نـداء ورجـاء لبورداب الخرطوم والجزيرة - أقفـلوا شارع المـوت

أقفلـوه بسياراتكم وشاحناتكم وعسكـروا فيـه كل أمام أو قرب مدينتـه.. وكسـروا ما استطعتم من تكسيـر لأسفلتـه وكباريـه.. فإن الأسفلت والكبارى ليست أقيـم من حياة المواطن...

بل لكل من يقرا هذا البوست

طريق المرور الوحيـد لســبع ولايات.. وبرضو يعتبر طريق مرور دولى لأن بعض حركة المرور المتجهة لجنوب السودان تمر به.. بالله فرقـه شنو من شارع الشنقيطى.. فى العرض متساويان
تماما (يفتونا لو غلطانين ناس الهندسة المدنية).. يتساويان فى حقيقة ان لكل منهما مسار واحد ماشى وواحد جاى.. الفرق هو ان شارع الشنقيطى يعمل لما خلق له.. سيارات ربما ركشات وشوية
بصـات.. حين شارع مدنى فيه السيارات العامـة، والخاصـة والشاحنات واللوارى السفرية حمولة 10 طن، والبصات السفريـة.. تتفرع فى مدنى الى كل الولايات.. ثم تعود الى عنق الزجاجة هـذا،
ولكن الأمـر من هـذا كله أن هـذه الحركـة العنيفـة تسيــر كلها فى مسار واحد!!! تخيل تخطى فى إتجاه معاكس فى طريق سـريع (هايواى) فى أى حتى فى العالم..

وبعـد تقولوا متحضرين يا مفترين؟

دولة التأصيل الإحتضـارى

عرفنا قريـة أم ضريوة تحذر امريكا للمرة الاخيرة.. وهم ناس بسيطين ما عارفين امريكا زاتها دربها بوين.. لكن باللاى دا فرقه شنو من تحذيرات الرئيس وإننا اقوى من أمريكا..
القوة بالعلم... القوة بالتخطيط... القوة بوحدة الشعب والجبهة الداخلية... قوة الأمـة تنعكس فى المواطن الكريم الحر، ورافع راسـه فوق وماشى ويفتخـر انه فى بلدو.. ورونا لو
فى السودان فى أى من هـذه!! قوة الدولة تظهر حين تقف بكل ثقلها الدبلوماسى والعسكرى والاقتصادى، مع مواطن تم اعتقاله فى دولة اجنبيـة.. الفلبين تعتمد بشكل كبير على
\تحويلات المغتربين فى الخليج.. وكذلك اندونسيا.. حين حكم على امراة خادمة فى دولة خليجية سحبوا سفيرهم احتجاجا..
لا نستطرد كثيرا، ولو ارادت الحكومة تكون متحضرة، فلتقفل شارع مدنى اليوم وقبل الغد.. ثم يعيدوا فتحه بعد فصل الشاحنات والبصات من مسار السيارات الصغيرة ، وجعل
الطريق مسارين على الاقل فى كل إتجاه، ثم فصل الإتجاهين بجزيرة مشجرة حتى لا يرى القادم سيارة الماشى دع عنك الاصطدام بها..
لو الطريق دا بين بورتسـودان والجنينة لأمكن الاحتجاج بالتمويل.. ولكن هـذا الطريق طوله اقل من 300 كيلومتر (تصحيح ان خذلتنى الذاكرة)..

الاخ ابوريش

تحية وتقدير
المسؤولين محتاجين to think out of the box
فى سكة حديد موازية لطريق الموت دا وفى نيل ازرق ابد ربنا ما الهم فيهم واحد اقترح ليهو قطر ذى قطر الوحدة الزمان يطلع من مدنى 7 صباحا اصل الخرتوم الساعة 9 ويتوقف فى المدن الكبيرة ولفترات صغيرة ولا يكونوا قطرين 4 قطارة على راس كل ساعة افكونا من بصات وغيرو .وبرضو فى الدنيا دى فى وسائل نقل عن طريق الانهر غير البنطونات ماعندنا لكن زلط اصاحوة لكيم عشم ابليس فى الجنة ناس الحكومة ديل مشروعنا الكان مانعنا نجى الخركوم حطموهو .

