صدور رواية (إكفهرار) للكاتب فتحي البحيري في كمبالا

أصدر الكاتب والصحفي فتحي البحيري المتواجد حاليا بالعاصمة اليوغندية كمبالا روايته الأولى (اكفهرار) التي تعالج أحوال مهندسة دارفورية تقرر فجأة العودة من استراليا بعد تفجر الأزمة الانسانية في الإقليم لتباغتها السلطات بشنق زوجها متهمة إياه بالتخابر مع المحكمة الجنائية الدولة وتتصاعد أحوال نفيسة كباشي وتتوارى عن الأنظار نهائيا بأحد الأحياء الطرفية بعاصمة البلاد لتمارس المقاومة بطريقتها الخاصة ..تتضمخ أجواء الرواية بعبق حياة سودانية تمتزج فيها التفاصيل اليومية بفانتازيا التصوف وأشواق الانعتاق .. تقع في حوالي 122 صفحة من القطع المتوسط لوحات الغلاف بريشة المبدع الدارفوري التشكيلي والكاتب فضيل عبد الرحمن .. ولفتحي البحيري عدة مخطوطات تنتظر الطبع (حياة السر مديح - رواية) (على خطى موتي الجميل - شعر) (زيدان الكسلان – مجموعة قصصية )‬
------------------------------------------------------------
الجزء المختص بوصف الرواية أعلاه مقتبس من تعريف أشار به الكاتب نفسه ه و لكني كقارئ لم تتح لي الفرصة كاملة بعد و لكني أردت أن أشير إلى أن مجتمع سودانيز أون لاين يحوي كثيرا من الإمكانيات البشرية
التي يمكن أن تمثل تطورا شاملا في جميع الاتجاهات..و لكن فقط إن توحدت الرؤية

Quote: تعالج أحوال مهندسة دارفورية تقرر فجأة العودة من استراليا بعد تفجر الأزمة الانسانية في الإقليم لتباغتها السلطات بشنق زوجها متهمة إياه بالتخابر مع المحكمة الجنائية الدولة وتتصاعد أحوال نفيسة كباشي وتتوارى عن الأنظار نهائيا بأحد الأحياء الطرفية بعاصمة البلاد لتمارس المقاومة بطريقتها الخاصة ..تتضمخ أجواء الرواية بعبق حياة سودانية تمتزج فيها التفاصيل اليومية بفانتازيا التصوف وأشواق الانعتاق

Quote: الجزء المختص بوصف الرواية أعلاه مقتبس من تعريف أشار به الكاتب نفسه

شكرا يا مالك ... شكرا عميقا يا باشمهندس
ويا صديقي كانت معضلة تلخيص (حكاية) الرواية في سطرين أشد فداحة من ربط عنوانها - مثلا - بنصها
لكنها ضرورة أملتها الحاجة للخبر بوصفه الصحفي المحض
عموما
اكفهرار ليست الرواية الأولى التي أبدؤها
ولكنها قضاء وقدرا هي الأولى التي تنتهي وتصدر الآن

شكرا صديقي مالك
شكرا للجميع

تحياتي مالك
والتهنئة للبحيري بإصدار الرواية
الملخص يوحي بانّها شيقة و ممتعة
كيف يمكن الحصول عليها يا فتحي في الإمارات شكلها في السودان غالبا ح تكون ممنوعة :)

تهانينا للكاتب والقاص فتحى
مزييد من النجاحات ودلق حرف الحقيقة
على واقع الحال الذى غاب عن الكثيرين
مبرووك للروآئي فتحى البحيرى
شكرا مالك الجاك

هل من الممكن شراؤها من أمازون؟؟؟

Quote: كيف يمكن الحصول عليها يا فتحي في الإمارات شكلها في السودان غالبا ح تكون ممنوعة

شكرا يا ود البشرى
اهو كدا الواحد ياااادوب ضمن انو الرواية دي حيقروها نفرين !!!

Quote: اهو كدا الواحد ياااادوب ضمن انو الرواية دي حيقروها نفرين !!!

تلاته ..
تلاته يا بحيري ..
وقيل الآلاف ..

الف مبروك الاصدارة يا فتحى ..
ومزيد من الانجاز .

Quote: تلاته .. تلاته يا بحيري .. وقيل الآلاف .. الف مبروك الاصدارة يا فتحى .. ومزيد من الانجاز .

