرفه جيدا وكما يقولون( اردنا ان نَمُد رجلنا علي قدر ثوبنا) ونبدأ بشيخ شعراء الدوبيت الشيخ الشاعر الراحل محمد شريف العباسي وكان له مريدين كثر وله علاقات وطيدة مع اعيان البادية وخاصة مع بيت النظارة والذي ارسي دعائمها والده الراحل الشيخ العباسي حيث كان صديقا للزعيم الراحل الشيخ السير علي التوم والي اليوم ابيات شعره الشهيرة شاهدا علي قبره : قف علي قبر الفقيد عَلِي زين اهل النَّدي وزين النّدِي يا جسدا ضمّنُوه حِلْو السَّجايا ومُحيَّا كبارق الوسمي يا كريم الجوار لقيت بُشري جنة الخُلْدِ في جوار النبيّ وقد كانت له علاقة مع الجد وسكن واقام بالبادية ردحا من الزمن وتزوج من الكبابيش حيث صاهر فرع السِّراجاب وهو يعد من اكبر فخوذ قبيلة الكبابيش وهو القائل:- بعد ما قُنا رُقْنَا ومن سَهَرْنا هَجْعنا كَرْ يا قُمري لا تسرب علينا وجَعْنَا حبّينا البوادي ومن اهلنا نَجْعْنا ياريت كنا من اوَّل شهورنا رَجْعنَا الوادي الغزير شقلو وغديرو مَسرّف ياريت ان قبيل بيهو الزمان ماعرّف الضِّيب العَلي راس القَلَعْ بِتْكرّف رَزَمْ واتْشاَبا لي ليم الغروب بِتْشَرَّف يا ابو كَريتْ اظِن نجمات سِعُودنا انْدَرقنْ وديل غَابَنْ وديل من اللّدَياّت فَرَقنْ البلد العَلي سهمو النَّعَايِم مََرقَن قلبي بِدُقَّلو الرُّمْبَه ومَعَالْقو انْحَرَقنْ الشطر الثاني وردت (البِديّات)ثم ايضا له مجادعات مع الشاعر السراجابي الكباشي مُضعن (مظعن)الذي يقول:- كَسْر الهُرْبَِة والوادي اب غديرا حابسو ايديك بتعلّو شقاقو وجروفو ويابسو الليلة اصبحت كاكك وبردلوبك لابِسُو علي البي خيط حرير شبل الزِّمام في حوابسو ابو رقبة الفَرَ شْ هِدَبُو وعملو مطارِح نازِلْ كَرْكَرْ الوادي الدربو مَقَارِحْ علي مُشْهادو ساسيت ؤقِِِمحت لي البارح وخازين النِّجُوس عرفوك بيهُنْ سارح الديف اللمو شوقارة وجرت مندرقي علي سقديبها واليت النقيق يا الشرقي بطانك ساج وبدانة حشاك منحرقي واتسلهكت عروسا ربعنت لي المرقي (يا مَسنُوح الجمل باقي سحرتو والله وصفتو) والعروس عندنا في البادية سوف تكون حبيسة البيت لمدة اربعين يوما ثم تخرج في اول زيارة الي عمها او خالها ولكنها تخرج عروس بكل دلالات هذه الكلمة واذا اخذنا في الحسبان ان لا توجد عندنا في البادبة كوافير ولا كريمات ولا الشاميات والمغربيات اللائي ظهرن اخيرا في السودان كظهور المغنين الجدد (جاعر وعوعاي وعواء) والمحلّليين السياسين كل يوم يَطُل علينا بالقنوات شخص جديد بمُسمَّي خبير اقتصادي محلل سياسي والسودان واقف وقفة ادروب في سنة أُولي وحين نكتشف الخبير يظهر لنا بانه (مَعَّازِي) نكتفي من شيخ شعراء الدوبيت بهذا لان الاديب الصناجة حفيدهم الاستاذ اسعد العباسي تطرق لذلك ولكننا ايضا نقول ان لهذا الشيخ شعر كثير نسب للبعض ولكنه بادبه الجم وتواضعه لم يتطرق لذلك و لم يحرجهم ابدا ولكننا نحن نعرف ذلك وايضا زار البادية الشيخ الشاعر الكريم الفارس الشيخ الجيلي الكباشي (صاحب الميركري الشهير) وكانت تربطه علاقة قوية مع اعيانها وشيوخها وله فيها مريدين واصدقاء وكانت تربطه علاقة قوية مع الجد وحدثني احد اعيان البادية قائلا:- لم اري رجلا لا يخاف الموت كالشيخ الجيلي وقد كان رحمه الله كريما مضيافا بشوشا مهيبا فارسا وقد كان صديقا للشيخ محمد شريف وكانت له مجادعات مع الشيخ محمد شريف حيث رد الشيخ الجيلي علي الشيخ محمد شريف بعد ان قال الشيخ محمد شريف :الوادي الغزير شقلو..... جادعه الشيخ الجيلي الكباشي قائلا :- جبّال العِريفَات والقِليع اب شَاوْ مابِمْشُولو فَقَّارَا رِكُوبْهُن حَاوْ عيل ود العَنانِيف اب ضَمِيرا هَاوْ يِمَتِّع سِيدو في البلح النَّضِيف مُو جَاوْ البِدُورَك خُتُّو في راسَك والِنسَاك انْسَاهُو والياَبَاكْ اتُرْكُو ان كان سِمِعَتَ نَبَاهُو ود الدَّابي بي الصّح بِلْدَغ الرَبّاهُو وابو القنفُود حقيقة بخرِّش الحَبّاهُو هذا ولشيخ الجيلي دوبيت كثير معروف للجميع لم نتطرق اليه مثل بيك نورة كرري.. وسماكي زرقتو والميركري والكثيرالكثير. ايضا نشأ في البادية الشيخ الشاعر السِّراج ودطه حفيد الشيخ الكباشي وهذا الرجل قابلته عندما كنت معلما وهو من اكرم الناس حتي سار مضرب مثل حيث نجد الشاعر خبير الصحراء الباقر ود ابو زهرة عندما رثي صديقه الفارس ود مَدوقه العدوسي شبهه بالسّراج حيث يقول(ربيعي الفنجري الكيف السراج ودطه اريتو إنْقِبيل الحربة ما لاقاها ) وللشاعر الباقر ود ابو زهرة السِّليماني الكباشي رثاء راقي لصديقه محمد ودمَدوقه :- مُحمَّد ود مدوقة المن صغيِّر تبّا كاتم سِرُّو بي بطَّالة ما بِتنبَّا أوكَت حصَل القَدَر سِمع الكلام إنْرَبَّا بِضْرُب بي أم قِرون نَامَت وَقَع ما خَبَّا ربيعي الفنجَّري الفارَقْتُو عيل بي الزّيني أوكَت جابو خبرو النوم غرَزْ من عيني قَرَّارة العبوس عِنْدِك طبيعةً شيني شلتي الرّاجِل البِفدُوهو بي زوليني يقول السراج ودطه:- الليله آ الدِّعاش رِقْ ام وتيد فَكّرْتو لي البي غرودو والكَاكْليتُو حَاوِي بَقَرْتُو ؤكَتْ تطرا سام تَقرُو ومراعي ضَهَرْتُو تجيك مِتْرَاحْلِي موجة سيل وطَابْقَة مَطَرتو الرق بالراء المكسورة هي صغار الابل والوتيد وسمهم والغرود اعالي رمال الصحراء والكاكليت ذكر بقر الوحش (المها) ويسمي بها ايضا البعير الفحل (الشُّوح) وايضا الشاب القوي... وتقرو هو من اخصب مراعي الجزو ولكنه الان صار منجما للذهب تجيك متراحلي يقصد سيرالابل عند الرحيل ومن اروع وصف سير الابل قول احد شعراء الكبابيش ألبِل غيَّسَن حَجَراً وقَع في هاوي ؤقطعن صعَّدن دَمَراً مع الدينكاوي ؤجَن ما دّات كيف هرع الصَّباح الدّاوي عقَلَن فوق اهَلْهِن ؤ ساقَن الفَدَقاوي ايضا يقول السراج ودطه بيرنا ام فاقه يوت مَزْرُودَه بي اللِّقحَن بدارا ؤطَقّن المَفْرُوده ناساً يوم ضماهُن بركبوا المكرودَه ما بلاقونا فوق عِدْ السِّليم وارودا مَزرودة اي مملوءة بالنِّعم والزردة كلمة عربية فصيحة وهي حلقة الدرع والسرد هو ثقبها وزرده اي خنقه بالحبل اي لففته حول عنقه وكذلك البئر اللّقحن بدارا اي عِشْرن بدري بالدارجي ومعلوم عندما تلقح الناقة تنفر فصالها ولا تمكنها من الرضاعة ويسمي مَفْرُود – المكرود اي الحمار ناس حَاروقا من الوادي شِرْبَن وقفّنْ وناس بت ام عِقال من الوَسِيق اتحفّنْ واشوقك علي البَضْرَة ام بُروقاً رفّنْ وشوق سيدك علي الفوق الحُفر بدَّفَّنْ حاورقا اسم لناقته –قفَّن اي سدرن الوِسيق اي ربط بعيرين بحبل واحد وان تطردهما امامك وانت تمتطي بعيرا – البضرة العشب الطّرِي وجديد – رفَّن البروق اي لمعن فبعيره يشتاق لاعشاب الخريف وهو يشتاق الي زوجتة وبدفَّن له معنيين....! ايضا نشأ في البادية الشيخ الدليل الكريم الفارس الحاج صالح الشيخ محمد الكارس الرَّازقي وهو حفيد الشيخ بانقا الضرير وقد كان دليلا للابل وقد كان خبيرا بمناهل المياه وبالمراعي وقد كان كريما ينحر الابل للضيف كذبح الماعِز لا يجعل لها قيمه ابدا امام الضيف واظنه اولي بهذا البيتين من بجير المازني حيث يقول:- فقلت لاهلي ما بقام مطيةٍ وسارٍ استضافته الكلاب النوابحُ فقمتُ ولم اجثم مكاني ولم تَقُم مع النفس علاة البخيل الفواضحُ وقد كان شاعر دوبيت رائع حيث يقول ما اتْلومْتَ يا قلبي البقيت تتهبَّل وما اتشبَّكتَ في الخزنة الزِقَاقْهَا مَطبّل يا خُنْتيلة النخل ام زَبيطاً عبّل بقسم ليكي نوم عيني العليكي مَسَبّل حدثني الباشمهندس عماد قائلا:- عندما سمع الشيخ الشاعر المتفرد محمد سعيد الطيبي هذه الغنوة لاول مرة ولم يعرف صاحبها قال :-هذا الشاعر شيخ ومن اصحاب النفس اللوّامة وهذه المحبوبة بنت ملوك من حراستها وقد اعطاها اعز ما يَمْلُك وهو نومه المعدوم اصلا) هذا