توضيح بخصوص وفاء الجاسم من الشفيع عوض شوشتا

لجميع الأصدقاء هنا كل الود والتحايا وشاكر جداً لكل الذين نبهوني بخصوص ما ورد في خيط الزميل - هشام ادم والذي اعتقد انه اقدم على خطوة موفقة وكل الأمنيات ان يكون هذا الأعتراف بداية لمرحلة جديدة من التصالح مع الذات ثم مع الآخر ... فهو ان فعل ذلك لاصبح كاتب يشار اليه بالبنان لعلمي بقدرته الفائقة على الكتابة .. لكن ما يعيبه محاولة تسليط الضوء على كتاباته باتباع طرق غير سليمة ...
بناءً على مكالمة جمعتني بالأخ - هشام آدم بخصوص المدعوة / وفاء الجاسم ونقاش حاد بيني وبينه... ذكر لي ان وفاء بالإمارات وبإمكانك التأكد من ذلك ... ومدني برقم هاتف (المدعوة) وعلى الفور اتصلت بها ..وتحدثت معي بلغة محترمة جداً وقبل كتابة ذلك الخيط قمت بالأتصال بعدد من بورداب الإمارات ... وهذا للتوضيح ..
ويمين الله انا ذاتي محتار .. فياريت يا هشام ادم يا عزيزي تطلعني من الموقف البايخ ده وتتم باقي اعترافاتك وتوريني الزولة الانا اتكلمت معاها وقالت انها (وفاء الجاسم) تطلع منو ؟ التي كانت تقيم بفندق رويال على ما اذكر ... ؟ علماً بانني ما زلت احتفظ برقم هاتفها حتى الآن ؟ وما جعلني ان اقدم على قرار الإحتفاظ بالرقم حتى الأن ... تزامن موضوع وفاء الجاسم مع انتحال الأخ / هشام آدم لشخصية / ميرفت الحاج في موقع الراكوبة ....
عموما اعتقد انني مدين بالإعتذار لكم وخصوصا صديقنا العجوز : ابو ساندرا الذي اكن له تقدير كبير ..
انا لله
كامل التحيايا


الشفيع عوض شوشتا
من حساب فيصل نوبي ..
وياريت يا بكري تمدني بكلمة المرور راسلتك أكثر من مرة ومن ثم عن طريق الاعزاء - فيصل نوبي ومعروف حمدين وخضر حسين خليل
[email protected]
00971501313196

يعني أداكـ ضنب الككو جد!!
إنا لله




_
غايتو نشكر هشام آدم الخلاكـ تجينا تاني!!

غايتو المفروض تخت لينا رقم وفاء الجاسم هنا عشان نشوف الككو وصل ياتو مرحلة!!

كان من الاحرى أن يأتي هشام ويواصل في خيطه الاعتذاري الذي إبتدره ولم يتداخل فيه بالشكل المطلوب
حاليا متواجد هنا
http://sudaneseonline.com/forum/viewtopic.php?t...ac74bfc78a78dbfdb67e


-
شكرا عوض

يعني برضو في انتحال لشخصية وفاء الجاسم !!!


_______

التحايا لكم
نوبي والشفيع.

حمودي يااااااخ0
ازيك وسنة حلوة زي وشك السمح ده ..
مشتاقين والله
ومن ثم .. ينعل شنو كده ما عارف .. هاهاها ..

شكرا يا نوبينا
نجاملك وانت في هكذا موقف بايخ ..

في حاجة اسمها "الإسم القلمي" ... في كتابات بى اسماء مستعارة ...

أيه انتحال شخصية "ميرفت الحاج" والكلام الما حلو يا فيسل ياخي ...
















... المهم ....

تباركـ .. عييييكـ ياخ!!
الأخبار والأمــور والدنيا معاكـ!
لينا مدة ما اتقابلنا في هكذا تقاطعات

الغرض شنو من إنك تشيل نمرة تلفون واحدة /واحد وتتصل بيهم

شوشتا ياخ اعفي لي
نسيت انك دا انت ولا ما كنت جبت السيرة
لكن بيني وبينك الحبشي كان بلخّك بلخّك ما شفتو كان جاهز كيف

_
رايوة هوووي .. سؤالكـ دا لمنو بالضبط؟

Quote: شوشتا ياخ اعفي لي نسيت انك دا انت ولا ما كنت جبت السيرة لكن بيني وبينك الحبشي كان بلخّك بلخّك ما شفتو كان جاهز كيف

دا كلام دا يا عمنا ؟؟
تفلق وتداوي
كان تخليها تجي من الحبشي

ولا أظنك كنت ( مشرّك ) لى واحد تاني لكن جات في قريبك ؟؟

يابكري أبوبكر
ياخي شوت لينا فيسل نوبي وشوشتا ديل
كيف يسمح هذا الفيسل بأعطاء شوشتا لرمز الدخول خاسته
سريع تجميد نشاط الاثنين ديل !!!
ـــــــــــــ
أما بخصوص موضوع هشام ادم
فأنسي الموضوع

الغريق قدام
ثقوب كثيرة في الـــتوضيح أعلاه!
لسنا بهذا الغباء






______________



فيصل نوبي تحياتي

محمد البشرى الخضر
شنو تدرعها لي في رقبتي ؟

كدي اقرأ التوضيح دا مرة تانية في ظلال قراءتك لكتابات شوشتا السابقة نفسه.



------------------
مواسير السعودية والأمارات هينة
الكلام مواسير لبنان

Quote: مواسير السعودية والأمارات هينة الكلام مواسير لبنان

جابت ليها لبنان كمان يا حبشي ؟

شــرحو

مع اني لا اتوقع ان يفصح الحبشي عن مواسير لبنان
لكن العشم يظل قائما
امنيتي ان ارى ماسورة لبنانية

يا باشمهندس محمد إبراهيم علي
دعنا نبدأ أولا بالمنطق الذي استخدمه شوشتا:
منطق الاحتجاج على الناس وإقناعهم بمكالمة تلفونية لحسم الخلاف اسفيري على وجود شخصية وفاء من عدمهة!!
إذا كانت كتابة بوست عن مكالمة هاتفية مزعومة بين شوشتا ووفاء- برقم أعطاه له هشام آدم-تكفي لإقناعنا
بوجود حقيقي لوفاء؛ فلماذا نشكك في وجودها الحقيقي ابتداءً وهي كانت تكتب معنا في البورد؟

الي كل الذين حاولوا النيل من مصداقية الزميل هشام ادم عليهم الاعتذار

العوض تحياتي ...

Quote: بعيدا عن وجود كتابات لها في الشبكة العنكبوتية او في دور النشر .. انا هنا اتحدث عن شخصية الاستاذة / وفاء الجاسم وقد حاول البعض التشكيك في وجود الشخصية من الاساس .. احب ان اؤكد ان الاستاذة الادبية - وفاء الجاسم شخصية حقيقية عكس ما ادعى البعض وقد تحدثت معها مساء اليوم ...

Quote: نعم يا عوض هي شخصية حقيقة ... انسانة في قمة الوعي والاحترام والتهذيب ... تقدر الشعب السوداني ايما تقدير ... محبطة جدا لما حصل لها في هذا المكان الذي اصبح مقرفاً الي حد كبير جدا ومرتعا للاسقاطات النفسية...

يا حبشي ما تعصر لينا على شوشتا شديد الراجل اتعرض لخدعة ما و بحسن نية صدّقها
اتمنّى على هشام ان يشرح للجميع من هي التي تحدث معها شوشتا, و بالمرة التي تحدثت مع البشير دفع الله

____________________

يا ود ابراهيم شنو يا محلل قناة سودانيز الاستراتيجي :)
كيف فاتت عليك الماسورة اللبنانية دي ما ايزابيل مين كدا سكرتيرة بدر الدين الامير هههههههههههههه
و ازيدك من الشعر بيت كان في ماسورة مغربية برضو غزلان صمثينق

يبدو أن الحبشي داير يسلّكـ المواسير كلها في بوست واحد!!











_
يا ود البشرى .. الحبشي يمكن قاصد عمكـ اللبناني الجانا قبل فترة داكـ!

بعدين يا عربي .. عامل راسكـ زي المصفة كـدا!
عمكـ بتاع الإمارات اتذكرتو أخيرا .. (حاتم علي ـ النويري)!!



الزول الغالطوهو في نفسو وجواز سفرو .. وآيبيهو إتسلف!!

يا عمك
الحبشي دة لمن يجيب ليك الكوتات ويزينها بالاحمر زي كعك العيد
ويخت ليك الروابط
غايتو الا تقولوا الروب

ياخي لو طرظتة في المنبر دة بيجيبها ليك في كيس بي عفنتها
مكيفني ياخي الحبشي دة
بوثق لليوم الاسود

Quote: كيف فاتت عليك الماسورة اللبنانية دي ما ايزابيل مين كدا سكرتيرة بدر الدين الامير هههههههههههههه و ازيدك من الشعر بيت كان في ماسورة مغربية برضو غزلان صمثينق

يا م.ب.خ انا الوكت داك كنت متصفح وحتى تصفحي كان اون اند اوف
بالله سكرتيرة بدر الدين الامير كانت معانا هنا
ياخي ديك ايام شكلها ضاجة بالحركة والاحتكاك الاجنبي
مش زي الايام تفتح المنبر تلقاهو كلو ابو حسين :)

المغربية دي اوعا تكون تبع ودجبرين المسلط ده :)
لانو شكلو عندو ظرتة فكاها وخايف الحبشي يجيبا ليهو هههههههههه

Quote: و ازيدك من الشعر بيت كان في ماسورة مغربية برضو غزلان صمثينق

إذا كان المقصود هو غزلان الإدريسي فهي شخصية حقيقية من لحم ودم.
مغربية الجنسية، سودانية الهوى والمزاج.