يديك العافية يا مشرف
وربك يسهل
والتالتة ثابتة

المناضل فتحي البحيري الذي نعرفه قطعا لا ولن يبدع الا في قضية لصيقة بهمومه واهتماماته الوطنية وهذا هو ديدن الاديب المثقف الحقيقي والذي دوما يظل كائنا جماليا معبرا عن ضميرشعبه ومنحازا اليه في سرائه وضرائه ونهنيء انفسنا قبل فتحي بهذه الاصدارة التي نأمل ان تجعلنا اكثر التصاقا بفتحي وعالمه المشبع بالمواقف النضالية المشرفة....شكرا مالك الجاك وتحياتي لكل الاعزاء بينكم.

شكرا هشام
في تقديري الشخصي
علاقة الكفاح بالأدب تكون أكثر قوة وحميمية عندما لا يتنازل الأول عن صدقه ومبدئيته وكدحه وفاعليته
ولا يتنازل الثاني عن صدقه وجماليته وحريته وفاعليته
متى ما تحقق ذلك
نحن مستعدون للقراءة والكتابة والنضال وتقييم كل ذلك

أما عن هذه التجربة
فلا أعدها إلا خطوة في الطريق الطويل نحو ذلك التحقق
محبتي

Quote: هل من الممكن شراؤها من أمازون؟؟؟

ليس لدينا حساب في الأمازون حاليا يا بشمهندس
ولكن ربما كان هناك طريقة ما في لحظة ما ... قريبا
المأمول أنها ستكون ببعض عواصم الشتات في غضون أيام قليلة قادمة
إن شاء الله


محبتي وودي وتقديري وشكري

Quote: تهانينا للكاتب والقاص فتحى مزييد من النجاحات ودلق حرف الحقيقة على واقع الحال الذى غاب عن الكثيرين مبرووك للروآئي فتحى البحيرى شكرا مالك الجاك

تسلم يا حبيب
وكتر خيرك كتير

سلام و تحية لصاحب البوست و المتداخلين،

فتحي بحيري من رياضيات المنطق إلي منطق الرياضيات! و ما بينهما صوت جهور يهتف محايدوووووون .... نعم و ليالي مكتبة البشير الريح و النصوص الشعرية.

لو تذكر كنت دائماً أقول لك إنك ضللت طريقك بإختيارك للرياضيات رغم حبك لها، ففي الأدب و الكتابة أنت عميق و مجذوب إنجذاب الصوفي الغرقان.

ألف ترليون مبروووك الإصدارة،

يا جماعة الرواية دي يلقوها وين؟
يا ريت يا فتحي تعمل لينا حفل توقيع في ميريلاند او فرجينيا .. او لو الرواية بتتباع اونلاين ادينا الرابط
سعيد جدا بصدور الرواية .. مؤكد بتكون مميزة لانه زاوية نظرك للاشياء دائما مميزة
مبرووووووووووك

Quote: لو تذكر كنت دائماً أقول لك إنك ضللت طريقك بإختيارك للرياضيات رغم حبك لها، ففي الأدب و الكتابة أنت عميق و مجذوب إنجذاب الصوفي الغرقان.

والبحيري مبدع فى المجالين ..سبحان الله .

مع إننا تعودنا إنو ناس الرياضيات عادة عندهم مشكلة أزلية مع مادة التعبير ( وش غامز ) .


ألف مبروك يا زميل ، وإلى الأمام دوووووما ..


شكرا مالك .

أبارك لك صدور هذا العمل الروائي يا أستاذ ..
وأتمنى ألا تشغلك الشواغل عن الرواية والشعر .

-------------------------------------------------
ومن الرياض - السعودية ..سؤال ..كيف يمكننا الحصول على الرواية ؟

ابارك لك هذا العمل الطيب عزيزي البحيري

شكراً صديقي مالك محمد الجاك وياخي طولت مننا وطولنا منك
بعدين ياخ الرواية نلقاها وين؟؟؟؟؟ والسؤال دا سألو كم نفر لكنه لم يجد اجابة يا بحيري!!!!


