زح يا حجر

يا شعب لامتين التردد والوجل
يا الماك ج ب ا ن
عرطملك الحجر الشقي
وخسر الرهان
زح يا حجر ما ليك مكان
ارحل.. كما القبلك رحل
اقنع .....حار بيك الدليل
انجع......عارفين البديل
الحق ...والدرب والعديل
اسمع....وسمعك مو تقيل
الموت ...يحوم
اطلع ...وجنبنا الدموم
غادر...بتكفينا الهموم
الغم واحزان السنيــن
ارحل متل ما سوى زين
ارحل وان لم تمتثل
جاياك رياح الصابرين
تكفي القدور
وتقلع خيام حكم الفجور
وتطلق عقال جملو وتثور
تفرنب الدجل الكجور
وترفرف فوقنا رايات حق تدور
تندهنا تملا العتمة نور
سودانك المقطوع يلم
خاتي النضم
قولة بغم
يظهر كما الفتح المبين
هبت رياح الصابرين
هبت رياح الصامدين
ونفكو دين
دين الوطن حاملنوا دين
لازم ننزلو من ضهر هم السنين
وينحل قيدك يا بلد فجرك يبين

زح يا حجر

Quote: اطلع ...وجنبنا الدموم غادر...بتكفينا الهموم

مافي اجمل من كده.

ودي وتقديري يا غالي.

شكرا ابو صفية وتحية لك وللاسرة الكريمة
كل عام وانتم والسودان ينعم بالحرية واليمقراطية بحول الله وقوته.

Quote: ونفكو دين دين الوطن حاملنوا دين لازم ننزلو من ضهر هم السنين وينحل قيدك يا بلد فجرك يبين

آمييين يا منعم و يخضر فجر البلد

،،،،أبوقصي،،،،

شكرا ابو قصي الله يسمع منك يا حبيب وكل عام والسودان بالف خير.

حقك علي.. تب ماب اخاف
من كل تجار السلاح
الدسو كنتوش الملاح
خلونا بايتين القوا
ورافعين سلاح
عهدا علي تب ماب اخاف انا منهم
بمسك على جمر القضية وافنهم
فننن........ فنن

مرقت
مرقت... تسوق المتعبين
مرقت تضاضي المترفين
الشقو... صفنا... فلقتين
واحدي سموها الشمال
والتاني سموها الجنوب
وقااااعدين عتاوي المجرمين
بالضفتين
لي...سفنا
وانت وانا
بيناتنا دين
دين الوطن حاملنو دين
لازم ننزلوا من ضهر حمل السنين
وينحل قيدك يا بلد فجرك يبين

الأخ - عبدالمنعم العوض .. تحايا وسلام بعام
جديد نسأل الله أن يكون مختلف في بلد المستقبل
المعلق من كريعاتو .. كنا نشكو من دائرة
الديمقراطية الغبشاء وديكتاتورية العسكر
الغشوم ولم نك ندري أن في رحم ضياع الوطن
ما لم يكن يخطر ببال بشر والحمد لله في كل
المواسم.

محمد بضم الميم والحاء وتشديد الميم وفتحها وتسكين الدال
اريتك انت طيب وكل سنة طيب
نعم الحمد لله في كل المواسم وكان يوما اسود داك القال فيهو حميد عليه الرحمة

والبلد كَعْ..كَرَع
ركَّ في الميضنة
دكَّ للطنطنة
المِن الميضنة
الهِي ما مئذنة
كانت الميضنة
الهِي ما مئذنة
ضاربة في نصنا
حقنة لي مصَّنا
مدخنة حربنا
مدمنة سبَّنا
وإحنا ما ذنبنا!
بي طريق ربنا
جينا لي
ها..البلد
وإنولد حبنا
ليها
لي شعبنا
والله عالم بنا
وعارف الميضنة
الهِي ما ميضنة
ساسه مما إنبني
ماها لي ربنا
ميضنة بشتنة
والرسول كجنة
ميضنة كشتنة
والله قد لجَّنا
...
من مياضن الدمار
الله هوي نجَّنا..
وأبني فينا الوقار
لي جنا الكم جنا..
إنت فارج الكروب
للبطولبو العنا..
يا مخارج الدروب
من متاه الضنا..
حكمتك في القلوب
بس ندور نتْبِنَا..
إنت ياك طِبَّنا
وياك خلاص قلْبَنا..
من دواس شعبنا
سَوْ رصاص حَرْبنا
فأس لقي وعبَّنا
بالصلاح رضّنا
لي فلاح أرْضَنا
نبني للميضنة
التبِر فرْضنا
التصون عرْضنا
وما تضُر بعْضنا"
...