د. كرار التهامي........ مبروك إختيارك لمجلس الهلال....ولكن

؟؟؟

مبروك للهلالاب
كرار التهامي من عشاق النجاح
وهو شخصية قوية جدا ورجل عميق الفكر ومشهود له بالقيادة الممتازة
فاذا ما تلاقت افكاره مع اموال البرير فسوف يقدمون للهلال الكثير


ونحن في المريخ اخوة نعشق النجم وهوي


تحياتي ياسر

Quote: مبروك للهلالاب كرار التهامي من عشاق النجاح وهو شخصية قوية جدا ورجل عميق الفكر ومشهود له بالقيادة الممتازة فاذا ما تلاقت افكاره مع اموال البرير فسوف يقدمون للهلال الكثير ونحن في المريخ اخوة نعشق النجم وهوي

الاخ علي الكرار لك التقدير علي المشاركة وسلامي للدكتور ياسر صاحب البوست

التهاني للدكتور كرار التهامي ونتمني ان يعيد للهلال هيبته بعد فوضي قضية البرنس

تيجاني

تخريمة : .......يمتنعون

صديق الموج

كل سنة وأنت و أفراد اسرة بألف خير.....


سنوجه رسائلنا من هنا ... لدكتور كرار الذي نعلم .... من واقع معرفة شخصية بالرجل...والذي إختار طواعية التصدي لمهمة صعبة جدا إن لم تكن مستحيلة....في ظل ظروف قاسية جدا لكيان قدر لنا أن نعشقه...لأنه يمنحنا روح بنكهة وطن...

لن نوجه رسائلنا لدكتور كرار رئيس جهاز المغتربين .... بالرغم من أنه جهاز يهمنا جدا ...ونتأثر به جميعا.....ويمكن لنا أن نحتمل


ولكن فيما يخص لنادي الهلال ...لن نتردد .....


نواصل

الاخ علي الكرار هاشم

سلامات

د. كرار صديق قديم ....بغض النظر عن خط سيره


أعرف أنه يعشق التحدي......بس هذه المرة دخل في تحدي خطر

والظرف الان ليس بظرف لجنة التسيير المؤقتة


وجمهور الهلال مل الانتظار


أما أن تأتي و كيسك مليان


أو لاتضيع زمنك و زمن الاخرين....

نادي الهلال يمكن أن يعطيك بعض مما تريد....لكن الثمن سيكون مضاعفا

ماذا وإلا : الخسارة ستكون كبيرة

تحياتي

الاخ تجاني عبد الباقي

سلامات

نعم نبارك للاخ د. كرار


لن نكسر له تلجا......ولكن نقول ليهو الله يعينك



ورسائلنا ستتواصل سندا إذا توفقت......ونقدا إذا أخفقت

ونرجو أن تكون (سعة صدرك) التي نعرف كما هي.......فنحن لا نخشي في الهلال لومة لائم


تحياتي

ولكن !!!!!!
تاج

التحية لدكتور كرار التهــامي .. والف مبروك الاكتساااح ..

يبدو انو هناك نور في النفق المظلم الهلالي .. والذي ادخلنا فيه البرير وذمرتـه ملاح واحمد آدم وحتى العجوز غارزيتو فما حدث طيلة الموسم السابق يحتاج إلى هدم وبناء عاااجل ..
دكتور كرار التهامي اعتقد انه كان من ضمن لجنة التسيير التي تم تعيينها سابقا ابان الازمـة السابقة ..
الثقة التي حازها دكتور كرار التهامي هي اقل بكثير من حجم التحديات التي تواجهه في المرحلة الحالية .. لكن الحنكة الادارية ، والتفاف جماعات الهلال الحادبين على الخروج من هذه المعضلة واعادة الهيبة الادارية والشكل الفني للهلال ستكون هي بداية المرحلة القادمة لمسار التصحيح ..
الشأن هلالي بحت .. وابناء الهلال هم خير من يقود الهلال في المرحلة الحالية ، قدامى اللعيبة تخاذلوا فخذلونـا في شخص أحمد آدم ..
إدارئي الهلال تركوا الحبل على قارب البرير الذي جعل من نادي الهلال حلبة صراعات وهو الذي يجيد اللكم .. وتوجيه البوكس بعناية حتى على ابناء الهلال البررة ..
التاريخ سيسجل للبرير ما فعله في هذا الصرح العظيم ،
التبريكات للدكتور كرار الاداري المحنك ،
أول خطوات نحو النجاح في الشأن الهلالي ..عزل هذا المسخ الفرنسي من نفسياتنا ، والعمل بسرعة وحركة نشطة من اجل الاطاحـة بهذا البرير عندها فقط سنعرف الحجم الكبير لابناء الهلال الذين قدموا دكتور كرار التهامي نيابة عنهم في هذه الفترة الحساسة جدا ..