التعديل لإضافة كلمة "يجد"

أصدقاءي و أصدقائنا ---زملاءنا الكرام

شكرا لكم جميعا, الطيب, آمنه, صديقي القديم الجديد الصادق, و كل المتداخلين بدون فرز (هو بدون فرز كيفن و أنا كتبت لي كم اسم و خليت الباقي....عشان كده لزم التوضيح...كسل ساي من فتيش الأسامي و كوبي بيست الفي النهايه مجامله لكنها صادقة تجاه الكل)

أها نرجع للموضوع...منتدى الفكر و الإبداع كان أول مجموعة مفتوحة ذات هوية ثقافية و ابداعية بين زملاء دفعة واحدة و كلهم من من يوصفون بأنهم ناس الرياضيات و عشان نقرب الموضوع للناس المستغربين إنو فتحي زي ما هو شاطر في الرياضيات كيف يكون شاطر في الكتابة و الشعر و كان انشاؤه تحت مظلة ال OLT و كثيرين هنا يعرفونها

في عرفنا (ناس الرياضيات و المتسلبطين فيها زيي ديل) إن الرياضيات , الشعر, الموسيقىو لرسم و الفنون بأشكاله , الروحانيات و العلوم بتاعة ال abstracts and concepts مرتبطة ببعضها و دائما من ينجب في إحداها فسوف ينجب في الأخريات و يمتاز بالموسوعية

و زي ما قال محي الدين بن العربي: هل يستطيع أيا من كان أن يقول شعرا؟؟؟

و قياسا نحن بنقول ما أيي زول بتاع رياضيات.....

Quote: في عرفنا (ناس الرياضيات و المتسلبطين فيها زيي ديل) إن الرياضيات , الشعر, الموسيقىو لرسم و الفنون بأشكاله , الروحانيات و العلوم بتاعة ال abstracts and concepts مرتبطة ببعضها و دائما من ينجب في إحداها فسوف ينجب في الأخريات

العبقرية المستدامة مالك الجاك
حاشاك السلبطة
تسلم

Quote: ابارك لك هذا العمل الطيب عزيزي البحيري شكراً صديقي مالك محمد الجاك وياخي طولت مننا وطولنا منك بعدين ياخ الرواية نلقاها وين؟؟؟؟؟ والسؤال دا سألو كم نفر لكنه لم يجد اجابة يا بحيري!!!! التعديل لإضافة كلمة "يجد"

شكرا الحبيب الصادق سلمان

وان شاء الله مع بداية العام يكون هناك نسخ بالخليج وغيره من مناطق الشتات
خالص الود

حيّاك الغمام أيها الإنسان النبيل. إكفهرار عنوانٌ جذّاب ياخذك بالدهشة؛ وكذا أتوقع أن تكون روايتك الجديدة. منذ أن تقابلنا قبل ست سنوات بالخرطوم وأنا أتنبأ لك بالنبوغ في عالم الأدب والرواية والشعر وهأنتذا لا تخيب نبوءاتي...

تسلم استاذنا المبدع زمراوي
ياخي كتر الف خيرك
غدا والان

ونتمنى أن نكون عند حسن الظن على الدوام

<

Quote: أبارك لك صدور هذا العمل الروائي يا أستاذ .. وأتمنى ألا تشغلك الشواغل عن الرواية والشعر . ------------------------------------------------- ومن الرياض - السعودية ..سؤال ..كيف يمكننا الحصول على الرواية ؟

تسلم أستاذ فتحي
الله يبارك فيك
من المتوقع أن تكون الرواية بالعديد من المهاجر
مع بداية العام
لك ودي وتقديري

Quote: والبحيري مبدع فى المجالين ..سبحان الله . مع إننا تعودنا إنو ناس الرياضيات عادة عندهم مشكلة أزلية مع مادة التعبير ( وش غامز ) . ألف مبروك يا زميل ، وإلى الأمام دوووووما .. شكرا مالك .

