كده غلط!

علاء الدين يوسف واكرم الهادي سليم يعتديان بالضرب المبرح
على ســـوداني مقيم بالامارات .. ينقل على اثرها الى احد المستشفيات
..
..



___
والجالية السودانية هناك تتكفل بدفع مبلغ 30 ألف درهم للمجني عليه
كتعويض عن الضرب الذي تعرض له
بالاضافة الى مبلغ 7 ألف درهم هي تكاليف علاجه

بالطريقة دي لو في واحد مفلس وعايز ليهو 30 ألف درهم
يوقت السنة الجاية مع سفر اكرم وعلاء الدين للامارات
ويستفزهم فيجلد ويرقد في المستشفى كم يوم
ثم ينال التعوض المناسب من قبل الجالية السودانية في الامارات
وبس
..
..


__
علقه تفوت ولا حد يموت ... والله صحي

بهذا الفعل اعتقد أن الجالية السودانية تزيّن لعلاء الدين وأكرم فعلهما
وهناك من هو أولــى بمثل المبلغ في السودان

من أمن العقوبة اساء الأدب
وكذلك من أمن دفع التعويض ضرب غيره واعتدى عليه
دون أن يطرف له جفن

اكرم الهادي والله انت ما بتشبه ابوك ابداً
واظنك خصماً على سيرته العطره في المريخ
ياخ العب كورتك وبطل صعلكه

لا اكرم مفلس ولا علاء الدين يوسف محتاج
عشان الجالية السودانية تتحمل اخطائهما
اتفهم دوافع الجالية السودانية فيما قامت به
وهي تظن انها تقف بجانبهما ولكن!!!!!!!
لا بد من تغيير بعض مفاهيمنا وعاداتنا وهذا التصرف تحديداً يحدث كثيراً
في الغربه من الســودانيين حينما يخطئ احدهم عامداً متعمداً
ويرهق الآخرين بتحمل تبعات اخطائه

علمونا قاعدة العين بالعين والسن بالسن لكن والله أول مره أعرف أنها أصبحت تستبدل الفلوس
عالم ########ات ...
.
.

Quote: علمونا قاعدة العين بالعين والسن بالسن لكن والله أول مره أعرف أنها أصبحت تستبدل الفلوس عالم جبــــانـــات ...

السوداني الذي تم ضربه كيف يقبل على نفسه
أن يأخذ تعويضاُ عن ضربه ويبدو انه زول خيخه ساي

تحياتي يا معتز زيزي يا فنان وعالم جــبانـــات فعلاً

علاء الدين يوسف لو عايز تعمر في الملاعب والمريخ
العب كورتك وبطل قلة أدب والا ستشطب و(الشمش) حيه
والله صحي

اعمل حسابك مايجوا ناطين ليك جوز في البوست بتاعك دا

Quote: اعمل حسابك مايجوا ناطين ليك جوز في البوست بتاعك دا

النطه هينه ياخ!
كدا نجض لينا كلام (السرحة) التعويض ... والله صحي ()

تحياتي

Quote: عشان الجالية السودانية تتحمل اخطائهما اتفهم دوافع الجالية السودانية فيما قامت به وهي تظن انها تقف بجانبهما ولكن!!!!!!! لا بد من تغيير بعض مفاهيمنا وعاداتنا وهذا التصرف تحديداً يحدث كثيراً في الغربه من الســودانيين حينما يخطئ احدهم عامداً متعمداً ويرهق الآخرين بتحمل تبعات اخطائه

تحياتي بشاري

ولكن يبدو انك لم تتفهم دوافع الجاليه كما تفضلت!!!

الدرس كان للاعبين الإثنين ...مسألة أن يقدم اهل الجاليه المساعدات هو سلوك طبيعي منهم.

أتمنى أن يكونا قد وعيا الدرس الاخلاقي في التعامل مع الجمهور.

ودي وتقديري.

الشيخ سيد احمد

تحياتي،،،

Quote: ولكن يبدو انك لم تتفهم دوافع الجاليه كما تفضلت!!!