علمت من مصدر أثق به أن الموضوع به وثيقة
سوف تنشر قريباً وستحدث صدي واسع لأهميتها
وذلك حال نشرها من صاحبها ...
ـــــــــــ
ومايقع إلا الشاطر يا الفي بالي !!!!

يا شوشتا المقاوحة في شنو ؟

انت اتهمت الناس بمكالمة تلفونية طلعت فالصو

فحقو تعتذر وبس .. وخليك من الحنك العاضي ده ؟
انت ذاتك بتضمن ليك زول ما بتعرفو .. بمكالمة تلفونية ومن هشام ادم كيف ؟

Quote: لانو شكلو عندو ظرتة فكاها وخايف الحبشي يجيبا ليهو هههههههههه

اكيد

-
بس ود الحسن عزاااال ومابخم من طرف
غايتو هبشو حايرقد خل

Quote: اكيد

يا حنين وجود ود جبرين ومرابطته الدائمة بتديني احساس ان الراجل مزنوق ههههههههههه
ود جبرين اعترف احسن براك لووووول

معروف حمدين ...

Quote: لمت من مصدر أثق به أن الموضوع به وثيقة سوف تنشر قريباً وستحدث صدي واسع لأهميتها وذلك حال نشرها من صاحبها

أكيد قصدك وثيقة صوتية سيدا كان محتفظ بيها لليوم الأسود مش ؟!

Quote: أكيد قصدك وثيقة صوتية سيدا كان محتفظ بيها لليوم الأسود مش ؟!

ــــ
ناذر
كل سنة وأنتي طيب
ومشتاغوون شديد
بل رسالة بها كل حيثيات الموضوع
وبتفاصيل أكثر من مذهلة
هي معي وأطلعت عليها بس ليس لى حق نشرها

الأخوات والأخوة الكرام
"توضيح بخصوص قصّة وفاء الجاسم"

الأخ الشفيع عوض شوشتا لا دَخلَ لَهُ على الإطلاق بهَذا الأمر، فهو كانَ مَخدُوعًا، وتَعَاطَى مَع الأمرِ بشَفَافِيَّة عَالية، والرَّقمُ الذَّي أعطيتهُ إيَّاهُ للاتصَال عَليه والتأكدِ مِن شَخصيةِ وفاء الجاسم، لم يكن سِوى رَقَم هَاتفِ صَديقةٍ إماراتيةٍ وافقتْ، عَلى مَضضٍ، على تَمثيلِ دور وفاء الجاسم تَحتَ إلحاحٍ وَضَغطٍ مِنِّي، وتحت هذا الإلحاح كانتْ تدخلُ المنبرَ بالاسم المُستعار "وفاء الجاسم" وربَّما حَدثَ ذَلكَ مرَّتينِ أو ثلاث مرَّاتٍ، على ما أذكر. الأخ الشفيع عوض شوشتا، ليسَ طَرفًا في هِذه القصَّة بأيِّ حالٍ مِن الأحَوال، وعِبء هذه الخطيئةِ أتحمَّلُه وَحدي كاملًا. وهذا ما لزم توضيحُهُ.

مودتي

Quote: وعِبء هذه الخطيئةِ أتحمَّلُه وَحدي كاملًا. وهذا ما لزم توضيحُهُ.

شكرا للصراحة وتبرئة شوشتا

-
بس كنت بتبالغ شديد ياهشام

Quote: الأخوات والأخوة الكرام "توضيح بخصوص قصّة وفاء الجاسم" الأخ الشفيع عوض شوشتا لا دَخلَ لَهُ على الإطلاق بهَذا الأمر، فهو كانَ مَخدُوعًا، وتَعَاطَى مَع الأمرِ بشَفَافِيَّة عَالية، والرَّقمُ الذَّي أعطيتهُ إيَّاهُ للاتصَال عَليه والتأكدِ مِن شَخصيةِ وفاء الجاسم، لم يكن سِوى رَقَم هَاتفِ صَديقةٍ إماراتيةٍ وافقتْ، عَلى مَضضٍ، على تَمثيلِ دور وفاء الجاسم تَحتَ إلحاحٍ وَضَغطٍ مِنِّي، وتحت هذا الإلحاح كانتْ تدخلُ المنبرَ بالاسم المُستعار "وفاء الجاسم" وربَّما حَدثَ ذَلكَ مرَّتينِ أو ثلاث مرَّاتٍ، على ما أذكر. الأخ الشفيع عوض شوشتا، ليسَ طَرفًا في هِذه القصَّة بأيِّ حالٍ مِن الأحَوال، وعِبء هذه الخطيئةِ أتحمَّلُه وَحدي كاملًا. وهذا ما لزم توضيحُهُ.

هشام آدم
برغم كل القذارة التى مارستها معنا
دافعنا عنك كثيراً وطلعنا فى النهاية هبل عديل
لعبتنا بنا وبعقولنا
صدقناك لأننا لا تأخذ الناس بالأتهامات ..
وفي النهاية وبمنتهي البساطة تأتي أعتذاراتك التى لا يمكن هضمها بسهولة
برغم ذلك كله فأن بمقدورنا السماح
ولكن هل بمقدورك أن تواصل هذا النقاء ؟؟؟

الموضوع ده اصبح خارج نطاق التصديق

يعني في حاجة

الله يجازي محنك يا محسن خالد

سلام .. هشام
شفافية بتاع الساعة كم يا شاب ؟ .. انا لله ...
يا هشام يمين الله عمري ما وديت وشي الواطة الا من خلال هذا الخيط ده .. موش عشان العالمين القاعدين ينظرو ساي من غير حساب ولا تبيان ولا عرفة .. عشان عندي اصحاب هنا يا هشام بيني وبينهم سنوات من الصدق والاحترام المتبادل وحاجات كتيرة مشتركة جميلة بيناتنا ... اها واحد زي معروف حمدين البتعرفو كويس واحد من اصدقائي في صحراء العرب رماني بكلمتين من صباح الرحمن عدمني ريق الصباح ... ونبهني الى موقف يخصك كان بحضوره وصديقناخالد ماسا ابان زيارته الإمارات في حملة علاج غادة نوري ...
يا هشام يا ادم الزولة دي انت متأكد انها إماراتية ؟ ... غايتو ما اظن؟ .... ياخ عليك امان الله كمل باقي جميلك وواصل مسلسل التوبة ومشوارك نحو الصدق عشان اطلع من المعتقل المابشبهني ... ...... ومن ثم مر علي ناس الراكوبة وقدم حلقة وافادة مختصرة عن ميرفت الحاج اللي هي فتاة سودانية مسكينة تم استغلالها من قبلكم .. شخصيا كنت احد الذين تعرض لهم ميرفت الحاج بالشتم والسباب ..
الله يسامحك يا هشام ....

غايتو يا هشام آدم يمين انت تمحن الجن ذاتو
ياخي حتى في اعتذاراتك عندك مقدرة غريبة انك تستعدي الناس ضدك

أخيراً عدت ياشوشتا
يازول حمداً بسلامة بالرجوع ..
وتاني أبعد من المواسير !!!

هاهاهاهاهاهاهاهاهاهاهاهاها

اتخيلت لي زول اشتر شايل ليه مرق طولو خمسة امتار على كتفه وخاشي بيه نص السوق
يلف يمين يخبت خمسه
يلف شمال يخبت خمسة


هشام ادم يكضب يخبت عشرة
ما يكضب يخبت 30


عشان تاني تضمنوا ليكم زول سااااااااااااااااااااااااي

يا وليد سلام الله
الاعتذار الما بفيد قدمتو في ورقة التوضيح ..
وشكراً

راوية سلامات
قدر ما قلبت كلامك ما فهمتو ..
عموما للضمان كده لو قاصدة اتصالي بهشام ادم او وفاء ..
هشام يا هو البعرفو .. واتصالي سببه الرئيسي كنت زعلان من طريقة كتابات الزولة دي ومحاولتها تزييف حقائق تاريخية لمصلحة حوار يدين طرف محدد مسبقاً.. واجهت هشام بانه هو من يكتب باسم وفاء الجاسم حسب ما ورد في المنبر .. ولعلمي المسبق بانه يتبنى مثل هذه الافكار ولخلاف تاريخي بينه وبين تلك الفئة ..
وباقي التفاصيل معروفة

Quote: يا وليد سلام الله الاعتذار الما بفيد قدمتو في ورقة التوضيح .. وشكراً

وعليكم السلام
والله يا شوشتا هشام بشتنك الصراحة لي الله
او انت بشتنت روحك ساي
والمشكلة انك كنت فاتح بوست بتنهر فيه الناس وبتامرهم بالاعتذار لي هشام على ضوء تلفون وهمي

والله بالغ معاك
بالغ جدجد

سلام
ياخ بالغ جنس بلاغ ..
يا وليد القصة دي في تفاصيل كتيرة غير صالحة للنشر والزول الوحيد العندو الحق للاسف الشديد - هشام ادم .. فيلم هندي بس .. صراحة لله بعد كتابة البوست وما تلى ذلك من حاجات ما كويسة من قبل هشام ادم عرفت اني ورطتا نفسي مع زول لديه القدرة الفائقة لنسج قصص من خياله وهو يدرك ان ذلك قد يسبب ضررا لاخرين ...
المهم قدر اخف من قدر .. الواحد قدر ما حاول يطلع نفسي من سخافة الاسافير واشيائها القبيحه ... لكن يا حبيب اهو نحنا نص الحلبه بنرقص ومالين وشنا بالتراب ..
كن بعافية

Quote: وباقي التفاصيل معروفة

سلام يا الشفيع
تفاصيل شنو المعروفة ياخي؟ والله أنا القدامك دا هسع بقيت ما فاهم أي حاجة! شكينا في موضوع وفاء زمان وإنت قلت اتكلمت معاها واعتذرنا لهشام... جا هشام قال الموضوع كله مؤلفه واعتذر قلنا مافي مشكلة... هسع باقي لي بكلامك دا وبكلام ناس تانيين عن موضوع مهاجمة هشام في شقته اعتذار هشام ذاته بقى داير ليه اعتذار.
معليش يا الشفيع زي ما نحن بكلامك اعتذرنا لهشام من حقنا عليك تقول لينا الحصل بالتفصيل خصوصا زي شايفك بتشكك في إنه الزولة دي كانت إماراتية. شكرا لسودانيزأونلاين ولبكري أبو بكر على هذه الدراما.

