هاكي الوصفه ده موبايل مره اربعة حمسه مرات من الصباح لغاية نصاصي الليل وtext messages ثلاثة .. اربعه مرات في اليوم شي عربي وشي انجليزي واسكايب ضلفتين بي كاميرا كاربه عشان الشوق يتبل اما الفيس بوك داك سرو باتع يجيب الطافش حتي اكان في امريكا الجنوبية امال ايه
لكن اهم من ده كلو وبي منهتي الوضوح والصراحة واسألي مجربين ناس ود فلان وود علان زي ود جبريل وود القاضي وود الموج يأتوكي بالخبر اليقين
انت يا وضاحة بس حاصلة عليك زي الكان حاصل على كاتب القصيد البتقول
وحاتك انت يا مرسال بحب واحدين وما عارف دريبن وين وبرضو كمان وحاتك انت ما بعرف اراضيهم يا مرسال رسايل الشوق انا الضهبان زمن كايس اراضيهم وصف لي درب الرريد عشان اوصل واراضيهم
Post: #20 Title: Re: **** مشتاااااقة**** Author: هاشم أحمد خلف الله Date: 12-02-2012, 04:34 AM Parent: #1
Quote: آآآآآآآه من حرقة الشوق البيسرق روحي من عصب البدن
وضاحة اكيد مشتاقة لي أنا ..... عشان كده جيتك جاري جري ههههههههههه ازيك يا عسل ومشتاقين كتير والله
وضاحة مقدرين احساسك الجميل ولكن انى لهم ان يساعدوك وقد اصبح لسان حال البعض هنا هو الشاعر الفذ محمد سعيد العباسى: وقد سلا القلب عن سلمى وجارتها وربما كنت أدعوه فيعصينى ما عذر مثلى فى استسلامه لهوى يا حالة النقص ما بى حاجة بينى ما أنس لا أنس إذ جاءت تعاتبنى فتانة اللحظ ذات الحاجب النون يا بنت عشرين والأيام مقبلة ماذا تريدين من موءود خمسين؟ قد كان لى قبل هذا اليوم فيك هوى أطيعه ، وحديث ذو أفانين ركزى فى البيت الرابع فهو يمثل تماماً وهبة و ود شيقوق وعمر على حسن انا ما معاهم سمح؟
الشاعر محمد احمد الحبيب ** ياهن عويناتها الزمان غناء قرشي الحجير
***** يا هن عويناتا الزمان ما اتغيرن يا حليﻼ طال بيها الزمن تنشُر من اكمامها اﻻريج كالزهرة في الروض البهيج ورثت من افراح الربيع الخضرة والوجه الحسن بسَامة ما بتعرف وجوم مازعلت اماتها يووم من قمنا من اطفال صغار لحدي فرقنا الزمن الليله كم لوعت قلبي الغشيم ﻻلوبة في الحوش القديم بطراها في حاضري اﻻليم عيني كم بالشووق بكن وقفن قصادي بنات نعش عزني في ماضي اندفن امتد بي شعري الطريق جاييك من فج عميق في الماضي راخي له الرسن حتي الشعر فاض به الحنين انصبَ في قالب حزين ﻻهينا بي جيتك سنين ﻻ جيتي ﻻ اﻻيام صِفن
Quote: يا هن عويناتا الزمان ما اتغيرن يا حليﻼ طال بيها الزمن تنشُر من اكمامها اﻻريج كالزهرة في الروض البهيج ورثت من افراح الربيع الخضرة والوجه الحسن بسَامة ما بتعرف وجوم مازعلت اماتها يووم من قمنا من اطفال صغار لحدي فرقنا الزمن الليله كم لوعت قلبي الغشيم ﻻلوبة في الحوش القديم بطراها في حاضري اﻻليم عيني كم بالشووق بكن وقفن قصادي بنات نعش عزني في ماضي اندفن امتد بي شعري الطريق جاييك من فج عميق في الماضي راخي له الرسن حتي الشعر فاض به الحنين انصبَ في قالب حزين ﻻهينا بي جيتك سنين ﻻ جيتي ﻻ اﻻيام صِفن
Post: #41 Title: Re: **** مشتاااااقة**** Author: عمر علي حسن Date: 12-02-2012, 06:53 PM Parent: #38
Quote: يا بنت عشرين والأيام مقبلة ماذا تريدين من موءود خمسين؟ قد كان لى قبل هذا اليوم فيك هوى أطيعه ، وحديث ذو أفانين ركزى فى البيت الرابع فهو يمثل تماماً وهبة و ود شيقوق وعمر على حسن انا ما معاهم سمح؟
حاشاك تب ..تكون مع جنس ديل ........... بس البيت في محله وأخوك (الصغير) متحير من قبيل في البوست كله .. وما عارف يشوت علي وين
آل موعود خمسين آل .. استني شيقوق يجيك يوريك اياه ..