الكنداكة آمنة
يديك الف عافية
شكرا للإطراء واتمنى نكون دايما عند حسن الظن
تسلمي

Quote: يا جماعة الرواية دي يلقوها وين؟ يا ريت يا فتحي تعمل لينا حفل توقيع في ميريلاند او فرجينيا .. او لو الرواية بتتباع اونلاين ادينا الرابط سعيد جدا بصدور الرواية .. مؤكد بتكون مميزة لانه زاوية نظرك للاشياء دائما مميزة مبرووووووووووك

تسلم تسلم تسلم يا ود هارون
والله أخجلتني وأخجلت × أبو أهل × تواضعي زاتو
إنشاء الله نكون عند حسن ظنك .. أو قريبين منه
إن شاء الله مباشرة بعد رأس السنة أو قبله ربما تكون هناك نسخ متاحة لأحبابنا في الدنيا الجديدة

الف شكر ليك

Quote: سلام و تحية لصاحب البوست و المتداخلين، فتحي بحيري من رياضيات المنطق إلي منطق الرياضيات! و ما بينهما صوت جهور يهتف محايدوووووون .... نعم و ليالي مكتبة البشير الريح و النصوص الشعرية. لو تذكر كنت دائماً أقول لك إنك ضللت طريقك بإختيارك للرياضيات رغم حبك لها، ففي الأدب و الكتابة أنت عميق و مجذوب إنجذاب الصوفي الغرقان. ألف ترليون مبروووك الإصدارة،

حليلك يا قريبي حليلك
الله يبارك فيك
طولة يا ولدنا
ويديك العافية يا بشمهندس

Quote: سلام و تحية لصاحب البوست و المتداخلين، فتحي بحيري من رياضيات المنطق إلي منطق الرياضيات! و ما بينهما صوت جهور يهتف محايدوووووون .... نعم و ليالي مكتبة البشير الريح و النصوص الشعرية. لو تذكر كنت دائماً أقول لك إنك ضللت طريقك بإختيارك للرياضيات رغم حبك لها، ففي الأدب و الكتابة أنت عميق و مجذوب إنجذاب الصوفي الغرقان. ألف ترليون مبروووك الإصدارة،

حليلك يا قريبي حليلك
الله يبارك فيك
طولة يا ولدنا
ويديك العافية يا بشمهندس

التهنئة للاستاذ الاخ فتحي البحيري
علي هذا الميلاد
مزيدا من النجاح

طه جعفر

الف مبروك لاستاذنا فتحي البحيري

الف مبروك استاذ فتحي
نحو مزيد من الانجاز والابداع

مبروك يا فتحي يا صديقي

شغل نضيف

فتحي يا صديق ..إنت مش إديتنى الرواية دى أول ما جيت ..شلتها تاني من متين
لأنى ما لاقياها ؟!

نسختى فورا بالله ..وبلوشي كمان :)

التحية أيضا للمبدع الشاب فضيل عبد الرحمن على الغلاف الروعة ..
فعلا : اكفهرااااااار ...:)


________________

Quote: في عرفنا (ناس الرياضيات و المتسلبطين فيها زيي ديل) إن الرياضيات , الشعر, الموسيقىو لرسم و الفنون بأشكاله , الروحانيات و العلوم بتاعة ال abstracts and concepts مرتبطة ببعضها و دائما من ينجب في إحداها فسوف ينجب في الأخريات و يمتاز بالموسوعية و زي ما قال محي الدين بن العربي: هل يستطيع أيا من كان أن يقول شعرا؟؟؟ و قياسا نحن بنقول ما أيي زول بتاع رياضيات.....

عارف يا مالك / كل ناس بيقولوا على تخصصهم نفس الكلام بتاعك دا :)

أنا غايتو لاحظت إنو الكانوا معاى فى المدرسة مبرزات فى الرياضيات كن ضعيفات فى باقي المواد ..ودا كان شى بيحيرني جداااا ..
عندى صحبتى زمان فى المدرسة ، كانت عبقرية عديل فى الحساب ، وممكن تحل أى مسألة حسابية مهما كانت صعوبتها ..
لكن نفس الزولة دى كانت شبه أمية ، وأظن كان عندها المشكلة البسموها (عسر القراءة والكتابة ) .

وانا شخصيا مشكلتي فى الدنيا الرياضيات والأرقام ..والدليل : أرقام تلفوناتي ذاااتها ما بحفظها ..
مع إنى كنت شاطرة فى باقي المواد !

وفى ما بعد عرفت إنو الموضوع دا عنده علاقة بالدماغ ..
ففى نوع الجانب الأيسر من دماغه بيكون أنشط من الجانب الأيمن ( وديل ناس الرياضيات والحاجات المتعلقة بالحسابات والأرقام )
وفى نوع الجانب الأيمن أنشط ، وديل زى أمثالي ( ناس أى حاجة غير الأرقام )

أما إنتو ومنتداكم دا غايتو حالة خاصة ( ماشاء الله عليكم ) دماغكم من الناحيتين شغال تش :)

__________________

مداخلتي السابقة / مكاواة لفتحي لأنو كتب فى (محلنا الخاص داك ) ..إنو التعبير لطالما كان أصعب المواد .

