Post: #1 Title: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-08-2009, 08:41 AM Parent: #0
سلام
قبل ايام تناول أحد البوستات موضوع الجواز الإلكتروني الجديد والإشكالية الفنية التي شلت عمله في المطارات والسفارات الأجنبية..
وقد أورد أحد الإخوة أن جهاز المسح الإلكتروني قد عجز عن قراءة معلومات الجواز في السفارة الأمريكية بالخرطوم وقضت العملية بالعودة إلى الداخلية وإرفاق المعلومات مطبوعة على ورقة أخرى مع الجواز..
وصيغت مبررات دفاعية فيها الكثير من المغالطات التي تنفي وتنكر حوادث وقعت لبعض حاملي الجواز الجديد أو معارفهم..
Post: #2 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-08-2009, 08:55 AM Parent: #1
في الأسبوع الماضي وصل ثلاثة سودانيين إلى سنغافورة..
أثنان منهم يحملون الجواز الحالي فمروا بسر على شرطة الجوازات.. أما الثالث حامل الجواز الإلكتروني الجديد فقد سبب لهم التأخير وتبعات ذلك وهم صائمون..
رغم كثرة المحاولات وتعدد ضباط الهجرة المحاولين الوصول لطريقة يمكن أن يتم بها قراءة هذا الجواز الإعجوبة... نقل لأكثر من جهاز.. لكن النتيجة واحدة... لامعلومات!!! وبعد التحري اللازم في غرفة الكنترول طلب ضباط الهجرة من حامل الجواز ملئ استمارة البيانات بيده.. وقد شفعت له رفقة زميليه.. فلو كان لوحده.. لا ندري ما سيحدث!!!
لأن تحمل جواز سفر سوداني هي في حد ذاتها معضلة!!
Post: #3 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-08-2009, 09:43 AM Parent: #2
إلى متى يظل الجواز الجديد يحمل مشاكله؟!!!
الفترة المتبقية والملزمة باستخدام الجواز الإلكتروني ليست بالطويلة!! جواز يكلف 400 جنيها كأغلى جواز سفر ولماذا يحدث هذا!!!!!
Quote: هل الخطاء فى التقنية المستخدمة فى الجواز ام ان العيب فى تفعيلها و وضعها فى الجواز ؟
على أى حال فالمسألة واحدة واحدة . الحكومة السودانية
يا سيدى الفاضل فى محنة من أمرها فهى بين نارين .
العزيز/ الطيب قريمان
سلامات
اذا كان القائمين بالأمر لم يرتقوا لإستخدام التقنية, فكان من الأولى عدم الزج بالمواطن السوداني في متاهات وراء الحدود.. كفاية الهري المتواصل داخليا.. والمشكلة هي أيضا إشانة سمعة الوطن في المرافئ العالمية..
Quote: والانكي وامر تقوم تسافر بيهو وقبال تاخد تجدعتك في بلاد برة تلقاهو صار غير ساري المفعول -
العزيز/ شيقا
وكدا نقول هذا تهجير قسري!!
ودعوة لسودانيي المهجر بحمل جوازات السفر الأجنبية.. وعلى هذا المنوال.. نطالب بالتعويضات على الأضرار على المستوي الشخصي ومستوى الوطن الذي تمرمط سمعته مع سبق الإصرار والترصد..
فتحت مواجع.. وليد عزة!! سودان العزة.. ياهو السودان بنيله, أشجاره, ترابه وأهله الطيبين قيم عزيزة محمولة في الحشايا.. والوطن ساكن في الدواخل.. ومتوسد القليب.. ومع كل خفقة وكل نبضة ايقاع فريد مطرز بالشوق وحب الريد دمانا النيل وبعزه تسيل وبكرة تعود وقيمنا تسود فداك يا بلد المليون ميل
Quote: وين ود ام بعلو المعاك؟
لا تشاغل.. الرجل مشغول بإعادة وجه البلد المسلوب..
Post: #15 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-09-2009, 08:06 AM Parent: #14
Quote: الناس ديل فشلو فى الشغل على الكتربيلر وفى عمل شبكة الصرف الصحى
عاوزين يطلعو فى الكفر طوالى الى التكلنوجيا وعلوم الاكترونيات
والله كتيرة عليهم .