Quote: وضاحة مقدرين احساسك الجميل ولكن انى لهم ان يساعدوك وقد اصبح لسان حال البعض هنا هو الشاعر الفذ محمد سعيد العباسى: وقد سلا القلب عن سلمى وجارتها وربما كنت أدعوه فيعصينى ما عذر مثلى فى استسلامه لهوى يا حالة النقص ما بى حاجة بينى ما أنس لا أنس إذ جاءت تعاتبنى فتانة اللحظ ذات الحاجب النون يا بنت عشرين والأيام مقبلة ماذا تريدين من موءود خمسين؟ قد كان لى قبل هذا اليوم فيك هوى أطيعه ، وحديث ذو أفانين ركزى فى البيت الرابع فهو يمثل تماماً وهبة و ود شيقوق وعمر على حسن انا ما معاهم سمح؟
وضاحة هيجتني الذكرى *** ذكرى من اهواه في ربيع اياموا وضاحة عليك الله مالك علينا نحن برانا يا الله يا الله نقاوم في الغربة دي لكن ببوستاتك دي حا تتعبينا شدييييييييييييييد .. وقد كان ولو كتبنا عن الشوق ما اظن نوفيهو حقو وما اظن نوفي انفسنا حقها ,, لكن سؤالك الثاني لي ده دخلني في حيص بيص ,, وحيص بيص دي اسالي منها ناس ود شيقوق , لوووووووووووووووووووولز وبعدين يا اختى انتي هسة قبل ما تلقيهو عاملة كده بعدين شوقك بيكون كيييييييييييييييييف ؟؟؟؟ مدد يا ود الارباب مدد
ـــــــــ اختيار الأغنية للتصميم دا مُش مفروض يدّوني عليها جائزة ؟
Post: #70 Title: Re: **** مشتاااااقة**** Author: عمر الفاروق عبد الله الشيخ Date: 12-08-2012, 09:09 AM Parent: #68
اشتقت اليك فعلمني أن لا أشتاق ..... سهر الشوق في العيون الجميلة ... وفي دارجينا .. مشتاقين انت بتين تجينا .. ولو مشتاق حقيقة ما بتغيب دقيقة .... وو الله مشتاقين ... واشتقت ليك ساعة المسا فرد الجناح لملم خطاوي النهار في اللحظة ديك اشتقت ليك وكنت معاه هسة وبشتاق ليه لسة
عارفة
في ناس بتعادي بالسماحة وقالوا في واحدة في السماحة مش أوي مشت زارت صاحبتها البتشنكل ليك بجمالها واخدت قعدتها معاها ساعة ساعتين ولما مرقت منها الشارع كله بقي يتسائل البت دي جابت السماحة دي من وين؟
في ناس بتعادي بالسماحة وقالوا في واحدة في السماحة مش أوي مشت زارت صاحبتها البتشنكل ليك بجمالها واخدت قعدتها معاها ساعة ساعتين ولما مرقت منها الشارع كله بقي يتسائل البت دي جابت السماحة دي من وين؟
واتي جبت السماحة دي من وين؟
السماحة استمديتها منكم عمر انا مسجونة فيكم
Post: #71 Title: Re: **** مشتاااااقة**** Author: بشير جبريل علي Date: 12-08-2012, 09:12 AM Parent: #68
Quote: وينك يا بتاع العسل
بتاع العسل ولا بتاع المقوي .. عليك بيهو يا وضاحة .. قالوا للجنسين .. يا خفف الشوق ..يا وداك التوج ..
أشواقي ..
Post: #72 Title: Re: **** مشتاااااقة**** Author: صلاح عباس فقير Date: 12-08-2012, 10:52 AM Parent: #71
Quote: فكيف أجمع بين رعشتي في حبه وبين حبّي لله ؟؟؟؟؟؟؟؟؟؟؟؟؟؟
لذا أستغفر الله
إذ أتيت بذكره علي لساني وحواسي في
ساعات أحاول بخشوع أن أذكر فيها ربّ العالمين
وأطلب منه الرحمة في مودته
والرأفة في شوقه
وأن يثبّت قلبي علي الإيمان تمامآ كما ثبّته علي حبه
لا تثريب عليك يا وضاحة،
الإيمان والحب صنوان،
الحب بدون إيمان = مجرد عاطفة رومانسية جامحة!
والإيمان بدون حب، = ضرباً من التزمت والتشدد!
