مسدار رد علي مسدار النصيحة ( فيما يخص بنوت مهيرة)

مسدار النصيحة للشاعر محمد الحسن بن عوف

رد مسدار النصيحة ( فيما يخص بنوت مهيرة ) الشاعر يسين صالح

الشاعر يسين صالح صوت وصورة في ختام مهرجان ليالي السودان الإبداعية

الجنا اللسمو عراب مدريد دا ما ظنيتو عندو علاقة بالنضم والشعر واظنوا الموضوع ما واقعلو.

ابن عوف مسدار نصيحتو حار وقوي والبناجيص ديل شكلهم كيزان مدفورين ومندرعين في بنات مهيره ساي




مع تحياتنا يالباهي

اما ئخصوص صالح فهو شاعر دي ما فيها كلام، الا ردو علي المسدار غلط، لانو فاهم الموضوع كلو غلط

السنوسى ياخى ضحكتنى هههه

ود الباهى الجنا دا جدو المك نمر القام جارى داك ول واحدن تانى؟

تعرف يا بله، بوست اخونا اوي يقع تحت

افتح بوست وارقعو ببوست لحدما اشيل الكاس، واركب فوق تيس المنبر النكاس، واندرع جوة قبايل الناس

Quote: الجنا اللسمو عراب مدريد دا ما ظنيتو عندو علاقة بالنضم والشعر واظنوا الموضوع ما واقعلو. ابن عوف مسدار نصيحتو حار وقوي والبناجيص ديل شكلهم كيزان مدفورين ومندرعين في بنات مهيره ساي

السنوسي بدر حبابك ياعزيز

علي ما أعتقد والله أعلم الالقاء الشعري بتاع الرد هو نفسه يسين صالح في الاثنين أما في يخص مسدار النصيحة
كلام ود أبن عوف ماعندي فيهو كلاما تب ، كلاما يكوي في الفكك ولكنني منذ سماعي له قبل أشهر ومن الوهله الاولي
عبت عليه التعيمم والتعميم دائما مخل بداء نصيحتة بكلام كويس عن العطالة والمحسوبية في تعيين الخريجيين وعن فساد
بطانة البشير من الكيزان والخ ولكن عمم في موضوع بنات مهيرة مشن علي الرذيلة حفايا في جدة ونواحي دبي
والسوداني ######## وغفير انداية . كدي أرجع لمسدار النصيحة وركز في الحته بتاعة الرزيلة دي ودا هو سبب رد يسين له .

تسلم علي الطله

Quote: ود الباهى الجنا دا جدو المك نمر القام جارى داك ول واحدن تانى؟

بله موسي ياحبيب
حبابك عشرة و2013 سعيدة عليكم
تعرف أنا دائما بتخوف من أرد في بوستاتك لما تحتوية من تورية ودائما بشبهك في سري وبقول د.بله موسي دا بيزكرني
عمك البيقول للشباب تعالوا أدوني لزة عشان اللوري يدور واول ما الشباب يبدو في اللز عمك يجيء راجع فيهم خلف
يهرسهم ليك او كما بقولون هنا بترمي الاشارة يمين حتي يتوهم الخلفك ويجيء مخرم وفجاءة كدة تلف شمال . فغايتو
علي مضض كدة ياهو زاتو يا د. بلة الجنا الجدو المك نمر القام جاري

Quote: تعرف يا بله، بوست اخونا اوي يقع تحت افتح بوست وارقعو ببوست لحدما اشيل الكاس، واركب فوق تيس المنبر النكاس، واندرع جوة قبايل الناس

تاكل حارة ماضق باردة ما دارينى

حس اب جقرة واقرانيت دوام بارينى

انا اخو السارة كان يبقى الكلام عانينى

عزيزنا الباهي تحيات زاكيات ومحبة

لا يا ود الباهي، ابنعوف مسدارو هو مسدار نصيحة، واطلق الكل واراد الجزء ولو لا حظت للكلمت القبل بيت بنات مهيرة بتشعر بالجزء المقصود، وده هنا بسموه المجاز المرسل، وهو قمة البلاغة، السبب التاني وفي اعتقادي ان النظم في المسدار يندرج تحت الكلام الحقاني، والغرض منه عشان يحرق وان ما اطلقت الكل ما بيحرق والنصيحة بتبقي كمالية.