بالعكس يا الشيخ متفهم جداً لموقف الجالية ولو كنت أحد افرادها لساهمت في الدفع
هذا ســلوك ســـوداني حصري في التكاتف والتلاحم الاجتماعي والمشاركة
ولكن لا بد للجالية أن توصل هذه الرسالة لعلاء واكرم
وهي دعوة لتغيير بعضاً من سلوكياتنا في الغربه فعلاء واكرم اساءا للجالية اولاً
ثم لنفسيهما وكنت اود أن يشعرا بما اقترفته يداهما .. ويتحملان تبعاته
لماذا اصلا لاعبين في مكانتهما يسهران وربما يسكران ثم يتشاجران مع سوداني مثلهما
سمعت أن المجني عليه او بعضاً من اصحابه كانوا مخمورين

كن بخير

بشاري

تحيه وإحترام

Quote: وهي دعوة لتغيير بعضاً من سلوكياتنا

نسيت أن تدرج كلمة السالبه في ثنايا ردك.
"لتكون الجمله كالآتي: وهي دعوه لتغيير بعضآ من سلوكياتنا السالبه"...ليكون إتفاقي معك تمامآ في هذه الجزئيه....أتمنى أن تكون إضافتها من جانبي تجد القبول عندك فهي ليست خصمآ على وجهة نظرك.

ودي وتقديري.

عندما يسيئ لاعب ما التصرف خارج ارض الملعب في الدول العريقة في لعبة كرة القدم فانه يحاسب من قبل اتحاد اللعبة ومن قبل ناديه بالايقاف اوالغرامة الاثنين
معا وطبعا الايقاف بالنسبة للاعب محترف فيه خصومات تقيلة من المرتب والحوافز
وده طبعا غير التقارير التي تسجل تفاصيل كل شيء مما يقلل من قيمته كلاعب محترف اذا ما اراد الانتقال الي نادي اخر
اما بالنسبة لللاعيبة في السودان فيحدث العكس يتم تجريم الضحية قبل كل شيئ ومن ثم يجوا علي الجاني وهاك يا تطييب خواطر ومن شاكلة هذا الكلام الفارغ ..
الاحري والاصح ان يتم معاقبة هؤلا اللاعيبة جراء هذا السلوك الذي لايليق برياضيين ..اما عن التكافل وجمع المال لتعويض الضحية فلو كان من اجل مساعدة الضحية فلابأس
اما لو كان من اجل خاطر هؤلاء البلطجية فذلك من باب السفه وانفاق الاموال في غير محله
اما اذا صح ما اوردته عن ان الجميع كانوا مخمورين .. فحسبنا الله ونعم الوكيل

سلام يا باش
والله فكرة جميلة الواحد البت لd علاء الدين واكرم لو جو هنا ياخذ ليهو شلوتين وإطلب مبلغ وقدره
تسجيل علاء الدين وهيثم اكبر خطأ بالمريخ لاحقا الادارة سوف تكتشف ذلك ((لو فيهم خير ما كان رماهم الطير))
نقراء ونسمع اللعيبه الدوليين ايام الاعياد بمشو لاسرهم لقضاء ايام سعيده في احضان الاسر والدولين المقصود بيهم ناس ميسي ودرغبا وغيرهم
حسي لو سألنا الوهم ديل ماشين دبي لي شنو غير الانطلاقة كلام شداد اصلو ما وقع واطه بخصوص اللاعب السوداني فاقد تربوي
يا حليل لعيبه بعرفو قيمة الكوره ناس مصطفي النقر والفاضل سانتو وقت كانو محترفين ايام الاعياد تلقاهم في السودان لا شافو لبنان لا المغرب لا دبي
ادارة المريخ لا تعي ولا تعلم ولا تستفيد من الاخطاء اركرم قبل كده طابقين البلوم في سوريا وهاك يا انطلاقة تاني يوم اخذنا سفن اب.

الشيخ سيد احمد

تحياتي

Quote: نسيت أن تدرج كلمة السالبه في ثنايا ردك.