تشبيه رائع شبه زبيط البلح بعبل الابل (ام زبيطاًعبَّل) ايضا يقول الحاج صالح:- فوق الدونكي جات ام نَايِطْ وشالت الكاس بدبورة و3 شرايِطْ ياعبلوجة اللنقيبها جَكَّا بِعَايِطْ لونك خُضْرَة القايِم دِقاق مُو شَايطْ اي اخضر واظنها تشبه الخريجة التي ذكرها حسين خوجلي في عموده وبالمناسبة اللون الاخضر هو اكثر الالوان شيوعا في الدوبيت وزي ما قال حنفي :- خضار التاكا جوّو ربيعي ومحلف منو ما خدين بصْمَتي وتوقيعي يا الفرهودا لا بتليني لا بتطيعي واهلك معلنين حالة الطَّوارِي طبيعي ايضا يقول الحاج صالح :- يا الحيماوي سرجك نوّا والمخلوفة من رَقَلِيك بتاخد عوَّا يوم اللِنوي لي ام فاطراً بروق الضوّا بخلي الفروة جنحين القِطَابي الخوّا ايضا زار البادية وصاهرها الشيخ الشاعر المتفرد محمد سعيد الشيخ عبد الجبار الشيخ الطيب وقد كان ابنه محمد شريف صديقي وزميلي في التدريس ولقد دونت منه الكثير ولكن لاادري هل مازال موجودا ام اتلفه احد القوارض عندما وجده في مخلاية او جراب وهنا تحضرني غنوة الكباشي الذي اكلت جنسيته احدي الفئران وكان ينوي السفر الي ليبيا عبر الصحراء هوي يافارة هي يا انتايه بعد الجنسية اوعي تقددّي المخلايه اتي عديلة بي تحت الغصن جرايا وكان شلت الضقل ضيلك بقيف سَقَدايا والشيخ محمد سعيد شاعر مرهف وله دوبيت في غاية الروعة انظروا اليه حين يقول:- يا تيس قُنَّة الصي المتاتَنْ سَرقُو وقصدو يهاجم المِن المَدامِر مَرَقُو ريل ابْنَادم القلب بي النواضِر حَرَقو جبينو وصبري والنوم من عيوني انْدَرَقو المتاتن الرقل اي سير الجمل الذي اقرب للخبب- وله طرائف مع صديقه الشيخ الشاعر ابراهيم الدلال الشنقيطي منها:- هبّن لي الرشايم في حقابات صيفو ونوّار سمرو صَرَاهُو الدعاش في طريفو الناس الكبار حضروا الزمان بي عِريفُو ماقالولنا لاقاهُن جِدَي بي شِنيفو هذا لعمري من الدوبيت الراقي والدلال هذا حفيد مشايخنا الافاضل الشناقيط ووالده من العلماء الاجلاء ولقد كان ابراهيم الدلال تلميذا محببا عند الدكتور عبدالله الطيب وصديقا لشيخ الشعراء عبدالله الشيخ البشيرعندما كان يدرس بجامعة الخرطوم وذات مرة قال لهم شيخ الشعراء عبدالله الشيخ البشير :- :- منذ ان فقدت بصري ما تمنيت ان يعود لي بصري الا ان اري الدلال والامين كاكوم انطروا الي روعة الدلال حين يقول مخاطبا وادي صداف الجميل :- صداف البقوقي دباسكْ مدة طويلة من وارف ظلالك وناسَكْ تعّالك هَدَج وزُرق السحاب اتماسكْ وحتّان تاني ساري المُدْجنات الباسَكْ هذا لعمري وصف في غاية الجمال والشاعرية المرهفة وخاصة المقطع الاخير سواري المطر وليلها المظلم ومطرها الغزير كأنها تبوسه وهي لها معنيين لا ادري ايهما يقصد الشاعر المعني الاول باسه اي قَبَّلُه والمعني الثاني الكبابيش عندما تقول لك باسك اي(مرمطك او مرمرك في التراب) وكلها تشبيهات رائعة، ذات مرة من المرات قابلت الصديق الدلال وهو قادما من منطقة الرهود جنوب شرق حمرة الشيخ وكان الوقت وقتئذٍ (درت) فسمرنا وتآنسنا واتحفني بروائع من جديد الدوبيت استحضر منها:- ليه يا صيدا ليه يا صيدا مشطوب إسمي من دفتر حِساب الرَّيدة قالت لي عشان طوَّلت طولة شديدة آخر مرّة شُوقارتك معاك حِمّيدة لونك خندريس الدّنْ وصفك حيّر الشعراء وجرارق الفَنْ ويا خلبوسة الوادي اب دباسا طَنْ صعيب الزكري لو طارق خيالك عَنْ سوارك فوق معاصمك رَنْ وشبهك في الدحاميس بي البياحات قن عاشقك دوبا ليكي وحَنْ وشعرك سدفة الليل اب ظلاما جَنْ لو يجمعنا لو كان في الخيالات كَنْ وطمبور شوقنا بي مُر المواجيد أنْ قارحك سوّا ليهو مَصَنْ وسربك واقع النقعة ونهارك صَنْ الكن هوقفص الدجاج والقارح هو ذكر الصيد والمصن هو مراحه ومكان مبيته والكبابيش تسمي ذكر الصيد ايضا بالتور وهودليل الصيد وقائده كما يقول شيخ العرب ودأبو سن (وجَاهِن وعافَطَنُّو وحيل سَدُوهِن قام) الدَّحَامِيس بالدارجة المورتانية او الحسانية وتعني وقت الغروب –والبياحات اي التلال القُفر وكما يقول الخبير الخرِّيت قاهر العتامير الشاعر ود قدّال الكباشي: خَطَم دُرع البياحات جاهِن الوِقِّيل ؤجاهن يتاتي رقاصة وصِباها جميل ايضا نقتطف من ود حجير جبرة حفيد الغبش ناس الشيخ عبدالله ود ابو الحسن (راجل القويز) له دوبيت كتير لم تساعدني الذاكرة ولكنني اعجبتني غنوة قالها عندما عاد من البادية الي الجزيرة وراي ماذا يفعل لقيط القطن بالحِسان وبشفافية البادية التي تشبَّع بها لاحظ وجود فرق بين لقيط القطن وجني السُّنط (القرض) حيث يقول:- انشاء الله القطن يا خوانا ييبس عِرقو ويدو اشارة لي بركات بي يباسو ؤحَرْقو ابو لوناً متل لون الدَّهب ما اتفَرَقُو اثَّر فيهو زي نقش المداد فوق ورَقو لكن نقول له ناس الانقاذ وادارة المشروع تكفلت باجابة دعاءك وذلك بتجفيفها لزارعة القطن و... ....! ايضا عندما كان يشتري الابقار من البادية كانت (تايته) بجوار (تاية) حسناءين جميلتين مع ابقارهِنّ فكان يأتيهن لرد السلام في المساء والصباح وتفقد احوالهن فجادت قريحته ب:- مساكَنْ خير صباحكَن هادي وتفاح دنقلا القايم قريب لي الوادي امنة كتلَت زولها والجيران بقتلو شِهادي وسعيدة تِكَلْبِش الباشا وتزيدو زيادي وامنة وسعيدة اظن كان شبابهُنَّ وصِباهُنَّ كصبا القُفل تلك الحسناء التي ذكرها الراحل المقيم الاستاذ حسن نجيلة في ذكرياته واخيرا هذه دعوة لأبناء البادية للتوثيق عبر هذه الصحيفة واعني الوان ونرجو ان تزوروها وتشكروها وتثمنوا ما تقوم به نحو البوادي والريف المنسي وايضا الشكر لاسرة سودانايل لتوثيقها لموروث البوادي ولسودانيز اونلاين وانوه هنا اذا قام المخيم الشتوي بالبادية نرجو الالتفات لتكريم الشيخ العباسي والاستاذ نجيلة والاستاذ الطيب محمد الطيب في اسرهم وكذلك البروفسير عبدالله علي ابراهيم لاني احسب انهم قدموا لبوادي الغرب ما لم يقدمه الاخرون وكذلك نرجو التخطيط لاخراج هذا المخيم بالصورة التي تليق ببوادي الغرب وعكس موروثها الضخم ويا حبذا اذا تمت دعوة امثال طلال الاسد واخرون. لقد رحل عن الغرَّارة العبوس قبل يومين الاخ والصديق الشاعر الرائع محمد ود صالح(المرغوب) الفحلي النورابي الكباشي وهو من الشعراء المُجيدين ومن القلائل الذين يحفظون شعر وموروث بوادي الغرب وبموته اظننا فقدنا مجلدا ضخما من التراث فشآبيب رحمة ربي تتنزل عليك بقدر ما اعطيت باديتك من ادبٍ راقٍ وشوارد من الدوبيت الرائع وإن لم يضعوا علي قبرك شاهدا فما زالت نار سنافِك في الاعالي تُهدي الجميلين من ملح الارض والمُسْكرين بطبعهم وأُنْسِهم كما يقول حنفي وعشاق جرارق الدوبيت وقد كنت ايام شبابك الانيق وانت تمتطي النجائب من الجمال وكنت مولعا بالرجز من الدوبيت وألغاز وحكاوي البادية وذات شتاء حين وصلت الي بئر (ام عجيجة) ونسيت السلام علي احدي الجميلات المُلسنات فصاحت قائلة: يا الرَّقيتا حِزامَك ويا الصُّوبَنت هَدَّامَك يا المَرغُوب سلامَك الجيل الواقِف لامَك ياله من عتابٍ لطيفٍ وملامٍ شفيف لترد عليها قائلا:- سُلطانة بنات ما إضلِّي وفوقهِن ظاهرة كيف نار السَّناف بتلِّي العانس السيدها فوق كوفات عقَر ناس سلِّي بمتِّل ليكي يا الدراسة القوانين حِلِّي رحلت يا صديقي (المرغوب) والبادية بصدد اقامة مخيَّم شتوي وهي في اشد الحوجة اليك ولا اظنُّ احدا سوف يملأ الفراغ الذي تركته، ذكرياتك وأُنسك يتعذر نسيانها فكنت كما الخريف ورحلت كما السَّواري المُدجنات وعزاء البادية في شقيقك علي ،اللهمّ طيّب بشأبيب رحمتك روحه النَّاشقة واجعلها لخندريس خمر جنانك ذائقة عبيد الطيب (ودالمقدم) بادية الكبابيش جزء من المقال تم نشرة بحريدة الوان واوردناه بسودانايل حسب اقتراح بعض الاخوة بدول المهجر