التحية لدكتور كرار التهــامي .. والف مبروك الاكتساااح ..

تمبس

مرحبتين حبابك.....وينك يا زول؟؟؟

Quote: يبدو انو هناك نور في النفق المظلم الهلالي .. والذي ادخلنا فيه البرير وذمرتـه ملاح واحمد آدم وحتى العجوز غارزيتو فما حدث طيلة الموسم السابق يحتاج إلى هدم وبناء عاااجل .. دكتور كرار التهامي اعتقد انه كان من ضمن لجنة التسيير التي تم تعيينها سابقا ابان الازمـة السابقة .. الثقة التي حازها دكتور كرار التهامي هي اقل بكثير من حجم التحديات التي تواجهه في المرحلة الحالية .. لكن الحنكة الادارية ، والتفاف جماعات الهلال الحادبين على الخروج من هذه المعضلة واعادة الهيبة الادارية والشكل الفني للهلال ستكون هي بداية المرحلة القادمة لمسار التصحيح .. الشأن هلالي بحت .. وابناء الهلال هم خير من يقود الهلال في المرحلة الحالية ، قدامى اللعيبة تخاذلوا فخذلونـا في شخص أحمد آدم .. إدارئي الهلال تركوا الحبل على قارب البرير الذي جعل من نادي الهلال حلبة صراعات وهو الذي يجيد اللكم .. وتوجيه البوكس بعناية حتى على ابناء الهلال البررة .. التاريخ سيسجل للبرير ما فعله في هذا الصرح العظيم ، التبريكات للدكتور كرار الاداري المحنك ، أول خطوات نحو النجاح في الشأن الهلالي ..عزل هذا المسخ الفرنسي من نفسياتنا ، والعمل بسرعة وحركة نشطة من اجل الاطاحـة بهذا البرير عندها فقط سنعرف الحجم الكبير لابناء الهلال الذين قدموا دكتور كرار التهامي نيابة عنهم في هذه الفترة الحساسة جدا ..

كلام مهم...يحتاج للتمحيص بي رواقة...مش الان ونحن في اخر الدوام,,


الي حين عودة


تحياتي لكم

د. ياسر يا قريبي سلامات
لما كرار التهامي كان على رأس شئون المغتربين، والمغتربون فرحون بهذا الكرار، حمدنا الله إنو كرار هذا نحن خارج إدارته ولا نحن ذاتنا مغتربون، أها الليلة جانا في اللحم الحي، والشغلة من بريرها خربانة، وجاء هذا الإنقاذي وتم الناقصة، عايرة وأدوها سوط.. أها نسويِّ شنو؟
___
عليهم لعنة الهلالاب أجمعين..

ياسر يا قريبي

سلامات

Quote: لما كرار التهامي كان على رأس شئون المغتربين، والمغتربون فرحون بهذا الكرار، حمدنا الله إنو كرار هذا نحن خارج إدارته ولا نحن ذاتنا مغتربون، أها الليلة جانا في اللحم الحي، والشغلة من بريرها خربانة، وجاء هذا الإنقاذي وتم الناقصة، عايرة وأدوها سوط.. أها نسويِّ شنو؟

ماهو عشان مايسوقوا الناس مشوارين تلاتة ونرجع لمكان ما وقفنا ...أو لي وراء شوية....عايزين الناس تعرف رأسها من كرعينها.....هل في فايدة...ولا كمان نمشي نشوف ناس واشنطون ردسكنز و دي سي يونايتد نمشي نشجعهم وننسي الازرق دا تماما ونخليهو ليهم.




