" قدم قدم لي قدّام قدم ياسين العريس وما يضوق الندم " . كانت الدلوكة تزأر في جنبات الفناء الواسع الممتلئ عن آخره بالنساء، والصفقة عاجـبانـا، والمغنية التي أعطاها الله صوتاً يستطيع أن يمزّق جلباب الليل، ولن ترتقه إلا خيوط الفجر . كانت المغنية تلعب دور " المعلّمة في الكُرسي وعايزاني أعيد درسي " بإقتدار تحسدها عليه وزارة التربية والتعليم . يتطاير العرق من جباه بنات الكورس المصاحب، ويتصبّب العريس هو الآخر عرقاً . العروس وهبها الله بسطةً في الجسم، سبحان من أعطي ولم يستبقِ شيئا . النساء من أهل العروس والعريس واقفات يشهدن العرض المثير، والعروس تتراقص كأنها مصابةً بشللٍ رعاش، حين غنت المغنية " أنا بدُق ليك صاجة أنا بشتّت الرملة " . كانت ترتدي ثوباً قصيراً من السيتان الأحمر، الشئ الذي جعل العريس يخورُ في صمتٍ بليغ . لا أدري لغاية كتابة هذه السطور الشئ الذي جعله يصبر علي هذا الإبتلاء، دون أن يقتاد عروسه من يدها، ويذهب إلي عشه الزوجي . وما بين الترترة وحركة ورا، بلغت القلوب الحناجر، وأشتد الأمر علي القوم . برغم أن والدي كان جزاراً لمدّة أربعين سنة ولكن عمري ما شفت لحمة زي دي . وبعد إنتهاء الأغنية التي أضطربت لها حواس الدلوكة، وأرتجت لها جنبات المكان، غادرت العروس، ودلفت إلي داخل أحدي الغرف، تصحبها أغنية " وداعاً روضتي الغنّي وداعاً معبدي القُدسي " . فهدأ المكان بعض الشئ، لتبدأ حلقات الثرثرة والنميمة المتبادلة بين النساء من أهل العريس، وأهل العروس . كلٌ يتناول العروس من زاويةٍ تخصه، ولكلّ أمرئٍ يومئذٍ له شأن .
" المهيرة عقد الجلاد وعريسنا غلبُه الثبات " بخُطي وِزّينة عادت العروس مرةً أخري، كانت لا ترتدي إلا مُزعة قماش من الحرير جعلني أعتقد أنها لفرطِ عجلتها لم ترتدي شيئاً . أسرفت إحدي السيدات في نثر البخور حتي بلغ السماء، فحدست أنها لا بد أن تكون أم العروس، وعلي مقربة كان بعض الفتيات يرمقن العروس بحسد، سألت، فقيل لي أنهن البايركس، فلم أعرهن إنتباهاً . " عينى يا عينى أنا عينى سمحة المقدرة عينى ترتِر ورا عينى أرجع عطبرة " و " وين يا ناس حبيبي يا ناس، وين القِرش وينو العريس وينو البجيب عربة مارسيدس " وبعد قليل أنثنت العروس وأكتشفت أنها من اللا فقاريات، والمغنية تصدح " البلوم نزل يا أهلنا البلوم نزل جننا " . وبعدها أخذت ترتعش مرة أخري " اللول لولك يا العروس " ويا شباب أرجع ورا ورااا " تلفتُ في كل الجهات باحثاً عن حكيم باشا، فلم أجده، ومع ذلك كنت أسمع " حكيم باشا الليلة جا لي سنين أنا في رجا " . وبقينا علي هذا الحال إلي أن أنتهي عرض الفستان الثاني، فغادرت العروس متبوعة بأغنية " أودّعكم أفارقكم أودّع أودّع أودّع كيف " .
