Post: #1
Title: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-03-2013, 11:10 PM
Parent: #0
بعد ما شاب دخلوه الكتاب
المقولة دى تنطبق على حالتى تماما بعد كم وعشرين سنة تخرج عاوز الم لى فى طرف شهادة فوق الجامعية ماجستير ادارة اعمال ولكن متردد من ناحية الجامعات التى تمنح هذه الشهادة عن طريق النت ( التعليم عن بعد ) لذلك عاوز ناس يكون عندهم تجارب يرشحوا لى جامعات عندهم معاها تجارب جيدة علما باننى خريج اقتصاد بحت واريد الماستر فى ادارة الاعمال فى التسويق ويا حبذا لو كان فى التسويق الالكترونى وبالعدم فى التجارة الدولية ..
نرجو من الاخوة اصحاب المعرفة والخبرة فى هذا المجال مدنا ببعض المعلومات علما باننى اعانى من الدوام الطويل خلال اليوم حيث اعمل كمدير مبيعات لشركة فى جدة ودوامى مرتين فى اليوم من 9 ص الى 1.3 ظهر ومن 5 مساء الى 9 مساء يعنى فى معاناة فى الوقت مقرونا ذلك باننى لدى اسرة فى جدة ولدى اسفار عديدة بسبب العمل
انا فى الانتظار !!!
|
Post: #2
Title: Re: استشارة علمية ( عاوزين ماجستير ادارة اعمال عن بعد )
Author: خالد عثمان
Date: 01-03-2013, 11:15 PM
Parent: #1
العزيز عادل
http://une.edu.au/
من أفضل الجامعات الاسترالية في هذا المجال
مع تقديري
|
Post: #4
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-04-2013, 00:01 AM
Parent: #2
حبيبنا خالد شكرا كثيرا على التجاوب
دخلت وكشفت فى الموقع بتاع الجامعة
لكن ما قلت لى تجاربك معاها هل هى جامعة متعاونة وتراعى ظروف الترهل فى الزمن العندنا دا ؟؟؟
تانى شكرا ليك
|
Post: #7
Title: Re: استشارة علمية ( عاوزين ماجستير ادارة اعمال عن بعد )
Author: خالد عثمان
Date: 01-04-2013, 08:30 AM
Parent: #2
العزيز عادل
نعم
انا أعمل وأدرس فيها
يمكنك دراسة مادة واحدة كل سمستر
12 مادة للحصول على MBA
التكلفة حوالي 16000 دولار استرالي
تتدفع حسب المواد
ومبلغ 300 جولار لاداء الامتحان في السعودية
بالتوفيق
|
Post: #3
Title: Re: استشارة علمية ( عاوزين ماجستير ادارة اعمال عن بعد )
Author: فتحي الصديق
Date: 01-03-2013, 11:22 PM
Parent: #1
يا عادل
وفقك الله في سعيك لطلب العلم ..
هنالك عدد من الجامعات السودانية لديها برامج للماجستير بنظام التعليم عن بعد . جامعة بحري . جامعة أمدرمان الاسلامية وأظن جامعة النيلين ..
وبما أنك مقيم بجدة فيمكنك مراجعة القنصلية السودانية بجدة . أو الاتصال على الأستاذ عمر منسق جامعة بحري بالرياض على الهاتف 0500490789
--------------------------------
هذا ان كنت راغباً بالحصول على الشهادة من جامعة سودانية .
|
Post: #5
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-04-2013, 00:10 AM
Parent: #3
اخونا فتحى الصديق شكرا على المعلومة وحنتصل ونشوف
على جنب كده
----------------
صورة البروفايل بتاعتك حلوة ورهيبة وتملا العين مش المهرمدة ديك
|
Post: #6
Title: Re: استشارة علمية ( عاوزين ماجستير ادارة اعمال عن بعد )
Author: محمد عبدالله مختار
Date: 01-04-2013, 00:43 AM
Parent: #3
جامعة هيريوت وات في بريطانيا وتحديداً اسكتلندا (أدنبره بيزنس اسكول) هي الأفضل والأعرق في تقديم ماجستير محترم عن طريق (التعليم عن بعد) معترف به في كل دول العالم ..
لكن انتبه .. تساهل مافي .. عصر لمن تجيب الزيت .. لو مزحوم شديد ما أنصحك أبداً ..