صاح: مفروض نحب ربنا أكتر،
لأنو أدانا الحب ذاتو وكل الأشياء الجميلة!
وربنا ذاتو بحب الإنسان!
وبالتأكيد: الإنسان ما حيقدر يحب ربنا، أكتر من حب ربنا ليهو!
لكن ربنا من حبو الكبير لينا يتجاوز عن كثير من غفلاتنا وأخطاءنا وخطايانا!
وحتى إن أغضبناه فرح باعترافنا بالخطأ وتوبتنا وعودتنا إليه!
وبالتأكيد: الإنسان ما حيقدر يحب ربنا، أكتر من حب ربنا ليهو!
لكن ربنا من حبو الكبير لينا يتجاوز عن كثير من غفلاتنا وأخطاءنا وخطايانا!
وحتى إن أغضبناه فرح باعترافنا بالخطأ وتوبتنا وعودتنا إليه!
نعم صلاح
فالله هو الجمال الذى لا مثيل له
فهو العالى المتجلى المقتدر على خلق الابداع
نساله دوماً ان يحفظنا ويجعل الايمان به فى قلوبنا وان يجعلنا من المؤمنيين الذاكريين
اشكرك صلاح على هذه الكلمات الرقيقة ربنا يسعدك
احترامى
Post: #106 Title: Re: **** مشتاااااقة**** Author: عادل سهل Date: 12-15-2012, 01:51 PM Parent: #84
وضاجة كيف حالك؟ ...... مشتاقين والله ( دي طبعاً ذات لون وطعم خاص ) . . . . .
المهم زي ما يقول تبارك، أنا متوقع خر مداخلة ليك في هذا البوست تكون: . . . . . . . . .
" مشتاااااااااااقة ليك يانبيـــــنا "
تحياتي...
Post: #73 Title: Re: **** مشتاااااقة**** Author: إدريس محمد إبراهيم Date: 12-08-2012, 10:57 AM Parent: #71
قالت ذات شجن :
( ده شنو اللي ما بيعرف يساسق إلا بينات العروق) ......
وقالت وضاحه :
(آآآآآآآه من حرقة الشوق البيسرق روحي من عصب البدن ...) ....
ودعوني أقول :
(آآآآآآآه من حرقة الشوق البيسرق روحي من عصب البدن ...) .... آآآآآآآآه من رعشة اللهفه البتدفر .. في الدميعات والشجن .... حراق الجوف وشلهتة الرويحة التايهه في الآهات زمن .... ومن طول الليالي قضيتها حداك ... دون غفوة وسن ... ومن شوقي البفتش فيكّا ... وإت ماليهو حن ... ومن ريدي البنيتو قصور ... في لجة محن ... ومن طيفاً يراود ذاتي .... لي لقياك يحن ... ( ده شنو اللي ما بيعرف يساسق إلا بينات العروق) ...... وفي جوّه الحنايا سكن .....
Post: #77 Title: Re: **** مشتاااااقة**** Author: إدريس محمد إبراهيم Date: 12-09-2012, 07:34 AM Parent: #76
وضاحه .... صباح الخير يا خيّه ....
كتبت أختنا الشاعرة سلمى الصديق الأزرق بصفحتها على الفيسبوك خاطرة جميلة في ذات السياق ... أنقلها إليكم هنا بعد أن أخذت الإذن منها بالطيع .... فكلنا في الهم (شوق) .... :
Salma Alsiddig Alazrag منذ منذ 21 ساعة عبر الهاتف المحمول (إعتراف) حين شتاء وذات ليل بعد أن أغلقت باب غرفتي وأويت إلي فراشي ,,هاجمني هم بي ,,,لم أهم به وتمنعت عليه عندها صاح مستهزئآ أن هيت لي ,,,عربيد ذلك الشوق وذو سلطان ,,,لم تجدي مقاومتي نفعآ فأستسلمت له ,,تمكن مني زرع الحنين بداخلي وتسلل يبحث عن غيري ,,كبر ذلك الحنين بداخلي وذات شتاء فاجأني المخاض ,,,ألفيت طيفك لدي الباب أرتدي قميص شوق قد من قبل ومن دبر أحتضن حنيني قبل وأده فلا حيلة لي بإرضاعه وشهور غيابك السبعة العجاف قد أظللنني وعام الغوث لا تاريخ له !!! سلمي /6ديسمبر /2012
