بعض الأشياء من حولنا لو تحسسنا أشكالها, ألوانها وعلاقاتها لوجدناها تزخر بقيم جمالية كبيرة.. في شبابنا كنا ندرسها بقلم الرصاص نبحث في كنه التونات وقيم الضوء والظل.. نجلس لساعات ولا نحس بأن الزمن يمضي.. ننسى حتى أكلنا وشرابنا ولا ننفك من السكرة الجمالية إلا حينما تنطلق ذفرة دافئة تحمل مخزون الجلد وتصيح انها لوحة.. كلما هممت بالخروج أقول الكاميرا الكاميرا.. وقبل لحظات قلت أنها ترتبط بالبيت عندما أنساها, وأكتشفت ذلك وانا أتجول من خلالها:
Quote: يا عزيز.. ازيك... شكرا.لتحريك الكاميرا,داخل البيت كثيرا ما نغفل..الاشياء الصغيرة,ةالتفاصيل الدقيقة من حولنا متعة جميلة..أن نري بعيون الكاميرا..
العزيز/هواري
سلامات
عندما أخذت أول صورة كان في تفكيري أماكن معينة.. لكن كل لحظة أجد المواضيع تتجدد وتزداد.. والكاميرا لفتت انتباهي لماضي الدراسة والطبيعة الصامتة.. ان شاء تتواصل الصور..
Quote:
_________________________ معليش الايام دي,معاي ضيوف و كمان في المستشفي لكن بديك الو قريب.. شكرا لاتصالك يا حبيب
ان شاء الله خير!!.. مين في المستشفى!!
معاك ضيوف دي ذكرتني القهوة الهندية وقلت هواري ده فتح فرع هناك ولا ايه!! سنعاود الإتصال ان شاء الله
اولا أقول ليك شكرا تاني وتالت وواحدة مفتوحة لزوم صورتك دي.. كلما تمر علي أضحك.. لكن الأخ/ عمر الفاروق ذكر لي اسمك مقرون بطبق البيض.. ولما وجدت مداخلتك هذه مت من الضحك.. وليك علي صورة بيض تانية متميزة لو الفاروق يورينا العلاقة!!
على بعد 13 ألف كلم من الوطن لكن ايضا بنحلم أن تكون هذه الأشياء ضمن البوست.. غير السيد الفحم تغيب عن البوست كل هذه الأشياء لزمان آخر.. بيت سوداني كامل هذا يحتاج لسفرية..
شكرا على مرورك الجميل..
(الشطة الحمراء دي كيف...)
تحياتي
Post: #41 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:00 AM Parent: #40
Quote: جد اثبت انك زول فنان ... بوست في قمة الروعة اه عايزين نشوف المزيد المزيد
الأخ العزيز سيف اليزل
سلامات
الروعة في ذوقك الراقي ده.. وحقيقة كنت مستني مرورك الجميل هذا.. فكلماتك تدفعني للمزيد..
Quote: Quote: رغم أن الكوز ما زال في راس الزير
في راس كل شي موجود
اردب تحيات
يعني أي واحد يتحسس رأسه...
عبارتي الفوق دي كنت راجي بيها هواري..
ولك مني قنطار تحايا ومودة..
Post: #42 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:07 AM Parent: #41
Quote: قــــال داخل البيت قــــال! خلاص رجعنا للقوقعة؟
لبيت تخفق الأرياح فيه أحب إلي من قــصــر منيف
ولبس عباءة وتقر عيني أحب إلي من لبس الشفوف
وأكل كسيرة من كسر بيتي أحب إلي من أكل الرغــيف
وأصوات الرياح بكل فج أحب إلي من نقر الدفـــوف
وكلب ينبح الطراق دوني أحب إلي من قط ألــيـــف
وخرق من بني عمي نحيف أحب إلي من علج عـنـوف
خشونة عيشي في البدو أشهى إلى نفسي من العيش الظريف
فما أبغي سوى وطني بديلاً فحسبي ذاك من وطن شريف
بوست جميل لكن فيصل ده أجمل منو
الأديب الأريب ود صيام
سلامات
البيت ده أحلى منو في؟؟ خصة المطبخ.. التكل (بضم التاء والكاف).. غرفة الكنترول في البيت..
دحين بلسانك الحلو ده منو البقدر بجاريك!!! بس خليني أرد عليك بشوية صور.. وشوية صور من رحلتك ديك..
مودتي
Post: #43 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:14 AM Parent: #42
Quote: ضربة معلم! شكرا، يا عبد العزيز,
ويافيصل، كدا فينا؟ شهيتنا في قراصة حبوباتنا. تحياتي.