كتب الاخ العوض

Quote: شكرا لسودانيزأونلاين ولبكري أبو بكر على هذه الدراما.

اعتذار هشام ادم وسرقاته الادبيه غير مقبوله بالنسبه لدى مثله مثل اعتذار
هبة البارئ, المعجنو ربو. وفقد الاثنان مصداقيتهم بالنسبه لى. لكن السؤال الملح لماذا يقوم صاحب البورد السيد بكرى باعطاء Password لشخصيات وهميه مثل وفاء وغيرها?, ولماذا يمنح Passwords لشخصيات متعدده
تكتب بإسم منتحل واحد?

متى يقوم بكرى بايقاف عضوية كل الشخصيات الوهميه ?

سلام الأخ المعز
سؤالك في محله بالذات مع تلميح خطير لهشام بقول إنه بكري كان (حليما) معه بعد اكتشافه انتحال هشام لشخصية وفاء الجاسم. أنا مقدر جدا لانشغال الأخ بكري وما يواجهه في إدارة المنبر لكن المحافظة على مصداقية المنبر تحتاج منه حسم في بعض المواقف وتوضيح الحقائق للناس.

ههههههه



شوشتا يا صاحبي ازيك

سامحني في الجاي

Quote: ومن ثم مر علي ناس الراكوبة وقدم حلقة وافادة مختصرة عن ميرفت الحاج اللي هي فتاة سودانية مسكينة تم استغلالها من قبلكم .. شخصيا كنت احد الذين تعرض لهم ميرفت الحاج بالشتم والسباب ..

تحياتي اخي شوشتا

هذا اقتباس من مشاركتي في بوست هشام آدم

مهم جدًا: نعم، كانت لي أخطاء

Quote: أعتقد أن الأخ الشفيع ( شوشتا ) تعرض لخدعة , والأخ الشفيع لا أعرف عنه الا الصدق . بمناسبة الخدعة التي تعرض لها الأخ الشفيع فأعتقد أنني قد تعرضت لخدعة مشابهه لها ( ما لم ينفيها هشام آدم ) وهو ما أردت أن يحضر هشام آدم لهذا البوست لأسأله عنها , ذلك أنه منذ أعوام خلت كنت أكتب في منبر الراكوبةوكان بيني وبين هشام آدم نقاش مطول حول قضايا عديدة طابعها سياسي وليس فلسفي , وكان أن ظهرت عضوه جديدة بالراكوبة اسمها ميرفت الحاج , أنخرطت لتكتب بنفس أسلوب هشام آدم , وكان من الطبيعي أن يتساءل الأعضاء من الذي يكتب باسم ميرفت الحاج ؟ وقد ألمحت لها في أحد مشاركاتي بذلك , فكان بعدها أن جاءني اتصال هاتفي من فتاة تدعي أنها ميرفت الحاج وأنها أبنة رجل مناضل زرع فيها حب العمل السياسي مما يجعلها تترفع عن الخوض في ما سواه من اهتمامات بنات جنسها وجيلها , ولم تنس أن تعيب علي تلميحي أن أحدا يكتب باسمها , فأعتذرت لها ولم أعود الى التشكيك في شخصيتها . وأراد ربك أن يكشف سر من يكتب باسم هذه الفتاة عن طريق صاحب الموقع الذي قام بضبط آي بان هشام آدم اذ أنه نفس آي بان ميرفت الحاج . لذا وددت أن يأتي هشام آدم ويقوم بتفسير ما حدث موقفي هذا وموقف الأخ الشفيع , وكلانا تم تسخير أحد ليقوم بالاتصال عليه ليخدم غرض هشام آدم بأن يجعلنا نصدق خطرفاته ونقوم بالدفاع عنه وعن ما يكتب , أي أنه تم استغلالنا للقيام بهذه المهمة .

اها يا الشفيع بما إنك في إدارة الراكوبة سويتو شنو لي هشام أدم لمن اكشتفتو انه كان مدقسكم وبكتب بي اسم بنت

يا الشفيع القال ليك منو إنه إدارة الراكوبة ما عارفه وهي الأدته باسورد ويوزر بي أسم بنت عشان يكتب

انا عارفك انت ما بتسويها ولو اكتشفت انه في زول بكتب بي أسم تاني حا تحذف الأسم التاني لكن يا الشفيع مشكلة الراكوبة انا وانت عارفنها وين

ودي ما أول مره ولا هشام اول زول يكتب بي اسم بنت شبح في الراكوبة

أنت عارف يا الشفيع كويس إنه إدارة الراكوبة بتدي أعضاء فيها اكتر من يوزر وتدي راجل يوزر بي أسم بنت زي قصة سلمى الأمين الاتهجمت علي ولمن اكتشفته واشتكيت لي إدارة الراكوبة فصلوني ووقفوا اسم البنت الشبح وخلوا العضو الكان بستخدموا يسرح ويمرح لو عاوز اجيب ليك الأدله كلها بجيبها كلها هنا
إدارة الراكوبة برضه محل شكك وما هشام أدم هو الدقس الإدارة قد يكون متؤاطي لكن ما دقسهم

ثم يا الشفيع انت بعد ما اكتشفت انه هشام ادم كان مدقسك ولعب عليك الملعوب دا سويت شنو ؟

ليه ما جيت وضحت للناس قبل هشام دا ما يعتذر أعتذاره دا

بصراحة كلامك وتوضيحك زي ما قال الاخ محمد سليمان فيه كتير من الثقوب البتخلي الناس تشك وتحس انه في حاجه ما واضحه انت ما داير تقولها

Quote: يا الشفيع القال ليك منو إنه إدارة الراكوبة ما عارفه وهي الأدته باسورد ويوزر بي أسم بنت عشان يكتب

الأخ الكريم / عبد العزيز
تحية وتقدير
على الرغم من أنني لست المخاطب بهذا السؤال , ولكنني أملك افادة يمكن أن تكون ذات قيمة , وهي أن ادارة الراكوبة لم تمنح هشام آدم الا يوزر نيم واحد باسمه هو المعروف , ووقتها لم تكن الادارة تتشدد في منح العضوية لمن يطلبها , وقد حدثت مشاكل كثيرة نتيجة قبول التسجيل بهذه الطريقة ( ومنها هذا الموضوع الذي نحن بصدده ) , وقامت الادارة بعدها بوضع ترتيبات جديدة لقبول الاعضاء الجدد , داير أقول انو هشام آدم وجد الطريق معبد للتسجيل باسم بنت ( ميرفت الحاج ) وقد تكون حقيقية وقد تكون من بنات أفكاره , وعندما علم صاحب الموقع بهذا الأمر ( عن طريق الآي بي ) قام بايقاف هشام آدم والاسم الآخر الذي يكتب به ( ميرفت الحاج ) .
اضافة الى أن هشام آدم قام( بهوم ورك ) كبير لحبك المسألة ككل وأنا تلقيت اتصال هاتفي في تلك الفترة من فتاة تدعي أنها ميرفت الحاج ,( لتصب جام غضبها علي وتعلن أن لها كينونتها وشخصيتها وتعتز بأنها امراءة ولا تقبل أي تشكيك من أي أحد فيما يتعلق بنشاطها في منبر الراكوبة ... الخ ), وأنا مصدق يا مؤمن شربت المقلب زي الما حصل شئ , وطبعا وبحكم صداقتي وقتها مع هشام آدم أنبريت للرد على أي تشكيك في ميرفت الحاج أو هشام آدم داخل منبر الراكوبة ( شفت الأديب حبك القصة كيف ؟ ) .
ودائما يتم استغلال الاصدقاء باعتبار أنهم الأقرب الى الوقوف مع الصديق وقت الضيق .

وطالما أن هشام آدم استطاع أن يخدع الادارة وصاحب الموقع وأن يخدع حتى أصدقاءة ويستغلهم لتحقيق أغراضه وأن ما أراده تم بمجهوده الخاص وملكاته الأدبية في التأليف والابتكار وحبك القصص والروايات , فلا تستبعد أن يتم مثل هذه الأشياء في منبر الراكوبة أو هنا في في المنبر دا .

