السكر و النمل: حكاية

السكر و النمل

كانت فرحة لا تعادلها فرحة عندما تم انتخابي عضوا في لجنة الوابور و خاصة ان اللجنة برئاسة والدي - زيتنا في بيتنا – فزنا بالتزكية تقريبا فلقد اعددنا لهذه الانتخابات جيدا احضرنا البصات و ارسلنا السيارات للموالين واعددنا العشاء لهم في مكان قريب لمقر الاجتماع و كان لخبرة الوالد في مثل هذه الامور معينا لنا في العمل الذي استغرق منا وقتا طويلا . المهم انتهت المهمة وتم انتخاب لجنة الوابور بالكيفية و الشكل المطلوب لنا .
عدت الي المنزل ليلة الانتخابات مصطحبا معي عشاءا فاخرا و قليل من المشروبات و في اللحظة التي دلفت الي المنزل رن الهاتف
- الو مرحبا
- طبعا الليلة ماب تنوم
- ايا ابو الشباب .... مرقت بدري شايفك
- ياخي حكايتكم جاهزه ساهرتو بينا ساكت .. و بعدين يا خي بس عندي ملاحظه يا خي البطيخ الاحمر ده شنو المدخلنو معاكم والله اسمع كلامي ده و قول فضل قال لي الا يجيب ليكم الهواء
- من ناحية شنو يعني
- يا خي انت عارف طريقة ابوك في الشغل ده و البطيخ ده حيقد كل يوم يقول ليكم القانون حق الاعضاء و الكلام الذي ده
- الراجل ده انت ما عارفو ما كان شغال معاي في لجنة صيانة المدراس و انا عاجنو وخابزو كويس يعني ما تصدق صرة الوشي دي والله ده يأكل مال النبي
- اصلوا مال النبي ماشاء الله عليكم زول رافع منو ما في ... كدي خلينا في الموضوع الانا عايزك ليهو
- يا خي اصبر شوية خلينا نتوهط
- ما هو ده الوقت المناسب انا عايزك تقنع الوالد يدوك مسئولية شباب الوابور
- و دي فايدتا شنو كمان
- خلي اللعب علي ... والله ناس الحكومة عندهم ميزانية تنور الابيض راصدنها لدعم الشباب و الموضوع ده خليهو بيني و بينك و الراجل الفي مكتب الحكومة هو الخبرني ... وهسع لو انت طلبت يدوك مسئولية الشباب ما في زول حياخد فيها حاجة
- كدي الموضوع ده عايز ليهو قعدة ولو قدرت لميتني في زولك الفي مكتب الحكومة بتكون الحكاية منجضه تب
- عشان بلمك فيهو اسع .......... تعالي اول شئ النتفق و بعدين والله شهرين الي اخليك تشتري الكورلا يا لا مع السلامة وبكره تعالي بغديك

نواصل

الجزيرة التي نسكن فيها ممتدة الاطراف و 70% من سكانها متكدسون في ركن من اركانها ولذلك تكون في هذا الطرف اختناقات مرورية اغلب الوقت مما اخرني عن دعوة الغداء المشروطه من اخونا فضل .
- قلت كيف موضوع الشباب ده
- شوف مواضيع الشياب كتيرة تبدأ بي فريق كوره و طبعا الفريق لازموا تجهيز و لازمو ملعب للتمرين وبص للمشي للمباريات ونثرية عشان الوجبات و الردبول وده كلوا من وين .... من مكتب الحكومة و ده دوري انا ....... بس انت اسمع الكلام وحقك يجيك لي عندك
- لكن ناس اللجنة ما ..
- ما تمأمأ لي من هسي هم حيدفعوا حاجة ما بس يجوا في المناسبات يتصورا و يسرقوا انجازاتك ... و بعدين دي يعني حتقلب ابوك الدخل عوض ممثل للمرأة في اللجنة يعني نقول ليهو عوضية بعد كده
- طيب الزول في الحكومة دي نقابله ...
- ايش ليك بيهو ........... انتو ماب تخلو اموركم دي و بعدين نوع الاستعجال بتاعك ده ما ياهو الجاب ليك الكلام في صيانة المدارس انت قايل الناس نسو ولله شنو .... هدي اللعب شوية والله وماك طالبني حليفه الراجل في مكتب الحكومة هو ذاتو قال انت زول مكشوف ة متسرع و ملقوف و كلمة كده ما عرفتها تقول علي رشيق ... انت رشيق يعني شنو .
- ما عارف
- والله تكون زعلتك .... عليك الله معانها شنو
- يعني زول خفيف و بتكبس الناس و بيطرح نفسو في اي موضوع و خاصة الجكس
- لا عاد كان كدي ما تزعل منو ... و خلينا في المهم من هس و من بكانك ده علي ناس ابوك و تقولوا انا ما عايز اكون طرف في حجج البابور بس ادوني مسئولية الشباب المهم في فريق كوره و الطلبة نعمليهم دروس تقوية و نريحك من لمتهم كل يوم في حوش البابور
و نواصل