العزيز/ حيدر بدوي صادق
سلامات
الكوز ده جديد ومن النوع البيلمع كمان.. يعني تشرب وتترك مشاعرك أو هو يأخذ مشاعرك كمان..
فيصل في بوستاتي زي الملح في الحلة.. بدونه.........
ممتن لمرورك الجميل
تحياتي..
Post: #44 Title: Re: تجوال كامـــيرا داخل البيت!! Author: فيصل محمد خليل Date: 08-05-2009, 08:21 AM Parent: #42
سعن الروب
يازول اسكت كب
Post: #45 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:50 AM Parent: #44
العزيز/ فيسل
ده سعن روب.. ولا تلاجة موية!!
السعن السياحي!! لو شافوه ناس البطانة.........
تحياتي
Post: #46 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:55 AM Parent: #45
صحن مكرونـــة!!!!
Post: #47 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 08:57 AM Parent: #46
الخيــــار!!
Post: #48 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 09:00 AM Parent: #47
اللوبيا... من السودان سافرت الى الخليج ثم الى جنوب شرق آسيا.. دي سودانية 100%
Post: #49 Title: Re: تجوال كامـــيرا داخل البيت!! Author: مزمل خيرى Date: 08-05-2009, 09:03 AM Parent: #46
عزيز حرام عليك والله ممممممممممممممممممممممممممممممم صحن مكرونة مبااااالغة ، طبعا أنا بموووت فى المكرونة باللحمة المفرومة ..
Post: #50 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 09:44 AM Parent: #49
Quote: عزيز حرام عليك والله ممممممممممممممممممممممممممممممم صحن مكرونة مبااااالغة ، طبعا أنا بموووت فى المكرونة باللحمة المفرومة ..
العزيز مزمل
الساعة عندي الآن 4.35 م يعني بالضبط الصحن ده كان غداي قبل ساعة من هذه اللحظة.. مكرونة باللحمة المفرومة وعليها بسلة وشوية مشروم.. سوف أرسل لك شوية من طبخة الأسبوع القادم ان شاء الله.. وستتواصل صور المكرونة باللحمة..
تحياتي
Post: #51 Title: Re: تجوال كامـــيرا داخل البيت!! Author: مزمل خيرى Date: 08-05-2009, 09:53 AM Parent: #50
Quote: الصحن ده كان غداي قبل ساعة من هذه اللحظة..
صحتين ..
Post: #52 Title: Re: تجوال كامـــيرا داخل البيت!! Author: Abd-Elrhman sorkati Date: 08-05-2009, 10:09 AM Parent: #51
أخونا عبد العزيز ،، شكرا لــ اللقطات الحميمة جدا
Post: #53 Title: Re: تجوال كامـــيرا داخل البيت!! Author: فيصل محمد خليل Date: 08-05-2009, 10:10 AM Parent: #51
يا ود ايسا ما عاوزين كوستليتا
Post: #54 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 10:42 AM Parent: #53
Quote: يا ود ايسا ما عاوزين كوستليتا
العزيز فيسل
عرضك ده مغري جداً.. ولو ود خيري قال أوكى.. نجيك للكوستليتا..
العنقريب والتبروقة...
أها يا أميرة.. تاني عندك راي!!
مودتي فيسل..
Post: #55 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 10:45 AM Parent: #54
Quote: أخونا عبد العزيز ،، شكرا لــ اللقطات الحميمة جدا
الأخ/ Abd-Elrhman sorkati
سلام
شكرا لذوقك الرفيع.. وشكرا لمرورك الكريم..
تحياتي
Post: #56 Title: Re: تجوال كامـــيرا داخل البيت!! Author: Abdlaziz Eisa Date: 08-05-2009, 10:50 AM Parent: #55
عزيز طبعا أنا من هواياتى التصوير الفوتوغرافى ياريت تدينى نبذة عن نوع الكاميرا حقتك دى وماركتها انا عندى كاميرا يابانية SONY_ 8.1 MEGAPIXLS وفى رايك أفضل الماركات شنو .؟؟
Post: #58 Title: Re: تجوال كامـــيرا داخل البيت!! Author: فيصل محمد خليل Date: 08-05-2009, 01:26 PM Parent: #57
Quote: عزيز طبعا أنا من هواياتى التصوير الفوتوغرافى ياريت تدينى نبذة عن نوع الكاميرا حقتك دى وماركتها انا عندى كاميرا يابانية SONY_ 8.1 MEGAPIXLS وفى رايك أفضل الماركات شنو .؟؟
العزيز/ مزمل
انا ايضا استخدم سوني.. A super steadyshot Sony Cyber-shot 13.6 Mega pixels
the Japanese made brands: Sony, Minolta, Casio, etc.. are the best in the market as well within the professional tasks فقط عليك الإهتمام بالمواصفات.. البكسيل, زووم, الحساسية.. فالكاميرا التي بها امكانية عالية في الزووم تمكنك من التقاط الصور من مسافات قريبة جدا
لاحظ هذه الصورة إلتقطها وانا ما زلت برد عليك هنا ومن مسافة قريبة جداً أقل من 10سم تقريبا
اميرة لو مشتاقة للسودان قدر دا تعالي نمشي الاجازة دي سوا رأيك شنو ؟ تحياتي ...