---

Post: #138 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-16-2013, 10:54 AM Parent: #137 يا سلام يا ود شيقوق و يا أخونا العبيد، صح لسانكما و شكراً علي هذا الغيث الهتون يا هو جنس الكلام العجيب ده البخلينا ننطم ونراعي بي عيونا كارسين ساكت، مزامير الجن دي ما بتتصاقع، وحات أب غرة (كما تحلف جدتي زهراء بت علوب) جنس القطع دا في عكاظ مافيّ، ومشكار عكير يقف له شعر الجلد، ما سمعت ولا قرأت أحكم من صياغته عند المديح مما قاله في الإمام عبد الرحمن المهدي: عقيدتنا فيك كنداب حربة ما بتلخلخ وصرة عين جبل ملوية ما تتفلخ ومسكة إيدنا فيك إن بقت تتملخ عاد السما الينقد وجلد النمل يتسلخ أنا لله .. يا ود المكي شوف الخيال ده كيف و كنز المفردات والقوافي الشُرّد؟ المشغوليات آ ناس حاميانا المشاركة علا هاكم المشكار دا قطع أخدر: أبوك آ خالد اللشوّل شُكالّ العاردة أخوك آ بت أبوك رسن العقول الشاردة أكان يصفى البلد والفتنة تهجص راقدة بخُتْ مخلوفتِي فوق عنزّ الكلام الفاردة

---

Post: #139 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-16-2013, 05:06 PM Parent: #138 Quote: المشغوليات آ ناس حاميانا المشاركة علا هاكم المشكار دا قطع أخدر: أبوك آ خالد اللشوّل شُكالّ العاردة أخوك آ بت أبوك رسن العقول الشاردة أكان يصفى البلد والفتنة تهجص راقدة بخُتْ مخلوفتِي فوق عنزّ الكلام الفاردة وهاك دي قطع اخدر برضو أبوك يا الدُّخري ما بْطُّرْدْ البِتَجْفِل شارْدَة ؤأمَّك أُم نَفَل توب العِروض لي زَارْدَة ؤحوض الضَّايحة أخوك مٌشْرَع شراب الوَارْدَة ؤأخْتَك زَغْرُودتا تِسِنْ القلوب مِي بَارْدَة البلد السَّمِح ؤعن طيبتو الخلايق سارْدَة طَرَدْها طيورو لي جنحيها كل يوم فارْدَه قسمو وطاتو عُقبان مترو بي الياردة ربَّاطة وفسالة جُفُر ؤلدْغَة كلامهُن طارْدَة

---

Post: #140 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-16-2013, 06:02 PM Parent: #139 Quote: Mأبوك يا الدُّخري ما بْطُّرْدْ البِتَجْفِل شارْدَة ؤأمَّك أُم نَفَل توب العِروض لي زَارْدَة ؤحوض الضَّايحة أخوك مٌشْرَع شراب الوَارْدَة ؤأخْتَك زَغْرُودتا تِسِنْ القلوب مِي بَارْدَة البلد السَّمِح ؤعن طيبتو الخلايق سارْدَة طَرَدْها طيورو لي جنحيها كل يوم فارْدَه قسمو وطاتو عُقبان مترو بي الياردة ربَّاطة وفسالة جفُر ؤلدْغَة كلامهُن طارْدَة y Quote حباب العبيد أها: أبشر يا العبيد بي بلداً معبا حفيرو للري والسقا تشرب بهيمتو وطيرو حليل الدنقرن رعداً بعوي كريرو ومتوهط علي ضهرَ العواتي صغيرو

---

Post: #141 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-17-2013, 09:46 AM Parent: #140 . . أهل العرفان والدَّراويش الذين جادوا بأجمل الدوبيت في بوادي الكبابيش عبيد الطيِّب (ودالمقدم) واللهِ يالعبيد ٌقرأتها مثنى, وفي النفس حاجه للعودة لها. وطبعاً هذه الدرر الغوالي أزف خبرها للأمين كاكوم, حتى لا يتهمني بالبخل. الله يديك العافيه آ ودالطيب.

---

Post: #143 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-17-2013, 09:58 AM Parent: #141 Quote: أبشر يا العبيد بي بلداً معبا حفيرو للري والسقا تشرب بهيمتو وطيرو حليل الدنقرن رعداً بعوي كريرو ومتوهط علي ضهرَ العواتي صغيرو شكرا راشد انت يا زول طاعم لكن هاك دي البلد الكرَّ رعدو ؤشال سحابو إتْحَيَّنْ ملاها حفايرو رهَّادو ؤجروف ؤودَيَّنْ رفعها الرَّازة حت ضرع العجوف إتْلَيِّن والتِّلْب الفدر عُقباني هاج ؤإتْبَيَّن ؤلفحو الكور علي ضهر العواتي صبيَّن بعد ما كان معزَّة ؤلي الصِّعاب تِتهيَّن حرام تشحدْ وليتو ولي الفتات تديَّن ؤسال دمَّاعها مضْيوما ؤشعرها مزيَّن

---

Post: #142 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-17-2013, 09:57 AM Parent: #140 . . أبوك آ خالد اللشوّل شُكالّ العاردة أخوك آ بت أبوك رسن العقول الشاردة أكان يصفى البلد والفتنة تهجص راقدة بخُتْ مخلوفتِي فوق عنزّ الكلام الفاردة خُت مخلوفتك محل ما تْدور آ ود الشيخ تقول لي قطِع اخدر؟ يدِّيك العافيه آ ود الشيخ.

---

Post: #144 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-17-2013, 10:17 AM Parent: #142 Quote: واللهِ يالعبيد ٌقرأتها مثنى, وفي النفس حاجه للعودة لها. وطبعاً هذه الدرر الغوالي أزف خبرها للأمين كاكوم, حتى لا يتهمني بالبخل. ودالمكي اخوي والله الجراب مو عدمان الحُتحات لكن اني ماني بخيل لكن والله بي الدوبيت بخيل وان ما لقيتكم انت وابوي الطيب وناس راشد وود الفكي مابمرقو وفي كتير من المقالات نشرتها ببعض الصحف لكن كان لقيت ايميلك وايميل الامين بدوي وابوي الطيب بحتاج لبعض ملاحظات اهل الشأن مثلكم حتي يتم تصويبها (وبربحتها) لكم محبتي

---

Post: #145 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-17-2013, 10:27 AM Parent: #144 Quote: ملاها حفايرو رهَّادو ؤجروف ؤودَيَّنْ يا الله يا العبيد وود المكي بالله تأملوا في عبقرية هذا الشاعر الصنديد الذى إستحدث نمطا لغويا جديدا لدى جمعه كلمة (وادي) ب ( وديّن) ياخ دي سيبويه ما سواها دا يا ود الفكي ذكرني بدويا آخر جمع كلمة (جبل) بالجبّال عندما قال ( والجبّال بقت سافلنا)

---

Post: #146 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-17-2013, 10:51 AM Parent: #145 بالحيل يا ود شيقوق ملاحظتك عميقة زوليّ الكباشي الجبت مربوعتو فوق قال بعد ما إتباعضن (جَمْالّ) وسوطي جّبَكّ وهنا أيضاً جمع الجمل بي جَمْالّ سيبويه كان حضرهم كان أخدلو نقلة نقلتين وما حصر بحور الشعر وضيقن لله درهم أجدادي شعراء الشعب ولود المكي الكبير أن مجدهم وإلتقط عبقريتم في ديوان أمتي

---

Post: #148 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-17-2013, 11:41 AM Parent: #146 Quote: بالحيل يا ود شيقوق ملاحظتك عميقة زوليّ الكباشي الجبت مربوعتو فوق قال بعد ما إتباعضن (جَمْالّ) وسوطي جّبَكّ وهنا أيضاً جمع الجمل بي جَمْالّ سيبويه كان حضرهم كان أخدلو نقلة نقلتين وما حصر بحور الشعر وضيقن لله درهم أجدادي شعراء الشعب ولود المكي الكبير أن مجدهم وإلتقط عبقريتم في ديوان أمتي انت عارف يا راشد اخوى المتمعن في مفردات اهل البادية يجدها قريبة جدا من المفردات اللغوية التي استعملها شعراء المعلقات لا سيما زهير ابن ابي سلمى . انا شخصيا ممعن في حب البادية واهل البادية وكثير الجلوس معهم . اهلنا ناس البادية بقولوا ليك اليوم عندنا (ضمي) والضمي هو الغب عن الوردة بالنسبة للابل ( ولا شنو يا العبيد؟) وزهير ابن ابي سلمى في معلقته الشهيرة قال ( رعوا ظمأهم حتى اذا تم اوردوا....) فبدلا عن (الضاد) استعمل (الظاء) وما زال اللخليجيون ينطقون الضاد ظاء . وهكذا عمرو ابن كلثوم عندما قال ( صبنت الكأس عنا أم عمرو وكان الكأس مجراها اليمين) . فالصبان او الصبنة هي الفترة التي تضن علينا السماء بمائها . بس زولك هنا بيكون جاتو الانكراشة بسبب تصبّن الكأس عنه .