" يا زبيدة كلو زي ده جمال زي ده أصلو ما جاء " وتتبعها " الفريع المال وأنتني الله يعلم جننتنا " علي ما أذكر كانت هذه الأغنية هي التي أدتها المغنية التي لا تكل ولا تمِل، لتدشين الفستان الثالث . كان يشِي بالكثير، ويفصح عن إمكانيات العروس اللوجستية الهائلة . كنا في ذلك الوقت صغاراً لم نبلغ الحلم، وفي ذلك محمدة . وهنالك ميزة أخري أكتسبناها من صغر أعمارنا، حيث أنه لم يحظرونا من حضور هذا الرقص المثير من أرض الملعب، ولكن هذا الشئ لم يمنع الكبار والشباب من التطاول ومد الرؤوس عبر الحيطان لمشاهدة رقيص العروس . كانت الأسر المتحررة والتي تمتلك إمكانات مادية جيدة، تستقدم بعض الفنانات اللائي أشتهرن بتعليم العروسات، مثل الثنائي الشهير قسمة ونصرة، لأنهن كانتا قادرتان علي تعليم رابعة العدوية الرقيص السوداني بأيسر الطرق . و " شل شل شل كُبّ لي جالون " . كانت الأغاني التي تتبعها الرقصات تتوالى بمثل هذه السرعة، لا تكاد تتعرّف علي هوية الأغنية، حتي تردفها المغنية بأخري، قد يكون جنسها الإيقاعي مختلفاً عن سابقتها . وهكذا . قد تنتقل من سمسم القضارف إلي المنقة في جناين الباوقة في رمشة عين . وسبحان من أسري بصوت الفنانة وجعلها توصل إلي محطة " التش تش تش الزينبية حلاوة لبن " دون أن تحث سائق البص قائلة " سُوق سُوق يا سوّاق بي شارع السوق يا سواق " . المحيّرني وشاغل أفكاري العروس شخصياً . لم أدرِ لماذا كانت تهزّ مؤخرتها بهذا الشكل عندما بدأت الفنانة تردّد " وين وين وين تلقوا زي ده ؟ العريس شحد الله والله أداه عروسنا المنقة متلّجة " . وبعدها مباشرة غنت الفنانة أغنية " خلاص مسافر قطع التذاكر " . ومضت العروس لكي تقوم بتغيير الفستان مرة ثالثة .
بلغ عدد الفساتين التي أرتدتها العروس في تلك الليلة عشرة بالتمام والكمال، وهذا يعني أنها أرهقت العريس مادياً منذ الرقصة الأولي . لم نكن ننظر إلي هذا الرقص المثير علي أنه كان بمثابة دعوة إلي الفجور . كنا نعتبره ضرباً من ضروب الفنون، لا يقل عن التانغو والسالسا والسامبا . ولكن يبدو أننا أصبحنا نستهجنه لأنه لم يأتنا عابراً للحدود . فنحن قومٌ نعتبر أن القبلة قلّة أدب، وفي نفس الوقت نعتبر أن الأفلام الإباحية ثقافة . يحتمل لأن أبطالها خواجات في الغالب . وبالفعل " برانا بنعشق مستوانا " ما علينا . العروس غلبت العريس بنتيجةٍ كبيرة، وبأغلبية ساحقة من أصوات الحضور، وأنتهي العرض ولم يتبق إلا قطع الرحط .
ياسين فى العشرينات وفجر التلاتين العروس كانت بترقص حوته ولا رحط ذاتو وكان عادى جدا وفى زمنا والعروس بترقص بتلك الفساتين وفى الشارع والعروس لعريسها والتحول له قطار سريع لا يقف فى بعض المحطات لا أدرى كيف يكون رقيص العروس فى 2020 ياخ زمان العريس ذاتو ما عندو أى خصوصيه الحله كلها بتشاهد الفلم والأحداث والمجتمع الآن مغطى بقزاز شفاف مافى زول بشوف عبره ياخ تاريخ حياة الناس فيها عبر والناس فى نظرهم لا يبحثون عن التفاصيل فى المرأه كما يفعلون الآن وكان المجتمع معافى ياخ العروس للعريس والفقر للمطاميس.