لا ما نسيت وتركتها لتشمل السالبه منها وغير السالبة
السالبة نحن مطالبين بتغييرها أما غير السالبة فنحن مطالبين بحسن استخدامها
وحسن الاستخدام الذي اعنيه هوعدم استخدامها مع المخطئ والمسئ وحصرها في المحسن
زي حالتنا الفوق دي .. 2 ارتكبوا اخطاء ويجب ان يتحملوا تبعات تلك الأخطاء
يعني مثلاً زي الشباب ديل لو كان خليناهم دفعوا الغرامة دي باقي ليك
ممكن السنة الجاية ممكن يعملوا كدا؟
باختصار ترك السالب وتعضيد الموجب بما يخدم قضايانا

Quote: "لتكون الجمله كالآتي: وهي دعوه لتغيير بعضآ من سلوكياتنا السالبه"...ليكون إتفاقي معك تمامآ في هذه الجزئيه....أتمنى أن تكون إضافتها من جانبي تجد القبول عندك فهي ليست خصمآ على وجهة نظرك. ودي وتقديري.

كل الود لك واصلا نحن ما مختلفين كتير
انا محاذيري إنها تكون مشجعة لهم ولغيرهم لارتكاب الأخطاء
وأنا فوق قلت لو أني في الامارات لدفعت مع الدافعين .. والله صحي
لسببين أولها إني مريخابي وثانيها انا سوداني

كن بخير

Quote: عندما يسيئ لاعب ما التصرف خارج ارض الملعب في الدول العريقة في لعبة كرة القدم فانه يحاسب من قبل اتحاد اللعبة ومن قبل ناديه بالايقاف اوالغرامة الاثنين معا وطبعا الايقاف بالنسبة للاعب محترف فيه خصومات تقيلة من المرتب والحوافز وده طبعا غير التقارير التي تسجل تفاصيل كل شيء مما يقلل من قيمته كلاعب محترف اذا ما اراد الانتقال الي نادي اخر اما بالنسبة لللاعيبة في السودان فيحدث العكس يتم تجريم الضحية قبل كل شيئ ومن ثم يجوا علي الجاني وهاك يا تطييب خواطر ومن شاكلة هذا الكلام الفارغ .. الاحري والاصح ان يتم معاقبة هؤلا اللاعيبة جراء هذا السلوك الذي لايليق برياضيين ..اما عن التكافل وجمع المال لتعويض الضحية فلو كان من اجل مساعدة الضحية فلابأس اما لو كان من اجل خاطر هؤلاء البلطجية فذلك من باب السفه وانفاق الاموال في غير محله اما اذا صح ما اوردته عن ان الجميع كانوا مخمورين .. فحسبنا الله ونعم الوكيل

يا سماعين والله قدر ما حاولت اكتب حرف زيادة ما قدرته

كن بخير

___________

ازيك يا عبس

Quote: ادارة المريخ لا تعي ولا تعلم ولا تستفيد من الاخطاء اركرم قبل كده طابقين البلوم في سوريا وهاك يا انطلاقة تاني يوم اخذنا سفن اب.

غايتو يا عبس دي يعميني ويطرشني فيها ..... والله صحي
اجدع اخوك برابط الشـــئ دا ياخ!

___

أووووووووو حبيبنا الصفوة مشرفنا بجاي
حبابك مليااااااار يا دكتور

Quote: أتوقع - ليس دفاعاً ولا تبريراً - أن يكون الثنائي تعرض للإستفزاز من قبل هذا (الثري أبو تلاتين ألف فجأة دا)... على شاكلة الاستفزازات العنصرية أو تلك التي تقدح في الأنساب..والأمر واضح..

طيب ياخ ما دام تعرضوا للاستفزاز ما كان يعملوا

التجاهل
التجاهل
التجاهل

ويريحونا ياخ
عارف لو دقيت ليك زول يبقى انت متعمد وقاصد
خلاص ما تحمل الباقيين اخطاءك ولا شنو؟

اللمين البشاري ود عمي..

سلام عليك وعلى ضيوفك

أتوقع - ليس دفاعاً ولا تبريراً - أن يكون الثنائي تعرض للإستفزاز من قبل هذا (الثري أبو تلاتين ألف فجأة دا)...

على شاكلة الاستفزازات العنصرية أو تلك التي تقدح في الأنساب..والأمر واضح..

