بس فالحين فى الغناء والكلام السمح

للاستقلال عملنا اناشيد واغانى للوطن سمحة
سمحة والله
يا نيلينا يا ارضنا الخضراء يا حقل السنا
....
فالحين فى الشكر بس
وينو الاستقلال
استقلينا من شنو عشان نعمل شنو ؟؟
بنينا امجادنا شعرا
بوف ساكت

النتيجة شنو ؟؟
سودان مقسم وحكم فاسد
....
جنود الوطن لبوا النداء
يا تو نداء ؟؟
نداء الانقلابات ؟؟؟
ابتدينا نشك فى غنا الشهامة ذاتو
وفى ترسوا البحر خيرصانة
وخال فاطمة ووووو
....

صح لسانك يا نيل
و الله السودان ما سمح الا في الغناء ليهو
بالله تسمع بلادي انا تقول :-
الله يوصلني ها البلد

Quote: صح لسانك يا نيل و الله السودان ما سمح الا في الغناء ليهو بالله تسمع بلادي انا تقول :- الله يوصلني ها البلد

شكرا سفيان
عليك الله كدى اطلق عنان تفكيرك وسرحانك فى كثير من الأغانى اللى غنيت فى الوطن
عندك
يالخرطوم يالعندى جمالك جنة رضواااااان
طول عمرى ما شفت مثالك فى أى مكاااااان
إحتمال الكلام دا كان يكون فى زمن الاستعمار
او حتى الستينات
.....
كدى عليك الله عاين للخرطوم هسة
هسى فيها سماحة؟؟؟
###### وقرف و غابات خرسانية مخيفة
تراب واكياس نايلون وكرور
والله كرور دى كلمة مريحة خلاس
....
رجاء سحب اغنية الخرطوم من تسجيلات ذاكرتنا
دا كان زمان

أنت يا نيل يا سليل الفراديس
...
أهن كمان النيل دا سويناهو نحنا ؟؟
دا شغل بتاع ربنا
لقيناهو جاااااهز وما استفدنا منو أيتها حاجة
عطشانين وهو جارى تحت كرعينا
...
استقلينا من استعمار اوربا
ولكن لم نستقل من استعمار وهمنا وجهلنا وعوارتنا
...
انا بفخر بيك يا وطنى
غيرك ما لقيت يا وطنى
,,,,,,,,,
نعم نحنا بنفخر بيهو لكن هو ما بفخر بينا
,,,,
البيفتخروا بيهم ما توا فى كررى

جنود الوطن لبوا النداء
خاضوا المعارك
يا تو معارك
وين ؟؟
يا ها دييييييك حلايب محتلة
والفشقة محتلة
وشلاتين
...
بس فالحين نحارب المواطنين داخل الوطن فى دارفور وجبال النوبة والنيل الازرق
وفى كجبار ووووو
,,,,,,,

أغنى وأقول للدنيا انا سودانى
...
أهن وبعدين
..
تجيب سيرة السودان لاى واحد يقول ليك الحرب فى دارفور كيف ؟؟
المجاعات كيف ؟؟
اسمنا ارتبطت بالمجاعة الحروب والمرض والتخلف