كتبت أختنا الشاعرة سلمى الصديق الأزرق بصفحتها على الفيسبوك خاطرة جميلة في ذات السياق ... أنقلها إليكم هنا بعد أن أخذت الإذن منها بالطيع .... فكلنا في الهم (شوق) .... :
Salma Alsiddig Alazrag منذ منذ 21 ساعة عبر الهاتف المحمول (إعتراف) حين شتاء وذات ليل بعد أن أغلقت باب غرفتي وأويت إلي فراشي ,,هاجمني هم بي ,,,لم أهم به وتمنعت عليه عندها صاح مستهزئآ أن هيت لي ,,,عربيد ذلك الشوق وذو سلطان ,,,لم تجدي مقاومتي نفعآ فأستسلمت له ,,تمكن مني زرع الحنين بداخلي وتسلل يبحث عن غيري ,,كبر ذلك الحنين بداخلي وذات شتاء فاجأني المخاض ,,,ألفيت طيفك لدي الباب أرتدي قميص شوق قد من قبل ومن دبر أحتضن حنيني قبل وأده فلا حيلة لي بإرضاعه وشهور غيابك السبعة العجاف قد أظللنني وعام الغوث لا تاريخ له !!! سلمي /6ديسمبر /2012
مع خالص ودي وتقديري ؛؛؛؛
الله يعينة يا ادريس على العشق والاشتياق
فى ليالى الشتاء يشتد بناء الشوق لى من نحب ونعشقك
ونذكرهم عندما تعلن الساعة حدادها على عام مضى واحتفاءها بميلاد عام جديد نمضي مع تلك اللحظات المقدسة وحيدين .. مجردين من كل شيء نحتفي بذاتنا ..بما كنا .. وما سنكون .. وما أنحن عليه ونبنى مدينة من الاحلام والعشق النرجسي المجنون
عنى انا عندما اعيش مع تلك اللحظات الخارجة عن ارادتى تجدنى أتساءل
و بدهشة خالصة .. أي مخلوق مجنون يسكنني او ربما اسكنه انا !!!!!!!!!!
Quote: علي الرغم من ان الزمن جلسنا في كنبة الاحتياطي ولكن الحق يقال الايام ده لا في الزول البتحب و لا في الزول البحب
الشويحاتي
عمو الزبير الجعلى الحر الما بخاف الضر
ياخى قالوا زمنكم كان زمن جميل وكم تمنيت ان اكون من ذلك الزمن الجميل
حيث الحب الصادق والعشق النيل الجميل عارف عموا عاوزة اقول ليك سر لما اشوف امى وابوى فى الصفرة لما نقعد ناكل وطريقة الريدة الفى عيونن بحسدن بقول معقول الاقى راجل في يوم من الايام زى ابوى دا يحبنى زى ما بحب ويعشق امى ياخى امى لى هسي بتاكلوا وباكلها مرات بى المعلقة قدامنا
( ده شنو اللي ما بيعرف يساسق إلا بينات العروق) ......
وقالت وضاحه :
(آآآآآآآه من حرقة الشوق البيسرق روحي من عصب البدن ...) ....
ودعوني أقول :
(آآآآآآآه من حرقة الشوق البيسرق روحي من عصب البدن ...) .... آآآآآآآآه من رعشة اللهفه البتدفر .. في الدميعات والشجن .... حراق الجوف وشلهتة الرويحة التايهه في الآهات زمن .... ومن طول الليالي قضيتها حداك ... دون غفوة وسن ... ومن شوقي البفتش فيكّا ... وإت ماليهو حن ... ومن ريدي البنيتو قصور ... في لجة محن ... ومن طيفاً يراود ذاتي .... لي لقياك يحن ... ( ده شنو اللي ما بيعرف يساسق إلا بينات العروق) ...... وفي جوّه الحنايا سكن .....
عندي ليك نصيحه : الزول البتعرفيه ده عايني في عينيهو عديل و قوي و ما ترمش ليك عين ، ان دنقر ( نظر لي تحت ) او اتلفت ( نظر حوله ) ده ما زولك . و لكن اكان ابتسم او قال ليك هووووي هه ده تب يا هو زولك .
Post: #96 Title: Re: **** مشتاااااقة**** Author: خالد علي محجوب المنسي Date: 12-13-2012, 09:28 PM Parent: #95
Quote: يا كل الأشواق والريدة والزاد والمشتهي .........!! وآه أنا منك أنثر عبير عمري وزهراته عشقآ لكلّ تفاصيلك ..
