Post: #1
Title: كل سنة والبيض آمن ....!
Author: خضر حسين خليل
Date: 12-31-2012, 12:55 PM
صحوت اليوم وروح القطيع ينتاب مفاصلي ... خرجت للشارع .... سريعاً كنت في زمرة قطيع آخر ... حملونا كأجمل ما يكون القطيع في حافلة أم أربعتاشر قطيع .
لا أثر لجنس بشري تفصله عن سنة جديدة في الحياة سويعات .... ملصقات كبيرة تتحدث فقط عن الممنوع .... المساجد بدورها أخرجت ألسنة مكرفوناتها (لا تحتفلو .... لا تتشبهو بهم)
.... لالالالا ..... لا اله إلا الله ياخوانا ... لا اله الا الله ...
القال ليكم من أساسوا في زول حيحتفل منو ؟ كل الحنعملوا إنو بالكتير نمشي شارع المطار ويرشونا هناك الناس (البيض) ديلاك بالبيض والدقيق ونجي راجعين نتخمد وننوم .
ــــــــــــــــــــــــــــــ
أخواني وأخواتي في شارع المطار :
جارك الفقير أولي ببيضتك الإحتفالية
إمرأة علي جانب الطريق تمد يدها أولي بكل تأكيد بدقيقك الإحتفالي .
والبيض كثير في وطني
|
Post: #2
Title: Re: كل سنة والبيض آمن ....!
Author: خضر حسين خليل
Date: 12-31-2012, 01:55 PM
Parent: #1
البيض والدقيق واللبن
|
Post: #3
Title: Re: كل سنة والبيض آمن ....!
Author: Osman Musa
Date: 12-31-2012, 02:37 PM
Parent: #2
يا خضر
والله العظيم دأيرنك كل عام أنت والمعاك بخير وعافية .
ولو سألت عن الحال بي جاي يا خضر . بي جاي البيض اون لاين .
تشتري طبق يقوليك GET الطبق التاني فري . ساكت لي الله والرسول .
..
ياخ عام سعيد والتحية للجميع
|
Post: #5
Title: Re: كل سنة والبيض آمن ....!
Author: عبد المنعم ابراهيم الحاج
Date: 12-31-2012, 03:54 PM
Parent: #4
كل سنة وأنت بخير يا صديق
بخصوص موضوع البيض دا .. قبل عشرين سنة في واحد صاحبنا
إضنيهو تقال ورجلينو مفشقات شديد وكانن مساعداتنو في لعب الكورة ومحروم
من أي شوت ضفاري.. أها لما جا يعرس في الحفلة الناس كانت معتادة تشيل العريس
وتقعد تلف بيهو في الدارة .. أها أول ما شالو صاحبنا دا
قعد يكورك:
_ أوعوا البيض... أوعو البيض... والجماعة ما جايبين خبر.
فدحين البيض آمن هذه السنة .. وليتكم إستبدلتموه بحجارة .. لأنو الجوامع دي ترش في المكرفونات
خوفا من اي مظاهر تجمعات قد تنقلب الي ثورة ..
لك التحية.
|
|