Post: #64 Title: Re: تجوال كامـــيرا داخل البيت!! Author: Abdlaziz Eisa Date: 08-06-2009, 06:40 AM Parent: #63
Quote: عبد العزيز وافر التحايا و صباحك بيض أقصد خير
شنو يعني تحندكنا بالغداء بتاعك و بالفطور ! هسة نزعل نرسل ليك صور ماكدونالز كلها !
تشكر علي فكرة البوست غير التقليدية بس دا ما نفس البيت داك مش كدا ؟
سلامات هبــة
زمان طويل لم نراك في المنبر.. بالنهار طبعا..
انت عارفة ان المطبخ هو غرفة الكنترول للبيت.. الغرفة المفضلة.. وعند زيارتها لابد أن تكون هنالك فعاليات لهذه الزيارة (شوفي فعاليات دي كيف؟) فكانت المكرونة التي ظهر لها عشاق كثر.. والبيض ده في ناس تغنوا به وتغزلوا فيه.. فلازم نفي بها ولو في شكل الحندكة دي.. ماكدنالز على بعد خطوات منى لكني لست من معجبيه أو زواره.. شوفي كيف!!
انا لم أصور غير ما في المطبخ.. والبيت ليس الأول.. بس لازم توريني شميتي ريحتو كيف؟!!
شكرا على مرورك الرائع..
تحياتي
Post: #65 Title: Re: تجوال كامـــيرا داخل البيت!! Author: فيصل محمد خليل Date: 08-06-2009, 09:29 AM Parent: #64
عندنا دكان بنشد الفول جوا البيت
Post: #66 Title: Re: تجوال كامـــيرا داخل البيت!! Author: Abdlaziz Eisa Date: 08-06-2009, 10:37 AM Parent: #65
Post: #84 Title: Re: تجوال كامـــيرا داخل البيت!! Author: Abdlaziz Eisa Date: 08-07-2009, 05:06 AM Parent: #83
الأخ العزيز/ كوستاوي
سلام
المأدبة كبرت وتنوعت الأطعمة بما لذ وطاب... صور تشعل الإنتفاضة المصارينية...
إضافات رائعة تجمل بها البوست.. لك الشكر أجزله..
تحياتي..
Post: #85 Title: Re: تجوال كامـــيرا داخل البيت!! Author: Abdlaziz Eisa Date: 08-07-2009, 05:10 AM Parent: #84
وعطور...
Post: #86 Title: Re: تجوال كامـــيرا داخل البيت!! Author: Abdlaziz Eisa Date: 08-07-2009, 05:22 AM Parent: #85
إلى بكري أبوبكر.....................
في باب حياتنا بصحيفة سودانيز أونلاين العدد 28 - 5 أغسطس 2009 تم نشر هذا البوست.. وهنا أسجل عظيم إمتناني وثنائي على الربان/ بكري أبوبكر على هذا التشريف..
Post: #87 Title: Re: تجوال كامـــيرا داخل البيت!! Author: Rashid Elhag Date: 08-07-2009, 05:29 AM Parent: #85
الحبيب عبد العزيز عيسي....سلامات وشكرآ علي الفن والإبداع....شهيتنا السودان والله......تحياتي وودي...
راشد
Post: #88 Title: Re: تجوال كامـــيرا داخل البيت!! Author: Abdlaziz Eisa Date: 08-07-2009, 07:28 AM Parent: #87
Quote: ....سلامات وشكرآ علي الفن والإبداع....شهيتنا السودان والله......تحياتي وودي...
راشد
الأخ العزيز/ راشد الحاج
سلامات
حلاوة الوطن المتشابك بتباين ثقافاته, معتقداته وأعراقه.. ولو تكسرت العقد وأعيد ترتيب هذه اللوحة التي اسمها السودان.. كم فيك من قيم الجمال يا وطني.. لكن آه آه كلنا شوق للسودان.. ونحاول نمد أيادينا لنتحسس أنه مازال موجودا في دواخلنا.. رغم...