---

Post: #147 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-17-2013, 11:22 AM Parent: #145 كتر خيرك آ ود المقدم الطعامة إن فاتتك يين تنلقي؟ زيّ ما نوهتا فى راس البوست دا أنا ما زول بوادي أصيل عشت شباب و طفولة في قبل السودان الأربعة علا مأسور بي الكلام الطاعم وأباري فوقو مكان ما طار وإجلبو بي عصا (الدنباري) ريدتاً في الغنا وهياماً بالحياة البسيطة رغم صعوبات الجبال وصعوبات السهول والبوست دا وقع لي في جرح أولاً بالتبادي (أتنوشق) النم الجديد بي دميع لحاهو يسيل وريحة عُرفو تجيلك متل القهوة للخرمان (جرّبْ كرفة عود الطلح اللخدر وإت بي فاسك تكبر فيهو؟) وتانياً أشوف صدي غنايّ عن أهل المغني (والشاعر الصدى كما قال المتنبي) وتالتاً قريتلك في بكاناتاً تانيات وبدور أفرز غناك من غنا الجالبهن للتوثيق ومتعة القراء وآمنت بالله من قطعتك اللخدر المابدورلو معقب ولا بربيح و السدادة آ ود المقدم أحاول أثبت لي روحي دي زعم غليظ يدعمو الحدس ود أعم اليقين أنو أشعر الناس هم أهل السودان ولي نظرات في غنا أهلنا الفور وأخيلتهم المستوحاة من الواقع الإجتماعي وغناهم الأغراضو بالحيل مختلفة من أغراض الشعر العربي، كنت أتقن اللغة كأحد أبناءها وللإنقطاع الطويل (42 سنة!!!!!) أنسيت جلها ولم يتبقي منها بالذاكرة إلا ما يحتاجه السائح لقضاء أغراضه أها كان إترفع القلم بجيك صادي علا براعي ساااااكت في أغلب الأحوال وألقط في الدرر البتتوقع من جرابكم الملان شيتاً متعة تجعلني أصرخ أحياناً وحولي من لا يفهم سر الجذب الصوفي الذي ينتابي وأنا أقرأ هذا السحر وشيتاً أأكد بيهو زعمي بعاليه و (كل زول بونسو غرضو) ممتن لكم جميعاً وكان عوقت عليكم سببي الما بنقدر ... المشغوليات وضيق الوقت تجيكم العافية التسرى في عضاكم

---

Post: #149 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-17-2013, 12:05 PM Parent: #147 كلامك سليم أخوي ود شيقوق، حتى في دارفور عند الناطقين بلغات غير العربية يستخدمون مفردات كأنها من صميم لغتهم ويمكن مردها للعربية الآبدة مثلاً : توّا وهي تستخدم تماماً بمعنى تواً أو الآن أو تفيد بالعمل المؤكد في المستقبل القريب (بعد شوية) وحَدُّو (حده) أو نهايتو أو منتهى الموضوع (خلاص) وقس على ذلك هذا الأمر يقتضي توفر المتخصصين في علم اللغات و الأنثروبلوجيا وغيرها من ضروب العلم ذات المناهج والتجريدات التي يمكن من خلالها إستجلاء أمر اللغات وردها إلي جذورها للمتابعة يمكن الرجوع لكتاب دكتور لويس عوض (في فقه اللغة) فقدت نسختي و أبحث عنه الآن. الإستاذ الدكتور إسحق محمد الأمين القرشي له باع طويل في هذا الأمر (حياه الغمام و آخر عهدي به في السبعينات من القرن الماضي برفقة مكي أبو قرجة وأصدقاء آخرين) علي حسب علمي هو الآن بالعين فهل لنا من يخرج لنا مكنوناته الثمينة؟

---

Post: #150 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-17-2013, 01:13 PM Parent: #149 Quote: يا الله يا العبيد وود المكي بالله تأملوا في عبقرية هذا الشاعر الصنديد الذى إستحدث نمطا لغويا جديدا لدى جمعه كلمة (وادي) ب ( وديّن) ياخ دي سيبويه ما سواها والله يا ابو ي الطيب دي قطعتها اخدر جديدة حت ما بربحتها بس لقيت عمرة راشد ود الشيخ وجدعتها اها اني مارق وهاكم دي اظنها حقت صاحبي (الشنفري) الفارقنا وشال الصحراء والطوارق وترك ولدك العبيد متهوِّل والله يا ابوي الطيب وانا صادق عندي منو حول 12 سنة ولي اليوم ما قدرت انساهو ونفرني في خلق الله ........ دانيتو العصير ؤغدرتو قجّيت لي الرَّسن دسَّالي فيهو كزمتو قلت ليهو المبيت قال القبيل قادَمتو قلت ليهو الشراب قال ليَّا من عَرْطَمتو اها اني عرب العرطمة خليتهن في السودان لكن ماشي اشرب لي حليب لُقح ودي حقت صديقنا حاج سعدالله عرقوب قدمك فد فتر ؤفوق الفتر ما لَم وخشمك رُشفة الفوقو العسل منلَم أُم نهدا مُحجن العافية البجيب الدَّم فارقناكي عاد تاني المنام فوق كَم

---

Post: #151 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-17-2013, 02:14 PM Parent: #150 آ ود المقدم كلامك تور الحمى والغنا أنصبَّ صبة ألمي في دوانة هاك دي طبيقة لي نمتك الفوق: وا حرقة حشايّ اليوم وحيحي ؤيا فليليّ إتبين مغبون آ ضراعي أدودر في الظروف واتحيين لي شوفتا المهاريّ البي الوهاد تتريّن نشيل شبالنا من ديساً دهين ومزيّن برقَّ القبلي وجوج ؤعفرت سحابو إتريّن ينْهّم فينا جملة من كبار وصبيّن نتلّبب دروعنا وبالسيوف نتزين كيف أم برعة مضيومة وشعرها مزيّن؟

---

Post: #152 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: راشد سيد أحمد الشيخ Date: 01-17-2013, 02:16 PM Parent: #150 آ ود المقدم كلامك تور الحمى والغنا أنصبَّ صبة ألمي في دوانة هاك دي طبيقة لي نمتك الفوق: وا حرقة حشايّ اؤيا وحيحي اليوم فليليّ إتبين مغبون آ ضراعي أدودر في الظروف واتحيين لي شوفتا المهاريّ البي الوهاد تتريّن و أشيل شباليّ من ديساً دهين ومزيّن برقَّ القبلي وجوج ؤعفرت سحابو إتريّن ينْهّم فينا جملة من كبار وصبيّن نتلّبب دروعنا وبالسيوف نتزين كيف أم برعة مضيومة وشعرها مزيّن؟

---

Post: #153 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-17-2013, 03:02 PM Parent: #152 يا ناس خافوا الله فينا جاييكم بالمهلة

---

Post: #166 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: Muna Khugali Date: 01-20-2013, 05:55 PM Parent: #125 أُم عِروض رُكن الحجيج في دروها ماها العِيفه حافظة إيمانها والسودان تذيد تشريفه العِرق في التَّري بِت شيخا عظيم ؤخليفه بكفِّي ضيوفو من قدحا كبير بي حَليفه يسلم ود المكي ويسلم ابوي الطيب وتسلم أُم عِروض ويسلموا الجميع محبتي ______________________ شكرا يا عبيد.. ياريت لو بقدر اقول زيك وزيهم.. كنت كتبت ليك كلام سمح كتير.. تسلم..

---

Post: #154 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 01-19-2013, 11:42 AM Parent: #19 دا الشاعر ابراهيم ود الفراش بوصف في معشوقته الدون ماها السمينة عناق التوتو الخضر عسين تقرد الديس على الروبة الدهينة بتسند تقول ما سكاها طينة ماها أم تموكه عناق التيتل الخضر تبوكه تقود الديس على الروبه الدهوكه بتسند تقول طاعناها شوكة

---

Post: #155 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-19-2013, 11:57 AM Parent: #154 Quote: دا الشاعر ابراهيم ود الفراش بوصف في معشوقته الدون ماها السمينة عناق التوتو الخضر عسين تقرد الديس على الروبة الدهينة بتسند تقول ما سكاها طينة يا سلام ود الفراش الشاعر الخُلق شاعر ويسلم الذوق يا ود الفكي ماها أم تموكه عناق التيتل الخضر تبوكه تقود الديس على الروبه الدهوكه بتسند تقول طاعناها شوكة وترا يا بخات الحال دي شعر الجالسة الان بقي مو موجود لكن عندنا في بوادي الغرب موجود وأظن من اوائل الناس القالو شعر الجالسة هم بني جرار وهم رواد الدوبيت وخصوصا غنا الجالسة بإمتياز ( الفارس جلي ابو فاطنة- بت مازن الجرارية - الفارس كورينا) ديل قالو الشعر ايام مملكة الفونج لكن الي اليوم لم يتطرق لهم احدا لكن اخوكم يا جماعة كان الله مد في ايامو سوف اوثق لهم وهاكم دي يا ود الفكي جزء من خريدة جالسة للشاعر المبدع جدا حنفي حاج الطيب وهوإ بن خالي واسرته كلها شعراء دوبيت إخوانه وإخواته إتـــى شتلة ريدة بيك بخلــن تضاريسك وعلى القاصدك علن بلحيل متاريسك أشابيب النحاسى اللنبهل ديسك على باقى البنات والله ما اقيسك ليهن يا ام عروض غادى وبعيد ميسك اتى حكايه ما أنفكــّت نواميسك وفى خلق الله ما ظهرت مقاييسك نايم صاحى مشغول بى هلاويسك ولى هسّـــاعة ما تمت كراريسك

---

Post: #156 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: Muna Khugali Date: 01-20-2013, 00:08 AM Parent: #155 يا جماعة انا لسه مع التاية بت الأمين.. وكمان عزمت إن شاء الله أمشي ليها في الصفية أقابلها وأسمعها وكمان أجدد الهوا في رئتي هناك.. الماشي معاي منو؟؟ بس ماعارفة أنسب زمن في السنة متين..في زول عارف؟؟ ........ ........