Quote: ياسين فى العشرينات وفجر التلاتين العروس كانت بترقص حوته ولا رحط ذاتو وكان عادى جدا وفى زمنا والعروس بترقص بتلك الفساتين وفى الشارع والعروس لعريسها والتحول له قطار سريع لا يقف فى بعض المحطات لا أدرى كيف يكون رقيص العروس فى 2020 ياخ زمان العريس ذاتو ما عندو أى خصوصيه الحله كلها بتشاهد الفلم والأحداث والمجتمع الآن مغطى بقزاز شفاف مافى زول بشوف عبره ياخ تاريخ حياة الناس فيها عبر والناس فى نظرهم لا يبحثون عن التفاصيل فى المرأه كما يفعلون الآن وكان المجتمع معافى ياخ العروس للعريس والفقر للمطاميس.
ولا رحط ذاتو ؟ ديني أنا زمن زين يا المنصور، والأيام دُول أول حاجة أفرز لينا حكاية ترقص حوتة دي، ما وقعت لينا وكمان ما تنسي تعال أحكِ لينا ذكرياتك عن رقيص العروس في الزمن الإنت حضرتُه وكن بخير
Post: #76 Title: Re: رقيص العروس .. سابقاً والآن Author: عمران حسن صالح Date: 02-10-2013, 02:00 PM Parent: #16
Quote: ولا رحط ذاتو ؟ ديني أنا
ما عشان كدي لغوووووووووووووه
Post: #5 Title: Re: رقيص العروس .. سابقاً والآن Author: Osman Musa Date: 12-30-2012, 03:18 AM Parent: #3
عزيزنا حبيب نورة بعد السلامات ياخ زولكم قاسم من عيال قريتكم قرية الشيخ الطيب . وقاسم ده موجود في نيويورك من زمن كان جورج وأشنطن في الخلوة . عمك قاسم عندو حكاوي عن العريس القلب الهوبة يوم الجرتق . والله يا حبيب نورة جد زولكم عندو حكاوي عجيبة عن ليلة الدخلة في قرية الشيخ الطيب . كلام من زمن التركية . منتظرين الحكاوي و صور قلبان الهوبة ورقيص المفارش الحدادي .
Post: #7 Title: Re: رقيص العروس .. سابقاً والآن Author: محمد البشرى الخضر Date: 12-30-2012, 05:10 AM Parent: #5
Quote: ستعود
يا خوي كان ستعود لينا يدك فاضية كدا لا صور لا فيديو يفتح الله إن شا الله خت ليك غنية mp3 :)
Quote: ياخ زولكم قاسم من عيال قريتكم قرية الشيخ الطيب . وقاسم ده موجود في نيويورك من زمن كان جورج وأشنطن في الخلوة . عمك قاسم عندو حكاوي عن العريس القلب الهوبة يوم الجرتق . والله يا حبيب نورة جد زولكم عندو حكاوي عجيبة عن ليلة الدخلة في قرية الشيخ الطيب . كلام من زمن التركية . منتظرين الحكاوي و صور قلبان الهوبة ورقيص المفارش الحدادي .