الاخ ابوريش

تحية وتقدير
المسؤولين محتاجين to think out of the box
فى سكة حديد موازية لطريق الموت دا وفى نيل ازرق ابد ربنا ما الهم فيهم واحد اقترح ليهو قطر ذى قطر الوحدة الزمان يطلع من مدنى 7 صباحا اصل الخرتوم الساعة 9 ويتوقف فى المدن الكبيرة ولفترات صغيرة ولا يكونوا قطرين 4 قطارة على راس كل ساعة افكونا من بصات وغيرو .وبرضو فى الدنيا دى فى وسائل نقل عن طريق الانهر غير البنطونات ماعندنا لكن زلط اصاحوة لكيم عشم ابليس فى الجنة ناس الحكومة ديل مشروعنا الكان مانعنا نجى الخركوم حطموهو .

يقفلوا شنو ويخلو شنو والله المفروض يقفلوا السودان من حلفا بضبه مصديه ويجدعو المفتاح ..

يا خي ديل ما بستحوا ولا بخجلوا ولا بهمهم البنو الادم الرخيص دا ..

لعنة الله عليهم اينما حلوا ..

شكرا ابوالريش

بالنسبة لنا في البشاقرة لن نقفل أي شارع العايز يقفل يمش يقفل براهو

طلحـة
سلام

شكــرا على الطلـة وعلى إبداء وجهـة نظرك..

Quote: يقفلوا شنو ويخلو شنو والله المفروض يقفلوا السودان من حلفا بضبه مصديه ويجدعو المفتاح ..

صدقته الاخ اسامة..
الاخ ابو ريش يقفلو شنو ويخلو شنو ، الناس قلوبهم ماتت وشبعت موت من كترت المصايب ، الموت الجماعي بقي ذى العرس الجماعي !!

Quote: الناس قلوبهم ماتت وشبعت موت من كترت المصايب ، الموت الجماعي بقي ذى العرس الجماعي !!

شكــرا يا نحاة

وتصحيح الامور يبدأ بالتخطيط، والتخطيط ينفذ على مراحل.. المرحلـة الأولى هى قفل هـذا الشارع لعدم قانونيتـه أولا.. وهو مخالف لكل قوانين المرور للطرق السريعـة.. ومنها نسبـة عدد المسارات مقابل
الحركة اليوميـة و عدد السايارات.. والحكومـة لا تهتـم إلا بمرور ملياراتهـا يوميا على هـذا الطريق فوق جثث المواطنين.. ولو ما جاتهم فى اللحم الحى لن يفهموا.. لحمهم الحى المال ولحمنا الحى المواطن.
اقفلوا هـذا الطريق وأقفوا الموت المجانى للمواطنين يوميا..

البلد دى ما فيها مهندسين؟ ما فيها مهندسين؟ ما فيها مهندسين؟

لو إيدينهم مكتفات خشومهم برضـها مكتفـة؟

أين المهنيـة؟

أين الولاء للمهنـة أولاً؟

Quote: بالنسبة لنا في البشاقرة لن نقفل أي شارع العايز يقفل يمش يقفل براهو

طلحـة
سلام وتذكرت شئ.. ياخى لو انت ما عريبى البشاقرة الجاتو شـرقـة وهو يمضغ الاسكريم و يضحك، لو ما انت عفوا سامحنا وما تواصل قراءة المداخلـة. فالزول البعرفو دا صديق
من البشاقرة والبساط احمدى بيننا..

--------------------------
تعال هنا يا ود الـ....بشـاقرا

اولا انتو وين للزلط؟ والكلام لناس المدن على طول الطريق، وليس لعرب الجزيرة.. تتزكر لما الاسكريم شرقك، وفى النهاية حصل التمدن والحنكشـة وبقيت تطلب كوفى بنكهـة الوول نت؟!!!
المهم نحن فى بلاد افـو، ولو فى اى طلبات (اوامر) على العين والراس.

أكبـر مظهـر يتجلى فيـه غباء الحكومـة، وعدم إحساسهـا بهموم المواطن، بل بحياته هـو هـذا الشـويرع المسمى طريق مدنى الخرطـوم.

سيظل هـذا الطريق وصمـة عار على كل الحكومات، وعلى كل وزارات الطرق السابقـة واللاحقـة والحالية.. وعلى كل مسـؤول عن الطرق والمرور.

الاخ ابو الريش سلام

وشكرا لافتراعك هذا الخيط المؤدى الى جرح نازف فى كل ساعه
والذى اعيا الشعب السودانى الفضل

Quote: لا نستطرد كثيرا، ولو ارادت الحكومة تكون متحضرة، فلتقفل شارع مدنى اليوم وقبل الغد.. ثم يعيدوا فتحه بعد فصل الشاحنات والبصات من مسار السيارات الصغيرة ، وجعل الطريق مسارين على الاقل فى كل إتجاه، ثم فصل الإتجاهين بجزيرة مشجرة حتى لا يرى القادم سيارة الماشى دع عنك الاصطدام بها.. لو الطريق دا بين بورتسـودان والجنينة لأمكن الاحتجاج بالتمويل.. ولكن هـذا الطريق طوله اقل من 300 كيلومتر (تصحيح ان خذلتنى الذاكرة)..