فانا مؤمنة
بتلاقى الارواح فى هذا الاسفير الكبير
فاين انت يا تؤم الروح يا أغلى من عيني
سلام يا شمس المشارق وضاحة بوست جميل وحلو المذاق وزاد الحلاوة حلاوة وجمال روح الاسلوب الحسن اللطيف في ردودك التي تحمل عبير الورد عبقا.. وروحك الخفيفة ظلَّ تضفي على الردود جمالا وحسنا لم أقرأ البوست كله لكن سوف اعيده من الصفحة الأولى ولي عودة والعود حميد وكان ذلك بسبب وجودي في بلد حجب الموقع عنها وتعذر علينا دخول المنبر وصلت اليوم من بلد الاهل والحبان شندي ولي عودة تسلمي من كل بلاء يا وضاحة يا شمس المشارق
تحياتي ومودتي الشديدة
Post: #97 Title: Re: **** مشتاااااقة**** Author: خالد علي محجوب المنسي Date: 12-14-2012, 02:43 PM Parent: #96
الاشواق والأشواق كثر الشوق حين يفرح وحين يغم والشوق يسبق لموعد لقاء الشوق يدفع الحب ويمكنه في لقلوب
جيت أمس من السودان وعامل رفرش (جديد ) للحجبات زح بعيد ولم كرامتك ما يحرجوك
أنــــا الككو الفجخ الطين أنــــا الضب الوقع في العجين
وهيييييع تلجنا بكسروا لينا يا عرريب والعمر لي حدو والسير لي مردو والزارعنا غير الله الإجي يقلعنا سنون فيل سنون دلك وعييييييك تل ضرعاتك وهز حجباتك وامرق لي برا في السهلة وبعد دا تحياتي ومودتي ههههههههههههههههههههه
Post: #101 Title: Re: **** مشتاااااقة**** Author: خالد علي محجوب المنسي Date: 12-15-2012, 10:16 AM Parent: #100
تَــش تــرَش هنرشة مُشتاق أضناه الشوق كلمات الصادق أبو عشرة حصان له باع فني كبير لكن لم يظهر بعد يعمل في كتمان وتأني وسوف ترى أعماله النور
Quote: سلام يا شمس المشارق وضاحة بوست جميل وحلو المذاق وزاد الحلاوة حلاوة وجمال روح الاسلوب الحسن اللطيف في ردودك التي تحمل عبير الورد عبقا.. وروحك الخفيفة ظلَّ تضفي على الردود جمالا وحسنا لم أقرأ البوست كله لكن سوف اعيده من الصفحة الأولى ولي عودة والعود حميد وكان ذلك بسبب وجودي في بلد حجب الموقع عنها وتعذر علينا دخول المنبر وصلت اليوم من بلد الاهل والحبان شندي ولي عودة تسلمي من كل بلاء يا وضاحة يا شمس المشارق
تحياتي ومودتي الشديدة
يا سلااااااااااااااااااام عاد الفرح
حمد لله على السلامة خالد المنتدى بلاك عدم
بعودتك عادت الروح للمنتدى
كل عام وانت بخير خالد وكل عام انت مليان فرح وسعادة
عندي ليك نصيحه : الزول البتعرفيه ده عايني في عينيهو عديل و قوي و ما ترمش ليك عين ، ان دنقر ( نظر لي تحت ) او اتلفت ( نظر حوله ) ده ما زولك . و لكن اكان ابتسم او قال ليك هووووي هه ده تب يا هو زولك .
و الله العظيم بتكلم جد جد
والله يا عمو ما تشوف الفصاحة دى هنا دى فصاحة كى بورد
انا زولة خجولة جدا وما بقدر اعاين لى زول في عينوا شديد ههههههههههههه
Post: #114 Title: Re: **** مشتاااااقة**** Author: عادل سهل Date: 12-15-2012, 04:20 PM Parent: #113
وضاحة كيف حالك؟ ...... مشتاقين والله ( دي طبعاً ذات لون وطعم خاص ) . . . . .
المهم .... زي ما يقول تبارك، أنا متوقع خر مداخلة ليك في هذا البوست تكون: . . . . . . . . .
" مشتاااااااااااقة ليك يانبيـــــنا "
تحياتي...
------------------------------ ملحوظة: تعليقي هذا مكرر ، رغم أني علقت في آخر الصفحة هذه لكن طش وسط الصفحة الثانية لذا اعدت نسخه ولصقه هنا
Post: #115 Title: Re: **** مشتاااااقة**** Author: إدريس محمد إبراهيم Date: 12-16-2012, 09:57 AM Parent: #114
ومصداقا لكلامك أختنا وضاحه عن شوق ليالي الشتاء الطويله .... دعيني أسوق لكم التالي من ذات الأخت الشاعره سلمي الصديق :
Quote: Salma Alsiddig Alazrag منذ 24 نوفمبر عبر الهاتف المحمول في قانون الطبيعة كل الأجسام تنكمش بالبرودة ,,,عدا الشوق والحنين ....خارجان عن القانون يتمددان في ليالي الشتاء الطويلة فيصبحان بحجم الكون !!!