نعم نحن الان خارج دائرة المغتربين...لكن عندنا ناسنالسه مكتوين بالنار

الاخ العزيز الاعلامي و الصحفي الموقر : تاج السر


نعم ......



ولكن هذه .....سيتبعها الكثير



خليك متابع بس من برج المراقبة.....( كإعلامي أحمر اللون طبعا (-: )




يتبع

صديقي د. كرار

نحن نعلم أن ولوجك لنادي الهلال العملاق ربما يكون عبر نافذة السياسة تبعا لإنتماءك الحالي و لخلفيتك السياسية.....نكن كل الاحترام لذلك ولكن:

أنت تعلم تمام العلم أن مزج السياسة بالرياضة خلطة غير مستساغة تماما....وخاصة في نادي كالهلال...حيث الوضع مختلف عن رصفائه....,لن تنجح سياسة التوجيه بفرض الامر الواقع المعتادة هنا....حيث أن عشاق نادي الهلال عشاق بالفطرة وليس بالاكراه...والانتماء هنا تلقائي وليس إلزامي....و لن تفيد سياسة الجزرة كما نفعت مع أندية أخري مماثلة...








لدينا الكثير ...فقط طولة البال

لن نستعجل

ولكن نقول
ما يريده الهلال من د. كرار التهامي مبدئيا : هو وضع كل خبراته التراكمية في نادي الهلال....نريد كرار المرتب المنظم الذي يجيد التخطيط البعيد عطفا علي خلفيته الاعلامية....لانو بصراحة كدا : نادي الهلال الان جايط.....في حاجات كدا ما بتحصل في نادي روابط


نواصل

الطيب ود شيقوق

سلامات


قصة تبارك بس و تمشي دي مامعانا


د. كرار عايز ليهو زي حوضين عنكوليب كدا


أبقي مارق

Quote: ورسائلنا ستتواصل سندا إذا توفقت......ونقدا إذا أخفقت

كذلك حق الهلال ..
وما عداه محبط لمن يريد اصلاحا

عمر علي حسن

الريس عمر علي حسن

سلامات

Quote: كذلك حق الهلال .. وما عداه محبط لمن يريد اصلاحا

الخير كل الخير عندما يقولها أمثالكم........ولا خير في أمثال د. كرار إن لم يسمعوها


بالله خليك معانا شوية


تحياتي

لا أعرف الكثير عن كرار التهامي،،مغترب جديد وكدة
لكن الشئ البعرفوا إنو البغل الإسمو البرير ده لازم يطير في أقرب وقت ممكن،،ومعاهو الفاشل غارزيتو

العريس مكي:


بالله يا مكي مافي كلمة ألطف من كدا ممكن تتقال


كيف الطقوس...إن شاء الله ماشة علي قدم و ساق

Quote: لا أعرف الكثير عن كرار التهامي،،مغترب جديد وكدة لكن الشئ البعرفوا إنو البغل الإسمو البرير ده لازم يطير في أقرب وقت ممكن،،ومعاهو الفاشل غارزيتو

غايتو فى البونية ما بتصاقع
وادارته دونك جهاز المغتربين
نرجسياً لدرجة لا استحياء جاء للهلال باحثاً
عن شهرة وفى سبيل ذلك مستعد ان يفعل مالم يفعله بشر،،،

صديق الموج

جاييك بي رواقة ياخ

ولحدي ما أجيك راجع.......ممكن تخت الكورة واطة


عشان الكيمان ما تتلخبت


رجاء

أواصل


و أتمني مشاركة الاخ الدكتور كرار...متي سمح له الوقت...وأنا أعلم أن له باسوورد

انت باين لي يا الاخ ياسر انك بتحرث في بحر،

مشكلة الهلال ليست في نائب الرئيس مشكلة الهلال هي الرئيس، مدام هذا البرير هو الرئيس يبقي بعد دا اذا كان نائبو مانديلا برضو علي الدنيا السلام ،

الاخو عبد الرحمن

سلامات


البرير رئيس نادي الهلال...وليس هو مجلس نادي الهلال


والهلال ليس المريخ لكي يديره شخص واحد...


