Post: #1 Title: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-05-2013, 04:36 PM Parent: #0
والرهيفة التنقد
بالله شوف أبجضوم ده بقول في شنو؟
Post: #2 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-05-2013, 04:49 PM Parent: #1
غايتو السائحون أصلهم ما غلطانين!!!
Post: #3 Title: Re: سيدي الرئيس لا نريد تفاوضاً..عُد إلي الخرطوم... Author: Mohamed Suleiman Date: 01-05-2013, 04:54 PM Parent: #1
يا دكتور بشير أحمد .... يا أخي كلام الزول ده كلام عقلاني جدا و منطقي جدا ... و دوغري .... ياخ ديل ناس ممكن فعلا يجيبوا السلام للدولتين .... مشكلتكم إنتو إنّكم لسع ما مقتنعين الناس ديل فعلا نالوا إستقلالهم كاملا عن الشمال ... و الآن بيقرروا أمورهم بأنفسهم.
Quote:
سيدي الرئيس لا نريد تفاوضاً..عُد إلي الخرطوم... والرهيفة التنقد
زولك ده حيجي للسودان بدون إتفاقية يجي يعمل شنو؟ هي أصلها كلها رهيفة و مقدودة ..... الجنوبيين رتبوا امورهم .. و بدون بترول عملتهم الوطنية في إرتفاع مقابل الدولار .... المصيبة إنتو حتعملوا شنو للدولار .. حتجنزروه للأرض عشان ما يرتفع؟
Post: #4 Title: Re: سيدي الرئيس لا نريد تفاوضاً..عُد إلي الخرطوم... Author: Deng Date: 01-05-2013, 05:15 PM Parent: #3
الكوز بشير أحمد.
أعصابك يا كوز أعصابك.
Post: #5 Title: Re: سيدي الرئيس لا نريد تفاوضاً..عُد إلي الخرطوم... Author: Deng Date: 01-05-2013, 05:19 PM Parent: #4
Quote: والرهيفة التنقد
أنت هسع يا كوز بتعرف محل الرهيفة بي وين؟
محل الرهيفة هو حكومتك المجرمة التي تحكم السودان بلا أي سند شعبي، وهي تواجه اليوم أعنف وأقوى مقاومة داخلية لها. الرهيفة هي داخل الحزب نفسه الذي أنقسم الى مؤتمر شعبي، سائحون، جهاديون، دبابين والى اخر القائمة.
أختشي يا بشه أختشي.
Post: #7 Title: Re: سيدي الرئيس لا نريد تفاوضاً..عُد إلي الخرطوم... Author: Elbagir Osman Date: 01-05-2013, 05:23 PM
هذه العقلية - التي تري الغير غير جديرين بالحوار - دفعت بالجنوب إلى الإنفصال
والأخطر
أنها تدفع بأقاليم أخرى في نفس الطريق
الباقر موسى
Post: #15 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-06-2013, 09:07 AM Parent: #7
Quote: والأخطر
أنها تدفع بأقاليم أخرى في نفس الطريق
يازول قشة ماتعتر لاي اقليم عايز يشيل قفتو ويتخارج من السودان الفضل ده.
Post: #11 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-05-2013, 08:08 PM
الجنوبي دينق
قلت لي شنو؟
Quote: أنت هسع يا كوز بتعرف محل الرهيفة بي وين؟
محل الرهيفة هو حكومتك المجرمة التي تحكم السودان بلا أي سند شعبي، وهي تواجه اليوم أعنف وأقوى مقاومة داخلية لها. الرهيفة هي داخل الحزب نفسه الذي أنقسم الى مؤتمر شعبي، سائحون، جهاديون، دبابين والى اخر القائمة.
اهلك رهيفتم إنقدّت زمان وشغالين بي زيت المصافي بس؛ باقان اب كضوم مسك للكيزان في رجليهم عشان يفتحوا الحدود عشان الفتريته تصل الجنوب؛ بترولكم ده بلوه واشربوا مويتو...
وبعدين نحنا ننقسم لمليون شريحة ؛إتا مالك ومالنا !!!