مع خالص ودي وتقديري ؛؛؛
Post: #116 Title: Re: **** مشتاااااقة**** Author: بشير جبريل علي Date: 12-16-2012, 11:56 AM Parent: #115
Post: #119 Title: Re: **** مشتاااااقة**** Author: إدريس محمد إبراهيم Date: 12-17-2012, 10:42 AM Parent: #118
وهذه يا وضاحة والأخوة الكرام لوحة رسمها شاعرنا الجميل الواثق عبد الرحمن ، زميل البورد الذي أضاع باسوورده ولم يقدر على إرجاعه حتى الآن .... أنقلها لكم بدون تعليق :
Quote: الواثق عبد الرحمن تعال اشرب معانا الشاي....وانضملك خشم خمشين....تعال نتملى من شوفتك...نكحل بيك سواد العين....نحاحي الضل محل ميل...نشاغل لينا عصفورتين..ترك الاولى في الخاطر....تغني التانية بي جهتين...تعال نتجابد الموية...نباصر لينا كوز كوزين...تعال ونس على كيفك...وقول قصاتك الاتنين....لقيت قصص الصبر كاملات..قريتن في كتاب الدين ..دحين صابر علي صبري...الفتر من صبري ليهو سنين...تراني الاوي في ظني...وما شايف لي ضمة يقين...ومنك لا بمش لا ماش...لا حاولت لا شتين..مفاتيح ذاتي في ذاتك....اريت لو تبقى مرة حنين يونيو 3
يا بنتي يا وضاحه والله ردودك في هذا البوست ذي لعب الزول الكيشه في الكتشينه ، تفكي في ورق الحب و الريد ساكت ، اعملي حسابك ما ترمي ليك جوكر حب او كرت نص يجروك بيه خمسين .
عمك الشويحاتي
Post: #125 Title: Re: **** مشتاااااقة**** Author: خالد علي محجوب المنسي Date: 12-17-2012, 05:33 PM Parent: #124
طال علينا فراقكم والله يا غايبين قدر ما ننسى العلينا والله مشتــــاقين
الخدود الشاربة من لون الشفق عند المغارب ديل خدودك سيدي... سيد الناس يا سيد الحبايب العيون طرتني زول... من أهلو غايب والشعر في كتيفو يتهادل سبايب ...
والله مشتاقيـــــــــــن
في عينيك تظهر لي دنيا.. دنيا شوقك فيها ظاهر الأماني الحلوة هايمة... زي بحور ماليها آخر الكليمة طيبة منك زادي... وحياتك لباكر والامل فارد جناحو.. ديمة زي عينيك مسافر
والله مشتاقيـــــــــــــن
الغروب يسألني منك.. امسياتنا في شوقي اليك الرمال الناعمة مشتاقة لمشيك ... الطيور الراحلة في ضل المسا تسأل عليك كيف تفارق الضفة والنيل هان عليك والله مشتاقيـــــــــــــن
طال علينا فراقكم والله يا غايبين قدر ما ننسى العلينا برضو مشتاقين والله مشتاقين والله مشتاقين
والله مشتاقـــــــــــــين
Post: #126 Title: Re: **** مشتاااااقة**** Author: خالد علي محجوب المنسي Date: 12-17-2012, 06:34 PM Parent: #125
الشـــــــــــوق و الريـــــــــــــد
الشوق والريد.. الشوق والريد.. والحب البان في لمسة إيد وأغاني نقولا نقول ونعيد.. نقول ونعيد الدنيا زهور ... فى عينينا... تصدح كل يوم زي طفل وليد زي طفل وليد ...