بركة القطعوا ليهو ...

أنا زاتي لو كنت حاضر كنت دخلت إيدي معاهم..

..

عزيزي الصفوي ود البشاري

سلامات وكل سنة وانت طيب


الناس دي فقدت المنطق وبدون لعب كورة!!
طيب هم بيقدر يمارسوا السلوك ضد الجماهير...!!
بيقدروا يعتدوا على الجماهير لما تستفزهم بالجملة!!

ديل ما عارفين ضريبة الشهرة فيها شنو؟ وعليها شنو؟

هم ناسين انهم بينتسبوا لاكبر نادي في السودان!!


غلط كبير والله

Quote: السوداني الذي تم ضربه كيف يقبل على نفسه أن يأخذ تعويضاُ عن ضربه ويبدو انه زول خيخه ساي

والله فعلا شينة وما حلوة
إما كان يعفو لله و الرسول أو يخلي الموضوع يمشي المحكمة تجيب ليه حقو
لكن كمان يساوم ويحدد مبلغ وما يتنازل دي شينة شديد وفعلا تخلي الواحد يصدق قصة المؤامرة دي
بس إن شا الله يكون درس للاعبين و لبقية اللعيبة انهم شخصيات عامة و العين عليها في اي مكان مفروض يعملوا حسابهم ويبعدوا عن الشبهات

الامين يا صفوة تحياتي

Quote: والجالية السودانية هناك تتكفل بدفع مبلغ 30 ألف درهم للمجني عليه كتعويض عن الضرب الذي تعرض له بالاضافة الى مبلغ 7 ألف درهم هي تكاليف علاجه

الموضوع ليس فيها مشاورات كثير من السماسرة دخلوا في النص والقصة كل شوية تتبلور عالم فارق لوشفت المستشفي الكل عوز يطلع حق ههههههه تقول بيع وشراء وربك يهون .. من قلب الحدث ( كيف يرضي انسان العوض الاادري ) هل كل هذا الاصرار علي المبلغ لتعويض ولا لشي اخري الله اعلم

حيا الله أخي البشاري!

بس دي نجت من المسح والحذف!

Quote: الموضوع ليس فيها مشاورات كثير من السماسرة دخلوا في النص والقصة كل شوية تتبلور عالم فارق لوشفت المستشفي الكل عوز يطلع حق ههههههه تقول بيع وشراء وربك يهون .. من قلب الحدث ( كيف يرضي انسان العوض الاادري ) هل كل هذا الاصرار علي المبلغ لتعويض ولا لشي اخري الله اعلم

خالد درق

تحياتي ياصفوة ..
حاجة محزنة والله ياخ وما الزمن اتغير ولا اخلاقنا هي الاتغيرت

الله هونيني على رأي اخونا هاشم نوريت

___

الاخ صلاح عباس

وحياك الله واسعدك يا ابو صلاح
الممسوح كلو قريتو ولكن لم اتمكن من الرد عليه لاني كنت في المكتب
عموما مجرد تحيتك تسعدني اخي الفاضل

يا ابو صلاح يعني الزول ما ينوم ولا شنو؟

Quote: ديل ما عارفين ضريبة الشهرة فيها شنو؟ وعليها شنو؟ هم ناسين انهم بينتسبوا لاكبر نادي في السودان!!

عزو يا صفوة

والله هم من ناحية ناسين فهم ناسين أو مستهترين
على إدارة المريخ الوقوف بحزم أمام هذه التفلتات


____

Quote: والله فعلا شينة وما حلوة إما كان يعفو لله و الرسول أو يخلي الموضوع يمشي المحكمة تجيب ليه حقو لكن كمان يساوم ويحدد مبلغ وما يتنازل دي شينة شديد وفعلا تخلي الواحد يصدق قصة المؤامرة دي

شينة ساي يا ود البشــرى ياخ!
الزول دا ما بخجل عدييييييييل كدا يا ود البشرى
قالوا قاعد يساوم الجالية لأنهم عرضوا عليه 15 ألف درهم مقابل التنازل
ولكن هو قال ليهم 30 ألف درهم ودرهم ينطح درهم