عندك تسعة موديولات ، سبعة أساسية واتنين اختيارية
لمن تجتاز ثلاثة موديولات بنجاح بتتحصل على شهادة دراسات عليا في ادارة الأعمال
لمن تتحصل على ستة موديولات بتاخد دبلوم عالي
لمن تخلص التسعة بتستلم الماستر .. لكن لو عايز ماستر (بتخصص) بيشترطوا عليك انك ما تاخد الماستر وتواصل دراستك بالموديولات الإضافية ، ما بيسمحوا بشهادتين ماستر
الامتحانات مرتين في السنة ، شهر يونيو وديسمبر ولازم تسجل قبل الامتحان بي ثلاثة شهور وفي حال المرض لا قدر الله لازم ترسل الميديكال بتاعك عن طريق الدي اتش ال من جهة هم بيعتمدوها
الامتحان في البريتش كانسل وده احلى ما في الموضوع .. وأسوأ مافي الموضوع الاسئلة كلها اجبارية والزمن ضيق جداً
الرائع في الموضوع انو البيدرس في الكامبس في اسكتلندا والبيمتحن عن بعد شهادتهم واااااااااااحدة .. الاتنين درسوا .. والاتنين امتحنوا في ورق .. والتصحيح واجازة النتيجة كلو بيتم في الجامعة الأم
الأروع انك ممكن تعمل ترانزشن لو عندك امكانات مادية وتواصل الدراسة في الجامعة الأم من محل ما وقفت .. والفيزا بتلقاها جاهزة ..
التكاليف بالنسبة للموديولات والإمتحانات (كانت) مناسبة بالنسبة لينا في السودان ، الآن التكاليف مرتفعة للغاية لكن في النهاية توجد مراعاة للأوضاع هنا .. فتكلفة الدراسة هنا تقريباً نصف تكلفة الدراسة في الخليج لكن للأسف 400 جنيه استرليني للموديول بالاضافة لرسوم الإمتحان 125 الآن اصبحت مبلغ كبير .. لكن يمكنك الدراسة والتوقف متى شئت .
لا أنصح في البداية بأخذ أكثر من موديولين .. وأرشح الـ Organisational Behaviour كموديول اجباري و الـNegotiation كموديول اختياري
الامتحانات واـGrade بيتحسب كيف وبقية التفاصيل هنا :
http://www.ebsglobal.net/programmes/examinations
الماستر هنا :
http://www.ebsglobal.net/programmes/mba-dista...e-learning-structure
الماستر (بالتخصصات) هنا :
http://www.ebsglobal.net/programmes/mba-specialisms
المنحة من هنا (ويمكن يكون حظك كويس) ..
http://www.ebsglobal.net/programmes/mba-dista...earning-scholarships
أي استفسارات حاضرين .. وبالتوفيق يارب
تحياتي
|
Post: #8
Title: Re: استشارة علمية ( عاوزين ماجستير ادارة اعمال عن بعد )
Author: ibrahim alnimma
Date: 01-04-2013, 10:07 AM
Parent: #6
الاستاذ عادل عبدالعزيز تحياتي وتقديري ..........
هناك جامعة هندية اسمها Mnipal university وتمنح MBA في مجالات عديدة وتؤدي الامتحان بجدة وانا ادرس فيها والان انا في السمستر الثاني ......وهي عبارة عن اربعة سمسترات ........التكلفة 16 الف ريال اربعة الف لكل سيمستر ..........ويمكنك الدخول الي الموقع الاتي
وساحاول توفير التلفون في اقرب وقت http://edunxt.smude.edu.in/?q=
|
Post: #9
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-04-2013, 02:45 PM
Parent: #6
استاذنا محمد عبدالله مختار شكرا كتيرا على الاهتمام وتوفير الروابط وساقوم بالدخول فيها وفلفلتها لنرى المفيد منها
على جنب كده
-----------------
متابع بوستاتك الجميلة عن الكون والفضاء وما بينهما
يديك العافية
|
Post: #10
Title: Re: استشارة علمية ( عاوزين ماجستير ادارة اعمال عن بعد )
Author: اميرة السيد
Date: 01-04-2013, 03:22 PM
Parent: #9
اولا شكرا ليك يا عادل عشان نحن كمان استفدنا كثير من المعلومات التي قدمها الأعزاء خالد عثمان وفتحي الصديق ومحمد عبد الله وابراهيم النعمة..