الف مبروك للأستاذ فتحي البحيري.
شكرًا للأخبار السارة .

مبروك يا مواطن ويستمر الابداع ويستمر النضــــال

شكرا لاستاذ البحيري
وهذا نجاح متوقع لآصحابنا الرياضيون

برضو السؤال التقليدي:
أين ومتي وكيف
نحصل علي هذا السفر؟
_______
الحليلة

يا آمنه....ما قلت ليك الموضوع سلبطه ساي...فتحي بتاع الرياضيات لكن أنا بتاع هجيج و مرايس ساي....(قصدي المريسه الفكريه عشان راسك ما يمشي بعيد)

و تعبيو البي هناك دا بعدو تواضع منو...(إنت شفت مسألة تلخيص الروايه في سطرين جهجهتو ميف؟؟؟)

لازم الموضوع دا يتشال للربع الجايي عشان بعد ما نقراها نجي نعمل فيها نقاد و بنعرف نقرأ

يمكن كلامي بتاع الرياضيات دا ما يكون علمي...لكن لو جبنا بتاع الرياضيات دا ومرناهو على موضوع ال abstracts و بالعربي يعني يفهمها و هي طايره
(أوعك تقوي لي دا عندو علاقه بالكلام البي هناك) ممكن يبدع زي صديقنا فتحي

خلاص النمش نشوف بكري دا يختو في الربع الجايي كان الله حيانا

لي قدام

الرائع الحبيب
فيصل
لك التجلة
والود والتقدير
الله يبارك فيك

Quote: خلاص النمش نشوف بكري دا يختو في الربع الجايي كان الله حيانا

دا ما الخايفين منو ذااااااتو

على قول محمد نعيم سعد
الله يطرا بالخير
في الاسكتش بتاع زماااان داك
لو تتذكر يا بشمهندس

ودا وثناءا دائمين

تسلم اخي الحليلة
وربنا يبارك فيك
غايتو في دولتين فقط في العالم
لو ما كنت قاعد في وحدي فيهن
فان الرواية في متناول يدك ان شاء واحد أحد

... واحدة منهن (قد تكون) إسرائيل


شكرا ليك كتير ولا عدمناك !

تسلم صديقي معاوية
بارك الله فيك
يديك الف الف عافية

شكرا جزيلا استاذة روزمين

لاعدمناك

Quote: مداخلتي السابقة / مكاواة لفتحي لأنو كتب فى (محلنا الخاص داك ) ..إنو التعبير لطالما كان أصعب المواد .

كنداكتنا

...لكل مقام مقال
.. ولكل زنقة مرّاقة
هههههههه


يديك العافية

الصديق
وليد محمد المبارك
شكرا للمرور
وبارك الله فيك
يديك الف الف عافية

شكرا استاذنا عادل
الله يبارك فيك
ويجعلنا عند حسن الظن
تسلم

الله يبارك فيك استاذنا ثروت
ويديك الف عافية
أجزل الود
عميق الامتنان

Quote: التهنئة للاستاذ الاخ فتحي البحيري علي هذا الميلاد مزيدا من النجاح طه جعفر

العزيز الاستاذ طه جعفر
لك الود والعرفان والتقدير

أخي فتحي

نبارك صدور (إكفهرار)

مع خالص الدعوات بالتوفيق والنجاح

الف مبرووك للكاتب المبدع فتحي البحيري
إبداع في جميع المجالات،،،
فتحي هو شخص اساسي في المدرسة الإلكترونية السودانية،،وهو من قدم فكرتها الأولي بإقتراحه لعمل نظام لمتابعة الأبناء دراسياً
الفكرة التي تمخضت عن إنتاج موقع المدرسة الإلكترونية السودانية كأول مدرسة إلكترونية سودانية علي الشبكة العنكبوتية

مبروك يا استاذ
كمان ورينا لو عايزين نسخة نلقاها فى كمبالا وين
ولا الا فى الخرطوم بس