99

100

كنت انوي انقدم لاجتماع لجنة الوابور برنامج عمل سكرتارية الشباب خلال افترة القادمة ولكن الوالد قال ما مهم وما في داعي تفتح عيونهم وتخت حبل في رقبتك كل مرة يجروك منو .... الوالد خبره طبعا اتنين وعشرين سنة رئيس لجنة الوابور .
مر الاجتماع كالطيف دخل الوالد وقال بلا يا جماعة نخلص موضوع توزيع المكاتب عشان نحصل المقابر وبسرعة تم كل شئ و اسندت الي مسئولية الشباب و اقترح البطيخ الاحمر ان يتم تخصيص ميزانية و لفحو الوالد بكلمتين وصهين عن الموضوع .... كان حبيقا لي في عزيزتي ... ما طبعا مجرب لحس الاصابع من ايام صيانة المدارس.
جائني فضل وذهبنا في زيارة الي المكتب الحكومي وكان فضل قد اشترط علي عدم قتحي لاي موضوع بس هي زيارة تعارف .
ودخلنا الي الصالة الكبيرة امام الاستقبال و كان هنالك جهاز تلفاز يبث برنامج ساحات الفداء ولم نمكق كثير ا حتي جاءنا واحد من الاستقبال وقال الراجل منتظركم .
قدمت شرح موفي للمسئول الحكومي عن تصوري لادارة قطاع الشباب بلجنة الوابور وعن الدعم المعنوي و المادي المتوقع منهم وابدي المسئول اهتماما ازعج اخونا فضل جدا واتفقت مع المسئول ان اتواصل معه في كل الخطوات ولكنه طلب ان يكون كل لاشئ بيناتنا لانه تدخل المكتب الحكومي علنا سوف يثير كثير من المشاكل و لم يفت ان بطمن المسئول اخونا فضل من أن له دور مهم ومجدي في هذا العمل و لن تنسي له الحكومة ولا المؤتمر خدماته الجليله و المستمره.