ولا أستطيع أن أؤكد ولا أن أنفي بقية مشاركتك , والراكوبة كغيرها من المنابر ليست مبرأءة , وقد يكون هناك بالفعل أكثر من عضو يكتبون بأكثر من أسمائهم ( بغير علم الادارة وهو أمر وارد جدا وأمامك هذا المثال الحي ) .

سلام يا عزو
ومشتاقين ياخ .. ومبروك لصحبك الحلبي
اعتقد انه من غير المفيد مناقشة موضوع يخص منبر آخر هنا و للا رايك شنو ... وتفاصيل موضوع ميرفت الحاج عند صديقنا البشير وهو كان طرف في الموضوع ويمكنه شرح ذلك .. ودي فرصة عشان نشكرو علي كلمة الحق في الموضوع ده رغم اختلافه مع إدارة الراكوبة لكنه مازال يحتفظ بالكثير من الود لهم .. علماً بان هشام تم تجميد حسابه في الراكوبة بعد اكتشاف موضوع ميرفت .. اما قصة انو بيكتب باكثر من اسم (بت) ياخ ينوبك صواب ناولني الاسامي هههههه .. لا اعتقد ذلك يا عبد العزيز ...

Quote: ثم يا الشفيع انت بعد ما اكتشفت انه هشام ادم كان مدقسك ولعب عليك الملعوب دا سويت شنو ؟

اسوي شنو يا عزو في رايك ؟ افتح فيهو بلاغ ؟
هشام ادم راسلني عبر البريد وقدم توضيح واعتذار ..مررت الرسالة إلى صديقي معروف حمدين وكنت على وشك ايراد الرسالة في المنبر .. ولكن طالبت هشام ادم عبر رسالة بان يقوم بتوضيح ذلك بنفسه في المنبر ..

Quote: ليه ما جيت وضحت للناس قبل هشام دا ما يعتذر أعتذاره دا

والعرفني شنو بتفاصيل اللعبة ؟... نعم شكّيت في الموضوع بعد موضوع ميرفت الحاج وقصة المداهمة .. ؟ لكن مجرد الشك في الموضوع ما بديني الحق انو اتناول الموضوع ده في المنبر ...
قسم الله ..ما عندي تفاصيل أكتر عن الزولة دي أكثر من كوني تحدثت معها عبر هاتفها وناقشت معها تفاصيل كتاباتها واشكالية اتهام البعض بان هشام ادم يكتب باسم وفاء الجاسم ... الحاجة البتحير ان الزولة دي كانت ملمة بجميع التفاصيل .. عشان كده انا سألت هشام انت متاكد انها إماراتية ...
واكرر مرة اخري اعتذاري للجميع ..

عزيزي البشير ..
تحياتي وليه وحشة
وشاكر لحسن ظنك ..
العافية

تحياتي شوشتا وضيوفه

دخولي الي هنا لتأكيد ما أورده الأخ البشير دفع الله بخصوص عدم علم إدارة الراكوبة بأن الأخ هشام كان يستخدم إسم ميرفت الحاج شهادتي هذه من واقع قربي من الصديق وليد الحسين
في تلك الفترة بالتحديد إذ كثيراً ما كنت أقاسمه السكن في مدينة الجبيل الصناعية وبالتالي لطالما كنت شاهداً علي بحثه المضني لإظهار حقيقة ميرفت الحاج .
ما يتوفر في الراكوبة من شفافية ومصداقية قل أن تتوجد في منبر من المنابر السودانية . الشفافية والمصداقية هم ما صنعا موقع الراكوبة لهم التحية من هنا إدارةً وأعضاءاً وقراءاً .

سلام يا الــ خضر
مشتاقين ياخ

البشير تحياتي

يا البشير أنا الشفيع دا شهادتي فيه مجروحه عارفه كويس وعارف وعفويته خلته يصدق هشام ادم

انا عارف أنه هشام ادم دا لعب لعبة خبيثة على الشفيع وأستغل عفويته لتمرير كذباته وخباثاته

أتمني أنه الشفيع يكتب أي حاجه بالتفصيل وبتركيز وغلطته أنه أهمل الموضوع وما أهتم بيه لمن هسع بقى في المنظر الما حلو دا أنا عن نفسي وكل الناس البعرفه الشفيع ما عندنا ذرة شك في أنه هشام ادم استغل الشفيع بصورة خبيثة لكن من برضه نحنا عاوزين أي زول يعرف الحاصل بالضبط

هشام أدم وكت هسع بعترف وبعتذر خليه يجي يقول الحاصل شنو بالتفاصيل ومن الزوله الأتكلمت مع الشفيع ومعاك انت وكيف سوى الحيل دي ؟

ما مهم سوى كدا لي شنو ؟ سواها كيف ؟

الشفيع يا عزيز

ياخ متلومين مع بعض لكن أنت لومك اكتر لمن القاك قريب وعاوزين نتلم في الحلبي دا

Quote: اسوي شنو يا عزو في رايك ؟ افتح فيهو بلاغ ؟ هشام ادم راسلني عبر البريد وقدم توضيح واعتذار ..مررت الرسالة إلى صديقي معروف حمدين وكنت على وشك ايراد الرسالة في المنبر .. ولكن طالبت هشام ادم عبر رسالة بان يقوم بتوضيح ذلك بنفسه في المنبر .

شنو التسوي شنو ؟ يازول جاك توضيح وأعتذار طوالي تجي تكبه هنا ولو عشمان فيه كنت تسكه لمن يجي يوضح ليك معقول يدقسك مرتين

أو تلبد ليه في لفه ضيقة والزول دا ملفاته الضيقة كتيرة تنكشه وتكب الحاصل كله الموضوع دا كان يكون زمان هسع نحنا فاهمين الحاصل

من غير زعل برضه يالشفيع انت ساهمت في تثبيت كذبه (حقيقة وجود وفاء الجاسم) ياخ من الحق كنت تجي تثبت الكذبة وتطارد هشام ادم الاستغلاك

Quote: والعرفني شنو بتفاصيل اللعبة ؟... نعم شكّيت في الموضوع بعد موضوع ميرفت الحاج وقصة المداهمة .. ؟ لكن مجرد الشك في الموضوع ما بديني الحق انو اتناول الموضوع ده في المنبر ... قسم الله ..ما عندي تفاصيل أكتر عن الزولة دي أكثر من كوني تحدثت معها عبر هاتفها وناقشت معها تفاصيل كتاباتها واشكالية اتهام البعض بان هشام ادم يكتب باسم وفاء الجاسم ... الحاجة البتحير ان الزولة دي كانت ملمة بجميع التفاصيل .. عشان كده انا سألت هشام انت متاكد انها إماراتية ...

يا الشفيع كونك شكيت كان تستفسر من هشام ولو ما وضح ليك عندك الحق تطرح شكوك دي وتتبرأ من كلامك

هسع ما حصل حاجه ياهو دا هشام ادم بعترف خلي يجي يورينا كيف عمل الحركة دي ومن السيدات الاتكلمن معاك انت والبشير

Quote: فياريت يا هشام ادم يا عزيزي تطلعني من الموقف البايخ ده وتتم باقي اعترافاتك وتوريني الزولة الانا اتكلمت معاها وقالت انها (وفاء الجاسم) تطلع منو ؟ التي كانت تقيم بفندق رويال على ما اذكر ... ؟ علماً بانني ما زلت احتفظ برقم هاتفها حتى الآن ؟ وما جعلني ان اقدم على قرار الإحتفاظ بالرقم حتى الأن ... تزامن موضوع وفاء الجاسم مع انتحال الأخ / هشام آدم لشخصية ميرفت الحاج / في موقع الراكوبة ....

الاخ الشفيع شوشتا تحياتى
حقيقة استيضاحك لهشام آدم
هو فى حد زاته اقرارك بانك متواطئ مع هشام بصورة او اخرى
حتى بعد ان اثبت هشام الآن (شاهد مهتز الثقة وبرضو باتفاقك) انك ليس طرف فى قضية (وفاء الجاسم) .

Quote: نعم يا عوض هي شخصية حقيقة ... انسانة في قمة الوعي والاحترام والتهذيب ... تقدر الشعب السوداني ايما تقدير ... محبطة جدا لما حصل لها في هذا المكان الذي اصبح مقرفاً الي حد كبير جدا ومرتعا للاسقاطات النفسية...

وكونك تتبنى دفاع عن شخص بمجرد مكالمة لاثبات وجوده كما ذكر الاخ محمد E سليمان الذى تجاهلت استفساراته فى مداخلته !
وتؤكد وجوده قطعا على طريق المشككين مع انك تزعم فى كلامك هنا تزامن جريمة الانتحال !!
يجعلنا نسأل :
لماذا عندما اتيت مدافعا عن نفسك الآن اخرجت قضية انتحال هشام لــــ (ميرفت الحاج ) ؟؟؟!!!
وعندما ابدى الآخرين شكوكهم هنا فى شخصية (وفاء الجاسم) لماذا لم تأتى بانتحال هشام لــــ (ميرفت الحاج ) فى وقتها ؟؟؟!!!
وانت الكنت شاهد ملك لبرأة هشام آدم ؟؟؟؟!!!
هل يعقل هذا؟!!!

معذرة .
عموما أظن استخراج هذا الكلام الآن
ابتزاز اكتر منه نفى تهمة .