العزيز/ آدم عمر
سلام
الناس ديل لا يعرفون غير الفشل في أي شئ.. بل هم الفشل نفسه.. وكفاية مطرة واحدة عرت حكومة الظلام.. فهم بعيدين كل البعد عن التكنولوجيا..
لك تحياتي ومودتي
Post: #16 Title: Re: تـاني..!! الجواز الإلكتروني الجديـــد لا يُقـرأ!!! Author: فيصل محمد خليل Date: 09-09-2009, 08:36 AM Parent: #15
Quote: لا تشاغل.. الرجل مشغول بإعادة وجه البلد المسلوب..
افحمتني .
باللهي الجواز بقى اللكتروني وفي المطار كمان
مالو المأزون الكان بيمشي لناس العرس في بيتهم?
والله حكم
Post: #17 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-09-2009, 10:45 AM Parent: #16
Quote: باللهي الجواز بقى اللكتروني وفي المطار كمان
سي فيسل
ما كله لله يا خلّي....
Quote: مالو المأزون الكان بيمشي لناس العرس في بيتهم?
المسنوح ود البطانة أصيل لا حد يجاريك في الكلام الزين
لكن خليني أقول:
لما الزول يغوص في الغربة.. وتصليه نار الشوق.. وتتفتح في القليب بركان تحن فضاءاته وتمدد الأشجان.. وتحن مراكبه لموجة شجية ولي وتر رنان ولسانه يقول ويعيد يا بلد يا ضفة يا نيل!!
وياحنية زايدة وريدة غالبة وللضفاف واردة.. أنا ليكي مرسى
سلام من زول ترجل من زمان لكنو شايل الفرحة.. شايل الزاد للزول المسافر وللبدافر في نار االهوى الوقاد
Post: #20 Title: Re: تـاني..!! الجواز الإلكتروني الجديـــد لا يُقـرأ!!! Author: فيصل محمد خليل Date: 09-09-2009, 06:38 PM Parent: #19
Post: #33 Title: Re: تـاني..!! الجواز الإلكتروني الجديـــد لا يُقـرأ!!! Author: فاروق أبوحوه Date: 09-10-2009, 06:07 AM Parent: #31
الشي دا كيفنو ؟؟ زي الكريدت كارد يعني؟؟
ولو ما فيه فايده يكون أخير منو جواز الخشب الصومالي
حكمتو باااالغه
Post: #35 Title: Re: تـاني..!! الجواز الإلكتروني الجديـــد لا يُقـرأ!!! Author: الطيب شيقوق Date: 09-10-2009, 06:29 AM Parent: #33
Quote: إت فاكر رص الحروف ده براك فالح فيهو..
انت يا مسنوحقائل رص الحروف هو ساهل؟
للخمشة من قوقل لازم تملك مهارات الاقتباس لتكون المادة المخموشة في المقام الاول relevant to the issue وان يتم عجنها في السبيكة بصورة تغيّب عنها مظاهر التنفافر بين المخموش والمكّون المحلي المخموشة اليه المادة حتى لايكون ال out put زى حلاوة مولد .
يلا واصل لينا في الجوازات
Post: #36 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-10-2009, 06:48 AM Parent: #35
Quote: الشي دا كيفنو ؟؟ زي الكريدت كارد يعني؟؟
ولو ما فيه فايده يكون أخير منو جواز الخشب الصومالي
حكمتو باااالغه
العزيز/ أبو حواء
سلام
عدم الإلمام بالتقنيات الحديثة ما زالت من مشاكل البلد.. الناس ديل ناس شوو وبوبار.. نتمنى أن ينصلح الحال!!
تحياتي لك..
Post: #37 Title: Re: تـاني..!! الجواز الإلكتروني الجديـــد لا يُقـرأ!!! Author: Abdlaziz Eisa Date: 09-10-2009, 06:54 AM Parent: #36
Quote: انت يا مسنوحقائل رص الحروف هو ساهل؟
يلا واصل لينا في الجوازات
شيقا
الما بيعرف يخمش بيحاول يرص.. هو الكلام بفلوس..
يا مسنوح.. لو ربنا مد في عمرك حتسافر الجواز الجديد بعد 2010 ولا إت عندك jet من البردانة للسلطنة!!