تسلم عزيزي دوت
خالض التحايا

يديك العافية يا مكي

شكرا استاذ نصر الدين
يديك الف الف عافية
وربنا يوفق الجميع

الاخ الفاضل الاستاذ / فتحي البحيري ،،
اصدق التبريكات ياصدار الرواية ، مع صادق الاماني بمذيد من الاصدارت ،

الاخوة الاكارم ،،،
الرواية سوف تكون بطرفنا في هولندا لمن اراد اقتناءها في القريب العاجل ،
بيانات الاتصال موجودة في البروفايل ،،

تسلم الحبيب هيثم

من المتوقع أن تصلكم النسخ مع رأس السنة

كل سنة وانت طيب ولا عدمناك

بارك الله فيك
خالص الثناء والود والتقدير

كتب أستاذنا الدكتور بشرى الفاضل في بوست مجاور

Quote: العزيز فتحي البحيري أهنئك على إصدار الرواية. وهل نعشم في نسخة منها ولو صوفت؟

الشكر أجزله للكاتب الكبير الأستاذ الدكتور بشرى الفاضل

ويديك الف عافية يا دكتور

بالنسبة للأحباب والأعزاء الأكارم اللي سألوا من أنو الرواية تتلقي وين .....
......

بمشيئة الواحد الأحد
ستتوفر نسخ للراغبين
بعد رأس السنة مباشرة
في الأماكن الـ 4 التالية :

استراليا - سدني

الامارات - دبي

هولندا
بمعية الحبيب عضو المنبر
هيثم منصور

متعه الله بالصحة والعافية

الولايات المتحدة
بمعية الأخ الصديق عضو المنبر
تبارك شيخ الدين

متعه الله بالصحة والعافية

ألف مبروك أخي فتحي هذا الإنتاج في هذا الزمن الصعب

نتمنى لك مزيداً من الإبداع والتوفيق

وسننتظر معرض الكتاب في الرياض بفارغ الصبر حتى نحصل على نسخة من الرواية بإذن الله.

تسلم استاذنا عوض الله
ويديك الف الف عافية
والله يبارك فيك

الأحباب في المملكة المتحدة
نسعى جاهدين أن يصلهم الكتاب في حدود 15 يناير

فتحي أظنك عارف
أي جديد ليك بيعجبني
وكل نجاحاتك بتفرحني
وبصدقك ونقاء نفسك
أنا وناس كتار
بنحس بيك كأننا من قمنا بنعرفك
الف مبروك
ومزيد من النجاحات
تحية للبنيات وأمهن

Quote: الامارات - دبي

تمام يا فتحي
وين في دبي؟ اي تفاصيل زيادة لو ـأمكن

الأخ فتحي البحيري لك التحايا النواضر
ألف ألف مبروك الإصدارة الجديدة ,, يا ريت تصلنا قريب ، نحن غايتو في إيرلندا الشمالية
حتى لو وصلت لندن بنقدر نصلها
مبرووووووووك والله , كما عهدناك دائما بتجي بالإبداع الما بتغالطوا فيه إتنين,, ربنا يحفظك ومزيدا من التقدم إن شاء الله

ألف تحية و شكر للأخ مالك الجاك للخبر السعيد

الف مبروك للعزيز فتحي

الاستاذ المبدع الكبير بهاء

لك الود الجزيل والثناء الباذخ

تسلم

Quote: الأخ فتحي البحيري لك التحايا النواضر ألف ألف مبروك الإصدارة الجديدة ,, يا ريت تصلنا قريب ، نحن غايتو في إيرلندا الشمالية حتى لو وصلت لندن بنقدر نصلها مبرووووووووك والله , كما عهدناك دائما بتجي بالإبداع الما بتغالطوا فيه إتنين,, ربنا يحفظك ومزيدا من التقدم إن شاء الله ألف تحية و شكر للأخ مالك الجاك للخبر السعيد

تسلمي الاستاذة المبدعة أسماء
يديك الف عافية
وكتر خيرك شديد

نسلم يا ود البشرى

شيل الصبر
سنحيطك انت بالذات علما
بمجرد اكتمال الترتيبات

لك الود الجزيل

Quote: فتحي أظنك عارف أي جديد ليك بيعجبني وكل نجاحاتك بتفرحني وبصدقك ونقاء نفسك أنا وناس كتار بنحس بيك كأننا من قمنا بنعرفك الف مبروك ومزيد من النجاحات تحية للبنيات وأمهن