والبرير هو رئيس منتخب...إذا أخطأ يجي أن يكون هناك مجلس إدارة لتصويب الخطأ

لدينا أمل في د. كرار حسب معرفتنا له الشخصية بغض النظر عن توجهه...ولدينا عشم في التصحيح

ونأمل ألانكون بنحرث في بحر...ولو إتضح ذلك سنترك البحر و المحرات

وضح ياأخو

ويبقى كل من الآتية أسماؤهم:

الدكتور / كرار التهامي
الأستاذ / صديق الموج
الأخ الأصغر / تمبس ، الشهير بعلاء الدين منصور !!

من أعز الناس إلى قلبي ،،
سأفرح جداً والله بعودة الصفاء بينهم ،،

نختلف في الهلال ، في الإنقاذ ، في البنية في الكاراتيه في الجن الأحمر لكن يبقى عرض أهالينا مصاناً ومودتنا سائدة وإخائنا باقٍ مابقينا ، ومانكتبه هنا شاهد علينا إن فنينا ،، وسيأتي يوم نحتاج فيه أن نكون على وفاق حتى نكون مع بعضنا أوقات الحارة !!

شكرا أبو حيدر ،
شكرا علاء الدين ،
وشكرا دكتور كرار (غيابيا) ، وبالمناسبة دي : أنا أكتر زول زعلان من كرار دا والله ، وبالمناسبة ياصديق الموج ، والله على ما أقول شهيد : أكثر ناس محبطين من منصب الأمين العام لجهاز المغتربين هم أهل دلائل الذين هم كإبن المدير في المدرسة الأولية زمان : أكتر واحد يتعرض للضرب في المدرسة هو ولد الناظر!!

الله من وراء القصد ، وهو الهادي سواء السبيل!!

ألاخ صديق الموج::






شكرا جزيلا

دكتور ياسر عبدالقادر

تحية وأحترام


أتوقع أن يستعيد الهلال مجده السابق مع إدارة دكتور كرار فالراجل لازمه النجاح طوال مسيرته وهو حليفه أتمني ذلك

كرمالك يا عبده

Quote: من أعز الناس إلى قلبي ،،

الله يديك العافية يا عبد اللطــيف وانت كمان من اعز الناس لي .. ويكفي انك معلم اجيال لذا وجب احترامك ..
والتحية لمرضعة دكتور كرار التهامي .. وربنا يحفظ امهاتنا واهلينا من شرور هذا البورد
ساقوم بمسح ما كتبته يا عبد اللطيف .. بناء على ما وردني منك وانت مكان احترامي وتقديري ..

والكرة في ملعبك يا صديق


شكرا تمبس

سلام يا عبد اللطيف



وفي إنتظار د. كرار

شكرا علاء ، وهذا عهدي بك ما رددت لي طلبا، وعاجز عن رد الجميل ،، وكمان أهو الكيبورد بتاعك بطلع كلام زي الورد يخلي الزول يصدق حاله (إزا بتريد) ويعمل فيها مروض للكواسر في البورد المجنون بتاعكم دا ههههههههههههه،،
أشكرك من كل قلبي ، ونحن والله أحوج مانكون لبعضنا ، والمسامح دايما كريم،


وعليكم السلام يادكتور ياسر ، ولهفي على هلال الملايين ناس كرار ديل يلحقو لينا كمان ريـال مدريد !!


