جنابو ياخبره سمحه القدله عا########ا تعرف ياجنابو اها بسوي جنس قولك دا وانا قاعد بسمع وبتخيل كيف طريقة السكسكه مع هذا الايقاع الجميل .. لكن بما انك زول جنابو وبطبعا الضباط ليهم مشيات خاصة وجميله .. . . اطلع الدرجات ودي الرايقة زي مشي الضباط ودي الرايقة .
. تعرف ياجنابو ناس زمان ديل سكسكتهم كانت ليها طعم خاص المرفوع دوام راسا ... وراقي وراقي احساسا
ريحة الصندل انفاسا ... حارقة قلوبنا بجمُرا
Post: #6 Title: Re: ستو بتشبه القمره ... Author: omer osman Date: 12-29-2012, 09:26 AM Parent: #5
Quote: تعرف ياجنابو اها بسوي جنس قولك دا وانا قاعد بسمع وبتخيل كيف طريقة السكسكه مع هذا الايقاع الجميل
ودي بتكشف ليك الزول الرقاص من الزول الاشتر الايقاع الصاخب ممكن الاشتر زاتو يلفق معاهو مرات لكن السكسكة بي فهم دي داير ليها زول رقاص واقعة ليهو
.. .. دا شنو يا جنابو ..؟ حالتي حسع دي وصيت ليك جماعة اصحابي عايزك كنت تديهم الفاتحـة ويجو يتبركو فيك تقوم تفك اللعـب ؟؟ .. يا ولي .. عارف دا الغنا البكشف ليك الجماعة بتاعين القعدات .. ومحبي الطرب الاصيل في المديح في طريقة ذكر اسمها البرجسة او البرجزة .. دي بيعرفوها بس ناسا والناس العميقين جدا في الذكر .. في اغاني المداحين الكانو بحومو زمااان الحلال ودي بيعرفوها ناس أهل العوض اكتر .. في اعمامك لما يغرقو في المديح كانو بيرقصو بالرقبـة اهــا النوعية دي كان لمو ليك في الملف دا .. بتموها برجسة ورقبـة وإن ادى ذلك لقطع الرقبـة حاجة دافيه جدا بتذكرك الخالات والعمات والحبوبات واغاني الهدهدة للشفع الصغاار