ثانيا .. العلم ما فيه انا كبرت ولا عجزت .. " في حبوبة عمرها 75 سنة وهي طالبة في جامعة امريكية ويا دوبك في سنة اولى..
.. وانا من ناحيتي بفتش ليك جامعة امريكية تكون عندها نظام التعليم عن بعد واشوف ليك شروطها وتكاليفها..
وسؤال موجه لخالد عثمان: دحين 16000 دولار استرالي ما كثيرة على الماجستير .. والماجستير سنة ونصف او سنتين بس؟؟ طبعا ده اذا كان الدولار الاسترالي هو نفس قيمة الدولار الأمريكي..
والله يديكم العافية
|
Post: #11
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-04-2013, 09:56 PM
Parent: #10
Quote:
الاستاذ عادل عبدالعزيز تحياتي وتقديري ..........
هناك جامعة هندية اسمها Mnipal university وتمنح MBA في مجالات عديدة وتؤدي الامتحان بجدة وانا ادرس فيها والان انا في السمستر الثاني ......وهي عبارة عن اربعة سمسترات ........التكلفة 16 الف ريال اربعة الف لكل سيمستر ..........ويمكنك الدخول الي الموقع الاتي
وساحاول توفير التلفون في اقرب وقت http://edunxt.smude.edu.in/?q= |
الاستاذ ابراهيم النعمة انت جيتنى فى وترى الله يديك العافية والهنود ديل حنان شديد وخاصة على الناس الظروفهم العملية زى حالة اخوك
الحقنى برقم التلفون وموقع الجامعة فى جدة عشان ازورها فى اقرب وقت واتعرف على طريقتهم( تكفى )
على جنب كده
--------------
حدثنى د احمد القرشى عنك بكلام جميل وطيب اثناء زيارته الاخيرة للسعودية واداءه للحج مما جعلنى اتشوق لمقابلتك ويا ريت لو تشيل رقم موبايلى من البروفايل للتنسيق
|
Post: #12
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-04-2013, 09:59 PM
Parent: #11
اختنا الكريمة اميرة السيد ست الزوق والفهم
شكرا كتيرا لك وانا فى انتظار ما وعدت به
|
Post: #13
Title: Re: استشارة علمية ( عاوزين ماجستير ادارة اعمال عن بعد )
Author: خالد عثمان
Date: 01-05-2013, 01:22 AM
Parent: #10
تحيتي أميرة
طبعاً كثيرة ، والدولار السترالي حالياً أقوى من الامريكي
ال MBA بتاخد سنة ونصف اذا كانت Full Time
بس الجامعة مشكورو مشهورة في مجال الدراسة عن بعد
مع احترامي
|
Post: #15
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-06-2013, 06:32 AM
Parent: #14
الاخت اميرة السيد
والاخ ابراهيم النعمة
مازلت فى انتظاركم
|
Post: #16
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-07-2013, 12:31 PM
Parent: #15
شكرا يا ترهاقا على المساهمة القيمة
وسو ف نقوم بالبحث هناك
|
Post: #17
Title: Re: استشارة علمية ( عاوزين ماجستير ادارة اعمال عن بعد )
Author: ادم الهلباوى
Date: 01-07-2013, 12:50 PM
Parent: #16
الأخ الكريم ناشد العلم الأستاذ / عادل عبدالعزيز عبد الرحيم تحياتى
الجديد المفيد عندى أنا
جامعة بحرى البديلة لجامعة جوبا
بدأ التسجيل للعام الجديد
الشروط :
* الحصول على بكالوريا ومهما يكن
* التقدير ممتاز او جيد جدا أو جيد
* لازم من الحصول على الدبلوما لمدة عام
ما عليك إلا بالإنصال فورا للتسجيل هذا ما لزم ايضاحة حسب طلبكم إحترامى
* لا ادرى أين تقيم أنت لأن هنالك فى المهجر مناديب للتسجيل وهكا دواليك ؟!
