جلست بعد ظهر الجمعة أتباع زواج العصر.. أكبر زواج في القرن الجديد حتى اللحظة.. فاقت تكلفة هذا الزواج المائة مليون جنيها استرلينيا.. ( الاسترليني تقريبا أقوى عملة).. يعني بالقديم والجديد سوا..!! كان حفلا كبيرا.. لكن الزمن الملعون متعنا في الاول بزواج أم العريس.. في 1981م.. نعم الراحلة أم العريس ديانا أميرة القلوب.. والابن وليم ما شاء الله عليه الشبه.. نسخة من أمه.. بعد 30 عاما.. زواج الام كان الاكبر.. كان الاجمل.. كان الاروع.. وهي كانت الاجمل والاحلى..
Quote: شكرا لهذه الصورة الجميلة الناطقة! حالتك اتعبطتها أمال لو إتأبطتها كان عملت شنو! جنى
العزيز جني
كنت من المدعوين وليس من اللياقة أن نتأبط الكاميرا.. ودي من عبط الصور والتصوير.. كانت الكاميرا مخفية تحت العباط.. وبالدس نصور.. اما زولك الشبلي شايلو مدفع وواقف مع الناس الزي الجاهزين لضرب النار..
Quote: قالوا العروس اكبر من العريس بى سنة! يعنى معناتو المعنى يعنى الجنى بتصرمح بعد كمطاشر سنة باقى الصرمحة خارساهو من ابوهو وامه الله يرحمها! اها العروس من هسة تعمل حسابها تمارين ورجيم وجراخة بلاستيك والمونيوم وسمكرة وبوية! جنى
هاهاهاهاها
ياخوي جني..
البنة دي قالوا شيطانية.. من ايام طفولتها كانت مولعة بي ديانا وغرفتها كووولها مرصعة بصور ديانا.. وكانت بتحلم تكون زيها.. والفالحة سعت بجدية وحققت حلمها ..
هسي وطالما الحكاية أحلام.. ندعو الكل يحلم.. بس على قدر اللحاف...
Quote: يا ودعيسي الشبلي شفتو وقلت ليهو سلام يا زول تخيل اتغابي العرفة وردا علي بالالماني عمل فيها زي الطريفي بتاع تاج السر الملك.. وتاني كااااااك
عزيزي الدقم..
سافرنا في رحلة واحدة.. وكان بوصيني نحضر الرحط.. هو اصلا عندو خبرة من تصويره لعرس الام ديانا.. لكن من صالة كبار الزوار ما اتلاقينا.. إلا أشوفو ليك شايل مصيبته الزي المدفع ديك..
Quote: يا عبد العزيز شكرآ على هذا الجهد المقدر ما كنت عارف إنت معانا في لندن وييييييييييين قاعد؟
عزيزي أشرف
سلامات
لو كنت معك لتجدني كل يوم بطرفك من سنين من أول تداخل معك في هذا المنبر.. يعني وجع وش عديييل.. انا معاك عناك عبر كاميرتي هذه.. ولك الشكر على كرمك ولطفك.. طلتك شرفت البوست
تصور لما سلمت عليها كانت تراودني فكرة اني أمضي على ضنبها ده.. لكن انت عارف بروتوكولات بيكهام دي.. أي شئ ينظروا ليك فيهو..
ياخي التعب حاصل, وفي المساء كانت عندي زيارة لاستاد الامارات وبعدها ما قدرت أمشي على العشاء واعتذرت للقصر هاتفيا.. في الصباح حأغشى هناك لشكرهم ووداعهم.. نتلاقي هناك حسب البرنامج
مسك الختــــام.... اللحظة التي انتظرتها الملايين....
Post: #54 Title: Re: مشينـا العرس نتعبط كاميرا...!! Author: Nagat Sid Ahmed Elshiekh Date: 04-30-2011, 09:29 AM Parent: #53
Quote: تعرف ياخوي نفسي اعمل كل خطوات وحاجيات الزيجة بنفس الطريقة..
سلام يا ود عيسى بس لو عاوز تتزوج سودانية ،،دا موضوع ما فيهو مقارنة كلو كلو. نجيك واحدة واحدة اولا لفت نظرى العروسة بسيطة فى كل شى، الرقبة ما فيها اى سلسل دا عندنا نهى نهى عروس تمشى ورقبتة فاضية لحمة وبس.
اتنين الايدين فاضية ما فيها ولا قويشة واحدة عندنا هنا نهى نهى. تلاتة الاظافر بيضاء حتى الطلاء لونو فضى يعنى الا تدقق شديد حتى تشوفو عروسنا هنا أهم شى اى حاجة تكون صاااااااارخة وظاااااااهرة وملفتة للنظر مع كوم الدهب والخاتم الغليد ههههه،،
Post: #55 Title: Re: مشينـا العرس نتعبط كاميرا...!! Author: فيصل محمد خليل Date: 04-30-2011, 10:02 AM Parent: #54
Quote: شكرا لهذه الصورة الجميلة الناطقة! حالتك اتعبطتها أمال لو إتأبطتها كان عملت شنو! جنى
ود ايسا
Quote: العزيز جني
كنت من المدعوين وليس من اللياقة أن نتأبط الكاميرا.. ودي من عبط الصور والتصوير.. كانت الكاميرا مخفية تحت العباط.. وبالدس نصور.. اما زولك الشبلي شايلو مدفع وواقف مع الناس الزي الجاهزين لضرب النار..
Quote: سلام يا ود عيسى بس لو عاوز تتزوج سودانية ،،دا موضوع ما فيهو مقارنة كلو كلو. نجيك واحدة واحدة اولا لفت نظرى العروسة بسيطة فى كل شى، الرقبة ما فيها اى سلسل دا عندنا نهى نهى عروس تمشى ورقبتة فاضية لحمة وبس.
اتنين الايدين فاضية ما فيها ولا قويشة واحدة عندنا هنا نهى نهى. تلاتة الاظافر بيضاء حتى الطلاء لونو فضى يعنى الا تدقق شديد حتى تشوفو عروسنا هنا أهم شى اى حاجة تكون صاااااااارخة وظاااااااهرة وملفتة للنظر مع كوم الدهب والخاتم الغليد ههههه،،
زمان أيام الكلشر الصحي, كانت اجراءات تجهيز العروس بتكون شهرين تلاتة.. الحاجيات والمتطلبات كووولها محلي وبالمحلي.. كان أهم شئ الخاتم, ساعة يد, وفستان الوقفة.. غويشة ولا رقشة تانية بتجي من الخالات والعمات.. هسي هن العايزات والقائمة تصل للموبايلات واللابتوبات كمان.. الحنة غير لمة البنات والدلوكة بالليل تاني مافي شئ.. والحاجات دي كانت زمان لما كان عندنا وطن نتباهى بيهو مع الآخرين.. الشئ العلينا ده هسي لا بتلم بحرف ولا بنغم المرأة لما تجي في الحاجات دي لا راس لافهم.. العريس ده زول عدو عديييييل يعلنوا عليه الحرب من يوم فتح الخشم الباقي عمر كله ما ينسد.. عشان كدا يا بتمي الناس قالت البعد ولا البلاد أم سعد..
مشوار الميل بيبدأ بخطوة.. ومن سار على الدرب وصل.. ومافي حد أحسن من حد.. كلها 100مليون استرليني وقضي الامر..