يا عثمان موسي نطالب بباص وورد لقريبنا قاسم وإنشاء الله ما يكون زي قاسم المهدواي بس وفي حالة إنه أب صلعة يحرِن أمشي ليه وأسمع منو القصص دي وتعال أكتبها لينا بيجاي
Quote: آميــــــــــــن إن شاء الله يا يمة دقر يا يمة دقر العين دقر اها ناس حفلة المقابر فرتقوا ولا لي هسه قاعدين كع كو كرب
جوووة الدارة وسط السباتة المهيرة دي بجيك ليها صادة تب كان الله هون
يا جنا 213 بندور نسيرك تــــــــب والمقدم الله والرسول ما تباري لي ود جبرين الضاق حلوه زماااان وإت مباريهو بي عزوربيتك
يسمع من خشمك رب العالمين لازمن تجيني لي المهيرة عشان أنا ذاتي عندي ليك قصة وبعدين ود جبرين طاير الزول ده أنا قطعت علاقتي بيه إبتداءاً من السنة الجديدة دي ما داير أيي عوارض والله صحي :)
Post: #6 Title: Re: رقيص العروس .. سابقاً والآن Author: عبدالله محمد أحمد Date: 12-30-2012, 05:07 AM Parent: #1
Quote: " وبعد قليل أنثنت العروس وأكتشفت أنها من اللا فقاريات، والمغنية تصدح "
تعبير و لا اجمل لك الله يا حبيب، و ليت الايام تعود بنا الى ماضي الزمن العفيف. تحياتي
Post: #8 Title: Re: رقيص العروس .. سابقاً والآن Author: عزالدين عباس الفحل Date: 12-30-2012, 05:38 AM Parent: #6
وليه التلاتينيات.. نحن ديل عاصرنا زمن كنا نلعب تحت ضوء القمر بنات واولاد حتى الفجـر.. رايك شنو؟
ناس الزمن دا توصيلاتهـم الكهربائية فيها خلل ويحتاجون re-wiring ... زمان العين كانت موصلـة بالمخ وبالكتير بالقلب.. هسـى موصلـة باماكن اخرى..
Post: #10 Title: Re: رقيص العروس .. سابقاً والآن Author: baha eassa Date: 12-30-2012, 07:55 AM Parent: #9
الصور .. الصور ..
Post: #11 Title: Re: رقيص العروس .. سابقاً والآن Author: صلاح أبودية Date: 12-30-2012, 08:15 AM Parent: #10
جميل والله يا الحبيب .. عليك الله أمش على الناس المشعلقين في الحيطة وفي شجرة النيم ... وصف ياخ ما تخلي زول !!! والعريس الدلاهة ده زاتو أدي حقو بشتنوا لينا عليك الله .. ما تخلي ليهو صفحه راجنك !
اسمع كلام اختك الكبيره اسماء الجنيد وما تباري لي طارق ود بت ابوديه المطرطش دا لمن يفوتك القطار وسيبك من الشيشه والجخس زي ما قالت راويه العمر قصير يا ود اخوي عارفو كلامك سمح بالحيل وعاجبنا وعاجب كل الستات والبنوت قبل الرجال بس شد حيلك واعمامك وراك
طارق ميرغني الزول الطيب يا راجل ود جبرين في السما اللحمر هسه ده وقتو ؟ أنا من إيدكم دي لي إيدكم دي والسنة الجديدة دي عرّسْ تب والفارغة يملاها ربنا
Quote: جميل والله يا الحبيب .. عليك الله أمش على الناس المشعلقين في الحيطة وفي شجرة النيم ... وصف ياخ ما تخلي زول !!! والعريس الدلاهة ده زاتو أدي حقو بشتنوا لينا عليك الله .. ما تخلي ليهو صفحه راجنك !
أبو دية الناس المشعلقين في الحيطة وشجرة النيم ديل قصتهم قصة ! تعرف ألذ مافي الموضوع كانوا هم لكن دي حكاية عايزة ليها روقة كدي أفضي وأديها نفضة وأجيكم طاير
تعرف يا حبيب نوره كان لمن البنات يقولن قلابه قلبى لى وتقول كدى العروس تهبر زى القلوبيه وتقبض أرواح العذابه قبض الدباس وتقول كدى الأرواح تقلب يا ساتر ياخ مكر النساء واحد فى كل المجتمعات يعرفن تماما كيف يصنعن ثوره ويخرجن مظاهره ويحشرن الرجال فى نيران مكرهن حظهن الله ما بنبقى براهن خير والله قاسمو لينا ياخ بعد الرقيص داك ويقلعو منك الفركه ويقوللك الدخله باكر حمالتك على واحدين يقعو بردلوب ما يفتحو إلا عند الإسبتاليه ياخ بى أيدك تغلب أجاويدك.