Post: #6 Title: Re: سيدي الرئيس لا نريد تفاوضاً..عُد إلي الخرطوم... Author: ود الباوقة Date: 01-05-2013, 05:21 PM Parent: #4
دكتور بشير احمد
الناس ديل خير ما فيهم
من الباقن
مرورا بقاي
وانتهاءا بسلفاكير
Post: #20 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-06-2013, 02:54 PM Parent: #6
ودالباوقة
تحياتي؛؛؛
Quote: الناس ديل خير ما فيهم
من الباقن
مرورا بقاي
وانتهاءا بسلفاكير
بس البقنع الديك منو؟
Post: #9 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-05-2013, 06:47 PM Parent: #3
الاخ/محمد سليمان
تحياتي؛؛؛
Quote: زولك ده حيجي للسودان بدون إتفاقية يجي يعمل شنو؟ هي أصلها كلها رهيفة و مقدودة ..... الجنوبيين رتبوا امورهم .. و بدون بترول عملتهم الوطنية في إرتفاع مقابل الدولار .... المصيبة إنتو حتعملوا شنو للدولار .. حتجنزروه للأرض عشان ما يرتفع؟
يازول جغيمة البترول دي جات متين؟
مامشكلة خلونا نرجع للعصر الحجري تاني ؛ عشان كيزاننا ديل يتعلموا مايعتمدوا علي البتاع ده وفي حاجات اهم منو.
Post: #8 Title: Re: سيدي الرئيس لا نريد تفاوضاً..عُد إلي الخرطوم... Author: عبدالله محمد أحمد Date: 01-05-2013, 06:19 PM Parent: #1
Quote: بالله شوف أبجضوم ده بقول في شنو؟
الاخ بشير الفين سلام ابوجضوم يقول ناس البشير يقولوا كلام و يسووا كلام تاني.
طيب مادا تقول في هدا الشعار - هي لله لا للسلطة و لا للجاه
(كبر مقتاً عند الله ان تقولوا ما لا تفعلون)
Post: #10 Title: Re: سيدي الرئيس لا نريد تفاوضاً..عُد إلي الخرطوم... Author: مهدي صلاح Date: 01-05-2013, 08:05 PM Parent: #8
مع كامل احترامي لكم الاستاذ بشير بس المقام ما مقام انو الناس تتناسى او تتجاهل اخطاء وخطايا الانقاذ ويتكتلوا خلفها ضد (العدو الخارجي) ليتم دق طبول الحرب والتعبئة ونبقى في لا صوت يعلو فوق صوت المعركة الحكومة ملزمة بإلتزام العقلانية والجلوس للحوار مع الجنوبيين ويكونوا واضحين مع الجنوبيين ويبطلوا حركاتم بتاعة الماروغة والزوغان والتنصل من الالتزامات
الاعلام الرسمي شكلوا حياكل الاخبار السلبية عن نتائج القمة في حنانو ... يريدون ان يحملوا للناس بشريات السلام
Post: #25 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-07-2013, 09:38 AM Parent: #10
الاخ/مهدي صلاح
تحياتي؛؛؛
Quote: مع كامل احترامي لكم الاستاذ بشير بس المقام ما مقام انو الناس تتناسى او تتجاهل اخطاء وخطايا الانقاذ ويتكتلوا خلفها ضد (العدو الخارجي) ليتم دق طبول الحرب والتعبئة ونبقى في لا صوت يعلو فوق صوت المعركة الحكومة ملزمة بإلتزام العقلانية والجلوس للحوار مع الجنوبيين ويكونوا واضحين مع الجنوبيين ويبطلوا حركاتم بتاعة الماروغة والزوغان والتنصل من الالتزامات
ياخي الجنوبيين ديل ادوهم دولة كاملة السيادة تاني جايين لاصقيين فينا لي شنو؟
الحرب كان جات حبابا تب وفوق قلتا ليك الرهيفة التنقد.
Post: #12 Title: Re: سيدي الرئيس لا نريد تفاوضاً..عُد إلي الخرطوم... Author: Khalid Kodi Date: 01-05-2013, 08:08 PM Parent: #8
يقول كاتب البوست:
(والرهيفة التنقد بالله شوف أبجضوم ده بقول في شنو؟)
أمر مثير للشفقة حقا.