طلتك الجميلة شرفت البوست أخي راشد..
تحياتي
Post: #89 Title: Re: تجوال كامـــيرا داخل البيت!! Author: آدم صيام Date: 08-07-2009, 07:44 AM Parent: #87
دي أهم صورة في المطبخ بس الألوان الفاقعة دي من عندك ولا من الكاميرا؟
المرة في الجبلين- أيام الثانوية العامة- المدير بدرب فينا جمباز ترقباً لزيارة نميري واحد تنين واحد تنين
جات المرة من الدنكوج وشقت المستشفى لحد ما وقفت في الطوابير قالت بصوت عالي: يا بشير (المدير)! يا بشير صورة ده بتاءك ولا بتاء النميري؟ إنت صورة دي بتاعك؟
Post: #90 Title: Re: تجوال كامـــيرا داخل البيت!! Author: Abdlaziz Eisa Date: 08-07-2009, 08:22 AM Parent: #89
Quote: دي أهم صورة في المطبخ بس الألوان الفاقعة دي من عندك ولا من الكاميرا؟
ود صيام
إزيك..
ياخي دي أحدث صورة لي.. وانا عملت ليها إسكانينغ فقط.. أنت اللون الأحمر ده لسه عايش فوبيته!!! هونغ كونغ دي من المفترض تقلبك أحمر جوه وبرة.. يعني تكون بطيخة ما شيوعي يعني وعلشان لو رجعت أبا تاني الأنصار ما يغرقوك في الجاسر..
Quote: المرة في الجبلين- أيام الثانوية العامة- المدير بدرب فينا جمباز ترقباً لزيارة نميري واحد تنين واحد تنين
جات المرة من الدنكوج وشقت المستشفى لحد ما وقفت في الطوابير قالت بصوت عالي: يا بشير (المدير)! يا بشير صورة ده بتاءك ولا بتاء النميري؟ إنت صورة دي بتاعك؟
هي قالت يا بشير.. وما تمت الشهادة بي ( سير سير..) يا ودصيام مصيبتك مصيبة.. من المتوسطة البشير في راسك.. (في راسك دي ذكرتني ناس البلدية زمان في الضلمة...)
تحياتي
Post: #91 Title: Re: تجوال كامـــيرا داخل البيت!! Author: فيصل محمد خليل Date: 08-07-2009, 08:43 AM Parent: #90
Quote: بعدين يا عزو طالما طلعته زميل كان مفروض اول حاجة تنزل فى البوست الشعار دة..لانو مفروض يكون معلـق فى مدخل البيت
ولو انته نسيت انا مانسيت
عمك كمــال
عمو كمال
سلامات
أيام زمان في السودان كنت واضع نجمة كبيرة في مدخل الديوان وكل من يدخل يمر تحتها.. لكن أجمل شئ كان إذا دخل أو خرج هلالابي أقول له: النجمة فوق رأسك!! الآن أصبحنا نحملها كقيمة كبيرة في دواخلنا مكان ما رحنا..
Quote: ....الجنون فنون والفنون جنون الجنون جنون والفنون فنون استاذ عزو استمر في تجوالك
واطلع من المطبخ شوية اصلي عامل ريجيم
,,,رمضان علي الابواب تصوم وتفطر بلوبيا بالسمنة,,,,,, ,,,رمضان علي الابواب تصوم وتفطر بلوبيا بالسمنة,,,,,,
الأخ د سعيد زكريا
سلامات
ياخي لا الجنون فنون ولا الفنون جنون..
الفن عمل إنساني راقي بوعي واعي لإدراك غاية جمالية.. لا شئ يجمع بينهما.. المطبخ ده أهم غرفة في البيت.. ودخول الكاميرا إليه ليس لتصوير الطعام لغاية الأكل ولإن جاءت عرضا وطالها الكلام.. ودخول رمضان هذا يشجعني أكثر لدخول المطبخ.. ونتمنى لك صوما مباركا مقبولا يا عزيزي..
وشكرا على طلتك الجميلة.. ومافي داعي للرجيم لأن الصوم قريب..