Quote: ياخ زمان العريس ذاتو ما عندو أى خصوصيه الحله كلها بتشاهد الفلم
لو كان يدري يا المصباح لحرف البوست بنفسه فخليه على غباه جنا وجاهل ........ حبيب نورة الله اعرس ليك في السنة الشينة دي قول يامين . عاين جاي حسين ود الطرشة من عيال التامة ساكنين جنبنا مشى حفلة الرقيص ومن عاداتهم الولد ما بدخل دارة الرقيص الا البت ترمي فوقو منديلها يشيلو ويدخل انقز معاها طبعا البنات بعزلن عزل ... أها حسين ود الطرشة الحفلة كلها مافي بت عزلتو من شناتو انتهت الحفلة ورجع ود الطرشة يجرجر ضنب خيبتو وكرب رمى البرميل الذي يستخدم بابا للبيت فصحى والده ودار بينهما الحوار التالي الوالد : حسين وليدي رقستي جيتي ؟ الجنا حسين وهو زعلان واقف لمبة : تلدو إيال شينين زي دا وتقول رقستي جيتي ؟ قال رقستي جيتي قال
يمين كتبتها من أمبارح (يعني السنة الفاتت)، رميتها ومشيت ..... هسي أجي ألقاها (محاية) مافي؟ حتى بالأمارة سألتك فيها ((اللول يعني شنو)).
______ بعدين أقعد اسمع لي في كلام بت الجنيد وطارق ميرغني، عشان نجي نضحك فوقك.
أوووووه أبو الريش ياخي كل سنة وانت طيب والعيد مبارك عليك ياخوي مداخلتك دي يعميني فيها و" اللول " دي قدُر ما قوقلت ليها ما عرفتها، لكن يتخيل لي حاجة زي " الليل ليل والعديل والزين، أو البنِينة " والله تعلم
حبيبنا يحيى قباني والله صدقاً لي كلامك واحد أخونا عرسُه كان تاني يوم لقيتُه في محل شيشة ومرتُه معاه تشيل وتنفخ في حجر المعسل علي اليمين ذكرتني المعلمة كايداهم في السيدة زينب ههههههههههههههههه
Quote: تعرف يا حبيب نوره كان لمن البنات يقولن قلابه قلبى لى وتقول كدى العروس تهبر زى القلوبيه وتقبض أرواح العذابه قبض الدباس وتقول كدى الأرواح تقلب يا ساتر ياخ مكر النساء واحد فى كل المجتمعات يعرفن تماما كيف يصنعن ثوره ويخرجن مظاهره ويحشرن الرجال فى نيران مكرهن حظهن الله ما بنبقى براهن خير والله قاسمو لينا ياخ بعد الرقيص داك ويقلعو منك الفركه ويقوللك الدخله باكر حمالتك على واحدين يقعو بردلوب ما يفتحو إلا عند الإسبتاليه ياخ بى أيدك تغلب أجاويدك.
ههههههههههههههههههههههههههههههههه والله لكن زمن سمح سماح جد هسه قلابة قلِّبِي لي أستبدلوها بي " شتّتُو أنا بلقّطو " والقصة جاطت جوطة السنين وعرسان الزمن ده بقت عندهم مناعة طبيعية علي اليمين مُش لو قلّبت ليه تلقاه فاتح الفيس بوك من الموبايل :)
Quote: لو كان يدري يا المصباح لحرف البوست بنفسه فخليه على غباه جنا وجاهل ........ حبيب نورة الله اعرس ليك في السنة الشينة دي قول يامين . عاين جاي حسين ود الطرشة من عيال التامة ساكنين جنبنا مشى حفلة الرقيص ومن عاداتهم الولد ما بدخل دارة الرقيص الا البت ترمي فوقو منديلها يشيلو ويدخل انقز معاها طبعا البنات بعزلن عزل ... أها حسين ود الطرشة الحفلة كلها مافي بت عزلتو من شناتو انتهت الحفلة ورجع ود الطرشة يجرجر ضنب خيبتو وكرب رمى البرميل الذي يستخدم بابا للبيت فصحى والده ودار بينهما الحوار التالي الوالد : حسين وليدي رقستي جيتي ؟ الجنا حسين وهو زعلان واقف لمبة : تلدو إيال شينين زي دا وتقول رقستي جيتي ؟ قال رقستي جيتي قال