للتصحيح هى 186 كيلو متر فقط



.
د

Quote: الاخ ابوريش تحية وتقدير المسؤولين محتاجين to think out of the box فى سكة حديد موازية لطريق الموت دا وفى نيل ازرق ابد ربنا ما الهم فيهم واحد اقترح ليهو قطر ذى قطر الوحدة الزمان يطلع من مدنى 7 صباحا اصل الخرتوم الساعة 9 ويتوقف فى المدن الكبيرة ولفترات صغيرة ولا يكونوا قطرين 4 قطارة على راس كل ساعة افكونا من بصات وغيرو .وبرضو فى الدنيا دى فى وسائل نقل عن طريق الانهر غير البنطونات ماعندنا لكن زلط اصاحوة لكيم عشم ابليس فى الجنة ناس الحكومة ديل مشروعنا الكان مانعنا نجى الخركوم حطموهو .

شكرا الأخ/ أبو ريش لهذا النداء لقفل شارع الموت والذي تسبب في حوادث عديدة .
وما أورده أعلاه الأخ/ محمد احمد سعيد تعتبر حلول ناجحة وسهلة التنفيذ
وهنالك شركات عالمية متخصصة يمكنها القيام بذلك بعقود وإتفاقيات ميسرة
فقط محتاجين من المسؤلين ( To think out of the box ) .

Quote: للتصحيح هى 186 كيلو متر فقط

بالله عليك يا بشيـر!!!! 186 كيلومتر؟ بالله دى لو رصفوهـا فضـة كان غليهم؟ مليارات الدولارات التى ذهبت سدى فى إحتفالاات وكلام فارغ.. بالله دولة مواطنينها يموتوا يوميا فى طريق غير شرعى
ومخالف كل المواصفات الهندسيـة ومواصفات المرور، يكون عندهم حس سليم وضميـر.. وكما يحتفولا بإنجازات.. هل إنجازاتهم موت الاف الســودانيين فى هـذا الطريق؟

يا للعـار.

البلـد ما فيها مهندسين وما فيها صحافيين.. تقول شنـو؟

لو فى صحفى مؤهل يمشى بكرة لسلطات المرور ويجيب لينا إحصائيـة بقتلى هـذا الشارع فى هـذا العام فقط (2012).. سيخجلون وربما لن يعطوهم.

تحياتي وسلامات عزيزنا أبو الريش

Quote: البلد دى ما فيها مهندسين؟ ما فيها مهندسين؟ ما فيها مهندسين؟

موجودين يا أبو الريش
قلنا وقلناوقلنا
لكن لا حياة لمن تنادي

السودان... الأراضي الوااااسعة والشوارع الضيقة... والأرواح الرخيصة

شكـرا يا عاطف، واكيد شايل هم المهنة والوطن وارواح الناس...

وفى رأيى بدل ان نثور كلما يقتل أحد اقاربنا او معارفنـا، ثم ننسى المشكلة بعد رفـع الفراش، يكون توجـه منبعـه العمل القانونى والمهنى المجـرد.

وفى أى قانون فى الدنيا هناك سلطات وقف الجريمـة للمواطن العادى القادر.. ولا ينتظر حتى مجئ الشرطـة... وما يحدث فى شارع مدنى يعتبر جريمـة

بكل اركانها، جريمـة الإهمال المسبب للموت.. والمسؤولين جهلـة، الواحـد يكون رشحـه حزبه أو قريبه.. لا يفقـه أى شئ من قوانين السلامـة والإجراءات
القياسيـة.

لذلك عتبت على المهندسين ان لم يأخذوا الامر ماخذ الجـد..

الخطوة الاولى، للمنهدسين وغيرهـم، واتمنى ان يكونوا فى المقدمـة، هى قفل الشارع بالقوة والبقاء فيه، وتكسيـره ما أمكن.. أى عمل يجعله غير صالح للسواقة
فيه.. والمثل يقول "الرهيفـة التتقـد"
بهـذا الإجراء أولا ينكون أوقفنا سيل الدماء اليومى، وياله من إنجاز.. ثم وضعنا السلطات فى وضع المسؤولـة الذى يتهربون منه ليل نهار.