نواصل

101

ياخ ساهرت بينا وما عاوز تكمل

علا يا الاخو

ما عندكم لي شغله في بابوركم ده

انشاء الله ادورو ليكم بس

اتصلت ليك ما رديت

مشغول يعني

اخونا عباس
سلامات

Quote: اتصلت ليك ما رديت مشغول يعني

لا مسافر


ساهر انت وراك حاجة
و ربك كريم

جائني الفضل في المكتب و معه سندوشات وبدون مقدمات فرشها علي المكتب وامر الفراش بعمل الشاي وقفل الباب
- اها يا باشمهندس دخلنا في الجد عايزيني اي مناسبة نعمل فيها برنامج جماهيري
- مناسبة شنو هسع لا في عيد وطني و لا في مناسبة دينية
- لا في بس لانك راجل تقليدي و عايز تسوي زي ما الناس بتعمل لازم حاجاتك تكون متميزه
- زي شنو
- نحن اليوم كم في الشهر العربي
- كدي النشوفو في الجريده اها 6 جمادي الاخري
- حلو ..... انت عارف انه يوم 20 منه حولية سيدنا ابو بكر الصديق
- يا خي ما تجننا دي قبل كده ما في زول احتفلبيها
- ما انت حتكون اول زول علي الاقل في جزيرتنا دي و في حوش بابورنا ده
- لكن كيف
- كدي اول حاجة تعمل ليك لجنة مساعدة وتعتمدها من ناس لجنة الوابور و اللجنة دي بس من تلاته اربعة انا حكون مسئول المالية وحسن اخوك بتاع الفعاليات و ميرغني علاقات عامة وطبعا بحكم موقعك حتكون رئيس اللجنة
- لا كن حكاية الحولية دي كيف
- كدي اعتمد اللجنة في الاول و في الوقت ده انا بكون جهزت ليك التمويل من الزول في مكتب الحكومة
- طيب اصلو الاجتماع الليلة بجهز الطلب واخليهو علي التوقيع لكن في مشكلة يا خ فرناس ده زاكيني من اول يوم عايز اشتغل معالك عايز اشتغل معاك اها نعمل معاهو شنو
- فرناس الفتان .... مالو دخلوا بنقدر نستخدمو

Quote: و طبعا الفريق لازموا تجهيز و لازمو ملعب للتمرين وبص للمشي للمباريات ونثرية عشان الوجبات و الردبول وده كلوا من وين ....

والله تجهيزاتك دي لو عملوها لمازدا
كان جاب كاس العالم

شكرا للإمتاع

الشاعر المرهف

شكرا للمرور و الاطراء

Quote: والله تجهيزاتك دي لو عملوها لمازدا كان جاب كاس العالم شكرا للإمتاع

هو مازدا لسه بيدرب

والله ماعارف اقول ليك شنو مافهمت شي

لاكن السرد رائع دي كيف انا زاتي ماعارف

سلاماااات

الاح هاني

تحياتي

Quote: والله ماعارف اقول ليك شنو مافهمت شي

حتي انا تتصور؟

تم كل شئ بسهولة في وصاني الوالد ان لا اقدم التصور لو حضر البطيخ الاحمر ولقد كان حضر البطيخ الاحمر بداية الاجتماع وستأذن بأن لديه ارتباط اسري وذلك عندما علم ان مناقشة الميزانية أوجلت للاجتماع القادم .
ثمن اعضاء اللجنة التصور العام عن النشاط الشبابي و الرياضي و خاصة المقترح الخاص بالاحتفال بالمناسبات الدينية مثل حولية سيدنا ابوبكر الصديق رضي الله عنه وانها تشد وتفيد الشباب بمعرفة تاريخ وثقافة دينهم و اكد احد اعضاء اللجنة انه سوف يحضر عدد من الفقهاء و الواعظين من مكتب الشئون الدينية ليقيموا ليلة خطابية و دروس عن سيرة سيدنا ابوبكر الصديق رضي الله عنه في ليلة المهرجان وخاصة ان المهرجان سوف يجذب الشباب .
وتم التأكيد ان يتبرع اعضاء اللجنة تبرع شخصي لدعم فعاليات الاحتفال . وذهل صديقي فضل عندما عرضت عليه نتيجة الاجتماع
- لكن ابوك ده كان سموهو الثعلب ما خاتين عليه .... المهم ادعوا اللجنة المساعدة ما دام اعتمدوها ليك لي اجتماع اليوم
- حار حار كدي
- ايوه احسن ... انا زول مكتب الحكومة زبطتو ليك و الاتفاق كالاتي نحن نعمل ميزانية البرنامج بالداينو كلو وبعدين نضربها في اتنين وهو يعمل الشيك بإسمك الشخصي وبعد تصرف الشيك هو يأخد النص
- و بعدين الاوراق و المستندات حتكون مختلفه
- ده شغلي انا عندي ايصالات الوابور القديمة و الاختام القديمة و بالنسبة لحجات الحنشتريها من السوق ما ليك دعوه انا بجيب لك الفاتورة بالقيمة النحن عايزنها
- انت حتودينا في دهية يا خ
- كدي عاين لي ابوك قلبوا زي الحديد و عامل رايح ودهشان والله حقو تعمل ليهو حوليه عديل كدا