ههههههههههههههههههههههههههههههههههههههههههههههههههههههههههههههههه والله يا ود البوش ضحكت لمن قرب يجيني إنزلاق غضروفي شناة الكـلاب نعلّها ياخ حسين ود الطرشة ده شخصية روائية عديل كده ما بخليها تب وبستخدمها في عمل انشاء الله ربنا يديك العافية شكرن كتيرن
Post: #41 Title: Re: رقيص العروس .. سابقاً والآن Author: خالد عبد الله محمود Date: 01-01-2013, 05:39 PM Parent: #34
اللهم طولكـ يا روح لا صور لا فيديو !!!! شن عرفكـ برقيص العروس يا عزابي أنت ؟
* بالجنبة كده : الشوق بحر
Post: #42 Title: Re: رقيص العروس .. سابقاً والآن Author: محمد عوض السيد Date: 01-01-2013, 05:48 PM Parent: #41
حليل زمان وسنين زمان وحنة ورقيص زمان
وغناء زمان الماخمج وقت البلابل يتفنن في البنابر ويقوقن :
درتي الغالية ليك طال سهري زي سواد حظي انا جار علي دهري اصلو ديل اهلك الخالفو السنة بدلو الريدة بالدرهم ابو رنة من زماني الفات انا كنت ليك حبيب قسمة ود عمي زماني ليك خطيب
Quote: لكن كان داير البثبتك قدام العروس وهى بترقص بنرسلو لك[/QUOTE أنا خايف بدل يثبتوا .. يجهجهوا ..بشوفي لراسوا الصغير ده.. قلت لي يا حبيب النوار ..لمن المغنية تردد .. وين .. وين تلقوا زي دا ..العروس بتهز العفش ..شفت كيف كان ناس زمان قليلين أدب .. بأدب ..
Quote: أنا خايف بدل يثبتوا .. يجهجهوا ..بشوفي لراسوا الصغير ده.. قلت لي يا حبيب النوار ..لمن المغنية تردد .. وين .. وين تلقوا زي دا ..العروس بتهز العفش ..شفت كيف كان ناس زمان قليلين أدب .. بأدب ..
والله ديل كتلوا الجدادة وخموا بيضها ناس نحن مع شنو كان سعلونا ؟
تعرف يا حبيب نوره كان لمن البنات يقولن قلابه قلبى لى وتقول كدى العروس تهبر زى القلوبيه وتقبض أرواح العذابه قبض الدباس وتقول كدى الأرواح تقلب يا ساتر ياخ مكر النساء واحد فى كل المجتمعات يعرفن تماما كيف يصنعن ثوره ويخرجن مظاهره ويحشرن الرجال فى نيران مكرهن حظهن الله ما بنبقى براهن خير والله قاسمو لينا ياخ بعد الرقيص داك ويقلعو منك الفركه ويقوللك الدخله باكر حمالتك على واحدين يقعو بردلوب ما يفتحو إلا عند الإسبتاليه ياخ بى أيدك تغلب أجاويدك.
Quote: حضرته لى عرس فى السودان نهاية الحفله قالو فى رقيص العروس تعرف
جا واحد مسك المايك وقال بالله يا جماعه ما دايرين اى راجل جوه الصاله
لأنه فى رقيص عروس . الناس كلهم مرقو من الصاله واقفين ببره سمعته ليك
واحد بسب دين بزعل شديد وبقول طيب والعريس دا ما راجل ما تطلعوه بره
وقال اهى دى من الاسباب الطلعتنا من البلد دى
اتضح انو الراجل عم العروس جاى من امريكا ومخمخم جميع افراد العايله لحضور عرس بت اخوه فى السودان .
تشكر يا حمد ومعذرة للتأخير الشديد في الرد، أنا كنت فاكر البوست ده غطس، ومافي زول رد عليّ تاني .