تحياتي

سلامات الامين وكل سنة وانت طيب

انت عارف فى هنود مصورين الحادثة بكل تفاصيلو حاولت انزل ماقدرت واكرم دا ما اول مرة

والخبر انتشرت بالصورة غير امس فى شرطة المرقبات واحد شرطى يمنى سالنى شو صار فى المشكلة

يا ود البشـــرى تعال عاين الزول دا بقول في شنو؟

Quote: في تطور لقضية لاعبي المريخ اكرم الهادي وعلاء الدين يوسف مع احد السودانيين المقيمين بدبي ورغما عن تدخل الاجاويد لحل المشكلة ودفع تعويض للشاكي ضد اللاعبان في حدود وهي عبارة عن مبلغ 10 آلآف درهم والتكفل بقيمة العلاج في حدود 7 آلآف درهم وبعد أخذ ورد ومحاولات حثيثة كاد أحد أعضاء رابطة المريخ ينجح في مسعاه مع الشاكي لكن الأخير تراجع بعد تدخل أحد أقربائه وبعض أصدقائه الذين كانوا شهودا في الحادثة التي بدأت في صالة فندق فاين فير وامتدت في شارع الرقة بعيد الاحتفال براس السنة، وسعى عضو رابطة المريخ للوصول إلى تسوبة مرضية للطرفين لكنه اقتنع بعدم إمكانية ذلك بعد أن تمسك الشاكي بالحصول على مبلغ 30 ألف دولار، وتسببت عبارة قالها لأعضاء رابطة المريخ في قفل باب التفاوض حيث قال لهم: (انتو دافعين حاجة؟ القروش حا يدفعها جمال الوالي( وقد أغضبت العبارة عضو رابطة المريخ وجعلته يقول للمجني عليه (القانون يأخذ مجراه)، وبعدها قام عضو الرابطة بالاتصال بأكرم الهادي سليم شارحا له كل التفاصيل التي دارت خلال ساعات اليوم منذ الصباح وحتى الساعة الثالثة ظهر الأمس، وقال: (من الأفضل مواصلة السير في إجراءات القضية والبحث عن ضامنين يتركون جوازات سفرهن في قسم الشرطة كي يتمكن اللاعبان من السفر والعودة عند تحديد موعد القضية)، وهو خيار يبدو صعب التنفيذ من الناحية العملية نظرا لصعوبة إقناع أي شخص بترك جواز سفره لدى الشرطة لأنه سيصبح المعني بالقضية حال حدوث أي ظرف يؤدي إلى لعدم حضور المكفول. وذكر موقع الكوتش أن العملية التي كان يفترض أن تجرى للشاكي بمستشفى البراحة تأجلت في انتظار الوصول لتسوية تقنع المجني عليه حيث تصل تكلفتها إلى مبلغ 7 آلآف درهم لم تدفع بعد.

يا ود البشاري
بعد قريت مداخلة الصديق عصام اتصلت عليه قال كان مع الشاب في المستشفى وهو نفسه متفاجأ مما يقال على لسانه و المبالغ المحددة ايضا
ولم يتحدث مع اي احد - حتى تاني يوم على الأقل - الجرايد و المنتديات شغالين لفح ونجر مبالغ فيه
يبدو لي ان الحاصل كالتالي بعض اصدقاء و معارف الشاب دا حاولوا استغلال معرفتهم به و تواصلوا مع خالد درق و اعضاء رابطة المريخ وهم من روج للأحاديث بتاعة القروش دي وحاولوا يفاوضوا باسمه
اتمنى على اي صحيفة محترمة ان تبعث مندوبها لمقابلة الشاب وأخذ حديثه عن لسانه فقط

Quote: سلامات الامين وكل سنة وانت طيب انت عارف فى هنود مصورين الحادثة بكل تفاصيلو حاولت انزل ماقدرت واكرم دا ما اول مرة والخبر انتشرت بالصورة غير امس فى شرطة المرقبات واحد شرطى يمنى سالنى شو صار فى المشكلة

يعني بقت فضيحة بجلاجل يا حسن سناده

تحياتي