تسلمي تسلمي يا أختي
ويديك الف الف عافية
والله يباركك
ويوصل
خالص الود والتقدير والعرفان

مبروك للاستاذ فتحى البحيرى رواية "إكفهرار"

وعقبال طباعة الاعمال المتبقية

متى تتوفر الرواية فى الاسواق؟

شكرا لمالك الجاك على تعريفنا بهذا الانجاز

مبروك يا بحيري
خبر جميل أفرحني جداً
مبسوط شديد أنا

ستكون في القاهرة قريباً أثق

تحياتي لك

تسلم ... حبيبها وحبيبنا

ومن بؤك لباب السما
كما يقولون


والثناء العجيب يا عحيب

المبدع عبدالغفار
شكرا للمرور وبارك الله فيك
القريب جدا ان شاء الله
ودا جزيلا
وثناءا عاليا

الف مبروك اخ بحيري وفي انتظار ان ترسل لنا ال100 نسخة المتفق عليها كموزع حصري (وجه باسم)لكم في بريطانيا والشكر موصول للاخ الجاك.

ألف مبروك يا بحيري..
من حقك علي الجميع أن يتم الاحتفاء بأعمالك

الحبيب الهادي
سلمت ولا عدمناك
وكتر الف خيرك ياخ

تسلم حبيبنا الدقم
شيل الصبر
ثنائي الجميل

لا زلت أذكر لحظات استثنائية في حياتنا الغابرة .. لا سيما لحظة أن جاءتني نفيسة كباشي ذات مغربية.. كانت تسير إلى حيث تظن أني أوجد كالتي ركبت بقدميها مراوح طائرة هيليكوبتر. تنساب كالمنزلقة نحوي. تأخذني كالمنية من يدي. لا أقاوم مطلقا. تأخذني إلى ميدان الآداب حيث شرحبيل بن احمد يصدح
(الليل الهادى
يذكرنى حبيبى الغايب
من بدرى
خلانى وحيد
نصيبى نحيب )
يا الله. لم أحس إلا أنا والشويفعونة قرقوران يذوبان في الساحة والموسيقى حتى أنه ابتسم. ابتسم شرحبيلنا ودق جيتاره مثل فارس مغوار يهدي مزيد سوط ظهر جواده العائر. رقصت نفيسة كباشي تلكم الليلة مثلما لم يرقص أحد. لا توجد ليلة في الكون حازت رقصة من آدمي بمثلما حازت تلكم الليلة رقص نفّوستي ورقصي.
***
ذلك ما كان من أمر رقصنا في حياتكم هذه . حياتنا الغابرة تلك. أما في حياتنا نحن الجديدة. فإن رقص نفيسة كباشي حاجةٌ ثانيةٌ خالصاً.
هل جربتم الرقص بأعينكم سيداتي آنساتي سادتي؟ كانت المتوحشتان ترقصان لي جسدين وأعين عندما ترقصان. هذه السر العيون! كتلة من النور الضياء خلفها. كتلة من النور الضياء أمامها. تنظر في العينين فتغرق لست أدري كيف وأين .. إلى متى ولماذا؟ تغرق وأنت ساكت ملتاث. كيف تضج الأعين الصامتة هذه بالحب والموسيقى؟؟ تنظر إليك الأعين في حنوّ ولهفة وبكاء. تضبط الإيقاع . صوت أغنية خفيض بحيث لا يسمعه من هو خارج الغرفة ولا يخطئه من هو داخلها.
( هز وتر الأزمنة
رطب الصحرا ولمس عصب الجبل.
... اضحكي)

،،،،،،،،،،،،،،،،،،
مقطع من الرواية

الاعتذار أشده للأحباب في المملكة العربية السعودية
تعذر ترتيب ارسال نسخ إلى هناك الآن
وثمة محاولات لإنجاز ذلك في مارس القادم
إن الله حيانا
لكم العتبى
والود والامتنان

يا حبيب
نبارك بفرح شبعان
ونرتجي نسخة بريدية
ولو أن للورق طعمه الخاص



[email protected]