Post: #13 Title: Re: سيدي الرئيس لا نريد تفاوضاً..عُد إلي الخرطوم... Author: Alshafea Ibrahim Date: 01-05-2013, 10:09 PM Parent: #12
يادكترة زولكم ده ما برجع الخرطوم صفر اليدين ... أول المنتفعين هو وأسرته ... وبعدهم شلة اللصوص والمطبلاتية والهتفية المجرمين المنتظرين أي مخرج للخروج من النفق المظلم الطويل المسدود من طرف واحد .. الشعب السوداني غير معني بما يقوم به سيدكم هذا لم يجده في الشدة أو الرخاء ... الشفيع
Post: #14 Title: Re: سيدي الرئيس لا نريد تفاوضاً..عُد إلي الخرطوم... Author: منتصر صلاح Date: 01-05-2013, 10:35 PM Parent: #13
دكتور بشير الجنوبيين ديل فاهمين الاعيبكم كويس جدا وما بتقدروا تغشوهم . البشير حيرجع الخرطوم بس بدون فايدة ... يعني ايد ورا وايد قدام .
Post: #16 Title: Re: سيدي الرئيس لا نريد تفاوضاً..عُد إلي الخرطوم... Author: مجاهد عبدالله Date: 01-06-2013, 12:42 PM Parent: #14
النظام مجبر على أي ضغوط يمارسها نظام حكومة الجنوب ولن يستطيع المؤتمر الوطني سوى أن يرضخ أو يطير من كرسي السلطة سواء ان كان عبر الضائقة الإقتصادية أو الحروبات المتكأكة عليه من كل صوب أو تسليم مجلس الأمن ملف يدين النظام بتهديد السلم العالمي من ثامبو أمبيكي.. تحياتي بشير ..
Post: #17 Title: Re: سيدي الرئيس لا نريد تفاوضاً..عُد إلي الخرطوم... Author: amir jabir Date: 01-06-2013, 12:54 PM Parent: #16
قول بسم الله الرحمن الرحيم يا د: بشير مالك يا زول ؟!
Quote: سيدي الرئيس لا نريد تفاوضاً..عُد إلي الخرطوم...
ها عايزين شنوا اوع يكون حرب ! بس
Post: #18 Title: Re: سيدي الرئيس لا نريد تفاوضاً..عُد إلي الخرطوم... Author: GAAFER ALI Date: 01-06-2013, 01:19 PM Parent: #17
Quote: ميثاق الفجر الجديد الديباجة : تلبية لاشواق شعبنا فى توحيد قواه الحية من أجل إسقاط نظام المؤتمر الوطنى المتجبر الذى اذل شعبنا وقسم بلادنا وإرتكب جرائم الحرب والإبادة الجماعية وشرد ملايين السودانيين مهاجرين ونازحيين ولاجئيين وفصل أعز ماملكت بلادنا ودمر وحدتها ونسيجها الاجتماعى . وكان لابد من الوحدة والاتحاد والنهوض متطلعين بعزيمة وثبات نحو مستقبل وضاء وفجر جديد . إتفقت قوى الاجماع الوطنى والجبهة الثورية السودانية وبعض منظمات النساء والشباب والمجتمع المدنى وتوصلت فى إنجاز تاريخى لرؤية سياسية جامعة للانتقال من الشمولية نحو الديمقراطية والسلام العادل ودولة المواطنة المتساوية والإنعتاق من الشمولية التى احتكرت السلطة لما يزيد من عقدين من الزمان لحفنة من الجلادين والطفيليين دون وازع من دين او اخلاق او ضمير . إتفقت هذه القوى جميعاً على إسقاط نظام المؤتمر الوطنى وإقامة فترة إنتقالية مدتها اربع سنوات تنتهى بإقامة إنتخابات حرة ونزيهة وينعقد خلالها مؤتمر دستورى يحقق إجماع وطنى حول كيفية حكم السودان بمشاركة فاعلة من شعوب واقاليم واحزاب السودان وقواه الحيه ومجتمعه المدنى . وقد عقدت القوى الوطنية والثورية السودانية العزم على خوض نضال لا هوادة فيه لتحقيق تطلعات شعبنا فى الديمقراطية وإنهاء الحرب عبر سلام عادل وإقامة علاقات استراتيجية بين دولتى السودان ترنو لإتحاد سودانى بين بلدين مستقلين وتدعم ألامن والسلام والاستقرار الاقليمى والدولى . إن طريق التضحيات والاجماع هو وحده الذى بإمكانه إنتشال بلادنا من التمزق والضياع والإندفاع نحو الهاوية والتردى الاقتصادى وإفقار الملايين وفرض احادية سياسية وثقافية فى بلادنا وهى الوطن الصنو للتعدد والتنوع الامر الذى اهدر كرامة المواطن والوطن . ومسترشدين بوثيقة الفجر الجديد والتى تقود الى دولة ديمقراطية فدرالية تعددية تتاسس على المساواة بين المواطنين و تأكيد ان الشعب هو مصدر السلطات ان المواطنه المتساوية هى اساس لنيل الحقوق و اداء الواجبات وتضمن حرية الفرد والجماعة ،وتفصل فيها مؤسسات الدولة من المؤسسات الدينية لضمان عدم إستغلال الدين فى السياسة
Post: #19 Title: Re: سيدي الرئيس لا نريد تفاوضاً..عُد إلي الخرطوم... Author: Deng Date: 01-06-2013, 02:43 PM Parent: #18
في النهاية لن يصح إلا الصحيح.