شايفك بهناك مستبسل اسبتسال جد، ما بتحتاج لاسناد اصلك، ههههه

Quote: لا يا ود الباهي، ابنعوف مسدارو هو مسدار نصيحة، واطلق الكل واراد الجزء ولو لا حظت للكلمت القبل بيت بنات مهيرة بتشعر بالجزء المقصود، وده هنا بسموه المجاز المرسل، وهو قمة البلاغة، السبب التاني وفي اعتقادي ان النظم في المسدار يندرج تحت الكلام الحقاني، والغرض منه عشان يحرق وان ما اطلقت الكل ما بيحرق والنصيحة بتبقي كمالية.

دكتور السنوسي
طابت أوقاتك بكل خير ياحبيب
فعلا المسدار لو ما بيحرق الزول بيبقي كلام ساكت ، أنا غايتو أعترف في الادب وعلم البلاغة ماعندي
نصيب لكنني أتذوق المسادير وأحفظها علي ظهر قلب وأشعار الدوبيت والنم .فشكرا علي التوضيح البلاغي
ياحبيب وماعدمناك .

Quote: شايفك بهناك مستبسل اسبتسال جد، ما بتحتاج لاسناد اصلك، ههههه

ياحبيب قيل الحق كالزيت دائما ما يطفو فلا تكن الا مع الحق حتى لا تغرق ، فصاحب الحق
دائما الاقوي وأن كان ضعيفا مثلي فأن الله ناصره حتما

فائق شكري وتقديري الاكيدين

Quote: تاكل حارة ماضق باردة ما دارينى حس اب جقرة واقرانيت دوام بارينى انا اخو السارة كان يبقى الكلام عانينى

باكل حارة ما اضوق باردة ماك داريني
أسال منيّ رفاقتيّ البعرفوا قرينيّ
حِس أب جقرة و أب قربين دوام بارينيّ
أنا أخو السارة كان يبقى الحديث عانينيّ

و ين حقوق الزول دا يا ود الباهي هههههههه
هسي يطلع ليك قريبو في المنبر دا و يطالبك باعتذار (الأيامات دي
ايامات اعتذارات و اعترافات ساااااي) .

بعدين دا منو القال كدا:-

Quote: قيل الحق كالزيت دائما ما يطفو فلا تكن الا مع الحق حتى لا تغرق

مين دا!!!؟
ما تخمنا سااااي عشان بتأكل في مطاعم لندن !!!؟

تحياتي ليكم كلكم
و سنتكم طيبة ياخ

يا الباهى

ناس ود الباهى ديل عندنا فى شندى حلة القليعة..

سمعت أغنية شندى بلد الحبايب من مصطفى مضوى؟
من قريش راجع لى ورا
وفى القليعة الصيد ياترى..

المهم
مرة كدا كتبت بوست بعنوان: المك نمر رائد اللجوء السياسى
جا واحد من أكتر الناس تفتيحة فى المنبر وأخذ البوست على محمل الجد..

فيا الباهى المنبر دا أعمل فيه زى خلف الله حمد فى أغنية ود الرضى
أعاين فيه واضحك واجرى واجيه راجع

Quote: و ين حقوق الزول دا يا ود الباهي هههههههه هسي يطلع ليك قريبو في المنبر دا و يطالبك باعتذار (الأيامات دي ايامات اعتذارات و اعترافات ساااااي) .

سفيان يأبن عمي حبابك والجابك يجيب عقابك وعام سعيد عليكم
يعلم الله عاوز تلبسني تهمة ساي أنا
قبيل قلت لدكتور السنوسي أنا مالي نصيب في الادب لكنني أتذوق وأحفظ فقط وبعدين شعر المسادير والنم والدوبيت
دا الناس كلها عارفاهو منذ زمن الطيب ود ضحوية يعني من زمن خدو مشلخ وأنا زاتي لو بعرف أقول كلام زي الفوق
دا المقعدني هنا معاكم شنو هههههههههه .

