Post: #1
Title: أنا وAkoy على ابن عمى!!
Author: Balla Musa
Date: 12-31-2012, 09:53 PM
Parent: #0
فى مشكلة تاريخية هنا..
|
Post: #2
Title: Re: أنا وAkoy على ابن عمى!!
Author: Balla Musa
Date: 12-31-2012, 10:07 PM
Parent: #1
كما أحب أن أطمئن الناس الخايفين على الأقباط السودانيين وبقول ليهم:
نحنا موش مصر!!
طالما الأقباط السودانيين احتفظوا بلونهم الأبيض فلا خوف عليهم ولاهم يحزنون..
الخوف لو لونهم إسود!!
فارقت المسالمة أياه هناى ومروحى
وانا فارقت زولا عندو عقلى وروحى
معاك سلامة يا امدرمان عليك وانوحى
|
Post: #3
Title: Re: أنا وAkoy على ابن عمى!!
Author: Balla Musa
Date: 12-31-2012, 10:12 PM
Parent: #2
هل استقلال السودان سبق دخول الأتراك السودان أم قبله..
|
Post: #4
Title: Re: أنا وAkoy على ابن عمى!!
Author: امين علي الشيخ
Date: 12-31-2012, 10:44 PM
Parent: #3
سلامات يا دكتور وكل سنه وانت طيب
غايتو العنوان المفروض يدوك عليه
أوسكار
اسمح لي أهنئ عبرك الأخ akoy
وأقول ليه كل سنه وانت طيب
بصراحه أنا معجب جداً بakoy
واعتزازه وفخره ببلده وأهله
وفعلاً مبروك عليهم استقلالهم
الاخدوه عنوةً واقتداراً
أما عن سؤالك عن الاستقلال
كان قبل الأتراك فما عارف
لكن كدي اسأل ملاسي بديك
بديك النجيضة
تحياتي لك
|
Post: #5
Title: Re: أنا وAkoy على ابن عمى!!
Author: Balla Musa
Date: 01-01-2013, 04:12 AM
Parent: #4
سلام يا أمين
نحييك من الماضى فنحن لازلنا فى العام 2012م
أنا وAkoy توأم سيامى
ولانامت أعين التاريخ
ولابارك الله فى استقلال مجانى
والحسبة حسب Akoy المفروض تكون 12.5 مليون شهيد لتحرير السودان.
فالذى اندفع من الحساب خمسها لتحرير خمس السودان..
|
Post: #6
Title: Re: أنا وAkoy على ابن عمى!!
Author: Elsanosi Badr
Date: 01-01-2013, 04:36 AM
Parent: #5
تعرف يا عزيزنا بله،
اخونا اكوي عندو بوستين نزل بهم قبل راس السنه (وفتح)، الناس ما اشتغلت بيهو كتير لانو (ورقو) زايد،
الشتيمة (الفرشا) في نزولو هناك، شتيمة زول مغبون.
لكن يا بله استوقفتني عبارة اخونا كودي، العبارة كان فحواها اننا مستعمرين بعض، الكلام ده يا بله صاح وحار شديد، يا بله انحنا مفروض نشتم نفسنا شتيمة (جد).
احنا يا بله مجتمعنا فيهو ناس طبقة اولي، وفيهو ناس درجة تانية، ومقسمين روحنا علي حسب لون او (قشرة) جلدتنا وعلي حسب نوعية (صوف) راسنا،
يابله احنا تعبانين بجد، ومفروض نشتم روحنا ليل ونهار.
حتي متعلمينا ما قادرين اتخلصوا من عقدة الانجليز الجروا اجدادنا من (اضنيهم) وساقوهم ودوهم لندن عشان يشوفوا شارع الظلط والعربة جاريها الحصان.
جابوهم كاعيان، ومافي واحد فيهم بيتكلم غير العربية، الانجليز قسمونا من هناك، ونحن مازلنا ماسكين في ضنب الحمار.
|
Post: #7
Title: Re: أنا وAkoy على ابن عمى!!