تصديقا لكلام عبدالعزيز
فى قضية الاشباح والانتحالات
قضية انكم هناك يا شوشتا بتتعاملوا بازدواجية المعايير وحماية كوادركم
حصلت لى قريب من قصة عبد العزيز وانت شخصيا كنت من المتداخلين ب (بو ابراهيم ) وتم ابعادى مع اننى لم اسب احدا وكيل لى من السباب والاتهام بسبب اختلافى الفكرى و اوقفت لاجل غير معلوم ومن سبونى ما زالوا يردحون .

عموما سامحنا على المخاشنة

الأخ - الصادق الخالدي
شنو متواطئ واستناج والكلام المخستك ده ..
يا سيد الصادق ليس لدي وقت طويل اضيعه معك قلت كل ما عندي بوضوح تام .. انت غير مجبر على تصدقيه .. ويمكنك تقدير الموضوع وفق ما تراه مناسباً ..
اما باقي كلامك فهو مضحك ومبكي في آن واحد ... لا تعليق ..لانه بالفعل لا يستحق التعليق ..
اتمنى ان تواصل في المخاشنة ..

تحياتي العوض
فعلا دراما ولكنها سخيفه للغاية ..
موضوع الشك اوضحت السبب في سياق ردي للأخ - عبد العزيز ..
وشكراً

الموضوع ده حا يكون مشروع لاعادة النظر في كل الشخصيات المجهولة بدون فرز

Quote: أنت عارف يا الشفيع كويس إنه إدارة الراكوبة بتدي أعضاء فيها اكتر من يوزر وتدي راجل يوزر بي أسم بنت زي قصة سلمى الأمين الاتهجمت علي ولمن اكتشفته واشتكيت لي إدارة الراكوبة فصلوني ووقفوا اسم البنت الشبح وخلوا العضو الكان بستخدموا يسرح ويمرح لو عاوز اجيب ليك الأدله كلها بجيبها كلها هنا

يا عزو استبعد قصة انو اي الإدارة بتدي الأعضاء عضوية مزدوجة سواء باسم راجل وللا بت .. إلا اذا كان الموضوع ده في راكوبة تانية غير راكوبتنا هههههه ... هذا التوضيح من واقع اطلاعي على عملية تفعيل العضوية ...
قد نتعرض للتضليل من حين لآخر لكن بمجرد اكتشاف ان عضو/ة قدم بيانات غير صحيحة تقوم الإدارة بتعطيل حساب الشخص المعني ... يا حبيبنا عارف عندك مرارات تجاه الراكوبة فتعالنا بالدرب وانا بفتح ليك الباب ضلفتين وحاور الجماعة بالتي هي احسن ... اتفقنا يا جن ..

والله نورتَّ البورد و البوردات المجاورة يا شوشتا .... رغم إنها (رجعة مهببة ^__^)

بكري طلع بحب الآكشن زينا .. يعني ما رجّع ليك الباسورد الا عشان الفيلم دا





وويلكمووو يا وريف و هابي نيو اير

سلاما يا رشا يا صاحبة في الزمن الصعب
كل سنة وانتي طيبة وحاجات جميلة كده

يا خضر تحياتي

Quote: ما يتوفر في الراكوبة من شفافية ومصداقية قل أن تتوجد في منبر من المنابر السودانية . الشفافية والمصداقية هم ما صنعا موقع الراكوبة لهم التحية من هنا إدارةً وأعضاءاً وقراءاً .

الكلام دا غير صحيح بالمره مع الأسف الراكوبة موقع سيئ تسمح إدارته للأشباح والبعاعيت بالكتابة فيه ، وتنشر فيه اخبار واكاذيب على الناس وتشوه صورتهم وسمعتهم ولو احتجيت أو اشتكيت يفصلوك طوالي

يالشفيع

Quote: يا عزو استبعد قصة انو اي الإدارة بتدي الأعضاء عضوية مزدوجة سواء باسم راجل وللا بت

هاك يا الشفيع دا معاوية الصائم داخل بي أسم مزدوج





وبرد على نفسه في نفس البوست



وأسال لي المشرفين على الراكوبة فصلوني ليه وعملوا شنو لي معاوية الأكتشفوا انه بكتب بي أسمين


CC لخضر حسين خليل

معقولة ياخ ؟؟
اي بوست سرقة بطلو هشام آدم
أي بوست كضب وإنتحال بطلو هشام آدم
هشام آدم دا منو إتو ؟؟؟؟
........................
يا عبد العزيز حسين
أشتركت في الراكوبة آملا متأملا لكن ناسا صيعوني في الصقيعة ساي بقيت أدخل وما اعرف لا أرد لا أفتح بوست ..
أشتكيت حالي التعيس أكتر من مرة ولا أشتغلوا بي الشغلة وفي النهاية إستسملت وخليت ليهم عدتي .
مع ناس الراكوبة مش ح تقدر تغمض عينيك خاصة جماعة كدا انا عارفم .

طلحه يا حبيب

Quote: أشتركت في الراكوبة آملا متأملا لكن ناسا صيعوني في الصقيعة ساي بقيت أدخل وما اعرف لا أرد لا أفتح بوست .. أشتكيت حالي التعيس أكتر من مرة ولا أشتغلوا بي الشغلة وفي النهاية إستسملت وخليت ليهم عدتي . مع ناس الراكوبة مش ح تقدر تغمض عينيك خاصة جماعة كدا انا عارفم .

أحمد ربك خلوك كاتم صوت وهم الخسرانين

يازول والله بس ساي ما عرفوك يعلم الله شفت لو عرفوك كان أي زول ممغوس منك بي جاي اتلبب ليه مرق وجاك بي وش بعاتي

خلي خضر والشفيع ديل يغالطو زيادة إلا اجيب ليهم بعاتي حي يفرفر

Quote: قد نتعرض للتضليل من حين لآخر لكن بمجرد اكتشاف ان عضو/ة قدم بيانات غير صحيحة تقوم الإدارة بتعطيل حساب الشخص المعني ... يا حبيبنا عارف عندك مرارات تجاه الراكوبة فتعالنا بالدرب وانا بفتح ليك الباب ضلفتين وحاور الجماعة بالتي هي احسن ... اتفقنا يا جن ..

تحياتي اخي عبد العزيز
أهو يا باشهندس دعوة في الهواء الطلق للعودة للراكوبة والابواب مشرعه لك ولغيرك , وتستطيع ان تطرح ما تريد وأن تطالب بحقك كاملا من معاوية عبيد أو سلمى الامين , والواضح من الأسلوب وطريقة الكتابة والتلفيق أن المصدر واحد , ونقاش هذه القضية في المكان الذي نشرت فيه يكن أفضل اذا توفرت لك الرحية لتقل كل ما عندك , ونجدني أثق في شوشتا ثقتك فيه في طرح أمر اعادة العضوية لك هناك .

Quote: يا عبد العزيز حسين أشتركت في الراكوبة آملا متأملا لكن ناسا صيعوني في الصقيعة ساي بقيت أدخل وما اعرف لا أرد لا أفتح بوست .. أشتكيت حالي التعيس أكتر من مرة ولا أشتغلوا بي الشغلة وفي النهاية إستسملت وخليت ليهم عدتي . مع ناس الراكوبة مش ح تقدر تغمض عينيك خاصة جماعة كدا انا عارفم

تحية وتقدير أخي طلحة عبد الله
مثل هذا الموقف الذي حدث معك يحدث كثيرا لأعضاء جدد وحتى لأعضاء قدامى سبق أن كتبوا مشاركات , وهو غالبا مشكلة تقنية تتعلق بهاكات موجودة في لوحة تحكم الادارة , وأحيانا يستعصي معرفتها حتى على Admin الموقع , وأحيانا تكن المشكلة مرتبطة بمشاكل أخرى تقنية يتم حلها فتزول المشكلة حديثي هذا بناء على تجربة ذاتية لي .

قمت بتأسيس موقع ومنبر لمنطقة جبل أولياء على الرابط
http://www.jabalalawlia.com/
وأتلقى رسائل من ( بعض ) الأعضاء على فترات متباعدة يشتكون عدم مقدرتهم على كتابة مشاركات مع ان دخولهم للموقع تم , وانهم ضمن المتواجدين وكذلك أعضاء قدامى يشتكون ( احيانا ) من عدم مقدرتهم على ارسال مشاركات , نعم النسبة ضئيلة جدا مقارنة ببقية العضوية النشطة ولكنها تظل مشكلة تقنية وفنية أحيانا يتم حلها وأحيانا تستعصي علي تماما , وبمزيد من الصبر وبمراسلة الادارة والمتابعة معهم يتم حل المشكلة باذن الله .

ومتى ما راسلت ادارة الراكوبة ستجد منهم الاهتمام والقبول .

والسبب شنو في نظرك يا طلحه يقعدوك في الصقيعة؟
يا زول روق وعشان ما تمشي بعيد اعتقد ان المسألة تقنية . ليس هناك ما يمنع تواجدك في الراكوبة انت ولا اي عضو آخر طالما اتبعت الطريقة السليمة لنيل العضوية وبياناتك مكتملة حسب ما هو مطلوب في بيانات طلب العضوية ..
والسلام

يا عزو تحياتي الأكيدة

أنا تحدثت عن موقف معين ورأيت ان أقدم شهادتي فيه ـ الموقف ده كان في فترة أنا شخصياً كنت قريب فيهو خالص من الراكوبة كعضو فاعل وقريب من الأحداث اليومية
موضوع ميرفت الحاج تم في تلك الفترة . لا علم لي بما يحدث الآن في الراكوبة ولم أسمع حتي بسلمي الأمين دي وبالتالي ماعارف الحاصل فيهو شنو بالضبط
شهادتي عن شفافية وديمقراطية إدارة الراكوبة تظل في محلها لأنها جاءت كنتاج لملايين الإشراقات والمواقف المشرفة .
ذلك لا يعني علي الإطلاق عدم تقصي الأمر وسأقوم بسؤال صديقي وليد الحسين وعنتر والشفيع ياهو قدامكم كلكم وأرجوا أن كان له ما يفيد حول الأمر أن يقدمه مشكوراً .