صلاح أبودية : شكراً للتجاوب ، ودمت حبيباً صديقا،،


شكري الجزيل لدكتور كرار التهامي ونحن نأخذ من وقته الكثير بمشاكساتنا : وعليك الله يادكتور (خلينا نستغل لحظة التصالح هذه ونستفيد) أسألك بالله كان ما رفعت توصية بعمل الجواز السوداني عشر سنوات ، أسألك بالله - معظم السفارات الخارجية تعطينا تأشيرات حسب صلاحية الجواز الذي دائما ما يكون فيه سنة او يزيد قليلاً ،،

كذلك الرجاء مخاطبة بعض مواقع الحجز العالمية (طيران وفنادق) بإضافة إسم السودان من ضمن نماذجها الإلكترونية ومثال لذلك البرنامج الضخم AGODA.COM لأني في الغالب عند الحجز أدخل بإسم دولة جنوب السودان ، وهذه متعبة شوية والله نفسياً،،
(بكري أبو بكر على علاقة معهم بحكم الإعلان أعلى الصفحة إن كان بالإمكان المساعدة في تصحيح الصورة دي) ، غريبة فعلا أن يكون السودان غير موجود : هل هي مقصودة؟؟؟؟؟؟؟

سلام للجميع ، وشكراً صديق الموج على المبادرة الطيبة ، والله نسأل الستر والعافية وحسن الختام،،

Quote: وشكراً صديق الموج على المبادرة الطيبة

الخيل تجقلب و الشكر لي صديق

يا عبداللطيف ياخوي أول حاجة كتر خيرك رديت السلام .......مع إنو الداخل الدار هو البيسلم في الاول....لكن شايفك جيت متحزم وداخل في المعمعة دي من غير إحم ولا دستور (-:

تانيا ...الشمطة عندنا مدورة من الصباح...كرهونا الطب ذاتو....

وبعد خلاس الموضوع إتحلحل ..تجي تقول لي ببساطة كدا ...شكرا يا صديق

والله حقو الواحد يقرنك فوقو...

إنت مسكت لي في علاء الساهل دا....تقول روضت كواسر


هسي أحرش عليك صديق دا ..ينشف ريقك زي ما نشف لي ريقي..(-:

المهم الحمد لله إتحل الامر في الاخر


تحياتي

وفي إنتظار الاخ د. كرار لإستدراجه في الكرسي الساخن عن أحوال الهلال طبعا

وعد د. كرار بالحضور في هذا المنبر للتواصل مع محبي نادي الهلال ......ونحن بدورنا نعد بالتعاون من أجل الهلال و عاشقي نادي الهلال

العزيز د.ياسر
سلامى لك والتحايا باطلالة العام الجديد

نتمنى للدكتور كرار النجاح والتوفيق فى منصبه ونستبشر خيرا والهلال الان فى مرحلة لا نقبلها كمحبين لهذا النادى
نتمنى ان يعمل الجميع على زوال كل الاخطاء السابقه ويعمل كل المجلس الادارى لكى يعود هلالنا كما كان


مودتى

الاخ و الصديق العزيز: صدقي مطر

Quote: العزيز د.ياسر سلامى لك والتحايا باطلالة العام الجديد نتمنى للدكتور كرار النجاح والتوفيق فى منصبه ونستبشر خيرا والهلال الان فى مرحلة لا نقبلها كمحبين لهذا النادى نتمنى ان يعمل الجميع على زوال كل الاخطاء السابقه ويعمل كل المجلس الادارى لكى يعود هلالنا كما كان

أولا تحياتي لكل الاخوة ببروكسل...الهلالاب منهم و المريخاب

كلنا نتطلع لهلال مشرق علي أسس علمية و مرتبة...ونأمل أن ينتهي عهد الفوض و العشوائية....ليصبح هلالا مرتبا....سندعم د. كرار....و سننتظر النتائج

Quote: Quote: وشكراً صديق الموج على المبادرة الطيبة الخيل تجقلب و الشكر لي صديق يا عبداللطيف ياخوي أول حاجة كتر خيرك رديت السلام .......مع إنو الداخل الدار هو البيسلم في الاول....لكن شايفك جيت متحزم وداخل في المعمعة دي من غير إحم ولا دستور (-: تانيا ...الشمطة عندنا مدورة من الصباح...كرهونا الطب ذاتو.... وبعد خلاس الموضوع إتحلحل ..تجي تقول لي ببساطة كدا ...شكرا يا صديق والله حقو الواحد يقرنك فوقو... إنت مسكت لي في علاء الساهل دا....تقول روضت كواسر هسي أحرش عليك صديق دا ..ينشف ريقك زي ما نشف لي ريقي..(-: المهم الحمد لله إتحل الامر في الاخر تحياتي (عدل بواسطة د. ياسر عبد القادر on 07-01-2013, 03:00 PM)