Post: #129 Title: Re: تجوال كامـــيرا داخل البيت!! Author: عبدالوهاب علي الحاج Date: 08-16-2009, 07:49 PM Parent: #128
الواحد خايف يقول رايو في صور البوست دا يطلعوهو بتاع مشاكل ويطالبوهو بمحاضرة عن التصوير يعني الواحد كان جا يشيل فاتحة الا يكون مات قبل كدا خخخخخخخخخ
_____ الله يقدرنا علي خشمنا دا بس
Post: #130 Title: Re: تجوال كامـــيرا داخل البيت!! Author: Abdlaziz Eisa Date: 08-17-2009, 03:28 AM Parent: #129
Quote: الواحد خايف يقول رايو في صور البوست دا يطلعوهو بتاع مشاكل ويطالبوهو بمحاضرة عن التصوير يعني الواحد كان جا يشيل فاتحة الا يكون مات قبل كدا خخخخخخخخخ
_____ الله يقدرنا علي خشمنا دا بس
الأخ وهبـــة
سلامات
عطرت البوست بدخولك وياريت كان تكمل جميلك بالإدلاء برأيك.. الآراء المخالفة والنقدية تهمني أكثر من الثناء وتكسير التلج!!
يا ريت تجينا برأيك ونتعلم منك..
تحياتي عبدالعزيز
Post: #131 Title: Re: تجوال كامـــيرا داخل البيت!! Author: Abdlaziz Eisa Date: 08-17-2009, 04:09 AM Parent: #130
Post: #132 Title: Re: تجوال كامـــيرا داخل البيت!! Author: Abdlaziz Eisa Date: 08-17-2009, 04:11 AM Parent: #131
Post: #133 Title: Re: تجوال كامـــيرا داخل البيت!! Author: Abdlaziz Eisa Date: 08-17-2009, 04:12 AM Parent: #132
Post: #134 Title: Re: تجوال كامـــيرا داخل البيت!! Author: فيصل محمد خليل Date: 08-17-2009, 07:16 AM Parent: #133
عواسة الحلو مر
ورينا يا ود ايسا
طقوس رمضان في الجزيرة ابا
قواسيب مؤدتي
Post: #135 Title: Re: تجوال كامـــيرا داخل البيت!! Author: Abdlaziz Eisa Date: 08-17-2009, 09:14 AM Parent: #134
سلام
فيسل
أبا زي امدرمان بها تمثيل لكل قبائل وأثنيات السودان.. فالصورة الموجودة لرمضان في العاصمة هي نفسها في ابا والتي عهدي بأبا كان في 5-7-1989.. يعني هل يجوز لأحكي عن أبا بعد غياب أكثر من عقدين من الزمان.. مع وجود بورداب من الجزيرة ابا هنا..
تحياتي
Post: #136 Title: Re: تجوال كامـــيرا داخل البيت!! Author: Abdlaziz Eisa Date: 08-18-2009, 04:31 AM Parent: #135
يا فيسل الصورة دي محتاجة للفلاتية بغنوتها الرائعة ديك..
مساء اليوم ذهبت لشراء الرمضانيات في أكبر مجمع استهلاكي في سنغافورة.. تصور بحثت عن هذا القمر الدين في كل رف ولم أجده.. وقلت أنساه, ألقاك جايب صورته هنا.. طيب أرسل لي علبة أتاشمنت!! يعني السنة دي لا حلومر ولا قمرالدين!!
ربنا يهون..
تحياتي
Post: #140 Title: Re: تجوال كامـــيرا داخل البيت!! Author: فيصل محمد خليل Date: 08-20-2009, 11:22 PM Parent: #139
عزيزى عزو ..سلامات
يا خوى انا الزمن ده كلو منتظر تمشى على مكتبتك الغنائيه وتطلع لينامنها الدرر.... وعلى اى حال اسمح لى اهديك هذة الاغنية من مكتبتى وبالمره حيجيك زولنا داااك طاير و كمان بالمره اعتبره ...خم رمــاد
عمك كمــال
Post: #141 Title: Re: تجوال كامـــيرا داخل البيت!! Author: Abdlaziz Eisa Date: 08-21-2009, 05:53 AM Parent: #140
Quote: عزيزى عزو ..سلامات
يا خوى انا الزمن ده كلو منتظر تمشى على مكتبتك الغنائيه وتطلع لينامنها الدرر.... وعلى اى حال اسمح لى اهديك هذة الاغنية من مكتبتى وبالمره حيجيك زولنا داااك طاير و كمان بالمره اعتبره ...خم رمــاد
عمك كمــال
سلامات عمو كمال هذه رائعة بجد وحق.. لقد استمتعت بسماعها عدة مرات قبل أن أرد.. دي ما يتخم ليها رماد.. خليها معانا في نارها الحية.. وعشان الزول داك دايما ضهبان انا خزنتها وقفلت عليها بالضبة.. لك عاطر التحايا والشكر
تحياتي
Post: #142 Title: Re: تجوال كامـــيرا داخل البيت!! Author: الطيب شيقوق Date: 08-21-2009, 06:11 AM Parent: #141