---

Post: #158 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-20-2013, 06:27 AM Parent: #156 Quote: الماشي معاي منو؟؟ بس ماعارفة أنسب زمن في السنة متين..في زول عارف؟؟ يمشي معاك خالك عشاء البايتات ومقنع الكاشفات يا منى أختي . وكمان اخت مصبعي في اضاني واسمعك النم البقول : الغـنا والـنـمـيـــم لـيـك ياحـبـيـبــة بسوقو ودنـديـن الــكــلام جـــوايـا عامــر سوقو يا روحي وغناي طاوعوني ارسو وروقو خلوني النوصف زول بــمــوت بي شوقو آه انــا يانسيـم مشتــاق اقـبـــل ايدا وبي حنية اقوم اربط عقد في جيدا بت بت الملوك بهجة سنيني وعيدا فرشت قلبي حنية وسماحة وريــده

---

Post: #157 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-20-2013, 06:23 AM Parent: #154 Quote: عناق التوتو الخضر عسين تسلم ود الفكي العناق هي المعزة الصبية ومكتملة البنية شعرها املس ناعم ومسرح طبيعي وبتكون عادة قد اوشكت للحيلان !!!!!! الحيلان من حايلة والحائلة هي التي حل بها العشار - كان اهلنا في الصعيد يسبّون الواحد بقولهم ( ود الحايلة ) هههههههها - العبيد وود المكي وراشد ركزوا هنا ما تسرحوا . اما العسين فهو النبات اليانع المفرهد الذى ينمو في موسم الدرتية على ضهور السماسم بعد حصاد السمسم ويكون النمو بدون موية وخمج وانما على نسام بدايات الشتاء كما ينمو ايضا على اطراف الميع والمرانع بعد ان يبدأ إنحسار الماء منها. الشاعر قال : جيدك والبراق فرسي رهــان وندايد حقبك الفلو الفوق النحــــــاس مزايد مايقك الجدي الضارب عسينو ونايد فرك وصاطـــــع المزر أمصبيباً قايد

---

Post: #159 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-20-2013, 06:34 AM Parent: #157 Quote: اما العسين فهو النبات اليانع المفرهد الذى ينمو في موسم الدرتية على ضهور السماسم بعد حصاد السمسم ويكون النمو بدون موية وخمج وانما على نسام بدايات الشتاء كما ينمو ايضا على اطراف الميع والمرانع بعد ان يبدأ إنحسار الماء منها. الشاعر قال : جيدك والبراق فرسي رهــان وندايد حقبك الفلو الفوق النحــــــاس مزايد مايقك الجدي الضارب عسينو ونايد فرك وصاطـــــع المزر أمصبيباً قايد أبوي الطيب صباحك خير وسرور والله بي فصاحتي دي العسين ما كنت عارفو الله يخليك نحن منسميهو (الخِلفي) يعني بعد ما رعتو السعيه بكون عرقو موجود وجاهو الشتاء والصقيع وقام خضر من جديد اما القش في اقصي الشمال ويخضر في الشتاء بدون امطار دي نبات الجزو (الجواديل) المقطعين الأخيرين ديل قالهن جِن................ مايقك الجدي الضارب عشينو ونايد فرِّك س وصاطع المزن أمصبيباً قايد

---

Post: #160 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-20-2013, 06:44 AM Parent: #159 العبيد Quote: نحن منسميهو (الخِلفي) يعني بعد ما رعتو السعيه بكون عرقو موجود وجاهو الشتاء والصقيع وقام خضر كلامك صاح وهذا الذي تحكي عنه - يا العبيد اخوى - من مطايب الطعام للانعام لا سيما عندما تنمو الخلفة منفدعة بعيد من القصبة المسكوبة وتقوم تطلع ليها قنيديل بي شرايتو - دا يا العبيد حلاة جغمتو عند البوصفوا د،،،،،،، ها البرة بالنصيحة الما بقولها الا فارس دارع عكازو المضبب في اباطو للشينة .

---

Post: #161 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-20-2013, 10:34 AM Parent: #160 . . واللهِ يا جماعة الخير, اليجي منكم كُلو سمِح, كان دوبيت كان قصيد كان ونسه سااااااااكت الواحد يصل ذروة المتعة. ويا ود شيقوق بت الخليفة مارقاها في الصِفيَّة, عند بت اللَّمين ود خير, وناس بت قِلبوس, قول ليها كَتِّري من أجهزة التسجيل والتصوير. اليومين ديل واللهِ معصورين عصر السمسم في العمل, لكن تفرج عن قريب, بس قلت أديكم غشوة, باقي ما بنحمل الطوله من مجلسكم العامر ده. ودي على الماشي كِده: طال بينا المجال, دوبيت و نَمْ ؤ طِرِبنا والليل انقسم’ وِدْرَتْ عقولنا ضِهِبنا يوم الحظ يقوم,نصحى وننوم في لِعِبنا ويوم الحظ ينوم, نلقى العَضُم في الجِبْنه

---

Post: #162 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-20-2013, 12:46 PM Parent: #161 Quote: ويوم الحظ ينوم, نلقى العَضُم في الجِبْنه ههههههههههههها دي الله سواها يا ود المكي

---

Post: #163 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-20-2013, 03:24 PM Parent: #162 البوست بحرروهو اهلو

---

Post: #164 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-20-2013, 05:37 PM Parent: #163 Quote: البوست بحرروهو هلو أبوكى مربى ديف حمره وحلف قال بتو وياجيرانو بى الزور إتو ليهو شهدتو يومى الشفتو جنيتا وحسب لى وردتو عاين فوقى لاكين لا أفاد لا فدتو باكر قلت بلقاهو وكلامى بفتــّو وبوضــّح ليهو حال الصادو جن فى قعدتو وجيت ولقيتو مشتاق وإصطفانى وردتو وود الحاج شهود لى ها الكلام القــتو لاكين الزمن ... قال إلا غزلى يفتــّو ويرحل منى زولاً لازمتنى مرضتو رميت الخط مسحتو وتانى قبــّـل عدتو أول نيـــه كان مارق طريق الردتو مابقيتا صبر ايوب صبرتو وزدتو وكدى فيدونى فى القدر الحصل يا إتو اها دي حقت الشاعر الجميل (حنفي حاج الطيب) هدية ليك يا ابوي الطيب عشان الجميلين خلونا برانا وباكر كان الله احيانا بديك من دكتور جمعة والشاعرين (حنفي ودكتورجمعه) بقروكم السلام بي الحُضن

---

Post: #165 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-20-2013, 05:51 PM Parent: #164 Quote: العناق هي المعزة الصبية ومكتملة البنية شعرها املس ناعم ومسرح طبيعي وبتكون عادة قد اوشكت للحيلان !!!!!! الحيلان من حايلة والحائلة هي التي حل بها العشار - كان اهلنا في الصعيد يسبّون الواحد بقولهم ( ود الحايلة ) هههههههها - العبيد وود المكي وراشد ركزوا هنا ما تسرحوا عجبتني دي كان معنا بمنطقة ام بادر التاجر والشاعر الرائع الراحل يوسف عبدالماجد (كُريت) لغب اطلقه عليه اهل البادية وبعد كتروهو ليه غنا عليهم واخر مسدارو بقول أني ود ناساً عزاز عيل العرب ما دِريت إكون معلوكُن ود الحايل البقول لي كُريت اها الناظر الراحل الشيخ محمد فضل الله (الهرديمي) وصل ام بادر وكعادته ذبح بإستراحته وارسل لأصدقاءه وكان من ضمنهم عمنا كُريت وعندما ذكر الأسماء لخفيره لم ينطق كريت وإنما قال عمك يوسف وكان خفيره رجلا ظريفا فقال للشيخ:- يوسف دي ما عرفتو تاني اسمو منو فصاح الشيخ اسمو التاني ماني عارفو شوف ليك زول غيري يلعب بي أُمُّو

---

Post: #167 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 01-21-2013, 07:32 AM Parent: #165 مزحوم شوية جاييكم راجع يا اهلي ام عروض عملت ليها مداخلة - قدر ما دقيت البوست فتاشة ما لميت فيها

---

Post: #168 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 01-24-2013, 09:24 AM Parent: #167 . . من خلال زخم الإمتحانات, قُلْتَ(أهوقي) من فوق الحوش, أدِّيكم طلَّه يا الحِبان. تَقولُ وقد مالَ الغبيطُ بنا معاً.... عقرتَ بعيري يامرِؤ القيسَ فانزِلِ قالت يا الحبيب, خَفِّفْ حِمولُه شِويَّه الجمـل اتْمَكَنْ, ؤ مالَت الشِبريّـة بخاف مِنَّ العيـون,وكلمةً ملوِيَّـه وان شافني العزول,لابُدتصيبني أذيَّه وسلامتكم

---

Post: #169 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: Muna Khugali Date: 01-24-2013, 11:46 AM Parent: #168 Quote: العناق هي المعزة الصبية ومكتملة البنية شعرها املس ناعم ومسرح طبيعي سمح دي مازي السخلة..ولا شنو؟