..
|
Post: #18
Title: Re: استشارة علمية ( عاوزين ماجستير ادارة اعمال عن بعد )
Author: ادم الهلباوى
Date: 01-07-2013, 12:57 PM
Parent: #17
علما بأن هنالك تخصصين :
* إدارة عامة ( حكومية )
* إدارة اعمال متخصصة
اربعة مواد ربما
محاسبة ادارية
بحوث عمليات
نظم معلومات
بس الرابعة أخوك ناسى شوى
او ربما تكون احصاء
الم اقل لك الجديد المفيد عندى
هذه الكعبة كنا طائفيها
|
Post: #19
Title: Re: استشارة علمية ( عاوزين ماجستير ادارة اعمال عن بعد )
Author: وضاحة
Date: 01-07-2013, 01:09 PM
Parent: #18
Quote: نرجو من الاخوة اصحاب المعرفة والخبرة فى هذا المجال مدنا ببعض المعلومات علما باننى اعانى من الدوام الطويل خلال اليوم حيث اعمل كمدير مبيعات لشركة فى جدة ودوامى مرتين فى اليوم من 9 ص الى 1.3 ظهر ومن 5 مساء الى 9 مساء يعنى فى معاناة فى الوقت مقرونا ذلك باننى لدى اسرة فى جدة ولدى اسفار عديدة بسبب العمل
|
دا كلوا وبعد كده عاوز تقرى !!!!!!
تقرى متين وينوا وقتك
القراية عاوزة تخطيط بتاع زمن علشان الطاسة تشتغل
حاول تجد حل اولاً لى وقتك بتاع الدوام علشان تلقى وقت تدرس
اهلنا قالوا الجرى والطيران ما ببقى 
|
Post: #20
Title: Re: استشارة علمية ( عاوزين ماجستير ادارة اعمال عن بعد )
Author: احمد التجانى احمد
Date: 01-07-2013, 01:33 PM
Parent: #18
الاخ الحبيب (دفعه) عادل
منذ ان تخرجت فى بدايات التسعينات ومشروع ماستر ادارة الاعمال يدور فى راسى , كانت الرغبه متوفرة والمسئوليات متواضعه ولكن كانت العقبه هى توفير مبلغ الرسوم والتى صعبت حتى وبعد الاغتراب فى السعوديه ولكن ابدا لم يكن ذلك كافيا لقفل الموضوع ونسيانه نهائيا فقط كنت اؤجله على امل ان تتحسن الاوضاع والحمد لله تحسنت الاوضاع الماديه ولكن بالمقابل زادت المسئوليات , واصبح الشغل الشاغل لنا ان نفعل كل ما بوسعنا لتوفير حياة كريمه لابنائنا وتعليمهم التعليم الذى كنا نرجوه لانفسنا اضافة لذلك كنت قد شعرت بانه قد فات الاوان للرجوع لقاعات الدراسه والامتحانات والبهدله , الا ان التقيت بصديق كان برفقته عمه الذى اخبرنى انه انجز الماجستير فى سن الستين وكذلك احد زملائى فى العمل شاب يصغرنى بحوالى سته سنوات كان يشجعنى على ان نسجل سويا فى احدى الجامعات وتقريبا كانت لدينا وجهة نظر متفقه على ان الماجستير يجب ان يكون من جامعة ذات اسم عريق تضيف للعلم ولا تستهلكه فقط لذلك وقع اختيارى على جامعة ليستر فى بريطانيا University of Leicester وتوكلت على الله فى عام 2009 اتممت التسجيل لدى وكيل مركز الجامعه بجدة ودفعت الرسوم على اربعه اقساط (11 الف استرلينى) , لديهم سبعه موديولز اتممتهم بنجاح قبل اكثر من عام الا اننى تماطلت كثيرا فى موضوع ال Dissertation والذى بسببه انا فى جهاد هذه الايام مع نفسى الامارة بالكسل حتى افرغ منه ولا يعيق همتى الا هذا السودانيزانلاين حيث لم استطيع لجم نفسى عن مطالعته , ارجوا من الجميع الدعم والدعاء لى بالتوفيق حتى اغلق هذه الصفحه واوصيك اخى عادل بالتوكل على الله وحزم امرك وليكن هذفك الجامعات الجيده ودع ما يريبك الى ما لا يريبك
|
Post: #21
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-07-2013, 09:15 PM
Parent: #20
Quote:
* الحصول على بكالوريا ومهما يكن
* التقدير ممتاز او جيد جدا أو جيد
* لازم من الحصول على الدبلوما لمدة عام
|
يا هلباوى يعطيك الف عافية شاكر ومقدر لمجهودك
لكن حكاية الدبلوم قبل الماستر دى ما حارة شوية ومن جامعة بحرى كمان ؟؟؟
على العموم ساقوم بالاتصال والمتابعة معهم لمعرفة الحاصل
وشكرا ليك تانى
|
Post: #22
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-08-2013, 10:28 PM
Parent: #20
Quote:
دا كلوا وبعد كده عاوز تقرى !!!!!!