كل الأشواق آهه بتجرح قلب المشتاق ليك ياهاجر ليكِّ رسالة .... لو روحك يوم تنسى دلالا ( اي دلالها ) تشوفنا قريب ماتتعالى نسأل عنك وعن حالا نعيد الكان حليل الكان نخلي الحب يسرح بينا يبقي جناحين ... ويطير بينا
نعيد الكان ... حليل الكان
نشوف الدنيا ربيع و زهور نسكــــــــــت و تتكلم عينينا ونعيد الكان
وليكِّ رســـالة ليكَّ رســــالة نعود أحباب زي ما كنا في دنيا الحب نلقى الجنه يا حبيب الروح يا أغلى غرام أسأل قلبك برضو يقولك لو كان حنَّا
Post: #127 Title: Re: **** مشتاااااقة**** Author: خالد علي محجوب المنسي Date: 12-17-2012, 08:28 PM Parent: #126
عندما نصبح نحن الأشواق وتتماثل الأشواق تشبه ملامحنا ونذوب بين الشوق والشجن
انا والاشواق كلمات السر دوليب
انا والاشواق فى بعدك بقينا اكتر من قرايب ما بنغيب عن بعض ابدا زى اعز اتنين حبايب
كنت فاكر الشوق يغيب لحظة واحدة عن فؤادى بالزمن يتلاشى وجدى قلبى يسلا فى بعادى وشوقى قال لى مستحيل مرة يتحقق مرادى ولازمنى ذى خلى الوفى واصبح زى حبيبي الما بعادى
اى لحظة بعيدة عنك و ضايعة من ايام زمانى وكل يوم كلن لى فى قربك اتمنى لو احياها تانى وروحى لو غنيتا ليك ما بتصور ما اعانى وحبى ابلغ من غناى وحبى اسمى من المعانى
كم رسالة يا حبيبى بسطرا اشكى ليك بالبعد يا ناسينى واحلا كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى
وقبل ما اختم كلامى وقبل ما أكمل خطابي بتمنى لو ردك يجينى
Post: #134 Title: Re: **** مشتاااااقة**** Author: خالد علي محجوب المنسي Date: 12-21-2012, 04:52 PM Parent: #133
أختي وضاحة العزيزة كلمات من الزمن الجميل حديث كله أشواق واشواق بصوت الفنان المبدع والصديق الجميل أبوبكر سيداحمد ( السنجك كما يحلو لي تسميته ) مل امل ان تنال أعجابك
الحبيتا ديك جاهلة مــــأ دارية .... والناسيانا والجافيانا مــــــا طارية ..... خلو النـــوح في الدموع وخلو النار في الضلوع لي عُزالنا وأعدانا شمتـــــّو ......... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
كل الدنيا ولهانة بي ريدا .... وحتى الظبية.... غيرانة من جيدا .. وحبي ليهم ..ما راعوّهو ودون إشفاق ودعوّهو ... لي أرواحنا ... وأعمارنا ودرتو ..... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
شفتا الدنيا ... ضاحكالِي في عيونا .. وحتى الفتنة .. ساجده لا مفتونة ( لا اي لها .. اي ساجدة لها ) وكلو ليلاً ... بي صباحو وكلو صبَّاح بي نواحو وأنا غيري لي النوحي مـــــأدرتو ..... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
Post: #135 Title: Re: **** مشتاااااقة**** Author: خالد علي محجوب المنسي Date: 12-22-2012, 07:24 PM Parent: #134
لحين ميسرة وتجي ست الحوش
Post: #136 Title: Re: **** مشتاااااقة**** Author: إدريس محمد إبراهيم Date: 12-25-2012, 09:17 AM Parent: #135
أختنا العزيزة / وضاحة ....
وهذه زفرة من زفرات أختنا الشاعرة الرائعة سلمى الصديق .....أسوقها إليك علها تطفيء قليلاً من نيران الأشواق ..... ألم أقل لك من قبل ... كلنا في الهم (شوق) ....
Quote: Salma Alsiddig Alazrag منذ 20 ديسمبر عبر الهاتف المحمول ياحادي القلب تمهل فنبضي الرقيق لايحتمل وقع خطوك وأنت تهرول بين غرف الفؤاد الأربع ... ترفق بي وأنت تسري مسري الدم في أوردتي وشراييني ... كن منصفآ ياسيدي في مكوثك في كرياتي ... إملأ تلك الذاكرة بك وبتفاصيلك حد الإكتظاظ زودني منك قدرآ مستطاعآ يسكن آلام غيابك ... قطر ماء حنانك في أذنيا ... إزرع قمرآ في عينيا ... ضوع عطر الفواح بين يديا ... تمهل وأنت تبتعد بمحياك الحبيب عني ... سأسألك أن تخفض صوت غيابك فأنا أحاول أن أهدهد حنيني ليغفو قليلآ !!!
* بعدين يا خيّه .... وين الغياب من هذا المكان الجميل .... ويا أختنا قالوا البكا بحرروه أسيادو ..... ورجاء نقل هذا البوست للربع القادم ... لأنو بصراحه الواحد لاقي فيهو متنفس جميل .....
Post: #139 Title: Re: **** مشتاااااقة**** Author: بشير جبريل علي Date: 12-29-2012, 08:46 AM Parent: #138
Quote: هااااااااااااااااااااا ناس القيامة قالوا جاية تقوم
ونحن لسة ما بلينا شوقنا معقول بث
والله حرام
H أفووووووووو .. كيف القيامة تقوم قبال تبلي ..شوقك .. شوقك .. مبلول .. مبلول .. يا أخت العرب ..ما عليك إلا أن تدفعي حق البل يا بلالة ..أقصد يا وضاحة ..