حبيبنا دكتور ياسر ياخ انت الخير والبركة

وراء بوست الهلال هذا حب جارف لكيان عظيم وسيرة مشرقة ممتدة لفريق الوطن الأكبر وزعيم الكرة السودانية وطبيعي جداً أن ينتابنا الخوف عليه وعلى مستقبله بعد الحوسة الأخيرة

ونتمنى للأخ الدكتور كرار كل توفيق،،

هذا فيما يخص الهلال
اما فيما يخص الشمطة الهنا دي فهي لخير ان شاء الله، والناس الهنا دي الغريبة كلهم أصدقاء ومعارف ولا أحد منا أنت وأنا وكل القراء يعرف بعضهم أكثر منهم وبينهم علائق اسرية وتداخل قوي وغريب جداً مايحدث ولا تفسير له سوى نزغ من شيطان الكيبورد الذي يسهل جدا تفتيت الاواصر وبعثرتها

الآن بحمد الله نفتح باباً للأمل والصفاء والمودة ، وتأكد جلياً للجميع أن لا أحد يفرح بنصر فوق حزن أخيه المهزوم ، ولا أحد يسعده أن ينشر على أغراب البورداب في العالم ما يدور بين الاصدقاء فرحاً أو ترحاً ، نكداً أم صفاء ، ونحن بني البشر نخطيء ونصيب ولنا اسرارنا وشرورنا كما لنا فضائلنا ونسأل الله الستر ، ونسأله أن يعيننا على انفسنا واخطائنا ،،


شكرا يادكتور ياسر أن كان هذا البوست خاتمة سعيدة لاسطوانة مشروخة ومؤذية من صراع بين احباء واهل وعشيرة


تحياتي وشكري للجميع

العزيز دكتور ياسر و ضيوفه الكرام

لكم التحايا و الامنيات الطيبة

أما و قد وعد دكتور كرار التهامى بالتواجد هنا و الرد على استفساراتنا و تنويرنا بما يمكن ان يفعله

فهذه بادرة خير نرجو منها الخروج من هذا النفق المظلم يعود بعدها الهلال كما كان رائدآ فى كل مجال

و لكن دائمآ ما تأتى لكن من ضمن افكارى و ذلك فى وجود رئيس لا اظنه سيستمع الى نصح الآخرين

قرأت مقالآ عن أن همشرى يقود مسعآ للمصالحة بين أقطاب الهلال و نأمل ان يوفق فى ذلك

و لك مودتى و دام الهلال شامخآ بإذن الله

الاخ الهلالي القح: حيدر بشير

Quote: العزيز دكتور ياسر و ضيوفه الكرام لكم التحايا و الامنيات الطيبة أما و قد وعد دكتور كرار التهامى بالتواجد هنا و الرد على استفساراتنا و تنويرنا بما يمكن ان يفعله فهذه بادرة خير نرجو منها الخروج من هذا النفق المظلم يعود بعدها الهلال كما كان رائدآ فى كل مجال و لكن دائمآ ما تأتى لكن من ضمن افكارى و ذلك فى وجود رئيس لا اظنه سيستمع الى نصح الآخرين قرأت مقالآ عن أن همشرى يقود مسعآ للمصالحة بين أقطاب الهلال و نأمل ان يوفق فى ذلك و لك مودتى و دام الهلال شامخآ بإذن الله

نعم سيتواصل الدكتور إن شاء الله عبر هذا المنبر مع كل الأهله...وسيخصص لنا بعض الوقت رغم مشاغله فله الشكر

الاخ الراقي : عبد اللطيف


لي عودة لحديثك الانيق