تقرى متين وينوا وقتك
القراية عاوزة تخطيط بتاع زمن علشان الطاسة تشتغل
حاول تجد حل اولاً لى وقتك بتاع الدوام علشان تلقى وقت تدرس
اهلنا قالوا الجرى والطيران ما ببقى
|
وضاحة خليك محضر خير يا دوب نحن اقنعنا نفسنا بعد كم وعشرين سنة انو دى كلها ما عوائق حقيقية
انت جاية تحرشيها تانى وترجعينا ورا مالك
يدك معانا وساعدينا بالدفرة والموية الباردة عليك الله
|
Post: #23
Title: Re: استشارة علمية ( عاوزين ماجستير ادارة اعمال عن بعد )
Author: عادل عبدالعزيز عبد الرحيم
Date: 01-08-2013, 11:02 PM
Parent: #20
Quote: الاخ الحبيب (دفعه) عادل
منذ ان تخرجت فى بدايات التسعينات ومشروع ماستر ادارة الاعمال يدور فى راسى , كانت الرغبه متوفرة والمسئوليات متواضعه ولكن كانت العقبه هى توفير مبلغ الرسوم والتى صعبت حتى وبعد الاغتراب فى السعوديه ولكن ابدا لم يكن ذلك كافيا لقفل الموضوع ونسيانه نهائيا فقط كنت اؤجله على امل ان تتحسن الاوضاع والحمد لله تحسنت الاوضاع الماديه ولكن بالمقابل زادت المسئوليات , واصبح الشغل الشاغل لنا ان نفعل كل ما بوسعنا لتوفير حياة كريمه لابنائنا وتعليمهم التعليم الذى كنا نرجوه لانفسنا اضافة لذلك كنت قد شعرت بانه قد فات الاوان للرجوع لقاعات الدراسه والامتحانات والبهدله , الا ان التقيت بصديق كان برفقته عمه الذى اخبرنى انه انجز الماجستير فى سن الستين وكذلك احد زملائى فى العمل شاب يصغرنى بحوالى سته سنوات كان يشجعنى على ان نسجل سويا فى احدى الجامعات وتقريبا كانت لدينا وجهة نظر متفقه على ان الماجستير يجب ان يكون من جامعة ذات اسم عريق تضيف للعلم ولا تستهلكه فقط لذلك وقع اختيارى على جامعة ليستر فى بريطانيا University of Leicester وتوكلت على الله فى عام 2009 اتممت التسجيل لدى وكيل مركز الجامعه بجدة ودفعت الرسوم على اربعه اقساط (11 الف استرلينى) , لديهم سبعه موديولز اتممتهم بنجاح قبل اكثر من عام الا اننى تماطلت كثيرا فى موضوع ال Dissertation والذى بسببه انا فى جهاد هذه الايام مع نفسى الامارة بالكسل حتى افرغ منه ولا يعيق همتى الا هذا السودانيزانلاين حيث لم استطيع لجم نفسى عن مطالعته , ارجوا من الجميع الدعم والدعاء لى بالتوفيق حتى اغلق هذه الصفحه واوصيك اخى عادل بالتوكل على الله وحزم امرك وليكن هذفك الجامعات الجيده ودع ما يريبك الى ما لا يريبك |
الصديق العزيز ابو التجانى كيف حالك وشاكر لمساهمتك
اخى نفس الاحساس والتواكل والتباطؤ كان حاصلا معى لنيف وعشرون عام ولكن الفى البال فى البال واخيرا دخلت كم دورة فى جدة فى التنمية البشرية بواسطة المدرب د رشاد فقيها وهو انسنان ممتاز ومحفز الى ابعد الحدود وقد ساهم الى حد بعيد فى دفعى دفعا لاتخاذ هذه الخطوة وانا الان فى الطريق الصحيح
شكرا تانى ياباشا
|
|