---

Post: #170 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 01-25-2013, 08:30 PM Parent: #169 معروف احتفاء شعراء البطانة بزواملهم وللزامملة علاقة خاصة مع صاحبها والمربوعات الجاية في وصف الجمل جادت بها قريحة اربعة من شعراء البطانة في احدي الجلسات حيث تصدى كل واحد واصفاً جمله ومعدد محاسنه قال أولهم واصفاً جمله:ـ بعَدْ ما زاحَـم الجَمُّـول، وسوطها چَبَكْ جريك عنَّة، ومسارْعَكْ برْقْ، ونايبك كَكْ على هجِّيم السَّحِـي، الريدو أبى ينفَـكْ هَجَـمْ كارِس، مِتِل حاضْـنَ الحبارة برَكْ وقال الثاني:ـــ أمَّـكْ حوريَّـة أبوك عنَّافي قاطـع الشَّكْ وجِدَّك دِيـك نِعـامْ أرْبَد مِوارْكَ السَّـكْ وشاكْةَ المَهُـر الراجياهو مَـكْ من مَـكْ يسـوِّي جَرِي الهَـوا الكاتِم بعد ما فَـكْ وقال الثالث:ـــ أبْ صلَعَـة القِطـابي، الطـارْ بعد ما رَكْ أسرَعْ مِنُّو فـور هَـرَع البروق لا شَـكْ على الرمَّى حجيلـو، بعد الصَّقَـط ما فَكْ صـدْرو بِفَكِّك الهَسَكـة أمْ حديداً شَـكْ وقال الرابع:ـــ مِـمَّــا قُمْـتَ نايـِب للوقَــر جَـرَّكْ نقـايِب جِـدَّك السِّوْسِيوْ عليهـا عَـرَكْ على سـت الحيـا الدُّكانهـا خـاتي اللَّكْ بعيـد يا غايِس البرق، أبْ هَطيـلاً تَـكْ

---

Post: #171 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 01-26-2013, 07:19 AM Parent: #170 Quote: قال أولهم واصفاً جمله:ـ بعَدْ ما زاحَـم الجَمُّـول، وسوطها چَبَكْ جريك عنَّة، ومسارْعَكْ برْقْ، ونايبك كَكْ على هجِّيم السَّحِـي، الريدو أبى ينفَـكْ هَجَـمْ كارِس، مِتِل حاضْـنَ الحبارة برَكْ هذا شاعر رائع واظنه كرار ولكن استهلاله لم يعجبني حيث قال (بعد ما زاحم الجمّول وسوطي جبك) لان البعير الفارط والهميم لا يستعمل مع السوط او (القرَّاوي) كما في بوادي الغرب لكنه ابدع حين وصفه بالبرق وقال انه جمل نايب ويصرج به اي لا يتعبه السفر وفي المقطعين الاخيرين قمة الابداع بوصفه له بحاضن طائر الحبار حيث لاتسمع لبعيره رغاء ولا حتي بغمه وذلك يدل علي طاعته وانه زلول ويتحمل السفر حين يتجه صوب ديار المحبوبه Quote: أمَّـكْ حوريَّـة أبوك عنَّافي قاطـع الشَّكْ وجِدَّك دِيـك نِعـامْ أرْبَد مِوارْكَ السَّـكْ وشاكْةَ المَهُـر الراجياهو مَـكْ من مَـكْ يسـوِّي جَرِي الهَـوا الكاتِم بعد ما فَـكْ وصف بعيره بانه مأصل حيث امه من الحوريات وهي نوع من النجائب وزي ما قالت الشاعرة من غنا الجراري ما بشِدُّوك يا الحوري وعيل لي امري ضروري فرقك من اللُّوري عيل بي الجاز والبوري وابوه من العنانيف وجده من الأضاليم او الهضاليم وهو ذكر النعام وهذا ذكر كثيرا في شعر الدوبيت او كما قال شاعرنا ود المُر في وصف بعيره ود كسلا الكسلاوي داك ما ببيعو طامس قلبي بي بارد الخبيب ؤنجيعو إضليم حمرةكولا الفي خلاهو ؤريعو يوم ساقوهو لندن زاتها حقو إزيعو ويا له من مبدع حين وصل بعيره بالرياح Quote: أبْ صلَعَـة القِطـابي، الطـارْ بعد ما رَكْ أسرَعْ مِنُّو فـور هَـرَع البروق لا شَـكْ على الرمَّى حجيلـو، بعد الصَّقَـط ما فَكْ صـدْرو بِفَكِّك الهَسَكـة أمْ حديداً شَـكْ دي إظنو الإمبراطور ود شوراني والزول دي يا ود الفكي شال ملخة من شقي اللايسارا لله دره الصقر القطابي وهو اقوي الصقور حتي المداح وصفوا به شيوخهم كثيرا ولكن بعيره اسرع من الصقر وهو كالهرع ..... Quote: وقال الرابع:ـــ مِـمَّــا قُمْـتَ نايـِب للوقَــر جَـرَّكْ نقـايِب جِـدَّك السِّوْسِيوْ عليهـا عَـرَكْ على سـت الحيـا الدُّكانهـا خـاتي اللَّكْ بعيـد يا غايِس البرق، أبْ هَطيـلاً تَـكْ يا سلام ايضا وصف بعيره او جد بعيره بالسوسيو ويقصد به فروج الهضليم ويا جمال وروعة قوله حين يخاطب بعيره قائلا بأن ديار الحبيبة بعيدة جدا والتي وصفها(بست الحيا) اي سحية ولكنه اجاد جدا حين وصف بعيره بغايس البرق هذا وصف لا يتذوقه الا اهل البوادي لأن السواري وهي الأمطار الليلة اولا يومض برقها وغالبا يكون في اول الليل ثم تُرعد الرعودي واخيرا تهطل امطارها وهذا يدل علي قوة بعيره وتحمله للمسافات البعيدة وسرعته كذلك شكرا الجميل ود الفكي لكن نرجو مراجعة المربوعات أظن وجدتها بصورة تختلف والدوبيت حين يدوّن يجب ان يكتب بصورة صحيحة حتي لا يفسد المعني وجدت اخر مثلا اورد السمح لكلمة السِّمع وهو نوع من الذئاب واسرعها حتي كاتبنا الكبير الراحل الطيب صالح لم يوفق في استهلاله لإحدي روايته عندما اورد مقطع الدوبيت حين قال (بنوت هضاليم الخلا البنجاطِن) اها هاك دي لعلي ود قدَّال الكباشي بي الصَّي والعتامير قامن معاك قزاعِر وفي الهيش والتبوس ليهِن تكسر الواعِر علي المتبولة مداحاً بشايل الشَّاعر ولاَّ ضيباً قاصر الحاروك ؤسمع الجاعر المقطعين الاخيرين الاول وصف بعيره بالمداح وهذا دليل متعه والثاني بالذئب الذي يقترب من النعم وهنا الحذر عن الإقتراب لكم جميعاً محبتي لكم محبتي

---

Post: #172 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 02-06-2013, 11:51 PM Parent: #171 شعراً ريش نعام والوجْـه سمح مصقول وعنقاً صبْ قزاز صانعنو في اسطنبول اكتافاً هُدُل واللّـيد تقول مجدول قامت في القياس بين القُصُر والطول ياأم أدباً رفيع إنتي الجمال خاتمالو ياأم لفظاً حَـسِين إنتِّ الشُـكُر حاقّالو يا الخالك بشِد فوق النصيح شوتالو

---

Post: #173 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 02-06-2013, 11:53 PM Parent: #172 إِنتي فَريدةَ العَصرِي ونَخِيل الشَبرَه شَوفتِكْ تَذْهِب الهَمْ واللَيالي الغَبرَه بي فـــَرة براطمِـك وقَامتِك المِنتَبرَه أَحْيتِيلي نَار قَبرَه البِتَوقِـد كُبرَه يا بدر البدور الفي سمانا اتدوّر في قبس الظلام بهرة شعاعك نوَّر يا شتيلة الفريق ليك المزارع سوَّر مهما وصّفوك.. العقل ما بتصوَّر

---

Post: #174 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 02-06-2013, 11:54 PM Parent: #173 زي جدي الغزال كاحلات عيونا وزينه وإن قامت مشت تقدل متل وزّينه السبب القبيل خلاها تبقى حزينه قالت لي بخاف عين الحسود تأذينا

---

Post: #175 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: munswor almophtah Date: 02-07-2013, 00:46 AM Parent: #174 جمال من فوقه جمال ومن تحته جمال- جمال ينزع الحضور من لب الغافل للإيمان بصانع الجمال وصائغه فى خلق لها قدرة خلق فى المحدودية خلاقه- ثملت من سلافتكم التى جذبتنى إليها ريح البعران الفائح وزادها الفواح دعونى أكمل كأسى وأنجم وإذا إشتدت بى الرغبة فى القول فلن أتردد ولكنكم خفستم ولست بلاحقكم وإن ركبت على أصهب لحاق - دون فرز لكم الحب والتقدير والسلام. منصور

---

Post: #176 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 02-07-2013, 05:28 AM Parent: #175 Quote: إِنتي فَريدةَ العَصرِي ونَخِيل الشَبرَه شَوفتِكْ تَذْهِب الهَمْ واللَيالي الغَبرَه بي فـــَرة براطمِـك وقَامتِك المِنتَبرَه أَحْيتِيلي نَار قَبرَه البِتَوقِـد كُبرَه يومنا القمنا من جبرة ؤعديل غربنا السّواق حسن واللوري ذاد في العبرة أبو رقبة البردحولو حجيلو ومنعولو الكبرة طالق فيّا نار سنتين أبت ما تبرة الشيخ المُر

---

Post: #177 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 02-07-2013, 06:58 AM Parent: #176 ] جمال من فوقه جمال ومن تحته جمال- جمال ينزع الحضور من لب الغافل للإيمان بصانع الجمال وصائغه فى خلق لها قدرة خلق فى المحدودية خلاقه- ثملت من سلافتكم التى جذبتنى إليها ريح البعران الفائح وزادها الفواح دعونى أكمل كأسى وأنجم وإذا إشتدت بى الرغبة فى القول فلن أتردد ولكنكم خفستم ولست بلاحقكم وإن ركبت على أصهب لحاق - دون فرز لكم الحب والتقدير والسلام. يا هلا وألف مرحب بالمنصور يا ناثِر الجمال في كل مساحةٍ تتشرَّف بِطلَّتك , ويزداد المكان بك ألقاً وقيمة. نتشرف نحن بانضمامك لمساحة الجمال هذه لتثرى من خزينك الثر. أنثر دررك المنصور فنحن قبل غيرنا قد برح بنا الشوق لها. لك المودة والمحبة.