احترامي

يا عبد العزيز
المسألة ما مغالطات ولا عايز تنحي بمداخلاتي هنا لهكذا جوانب فإنني إعتذر عن المواصلة هنا مكتفياً بما أوردت أعلاه
وتأكيداً لإنو الموضوع ما مغالطة بقدرما هي إثبات لواقعة معينة ولأحداث كنت شاهداً عليها قلت ما قلت أعلاه .
بالمناسبة أنا من ألفين وتسعة دي بقيت ما عضو فاعل في الراكوبة ولا عارف الحاصل فيها شنو هسي وهذا ما لزم
توضيحه .

بعدين موضوع طلحة ده علاقتو شنو بي بتسهيل إدارة الراكوبة للبعاعيت مثلاً ؟
منبر بكري ده في كتيرين بيعانو من نفس مشاكل أخونا طلحة
من ضمنهم أخونا الشفيع ده زاتو اللي ما إنتبهوا لي مشكلتو الا بعدما الفلم سخن
فمالكم كيف تحكمون ؟

تصوير منتدي الراكوبة كأنه خلق كمكب نفايات لتصفية حسابات أعضاء سودانيز أونلاين في تقديري يجافي الكثير من الحقائق
الراكوبة موقع إلكتروني به كتاب/ت مميزين للغاية لا ينتقص من قدرهم عدم تواجدهم في سودانيزاونلاين أو غيره من المنتديات
السودانية المطروحة . فرفقاً يا عبدالعزيز ولو في باقي مفاهمات أرجوا صادقاً أن تقولها هناك علي الأقل حتي يصلحوا إعوجاجهم
إن كان لديهم إعوجاج أصلاً .

يا خضر ما تزعل الحكاية ما مغالطة

أنا برضه واثق انك قلت كلامك من وجهة نظرك زي الشفيع شايف أنه الراكوبة ممتازة وخالية من العيوب لأنك ماشي في خط الإدارة الهو كله شيوعيين ويساريين وحركة شعبية ود البخليك تكون فرحان بالراكوبة

أحتمال تكون بعيد من لوحة التحكم ومراقبة الأعضاء وبتتعامل مع الناس القدامك لكن يا خضر دا الحاصل ودي الحقيقة الراكوبة فيها اشباح وناس متخفين ونالني منهم أذى كتير دون سبب أو معرفه

أتمني تسأل إدارة الراكوبة عن شكاويي وعن قضيتي وعن الأذي الاتعرضت ليه دون إنصاف وعن الأساءات اللحقتني من أشباح الراكوبة

لو عاوز ليك شبح في الراكوبة رسل لي ميلك اسلمك شبح في ميلك وليك العتبى والاحترام

عشان نكون دقيقين يا عبدالعزيز وما بيناتنا زعل
منو الـ في إدارة الراكوبة شيوعي أو حركة شعبية ؟ وهل الموقع مثلاً موقع حزبي حسب توصيفك ؟
وكيف زول فرحان بي تشكيلة من الناس الوصفتهم ديل وما يكون عضو فعال معاهم ؟


أعتقد إنو زعلك من الحصل معاك خلاك تخت أراء حادة لا أساس لها في الواقع


ــــــــــــ
نتلاقي يامان

يا خضر زول بشكر في العجب ويفرح لمن المريخ يغلب وما مشترك في نادي المريخ يكون شنو غير مريخابي

الجواب باين من عنوانه وما شرط اكون عارف انه إدارة الراكوبة حركة شعبية ولا شيوعيين لكن خط المنبر الموجه بواسطة الإدارة بوضح


يا خضر الحكاية مش بسيطة الشغله كبيرة خالس

يا خضر الحاصل أنه في كمية من ضعاف النفوس والجبناء أستغلوا المنتديات السودانية للإساءة للناس والتعريض متخفين بي اسماء أشباح المشكلة أنه اصبحت إدارة المنتديات دي بقت تساعدهم وتساندهم بي طرق كتيرة والشغله وصلت حتى التجسس والتصلص على حسابك في الفيس بوك وأصدقاءك واسرتك وجيرانك بل ياخ وصلت أنه الاشباح ديل يبقوا يعملوا منتديات كامله هسع في بورد مخصص من بعاتية ولا بعاتي ولا شبحه للإساءة لبكري أبوبكر ودكتورة نجاة بي أقذع الكلام واقــذر الأفتراءات
هسع في البورد دا معانا ناس بكتبوا معانا قاعدين يشتموا فينا ويتعرضوا لينا مواقع تانية عاوز امثلة أجيب ليك

الحاجه دي يا خضر خطيرة شديد

مع الأسف الراكوبة العاجباك دي من المواقع الفيها أشباح وإدارتها بتحميهم وهي إدارة غير محايدة وظالمه وما فيها شفافية أتسببوا لي في أذي شديد وظلموني وفصلوني رغم أني كنت المظلوم وبعد ما فصلوني أتواصلت الأساءات لي من ناس ما بعرفهم ولا كتبت معاهم قبل كدا ومن ناس بعرفهم متخفين بي أسماء اشباح

كلامي الاخير دا شيله وديه لإدارة الراكوبة شوف يقولوا ليك شنو ؟

Quote: أعتقد إنو زعلك من الحصل معاك خلاك تخت أراء حادة لا أساس لها في الواقع

صح كلامك ومن حقي أنظلمت ما ازعل

خضر حسين خليل
تحياتي


_________________
محمد أظنك تقصد مليكة (:

تحياتي يا حبشي






ـــــــ
لا أعتقد يا عباس

Quote: لا أعتقد يا عباس

المقصود بالإشارة إلى مليكة
هو الأخ محمد البشرى في شأن تنبيه الأخ البيلي



________________________
بالمناسبة شهاب كرار لم ينجح في محو آثار الجريمة* (:



---------------
*الجماعية

هههههههههههههههه
إبداع يا حبشي, انا من يوم مداخلة البيلي و بنحت في راسي و الإرشيف ما قادر الم في الإسم
تخيّل نوبي الكشف الموضوع نفسه لقيتو ناسي

وفعلا يا بيلي كلامك صاح اعتذاري لغزلان الإدريسي فالماسورة كانت بإسم مليكة أوحيدي
شكرا يا البيلي للتنبيه

Quote: متى يقوم بكرى بايقاف عضوية كل الشخصيات الوهميه ?

والشخصيات التي تكتب بإسم الشخصيات الوهمية ...

...

يا خضر

كدي لمن ينجض عندك موضوع الراكوبة دا


اظن انت برضه مدين بتوضيح لأخونا حاتم علي ... والزول دا مختفي من مده طويله نسأل الله يرده وأنا حا افتشه ارضيه وين اصلوا الزول دا معاي في مكان واحد وهو زول رائع


قبل سنتنين بالضبط كتب الكلام دا في بوست من بوستاتي ردا على معاوية عبيد

Quote: صدقني يا معاوية صدمتي فيك تشبه صدمتي في خضر حسين خليل الذي كنت اقرأ له لسنوات هنا حتى قبل إنضمامي للمنبر و سبق له ايضاُ ان اتهمني بانني شبح اسفيري و اننا انا و الاخ محمد e سليمان شخصية واحدة هكذا بدون ادلة و المضحك انه اتصل بي و اخبرني بنفسه بذاك البوست وقتها و طلب مني الدفاع عن نفسي و اثبات انه انا (أنا) ، و كانت تلكم الحكاية سبب تعرفي على عبد العزيز الذي اتصل بي وقتها عندما وضعت رقم هاتفي هنا لخضر و شهاب كرار علماُ بانهما كان يحادثاني من قبل عليه و لم اتخيل ان يتكرر ذات المشهد مع عبد العزيز الان و الغريبة انك و خضر من المعسكر نفسه و الامر الذي لا نوده هنا ان تصبح صفة ملازمة لاعضائه بإمتهان الاكاذيب و الاتهامات المجانية بلا ادلة في الاسافير خاصة مع تكرار نفس الحادثة معي و مع عبد العزيز الآن و ما قصة محمد ناصر/وائل طه مننا ببعيدة من السهل بذل الإتهامات المجانية و غير المجانية في الاسافير و معظمها تكون بدون أدلة و إطلاقها اسهل ما يكون و اثباتها دائماُ عسير و المؤلم حقاُ انه لا توجد آلية قانونية حقيقية داخل المنبر او خارجه لمحاسبة مطلقيها للاسف

حاتم شخصية لطيفة وزول جميل جداً وفيه حساسية عالية الموضوع واتهماتاتك زعلته شديد فيه وزعله شديد واظن انك اعتذرت ليه لكن هو ما كان رضيان كان عاوز حاجه بس ما متذكرها

سبحان الله يا خضر شوف انا قابلت حاتم بعد كلامه وقابلته مره تانية بحضور ودالبشرى وشوشتا كمان

بعدين انت اتهمت حاتم انه هو والأخ محمد e سليسمان شخصية واحد واعتذرت لحاتم فقط يا خضر هل اعتذرت لأخونا محمد e سليمان لأني مطشش شوية وما متذكر ياريت تمدني بروابط الاعتذارات والقصة