وهو سقوط نظام الإنقاذ الفاشي المجرم، وذهابه الى مزبلة التاريخ ومحاكمة جميع قياداته المجرمة.
Post: #21 Title: Re: سيدي الرئيس لا نريد تفاوضاً..عُد إلي الخرطوم... Author: صديق الموج Date: 01-06-2013, 04:06 PM Parent: #19
بشير هاك كلام حميد ده كان تتعظوا:
دا زمن قواسي .. زمن ضلالة .. أوانطجية زمن حقارة زمن مهين .. لاقين هواكن ضرُّوا ضر يا .. عسكرياً ما اتَّعظ كتل الرقاب بيودِّي وين ؟؟ ضرِّي آ جلاليباً رهاف ذمماً خفاف .. ضرَّ .. يا ضرر ضرِّ يا دقين .. منصلبطين عرق النبي وبالنار بتلعبو يا عوين .. للحول قريب درب السلامة تخوجو بي درب الحرب .. غطِّيي قلب واللاَّ الحرب .. بقرةْ حَلِبْ .. والأرضِ صين . ما كان عمل ما كان دا دين يا أرزقية تخمجوا دم .. والدم مو موية ومانا طين .. منسلطين في الناس دحين ؟؟ لامن يجي اليوم الفصل والحق يبين .. وين تمشوا .. وين تنسلُّوا وين ؟ وكان طال وكان قِصر الزمان الحين بحين
Post: #22 Title: Re: سيدي الرئيس لا نريد تفاوضاً..عُد إلي الخرطوم... Author: بشير أحمد Date: 01-06-2013, 05:06 PM Parent: #8
الاخ/عبدالله محمد
وعليكم السلام؛؛؛
Quote: الاخ بشير الفين سلام ابوجضوم يقول ناس البشير يقولوا كلام و يسووا كلام تاني.
طيب مادا تقول في هدا الشعار - هي لله لا للسلطة و لا للجاه
الغايظني ياعبدالله ياخوي ؛بعد كلام ابجضوم ده وناسنا عندهم نفس فاتحة للتفاوض!!!
Post: #23 Title: Re: سيدي الرئيس لا نريد تفاوضاً..عُد إلي الخرطوم... Author: محمد أبوالعزائم أبوالريش Date: 01-06-2013, 08:52 PM Parent: #22
Quote: سيدي الرئيس لا نريد تفاوضاً..عُد إلي الخرطوم...
هوزاتو رأيو زيك كده ... وعايز يرجع .... بس مجبور على (الحشرة الشعبية).
حيستمر حالنا كده، ما دام لسة في عقلية (أبجضوم) و(الرهيفة تنقد) وما شابه.
Post: #24 Title: Re: سيدي الرئيس لا نريد تفاوضاً..عُد إلي الخرطوم... Author: Abdelmoniem ALHAJ Date: 01-06-2013, 11:57 PM Parent: #23
Quote: بس البقنع الديك منو؟
Quote: سيدي الرئيس لا نريد تفاوضاً..عُد إلي الخرطوم...