---

Post: #178 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 02-07-2013, 07:20 AM Parent: #177 Quote: ] قدمك فد فتر ؤفوق الفتر ما لَم وخشمك رُشفة الفوقو العسل منلَم أُم نهدا مُحجن العافية البجيب الدَّم فارقناكي عاد تاني المنام فوق كَم العبيد اخوي خاف فينا الله!

---

Post: #179 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 02-28-2013, 07:49 AM Parent: #178 Quote: [جمال من فوقه جمال ومن تحته جمال ونحن في انتظار صانع الجمال....استاذنا منصور المفتاح المنصور سـلام, مرحب حبابك ميَّه الزول الفطين, ماك زول بِسَوِّي النَيَّه من ناساً كِرام, هم ناس ذِكِـر ؤ بَنِيَّه قُبال رد السـلام تلقى البـهم متْكِيَّه أهلاً بالمنصور

---

Post: #180 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 02-28-2013, 08:10 AM Parent: #179 . . عبدالمطلب أحمد عبدالمطلب, الشهير ب(حَدًبايْ), أحد رواد الشعر الغنائي, وقد نظم الشعر بالعامية والفصحى, وقصيدته(زهر الرياض غي غُصُونو ماح) التي صدح بها كرومة ومن بعده أبوداؤود, تشهد على روعة شعره. كان حدباي يعمل بوظيفة كاتب في محطات المياه (الدوانكي) التابعة لهيئة توفير المياه, وقد عمل لفترة طويله بكردفان التي ألهمته معظم شعره البديع. كان يعمل بإحدى محطات المياه بأم روابة, وحدث ان تم فتح مدرسة النهود المتوسظة للبنات , بمدرسة أم روابة المتوسطة للبنات لحين إكتمال مبانيها بمدينة النهود..وحدث ان نظمت المدرسة رحلة في المشتل القريب من محطة المياه التي يعمل بهاشاعرنا.... فسحره جمال بنات أهلنا الحَمَر فأشعر يقول: بَكَّرَن وعاودن عند الأصيل لِكْنافِنْ أتراب الظِبا الما قالوا داك قنّاصِن راشفات العلوم, لكن يراعِن كاسِنْ ما فيهِن خليط, هِن مِنَّهِن حُرّاسِنْ

---

Post: #181 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-03-2013, 09:43 AM Parent: #180 . . وفي مرَّة من المرات, شاهد (حدباي) باص مدرسة الأبيض الثانوية بنات وهو عامر بالظباء, فجادت قريحته بالقصيدة التي جعلها الفنان عبدالرحمن عبدالله (رَمْية) قبل شدوِهِ برائعته ضابط السجن: بص المدرسه البَصّيتلو بَصَّة عابر من داخلو انطلق سهماً يِولوِل عابِر حَشَّ حَشايْ ما خلالي عضماً جابِر كيفِنّو العِـلاج؟ يا شُعرا فيكم خابِر وسلامتكم

---

Post: #182 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 03-03-2013, 11:59 AM Parent: #181 كيعانك بعييد من زور مقادمك وقُلبن سيدك نومو زيك فوق مرايراً وغُلبن اليبس سراتك بي مواقفو السُلبن عسى مايدينا قانونو ومحاكمو يطُلبن *** ضهرك عبسو الرش المسقى كسيرو كورك جضم العك والقماري صريرو على الماشذه شكت الساحه من تعبيرو عندك سرعة الهبشو الريموت لي زيرو "عبد الله ودادريس الكباشي "

---

Post: #183 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 03-03-2013, 05:58 PM Parent: #182 جنابو ود المكي والجميل علي ود الفكي سلاااااااااااام ومحبة دي مربوعات من مسدار "البرّز" لعمنا شيخ جامع علي التوم Quote: عطش ناس أٌم خليفات والمعاها الغُرّز خلنا نعاسنا راقد فوق عيونا مخرّز أفرق إيديكا أوعاك في الرَّقل تترّز ولي هسّاعا قدامك فجاج يا البرّز -------------------------------- عطش ناس أُم خليفات وأُمّها أم طُبّاعة قلَّ غميدنا ما خلانا نرقٌد ساعة ليك مرَّات تشيل منّي الرَّسن تدّاعة وقدّامك فجاجا غادي لي هسَّاعة -------------------------------- ليلك شدُّو قِدّامك ضحوة باردي أَرم بالك علي الحدبة الهناك متعارضي من الزّور بعيد يا البرّز إيدك شاردي ممّا تقفي وزينةً مرحّيي واردي --------------------------------- يوم اللَّيلة يا البرّز نجعت نجوع وليك مرّات تشيل منِّي الرّسن وإتدُوع إيدك فاجّه من الزّور قبالت الكوع وممّا أصبحت كيف طير النَّعام بزوع محبتي

---

Post: #184 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 03-03-2013, 10:38 PM الـدر والجواهر والـصباح الطلّـة فيهن حاجة منك وهن جمالن اقلّ الخيل والارايل من صباك في ضلة دورك تـم ولا هـسـع ندادتك أهلة

---

Post: #185 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 03-04-2013, 06:38 AM Parent: #184 Quote: الـدر والجواهر والـصباح الطلّـة فيهن حاجة منك وهن جمالن اقلّ الخيل والارايل من صباك في ضلة دورك تـم ولا هـسـع ندادتك أهلة شكرا الجميل ود الفكي وهذا هو الدوبيت الراقي الطوّلنا منو وهذه هي الشاعرية عليكم الله اقيفو معاي هني (دورك تـم ولا هـسـع ندادتك أهلة) يا سلااااااااااااااااااااااااااام يا علي صباحك غيم وهرع اها دي قطع أخضر هسِّع القمر البضوِّي ومن صباح طلْ مارق مشبول في وريدك باقي شَف ؤمطارق حدق الدابو دايف ومن روينتو مفارِق بيهو أزيتني يا الفي قلبي سهمك زارق محبتي

---

Post: #186 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-04-2013, 08:10 AM Parent: #185 Quote: [كيعانك بعييد من زور مقادمك وقُلبن سيدك نومو زيك فوق مرايراً وغُلبن اليبس سراتك بي مواقفو السُلبن عسى مايدينا قانونو ومحاكمو يطُلبن andatilde;andIacute;andEgrave;andEcirc;andiacute; ياسلام على ودادريس وياسلام عليك اخوي علي

---

Post: #187 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-04-2013, 08:47 AM Parent: #186 . . عَطَش ناس ام خِليفات وأُمَّها ام طُبّاعهْ قلَّ غميـدنا ما خلانـا نرقُـد ساعهْ ليك مرّات تشيل مِنّي الرسن تِدّاعـهْ وقِدّامك فِجاجـاً غـادي لي هَسّاعَهْ والله يا عبيد عمنا شيخ جامع علي التوم ما بتصاقع. بعدين داير اقول ليك يا عبيد, في بوست الهمباته الزول الأنا قاصدوا إنت عرفتو!!! لكن أنا قصداً عملت على عدم ذكر اسمه الحقيقي... ولكن هو من تعرفت عليه ! لك تقديري.

---

Post: #188 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-23-2013, 06:40 PM Parent: #187 Quote: . .الـدر والجواهر والـصباح الطلّـة فيهن حاجة منك وهن جمالن اقلّ الخيل والارايل من صباك في ضلة دورك تـم ولا هـسـع ندادتك أهلة هاك الجواهر دي يا شيقا شوف ود الفكي دا شِن بِسو؟ دي المناظر بس يا شيقا ...... أبقى مارِق !

---

Post: #189 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 03-23-2013, 06:56 PM Parent: #188 Quote: هاك الجواهر دي يا شيقا شوف ود الفكي دا شِن بِسو؟ دي المناظر بس يا شيقا ...... أبقى مارِق ! والله يا سعادتك دى التتلبة من الطيارة علا هيييييييييييييع اقدل خليني انجم واجيك متكاملك

---

Post: #190 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-24-2013, 04:36 PM Parent: #189 Quote: [Q اقدل خليني انجم واجيك متكاملكB] تعال شوف عمك احمد عوض الكريم ابوسن شِن قال: جميـلاً فَـرّو برّاق العِشـى البَسّـام وجهو الحاسِب الدورين ؤ خاتي غمام بعد ما ارتِح ؤ سالِي القهوة غير خدّام ودّعني و خَتَـر من عندي روّح نـام

---

Post: #191 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 03-24-2013, 04:45 PM Parent: #190 هاكم دي يا جنابو وابوي الطيب بهديها الي الجميل علي ود الفكي وعليكم الله إتمعنوها كويس دمَّاعي إنبهل هطَّال وجفني برفْلِي والخطَّاط بقول تالايا عينِك قفْلي فيكي سماحة اللِّتْكاجرن لي الجفْلي نكوروغروز وديل بسحروك لا تِقفْلي محبتي

---

Post: #192 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-27-2013, 04:38 AM Parent: #191 . . داك ألَمْ البلد، حَدَب الجزيره بدالو قَطَع الوادي سَكْرانـاً مِغيِّب بالو المتبور وغاتِس في الوضيب تلاّلو خَلّى قفاك مِنيِّـل من زراق وَشّالو الصادق ود الحلال إدَّليت نَقَرْتَ الباب حَرَسْـتَ الهابِقْ في من دار يقوم قالولو قِيف ما تْصابِقْ جاتنـا تَّاتي ثابتـه المِي صفيلاً دابِقْ بي الدهـب البِلَصِّف والعبير العابِقْ أحمد عوض الكريم ابوسن