مر اجتماع اللجنة المساعدة بإستغلال فرحة الاعضاء بتعينهم في اللجنة و عرض عليهم برنامج الفعاليات و تم عمل تكليفات بخصوص تجهيز الملعب و الضيافة و طلب منهم في حدود التكليفات ان يحددوا المبالغ المطلوبة لتنفيذ الاعمال علي ان تكون جاهزة مساء الغد

تم اعداد ميزانة الفعاليات و تحدثت هاتفيا مع الرجل في مكتب الحكومة وناقشني في تفاصيل تفاصيل الميزانية و طلب مني ان اكلم فضل لتحضير خطاب تفويض من اللجنة لي لكي استلم الدعم وشطب رأسي كيف لي بمثل هذا الخطاب و الذي لابد ان يعرض في اجتماع اللجنة و علي الفور اتصلت بفضل الذي رد علي غاضبا
- اصلوا حركاتكم دي وراثة اظنها ؟ ابوك كان مغلبني كده كل ما اقنطرلو شئ القاه نطه من قدام .... الموديك تتصل بالراجل شنو يا خي كان داير الشغل ده يمشي و تأكل الشهد اعمل الشئ البنتفق عليه و بهدين شغل خاينه خايفه بيدخلك في الحيطه تاني ونش ما يحلك
- يا خ انا قلت بس اوفر الزمن
- الزمن موفره مالك دافع عليهو اوفرتايم .... عموما خطاب التفويض جاهز و خليك جاهز بكره علي العشره نمشي نستلم الشيك من الراجل و نصرف و نديهو حقوا علي الجلد
- عشره نتقابل وين ..... تجيني المكتب ولا نتلاقي في مكتب الحكومة
- عشرة خليك في المكتب وانا بتصل فيك ... واعمل حسابك ابوك ما يشم خبر و لا يعرف انا معاك في الموضوع لانه لو عرف حتطلع اباطك و النجم .... و خلي الشفقه و خليك راسي و بطل الشوبير لانو نحن داخلين علي الجد جد
- بس ما قلت خطاب التفويض حليت موضوعه كيف
- عايز تعملي قصة سيدنا موسي و الرجل الصالح .... وانا كم مره اشرحلك .... ما تفقع لي ######### يا خ شوية شوية بيجيك العلم كله ما تستعجل علي رزقك .... والله فعلا يموت غزال برزق كلب .... بكره الساعة عشرة شوكة

خرجنا من بنك النهرين فرع شارع الاسعاف بعد صرف الشيك و وجدنا الرجل من المكتب الحكومي في سيارته المعتمة زجاج النوافذ في انتظارنا و في حركة بهلوانية اخذ فضل المظروف من يدي و دلف الي السيارة قائلا انتظرني دقيقة
ارجع لي فضل المظروف فإحتطنته بخوف و شغف وعاد لي الوعي
- في شنو يا خي و ليه الحركات دي هس ما كان ممكن اتصرف معاك اي تصرف
- يا خ خليك من الكلام الما ب يودي و يجيب اسمع البلغ الموجود في الظرف ده نصيبك
- واها المهرجان كيف لاكن
- ما دي المفاجأة تطالب ناس اللجنة المساعدة يدعو الفرق للتسجيل و تشوف مبلغ الموازنة و تقسمه علي عدد الفرق وتقولهم رسوم التسجيل كده و خلي ناس اللجنة يتلزموا بمصاريف العشاء وغيروا
- لكن الفرق دي شباب و طلاب و ما عندهم
- ما ليك دعوة انا بنظم لهم مع مكتب الحكومة
- وانا ..........
- انت احمد الله علي ظرفك وفحط
- لكن ابوي....
- ابوك خليهو ماب يجيب خبر ده بعاين لي قدام انت عارف هو معارض نيفاشا ليه .... عشان كان عايز يعمل رسوم لي زاد المجاهد


*********************** انتهي *******************************************