Author: Rawia
Date: 01-01-2013, 05:02 AM
Parent: #6
Quote:
اخونا اكوي عندو بوستين نزل بهم قبل راس السنه (وفتح)، الناس ما اشتغلت بيهو كتير لانو (ورقو) زايد،
الشتيمة (الفرشا) في نزولو هناك، شتيمة زول مغبون. |
يابدر على قول المصريين
هي الشتيمة بتلزق؟؟
أخوانا السودانيين بيقوموا على اكوي وبردو الشتيمة بافظع
نفسي واحد من البيشتموهو ديل يسأل نفسه سؤال
لييه زول يطلع منه كل دا؟
زي ماقلت أكوي مغبون غبن السنين
شخصيا مابقدر أمحى ماضي
لكن حريصة جدا
لو فقدت أكوي مواطن معاي في بلدي
فانا حريصة جدا جدا
أكسب جار وإحترامه
|
Post: #8
Title: Re: أنا وAkoy على ابن عمى!!
Author: Rawia
Date: 01-01-2013, 05:05 AM
Parent: #7
بلة
سنةجديدة سعيدة وهنية عليك وعلى أسرتك وكل من تحب
|
Post: #9
Title: Re: أنا وAkoy على ابن عمى!!
Author: Afraa Sanad
Date: 01-01-2013, 05:19 AM
Parent: #8
راوية سيبي البياخة ردي التلفون...سلام بلة
|
Post: #10
Title: Re: أنا وAkoy على ابن عمى!!
Author: Elsanosi Badr
Date: 01-01-2013, 05:26 AM
Parent: #8
العزيزة راوية كل سنه وانت ومن حولك بهناء وسعادة،
تعرفي يا راوية، احنا المفروض نشتم روحنا لامن الله (يغفر) لينا، احنا حاكمنا البشير، البشير يا راوية، يعلم الله البشير يا راوية، تلاته وعشرين سنة.!احنا يا راوية لساتنا بنشرب من دم بعض، مستعمرين بعض!! لسه في احرار وعبيد!! تتخيلي، لسه فينا بشتم اخوهو بيقول ليهو يا عبد!! اخوهو جوة الوطن الاتشرم ياراوية.
لسه جوة بلدني ناس بتنشف من الجوع، والبشير واتباعوا (غارسين) انيابهم عظامنا الناشفه في اطراف بلدنا.
احنا مفروض نشتم روحنا (شتم) جد.
|
Post: #11
Title: Re: أنا وAkoy على ابن عمى!!
Author: Rawia
Date: 01-01-2013, 05:56 AM
Parent: #10
بدر سنينك كلها طيبة وعامرة بالحب والمودة
معليش اللوم بيجي بالغفلات
ولما قلت أرجع ليك تاني عاكسني البورد تقيييييل
___________
بالله الصاحين يحضرونا يابدر إنت برضك
يوم الخميس قبل الفات بدري على الساعة عشرة صباحا
عفراء إتصلت بي قالت عندها دقيقتين فاضياهم بعد ماجابت عربيتها للزاكي للتصليح وعاوزة تتونس
الزاكي دا في طرف عمارتنا قلت ليها للاسف ياعفراء إحنا أصبحنا الليلة في المستشفى
أمي وقعت أمس بالليل وكسرت رجلها
لاحول الله ولا اله الا الله
حوقلت وإتشهدت كون أمي دي الكسرة التانية في نفس الرجل وكونها في كرسي متحرك
ياتو مستشفى وأجيب ليكم معاي شنو؟
ياعفراء شكرن ماعاوزين اي شي
قالت لي خلاص انا في السكة
اليوم داك ماجات
تاني يوم اتصلت قالت هي في السكة
قلت ليها لو عاوزة توصلي أوصلي لكن أنا برة وراجعة
قالت لي لالالا بنتظرك ترجعي وبجيكم أصلي مشتاقة ليك وعاوزة أتونس معاك
إتصلت بيها الساعة ستة مساء قلت ليها أنا في المستشفى
قالت لي لا مابقدر اجي هسة يادوب دخلت من برة ومابقدر اطلع تاني الليلة
وسكتت
قعدنا في المستشفى دور تمانية يوم
وطلعنا يوم الاربعاء الفات
ومن أمس رجعت تتصل تاني عفراء
أنا أبيت أرد على تلفوناتها
أمي قالت لالالالالا
نتعامل معاها عادي ومافي مشكلة
وياها حبيبتك وياراوية الزول مابيبقى براهو
قلت ليها لو عاوزة تتعاملي معاها براحتك
أنا ماعاوزة
أنا بعرفها كويس لما بتعرف الواجب وبتلحق المريض في المستشفى وتنتظر معاهم لغاية مايكتبوا ليهم خروج وتخرجهم
|
Post: #12
Title: Re: أنا وAkoy على ابن عمى!!