المهم أتخيّلت منظر صاحبك، وهو جاي مشتاق للسودان وطقوس العرس في السودان حسب مفهومه المترسّب في أعماق ذاكرته وإذا به يتفاجأ بوضع جديد ومفاهيم جديدة لا تتماشى مع الحاجات الخاتيه في عقلو عن السودان الذي مضى .
سيبك من العرس أنا مشيت لي قرايبي بعد فترة غياب عن السودان وقمت خشيت المطبخ على طول، وقلت ليهم طابخين شنو الليلة ؟
تتصوّر ناس البيت كلهم قعدوا يعاينوا لي من فوق لي تحت ! لدرجة إني دخلت في ضفوري .
الوسيم القلبي رادو، وفي روايةٍ أخرى لحبيب الدّوري : فريع البان المال وأنتكى، وتقرأ مصحوبة بالصورةِ أدناه . متبوعةٌ ب اللهم لا حسد
ياخينا إنت من ساعة ما أخدت الشبّال الغير مرئي ده بقى نضمك كُتُر . هل تدري يا نعسان بأنك نجحت بإمتياز في إختراق الأجواء الدولية مقترباً من حصون سيدة الدبلوماسية العالمية بدون سابق إنذار ؟ . بربك كيف نجحت في إختراق كل هذه الحصون وظفرت بشبّال السمحة أم عجن ؟
Quote: حبيب السمحة وسمرية. دايما مجهجه باكاتنا وكأنك بتكتب بباسوورد ميسي.! اللول اللول سو ليها اللول..العروس زينة الهنا حق لي القول. العروس لابسة الحجل سو ليها اللول والحجل زان الرجل حقو لي القول الحجل زان الرجل سو ليها اللول وقلبي من حجلك وجل سو ليها اللول رفيص العروس والغنا المصاحب له فيه إستفزاز وجداني إيجابي للعريس ولأصحابه والإستفزاز ده ممكن يصل لدرجة الفجائية والشدة، خاصة إذا كان اصحاب العريس من العزابة. ويقوموا البنات يغنن ليك" مغس مغس يالعزابة بس تموتو مغس يالعزابة.
اللول لولك يا العروس . تعرف يا فاتح جنس الغنا ده، مرات بخليني واقف ألِف أحمر، ومرات كمان بقول لي : أنجُ بجلدك يا رعاك الله ! وسألت حكيم باشا والتمرجي والسسترة قالوا لي إنت مرضك كُتُر، وإنت سببك أم شلاخاً خُدُر .
ياخوي السنة دي سنتنا
Post: #55 Title: Re: رقيص العروس .. سابقاً والآن Author: Ibrahim Farah Date: 02-10-2013, 09:10 AM Parent: #52
زمان رقيص العروس كان مع الصبحية في الهواء الطلق والحضور من الجنسين، هسه رقيص العروس بقى في صالات والدعوات حصريا لأشخاص معزّلين عزل من البنات فقط والمقاعد محدودة والموبايلات يتم تجميعها عند مدخل الصالة... وازيدك من الشعر بيت الغناية بقت تنسخ اغاني الرقيص في سي دي وتبيعوا للعروس بمبلغ وقدره.. كل عروس عندها اغاني محددة ...وتحدد ليها يوم تجبيها تعلمها حركات الرقيص وتاني ما تشوفها الا مع البروفة النهائية مش زي زمان الغناية مصاقره العروس الاسبوع كله تعلم فيها في الحوش
Post: #56 Title: Re: رقيص العروس .. سابقاً والآن Author: عبد الله فقير Date: 02-10-2013, 09:27 AM Parent: #55
حبيب نورة سلامات ود النمياية منتظر متين العرس يخلص عشان يخاخد عروستو يتخارج انتظر الغدا على احر من الجمر جات الحفلة بالليل يعضى فى لسانو وقاعد متين تخلص خلصت طبق عروسو ومشتت الجماعة قالو ليهو ها ويييييييين يا لسة لسة شنو ؟ سألم قالو ليهو رقيص العروس قال ليهو اى عارفو مش بترقص لى براى فى الاوضة قالو ليهو لا بترقص ليك لكن قدام النسوان قال ليهم يحرق د..... ود.... النسوان طيب ادونى فرصة اخش وبديها ليكم بعد شوية