سريع بالله يا بحيري



تحياتي ومحبتي واحترامي

جدا يا شفيف
جدا
تسلم

بالنسبة للأهل في السودان
كنا قد أصدرنا حوالي 100 نسخة بطريقة النسخ
photocopy
على سبيل التوثيق
قبل المغادرة في اكتوبر الماضي
الطباعة الجديدة الان مختلفة وجيدة جدا مقارنة بتلك
بيد أنه لا سبيل لإيصال نسخ منها إلى الداخل في الوقت الحاضر
ونأمل أن نتمكن من ذلك قريبا
كان الله هون

وكل عام والجميع بخير

التهنئة موصولة للأخ فتحى البحيرى بصدور باكورة إنتاجه الأدبى

ومزيدا من الإصدارات والى الأمام دوما

شكرا صاحب البوست

تسلم اخي جمال

وكل سنة وانت طيب

معزة وحب وامتنان

كل عام والجميع بخير
اليوم رأس السنة
تأخر الكتاب في الوصول للأماكن الـ4 المذكورة
... قليلا

لكنه - ان الله هون ، وحيانا - سيصل

... قريبا

+

بروحه الطيب الجميل
كتب الصديق النبيل صديق الحلو السطور التالية كانطباعات أولية عن قراءته للرواية
وعلى الرغم من حساسية الأمر وتحفظاتي الشخصية على بعض ما قال إلا أنه من المناسب أن نرفق كلماته هنا


،،،،

اكفهرار .. رواية من الحب والشغف
صديق الحلو
قرأت رواية فتحى البحيرى اكفهرار فى 5 ساعات متواصلة رواية تدور أحداثها حول الحب والشغف-(المشكلة الوحيدة فى الحياة هى أن ثمة لحظة ستلى ) رواية من الحكى والأنس الذى لا يمل رواية كما الأ سطورة كتبت عن الغيب ..عن حياتين فى البرزخ والحياة المعاشة والآخرة.
بوابة الدخول للرواية هي الحب والأنثى. اكفهرار رواية فيها الفلسفة وكثير من الفكر واستعمال دلالات الألوان والتشكيل والدلالات الصوفية. وهاهو فتحى البحيرى يشكل تميزا جديدا باكفهرار(علينا أن نجعل الحب استراتيجية لامصادفة والخير والعدل كذلك) .
نفيسه بطلة الرواية هى (الوصايا العشر وحب الناس والخير ، نفيسة الثورة والسلم وهى القمح والتمر والبرتقال) رواية للسالين حيث زمن الجامعة هو الأشد خصوبة فى هذه الذاكرة اليقظة.
21 عنوانا فرعيا كأنها مجموعة قصص قصيرة فى رواية . هذا تكنيك جديد وجاذب (أصل الحكاية) هو صلب الرواية بشخوصها المتعددة والذين هم كلهم أبطال : نفيسة كباشى ، رتاية الحاج ، المتمرد صلاح الدين ودبت ودسيسبان كدنكة واسماعيل سليمان البنفسجى . الفصل يؤدى للاخر . والقلب المكفهر يائس من المحبوب والزمهرير احتياجا واجتياحا للمدارك والرؤى
وظف فتحى البحيرى القراءات والشعر والسينما فى اكفهرار (عربى دا يامرسى)وتوصلنا جميعنا مع البنفسجى إلى (اذا كانوا مجتهدين فى صناعة الموت وزراعته وبثه عبر الثوانى والأماكن والاحاسيس فان صراعنا معهم يحتم علينا أن ننفق كل لحظة من عمرنا فى زراعة الحياة وصناعتها وبثها) ألم أقل لكم أن اكفهرار رواية من الحب والشغف؟؟
صديق الحلو--سوبا شرق--31 ديسمبر2012 الاثنين

خالص الود للصديق الحلو

*

مندوبة مؤتمر البجا للتفاوض مع الجبهة الثورية : اكفهرار رواية زلنطحية!

Quote: الاخ الفاضل الاستاذ/ فتحي البحيري ، تحية و سلام ، تم ارسال عدد من رواية اكفهرار الي بلجيكا ، بمجرد استلامها هنالك سوف انزل بيانات الاتصال في بلجيكا للحصول عليها ، علي الراغبين في الحصول علي الرواية في داخل هولندا الاتصال بشخص علي :0613020092 او عبر الايميل : [email protected] لك التحية و الاحترام

لك التحية والاحترام
الاخ الحبيب
هيثم منصور