Author: Elsanosi Badr
Date: 01-01-2013, 06:11 AM
Parent: #11
حمدلله علي سلامة الوالده وربنا يقومها بالسلامة،
ارفعي ليها السماعة يا راويه، اهلنا قالوا الغايب عذرو معا، بعدين راس السنه وكدا؛ اقلبوا الصفحة،
|
Post: #13
Title: Re: أنا وAkoy على ابن عمى!!
Author: Balla Musa
Date: 01-01-2013, 06:39 AM
Parent: #12
السنوسى وراوية وعفراء
ان شا الله تتونسوا فى مكة وتكملوها فى المدينة وتضحكوا فى السودان..
راوية سلامة الوالدة واسمعى كلاما حتى لو قالت ليك ردى على عفراء..
يا السنوسى
نحنا ماعنصريين نحنا قليلين أدب
كل واحد يعاين فى المراية (الهى أخوه) عايز يكسر المراية عشان تطلع بياض وبالعدم بلطية..
ما اظن شفت شعب يحتفى بالغريب أكتر من أبناء وطنه زيناخصوصا لو كان الغريب أبيضانى..
لو عاينت لباطن الأمر تلقى البشير دا مرسل علينا نقمة..
وانا و Akoy على ابن عمى..
|
Post: #14
Title: Re: أنا وAkoy على ابن عمى!!
Author: Afraa Sanad
Date: 01-01-2013, 06:42 AM
Parent: #12
نصيحتا تخدرك يا السنوسي...يشهد الله ويعلم أنا راقدة من يوم السبت الفات ما رفعت راسي ومعاي بنات خالتي وعيالهم جوا من السفر...بعدين يا راوية انتي ما من حقك تقرري لي علاقتي بي علوية الشيخ ما عليك ألا تديها التلفون وتطلعي منها فعليه بس اديها التلفون وخليك محضر خير
|
Post: #15
Title: Re: أنا وAkoy على ابن عمى!!
Author: Akoy Deng
Date: 01-01-2013, 06:44 AM
Parent: #10
| Quote: هل استقلال السودان سبق دخول الأتراك السودان أم قبله.. |
دكتور/ بلة
فى شنو ياخوى انشاءالله حاصل خير
انت عارف يا دكتور سؤالك الفوق ده ... سؤال وجيه جدآ جدآ
لكن برضو انا عندك ليك سؤال ... انت داير تصل لاشنو!
المهم خلينى اللخبط كدا واحشر ده فى ده .. لانو المك نمر ذاتو جابو وحشرو كدا فى الكبارى دون اي ترتيب
لا نظروا الى الناس الناضلوا قبله.. ولا نظروا الى الناس الناضلوا من بعده
بس دقسة كده ساكت احفاد المك نمر جاااااريين بنجدة فى شارع زلط, واحفاد عبدالفضيل الماز وعلى عبداللطيف واحفاد عمار دنقس وعلى دينار برة بلدهم مطردين
حسبى الله والنعيم الوكيل
|
Post: #16
Title: Re: أنا وAkoy على ابن عمى!!
Author: Akoy Deng
Date: 01-02-2013, 01:42 AM
Parent: #15
دكتور/ بلة
فى شنو ياخوى انشاءالله حاصل خير
انت عارف يا دكتور سؤالك الفوق ده ... سؤال وجيه جدآ جدآ
لكن برضو انا عندك ليك سؤال ... انت داير تصل لاشنو!
المهم خلينى اللخبط كدا واحشر ده فى ده .. لانو المك نمر ذاتو جابو وحشرو كدا فى الكبارى دون اي ترتيب
لا نظروا الى الناس الناضلوا قبله.. ولا نظروا الى الناس الناضلوا من بعده
بس دقسة كده ساكت احفاد المك نمر جاااااريين بنجدة فى شارع زلط, واحفاد عبدالفضيل الماز وعلى عبداللطيف واحفاد عمار دنقس وعلى دينار برة بلدهم مطردين
حسبى الله والنعيم الوكيل
|
Post: #17
Title: Re: أنا وAkoy على ابن عمى!!
Author: Balla Musa
Date: 01-02-2013, 03:41 AM
Parent: #16
يا أكوى ياخوى
تبجيل الزعماء والمناضلين ليس بالشوارع والكبارى
تقديرهم الحقيقى هو فى عدم خيانة مبادئهم مهما كان الثمن!
|
|