Quote: حاتم شخصية لطيفة وزول جميل جداً

بلغه سلامي ياعبد العزيز
فعلا زول جميل افتقدته شخصيا
وشكرا ليك

العزيز حيدر

Quote: بلغه سلامي ياعبد العزيز فعلا زول جميل افتقدته شخصيا وشكرا ليك

واجب مستحق ما علي إلا التنفيذ يا حيدر



أدعي ربك يلمني بيه عشان اقول ليه حيدر بسأل منك واتمني كمان يكون قرا كلامنا دا ويعفيني من الكلام

الأخ عبد العزيز
تحياتي

كويس إنك إستدركت في مداخلتك الأخيرة إعتذاري للأخ حاتم علي حتي وإن لم تتكرم بإدراج إقتباس لإعتذاري الذي قمت بكتابته في المنبر عن قناعة أملاً في تصحيح موقفي تجاه الأخ حاتم علي النويري


ـــــــــــ
عزيزي الحبشي
ساءني للغاية إعتقادك أنك المخاطب ب عباس



ــــــــ
تحياتي عبرك للأخ شهاب كرار

يا عزو
زي ما قال ليك خضر حسين تصويرك للراكوبة وتناولك الموضوع بهذه الطريقة ..ظلم كبير لإدارة الراكوبة ولاعضاء الراكوبة ... إدارة الراكوبة كغيرها من إدارات المنتديات الإلكترونية ليس بإمكانهم ضبط عملية العضوية بصورة متكاملة وخير دليل سودانيزاونلاين .. لا ندعي اننا نمتلك عضوية نضيفة وبيانات مكتملة لجميع الأعضاء لكننا بقدر الإمكان نحاول ان نصل الى ذلك وسد ثغرات العضوية . ... وحال إكتشافنا لخلل في بيانات أي عضو نقوم بتجميد حسابه مع العلم اننا لا نقوم بالتفعيل المباشر للعضوية .. اما اتهامك الصريح بأن إدارة الراكوبة تسمح بالعضوية المزدوجية غير صحيح وباطل يا عزو .. ولعلمك هناك من يتهم إدارة الراكوبة بانها تتبع للحزب الشيوعي وايضا الحركة الشعبية وتارة العدل والمساواة وهذا امر مضحك للغاية خصوصا ان هذا المنبر ايضا متهم ... وهنالك ايضا من اتهم بكري ابوبكر ببيع المنبر إلى شخص معين ... اعتقد اننا اصبحنا بفعل فاعل اسيـري عقليات بوليسية لا نميل إلى التصديق واخذ الامور كما هي ونميل دائما إلى التكذيب ..
عزيزي .. عبد العزيز نتعامل مع الأمور بطريقة ديمقراطية او نحاول ان نكون كذلك وفق رؤية مشتركة بيننا وبين جميع الأعضاء الذين ساهموا في وضع قانون المكان .. اتمنى ان لا ننقل صراع منبر لمنبر آخر فالباب مفتوح لك هناك لتناول ما تراه مناسباً وتضع اسئلتك التي تعتقد انها مشروعة في وجه الإدارة وفق الاحترام المتبادل ودون الإساءة لإحد واجزم انك ستجد الإجابات الكافية لكل اسئلتك ... هذا ما اضمنه لك ..
تحياتي ...

خضر يا الطيب عساك بخير

Quote: كويس إنك إستدركت في مداخلتك الأخيرة إعتذاري للأخ حاتم علي حتي وإن لم تتكرم بإدراج إقتباس لإعتذاري الذي قمت بكتابته في المنبر عن قناعة أملاً في تصحيح موقفي تجاه الأخ حاتم علي النويري

كلامي الجبته دا كان بعد اعتذارك لحاتم النويري على ما اظن واظن برضه الذاكره الخربانه هي البتظن انه حاتم النوير لي هسع ما قبلان الاعتذار دا

خلينا من حاتم يوم حا يجي ويقول هو متضايق من شنو

ياهو دا محمد سليمان او الحبشي زي ما بتقولوا انت اتهمت نفرين بي انهم نفر واحد اعتذرت لي شخص واحد هو حاتم النويري قبل ما قبل دا موضوع تاني لمن يجي حاتم

ياهو دا الحبشي النص التاني الاتهمته سويت ليه شنو ؟؟؟؟ برضه انت اتهمته ؟؟؟؟

10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر

يا الشفيع ياها دي المغالطه زاتها


كدي يا الشفيع نصدق كلامك دا اعتبر انه غلبهم يضبطوا العضوية ومعاوية مشى سجل بي أسم تاني

طيب الموضوع ما انكشف وانا اشتكيت سوو شنو ؟

هددوني اصريت على شكوتي فصلوني وخلوا معاوية الغشاهم ؟؟؟ معقول في زول بخلي زول غشاه ما ممكن طبعاً لأنهم هم الأدوه باسورد عشان يشتمني ويسيئ لي أمشي اسألهم من كدا وقول ليهم ليه خليتو معاوية وليه فصلتو عبدالعزيز ؟؟؟؟

يا محمد الحسن العمده لو كنت زول بتحترم قوانين المنبر الواحد كان ما قال حاجه او اعتذر ووضح ليك لكن انت اكتر زول ما بتحترم قوانين المنبر وليك سوابق ما سبقك عليها زول في اختراق قوانين المنبر والتبشيع بالناس


انت ما احترمت قوانين المنبر لمن سرقت باسورد ودالباوقة وفتحت بيه بوست ودي براها كانت كافية تفصلك من المنبر نهائي

أنت ما احترمت قوانين المنبر لمن شلت صورة عضو في البورد (علاء الدين يوسف) ومشيت عدلتها وركبتها في صورة خنزير

أنت ما احترمت قوانين المنبر لمن اتطاولت على شرف زميلة هنا بي اقذع الالفاظ المستحيل تصدر من رجل محترم ولا متربي

أنت فايتك في الاحترام كتير فإذا كنت بتنصح وتذكر انصح نفسك وذكرها اولا وكمل الناقصك

يا عزو إنت شنو حكايتك أي زول يجي يناقشك مطالبو إعتذار ولا شنو

الأخ عبدالعزيز حسين عبدالرحيم
تحياتي وشكري لك
اتهاماتى خضر لي فاقت كوني والأخ حاتم النويري شخصا واحداً.
اتهاماته لي كانت أخطر من ذلك بكثير . وهي موثقة !
وقد وقف مع خضر جمع من أتباعه، وسانده نفر من حمقى خريجي كلية الهندسة بجامعة <>.
حتى مطالبتي له بالاعتذار وقفوا ضدها أذكر منهم واحدا اسمه مرتضى مين كدا ما عارف !
أنا هين ! وحقي سيأتيني بإذن الله !
الضرر الأكبر من هذه الممارسات وقع على زميلة في البورد
وهي تثق في (إخوان البنات ) ديل وسلمتهم حتى حساب بريدها الإلكتروني
أمام الجميع هنا!

يا خضر ياخ انا ما طالبتك تعتذر وما تزعل

ياخ بس بنقنطرك للحبشي

الشوته السمحه تعجب ياخ


------

مرتضى مين كدا اوعى يكون مورتا

الفاضل دكتور محمد سليمان الحبشي

تحياتي واحترامي

مبروك الدرجة العلمية وسعيد لأنه حا نستفيد نحنا واولادنا من علمك وجعله علماً نافعا للجميع


حقيقة بوست بوكرامي ما تابعته كويس الواحد عرف الحاصل وكفاية لأنه متابعة الكضابين البكضبوا بعين قوية بتثير الغيثان وتقرف القارئ

لكن تابعت قضية حاتم وكنت اول من اتصل بيه مش عشان مشكك فيه بل عشان اهدئ من روعه لأني عارف الحزن البسببه اتهام زي دا واحمد الله اني اتصلت عليه وكان في قمة الانزعاج والغضب

ياريت تمدني بي روابط عشان الواحد يتذكر ويشوف حاجات جديدة ما انتبهنا ليها زمان

Quote: أدعي ربك يلمني بيه عشان اقول ليه حيدر بسأل منك واتمني كمان يكون قرا كلامنا دا ويعفيني من الكلام

آي رونط ثينك سوو!

دا بخصوص تسمع من حاتم علي في البورد دا يا عبدالعزيز

حاتم وأميرة الشيخ وسناء خالد واماني الامين وعزاز شامي ونمر وكرام آخيرين قاطعوا البورد دا الى غير رجعة












-------

ترى انا واخوي خدر دا جيناكم متسللين


ودا عار الجميع هنا ..
لمن سكتوا على سياسات بكري العرجاء في حماية الاشباح وفصل من يقول كلمة الحق!!

اكلتم يوم اكل الثور الابيض

قيقراوي يا نديد ازيك

دا كلام شنو ؟؟؟ حاتم مع الناس الخشوا الغابة ياخ خبر مؤسف

يخش الغابة كيف ويخلي قنطرة زي دي

Quote: ودا عار الجميع هنا .. لمن سكتوا على سياسات بكري العرجاء في حماية الاشباح وفصل من يقول كلمة الحق!!