Quote: مين دا!!!؟ ما تخمنا سااااي عشان بتأكل في مطاعم لندن !!!؟

ياسفيان بس مايكون عوضية سمك بتغيير ليكم زيت الطهيء من كاس عالم الي كاس عالم
عشان كدة زيتكم لا يطفو كالحق .
يازول أنت قايلين أنا بتاع مطاعم ، حرم ود عمك زول حلل ساكت ( القطر قام وكده )
اللحم والبصل والبهار كلو مع بعض في نار هادئة هههههههههههه.

Quote: يا الباهى ناس ود الباهى ديل عندنا فى شندى حلة القليعة.. سمعت أغنية شندى بلد الحبايب من مصطفى مضوى؟ من قريش راجع لى ورا وفى القليعة الصيد ياترى.. المهم مرة كدا كتبت بوست بعنوان: المك نمر رائد اللجوء السياسى جا واحد من أكتر الناس تفتيحة فى المنبر وأخذ البوست على محمل الجد.. فيا الباهى المنبر دا أعمل فيه زى خلف الله حمد فى أغنية ود الرضى أعاين فيه واضحك واجرى واجيه راجع

د. بله موسي لا والله نحن ناس غرب شندي محافظة المتمة .

ياحبيب الله يديني طولة بالك وبرودة أعصابك دي والله كل ما أقول أبرد أعصابي تطلع
مني غصبا عني .وكل ما أكون قدام مشكلة بدون ما أحس بلاقي يدي أتحركت بفعل فاعل
غايتو ربنا يقدرني وأعمل بنصائحك دي .

الاخ عادل الباهي
مساء سعيد

محمد الحسن بن عوف صديق وزميل دراسة من الموالين للنظام الحاكم من فترة دراسته في الثانوية العامة ،وهو متمكن ايضا في كل بحور الشعر ، استغربت كثيرا عند سماعى لمسدار النصيحة واعجبت اكثر لجرائته هذه المرة ، كان ان هاتفته قبل فترة للاشتراك في مسابقة امير الشعراء ولضيق الوقت لم يتمكن من المشاركة ، وقد يظهر قريبا في الموسم الجديد من المسابقة .

قصيدته هذه فعلا مسدار للنصيحة المرة .

ـــــــــــــــــــــــــــــــــــــــــــــــــــــــــــــــــــــــــــــــــــ
وافر احترامى،،،،

Quote: محمد الحسن بن عوف صديق وزميل دراسة من الموالين للنظام الحاكم من فترة دراسته في الثانوية العامة ،وهو متمكن ايضا في كل بحور الشعر ، استغربت كثيرا عند سماعى لمسدار النصيحة واعجبت اكثر لجرائته هذه المرة ، كان ان هاتفته قبل فترة للاشتراك في مسابقة امير الشعراء ولضيق الوقت لم يتمكن من المشاركة ، وقد يظهر قريبا في الموسم الجديد من المسابقة . قصيدته هذه فعلا مسدار للنصيحة المرة . ـــــــــــــــــــــــــــــــــــــــــــــــــــــــــــــــــــــــــــــــــــ وافر احترامى،،،،

العزيز ابراهيم الفاضل
حياك الله وكل سنة وانت طيب
في البداية مرحبا بيك في حوش بكري ومنور

كلام أبن عوف كلام يشفي الجراح ويكشف المستور ،عتبت علية في البداية عند سماعي
للمسدار التعميم ولكن حبيبنا دكتور السنوسي وصل لي المفيد بخصوص هناك مجاز مرسل
باقي أخوك شبه قادي عربي ههههههه ففعلا نصيحة مره عسي ولعل القائمين علي الامر يفهمو
النصيحة ويتداركو مايمكن تداركه وينصلح حال البلاد والعباد . تحياتي لك وعبرك أرسل التحيات
للباسل محمد الحسن بن عوف .

فائق شكري وتقديري الاكيدين لطلتك البهية