---

Post: #193 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-27-2013, 04:49 AM Parent: #192 . . فَتحْتَ الباب دَخَلْ عجلان عليها لِقيت ام خد تنوِّر زي حِليها غزالاً من زمان شويمنا ليها بشوف خِلَق الجمال مجموعه فيها عبدالله احمد عوض الكريم ديانا الوصيفه، ؤ الراسيه هِيَّ المَلْكَه ناعِم جيده من صنف الحرير والسِّلْكَه وَكْتَ النَّم حِلا، مفدوعه جادعه الفِرْكه يااااا ستّار عَلَيْ، سَطَلَتني الخُمَرْ والدِّلكه ود المكي

---

Post: #195 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 03-27-2013, 05:42 AM Parent: #193 Quote: ديانا الوصيفه، ؤ الراسيه هِيَّ المَلْكَه ناعِم جيده من صنف الحرير والسِّلْكَه وَكْتَ النَّم حِلا، مفدوعه جادعه الفِرْكه يااااا ستّار عَلَيْ، سَطَلَتني الخُمَرْ والدِّلكه وجع يا ود المكي

---

Post: #194 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 03-27-2013, 05:41 AM Parent: #191 العبيد اخوي Quote: دمَّاعي إنبهل هطَّال وجفني برفْلِي والخطَّاط بقول تالايا عينِك قفْلي فيكي سماحة اللِّتْكاجرن لي الجفْلي نكوروغروز وديل بسحروك لا تِقفْلي عليك النبي اشرح لينا الابيات المحومرة دى - الله يكفيك شر الحمار والدماسات

---

Post: #196 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-27-2013, 07:07 AM Parent: #194 /B] عليك النبي اشرح لينا الابيات المحومرة دى - الله يكفيك شر الحمار والدماسات

العبيد جاييك يا شيقا
واللهِ نضماً دايرلو تفسير؟

Quote: فيكي سماحة اللِّتْكاجرن لي الجفْلي نكوروغروز وديل بسحروك لا تِقفْلي

اللّيتكاجرن اي زاعن وروبزن وإنلمّن جميع ودي إتجهت علي التانية ودايرات يجفلن وديلا الصّيد
نكور اي شموس وغروز اي ما فيها در وحليب ويقصد هذه الفتاة عفيفة بلحييييييييييل والجماعة ناس قعير البيت
وسواحي الفريق بسحروك اوعي تكشف المقنع او يشوفو جمالك وسماحك والله يا جماعة أني أدهشني الإستهلال
دماعو إنيهل وبعد داك عيونو بترف لي شوفتها لكن الخطاط والرمالي قال ليهو هي عينها قفلة من تلاك.........!

اها ما دام جبتو سيرة السفاهة وناس قعير البيت وسواحين الفريق شوفو زولكم الكبّر عمتو وجي لي الخور
وداير يتشالق علي نفر السمحة النكور وغروز

"سفيه الدِّكة كبّر شالو سمع الغاني
مرق لي برّة شافها إتزلقت عرضاني
شبك الرَّي معا إتبلمت زهجاني!
طرتلو النارو تلَّت في العلو الغرباني
زولكم حدَّر عميمتو وسمع شدو العذاري إنشط وطلبهن اها بعد ما شبك السقوة والقرب معاهن كمان داير إتشالق
اها اول شئ إتبلمت منو تب وتاني عشان توقفوا
قالت ليهو:- عشايا ما شفت ناس فلان الناشقين وقالوا النار ديك التلّت في السناف اي الوقدت في العلو
وقديما قال المرقش:-
علي ان سما طرفي لنارٍ يشبُّ لها بذي الأرطي وقود
وقديما قال الدليل النور ود حمد:-
الناس في الدامرة وإتَّ مشوقر
رعيت عضاوة الدَّلج الصعيد ناس أُوقر
ديك البهرة في القف القنافو متوقر
هبود جلد ابو نصا رقيق مو مبوبر
يعني النار التي لمحها عمنا النور وهي في العلو وشامها ان تكون اشعلتها البت العناق من أجل رماد "هبود"
لدباغة زينة هودجها "شلايل او عضب او مفارع او إيد الفايقة او ............الخ
الله يكفيني ويكفيكم شر الحمار والدماس والمغارب

محبتي

Quote: [QUسفيه الدِّكة كبّر شالو سمع الغاني مرق لي برّة شافها إتزلقت عرضاني شبك الرَّي معاها إتبلمت زهجاني! طرتلو النارو تلَّت في العلو الغرباني دا السهل الممتنع ذاااااااااااتو!

---

Post: #199 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: محمد فضل الله المكى Date: 03-28-2013, 07:54 AM Parent: #198 . . عَلى المـاقالو منزوعـةْ حيا و زَفّـاره موت يا الإيدك امْسَت في الخبيب وفّاره حسايس المـا بِقن حوده وقضا وكـفّاره خلَّـن عينـي لي نومـه اللذيذ نَفّـاره الصادق عبدالقادر طِِريت الزول اللذيذ نضموؤحالي قصيدو طِريت الضامِر اب ديسـاً بِكَتِّف سيـدو وكِتْ ليلي انقَسَم، والسهراجه حَمَّت ريدو مكتولاً جَفَـل، مجنـون وكاسِر قيـدو ود المكي

---

Post: #200 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: عبيد الطيب Date: 03-28-2013, 08:11 AM Parent: #199 Quote: بعيره ود "إبل الملوك" أهداه له إبن أخيه ناظر الكبابيش الرّاحل الشيخ حسن التوم والد الأمير الحالي الشيخ التوم ، ويا لروعة إحدي عذاري البادية حين تصفه وتصف صاحبه ومن غنا الجراري:- "السَّجاجو بلامِع في أبو حليقه ؤدامع أسمع يا الماك سامِع كل القول فو ق جامع " ويا لها حين تصف امثاله من نجائب الجمال ومن غنا الجراري ايضا :- "يا الأُماتك رزَّن ويا الدوماتك نزَّن وكت النِّجوم غزَّن إيديك من سدرك فزَّن" الشاعر الرائع البارودي له شعر يشبه قول البدوية عندما وصف ناقته:- تقلب ايديا متسابقاتٍ الي الغاياتِ كالنِّيل المواضِ مددتُ زمامها والصُّبح بادِ فما كفكفتها والليل غاضِ فما بلغت مغيب الشَّمس حتي أضافت آتيا منه بماضِ هتكت بها ستور الليل حتي خرجت من السواد والبياض ما أروعك أيُّها الجنرال ،لكن مقطوعةالطَّاري بي "فاشرها" منك حين قالت:- "إيديك من سدْرك فزَّن" ونوق الناظر لا تقل جمالا ولا عددا عن عصافير الملك النُّعمان بن المنذر. عندما توفي ناظر الكبابيش الشيخ التوم ترك لإبنه الوحيد الناظر حسن ثمانية وثلاثين مراحا من الإبل ومراح الإبل عدده مابين 250الي300رأس وعندما كنّا صغارا رأينا بأعيننا الكثير من مرحات هذه النّوق ، "الإبل البيض والإبل الحُمر والإبل الصُّهب والإبل العنافيات وإبل النُّقَّارة و......الخ" ولعمري هذه هي أرستقراطيّة النّوراب التي كتب عنها سماحة البروف عبد الله علي إبراهيم . تتجلي علاقة شيخ جامع بنوقه وجِماله التي يمتطيها في هاتين المرثيتين او مناحة بعيره ود" إبل الملوك" والتي قلّ ان تجد لهما مثيل في شعرنا الدّارجي ولا حتي الفصيح "رقَد تيس القِناف خلاّني جَايل وحتى ركوبى فوق ناس ديلا مايل حقيقه آ اخوانا سمح الدّنيا زايل وأنى الغَجَريَّا أخدنو السّلايل الأمّاتو من الشرق أصايل وعُقبان الجِمال كيفك قَلايل هلا ؤدوبا يا الماَك فى الرّزَايل وهلاّ دوبا يا الإيديك عَجَايل فقدنو المّرَبَّع والشَّوايل وفاقداهو الرِّشاش حَشَّاوْهَا عَايِل واكيد بتفقدو يوم ما معاها ضَايل عقَّار البعيد مِزْنِيهُو شَايل وشرقا لى الصّهب غرب الضّلايل ؤبِجِن بِلْقَنُو كيف قومة النّجايل وين خَطّام ضَعَاين أُمّات شَلايل هَجّام البِرُشَّن بى الفَتايل ببكنَّك عَرايساً فى الحَجَايل وببكوك ِ ناس ود بله نايل سماح غجريه تبكيهو القبائل وانا الببكيهو دِيمَة عُمرى طَايل قول لى شيخنا كيفن الدّلايل بدور لى واحداً كيفو خَائل " قصاصة من مقالين عن شيح جامع نشرتها بسودانايل و لو كنت اعرف بريدك او بريد الرائع كاكوم لأرسلتها لكم في حينها لأنني يا جانبو ود المكي اعرف شاعريتك وذائقتك الراقية وكذلك استاذي ود كاكوم وابوي الطيب وود الفكي وكل الجميلين واعرف ان شعر بوادي الغرب ما زال مجهولا لدي الكثيرين محبتي

---

Post: #201 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: الطيب شيقوق Date: 03-28-2013, 08:47 AM Parent: #200 جانبو ود فضل الله صباحاتك بيض العبيد ود ابوي الطيب سلام وكتر خيرك على شرح الابيات المكوجنات ديلاك Quote: الناس في الدامرة وإتَّ مشوقر رعيت عضاوة الدَّلج الصعيد ناس أُوقر ديك البهرة في القف القنافو متوقر هبود جلد ابو نصا رقيق مو مبوبر يا الله - يطول عمر ود ابوي الطيب

---

Post: #202 Title: Re: ودشيقوق اخويْ, سهرتنا عند الزينه.....الدعوة عامة , ونوم هانيء للأط Author: علي محمد الفكي Date: 03-31-2013, 10:24 PM Parent: #201 اقول فيك تاني يا ست الشرف والطول وعزك في الارض تريان فروع واصول ارقدي قفا بنجيك مهما زماننا يطول ومهما الدهر يردم فوق حمولنا حمول