غياتو اقول ليك عني ونيابة عن محمد سليمان الحبشي بكري عسل نحنا بكري أبوبكري

لن ندخل الغابة ونخلي معاركنا الفي المدينة

خضر ما جا متسلسل جا مشنكل وعاوز يشكر لينا الراكوبة

اجمل ما في اعترافات ومراجعات هشام دي قصة شكر (حلم) بكري الفي موضع السيف دا!؟



















---------

يا حبشي
هشام آدم ادخل كل الاسافير في ذاك الموضع من الوزة .. بذات العبق الاثير!!

وعلى كل عاقل عمل مراجعات تخصه تماماً
هل من جدوى لوجودها .. ووجودنا فيها اساساً

أنت يا قيقراوي ما شايفنا بنسوط الموية بالعود ومافي زول بقول بغم

جنكم كوراك وكت الكوراك ما نسمع صوتكم

يا قيقراوي
يمين الله مشتافين

يا عزيز ما مغالطة ولا انا زول واهب نفسي للمغالطات الزي دي
ياخ كل الأسئلة المطروحة من قبلك ممكن تجي تطرحا عادي في الراكوبة واظن كلامي فات حد الوضوح زاتو ..
فياخ تعالنا بالباب وقول الداير تقولو .. شخصيا بجاوب ليك على جميع اسئلتك ايضاً بكل وضوح وعندي علم بجميع الأمور الإدارية البتحصل في الراكوبة باعتباري المشرف العام ...
ثم يا حبيب اعتقد انو من غير المعقول مناقشة امر يخص منتدى آخر هنا... وللا شنو ؟

Quote: يا قيقراوي يمين الله مشتافين

بحر يا شتوشتا .. يفيض ويزيد













--------

لكن دا ما بمنع متعتي الخاصة بموقع الحالي من جناح الوزة الدخلك فيو هشام آدم
نفسي الامارة بالغتاتة دي كانت مانعاني اخش .. لولا جليت عبدالعزيز بخصوص حاتم علي دي

اللهم لا تدخلنا في تجارب
قول آمين

شوشتا يا حبيب ما دايرين خرخره بعدين


هاك دي ميلي رسلوا لي الباسورد

[email protected]

فـــ إلي أخونا عزو


جيتني في الأتو بتاعي ياصاحب
الحبشي وما أدراك ما الحبشي

بدايةً دعني وبصراحة كدة أقول ليك ما عجبني ليك ياعزو جنس البتسوي فيهو ده . مثلك الأعلي ده أنا صتوا صواطة ومرقت منو بما يشيب له الولدان
الحبشي بتاعك ده كان عندوا حاجة عندي خليهو اليجي ينضم بخشموا . إنت أكبر من أن تكون جمل الشيل لهكذا قبايح . دي أوحال غطسنا فيها بي إرادتنا
ومرقنا منها بذات ما يشيب له الولدان . فلا تجعل مني معركة في غير معترك . فـ بقول شنو :
خليك في علبك وأمرقني من راسك . وخلي بينا الإحترام


ــــــــــــــــــــــــــــــــــــــــــــــــــــــــــــــ
والتحية للراكوبة إدارة وأعضاء وقراء

تصدق يا عبس أنا إقتباسات السنتين الفاتو لسع شغال في رموزوا

شكلك زعلت وزعلت شديد يا خضر لمن عرفت القنطرة

Quote: مثلك الأعلي ده أنا صتوا صواطة ومرقت منو بما يشيب له الولدان

في الاول الاخ محمد سليمان اخ وزميل عزيز ولا اخفي انا معجب جداً بذكائة وحرفتنه العالية وشوتاته الماهره لكن برضه في سبب برضه يخليني اخليه مثل اعلى ما حصل شفته يوم كذب أو بهت ليه زول ورغم دا انا ما قلت هو مثلى الأعلى وانت قلت

ولحظه كان مثلك الأعلى هشام أدم ومين كدا كرار

كونك تقول انك صته صواطه يشيب الولدان يازول القول بي قروش إذا مفتكر أنك لمن افتريت عليه واتهمته وكابرت تكون انتصرت عليه او هزمته اوصتو انت غلطان

Quote: فلا تجعل مني معركة في غير معترك . فـ بقول شنو : خليك في علبك وأمرقني من راسك

يا خضر والله ما كنت خاتيك في راسي ولا حا اختك لكن براك انت جيت تشكر لينا الراكوبة في الجو العاصف دا اتذكرنا شيئ من الهباب القديم حبينا نناكشك ما قايلنك حا تزعل قدر دا

Quote: وخلي بينا الإحترام

ابشر الاحترام وافر وليك وتستاهله

Quote: والتحية للراكوبة إدارة وأعضاء وقراء

يا خضر والله قدر تكورك وتهتف دا ما بغير الحقايق الذكرتها عن الراكوبة عليك الله بدل الهتاف الما جايب حقه أسال اصحابك في إدارة الراكوبة عند كلامي القلته وعن مظلمتي وعن الحركات البايخه السوها معاي شوف يقولوا ليك شنو

Quote: شوشتا يا حبيب ما دايرين خرخره بعدين هاك دي ميلي رسلوا لي الباسورد [email protected]

الكرة في ملعب شوشتا وهو لها باذن الله

عزيزي / البشير
عبد العزيز تم تفعيل حسابه ويمكنه المشاركه ..
وشكراً

Quote: الأخ - الصادق الخالدي شنو متواطئ واستناج والكلام المخستك ده .. يا سيد الصادق ليس لدي وقت طويل اضيعه معك قلت كل ما عندي بوضوح تام .. انت غير مجبر على تصدقيه .. ويمكنك تقدير الموضوع وفق ما تراه مناسباً .. اما باقي كلامك فهو مضحك ومبكي في آن واحد ... لا تعليق ..لانه بالفعل لا يستحق التعليق .. اتمنى ان تواصل في المخاشنة ..

يا شوشتا تحياتى للمرة التانية
زى ما قالوا : صرف النظر عن المساكين رحمة
يا حبيب حتى لو انا عندى الزمن ما اظن عندى مصلحة فى المخاشنة معاك .
ومعذرة ياخى ان فهمت كدة
واظن الشئ الضحكك فهمك اننى اعنيتك ب (بوبراهيم)
واظنك من الحصافة بمكان وخصوصا انك كنت متابع
المهم منعا للبس (بوبراهيم) دة كان معرفى عندكم .

الامر التانى

Quote: وما جعلني ان اقدم على قرار الإحتفاظ بالرقم حتى الأن ... تزامن موضوع وفاء الجاسم مع انتحال الأخ / هشام آدم لشخصية / ميرفت الحاج في موقع الراكوبة ....

بالنسبة ليك
والناس الجو مراقات ديل

Quote: .. اتمنى ان لا ننقل صراع منبر لمنبر آخر

Quote: ومتى ما راسلت ادارة الراكوبة ستجد منهم الاهتمام والقبول.

Quote: شهادتي عن شفافية وديمقراطية إدارة الراكوبة تظل في محلها لأنها جاءت كنتاج لملايين الإشراقات والمواقف المشرفة .

Quote: 10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر

طال ما هم وانت لا تريد نقل مشكلة موقع آخر
هل كان هنالك داعى الآن وفى هذا المكان لاثارة هذه الواقعة

Quote: وما جعلني ان اقدم على قرار الإحتفاظ بالرقم حتى الأن ... تزامن موضوع وفاء الجاسم مع انتحال الأخ / هشام آدم لشخصية / ميرفت الحاج في موقع الراكوبة ....

وهى بقولك حدثت فى الراكوبة ؟؟ ولة عشان هشام وقع وكترت سكاكينوا ؟؟
ولماذا عندما اتى الزملاء لمحاورتك فى كلامك هذا
وضعتم المصاحف على اسنة الرماح وذهبتم للائحة ؟؟!!!

وبالله عليك وين الشفافية وانت هنا تعيد عضوية شخص على الهواء مباشرةً؟؟
معتدى عليه حسب قوله .. اقل شيء بإسكاته عبر الحظر وممارسة تشويه صورته من اعضاء يجدون الحماية فى ممارسة فعلهم هذا وهو لا يستطيع الرد عليهم !!!!
فلنفرض ما وجد السانحة دى وقف ليكم فى خشب باب بكرى دة لمن تفضو وتنتبهوا لقضيته ...بعد مالرماد كال حماد !!!
الزيو كدة لاهم اصحابكم وما ساككوكم كدة يكون مصيرهم شنو ؟؟؟!!!
وتانى هل من الشفافية ممارسة الانتقائية فى كشف الاسرار والتصريح بكشف الانتحال وانت عندك الى الآن عشرات الناس الانتحلوا اسماء ما كشفت - حسب افادتك .... - عنهم دعك ممن يسبون الآخرين من الزملاء وهم متخفين خلف اسماء شبحية ؟!

Quote: والسبب شنو في نظرك يا طلحه يقعدوك في الصقيعة؟ يا زول روق وعشان ما تمشي بعيد اعتقد ان المسألة تقنية

هازول اتا شايفني قاعد أنطط واللا شنو ؟؟؟؟؟؟؟
رايق ومكمل الرواقة ذاتو لكن السبب القعدوني بيهو في الصقيعة دا هو ذاتو العايز اعرفو رغم أنو ما مهم كتير ولو
ما جاءت المناسبة ما كان ذاتو فتحت الموضوع دا ..
وبعدين يا أخونا الشفيع إتوا مش المفروض يكون عندكم حل للمشكلات التقنية دي ؟؟؟؟؟؟؟؟؟
وطيببببب ياخ .

Quote: عزيزي / البشير عبد العزيز تم تفعيل حسابه ويمكنه المشاركه .. وشكراً

تمام جدا