Quote: ود النمياية منتظر متين العرس يخلص عشان يخاخد عروستو يتخارج انتظر الغدا على احر من الجمر . جات الحفلة بالليل يعضى فى لسانو وقاعد متين تخلص خلصت . طبق عروسو ومشتت الجماعة قالو ليهو ما لاقي ها ويييييييين يا لسة لسة شنو ؟ سألم قالو ليهو رقيص العروس قال ليهو اى عارفو مش بترقص لى براى فى الاوضة قالو ليهو لا بترقص ليك لكن قدام النسوان قال ليهم يحرق د..... ود.... النسوان طيب ادونى فرصة اخش وبديها ليكم بعد شوية
صاحباً لينا، كان تربالي تجاوز الأربعين ولم يظفر بذاتِ الدينِ وما ترِبت يداه . ولا أشك أن صاحبنا قد لاقى ما لاقى في سبيل الوصول إلى بيت العدَل . المهم بعد طوال إنتظار، عُقِد قرانه . وبعدها بيوم تأخر على غير عادته، وكان اليوم يوم سقاية الحواشة . وعندما خرج في ظهيرة اليوم سمع الرجال يستهامسون في أرجاء المكان بلّة عقد بلّة عقد بلّة عقد . أصلح سفّة كاربة، ونظر لهم شزراً وقال : بلّة عقد لكن لي يوم الليلة ما رقد :)
غايتو يا يا ياسين بوستاتك الواحد يجي خاشيها وهو محجب ومنقب
ياخي الواحد يقرا فيها وخجلان
لمن عرقنا يتصبب
يا زول إنت ما بتخجل
________________
يا ياسين ياخي الفيديو بتاعك بتدبلج فيهو ما تجيبوا وتريحنا
الموضوع دا من غير فيديو ولا صور ما عنده اي طعم زي أكل المستشفيات
(أكل المستشفيات دا فيهو نكتة برسلها ليك في الخاص)
Post: #63 Title: Re: رقيص العروس .. سابقاً والآن Author: عبد الله فقير Date: 02-10-2013, 12:17 PM Parent: #61
Quote: صاحباً لينا، كان تربالي تجاوز الأربعين ولم يظفر بذاتِ الدينِ وما ترِبت يداه . ولا أشك أن صاحبنا قد لاقى ما لاقى في سبيل الوصول إلى بيت العدَل . المهم بعد طوال إنتظار، عُقِد قرانه . وبعدها بيوم تأخر على غير عادته، وكان اليوم يوم سقاية الحواشة . وعندما خرج في ظهيرة اليوم سمع الرجال يستهامسون في أرجاء المكان بلّة عقد بلّة عقد بلّة عقد . أصلح سفّة كاربة، ونظر لهم شزراً وقال : بلّة عقد لكن لي يوم الليلة ما رقد :)
انا كنت شايل هم تتهمنى بالسعى لتخوير البوست لقيتك انت زاتك معاى
Quote: زمان رقيص العروس كان مع الصبحية في الهواء الطلق والحضور من الجنسين، هسه رقيص العروس بقى في صالات والدعوات حصريا لأشخاص معزّلين عزل من البنات فقط والمقاعد محدودة والموبايلات يتم تجميعها عند مدخل الصالة... وازيدك من الشعر بيت الغناية بقت تنسخ اغاني الرقيص في سي دي وتبيعوا للعروس بمبلغ وقدره.. كل عروس عندها اغاني محددة ...وتحدد ليها يوم تجبيها تعلمها حركات الرقيص وتاني ما تشوفها الا مع البروفة النهائية مش زي زمان الغناية مصاقره العروس الاسبوع كله تعلم فيها في الحوش
بالله بقى كده ؟
ليييه اصلو هو إجتماع قمة ؟
النفوس بقت ما ياها يا ابراهيم فرح ، الناس كانت بتنظر للرقيص كنوع من الفنون .