البلال ..
Post: #140 Title: Re: **** مشتاااااقة**** Author: MOHAMMED ELSHEIKH Date: 12-29-2012, 09:19 AM Parent: #139
`كيفك يادكتورة وضاحة سلام عليك وعلى زوار عيادتك ومشتاقين كتير بس مايكون زي شوقنا لي صاحبنا واحد صاحبنا حاولت مرة إشتاق ليهو .. بالله ربع ساعة ماتم جاني داخل شايل شنطتو السوداء الماتغباني .. وقطع لي شوقي في راسي
Quote: `كيفك يادكتورة وضاحة سلام عليك وعلى زوار عيادتك ومشتاقين كتير بس مايكون زي شوقنا لي صاحبنا واحد صاحبنا حاولت مرة إشتاق ليهو .. بالله ربع ساعة ماتم جاني داخل شايل شنطتو السوداء الماتغباني .. وقطع لي شوقي في راسي
يا حبيب كل سنة وانت طيب ومشتاقيين كتير
زوار العيادة كلهم من اجمل النساء ونساء فى عمر الزهور
زكرتنى بقصة الشنطة دى قبل كده مريضة جات العيادة وكانت خائفة جدا وقالت لى والله انا يادكتورة ما بحب الدكاترة ولا المستشفيات بس مجبورة
قلت ليها ليه يا اختى نحن ما بنخوف
قالت لى والله انا الشوفتهم كانوا بخوفوا لكن انتى شكلك بطمئن وكانت بتعاين لى بطريقة غريبة
بينى وبين نفسي قلت المراة دى مالها ما نصيحة
المهم كانت عندها مشكلة بتاعت عدم انجاب واستمرت فى العلاج معاى و يوم العيادة كانت بتجى ركد على العيادة
والحمد لله ربنا رزقة بطفلة جميلة سمتها على ومن اليوم داك بقت ما بتخاف من الدكاترة
هيج سكون الليل بكاي قاسم عويناتي السهر .. لمن سمع همسه غناي مجروحه فوق قلب الوتر . . رسيني فوق هدب العيون اوفوق تصافيف الشِعر ... خليني في جواك كلام يابـوح من احلي الدرر
Post: #172 Title: Re: **** مشتاااااقة**** Author: إدريس محمد إبراهيم Date: 01-26-2013, 10:17 AM Parent: #171
Quote: Salma Alsiddig Alazrag منذ الأربعاء عبر الهاتف المحمول دائمآ أسأل الإجابات عنك ,,, وترتد الأسئلة علي وجه دهشتي ,, لم أنت جميل إلي هذا الحد الذي فاق سقف أمنياتي ؟ وحتي صار كل الرجال دون ذلك السقف ! أيها العاشق الذي فتح عيني رغبتي علي مصراعين من جنون ! كيف صارت كل الأغنيات مجرد تفاصيل صغيرة في لوحة سيريالية لا تكتمل إلا بك ,,, وكيف أصبحت حياتي قصة بداياتها عينيك وختامها عينيك وكل الفصول فيها أنت !!!
الشوق اصناف يا وضاحة له اوجه وصور شوق للبلد والاهل : شقي انا للبلد بي حالا والشوق للتراب لاهلي
الشوق للحبيبة حد الظمأ : يا حبيبي ظمأت روحي وحنت للتلاقي وهفى قلبي الى الماضي وناداني اشتياقي
وشوق المتغرب للوطن وظروفه المناخية التي نشأ فيها مثل : حلمو كان في الغربة نسمة من اريج بلدو البحبو
وفي شوق تاني ما عرفتو دا شنو زي : الشوق شاق الشقانا من شفنا شاقانا ههههههه والله دا ما فهمتو عموما يا وضاحة حددي نوع شوقك والله يبلو ليك قرييييييييب ياقادر يا كريم
مع خالص مودتي
Post: #174 Title: Re: **** مشتاااااقة**** Author: إدريس محمد إبراهيم Date: 02-03-2013, 07:55 AM Parent: #173
أعلاه ما خطه يراع صديقي الشاعر الجميل : الواثق عبد الرحمن في صفحته بالفيسبوك اليوم ...شفتو الروعه ...
* خارج النص : الواثق عضو معنا هنا فقد كلمة السر منذ فترة وباءت محاولات إرجاعها بالفشل ... يا ريت نحاول إرجاع مثل هذا البلبل المغرد ليضفي على هذا المكان مزيداً من الروعة .. يا ريت ...